|
|
 الأخ علاء الدين رجاء أوقف هذه العبارات العنصرية...
|
سلامات...
يعني من دون أي سبب يا علاء بديت فى هذا البوست
كنا فى حفلة ليلة
بزج هذه العبارة
Quote:
يا زول أنا شايقي شمارات شنو؟؟؟ نحن الشمارات دي بيجيبوها لينا رقيقنا رايك شنو؟؟
|
مازلت أعتقد ان ما تقوم به هو نوع من ردة الفعل تجاه البعض هنا...
الا اذا قمت بأثبات العكس...
هذا السلوك عندى مدان يا علاء وان كان ردة فعل...
المثل السوداني بيقول...انت كان عاجباك نفسك... نحن برضو العزة فينا...
أنتهى زمن العبودية يا أخي علاء.... حا تقول لي ما أنتهى فى بعض مناطق السودان ولسه فى منطقتنا والخ...
أقول ليك موافق معاك 100%...
لكن أنتهى عهد العبودية لكل من تعلم وفقه ان الانسان حر نفسه وهذه مسئولية ما تعلمناه ملقاة على عاتقنا ( متى أستعبدتم الناس وقد ولدتهم امهاتهم أحراراً)...
ما تكتبه يا علاء قد يجد الاستحسان عند جدودك وحبوباتك... لكن لا أظنه مناسب لك أو لابنائك من بعدك...
نحن جيل جديد يا علاء...نتعلم كل يوم ان الحروب فى بلدنا قامت على هذه العنصرية البغيضة..فلنعمل على إيقافها... موش نزيد فيها ونعمقها...
بعدين يا علاء ما أتصورت اني ممكن يوم أكتب الكلام ده لزول مؤسس موقع للتجارة الالكترونية..القائمة على اللاجنسية واللاحدود.... هل مازال فيك جاهلية القرن السابع؟
سأظل أردد...انني أنتسب لقبيلة فى السودان تسمى "الجعليين" ولكني لن أزعم ان جدي هو العباس رضى الله عنه لانتهى لأني عربي الدماء! وما الذي يفيد فى ذلك... اذا فرضنا ان جدنا كان المدينة المنورة كمدينة..هل يزيد أو ينقص ذلك من آدميتنا شيئاً؟
فلنتذكر قوله تعالى: ( يا ايها الناس انّا خلقناكم من ذكر وانثى وجعلناكم شعوباً وقبائل لتعارفوا ان اكرمكم عند الله اتقاكم). وليس (شايقيكم أو جعليكم)...
وقول رسولنا (صلعم): يا فاطمة اني لن أغني عنك من الله شيئاً...
سأظل سوداني فقط... مآخياً لكل سوداني آخر... طامعاً فى سودانية الجميع...
فلنلعن العنصرية يا علاء.... وحسبت ان سكوتي عن مثل هذا الكلام هو عين التخاذل عن نفسي أولاً.
لعن الله العنصرية...
مع الودّ
|
|
 
|
|
|
|
|
|
|
 Re: الأخ علاء الدين رجاء أوقف هذه العبارات العنصرية... (Re: AnwarKing)
|
الحبيب جداً أنور كنج
طبعاً لو كتبت ليك بلطف سيفسر ضعف من الجهات التي تقارعني في البورد و هم البادئون ولكن لأن لأنور معزة خاصة في النفس فمهما كتب لن يعلو صوتي فوق صوته.
يا ملك كان ممكن ترسل لي إيميل و إنت عارف عنواني و أنا اديك التفسير بهدوء لأنك منقطع ليك فترة و ما متابع.
أدخل و أقرأ في بوست الشوايقة سليلو النوبة و بناة حضارتهم و أقرأ البوست حق عنصري البورد و بوست خليل إبراهيم دكتوراة في العنصرية النتنة ، شوف منو الجا و قال عبيد و أسياد.
ما حأديك الرابط عشان تجتهد لمعرفة الحقيقة.
و أعمل بحث في البوستين ديل شوف كلة عبد و سيد جات من منو و مين كان بادي قبل تستعجل يا أنور.
و أخيراً يا أنور أنا أعمل بسياسة لكل مقام مقال
لك معزتي الخاصة جداً
علاء
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: علاء الدين يوسف علي محمد)
|
الحبيب أنور
هل يعقل إنو بدون أسباب أكتب الكلمات التي إقتبستها بالأعلى ؟؟؟ طبعاً ما ممكن و مادام ما ممكن راجع البوستات القلتها ليك.
و بالمناسبة إنت قلت بديت هنا و أنا بقول ليك لا أنا بديت في حتات تانية و كلها بأسباب.
و بوست عنصري البورد مفتوح مخصوص عشاني و كان نتاج لحديث لم يقوى صاحبه على المواصلة في بوست الشوايقة راجع و تأكد
و مرة تانية لك كل المعزة و الإحترام
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: علاء الدين يوسف علي محمد)
|
الحبيب علاء...
كتابتي للبوست لم تكن صدفة فانا تابعت بالفعل الكثير مما كتب فى هذه البوستات...
واعرف قصدك ان هناك البعض ممن يصطادون فى المياه العكرة...
لكن يا علاء ما تكتبه هنا على الملاء ان مسئول منه مسئولية تامة امام الله واما نفسك والقراء هم شهود على ذلك...
كيف تريدني ان أبادلك إيميلات لتوضيح ما سألتك منه هنا على الملاء بناء على ما كتبته على الملاء...
أكاد أقرأ نوع من المكابرة فى عبارتك هذه :
| Quote: طبعاً لو كتبت ليك بلطف سيفسر ضعف من الجهات التي تقارعني في البورد |
فليكن لك موقف معلن من قضية العنصرية مهما أستفزك الناس يا علاء... وانا شخصياً مؤمن بان شخصية احدنا يجب ان تكون واحدة وليست مزدوجة تعبر عنها ما نكتبه هنا...
والا فسيكتب كل منا خلاف ما يؤمن به ويقوم بتوضيح خاص لمن يهمونه فى البريد او الرسائل الخاصة..
القضية-العنصرية- ليست موضوعاً صغيراً يا علاء...مات الكثيرون فى بلدنا من أجله وما زالوا يموتون...
فهلا لعنت معي العنصرية يا علاء!
أنور
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: علاء الدين يوسف علي محمد)
|
الحبيب Anwar King
| Quote: نتعلم كل يوم ان الحروب فى بلدنا قامت على هذه العنصرية البغيضة |
صدقني ياأخوي أنور التفكير الذي يفقه النص
ويفهم الواقع
ومعطيات العصر
ويحيط بمعرفته، ويبصر الأسباب والسنن التي صنعته، ويتعرف بدقة على الإمكانات والإستطاعات، ويحدد مدى التكليف الشرعي المطلوب والممكن في كل مرحلة.
يكون مدراكاً للتداعيات والعواقب والمآلات.
وغير خاضع للإثارة والإستفزاز.
مستجيباً لقول الرسول صلى الله عليه وسلم [ليس الشديد بالصرعة، إنما الشديد الذي يملك نفسه عند ال غضب] (متفق عليه عن أبي هريرة).
وقال الله تعالى في سورة يونس: [فكفى بالله شهيداً بيننا وبينكم إن كنا عن عبادتكم لغافلين]. (يونس الآية 29)
نحن حقاً يا أخي نحوم حول فضاءات الوطن الرحبة التي شكلت وجدان هذا الإنسان السمح
فعند أمر بأم دبيكرات أعلم جيداً أن هناك يرقد شهداء قدموا حياتهم رخيصة، فداء لهذا الوجدان ولوذي الجباه العالية.
فأنا عندي الوطن وجدان
ولكن عند غيري الوطن هو عبادة الإنسان
فأنا أحوم في تلك الفضاءات الرحبة
وأمشي متكئ على إرث ديني يمنعني التصعير للخدود
أما مسألة البوستات السابقة فتلك عداوة غيري رميتني بها أيها السنجك المضحمل فكرياً
فهذا الخواء الفكري جعلك تؤذن فينا هيا لعلي محمد عثمان طه
وكأن لا أريكم إلا ما أرى نلبسها غصباً عنا
أنا يا أخي الحبيب لا أكره على عثمان محمد طه لأنه شايقي أو دينكاوي
أنا أدعو على عثمان محمد طه إلى دولة المؤسسة وسأكون أول مصوت له بمبدأ الديمقراطية
فأنا أكرر في وجداني وطن وأنت في وجدانك أيها المعفون بجيفة العنصرية حتى النخاع إنسان.
فإليك أردد قول أخي أنور إن كان لك رأي في الأصل وددت تجريعه لنا حتى الثمالة فنحن لنا آراء وآراء.
فمعني التثوقف الإنحطاطي لا يرقى إلى مصاف بناء دولة.. ونحن هنا لنرأب ما أنصدع!!.
لكم ودي
عبدالرازق عيسى الطالب
| |
|
|
|
|
|
|
|
|
|
Re: أنقصّا كان فهمتا حاجة يا عبد الرازق... (Re: A.Razek Althalib)
|
الحبيب عبد الرازق..تحياتي يا أخي..
Quote: أنا يا أخي الحبيب لا أكره على عثمان محمد طه لأنه شايقي أو دينكاوي
أنا أدعو على عثمان محمد طه إلى دولة المؤسسة وسأكون أول مصوت له بمبدأ الديمقراطية
|
أتفهم تماماً هذا الرأي... وكثيراً ما تورد عبارة ان السودان شمالي الحكم مقرونة بال(شايقي على عثمان محمد طه)...
وحكى لي أحد الاصدقاء ان الرئيس البشير فى احدى زياراته لوزارة الطاقة...وجدها (مشلخة شايقي) فقال لعوض الجاز (شوقنتها يا عوض)...
ولا يخفى عليّ ولا عليك ان السؤال من قبيلتك أو أهلك أو أي نوع من التغليفات الاخرى يبتدر فى كل بداية نقاش بين السودانيين...
ليس الحديث فى هذا المقام...انما الحديث عن مستوى تناولنا لقضية أساسية هى العنصرية يا سيدي..
ما نريد ان نتفق عليه كلنا هو اننا باختلاف عرقنا أو دياناتنا الخ...
أصحاب وطن أسمه السودان... فليكن ان لا فضل لجنس على جنس وان تفوق فى خدمة ذلك الوطن...
فدوام الحال من المحال يا سيدي...اليوم يخدمه فلان وغداً علان طالما هو وطن واحد...
لك الودّ واعتقد اننا متفقون تماماً بشأن قضية العنصرية...لعنها الله...
مع الودّ
أنور
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: حمزاوي)
|
و الشخص اللي أنا كتبت ليهو الكلام الإنت إقتبستو جا يذكرني بأفعال الخليفة عبد الله التعايشي مع الشماليين أول بداية فعلية في السودان لسياسة الإبادة و الحسبة ، و هو جاني راسو مغبر من بوست تاني من المذكورات أعلاه يعني جاي راقد ليهو فوق راي و ردي كان برضو فيهو من غبار البوست داك.
فهل حلال على بلابله الدوح حرام على الطير من كل جنس.
إعدل يا أنور و ما تستعجل
مع المحبة
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: مريم بنت الحسين)
|
أنور الحبيب
لعنتها والله قبل كدة في بوست لا أذكره جاني واحد قال لي نفس العبارة قلت ليهو والله لاعن أبوها لكن ديل بيخلوني أقول ليهم الكلام دة.
مريم
مقدر جداً حضورك الجميل
و عشانك إنتي و أنور أوعدكم ما أكتب ولا كلمة تاني في البوستات ديك و معاكم ألعن العنصرية.
و عشان خاطركم تهون كل الصعاب و نبتلع مر الكلام
| |
|
|
|
|
|
|
|
|
|
Re: سجمنا...أمونة جااااااااااااااااااااااات... (Re: محمد حامد جمعه)
|
الأخ محمد حامد جمعة...
حتى لا تتكرر البوستات ونفتح الكثير منها...
العفش داخل البص...مسئولية صاحبه...
يترجم هذا المثل فى البورد هنا...ان أي مداخلة أو مسلك مشين داخل البوست يعود على صاحب البوست الاصلي ...
مالم يقوم/تقوم بادانة هذا المسلك...
أنت تعرف علاء بالكاد,,, وقد قرأت ما كتب فى البوست المعني...لماذا لم تقوم بنبيهه أو معاتبته أو نهييه عن ذلك؟
الا تعتقد ان هذه مسئوليتك فى ذاك البوست؟؟؟
مع الودّ
أنور
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: مريم بنت الحسين)
|
Quote:
و عشانك إنتي و أنور أوعدكم ما أكتب ولا كلمة تاني في البوستات ديك و معاكم ألعن العنصرية.
و عشان خاطركم تهون كل الصعاب و نبتلع مر الكلام |
الله يجبر بخاطرك يا علاء... ومنذ كتابتي للبوست لم أشك بأنك عنصري ابداً لذلك ميّزت ذلك وناشدتك كأخ لترك ذلك...
وها أنت تستجيب لاصلك الطيب وترمي بالخبيث الذى لا يشبهك وأجيالنا الجديدة كالجفاء الذي لا ينفع الناس...
ولنتحرك لما ينفعنا يا علاء... انت ومريم مدعوان للمشاركة فى هذا البوست الذى يرسم تحركات العالم السريعة:
العالم يتغير بسرعة من حولنا.. اقرأوا معي
لكم المودّة والاحترام...
أنور
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: علاء الدين يوسف علي محمد)
|
مكرر
الحبيب Anwar King
| Quote: نتعلم كل يوم ان الحروب فى بلدنا قامت على هذه العنصرية البغيضة |
صدقني ياأخوي أنور التفكير الذي يفقه النص
ويفهم الواقع
ومعطيات العصر
ويحيط بمعرفته، ويبصر الأسباب والسنن التي صنعته، ويتعرف بدقة على الإمكانات والإستطاعات، ويحدد مدى التكليف الشرعي المطلوب والممكن في كل مرحلة.
يكون مدراكاً للتداعيات والعواقب والمآلات.
وغير خاضع للإثارة والإستفزاز.
مستجيباً لقول الرسول صلى الله عليه وسلم [ليس الشديد بالصرعة، إنما الشديد الذي يملك نفسه عند ال غضب] (متفق عليه عن أبي هريرة).
وقال الله تعالى في سورة يونس: [فكفى بالله شهيداً بيننا وبينكم إن كنا عن عبادتكم لغافلين]. (يونس الآية 29)
نحن حقاً يا أخي نحوم حول فضاءات الوطن الرحبة التي شكلت وجدان هذا الإنسان السمح
فعند أمر بأم دبيكرات أعلم جيداً أن هناك يرقد شهداء قدموا حياتهم رخيصة، فداء لهذا الوجدان ولوذي الجباه العالية.
فأنا عندي الوطن وجدان
ولكن عند غيري الوطن هو عبادة الإنسان
فأنا أحوم في تلك الفضاءات الرحبة
وأمشي متكئ على إرث ديني يمنعني التصعير للخدود
أما مسألة البوستات السابقة فتلك عداوة غيري رميتني بها أيها السنجك المضحمل فكرياً
فهذا الخواء الفكري جعلك تؤذن فينا هيا لعلي محمد عثمان طه
وكأن لا أريكم إلا ما أرى نلبسها غصباً عنا
أنا يا أخي الحبيب لا أكره على عثمان محمد طه لأنه شايقي أو دينكاوي
أنا أدعو على عثمان محمد طه إلى دولة المؤسسة وسأكون أول مصوت له بمبدأ الديمقراطية
فأنا أكرر في وجداني وطن وأنت في وجدانك أيها المعفون بجيفة العنصرية حتى النخاع إنسان.
فإليك أردد قول أخي أنور إن كان لك رأي في الأصل وددت تجريعه لنا حتى الثمالة فنحن لنا آراء وآراء.
فمعني التثوقف الإنحطاطي لا يرقى إلى مصاف بناء دولة.. ونحن هنا لنرأب ما أنصدع!!.
لكم ودي
عبدالرازق عيسى الطالب
أنا يدوبي جيت وأنتو قفلتو خالص بالصافية لبن
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: علاء الدين يوسف علي محمد)
|
أنور معليش أسمح لي لتوضيح بسيط أتمنى إنو ما يطلع البوست من نية رأب الصدع.
عشان تعرف إنو العنصرية دي ما فيني
كتبت بوست قبل كدة عن رحلتي في دارفور لمدة شهر كامل برغبة التعرف على المنطقة و أهلها في إجازتي الأخيرة للسودان و كتبت عن واقع شفتو هناك من طيبة و تسامح لدرجة قلت في البوست إنو أحد العوائل لصديق تعرفت عليه في الأيام القلائل هناك زوجتو كانت حامل والله حلفت تسمي ولده على إسمي رغم إنو معرفة 30 يوم بس و جيت راجع السعودية وواصلت إتصال عليهم في بيتهم بقوا خلاص جزء مني و من حياتي لحدي ما ولدت "علاء الصغير" و متابع الإتصالات برضو لحدي ما أدوني الخبر الشوم إنو أبو علاء الصغير مات في وادي كسارة على أيدي المتمردين برصاصة إخترقت رأسه.
تعرف قالوا شنو يا أنور ؟ قالوا كوز بتلميح مبطن و رحلتي كانت على حساب الحكومة.
يا أنور أنا متربي و مولود في إشلاق و إنت عارف الإشلاقات لحم راس جار محسي و التاني حعلي والتالت جنوبي و الرابع فوراوي.
والله بينا حب و عشرة ما تتخيل ، و الخروج عن النص كان لأسباب أرجو ألا تعود
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: A.Razek Althalib)
|
الحبيب عبد الرازق...
الف شكر ليك على المشاركات الطيبة...
أعتقد اننا نتربى على العنصرية فى السودان بقصد أو بدون قصد فى بعض الاحيان...
فكلام الاخ بشاشة الواضح كالشمس فى هذا المثال:
لا تجد ابداً شمالي يعمل كخادم فى منزل جنوبي مثلاً مع أعتيادية هذا الشئ فى الشمال...
هذه الحظوة بالميلاد,,, يجب ان تنتهى ويصبح الجميع متساوون من أجل الوطن...
والا فالانفصال خير للجميع...
لا يعقل ان نكون انا وانت أخوة فى بيت واحد... ولك أكثر مما لي على المستوى الشخصي كده وببساطة شديدة...
لك الودّ وأعتقد ان جميع حبوباتنا من كل بقاع السودان... ولا تخصيص...
أنور
| |
|
|
|
|
|
|
|
|
 Re: الأخ علاء الدين يا ود الاشلاق... ما يكون ده الاشلاق الكسروه؟ (Re: AnwarKing)
|
Quote: كتبت بوست قبل كدة عن رحلتي في دارفور لمدة شهر كامل برغبة التعرف على المنطقة و أهلها في إجازتي الأخيرة للسودان و كتبت عن واقع شفتو هناك من طيبة و تسامح لدرجة قلت في البوست إنو أحد العوائل لصديق تعرفت عليه في الأيام القلائل هناك زوجتو كانت حامل والله حلفت تسمي ولده على إسمي رغم إنو معرفة 30 يوم بس و جيت راجع السعودية وواصلت إتصال عليهم في بيتهم بقوا خلاص جزء مني و من حياتي لحدي ما ولدت "علاء الصغير" و متابع الإتصالات برضو لحدي ما أدوني الخبر الشوم إنو أبو علاء الصغير مات في وادي كسارة على أيدي المتمردين برصاصة إخترقت رأسه.
تعرف قالوا شنو يا أنور ؟ قالوا كوز بتلميح مبطن و رحلتي كانت على حساب الحكومة.
يا أنور أنا متربي و مولود في إشلاق و إنت عارف الإشلاقات لحم راس جار محسي و التاني حعلي والتالت جنوبي و الرابع فوراوي.
والله بينا حب و عشرة ما تتخيل ، و الخروج عن النص كان لأسباب أرجو ألا تعود |
بالله شوف طيبة الناس دي كيف يا علاء...يعني أسي فى علاء فى دارفور مسمى عليك... والله حاجة مفرحة تدل على كم احبك الناس هناك...
والبركة فينا فيكم فى وفاة والد أبو علاء... 
بالله يا علاء طلعت ودّ أشلاقات...زي أبوي يعني...
ياخي كلنا فى الآخر أولاد ودّ الاحد...
مافي زول شايل منها حاجة يا علاء....
أنور
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: ست البنات)
|
ست البنات لي حدهن...
سلامات..
قريت المداخلة الاولى لك وكان ردي عليها هكذا...
يقول الرسول (صلعم): لا تعينوا الشيطان على أخيكم...
بمعنى ان لا داعي لأن نتنادى ونحول الموضوع من كونه لفت أنتباه لشئ لا نحسبه فى الأخ علاء الى شكل محاكمة لا نستطيعها فى هذا الفضاء الإسفيري...
بما أن الأخ علاء قد أستجاب لدعوة كل من الاخت مريم\لنا\محمد حامد وشخصي وبقية المتداخلين..أرى ان من المستحسن ان يقفل الموضوع أو يحوّل الى جانب آخر من النقاش أو الونسة...
أرجو ان تفهمي قصدي كما يجب... وكلك فهم وذوق يا ستهّن لى حدّهن...
كما ان الرد على المداخلة-التصليحة- الاخيرة هو...
يا ستي ولا يهمك...تحصل فى أرقى البوستات والجاتنا فى مداخلة محذوفة... جلتّنا
لك الموّدة والاحترام...
أنور
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: ست البنات)
|
أنور الملك
ياخي حياة الإشلاقات دي مبالغة دايرة زول زي محمد حامد جمعة دة يحكيها بصياغة مهضومة.
إشلاقنا كان زي 200 بيت من كل الأجناس و الديانات "مسلمين و مسيحين" لو جيت دقيت الباب عيب ، ولو ما دخلت و حدك باب المطبخ ما خاتي الحالة واحدة لو ما جيت دقيت صيوان العرس تاني يوم ما تجي تقعد في العمود و ما بتخش في صحن البوش ولو مات زول إتنين صباح لازم تجو العمود وتوزعوا المهام ناس المقابر و ناس الصيوان وواحد يمشي الإذاعة و إتنين تلاتة عليهم تبليغ الأهل في أنحاء العاصمة.
كلنا في خلطة واحدة حفلاتنا لحدي الصباح تشوفنا و تقعد معانا تعرف إنو ألفاظ القبلية و العنصرية دي ملغية من القواميس.
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: علاء الدين يوسف علي محمد)
|
عارف يا علاء...
واحد من ناس الاشلاق ديل...لما هدموه ناس الحكومة دي... مشا هناك وقاعد يبكي... ويجعرّ...
ناس الاشلاق علاقاتهم حميمة بطريقة أبداّ ما معقولة...
ولو ربنا غضبان عليك...أعمل ليك شكلة مع واحد منهم... بيبقا عليك حكاية تفرق دمه بين القبائل زاته...
انا ما عشت فى أشلاق... لكن من زملاء الدراسة فى بورتسودان ناس كانوا منقة عدييييييييييل...
والاشلاق عندنا فى بورتسودان بالذات أشلاق سجن البوليس...موقعوا أستراتيجي عديل كده يا علاء..
لكن شايف الجماعة ناوين عليهو برضو...
جا عبد الرحيم محمد حسين بورتسودان ومدّا عصاتو وقال...أعملوا مستشفى هنا... هنا دى فى مدخل المدينة مع الاشلاق كده!
الله يكون فى العون ..لكن زى ما قلتا انو الاشلاقات نموذج مصغر للتعايش بين القبائل المختلفة فى السودان...
لك الودّ يا صديقي...
أنور
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: A.Razek Althalib)
|
أنور الحبيب
في ظل التسامح الذي يسود هذا البوست من أوله لآخره إسمح لي أن أضيف بعض المشاهد العالقة من رحلتي لدارفور.
أولاً و أقولها من القلب و قد زرت العديد من الدول "أجنبية و عربية" و سحت فى شتى أنحاء المعمورة ، أجمل رحلة في حياتي رحلتي لدارفور ، حأديك مشهد من القطار لأنو سافرت ذهاباً بالقطار لأقف على المناطق و الدور في الغرب الحبيب ، من ركبت القطر لقيت جنبي أسرة مكونة من مرتين أخوات كل واحدة ببتها في عمر الشباب ، من أهل نيالا ، في طرف قصي من نفس العربة التي كانت تحوينا من هذا القطار كان هنالك نقاش "عنصري بحت" بين جنوبي وعدد من أهل الغرب و عدد من أولاد الشمال تتعالى أصواتهم بين الفينة و الأخرى و تخال أن دماء سوف تسفك ، و في أخرى تسمع ضحكات و ترى "مقالدات" عفوية جداً ، سألتني إحدى الإمرأتين الجالستين بقربي ، إنت أول مرة تمشي دارفور؟ قلت ليها أول مرة أشوف الغرب كلو مش دارفور ، و بدأنا نتجاذب أطراف الحديث و إندمجنا و أصبحنا في أقل من ساعة نتبادل ما نحمل من مأكولات و مشروبات و بدينا هم يحكوا عن دارفور في صيغة تعريفية أفادتني كثيراً و أنا أحكي لهم عن الشمال و كيف هو حاله "و كان الإندهاش بادئ على وجوههم من حاله التي ذكرت"
وبدأ القطار يتوقف في المحطات و أصبحت أنا أخاً للشابتين و إبناً للأمين أمر أخواتي "لا ما تنزلو أنا بجيب ليكم الشاي" لخوفي عليهن ، و جات مواعيد النوم و وجدت نفسي و بصورة تلقائية أتنازل عن مقعدي "دافع تلاتة تذاكر عشان أمسكو كلو" لأحدى أخواتي لتنام عليه الليل كله ووهطت الممشى "الما عريض" للأخرى و جلست القرفصاء حارساً لهم و نوبتي في النوم رضيت بها في بداية نهار اليوم التالي و كانوا برضو حارسني.
قصة القطر طويلة لكن أحكي ليك مشهد من الوداع و أنا و رغم كثرة أسفاري في البلاد و كثرة لحظات وداعي لأهلي بيكت مرتين مرة في أول مغادرة لي أرض السودان للدراسة خارجه في إحدى دول آسيا ، و الأخرى حين لفني نفرٌ كريم من أبناء نيالا في مطارها الوديع و أنا عائد أدراجي للخرطوم ثم مروي ثم الرياض ، ولا زلت أذكر كيف كنت أحاول التحلي بالصبر حتى لحظة وداعهم لي داخل الصالة و خروجهم فوجدت نفسي أصر على ذرف الدموع حينما خرجت من الصالة لاحقاً آخرهم قبل أن يصعد لإحدى السيارتين التين جاءتا محملتان بأبناء دارفور لوداعي ووجدتني فجأة في لحظة زي حقت المسلسلات المصرية أشده من كتفه من خلفه ليستدير و ندخل في أحضان بعض و أبكي كما لم أبكي من قبل زي كأنو ما حأقابلو تاني ، و فكوهو مني عدد من العاملين بالمطار و المودعين الآخرين و كل زول يقول "يا زول قول بسم الله" و صوت نسائي من بعيد "يا ولدي إستغفر ربنا يخليكم لبعض و يجمعكم في ساعة خير" و آخر لشيخ مسن "يا زول إنت ما مؤمن دة حال الدنيا"
علماً يا أنور بأن كل من ودعتهم و بكيت لأجل فراقهم و بادلوني الدمع بمثله معرفة الشهر دة بس ، مافي داعي لذكر الأسماء لكن فيهم الطبيب و المحامي و ناس الأراضي و كم واحد كدة معرفة كمبيوترات و زمالة مهنية كلهم أولاد بلد "فور" و حبايب و مازلت معهم على إتصال و سأبقى
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: ست البنات)
|
الأخ انور كنج
لك التحايا
وددت لو كان كل مشاكل السودان تحل بطريقتك السمحة هذه
و لكن اعذرني .. اليست هي هذه الطريقة التي اودت بحياة اكثر من 2 مليون روح في الجنوب؟
اليست هي هذه الطريقة التي اشعلت دارفور نارا و حطمته دمارا ( وما زالت)؟
اليست هي هذه الطريقة التي شجعت النميري ليتوه بالسودان 16 عاما لاننا قلنا لعبود قبله "صافية لبن"؟
اليست هي هذه هي الطريقة التي اغرت البشير ان يختطف أمة بحالها لأننا قلنا للنميري "معليش"؟
متي نتعلم أن اي فرد مهما كان, يجب ان يحاسب علي افعاله و اقواله - سواء سرق دبابة ليحرم شعبا من حكم نفسه بنفسه ام اخر يتفوه و كتابة بكل مفردات العنصرية البغيضة ضد شريحة كبيرة من سكان السودان. و الأنكا انه يتوقع من المساء اليه الأعتذار!!
بينما تتبادلون هنا كلمات مثل "باركوها" و "صافية لبن" فأن هناك أناس يموتمون بفضل حفنة يحملون نفس عقلية علاء. أنهم عصابة صلاح قوش في شعبة القبائل بجهاز امن الانقاذ.
أنه لمؤسف حقا انه و في الوقت الذي يجبر فيه بينوتشيه في تشيلي أن يقف امام العدالة لمواجهة جرائمه في حق شعبه (ولم تشفع له شيخوخته و هو في الثمانينات من عمره) نحن ما زلنانعامل الاعتداء عنصريا علي جزء من بني وطننا ( سواء قولا او فغلا) و كأننا نعقد صفقة لشراء سيارة مستعملة و بنفس المفردات.
و يهيل علاء علي الجرح ملحا بتوجيه اعتذاره لك و لبقية "المحنسين" فقط و يعتبر ذلك تنازلا. بل و ينهي باللائمة علي المعتدي عليه لانهم جعلوه يخرج عن طوره. نعم سنعتذر لعلي عثمان طه و ابو الجاز و صلاح قوش لأننا قد كلفناهم عناء قتلنا بالجملة. و كان لنا ان نموت في صمت و بلا "ازعاج" للمجتمع الدولي.
في النهاية اقول لك يا أخ انور مسعاك حميد و لكن لا يغير الله ما بقوم حتي يغيروا ما بانفسهم.
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: Mohamed Suleiman)
|
الأخ العزيز محمد سليمان...
شاكرين لك المداخلة يا سيدي...
ولا أدري هل من المفروض عليّ بعد ان قال الرجل كلمته ان أردها اليه وأقوم بمحاكمته بعدل مرة أخرى أم ماذا؟
المساعي الحميدة يا أخي محمد موجودة فى البيت الواحد وبين أفراد نفس القبيلة وبين القبيلة والاخرى وبين ابناء الوطن الواحد...
قل لي بربك... ان لم يكن فينا التراحم والتدافع فى المساعي الحميدة هل يستمر العالم يوماً؟
رأيي ان لا نعين الشيطان على بعضنا متى ما انتهى الموضوع...وهو بلا شك ان كان مستوطن فى قرارات النفوس فمن الصعب أزالته ببوست...
الأخ علاء ليس عنصرياً كما أعرف... ولكنه أنزلق الى مهاترات ووجب علينا ان نلفت انباهه..
وأعتقد ان كل شئ تم هنا على مسمع ومرائي الجميع...
Quote: بينما تتبادلون هنا كلمات مثل "باركوها" و "صافية لبن" فأن هناك أناس يموتمون بفضل حفنة يحملون نفس عقلية علاء. أنهم عصابة صلاح قوش في شعبة القبائل بجهاز امن الانقاذ.
|
نعم هذا صحيح... وأيضاً بينما تكتب لي هذا الكلام... وبينما أكتب هذا الكلام ايضاً...
انا لا أحاول إيجاد تبرير للموت بقدر ما أحاول تطيب الخواطر وعدم اثارة الموضوع المنتهى بالنسبة لي... مع أحتراماتي لطرحك الذى اتفق معه تماماً يا محمد...
بالنسبة لعفا الله عمّا سلف يا سيدي... فهي عقلية مهمينة على الجميع فى البلد... والمسئولية تقع على عاتق السياسين السودانيين منذ اول حكومة سودانية والى الآن...
وللمفارقة ان الكثير من المشاكل التى تكون كبيرة فى البداية تنتهى بهذه الطريقة وقد كنت شاهداً لحرب عنصرية ضروس فى بورتسودان عندما كنت صغيراً ما بين النوبة والبني عامر (دار السلام ودار النعيم)...
وأخرى ما بين الهندوة والبني عامر...
نعم
تنتهى المشاكل بتطيب الخواطر والدية بين كبارات القبائل مع فقدان سيطرة الحكومة...
الا تتفق معي يا محمد ان مجتمعنا مازال يحكم بالقبلية وان تصنيفه بحسب الدول الحديثة مازال متخلفاً...تقوم فيه الحروب لاسباب الرعي والخ....
هناك الكثير من البؤر العنصرية فى السودان ومحاولة تصوير العقلية الشمالية كاقطاعية بمعزل عن البقية فيه الكثير من التجني على الحقيقة...
تعال لينا فى شرق السودان عشان تعرف العنصرية الما خمج...
ورغم عن ذلك... لا اسكت الله حساً لكل من سعى فى أطفاء نيران العنصرية البغيضة بين ابناء الوطن الواحد ..بل بين البشرية جمعاء...
مع كل مودتي وتقديري لك...
أنور
| |
|
|
|
|
|
|
|
|
 Re: الأخ علاء الدين رجاء أوقف هذه العبارات العنصرية... (Re: AnwarKing)
|
انور00
علاء00
اصدقائى ولانى احبكما 00 بعد مرور سريع على الموضوع بى صراحه يمكن يا انور يمكن يكون علاء غلط لكن انا مقتنع بانى اجاباتو كانت ردود فعل لى بعض لاشياء وهو رد عليك فى مجمل حديثو ليه عمل كده وانت بيكون كلامى وقع ليك 00
الاهم من دخ كنتو تمشو الماسنجر شفته اسه الموضوع ده حكيون ماسك التوب فى البورد حيجى هنا العندو شغله والماعندو00 فزى ما كنت داير ارسال لكم فى الماسنجر لكن لقيت اجيب الكلام ده هنا عشان على الاقل يقرو الماعندهم موضوع (طبعا دى ماتعميم ) عشان نحفظ للبقية حقهم 00
بالاضافه الى انو المارى سريع وبقرا بره بره حياخد انطباع عن علاء بانو كما وصفت 00
قايتو شكلو كده حيمشى صفحتين وتلاته 000
ولااتمنى ذلك يا انور 00
لكما منى كل الحب والود يا اصدقائى
علاء وانور
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: معتز تروتسكى)
|
زارتنا البركة يا معتز...
انا عندي كلام معاك كتير من وحي الصورة...
بس قلت خليهو ليهو يومو وكدا
قال ليهو:
الصبر الصبر يا صابر جيرا....
رد عليهو:
ما تخاف...ما بنطير مهما الباص جرا...
أفهم مقاصدك تماماً يا معتز يا حبيب... ولا خوف ان شاء الله...
لك الموّدة وأخبار القراية شنو؟
انا الفصل الدراسي بتاعنا انتهى هنا...لكن أهلنا الكوريين عندهم لواقة أسمها Fighting من ايام كاس العالم...
يعني تقرا لمن تقول ما داير... عشان الفصل الجديد والاخير يبدا...
غايتو يا معتز... انا مستنى أخلص عشان فى مشاريع كتـــــــــــــــيرة فى الراس والله...
ربنا يسهّل ودعواتك يا دكتور...
تمنياتي ليك بالتوفيق...
أنور
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: AnwarKing)
|
Quote: الأخ/ معتز تروتسكى
لك التقدير
الموضوع خلاص يمكن بيناتنا نهيناهو
بس إنت كان عايز لك موضوع
أفتح بوستك وتلاقينا رافعنو ليك
بس
أخوك عبدالرازق عيسى الطالب |
عبد الرازق الطالب
سلمت ياخي و العفو العافية
معتز الحبيب
كلو يهون طالما تدخلو الأجاويد ديل وهم مش أي أجاويد كمان ديل ناس كلهم ليهم شأن في نفسي و إنت منهم طبعا.
المزيد في مسنجرك.
أنور راجع في مداخلة فوق نزلتها لقيت وراها تلاتة ماشاء الله في لحظة واحدة كنا نرد، بس للتنبيه.
| |
|
|
|
|
|
|
|
|
 Re: الأخ علاء الدين رجاء أوقف هذه العبارات العنصرية... (Re: علاء الدين يوسف علي محمد)
|
Quote:
أنور الحبيب
في ظل التسامح الذي يسود هذا البوست من أوله لآخره إسمح لي أن أضيف بعض المشاهد العالقة من رحلتي لدارفور.
أولاً و أقولها من القلب و قد زرت العديد من الدول "أجنبية و عربية" و سحت فى شتى أنحاء المعمورة ، أجمل رحلة في حياتي رحلتي لدارفور ، حأديك مشهد من القطار لأنو سافرت ذهاباً بالقطار لأقف على المناطق و الدور في الغرب الحبيب ، من ركبت القطر لقيت جنبي أسرة مكونة من مرتين أخوات كل واحدة ببتها في عمر الشباب ، من أهل نيالا ، في طرف قصي من نفس العربة التي كانت تحوينا من هذا القطار كان هنالك نقاش "عنصري بحت" بين جنوبي وعدد من أهل الغرب و عدد من أولاد الشمال تتعالى أصواتهم بين الفينة و الأخرى و تخال أن دماء سوف تسفك ، و في أخرى تسمع ضحكات و ترى "مقالدات" عفوية جداً ، سألتني إحدى الإمرأتين الجالستين بقربي ، إنت أول مرة تمشي دارفور؟ قلت ليها أول مرة أشوف الغرب كلو مش دارفور ، و بدأنا نتجاذب أطراف الحديث و إندمجنا و أصبحنا في أقل من ساعة نتبادل ما نحمل من مأكولات و مشروبات و بدينا هم يحكوا عن دارفور في صيغة تعريفية أفادتني كثيراً و أنا أحكي لهم عن الشمال و كيف هو حاله "و كان الإندهاش بادئ على وجوههم من حاله التي ذكرت"
وبدأ القطار يتوقف في المحطات و أصبحت أنا أخاً للشابتين و إبناً للأمين أمر أخواتي "لا ما تنزلو أنا بجيب ليكم الشاي" لخوفي عليهن ، و جات مواعيد النوم و وجدت نفسي و بصورة تلقائية أتنازل عن مقعدي "دافع تلاتة تذاكر عشان أمسكو كلو" لأحدى أخواتي لتنام عليه الليل كله ووهطت الممشى "الما عريض" للأخرى و جلست القرفصاء حارساً لهم و نوبتي في النوم رضيت بها في بداية نهار اليوم التالي و كانوا برضو حارسني.
قصة القطر طويلة لكن أحكي ليك مشهد من الوداع و أنا و رغم كثرة أسفاري في البلاد و كثرة لحظات وداعي لأهلي بيكت مرتين مرة في أول مغادرة لي أرض السودان للدراسة خارجه في إحدى دول آسيا ، و الأخرى حين لفني نفرٌ كريم من أبناء نيالا في مطارها الوديع و أنا عائد أدراجي للخرطوم ثم مروي ثم الرياض ، ولا زلت أذكر كيف كنت أحاول التحلي بالصبر حتى لحظة وداعهم لي داخل الصالة و خروجهم فوجدت نفسي أصر على ذرف الدموع حينما خرجت من الصالة لاحقاً آخرهم قبل أن يصعد لإحدى السيارتين التين جاءتا محملتان بأبناء دارفور لوداعي ووجدتني فجأة في لحظة زي حقت المسلسلات المصرية أشده من كتفه من خلفه ليستدير و ندخل في أحضان بعض و أبكي كما لم أبكي من قبل زي كأنو ما حأقابلو تاني ، و فكوهو مني عدد من العاملين بالمطار و المودعين الآخرين و كل زول يقول "يا زول قول بسم الله" و صوت نسائي من بعيد "يا ولدي إستغفر ربنا يخليكم لبعض و يجمعكم في ساعة خير" و آخر لشيخ مسن "يا زول إنت ما مؤمن دة حال الدنيا"
علماً يا أنور بأن كل من ودعتهم و بكيت لأجل فراقهم و بادلوني الدمع بمثله معرفة الشهر دة بس ، مافي داعي لذكر الأسماء لكن فيهم الطبيب و المحامي و ناس الأراضي و كم واحد كدة معرفة كمبيوترات و زمالة مهنية كلهم أولاد بلد "فور" و حبايب و مازلت معهم على إتصال و سأبقى |
يا ريت تواصل هذه الكتابة الجزلة يا علاء...
كلنا ابناء وطن واحد...
تعصف بنا نفس الهموم وتملؤنا الانسانية المشبعين بيها من تراب بلدنا يا أخي...
عارف يا علاء... أنتظر اليوم الذي نذهب فيه فى قافلة محمّلة بالعلم لكل اطراف السودان... نحمل مشاعل العلم فى كل مكان...
عندي قريب فى النهود... ناوى أزوره...رغم اني ما بعرفو...لكن دائماً ما أسأل عن أقربائنا المتواجدين فى الاماكن البعيدة للاستكشاف والتعرف على بلدنا عن قرب...
لفة فى السودان هي حلم يراودني شديد يا علاء... ويا ريت لو نقدر نعمل لينا حاجة زي كده..بعيداً عن الاضواء... من أجل الوطـــــــــــــــــــــــن.
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: AnwarKing)
|
Mohamed Suleiman
يا من كنت دافعي للكتابة في هذا الشأن و بتلك النبرة ومعك كانت البداية
لاحظ المرة دي ناديتك بإسك صافي صفاء نيتي في حد هذا الإقتتال في البورد
علماً بأنو مواضيعي معاك برة الخط الأحمر اللي ألزموني بيهو الشباب ووعدت بعدم تخطيه و سأفعل ، و مريت على البوستات المعنية بالذكر و لقيت الإساءة ما زالت تترى لكن وعد الحر دين عليه ، حتى عبد الرزاق يكتب هنا بصيغة و هنالك بأخرى لكن أكتفي بنية العفو و العافية التي بادرته بها و لك المثل إن شئت فأنا لم أكن عنصرياً يوماً ولا تصبغني ألوان السياسة التي ظللتني بها ظلماً فجعلتني أكتب إليك ما كتبت و مرة أخرى و بصفاء نية كاملة و سمحة ما زي النية القصدتها فوق ديك أنا مسامح الجميع و أنتظر المثل منهم.
فلو جيت تبادلني نفس الإحساس بادلتك إياه و إن رأيت شأن آخر زي ما قلت ليك إنت برة الخط الأحمر و سأواصل.
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: AnwarKing)
|
الكنج مهندسنا شكلى كده البوست ده انا حاعملو صفحتين00
لكن ماهين على بس لانو الموضوع شويه حساس وبخص حبيبنا علاء0
فشوف ليك بوست تانى نتونس معاك فيهو على الاقل لانك مقفل بى هناك000
وكل ماتنزل صوره كان المكان واحد وماخدنها سوى00
*القرايه دى كلام تانى نقول نتحلى يعمبو ليهم مواضيع تانيه اسه قالو بناجز يوه 20 /1 ونبدا الامتحانات الشهر الجاى 00
مرتاح وبى مشاريعك لكن نحن يابابا نقول الروب بس (اصلو معروفين ناس التخصص من زمان مرتاحين مسئلتين وينتهى الموضوع )
انت عارف البجبنى شنو هنا بكون فى النت موقع الجامعه وتشيل المحاضرات وتترجم عشان كده بنطل عليكم00
طيب مشاريعك دى ماتختنا فيها وترفع رجلك بى جاى00
اما كلامك ده :-
انا عندي كلام معاك كتير من وحي الصورة...
بس قلت خليهو ليهو يومو وكدا
قال ليهو:
الصبر الصبر يا صابر جيرا....
رد عليهو:
ما تخاف...ما بنطير مهما الباص جرا...
واناقول ليك:-
انت قول الفى ضمير وحلى باقى الكلام 
وربك يسهل00
ودعواتك يامهندس00
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: معتز تروتسكى)
|
علاء
| Quote: حتى عبد الرزاق يكتب هنا بصيغة و هنالك بأخرى |
داك باقي كلام لسع ما أنطرش
| Quote: لكن أكتفي بنية العفو و العافية |
وإن جنحو إلى السلم
ونحن نرفع لك علم أبيض موشح بلون الإخاء والمودة ولكن في صدورنا خلاف كبير للرأي
أنا أستفزك
أدفق كل ما عندك
ليتني كنت جدران الوهن
ليتني كنت كما تريد
ولكن جباهك العالية ماضية في إباء وتكبر
وأنا إليك منك أبرأ أن أكون عنصرياً مغيضاً
أنت إبن وطني أحبك
ولي في حبك شأن آخر.
فداك أمي وأبي
كما فداك الأنصار
خليك من الخليفة المزعلك ده
بس زمان قالوا أهلنا في الغرب
أخوك كان شين كان زين
يا تشيلو كلو يا تخلي كلو
وأنا بنتانة الجيفة دي شايلك
وإلا لكنت جبرت الخاطر وعملت على الإجماع السكوتي
ولك العتبي حتى ترضي
ويدي ممدودة لك بحمامة السلام
| |
|
|
|
|
|
|
|
|
|
|
Re: والليلة...عبد الرازق طلع أفندي يا ناس... (Re: A.Razek Althalib)
|
أنور أخوي
ودعناك الله
ليوم باكر إن شاء الله بعد صلاة الجمعة
كدي تاني مسئول
إنتو هناك صلاة الجمعة دي بتصلوها جماعة ولا فرادي
بس صورتك دي باين عليك كنت مدفي بكباية كركدي حارة من الكرتونة الشلتها معاك
والكركدي ده محصول السنة دي ولا الجاية!!
والتلج الأنت شايلو ده ما بسيح يا أخوي أنور يا رائع
بردكم ده باين عليه بجيب الصلع
ألبس طاقية ناس خورباتشوف ديك
ولك ودي وتقدير
وأرقد عافية
عبدالرازق عيسى الطالب
| |
|
|
|
|
|
|
|
|
|
Re: والليلة...عبد الرازق طلع أفندي يا ناس... (Re: A.Razek Althalib)
|
Quote: كدي تاني مسئول
إنتو هناك صلاة الجمعة دي بتصلوها جماعة ولا فرادي
|
الحبيب عبد الرازق...الزول الزين...
والله صلاة الجمعة دي مشكلة كبيرة هنا ..تحديداً معاي...فالجمعة يوم عمل زي السبت عندنا...
والمدينة الانا فيها تبعد ساعتين من أقرب مسجد لي...يعني زي مدني الخرطوم كده... لكن الواحد بجابد مرات مرات كده ويمشي الجمعة...
كلنا 4 مسلمين فى الجامعة دي... ومرات مرات كده تلقى ليك زول مار يكون برضو مسلم...
القصة صعبة شوية مع زول متعود على صحية الآذان...
لذلك نستعيض بالتقنية برضو فى موضوع الآذان ده :
http://www.islamicfinder.org/athanDownload.php?lang=english
ونسمع الآذان من الكمبيوتر...
ونعرف مواعيد الصلاة من الكمبيوتر وما باقي الا الصلاة بالكمبيوتر زاتو...
اما بخصوص التلج يا عبد الرازق...فالمشكلة طويلة ودايره ليها شرح... أكعب حاجة غايتو وقعة التلج دي... والبلد هنا كلها جبال...
تعرف يا عبد الرازق أنو مساحة كوريا 1\10 من مساحة السودان؟ وبعد ده كلو 70% من المساحة دي فوق جبال ساكت... يعني طول ما انت ماشي...طالع...لمن نفسك ينقطع...
الناس كلها هنا عندهم "فارات"... الله غالب غايتو..
لك الودّ
ارقد عافية دي بتاعة إسامة الخواض...هو مبتدرها هنا فى البورد ده غايتو...
أنور
| |
|
|
|
|
|
|
|
|
|
Re: والليلة...عبد الرازق طلع أفندي يا ناس... (Re: AnwarKing)
|
أنور كنج
جميل أن من كتب هذه الكلمة سحبها عشان خاطر ناس عزيزين عليه!
ولكن لماذا تظهر هذه الكلمات الى الوجود عقب أى مشادة كلامية أو حتى هزار؟
أقول لك السبب, لاْن الرق فى السودان ثقافة وحالة ذهنية قبل أن يكون ممارسة عملية.
وهذا القاموس يا أنور وبدون الدخول فى أى تفاصيل هو أساس مشكلة السودان.
الاْستعلاء العربى فى السودان أنبنى على هذا القاموس.
البندقية وملايين السودانيين\ت ماتوا فى الحرب أو غيرها وما يزالون بسبب هذا القاموس.
تصفية الفور ومن قبلهم النوبة, والاْنقسنا والجنوبيين, بسبب هذا القاموس!
الذين وضعوا عقوبة تداول هذه الكلمة بستة شهور سجن لم يكلفوا أنفسهم بتحرير أرقائهم.
حتى هذه اللحظة وأذا راجعت دفاتر الاْرث فى محكمة أمدرمان تجد أن هذا القانون لم يتم تغييره
وهو يحرم أحفاد الاْرقاء من الاْرث.
والرق فى السودان يورث أيضا.
أمامنا جيوش من الاْرقاء والاْماء فى الوقت الحالى فى السودان وفى ظل هذا النظام وهذه الفوضى!
الممارسة اليومية لكثير من السودانيين تنبنى على هذا الاْرث البغيض.
والسودان بأتجاه ستين حته بسبب هذه الثقافة!
وخروج هذا القاموس لا ينتهى لمجرد التنازل, ولكن الجرح يتجدد نزيفه.
السودان هذا يا أنور نحن أبنائه وبناته من هذه الشريحة, حتى ولو لم يتم استعبادنا فى يوم من الاْيام, وحتى لو كنا سادة وسيدات ومكوك وملكات, تلازمنا هذه الصفة شئنا أم أبينا.
وتصبح العلاقة بيننا وبين الذين\ئى لم يتحرروا\يتحررن من هذه الثقافة, علاقة قشرية وجغرافية فقط.
هذا البلد سوف لن تقوم له قائمة والاْمر على ما هو عليه.
وحتى فى هذا البورد قد يدهشك أناس يتبنون قضايا النوبة والجنوب وهم قد لفظوا\ن هذه العبارات فى يوم من الاْيام!
يعنى السياسة السودانية كلها قشور فى قشور
وتناولها تمثيل فى تمثيل
وبعض دعاة حقوق الاْنسان فى هذا البورد يتناولونها كما يشربون كوب ماء.
نكون سودانيين الاْول
وبعدين نشوف حل فى المشكلة.
أرهقتونا وأتعبتونا وأضعتم كثيرا من وقتنا فى أثبات وجودنا كسودايين
بنفس الحقوق والواجبات
ملاْتم\ن أنفسنا بأرتال من الحزن والاْسى
أى بلد هذا الذى ننتمى اليه؟!
تشكر يأنور على هذا البوست
وهذا عهدى بك.
صدقنى أنا لا أغضب كثيرا
ولكننى الان أهتز من الغضب.
ولعن الله الشيطان.
سلام...
| |
|
|
|
|
|
|
|
|
|
Re: العجب حبيبي...ما ردالي التحية...تن ترا رن.... (Re: AnwarKing)
|
الأخ أنور
أزيك وكيف الحال
العنصرية بغيضة كما يعلم الجميع،فهى بدون شك أحد مسببات الحرب الاهلية فى السودان والسبب فى إذهاق أرواح الكثيرين من السودانيين، وهنا لا أتحدث من فراغ أو حبا فى المشاكل أو تلقى الحجج وتبنى القضايا، هذا القبح العنصرى فى أقصى حالته تطرفا يؤدى الى المذابح لذلك هو خطير جدا فى كل درجاته، ومن خلال وقائع المذبحة التى حدثت فى مدينة الجبلين التى نشأت بها وقتل فيها مايقارب ال 1000 من قبيلة الشلك وكان السبب الرئيسى لأنفجار المشكلة هى الاهانة العنصرية ملخصة فى كلمة "عبيد" التى يرددها الكثيرين هنا فى هذا البورد بدون حسيب أو رقيب أو ضمير.
ومحاربة العنصرية واجب أخلاقى لأى أنسان سوى يعيش فى عالمنا المعاصر لأنها تمتهن كرامة الضحية وفى نفس الوقت تحط من شأن الذى يمارسها، وفى ظروفنا الخاصة فى السودان لها علاقة مباشره بالحرب الاهلية، دفن الرؤس فى الرمال أو توقع إن هذا الامر غير مهم ولا تجوز مواجهته بكل صرامة وحسم فيه الكثير من الاستهتار بقضية صمت السودانيين عن الحديث عنها علنا لزمان طويل.
أنا شخص واقعى لا أعتقد أن هذه الافكار سوف تختفى من المجتمع السودانى بين يوم وليلة او عبر هذا البورد . لكن بداية المليون ميل تبدأ بخطوة، وأعتقد أن الكثيرين يتفقون معى فى حرصهم على أن تكون هناك قوانين فى السودان تحمى الناس أعنى (كل الناس) من التمييز والتحيز العنصرى ، وحتى العنف اللفظى العنصرى العلنى يجب أن تكون هناك قوانين تحاسب مرتكبيه وفى تقديرى إن ذلك سوف يحدث فى القريب العاجل فى السودان. أكثر من ذلك يجب أن تكون هناك ضمانات عبر قوانين الخدمة المدنية فيما يخص توظيف شخص أو أشخاص يحملون أفكار عنصرية علنية تحد من توظيفهم فى منصب عام فى الخدمة المدنية أو الدولة. هذه الاجراءات القانونية ضرورية لحماية الحقوق المدنية لكل المواطنين.
أما فيما يخص الثقافة العنصرية فى السودان فهى منتشرة فى كل أركان المجتمع وهذا واقع لا نتوهم إنه غير موجود لكن المحك هو من يريد لهذا الواقع الثقافى أن يظل كما هو أو من يريد له التغير.
وأنا سعيد إنه هناك شباب أمثالك لديهم شعور قوى ضد العنصرية مما يدعو للتفاؤل والامل.
بالنسبة لاعتذار علاء (عشان خاطركم) فهذا أمر يسر جدا رغم محدوديته، ومراجعة النفس بعد أن أكتشاف الخطأ هى بداية التفكير السليم.
| |
|
|
|
|
|
|
|
|
|
Re: العجب حبيبي...ما ردالي التحية...تن ترا رن.... (Re: أحمد أمين)
|
الأخ الحبيب أحمد أمين...
شاكر جداً دخولك للبوست والملخص المهم الذى وافيت به...
Quote: أنا شخص واقعى لا أعتقد أن هذه الافكار سوف تختفى من المجتمع السودانى بين يوم وليلة او عبر هذا البورد . لكن بداية المليون ميل تبدأ بخطوة، وأعتقد أن الكثيرين يتفقون معى فى حرصهم على أن تكون هناك قوانين فى السودان تحمى الناس أعنى (كل الناس) من التمييز والتحيز العنصرى ، وحتى العنف اللفظى العنصرى العلنى يجب أن تكون هناك قوانين تحاسب مرتكبيه وفى تقديرى إن ذلك سوف يحدث فى القريب العاجل فى السودان. أكثر من ذلك يجب أن تكون هناك ضمانات عبر قوانين الخدمة المدنية فيما يخص توظيف شخص أو أشخاص يحملون أفكار عنصرية علنية تحد من توظيفهم فى منصب عام فى الخدمة المدنية أو الدولة. هذه الاجراءات القانونية ضرورية لحماية الحقوق المدنية لكل المواطنين.
|
أؤمن على هذا الكلام وأبصم عليه بالعشرة...
وأعتقد ان أتفاق السلام الآتى قريباً سيؤمن الكثير والكثير فى هذا الشأن ...
وعندنا فى بورتسودان قانون يعاقب على مثل هذه الاقوال العنصرية (تصل حد العقوبة الى السجن ستة شهور) لكنه مفعّل نسبياً لأن معظم المشاكل تنتهى بباركوها يا أخوانا...
| Quote: أما فيما يخص الثقافة العنصرية فى السودان فهى منتشرة فى كل أركان المجتمع وهذا واقع لا نتوهم إنه غير موجود لكن المحك هو من يريد لهذا الواقع الثقافى أن يظل كما هو أو من يريد له التغير. |
هذا هو بيت القصيد يا عزيزي أحمد...
قبل سفري الى الاجازة فى الصيف... كنت أتحدث فى بوست العرس عن هذا الشئ وقد قطعت عهداً على نفسي بمقاطعة كل من يقول كلمة "عب" بدلالتها العنصرية...
فى مناسبة بكاء عمي الاكبر ... خلال حديث عابر مع ابن عمي... تكررت هذه الكلمة على لسانه وعندما نبهته أكثر من مرة وهددته بالمقاطعة اذا لم يكف... زعل مني وقام بتأليب العديد من الناس عليّ بدعوى ان لدي كلام غريب...فهو بحسب أعتقاده انو العب عب... يعني هو يعمل ليهو شنو؟
المهم مرة أخرى مع أمرأة فى نفس بيت البكاء... تتكلم مع أخرى: هى كلمي الخادم دي تجي تعمل لينا شاي...
هذا والكثير الكثير من الامثلة والشواهد ليست بالبعيدة ابداً عن بيوتنا نراها كل يوم...
أيضاً دخلت فى مناقرة مع الزولة لى حد الخصام... صوت من الخلف يقول: أنت مالك ومال العبيد يا جنى؟ ماك حرّ؟
التفت القاها مشلخة شلوخ زي عقبة سنكات!!!
المهم ان موضوع العنصرية وبعد توفر الارادة السياسية والشعبية للحد منه يحتاج الى دهور ودهور لينتهى... ولنا مثل فى اليونان وتركيا....
فلنقف صفاً واحداً ضدها-أي العنصرية- ويجب ان نذكر بعضنا...فهي تمشي فى دمائنا... ونحدث بها نفوسنا بعض الاحيان...
أشكر لك مرة أخرى مداخلتك... وأشكر للأخ علاء أيضاً إستجابته التى كما وصفتها انت
مع المودة والاحترام...
أنور
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: AnwarKing)
|
الاخ احمد امين
هناك شخص اود اقابله و اعتزر له لما بدر منا قبل عشرات السنين
اسمه ودبانديا
هو غالبا نوباوى او جنوبى
كنا و نحن اطفال نتربص به و بعنصريه بغيضه نضايقه فى عمله
و هو يحمل فضلاتنا و قازوراتنا بعيدا عن الحى
كنا نصيح "ودبانديا ...ميه"
كنا نراه يودى عمله بتفريق جرادل البراز و يحملها على كتفيه
و يسير بها مسافات طويله , لم نكن له اى تقدير او معروف لذلك العمل
و لم يشرح لنا اهلنا اهميه الدور الذى يوم به ..
لم نعامله كانسان ولم يخطر فى بالنا ان ايا منا يمكنه القيام بعمل ودبانديا
حال توقفه عن عمله.
حكى لى صديقى ان احد الشباب لم يلغ العشرين عام ذهب لزياره اهله فى السودان
لاول مره منذ طفولته....يقول
لمح الشاب الزائر الشغاله تعمل فى المطبخ فى المساء وقد انتبه انه قد راها فى النهار
ايضا..عندها سال قريبه "هل تدفعون لها اى الشغاله OVERTIME وان الساعه بساعه ونص ,,و لدهشته ان الاجابه لا ,يكفى انها تاكل مجانى ما تبقى من طعام.
| |
|
|
|
|
|
|
|
|
|
Re: واحد بس؟ يا النصري صلي على النبي... (Re: Elnasri Amin)
|
الحبيب النصري...
تحياتي وسعيد بتداخلك اللطيف فى البوست...
والله ذكرتني يا النصري... يا الله... كنّا صغار بنسميهم ناس "براميلو"... لشكل السيارة الكبيرة التى تحمل براميل القاذورات ومخلفات البشر العضوية...
كنّا فعلاً بنعمل ليهم سيرة فى الحيّ ...وكما تفضّلت اننا لم نتعلم ابداً ما أهمية الدور الذي يؤديه هؤلاء الناس العظماء...
كانوا بيدخلوا البلاعة يا النصري ويستخدموا الجرادل احياناًَ...لازلت أذكر هذا بالتفصيل الممل...
لكن الاسواء من كده-بعيداً عن العنصرية- كنّأبنوقف التكاسي ونجري...
تكبر فى راس صاحب التكسي (ياخد الموضوع شخصي) ويجرى ورانا... ونقعد نلف بيهو اليوم كلو...
ايام مؤلمة خصوصاً لما الزول كبر وعرف معنى ان تكسب قوت يومك لتعود به لافواه مفتوحة تنتظر رزقها...
والا الحكاية الحزينة التى كان يفخر بها أحد أصدقائي الى حد قريب... انو فى قريتهم الطهور بتكون فى ضهر "العب"...
يعني تخيل هؤلاء البشر...ما عندهم طرابيز ؟ بس الموضوع وما فيهو انو أستحقار البشر لبعضهم البعض والقوي يأكل الضعيف...
يا لضعف بني آدم لو عفص ليهو شوكة!
يا لضعفه لو جاهو صداع!
يا لضعفه لو اصابته نزلة برد!
وبعد ده كلو عنصري!!!
اللهم طهّر قلوبنا من هذه العنصرية ونسألك العفو عنّأ يا رب...
لك الودّ
أنور
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: معتز تروتسكى)
|
العزيز انور الكينغ
نقدر جهودك لوقف سيل الشتائم العنصرية البغيضة و نثمن على مسعاك الجميل
الاخ علاء الدين
شئ جميل ان تتوقف الملاسنات العنصرية البغيضة و احيك على روحك العالية و قبولك مناشدات الاخوان
و لكن
ارى انك لم تقم بالخطوة كاملة و الاعتذار بشكل واضح لكل من اسات له بكلمات جارحة لسببين
1/ الكلمات العنصرية التى وردت وردت فى حق كثير من الناس اعضاء من المنبر او الاف القراء الذين يمرون من خلال المنبر يوميا و بالتاكيد ان هذه الكلمات جرحت مشاعر الكثير منهم ووجب الاعتذار لهم و نحن كاعضاء يمكن ان نتنازل عن الاساءات العنصرية و لكن من يضمن تنازل غير الاعضاء فى حقهم فى الاعتذار و تذكر ان الاعتذار شيمة الكرام و تعبر عن نية صادقة فى النفس و تهذب كبرياءها
2/ قبولك لصوت الاخوان بالكف عن التنابذ شئ محمود و مقدر و لكنك لم تسئ الى هؤلاء الاخوة هنا فقط و انما لكثيرين و قد يفهم من ذلك انك قبلت المناشدات من اجل خاطر افراد معينين و ليس بغرض الاعتذار نفسه عن فعل نرى انه خاطئ و غير مقبول
اخيرا انا لا استثنيك بهذا الاعتذار باعتبارك الوحيد الذى مارس العنصرية هنا و كلامى موجه لكل من اساء الى احد بسبب عنصرى او قبلى و على الاخرين كذلك ان يمارسوا نفس منطق الاعتذار ان تجنوا عليك و من حقك ان تطالبهم ايضا ان يعتذروا لك
و لك تحياتى
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: محمد اشرف)
|
الأخوة الأحباب
لكم التقدير
صلينا الجمعة وجينا
الله يعينك يا أنور على الصلاة الإلكترونية
كده سألت ليك شيخ فيها
الأخ/ محمد اشرف
نحن قبلنا التصالح والإعتذار
بس ما كنا باديين
وشوف كلام أنور البدأ بيهو البوست ده
Quote: يعني من دون أي سبب يا علاء بديت فى هذا البوست
كنا فى حفلة ليلة |
ولكن قلنا في وجداننا وطن في التنوع الثقافي والإجتماعي
ولكم ودي
عبدالرازق عيسى الطالب
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: AnwarKing)
|
أرجو من مناهضي العنصرية عدم الترويج لها عبر تصيّد هفوات الغافلين. علاء الدين تعامل برد الفعل لاستفزاز أحسّه في مكان آخر في هذا البورد. ولا ألومه .. لأني لاحظت بعض الإخوة (العبيد جد جد .. عبيد المنظمات) يستدرجون الناس ليرتكبوا "جريمة" العنصرية.
By default أي زول في الدنيا دي عنصري في جوّاهُ. صاحبي المطرطش بشاشة يمارس العنصرية عياناً بياناً ضد قبائل بأكملها يا أنور بن دفع الله. كلام الأخ بشاشة عن جنوبي شغال في بيت شمالي ده أنا ما داخل معاي في أي حساب من حساباتي .. لأننا ببساطة ما بنعرف الجنوبيين زاتو قبل التسعينات من القرن الماضي وأنا الذي أمام الكيبورد "النضالي" الآن والله أول مرة أرى فيها إنسان (بني آدم يعني) من الجنوب كانت حوالي واحد وتمانين أو اتنين وتمانين من القرن الماضي. شفت يا سيدي .. الجماعة عاوزين يخمونا معاهم لله كده .. وبرضو يقولوا نحن عنصريين. ولمعلوميتك يا أنور دفع الله .. أي واحد من القبائل غير الناطقة بالعربية في السودان عندهم كلمة عب حيّة حتى الآن .. وبرضو دايرين يختوها فوق راسنا نحن البدو "المقاليع" (شكراً لـ د. بولا على هذه الصفة) ويقولوا إنتو البتقولوا عب!!! الله قادر.
أها قول معاي:
1- كِــشّــاب؛ أسأل أي هدندوي جنبك عن معناها. هل يوجد من هو أكثر سودانيةً من الهدندوة؟.
2- الحلفاويين (يعني النوبة) عندهم كلمة (تعني عب) والله نسيتها .. بكرة حأسأل صحبي ود الشيخ عنها.
3- الزغاوة عندهم عبيد زي الترتيب: الحلب.
4- أي قبيلة ذات ثقل في السودان وفي أي بقعة من إفريقيا لديها إرث من استعباد البشر.
العبيد التقليديين أصبحوا في ذمة التاريخ .. لكن عبيد المنظمات التمويلية يريدون خلط الأكوام وتجريم حتى من هم مغيبون أصلاً عن تاريخ السودان وحكومات السودان وكل السودان.
توجد لعبة دولية يتعيّش عليها عبيد المنظمات. نرجو ألا يستفزوننا هنا ويستثيروا ما مات في وجدان الناس من زمن بعيد.
يجب وقف الاستفزاز أولاً .. وإلا فأي زول شايف نفسو عب يحاول يحرر نفسو ويعرف إن العبيد اتحرروا زمان مش عارف سنة كم. في أي عب هنا؟. شفت كيف يا أنور؟. ملعون أبو أي عب على وجه الكوكب. ناس عاوزة تستعبد نفسها وما لاقية اليشتريها.
وأنا حر تماماًَ.
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: Shinteer)
|
الأخ عبد الرازق عيسى الطالب. كلامك سمح .. وإسمك برضو من الاسماء السمحة؛ عيسى الطالب!! ده اسم غليد بمعنى الكلمة: يا البارِي الـهَرَف ومْقارِب .. حضْـرَتْنا عيسى الطالب. ده كلام آخر جرني إليه اسمك يا عبد الرازق. ولك الشكر.
أها نرجع لأخينا أنور .. وطلبه من علاء الدين.
أُريك يا أنور عنصرية "مكَبْسَلة" "مشَفّرة" متداولة عبر الأثير "أو الاسير".
بالنسبة لي مصطلح "إسلاموعربية" مصطلح عنصري من الطراز الأول. وليأتي أي أحد من مجتـَرِّي هذا المصطلح ليقنعني بأنه ليس مصطلحاً عنصرياً؟. لقد حصل أن جُرِّب هذا المصطلح معملياً في دارفور .. فوجدناه يستبعد كل من له علاقة بالعرب في دارفور .. رغم تركيبة المصطلح البنيوية (من بنية وبس) الإسلام/عربية!!. هذه هي العنصرية العصرية التي تمارس عياناً وعلى الملأ ولا أحد يرى فيها ذلك. برضو خَـم هنا وهناك. نعرف ما يجري في غرف العبيد العصريين .. عبيد منظمات الغوث الشيطاني.
"إسلاموعربية" مصطلح عنصري حتى النخاع. ولي عودة لفضح العنصرية الكامنة في هذا المصطلح الصعلوك.
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: Shinteer)
|
| Quote: Aha ya Anwar, what do you think about this episode? |
مسلسل طويل وعريض ولا ينتهي...
Quote:
In the past we had a reason to shout and put the whole blame on the Whites. We then had a reason to say they were selling us and enslaving us. But now we are selling ourselves cheap all over the globe and nobody buys!!! |
يا لسؤ الحظ... يعني حتى البضاعة كاسدة الآن...
وبعدين انت كنت قاعد وين ما شفت أو لاقيت جنوبي الا فى بداية التمانينات... ياخي انا طفل فى زيرو صغير فى كمبوني بورتسودان كان عندي اصحاب جنوبيين....!!!
عارف يا شانتير...
كلامك بالفعل خلاني أفكّر فى الموضوع من نواحي أخرى...
فالهدندوة فعلاً يقولون علينا : بلاويت... وتعني البلاء القادم من الشمال...
امّا كلام ناس المنظمات ده...فلا علم لي بأين يعمل الأخ أحمد أمين وهل هو فعلاً يتصيد أخطأ الغير أو يدفعهم لها دفعاً؟!؟ وأنتظر منه توضيحاً بهذا الشأن مع تأكيد برودة النفس السؤال ذا الدافع الاستفساري وليس التجريمي بالطبع...
وقد يعيد نفس الكلام ايام سيئة السمعة فى قاهرة المعز عندما عرض عليّ أحد الاخوان ان أملأ إستمارة هجرة الى استراليا...
وبدأ يحدثني عن ما يضمن لي قبول الطلب من حكايات وهمية تحاك من نسج الخيال ... وأذكر جيداً أنه قال لي بالحرف: لونك الأسود ده مكسب شديد معاك!!!
طيب لوني الاسود ده ما مكسب الا فى طلبات الهجرة الوهمية؟
بدأت أفكر فى ما اذا كان الطلب سيقبل بناءً على كذبة... ما الذي يمكن ان يطلب مني بعد لأثبت سوادي أكثر...والسواد هنا لابد ان يكون بمعنى العبودية...
الحبيب شانتير... أقرأ من خلال مساهماتك... ومساهمتك المحذوفة فى البوستات فى بعض الاحيان كلاماً سمح تب... لكن ما جاتني الفرصة لاعرفك عن قرب وباين عليك زولاً خبرة...
لديك الكثير الكثير لتقوله... لكنك تعمد فى بعض الاحيان لتداخلات قصيرة مبهمة فى أحسن الاحوال يجتهد أمثالي للخروج منها بالقليل الذي لا يسد الرمق...
هل النية مازلت متوفرة لزيارتنا هنا؟
أنتظر تداخلاتك الثرّة...
أنور
| |
|
|
|
|
|
|
|
|
|
Re: الأخ علاء الدين رجاء أوقف هذه العبارات العنصرية... (Re: AnwarKing)
|
Quote: وبدأ يحدثني عن ما يضمن لي قبول الطلب من حكايات وهمية تحاك من نسج الخيال ... وأذكر جيداً أنه قال لي بالحرف: لونك الأسود ده مكسب شديد معاك!!!
طيب لوني الاسود ده ما مكسب الا فى طلبات الهجرة الوهمية؟
بدأت أفكر فى ما اذا كان الطلب سيقبل بناءً على كذبة... ما الذي يمكن ان يطلب مني بعد لأثبت سوادي أكثر...والسواد هنا لابد ان يكون بمعنى العبودية... |
وخخخخخ زي ما بيقولوا المغاربة .. وخخخخخخخخخخ.
في حاجة بسيطة عاوز أوضحها ليك يا أنور. أنا إنسان مولود في بطانة اب علي. لا علم لنا، كلنا، بالجنوب ولا يحزنون. شفت الجنوبيين وانا في الثانوي العالي .. يعني بالضبط في نص التمانينات. وأضمن ليك ما في أي زول في الشرق الخلوي (الخلوي) مجملاً شاف زول جنوبي إلا قليلاً. أنا ما شفت جنوبي والله إلا بعد ما بقيت راااااجل. عشان كده ما عندي إحساس بحكاية الجنوب دي .. وبأيد عمنا بونا ملوال في كل كلامه البيقولو. وكلو جنوب.
برضو .. أسأل عن معنى كِـشّاب .. ولو جنبك أي زغاوي أسألو عن العبيد عندهم بيسموهم شنو .. ولو معاك واحد حلفاوي أو دنقلاي أسألو برضو (البيسأل ما بتوه) .. أسأل العالم دي كلها عن كلمة عب عندهم. وعليك الله لو معاك واحد دينكاوي أسألو برضو .. عندهم كلمة تعني عب برضو.
ناس أحمد أمين ديل من المدافعين عن حقوق الإنسان .. والحيوان برضو .. بشرط!. زي ما قال لي واحد منهم خلينا نكب في راسك جردل أسفلت!! F***K
يا عزيزي أنور دفع الله .. إسمك ده ذاتو وفقاً لمصطلح "الإسلاموعربية" إسم مُجِرَّم. لا مكان لك من الإعراب. هذا المصطلح الهلامي القصد منه أكبر مني ومنك. لكن ليطمئن عواطلية القهاوي الاجنبية .. طظ فيكم أجمعين.
| |
|
|
|
|
|
|
|
|
|
Re: هى بالله طز بيكتبوها كده؟... (Re: Shinteer)
|
| Quote: يا عزيزي أنور دفع الله .. إسمك ده ذاتو وفقاً لمصطلح "الإسلاموعربية" إسم مُجِرَّم |
هلا هلا...
يعني أسمي أسم مجرم رجوعاً للمصطلح العجيب ده؟
قريت فى واحدة من مداخلات إسامة الخواض انو بينادوه بأسم غير أسمو عشان أسم إسامة أسم مرعب...
هل يأتي عليّ يوم أحتاج فيهو لتغيير أسمي تماشياً مع ضد الضد لهذا المصطلح...
كدي قول لي يا شانتير يا حبيب... المصطلحات المنحوتة دي... موجودة فى السودان ولا محلية هنا؟
لك الودّ وانا عقبّت على مداخلتك فى بوست أوسمام مهيمد ساله هناك...
أنور
| |
|
|
|
|
|
|
|
|
|
Re: هى بالله طز بيكتبوها كده؟... (Re: AnwarKing)
|
الأخ/ شانتير
الله يكرم السامعين
وتاني من رهيد البردي لوحة
واسم أبوي فيهم رأي
الثقافة
الإجتماع
العلوم
الدين
رأيهم شنو
ولك مودتي
أخوي ودالملك
Quote: عشان أسم إسامة أسم مرعب...
|
والهزبر يطلع اسم الدلع
وزمان قالوا الجواب بكفيك عنوانو
يا أخي أنور تعرف أنو الأرواح لو كانت طاهرة وعفيفة
خلاص مالينا في خلقة ربنا حاجة
إذا كنا دميمين أو كريهين
أو جميلين تعلونا الوسامة
فكم من متجهم طاهر الروح عفيفها
ولكم مودتي
عبدالرازق عيسى الطالب
| |
|
|
|
|
|
|
|
| |
AnwarKing
علاء الدين يوسف علي محمد
A.Razek Althalib
مريم بنت الحسين
محمد حامد جمعه
المكاشفي الخضر الطاهر
lana mahdi
Badri
saif massad ali
ست البنات
.jpg)
Mohamed Suleiman
معتز تروتسكى
nour tawir
Agab
أحمد أمين
محمد اشرف
Shinteer
فيس بوك
تويتر
انستقرام
يوتيوب
بنتيريست