مكتبة علاء الدين يوسف علي محمد
مهرجان تكريم الفنان يوسف الموصلي - واشنطون USA- 2/28/2015 (فيديوهات)
ضد العُنصريّة وتحْلم بالسّلام: بمشاركة تاج السر الملك والسمؤال عبدالماجد
مرحبا Guest [دخول]
أخر زيارة لك: 03-04-2015, 02:46 AM الرئيسية

مكتبة علاء الدين يوسف علي محمد(علاء الدين يوسف علي محمد)نــــــــــادي الطمبــــــــور
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
أقرا احدث/اخر مداخلة فى هذا الموضوع »
01-01-2005, 01:22 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



نــــــــــادي الطمبــــــــور

    الطمبور صديقنا و عزنا و ملجانا
    وكتين السنين تفتح بوابة أحزانة
    مما قمنا نسمع فيهو لا ملينالا ملّانا
    زي إبل الرحيل شايلي السُقا و عطشانة
    الطمبــــــــــــــــــور

    نادي الطمبور:
    وينو الحبيب نور الظلام ليه إنطفا؟
    ومالو القمر من دارنا يا ناس إختفى؟
    حبيبنا عود سيب الصدود سيب الجفا
    حبيبي أصلو الحب عهود و الحب وفا
    عندك طبايع يا جميل ما أظرفا
    رقة و رزانة و خفة غير متكلّفا

    الطمبور:
    يا حبيبي انا إفتقدتك لمّا زاد الشوق علي
    و إنت عارف روحي بعدك لا بتموت لا بتقى حيَيِ

    الطمبور:

    يا نضاراً كاسي فيك و فيك آية
    فيك براءة طفل عمرو لسة ما تم السماية
    فيك وراعة شيخنا لمّا يحضر اللوح و الدوايا
    و فيك صدق حيرانو لماً يوقدوا نارهم للقراية
    يا سحابة ظليلة جاية و يا ربيع من غير نهاية

    حبايب النادي:

    زمن كايس أراضيهم
    وصف لي درب الريد عشان أوصل أراضيهم يا مرسال
    مرســــــــــــــــــــال الشوق أنا الضهبان

    أما آن لهذا العملاق أن يعود؟
    دعونا نستفتح به العام 2005 دعوة لكل عشاق الطمبور و الفن الراقي

    (عدل بواسطة علاء الدين يوسف علي محمد on 01-01-2005, 01:31 AM)

                   Subscribe on YouTube |Articles |News |مقالات |اخبار

01-01-2005, 02:34 AM

مريم بنت الحسين

تاريخ التسجيل: 03-05-2003
مجموع المشاركات: 7714
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    علاء.. كل عام وإنت بخير ... والسنة الجاية على أمانيك...

    طبعا اطريت أسأل الوالده عن "الطمبور".. انا بسميه الحاجه البمسكوها كده (وبعمل حركة مسكة الطمبور)... لو عندك ملفات يا ريت تشاركنا بيها...

    عندي زميلي شايقي ظريف شديد... مرّه ببراءة سألته.. قلت ليهو انت بتعرف تعزف في الحاجه البمسكوها كده (قصدي على الطمبور)... قعد اضحك.. قال لي لأ، انا الناس البصفقوا بي ورا...



    بنت الحسين
                   Subscribe on YouTube |Articles |News |مقالات |اخبار

01-01-2005, 02:43 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: مريم بنت الحسين)

    الغالية بنت الحسين
    و إنتي طيبة يا رب
    حقيقة ما توقعت مشاركتك في البوست دة قلت الزولة دي بتاعت أسلاك و أثير بس ، لكن واضح من كلاك إنك سميعة بس.
    و النكتة حلوة شديد
    حأقول ليك شيء جديد عليك في علاء بس ما يسحروني
    أنا بعزف أورغ و عود بإجادة و طمبور و جيتار و فلوت و ماندولين.
    و الموسيقى جارية في الدم مع الكمبيوتر طبعاً.
    حيجوا الشباب هسي و يزودنا بالمفيد
                   Subscribe on YouTube |Articles |News |مقالات |اخبار

01-01-2005, 04:18 AM

مريم بنت الحسين

تاريخ التسجيل: 03-05-2003
مجموع المشاركات: 7714
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    Quote: أنا بعزف أورغ و عود بإجادة و طمبور و جيتار و فلوت و ماندولين.


    ماشاء الله تبارك الله.. طيب ما تسمعنا شي من انتاجك...

    انا بالمناسبة زولة داخله في الكومبيوتر ده بالغلط... انا بحب الادب شديد.. والقصة والرواية والخواطر.. وجني الاكبر الكتابة...

    في انتظارك والبقية ايضاً

    بنت الحسين
                   Subscribe on YouTube |Articles |News |مقالات |اخبار

01-01-2005, 07:17 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: مريم بنت الحسين)

    الغالية نت الحسين
    إنت داخلة صح الأدب لا يمكن إحترافه بل يمكن إكتسابه و العكس للكمبيوتر.
    و شكلك لميتي الإتنين فبالله طلعي من المستخبي من مخزونك الأدبي.لنا مهي و طلعت شاعرة كبيرة
    خلينا نشوف صوت نسائي تاني سواء في الشعر أو القصة أو غيرهما من المجالات الإنسانية.
                   Subscribe on YouTube |Articles |News |مقالات |اخبار

01-01-2005, 08:11 AM

ست البنات

تاريخ التسجيل: 10-02-2002
مجموع المشاركات: 3634
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    العزيز علاء ،
    كل عام وانت طيب ومبسوط وتقرقر يا رب!
    الطنبور اتولد معاى فى البيت !
    الوالد يرحمه الله كان عازفا بارعا !
    وكنا نرقص مع عزفه ونغنى !
    فقد كان أبى يرحمه الله جميلا يتدفق فنا وانسانية وحبا وودا .
    ولى عودة وقعدة طويلة .
    واغشى لقدابتى أملا خشمك وقنب أكللك ديفيقاتن سميحات وكتحة ترمس !
    ست البنات .
                   Subscribe on YouTube |Articles |News |مقالات |اخبار

01-01-2005, 10:05 AM

ملكة سبأ

تاريخ التسجيل: 06-18-2003
مجموع المشاركات: 3853
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: ست البنات)
                   Subscribe on YouTube |Articles |News |مقالات |اخبار

01-01-2005, 10:35 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: ملكة سبأ)

    ملكة سبأ

    عارف حديثك ذوق وفن
    وين كنتي كايس ليك زمن
    جايانا بعد الليل سكن
    راحن نجيماتو إتّكن
    وين كنتي كايس ليك زمن
    بان الصباح و نسايمو جن
    و بلابلو في الأغصان شدن
    وين كنتي كايس ليك زمن

    أتابع كتاباتك في سودان.نت و جهودك الجميلة في عكس صورة مشرفة و مشرقة عن "الشمال بلد الأحبة"
    و عن أهلي الأفاضل زاد شوقي ليهم يا ماشي سادر سلم عليهم.
    ما تغيبي ، الصفاقين في السكة و عندنا الغنايين راجينكم للشبال.
                   Subscribe on YouTube |Articles |News |مقالات |اخبار

01-01-2005, 10:29 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: ست البنات)

    ست البنات
    Quote: الوالد يرحمه الله كان عازفا بارعا !
    وكنا نرقص مع عزفه ونغنى !
    فقد كان أبى يرحمه الله جميلا يتدفق فنا وانسانية وحبا وودا .


    رحمه الله رحمة واسعة

    يا قمرا أقلبي السنسن الحمرا و شوفي أبوي أنا الراجياهو كل صباح
    والله جاهو العيد كمان زاد القليب حسرة هو منطمي قلبو و نفسو منكسرة
    لا لمّة القروش لا حصل المسرى بلد ما فيها زول مات من عدم كسرة
    فراقكم ليها يا أحباب دة ما كان صاح

    التحتها خط دي عايزة ول يجي يصلحة


    حباب ست البنات ، قعدنا تحت النقيقيرات و جبنا طمبورنا وريحة الجروف سابقي قعدتنا ، و بنات الشيخ يسون في الشاي المن لبن النعجي ، و حنبدأ الجلسة.
                   Subscribe on YouTube |Articles |News |مقالات |اخبار

01-01-2005, 09:56 AM

yasiko

تاريخ التسجيل: 02-04-2002
مجموع المشاركات: 2906
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    الأخ علاء الدين سلام
    كل عام وانت بخير
    الموضوعان التاليان وجدتهما في "سودان نت" وبكل اسف لم اتذكر الكاتبين ،
    والان استسمحهما ، غياباً ، لنقلهما إلى هنا ولهما العتبى حتى يرضيان




    الطنبور :-
    هى آلة لم تدخلها المكننة تتكون من أشياء بدائية ويرسم عليها باليد رسومات جميلة ويشدْ عليها خمسة سلوك .
    ويشدو بها فنانين الشمال من الحامداب والمناصير الى حلفا ولكن اتقنها بطريقة فنية جميلة أبناء قبيلة الشوايقه .
    ومن الفنانين الذين أجادوها بقوة هو النعام آدم وهو رقم أنه فاقد حاسة الرؤية ولكن كان مبدع ويمتاز بخفة الدم والنكات السريعة ومما يحكى عنه أن أحد أبناء المنطقة يطلق عليه أبو سلك وكان معجب بالنعام وطيلة الوقت يبشر فوقه ويقول أنا أبو سلك
    اين ما يذهب النعام شرق أو غرب يجده معه وفى أحد المرات عندما كان يهز فوقه قال له النعامه !!!!!! أبو سلك أرجوك أبعد من فوق خمس سلوكى هذه .
    ومن الفنانين عثمان اليمنى وهو مبدع كذلك ولكن سيس نفسه والسياسة تمحو بريق الفن لذى فقد جلة معجبينه .
    والفنان محمد جباره الذى أبكى عيون جدتى وأمى وعيون جيلى بأغنيته الحنينه : يا يمه أرسلى لى عفوكى ينجينى من جور الزمن .... وباقى كلماتها الحنينه .


    &&&&&&&


    إن آلة الطنبور هي قريبة من آلة العود من حيث استخراج الأصوات بواسطة النقر ولمس الأصابع وشكل الطنبور من حيث صندوقه الذي يعتبر بيت الصوت يكون صغيراً بحجم الماندولين وزنده يكون طويلاً أقل من مسافة المتر بشيء قليل ويوضع على زنده ربطات من الأوتار تسمى الدساتين ومهمة هذه الدساتين تعيين أماكن النغمات والطنابير على نوعين ميزاني أو خراساني وبغدادي ولكل منهما خصائصه ومزاياه فالطنبور البغدادي يحتوي زنده على ستة عشر دستاناً أي ربطة ولذا نجده ضيق المسافات إذ لا يؤدي إلا الموال البغدادي و الإبراهيمي وبعض النغمات البسيطة بينما نجد الطنبور الميزاني الذي يعتبرونه كاملاً يحتوي على ثلاثين ربطة فوق زنده ويمكن لهذا الطنبور أن يؤدي سائر الألحان وحتى باستطاعته مماشاة آلتي القانون والبيانو ويوضع على صدر هذه الآلة وتران فقط هما صول دو وباستطاعة هذين الوترين أن يؤديا سائر الألحان والنغمات وقد يوضع ثلاثة أوتار على الطنبور في بعض الأحيان
    ولهذه الآلة عازفون بارعون اشتهروا في ميدانها في الماضي والحاضر ففي العصر العباسي اشتهرت عبيده الطنبورية وهي مغنية جميلة الوجه وشاعرة مجيدة ومحدثة لبقة وعاصرت إسحاق الموصلي وغنته ولكنها لم تنل شهرتها اللائقة بها وسميت بالطنبورية لأنها اختصت بالعزف على الطنبور والغناء عليه وقد اشتهر غيرها من المغنيين بالطنبوريين أيضا منهم أبو حشيشة ومخارق والمسدود والزبيدي وفي مطلع القرن العشرين ظهر طنبوري معاصر مجيد هو عازف الطنبور التركي جميل بك الطنبوري الذي ذاعت شهرته في العالمين التركي و العربي
                   Subscribe on YouTube |Articles |News |مقالات |اخبار

01-01-2005, 10:42 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: yasiko)

    الحبيب yasiko

    يا نسمة جروف بكتب ليك حروف
    من قلبي الولوف لزولي العطوف
    أغريهو السلام

    لمن الطمبور يرن يخلي قلب الكافر يحن

    الطمبور ساحر ذو خمس أوتار لكنه شكّل مع نقرات الدليب التي قال عنها باحث موسيقي ألماني"هذا أجمل إيقاع في العالم"
    إيقاع الدليب الذي عرفه YANI ذلكم الموسيقار العالمي و ألّف عليه عدة مقطوعات مسموعة.

    نحاول نستضيف الأستاذ الموصلي ليدلو بلدوه عمَا يختزنه في جعبته عن الطمبور و أوتاره و الدليب كإيقاع.
                   Subscribe on YouTube |Articles |News |مقالات |اخبار

01-01-2005, 10:09 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    حبيبنا علاء :
    والله نضمك في الثقافة بقا لي غريب غريب طوووولنا ما سمعنا ابداعتك دي ..الله يجازي اللكان السبب ..

    بت الحسين مريوما :
    والله علاء ده انا ساكيهو لي زمن يسمعني حاجة وهو زايغ اجيب ليهو الاورغن يقول لي والله لو لقينا عود يكون احسن اشوف ليهو العود يقول لي ياخ غنا الشوايقة حنيين خليني اشوف لي طمبور اها بس شغال معاهو يا كديسة سكي الفار ...
    انا خايفو يطلع (عازف) عن الزواج ..
    لك التحايا
                   Subscribe on YouTube |Articles |News |مقالات |اخبار

01-01-2005, 10:45 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: عمر الفاروق شيخ الدين)

    ود شيخ الين

    زعلان منك أيٍّ لأنك
    ما قدرت قوافل شوقي
    ولا أكرمت رسايلو الجنّك
    لا عوّافي ولا كيفنك

    يمشي يلاحق في السفار
    الماشين و الجاين منك
    قبال يوصل جبل البركل
    شوقو يسبقو و يسأل عنك
    لا عوّافي ولا كيفنك


    وينك يا راجل؟
    حبابك و إنت ضيف في النادي و عارفك ممكون بعشق الطمبور
                   Subscribe on YouTube |Articles |News |مقالات |اخبار

01-01-2005, 10:38 PM

alsngaq

تاريخ التسجيل: 04-27-2002
مجموع المشاركات: 2354
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)


    Quote: الطمبور صديقنا و عزنا و ملجانا
    وكتين السنين تفتح بوابة أحزانة
    مما قمنا نسمع فيهو لا ملينالا ملّانا
    زي إبل الرحيل شايلي السُقا و عطشانة


    الحبيب علاء

    كل سنة وانت طيب

    وبالف خير

    الكلام دا جميل بالحيل
    بس خلي ست البنات تجيب
    بوست القراريص حقها داك
    هنا عشان تكتمل الصورة
    والفرحة

    تحياتي



    تحياتي
                   Subscribe on YouTube |Articles |News |مقالات |اخبار

01-01-2005, 10:53 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: alsngaq)

    حبيبنا alsngaq

    و إنت كمان تجينا و نمشي مع بعض نلف البلد حلّي حلّي و محل محل ، نغشا ناس قوز قرافي و نقعد مع يعقوب تاج السر و نسمع حكاويهو مع الغرام و نبكي لمّا يقول :

    إن مت أكتبو فوق قبر المحب كلمات
    هذا شهيد الحب عاشق الجمال المات

    و نجابد لامن نصل لعاشق نجلا ، سيد أحمد عبد الحميد يحكيلنا أنبل قصة غرام و يحكيلنا شعورو في اللحظات القال فيها للمحبوبة بت العم السافرت و غابت و جات و جابت :

    أخلف للوعود و عذرتو و قلنا نصيب و أقسام
    طاف كل الفريق في عيدو زار كل البلد حام
    لكن طول إجازتو أبانا لامن كملا و قام
    حرام والله نحن البينا أرحام
                   Subscribe on YouTube |Articles |News |مقالات |اخبار

01-02-2005, 00:22 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    إسمعين ود حد الزين
    قال:

    نحن الساس و نحن الراس و نحن الدنيا بذاتة.

    كان ذلكم في الفخر و الإعزاز بإرث المنطقة الذي لا يضاهى.


    و حق لنا أن نفخر بإنتمائنا لقبيلة الطنابرة:

    لوما جيت من زي ديل
    كان وا أسفاي وا مأساتي
    واذلي
    تصور كيف يكون الحال
    لو ما كنت سوداني
    و أهل الحارة ما أهلي

    و يقول في أحد مقاطع قصيدته العصماء التي أصبحت تنافس "نشيد العلم" في الوطنية :

    عرب ممزوجة بدم الزنوج الحارة ديل أهلي
    ديل قبيلتي وكتين أفصل للبدور فصلي


    و على ذات النسق جاءت أغنية يوسف ود كرم الله لمحبوبة شاعر الأغنية "رانيا" التي يقال أنها كانت هندية و عايرته بسمرة لونه فقال لها:

    الريدة ما بتعرف حدود
    لا ليها مرسى ولا بلود
    يا رانيا قلبك ليه جحود
    أسمر صحيح أنا معترف
    و أهلي الهناك بالجملة سود
    لكن سمارة لون و بس
    أما القلوب عكس الجلود
    يا رانيا قلبك ليه جحود
    يا رانيا لو زرتي الشمال
    تلقينا أهل ترحاب وجود
    تلقينا سمحين الطباع
    تلقينا وقت الجد أسود

    (عدل بواسطة علاء الدين يوسف علي محمد on 01-02-2005, 00:32 AM)

                   Subscribe on YouTube |Articles |News |مقالات |اخبار

01-02-2005, 00:54 AM

alsngaq

تاريخ التسجيل: 04-27-2002
مجموع المشاركات: 2354
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)



    علاء

    كدي كان النظر دا ما كعب
    انت يا زول كنت فى الهند
    الكبر دخل والنظر بقى كعب
    شديد خلاص

    اخوك
    السنجك
                   Subscribe on YouTube |Articles |News |مقالات |اخبار

01-02-2005, 01:08 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: alsngaq)

    السنجك
    POONA UNIVERSITY
    SYMBIOSIS COLLEGE
    DECCAN AREA
                   Subscribe on YouTube |Articles |News |مقالات |اخبار

01-02-2005, 02:13 AM

Elmosley

تاريخ التسجيل: 03-14-2002
مجموع المشاركات: 31513
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    شكرا يا علاء علي هذا البوست
    وحقيقة الامر فانا اعشق الة الطمبور
    وهي اله منتشره علي طول ساحل البحر الاحمر وغربه الي الشمال
    وهي اله لها العديد من الاسماء مثل اللير وكيسر
    وكما اجاد عزفها في شمال السودان الشوايقه
    فان شرق السودان يجيدها ايضاوفي سائر انحاء الشرق يطلق عليها
    (بازانكوب) ولكنها بلغة التقري تسمي (مسنغو)

    اما عن ايقاع الدليب فهو ليس منحصر في السودان فقط
    كما يعتقد البعض منا ولكنه منتشر في كثير من انحاء العالم خصوصا في بعض المناطق الاوربية
    ولكن الضرب الايقاعي للدليب وهو في ميزان 7/8
    له تمييز وجمال ومهارات خاصه لدي قبيلة الشايقيه

    فقد الف عليه اعظم مؤلف موسيقي في القرن السابق
    ايجور سترافنسكي كما الف عليه كثيرا الموسيقار الاغريقي ياني
    وايقاع الدليب يطلق عليه الاعرج لانه ميزان مركب

    (عدل بواسطة Elmosley on 01-02-2005, 02:16 AM)

                   Subscribe on YouTube |Articles |News |مقالات |اخبار

01-02-2005, 02:28 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: Elmosley)


    الموصلي
    وليك من غير ما تقولِّي سلام بقول أهلاً حباب
    و أفضل إستناك قدر زمني الرجيتك فيهو لو قدري استجاب
    كل شعري و نثري كلو
    وهبتو لقمري المطول مني غاب
    و إنت مهما طال زمانك ليك آخر يا عذاب
    أنا بعشقك
    و بعشقك و ما شفتة إنسان أدمن الريد و منو تاب
    و بعشقك و ما شفتة مجنون غير فقيرو يمسو طاب
    إلا خايف عمري يكمل و لسة في صدري العقاب
    ومني ليك لابد أواصل و يبقى قلبي أنا غاب و جاب
    أنا بعشقك


    ما أجمل حضورك يا أستاذنا الموصلي و أنت تضفي على الجلسة سر العلام و العلامة ، دخلت من باب الكشر الكبير و جيتنا في بطن الحوش ، إتوهط يا موصلي هاك جُر عليك سبيطة مدين و سبيطة مشرق و رطِّب جوفك و بعدها بيجيك الشربوت بمناسبة راس السنة و شاي المغيرب المقنن.
    القعدة شكلها حتطول و لسة الجايِّ جايَ.
    معلومات مفيدة من أستاذنا الكبير و شخصياً جديدة علي و مفيدة نستفيد منها في مقبل الأيام
    شكراً يا موصلي و ياريت تطلّنا مرة مرة
    و الشوق وريدك في قليبنا بلا حدود
                   Subscribe on YouTube |Articles |News |مقالات |اخبار

01-02-2005, 03:07 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    أحبتي عشاق الطمبور
    دعونا لا ننسى أن نزجي التحايا مباركات لكل من حمل الشعلة الطمبورية على مرّ السنين و الأيام ، وقفة صغيرة لتحية الأستاذة العملاقة الغايبة عن العين الحاضرة دوماً في البال و الخاطرة ، الأستاذة نفيسة أحمد علي مِزيِّر
    المقدمة السابقة للنادي التي أمتعت الكثيرين بكنوز الشمال ، يقال أنها بالأمارات العربية المتحدة بعد أن خطفها الفارس ذو الحصان الأبيض:
    أصلو ود أب زيد كل يوم من بلدنا مرحِّل جِدي
    و نقول لها
    مشتاقين إنتي متين تجينا
    تعبانين و الشوق طال علينا
    حور في سور و سيدو معلّي سورو
    و الجيران ما قادرين يزوروا
    لكل من يعرف لها طريقاً أو يسمع عنها خبراً أن يبلغها عنّا السلام و الحب و عبرها يمتد للفارس الهمام خالد شقوري المقدم الحالي للبرنامج و الشاعر الشاب الفاتح.
                   Subscribe on YouTube |Articles |News |مقالات |اخبار

01-02-2005, 07:12 AM

osly2

تاريخ التسجيل: 10-17-2002
مجموع المشاركات: 3535
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    قالولى بتهوى شافعه ؟
    قوتليهم لو بترضع
    قالولى صباك ضائع
    قوتليهم بيها برجع
    وصوا وساكت توصوا
    وصيتكم ما بتنفع
    شوف العين شن بسوى
    لى جائع قصدو يشبع؟

    علاء وشلة الطنابره جايكم صاد

    تحياتى
                   Subscribe on YouTube |Articles |News |مقالات |اخبار

01-02-2005, 10:50 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: osly2)

    osly2
    حبيبنا أوسلي
    سلام عليك و إنتجايب ريحة يس عبد العظيم ألا رحمة الله عليه
    لا بتالفو ولا بتوالفو لا قادر منو ترجع

    تعال و كمِّل لينا الغنية و خلي قعيدتك تطول


    لا زلت أذكر قبل سنوات ليست بالطويلة حينما كنت مسافراً عبر "زهرة الشمال" مع عبد الرحمن ود مكي و كانت نفسي تنازعني البقاء ، عبرنا من الشرق للغرب ووصلنا أوسلي و بين مد و جذر ما بين البقاء و المواصلة لمحت أحدهم في أوسلي الحلوة يشير لود مكي بأن توقف و كان يريد مقعداً للخرطوم غير "مسطح" بأي حال من الأحوال و الدنيا برد ، و لقيتة فرصة و أديتو تذكرتي و قبضت قروشه وودعت ود مكي و مساعدو إبراهيم ولد أخوهو "الله يرحمو إتوفى قبل شهور قليلة" و عدت أدراجي من أوسلي إلي سوق القرير "راجلاً غير راكب" ومنها إلي تنقاسي السوق "بفوردكي" و من ثم لمروي غرب ثم البنطون و البيت الكبير.

    راجينك

    (عدل بواسطة علاء الدين يوسف علي محمد on 01-02-2005, 11:04 PM)

                   Subscribe on YouTube |Articles |News |مقالات |اخبار

01-02-2005, 09:53 AM

ود الشيخ



للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)



    ست البنات
    يا ممسوخي الحاجة البمسكوها كيف

    علاء
    يا اخوي الدولار مجننك اسمه ود شيخ الدين
    مش شيخ الين لكن ممكن الهللة
                   Subscribe on YouTube |Articles |News |مقالات |اخبار

01-02-2005, 10:12 AM

خضر عطا المنان

تاريخ التسجيل: 06-13-2004
مجموع المشاركات: 5149
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: ود الشيخ)


    عزيزنا : علاء

    جابني حسيس طنبور ينقرش بى هني ..

    والدليب العاوي في نص السمي ..

    وجيت أتاوق أكان القالي رقراقن من بين

    الصفوف فشان أمتع نضري دا برقيص بنياتن

    سميحات وأشيلي شبيبيلات أروي بيهن الرويح

    العطيشاني دي ..

    سلامي ليك .. ولى كل الجالسين في ديوانك السمح الأصيل دا.

    كل عام وأنت والأهل التحت والفوق كلهن بالف خير.

    خضرعطا المنان
                   Subscribe on YouTube |Articles |News |مقالات |اخبار

01-02-2005, 10:58 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: خضر عطا المنان)

    الزول الوسيم في طبعو دايماً هادي
    حلات رويحتك يا ود عطا المنان و حلالنا بيك وبي دخلتك علينا المافي متلها شي في الدنيي دي و شن الدنيي عليك الله "خرباني أم بناين قش"

    و حلاة نويدينا الجابك لينا و حق لقبيلة الطنابرة أنت تفخر بك يا ود عطا المنان.
    و راجينك
                   Subscribe on YouTube |Articles |News |مقالات |اخبار

01-02-2005, 10:54 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: ود الشيخ)

    حبيب الناس ود الشيخ

    عارف صورتك دي عشان تكتمل في نادينا دة ناقصة شنو؟؟؟

    الطمبور
    و ستي صفاقين
    تلاتي من تالة اليمين و تالتي من تالة الشمال
                   Subscribe on YouTube |Articles |News |مقالات |اخبار

01-03-2005, 04:31 AM

maman

تاريخ التسجيل: 11-21-2002
مجموع المشاركات: 1013
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    الأخ علاء
    الأخوان والأخوات

    تحياتي لكم جميعا

    أقدم اشتراكي في النادي ( وما تنسو تقطعو لي ايصال).. قصيدة للسر عثمان الطيب شدى بها في زمان سابق الفنان الفنان محمد جبارة، وهي يا صحاب قمري حليلو.. من زمان فارق خميلو

    مامان



    يا صحاب قمري حليلو
     السر عثمان الطيب 
    يا  صحاب  قمرى  iiحليلو
    من  زمان  فارق  iiخميلو
    **
    مالوفى  العش ساب iiخليلو
    دون  وداع فى يوم iiرحيلو
    فر   سايق  الشوق  iiدليلو
    ما  اتعرف  شقيش iiسبيلو
    **
    الدموع    زادو   iiالبشيلو
    فى  الطريق  يرون iiغليلو
    يسرى   دايح   جن  iiليلو
    حنن     الكافر    iiحويلو
    **
    هد   بى   ترحالو   iiحيلو
    زاد  كتر فى السفرة iiويلو
    يا   حليلو   غنا   وهديلو
    لي   يجى  النسام  iiيشيلو
    **
    منى    كل   الهم   iiيزيلو
    ما   اتلقالى  محال  iiمثيلو
    كنت   بلقى  وكت  iiمقيلو
    حاضنو شايلو جريد نخيلو
                   Subscribe on YouTube |Articles |News |مقالات |اخبار

01-03-2005, 05:55 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: maman)

    الحبيب مامان

    يا حليلكم يا أهلنا و ضمّة ضمّة الشوق كتلنا

    خشيت علي لقدابة ست البنات لقيتك تقرٍّض في حرفك الليل القراصة و تنضم في نضم حناكيش الطنابرة ما بيفهموهو ، نضماً شهاني البلد بالحيل يا مامان ، عجبني حديثك تب و قلت أندهلك تجينا كمان تدينا طلة بي هني لكن قلت كدي خلّو براهو هسعيتي طنيبيرنا المو خمج يجيبو يلوِّح بي عمتو و خاشي على بنوتن تحاكي الخيل يشيلو شبال شبالين و يقعد.

    مامان






    <mcg />New Page 1<mcl />







    الطمبور صديقنا و عزنا و ملجانا

    وكتين السنين تفتح بوابة أحزانة

    مما قمنا نسمع فيهو لا ملينا لا ملانة

    زي إبل الرحيل شايلي السٌقا و عطشانة



    أوتارو الحنيني تملِّي عايشي معانا

    في الريف و الحضر و محل ما تمشي بطانة

    الله لو بشيشي تداعبو إيد فنانة

    تتراقص جميع الدنيا بي أركانة



    لو قلبك حجر و غنانا شايفو رطانة

    أول ما يرن تلقاك غرقتة معانا

    إحساسك يذوب قامتك تميل طربانة

    زي مرّ النسيم وكتين يداعب البانة



    الطمبور سماحتو القمرة مالي سمانا

    الليل و السكون و الرملة كالمرجانة

    نتلملم نكون في شلة سامية مكانة

    نضحك ننبسط لما الصباح يلقانا





    (عدل بواسطة علاء الدين يوسف علي محمد on 01-03-2005, 06:15 AM)

                   Subscribe on YouTube |Articles |News |مقالات |اخبار

01-03-2005, 05:55 AM

Shinteer

تاريخ التسجيل: 09-04-2002
مجموع المشاركات: 2083
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: maman)

    صديق بن أحمد ... اللللللللللللللللله. الصوت الذي لا أملّه
    شكراً يا علاء .. والشكر كيمان ليك يا ياسيكو.

    صديق أحمد .. ملكات صوتية .. تمرق القطايع المزمنة.

    يديك العافية يا ود أحمد.
                   Subscribe on YouTube |Articles |News |مقالات |اخبار

01-03-2005, 06:03 AM

bayan

تاريخ التسجيل: 06-13-2003
مجموع المشاركات: 15417
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: Shinteer)

    بشوف لى جنى يقيف فى الصف يطير لافوق يطير يندق


    تحياتى لكم جميعا

    وكل سنة وانتو بالف خير تامين لامين

    وامغصتى رحل تلوت الليل
                   Subscribe on YouTube |Articles |News |مقالات |اخبار

01-03-2005, 06:08 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: Shinteer)

    حبيبنا شانتير
    الدار دارك و النادي بلاكم ما بيبقى

    صديق أحمد فنان لا حدود له كما أن حبنا له لا تحده حدود
    صديق غنّا كتير لعبد الله محمد خير و بهديك المقطع دة اللي يقال أنو عبد الله محمد خير كتبو في عيون خليجية لابسة البرقع في سوبر ماركت في الرياض لما بحلق فيها و في الجمال الما إتوجد للعيون السود و نهرتو و قالتلو "إيش فيك تطالع" فقال في اللحظة و التو:







    <mcg />New Page 1<mcl />







    بتسألي فيّ


    إيش فيك بتطالع


    بطالع في بدر فتك الخمار طالع


    بطالع في القوام الأمرد الفارع


    بطالع في جمر بيك وبلاك والع


    بطالع في النفس لا يبقى مو طالع



                   Subscribe on YouTube |Articles |News |مقالات |اخبار

01-03-2005, 06:01 AM

ود الشيخ



للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)



    علاء
    البوست ده راقي يا اخي
                   Subscribe on YouTube |Articles |News |مقالات |اخبار

01-03-2005, 06:12 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: ود الشيخ)



    قصدك شنو يعني يا ود الشيخ؟

    يا حبيبي والله نحن ناس راقين بالفطرة.
    و خليك معانا بس ما تمرق
                   Subscribe on YouTube |Articles |News |مقالات |اخبار

01-03-2005, 07:36 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)







    <mcg />New Page 1<mcl />




    بيان


     


    يا
    غالية نار الشوق حرقتني يادابا


    شوق
    للصغير يادوب في الواطة يتحابا


    من
    شافني قام يبكي بي إيدي لي شابا


    ما
    جبتي لي خبر لا جوني جلابة


    يا غالية نار
    الشوق حرقتني يادابا

     


     





                   Subscribe on YouTube |Articles |News |مقالات |اخبار

01-03-2005, 09:46 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)








    و من أرض الشمال المعطاءة و من نوادينا جاءا يشكلا ثنائية من أجمل ما تكون ، تغنيا بأشعار عاشق نجلا سيد أحمد عبد الحميد :

    بالله يا مرسال شيل السلام ليهو
    سافر مع الأنسام أرجوك قول ليهو
    قولّو العشوق راجيك شوقك مبكيهو
    يغريك ألف سلام ردّو اللوديهو






                   Subscribe on YouTube |Articles |News |مقالات |اخبار

01-03-2005, 06:16 PM

osly2

تاريخ التسجيل: 10-17-2002
مجموع المشاركات: 3535
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    ضمنى يا ليل الغلابة وضمنى
    لفنى وابلعنى فى جوفك هناك ولمنى

    بسالك بالفيك مسك قلبو وشهق
    بالبيبكى ودار تشقوا العبرة طق
    بالكتم سر حبو لا باح لا نطق
    قولى مخلوق حظى منك ولا من حظى اتخلق ؟


    انتظر طاوعنى لا تعجل تفوت
    يبقى ما تلقانى بكرة وراك اموت
    ودا ان حصل البس سوادك وحدنى

    مالك اتحيرت يا ليل فى الكلام
    ماك شايف الدنيا فى عينى ظلام
    والقليب عميان يفتش فى الزحام
    لى قلوبا طيبة ما عرفت خصام
    فى زمننا الطيبة راحت وما اتلقت
    فى دروبا جريت والكرعين حفت
    والبقول يمسح دموع عينى يزيدا يتمنى
                   Subscribe on YouTube |Articles |News |مقالات |اخبار

01-03-2005, 11:20 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: osly2)

    الحبيب أوسلي
    ذهب يس عبد العظيم و بقيت أغانيه ترنيمة حب و عشق دائمة ، حلالي بيك و إنت عندك منو الكتير ، يسن
    لو ما كان العمر من بدري إنكتب في اللوح
    كان النفوس تتفدى روح بي روح ليسن


    النادي بيكم عمران و ما عليهو خوف تب
                   Subscribe on YouTube |Articles |News |مقالات |اخبار

01-03-2005, 11:02 PM

yasiko

تاريخ التسجيل: 02-04-2002
مجموع المشاركات: 2906
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    الحنـــــــــــــــــــــــين
     السر عثمان الطيب 
    الـــــحـــــنـــــيـــــن
    ودانـي جـيت بالساقي سادر***قلت انشد ناسا iiعن
    زولـــــــــي iiالــمــســافــر


    الـــــحـــــفـــــيـــــر
    شـوف عيني يبكي معاي يكابر***دمعو جدول جاري
    لــبــيــتــكـم iiمــــجــــاور


    قـــــــــــــــــــــال
    لي  وين ما بنت طوّل ماك ظاهر***دار اجيكم قلت iiلو
    كــــــان لاقـــــي iiخـــاطــر

    كـانت الايـام حنان بلحيل نواضر***الله يلعن حظي
    شـــــوم  يــااخــوانـي iiعــاســر

    لـمحل الـلقيا سـقت خطاي ازاور***استعيد الماضي
    اتــعــلــلــبـو   iiصــــابــــر

    احضن  الاغصان  واهيم في وهم سادر***وحدي iiتحت
    الــمـنـقـة لـــلأحــزان مــصـاقـر

    مـالو  مـن خـلاني مـا يـكتب يخابر***بس iiلعلّو
    الــمـانـعـو  خـيـروكـتـر بــشـايـر

    نـاس فـلان قـالوا لي طاريك ديمة iiذاكر***بغرامك
    قــلـبـو ديــمــه مـــلان وعــامـر

    لابـس  الاخلاص حرير وهلال واساور***قلدو iiفوق
    عــنـقـو اكــلـيـل مـــن iiازاهـــر

    آه..تـقاليد ريـفنا يـا الابو ماب تشاور***نحن iiسر
    مـأسـاتـنـا  بـتـنـا  قـــولا iiقــاصـر


    بـرضي بـمحبوبتي مهما كان بفاخر***زولتي iiخلقت
    مـــنــي زول فـــنــان وشــاعــر

    مـن جراحي ونوحي والاذي والدرادر***من iiجحيمي
    الـفـيـهـو مــرمـي كــأنـي iiكــافـر

    مـن ضـيا الـقمرة البشق الليل يدافر***من iiحسيس
    طـنـبـور  يـــرن فــي روعــة يـنـاقر

    من فؤادي وروحي من آخر وآخر***بهدي اجمل شعري
    لــــؤلــــؤ  در  جــــواهــــر
                   Subscribe on YouTube |Articles |News |مقالات |اخبار

01-04-2005, 00:07 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: yasiko)

    حبيبنا yasiko

    الله عليك و إنت جايينا بريحة ود جبارة ، الحنين وداني جيت للساقي سادر ، تقرِّب دميعاتنا القراب ينزلن شو من الغنوي دي تحديدا يا سلام عليك و بالله أمرق ك العندك خلي النادي يعمر أهلو عشان عشاقو كمان.

    و خلّني أديك شوية كمان من حق أولاد شايق سكان البنادر من شاعرنا و ملحنا الأستاذ علاء الدين أحمد علي "ود حلفاية الملوك" الصديق الظريف الدمو خفيف ، علاء الدين أحمد علي رغم إحتراف تلحين الأغنيات الحديثة لعدد من الأصوات المعروفة أمثال المرحوم خوجلي عثمان و أسامة الشيخ و الجيلي الشيخ و عدد آخر الفنايين إلا و أنه من تلحين أغنية واحدة شايقية مية المية أكدّ أنه واصل من كل الجهات ، الأغنية ذات عدة شعراء نظمت كلماتها بطريقة المرابيع وهي طريقة البطانة و شعر البادية:



    مالك نفسي مطعونة و تملِّي تنيني
    مالك عيني للغميد أبيتي تليني
    عطشان ديمة كفح الموية ما برويني
    كاتلاني الطريفية البريدة قريني
    الناس عيدت مرقت علي أصحابة
    و انا فريت على الجاهلي السمح ترحابة
    فاطراً يحكي برّاق البدودي سحابة
    لفت قلبي زي لف طرحتة اللافحابة

    ختت إيدة فوق إيدي إنجذبتة خدرتة
    حبيت أمشي من كتر الطرب ما قدرتة
    بقت الحنة بيني و بيها إندرتة
    لولا الحنة بيني و بينة كنت ودرتة

    أخدر ليهو ضل فوقو المحاسن شرن
    أفلج فاطرو زي برق السواري الكرن
    يتقسم مقاطع في المشي و يتحرن
    زي فرخ القطا الأماتو ردن و فرن

    يتمنى الدهب لو لونو يشبه لونك
    تتمنى الدرر لو هي تبقى سنونك
    مجنون ليلى حالتو أقل من مجنونك
    مادام ليلى كانت في المحاسن دونك

    عن من أحب أنا غير راضي فُرقتة
    هايج بي غرام عن حالي كل ُسرقتة
    لولا أدمعي من ناري كنت حرقتة
    ولولا ناري من كترت دموعي غرقتة

    (عدل بواسطة علاء الدين يوسف علي محمد on 01-04-2005, 01:51 AM)
    (عدل بواسطة علاء الدين يوسف علي محمد on 01-04-2005, 03:05 AM)

                   Subscribe on YouTube |Articles |News |مقالات |اخبار

01-04-2005, 00:21 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    صحي يا جماعة الرواية البتقول انو ليلة القدر جات في القرير لي اح الصالحين ولمن قالت ليهو اطلب قال ليها عايزنك تبقي الشوايقة ديل كللللللللللللللللللهم " غنايين" وهو كان قاصد يقول " غنيانيييييييييين ")؟؟
    زمان قلنا رواية خرافية لكن بعد زرتكم اسة بديت اصدق..
    ليكم التحية ..
    وحوا قالت دايري تلبس حشمة ما شرطا قيافة ..
    قالوا ليها الدايرة تلبس الا تقلع توب عفافا..

    وحوا قالت دايري تاكل ما لقت ولا لقمة نية ..
    قالوا ليها ان دايرة تاكلي اكلي في خاطرك شوية ..
    اضحكيلم وابسميلم تلقي بدل اللقمة مية ..

    سووت الشاي للعطالة ..
    ما لقت غير الرزالة ..

    حوا يا ناس يا حليلا وضم يا ناس يا حلييييلا ..

    اجمل ما سمعت منكم اهلي الشوايقة البحبكم ساااااااااااااااي بلا شغلة بي الرغم من اني ما شايقي ..
    لي حكايات كثيييرة مع القرير التي هي اول مدينة ازورها خارج امدرمان حتي قبل ان ازور اهلي ..
    لي عودة ..
                   Subscribe on YouTube |Articles |News |مقالات |اخبار

01-04-2005, 01:56 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: عمر الفاروق شيخ الدين)

    الحبيب ود شيخ الدين

    مدّت الإيد للعطالة ختّو في إيدينة لالا
    حامت الحلال تغسِّل ما لقت غير الرذالة

    حواء و عابرة و يعقوب تاج السر إبداع متفرد و متجدد
    حباب عشاق النادي و راجينك
                   Subscribe on YouTube |Articles |News |مقالات |اخبار

01-04-2005, 03:30 AM

riad atta

تاريخ التسجيل: 08-28-2004
مجموع المشاركات: 43
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    الأخ / عــــلاء


    التحية لك


    الطمــبور أو كما سماه الشاعر محمد بادي (هذا الكائن الذي يمشي على خمس) فمن الغرابة أن يتأخر في العودة ومن العجب أن لا يعود .



    الطمبور نقيمتو الشــاردي سايقي الفرحة تترنم تزغرد والنسيم ضماها كان فرحة بنيت العم



    والطمبور إذا ما ناح مع غنياو عكس الريح بجينا...... ونحن في إنتظار عودته .


    والشكر موصول لكم جيعا



    أبو مــنى
                   Subscribe on YouTube |Articles |News |مقالات |اخبار

01-04-2005, 06:18 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: riad atta)

    مرحب حباب أبو منى
    أبقى داخل
    و من يوسف كرم الله حكم مطموسة جوة غنانا الحنين








    الحزن لو طال ما بيدوم
    الدنيا حلوة حلوة الننسى الهموم
    كل شئ بإرادة محكوم
    لا تقول دهري علي ظلوم
    بأريج الرضا ليل ننوم
    نبتسم ضاحكين كل يوم
    الدنيا حلوة حلوة الننسى الهموم













                   Subscribe on YouTube |Articles |News |مقالات |اخبار

01-04-2005, 07:32 AM

osly2

تاريخ التسجيل: 10-17-2002
مجموع المشاركات: 3535
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    الناس في سعادة وبهجـــة
    وانا بحـر الهموم طمــاني
    وين قارب نجاتي آخـلــقو
    واللـه انـا دايمـا الآخـراني
    اهرب من دناي ويـن أمشي
    ياريت الأمــاني أمــــاني
    طالما الدنيا ياها الدنيــــا
    وطـــالما ياني ياني أنا ياني
    ياسجم السجم يابخـــتي
    ياحظـي المولي وفــــاني
    كيفن في الشقاوة عتـرت
    والخير فاتـني واتعـــداني
    آه يامــــرتي المليــوكة
    يانار قيدي تاني وتــــاني
    من ألـماً مقطع قلــــبي
    في جواي كاتل انســاني
    آه ياقدري كـون في همي
    راجيك من قبل ترجــاني
    هم واحد يودر ســــيدو
    مطبوقات عليّ تمـــاني
                   Subscribe on YouTube |Articles |News |مقالات |اخبار

01-04-2005, 08:15 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: osly2)

    أوسلي الحنين
    تعرف لي فترة بفتش في أغنية "سلم عليهم أهلي الأفاضل" ما لاقيها يا ريت لو إنت ولا واحد من أعضاء و عشاق النادي يجيبة لينا لأنها بتعدد مناطق الشمال حتي حتي.
                   Subscribe on YouTube |Articles |News |مقالات |اخبار

01-04-2005, 08:46 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    القصيدة للشاعر الشاب علاء الدين عبدالرحيم أبسير وغناء الفنان عبدالرحيم أرقي

    أميمة

    أحمد معروف بالطيبة
    حسن أخلاق وعليها إتربه . .
    تكفي شهادة ناس الحلة
    إنو خلوق وخجول ومُربّه
    * * * * * * * * *
    رغم حداثة سنو
    لبس تهذيبو أصالة وهيبة
    أدي الناس الحب أدوهو
    حسن الظن بيناتن شبأ
    خشت فجأة أميمة حياتو
    وصارت بينو وبينا محبة
    قلبو إختارها عشان معروفة
    زولة حنينة وراقية وطيبة
    دسو الريد في السر بيناتُن
    وخلّو حبيس دفين ومخبأ
    وكيف تنضارى متل أشواقن
    وليه زي ريدُن يوم يتخبأ
    * * * * * * * * *
    وبعد أعوام وصلتلو رسالة
    جواب مليان تقيل ومعبأ
    قبال ما يفتحو عرف الراسل
    باينة وظاهرة رسائل وهبة
    أخوهو الليهو زمن متغرب
    تسعة سنين قضاهن غربه
    مرسل ليهو تذاكر وفيزا
    دايرو يجيهو هناك في طيبه
    * * * * * * * * *
    طار في الأول أحمد فرحه
    كلم كل الناس والصحبه
    لما إتذكر أميمة حبيبتو
    فجأة إنتابو شعور بالخيبه
    لكن قرر إنو يسافر
    سرعة يعود ويتم الخطبه
    لأنو الغربه طريقه قصير
    وفيها يهون تحقيق الرغبه
    * * * * * * * * *
    جاتو اميمة حزينة توادعو
    جاتو تجفف دمعو الكبه
    جاتو توصي عشان ما يقوى
    لا ينساها هناك في الغربه
    جاتو تطمنو إنو ح يفضل
    ريده الخالد مهما غبه
    حافظه عهود الريدة البينُن
    ومهما كان ح يظلو أحبه
    * * * * * * * * *
    أهدتلو المصحف شان يرعاهو
    من العين والهم والكربه
    لبّسه عهد الريد في جيده
    عقد ممهور بصورة الكعبه
    قامو إتوادعو زين إتباكو
    فات خلاها وحيدة وخبا
    سافر شال همو وأحزانو
    بعد أيام في المملكة غبا
    * * * * * * * * *
    لاقو الناس يا زول كيف حالك
    بالأحضان قام سالم وهبه
    قالو نصاح ناس أمي وأبويا
    مشتاقين راجنلك أوبة
    قالو أحمد: سافر يا وهبه
    غير جوَّك وروِّق حبه
    أمك ياخي تلاهي عليك
    لاخالالا ضريح لاقبه
    السودان مشتاقلك كلو
    ضفاف ورمال سواقي وتربه
    وحتى النيل فرحان راجيك
    تجي وتنهل من مويتو العذبه
    بعد أيام كان وهبه هناك
    بين أصحابو وأهلو وأحبه
    في حضن أمو الطول منو
    في حيشانو الواسعة الرحبه
    قالتلو أمو أخوانك كبرو
    وما فضلنا زول يتربه
    بس فضلي أشوفو جديدك
    وكتين لسع حيه وطيبه
    * * * * * * * * *
    إختارولو بنيي سميحي
    تشع حيويه ورونق وهيبه
    أديبه وراقيه وكلها عفه
    وبرضو أهل وقراب في الحسبه
    يوم العرس الحي صباحي
    فرح مطبوق والناس منطربه
    شاق الليل صوت كم زغروده
    وحس طنبور ودليبن ربه
    إلا في واحده حزينه وباكيه
    سايله دموعا دوام منسكبه
    الفي دموعا سؤال بيحير
    وفي آهاته أسرار محتجبه
    وقالو الناس دي دموع الفرحه
    وغيرا شنو الحا يكون السِّبه
    * * * * * * * * *
    بعد أيام ساق وهبه عروسو
    ساقا رجع لي بلد الغربه
    سايقو حنين لي كل أصحابو
    ولي أحمد أخوهو أشواق ملتهبه
    وصل الباب كورك يا أحمد
    فتح أحمد بي لهفه ورغبه
    شاف قدامو الما متوقع
    هم الكون فوق راسو إنصبه
    شاف السلسل عهد الريده
    نفس السلسل وصورة الكعبه
    شاف قدامو أميمه حبيبتو
    كانت قاسيه وقاضيه الضربه
    شاف أحلامو تضيع قدامو
    بعد ما كانت منو قريبه
    كانت لحظه تفيض بالدهشه
    شاف الدنيا كأنها تسبح
    كورك أميمه...أميمه وصنقع
    صنقع ودنقر.. ودّر وغبى
    وجن أحمد في نفس اللحظه
    جن الريـد..ما أظن بتخبأ
                   Subscribe on YouTube |Articles |News |مقالات |اخبار

01-04-2005, 08:50 AM

osly2

تاريخ التسجيل: 10-17-2002
مجموع المشاركات: 3535
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    علاء الدين .. سلام
    اتلح فى رقبة مامان اكيد بتكون عندو ومعاها رد السر عثمان الطيب
    يا البكره قايم قاصد بلادى
    اهدى التحايا من كل فؤادى


    اداك عيون تحيى وتكتل
    ان رادت شئ بى امره يكون
    فتشت نو احى الدنيا وجيت
    ما لقيت لشقاى من غيرك عون
    علمتبنى العشق المجنــون
    جالسينى وفى شرعو افتينى
    افتينى فى حكم الهوى بالذات
    فى نص الماده الفيهو تقول
    يعدم من حبا ولو مظلوم
    لا شاهد لا دفعا مقبول
    لو قتل الحب عاشق عمدا
    العدل مع القاتل على طول
    طيب ما ذنب المات مقتول
    ما تردى على حيرتينى
                   Subscribe on YouTube |Articles |News |مقالات |اخبار

01-04-2005, 01:36 PM

برهان تاج الدين

تاريخ التسجيل: 08-28-2004
مجموع المشاركات: 510
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: osly2)

    عليكم الله شوفوا الشوايقة اتلملموا كيف ..
    بس قولة ترن ترن.

    -------------------
    "برهان الحاسد"
                   Subscribe on YouTube |Articles |News |مقالات |اخبار

01-04-2005, 01:47 PM

kamalabas

تاريخ التسجيل: 02-07-2003
مجموع المشاركات: 10673
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    ما يطلبه المستمعون
    oo رحل تلوت الليل ooo
    Quote: وأشوف فيك صورة مابتنشاف أشم رحيت الكليت والشاف
    ...
    سماح ناسن حلات ناسن بلا السكر ,.طعم قراصة في قدحا من الدبكر
    كوارك شفع المغرب ينجضوا في الجمر قنقر
    هل نطمع في أن يمدنا أحد الأخوة بنص هذه القصيدة ( رحل تلوت الليل )
    أو يسمعنا لها بصوت محمد جبارة
    هذه القصيدة اللوحة المكثفة التي تقول كل شئ وتحشد كل التفاصيل الصغيرة
    الرائعة الملئة بالشجن الاليم والألفة والشوق الدافئ
    >..

    كمال
                   Subscribe on YouTube |Articles |News |مقالات |اخبار

01-04-2005, 02:46 PM

osly2

تاريخ التسجيل: 10-17-2002
مجموع المشاركات: 3535
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: kamalabas)

    كم ارقني غيابك انت واجــرى الدمع المابي يوني
    وينك والأيام الحلوة لا شي غير جيتك شــاغلني
    اندهدهتي ودهدهتيني متوهدب بين شكي وظني
    لاشكا اقنعني اسيبك لاظنا في رجـــاك وصلني
                   Subscribe on YouTube |Articles |News |مقالات |اخبار

01-04-2005, 03:48 PM

yasiko

تاريخ التسجيل: 02-04-2002
مجموع المشاركات: 2906
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    Quote: عليكم الله شوفوا الشوايقة اتلملموا كيف ..
    بس قولة ترن ترن.

    -------------------
    "برهان الحاسد"


    برهان الدين سلام
    قالو " البِكِي بيحرروه أهلو"
    وازيدك " الطنبور في عين " ست البنات " و " الملكي" أُورغن
    لك الود
                   Subscribe on YouTube |Articles |News |مقالات |اخبار

01-04-2005, 10:41 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: yasiko)

    برهان تاج الدين
    حبيب الكل
    مرحب بيك في نادينا و إن ما شالتك واطاتنا تشيلك روسنا أكيد.
                   Subscribe on YouTube |Articles |News |مقالات |اخبار

01-04-2005, 11:20 PM

ابو جهينة

تاريخ التسجيل: 05-20-2003
مجموع المشاركات: 18949
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    الأخ الأستاذ علاء الدين

    تحية معجونة برنة طمبور على ضفة النهر الخالد

    أين كان هذا البوست ؟ أن عامل السن فعلت بنا ما فعلت ؟
    بوست جميل جدا ..

    للعلم : أنا عازف طنبور من الدرجة ( الأولى) : أى بمستوى رفيع جدا منذ الصغر .. فقد إستهوتني هذه الآلة الحنونة لدرجة أنني قمت بصناعة طنبور بنفسي ..
    عندما إمتحنت لمعهد الموسيقلى عام 1976 قلت للأستاذ عثمان مصطفى لا بد أن أمتحن أيضا على آلة الطنبور مع آلة العود التي أجيدها أيضا .. و بالطبع رفضت اللجنة و إعتبروا كلامي غريبا ( رغم أن آلة الطنبور آلة لا تقل عن بقية الآلات الوترية إن لم تكن تفوقها ) ..

    تخريمة : قال الأخ العزيز الأستاذ برهان :
    عليكم الله شوفوا الشوايقة اتلملموا كيف ..
    بس قولة ترن ترن.

    و ها أنذا آتيكم بقبيلة المحس و السكوت التي تألق عدد لا يستهان به منهم في العزف على آلة الطنبور و أخص بالذكر صديقي المرحوم ( حسين وقيع الله المشهور بحسين ألالا و المرحوم دهب الشاعر من جزيرة صاى و الأخ محمد عبدالرحمن من صواردة و الأستاذ الباحث مكي على إدريس ) ..

    بوست جميل يا علاء تستحق عليه الشكر و الثناء .
    إقتراح : عمل قائمة بأسماء فناني الطنبور مع ذكر بعض من أغانيهم و شعراءهم و ملحنيهم و مناطقهم ( للتوثيق ) ..

    تسلم
                   Subscribe on YouTube |Articles |News |مقالات |اخبار

01-04-2005, 11:40 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: ابو جهينة)

    أستاذنا أبو جهينة

    مرحب بيك والله و شرفت ناديك و مطرحك و براحك ، و قبال كدي قلنا:
    الله لو بشيشي تداعبو إيد فنانة
    تتراقص جميع الدنيا بي أركانة

    و هأنتذا أحد مبدعي هذا الفن الراقي و عازف ماهر للطمبور و دارس للموسيقى و لا شك أن لدولك في هذا البوست أهمية كبرى وسنجد منك الكثير المثير و سبق و إستعنا بالأستاذ الموصلي الذي لم يتوانى عن المداخلة ، ولا شك أنك اللبنة التي ستكمل البناء و منتظرنك إنت و ناس صاي و صواردة و آرتمري و شدة و كل الطنابرة البيت بيتكم.
    و من كل بستان الزهر و حيكتر النحل
                   Subscribe on YouTube |Articles |News |مقالات |اخبار

01-04-2005, 10:57 PM

ود الشيخ



للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    ]


    (ولاي) والله يا علاء الدين يوسف علي محمد
    بكانك ده ببرد حشاي عليك النبي خوت فيهو
    بخور تيمان وبخور جاوي
                   Subscribe on YouTube |Articles |News |مقالات |اخبار

01-04-2005, 11:01 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: ود الشيخ)

    الغالي ود الشيخ

    و عشان طلتك الحلوة دي جردل شربوت من القنديلة المخصوص و الكرشة ، الضحية ذاتة قرّبت ، جيب جكك و تعال.
                   Subscribe on YouTube |Articles |News |مقالات |اخبار

01-04-2005, 11:33 PM

عمر الفاروق شيخ الدين

تاريخ التسجيل: 12-01-2004
مجموع المشاركات: 0
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    علاء الدين يا اخوي:
    انت ناديكم ده خاتين فيهو مطاوعين (انصار سنة ) ولا شنو ؟؟؟
    ماشايف لي بنية كده فاااارعة تجي تدي الشبال!!!!!
    والله مشتهي لي شبال من شايقية !!!
                   Subscribe on YouTube |Articles |News |مقالات |اخبار

01-05-2005, 00:52 AM

ابو يسرا

تاريخ التسجيل: 02-21-2002
مجموع المشاركات: 1837
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: عمر الفاروق شيخ الدين)

    تتم الآن خطوات جادة لاعادة صياغة نادي الطنبور
    سيخرج النادي بشكل جميل يلبي طموحات اهل الشمال
    الجهود يقودها اخوة اعزاء بقيادة الاستاذ السر محمد طة وعبدالرحمن عجيب وآخرون
    انا شاهد على مايجري من جهود لبث الحياة فى نادي الطنبور وعلى استعداد لنقل اقتراحاتكم للجنة نادي الطنبور
                   Subscribe on YouTube |Articles |News |مقالات |اخبار

01-05-2005, 01:01 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: ابو يسرا)

    تسلم كتير يا أبو يسرى
    والله عندنا إقتراحات كتيييييييييييييري في صالح النادي و كدي نشوف راي الأعضاء و أنا بجهز ليك إقتراحاتي و لحدي الوقت داك سلم لينا عليهم وخليهم إن قدرو يتابعو معانا هني شويي
                   Subscribe on YouTube |Articles |News |مقالات |اخبار

01-05-2005, 01:10 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    ويا حليل محمد كرم الله بلبل السودان الأول بلا منازع الذي إعتزل الغناء و هو في أوجه و عز شهرته و فضّل أن يعتلي المئذنة لتطول رقبته يوم لا ينفع مال ولا بنون إلا من أتى الله بقلب سليم.
    محمد كرم الله ذلكم الصوت الشجي الذى تغنى بـ

    أحلف ليها بالإسلام تحلف بالمسيحية
    قصة ريدة بين إنسان مسلم و بين مسيحية

    و :

    حتى الطيف رحل خلاني

    هنا في هذه المساحة نفرد له و من كلمات الشاعر الكبير محمد سالم حميد هذه القصيدة الخطاب المعنون القصة:








    وريني شن طعم الدروس مادام مكانا مشي قطر
    كيف ذاتا ترتاح النفوس تقبل قرايتة بالجُبر
    يايمة.....
    كل مأفتح كتاب القاك في اول سطر
    القى الصحاب .. القى الجناين والتمر
    كيف ذاتو .. ابوي تلقاهو فاتح كتابو مع الفجر
    يقرأ ويرتل في كلام ما بفهمو الناس الكُتُر
    يايمة
    حان الإمتحان من وقتو بس فاضل شهر
    كيف ذاتي ..يانبع الحنان انجح من آلام السهر
    عمرك سمعتيلك جبان خاض المعارك وانتصر
    ما أظني من جور الزمان انجح وأجيب ليكن نمر

    الشوق متل شوق الكتر طعن الجسم لامن خِدر
    والله لوما مِنْجَبِر ماكت بفارقك بـ شبر


    يايمة.....
    في الحصة عقلي انا راح سدر
    يا يمة المدرس لو فكر
    كان تلقي قاعد فوق ككر
    في الدونكا لسع مافطر
    والله مش لو كان نَهَر
    لو كالني بي سيطان بقر
    مادام عقيل الجن سدر
    ما ظنيتو من عندك حضر
    كر من حالي كر قاعد لي فوق كيمان جمُر
    غربة وكمان حالاً فقر عزبني قبل أصل القبر
    أصلو الغربة طعيما مُر ..لكني بقعد بالجبر
    لامن سنين الهم تمر ..ياربي ألهمني الصبر







    (عدل بواسطة علاء الدين يوسف علي محمد on 01-05-2005, 01:12 AM)
    (عدل بواسطة علاء الدين يوسف علي محمد on 01-05-2005, 01:38 AM)

                   Subscribe on YouTube |Articles |News |مقالات |اخبار

01-05-2005, 01:59 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    حبيبنا أبو يسرا
    أول تبادي
    قول ليهم
    يا حليلكم يا أهلنا و ضمة ضمة الشوق كتلنا
    و تاني قولهم أنحن جاهزين لأي مساعدة مادية كانت أوغيرة
    و تالت شيء قولهم الشجر الكبار فيهو الصمغ
    صديق أحمد
    ثنائي العامراب
    يوسف كرم الله
    عبد المنعم عبد الفارس
    ميرغني النجار
    و لسة القايمة طويلة بس خلّهم يبدولنا بي ديل


    حباب ناس ود السقيد و الجيل الجديد لكن كبارنا بلاهم ما بنبقى
                   Subscribe on YouTube |Articles |News |مقالات |اخبار

01-05-2005, 04:15 AM

riad atta

تاريخ التسجيل: 08-28-2004
مجموع المشاركات: 43
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    الأح / عــــلاء


    قالو من نسى قديمو تــاه



    ياحنانة الكريم طاريك والسعد المن الله يجيك
    السعد اليجيك عجلان وأبوك بضبح التــــيران
    السعد اليجيك بي سمحـــو
    فوق القــوز يجرر طلحو أبوك يمــرق شواويل قمحــو
    السعد اليجيك باريك والعكش اليتكي إضنبك

    **********

    ياخالق العباد وين نمشي من هادي البلاد وين نمشي
    دربك فوقو نمشي ونمشي كان شوك كان رمالا هشي
    يا عرفة الخدار وين نمشي ياقش العــدار وين نمشي
    وياخالق الخلوق وين نمشــي وبعدها كيف نروق وين نمشي
    غادي من الحدود وين نمشي يالقصبة أم سقود وين نمشي

    **********

    الله لينا والله الليل الله لينا النــار ياقلبي أنا
    الكــبرى ياجارة الجبينة شــان عينها بكت عينينا
    قدموها بكت عــلينا والبخـــيت ما جابة ليــنا
    ياحليل الفاروقوني والقبب كان حلوفوني مابسيب الوالفوني
    داير أسافر باللواري وداير أزور مدني الضهاري
    داير أشوف الشاغلي بالي إنشاء الله في قسمة حلالي

    ولنا عودة



    أبو منى
                   Subscribe on YouTube |Articles |News |مقالات |اخبار

01-05-2005, 07:27 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: riad atta)

    حبابك أبو منى و القعدة بيك حتحلى كتير و كتير بس أوعدني إنك لا تفووت


    أحبتي
    أعضاء النادي و عشاقه ، أهديكم و قلبي يتفطر حزناً قصيدة مغنّاة كلما سمعتها ترقرق الدمع في العينين منسكباً لمرارة المآساة المتمثلة فيها و هي قصة حقيقية.
    منو الما سمع بقصة أمونة بت الشيخ حمد و منو الما إتقطع قلبو وهو بيسمعه ؟
    كضاب اليقول ما بكا ولا زعل و حس باللوعة و غصة جات في حلقو اللهم إلا يكون ماهو بشر زيو زي الناس.
    أمونة بت الشيخ حمد بغينها و يبكيك "عيسي برّوي" البيقول عن نفسو:

    من أعزّ ديار أنا
    منصوري موقد نار أنا

    و الغنا لينا برضو :
    زينوبة

    وهاهو يعيشنا في قلب مأساة أمونة التي ترمز للكثيرات من بناتنا فهيا عيشوها و إدعوا لأمونة بالرحمة و لحبيبها بالصبرالجميل:



    أمونة بت الشيخ حمد
    أبوها كان مزواج خلاص ناسب جميع اهل البلد
    ميلاده كان عرساً كبير هيصة و ضبايح مالا حد
    يوم السماية إتيتمت حكم القدر في الأم نفد
    كانت شبيهة أمها في القدلة و العود الأمد
    و بقت أمل كل الشباب و جماله في بت ما اتوجد
    في مرة رفّ قليبة يوم حبت قريب الشيخ حمد
    و أظن كمان حباها هو و سوي الضلوع لي حبو سد
    كاتمين غرامن في القلوب ولّع لهيبو و ما برد
    خايفين يصارحوا يقولوا شي و ما يلقوا للدايرنو رد
    خايفين عيون الناس تشوفن و الخبر يملا البلد
    و الحب هناك عيباً كبير لا بت تبوحبو ولا ولد
    في يوم أبوها ضحك كتير برّم شواربو بلا الأسد
    ناداها آمني تعالي جاي فوق البرش ربّع قعد
    قالتلو هوي جاياك خلاس و قليبة فرّ و ما رقد
    حاج الخدر عارفاهو داك قالتلو أيوة أبو سند
    جاني الصباح طالب يديك داير نسب شيخ البلد
    و أنا قتلو أهلاً بيك تعال يومين تلاتي تكون عقد
    راجلاً عظيم عندو القروش عندو الحرير راقد لِبد
    و كمان كريم و أخو رجال ماعونو فد يوم ما برد
    جرن الدموع من عينه شو سكتت و ابت تديهو رد
    بس قام مرق خلاها فات لا سِبة لُو كايسلو رد
    عند المغيرب تاني جاها كدي لي محاسن الحاج سرد
    داير يأثر في قليبة لو كان تقول تديهو رد
    و كتين غِلب و احتار خلاص ولّع فؤادو جمر وقد
    فسر سكوت البت رضا جاب زولو لمّ الناس عقد
    و المال مخمخم و الحرير تحت الرجول مدّوهو مد
    يوم الصفاح و الناس تجوط بالفرحة مقلوبة البلد
    أمونة تبكي بكا السواد بدل الفرح جاها النكد
    و بشيشي قامت للمروق منسرقة ما حسابه حد
    كان الحبيب راقد هناك و الصدمة قادي قليبو قد
    وقفت قصادو بكت كتير لامن دميع العين جمد
    قام جاها بي شوقو الكتير و قليبو داك إنهدّ هد
    قالتلو ما بإيدي شي ديل ناس أبوي و أبو سند
    إتلملموا و سووا الكلام و أنا لا رضيت لا جبتة رد
    داك عندو مالاً مو قليل و أبوي شاف المال سجد
    أداني للراجل العجوز المن عروقو الدم شرد
    قايلني بسعد بالقروش ولّا المراح الما اتورد
    لكن محال أسعد بلاك كان الزمن يتهدّ هد
    بديك قليبي و روحي ديل و هناك بعيش صورة و جسد
    و اتراجعت دارت تصد لكن قليبة رجع رفض
    مسكت دريباً مو غريب كم بيهو صوت بنوت ورد
    قاصدي البحر داير تموت لا عيشة لا هم لا نكد
    و اتلفتت وقفت كتير لامن قليبة خلاص صمد
    شافت مسار النيل حزين حتى النخل حزنان خمد
    و بشيشي فكفكت الحرير لا زينة لا ربيط عقد
    مادام حياتة بقت دموع و قليبة من زولا انفرد
    قالت أخير إرتاح خلاص أرسى و شقاي ألقالو حد
    في لحظة موج النيل عِلا و في جوفو غابت للأبد
    أمونة غابت للأبد

    (عدل بواسطة علاء الدين يوسف علي محمد on 01-05-2005, 07:32 AM)
    (عدل بواسطة علاء الدين يوسف علي محمد on 01-05-2005, 07:37 AM)

                   Subscribe on YouTube |Articles |News |مقالات |اخبار

01-05-2005, 07:52 AM

shazaly gafar

تاريخ التسجيل: 12-12-2004
مجموع المشاركات: 1580
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    اخى علاء
    تحية بحنية الوتر الحنيِّن(الذى يقابل الاصبع الخنصر)
    وكل سنة وانت وكل الرائعين بألف خير
    انا قبل كده كتبت عن الفيديو كليب فى عالم الطنبور والدليب
    زول قالى عينك فى راسك مافى حتى اصبت بشفقة على الطنبور الجميل
    عندى فصيدة تقول:
    طنبورى لا خاف لا فِتِر
    لا زيَّفت أوتارو دين
    طنبورى لا تاه لا وِدر
    لا جمَّلت ألحانو شين
    طنبورى لا داخ لا عتر
    فى سكة المال والبنين
    وانا يا مناى
    ما شلت غير حبك متاع
    مردوم على أكتافى دين
    شاذلى
                   Subscribe on YouTube |Articles |News |مقالات |اخبار

01-05-2005, 08:00 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: shazaly gafar)

    شاعر النادي الجديد
    شاذلي
    حبابك و بدون أي مجاملة بقول ليك
    الله على كلماتك الحلوة القوية المترابطة و يبدو إنو جايينا شاعر بشاعرية متدفقة زي الساموري و إنشاء الله تفيض علينا بالخير الوفير.
    غايتو بوستيك دة لا شفتو لا كحل عيني و يا ريت تنزلو لينا هنا عشان تشوف نهببو ليك كيفن.
    و يا ريت لو عندك المزيد من شعرك الجميل دة تنفحنا و تلحقنا بيهو باقي كفح الموية ما برويني.
    وراجينك إنت متين تجينا
                   Subscribe on YouTube |Articles |News |مقالات |اخبار

01-05-2005, 08:18 AM

shazaly gafar

تاريخ التسجيل: 12-12-2004
مجموع المشاركات: 1580
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    تُشكر علاء

    انا هشت ونزلت القصيدة
    اريتا تجيب حقها
    وكمان نستأذن الاخوة انو نعيد البوست بتاع الفيديو كليب والدليب
    اتمنى أن تتكرموا علينا بالنظرات الناقدة فى الشعر تحديدا لانو
    انا من زمن الجامعة ما سمكرت قصيدة
    مع حبى
                   Subscribe on YouTube |Articles |News |مقالات |اخبار

01-05-2005, 09:39 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: shazaly gafar)

    تشكر إنت يا شاذلي
    يلة نزل البوست و نحن وراك
    و بالنسبة للقصايد و الشعرالخاص متعنا و نديك راينا بكل صراحة نحن ما بنجامل في الكلام المقفى دة شرف قبيلة و إنت لحدي هسي أثبت إنك شاعر.
                   Subscribe on YouTube |Articles |News |مقالات |اخبار

01-05-2005, 08:00 AM

osly2

تاريخ التسجيل: 10-17-2002
مجموع المشاركات: 3535
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: shazaly gafar)

    ان سالوك عن احوالي البي مايصيد مخلوق
    تاهت بي مراكب الغربة لا ريس ولا واسوق
    انسلب اللحم من جسمي اصبح تب عضام وعروق
    اما قليبي لو شفتيهو بي سيف الغرام مشقوق
    لا لاقي البحن في حالي لا زولا علي شفوق
    الدرب المسافر بيهو من طولو بتهابو النوق
    خمسة سنين قعد في ظلامو ما بان لي صباح وشروق
    اساهر الليل مع الباكنو ينجاري الدمع سبلوق
    ابكي علي الزمان الفات ما ظن البفوت ملحوق
    انبقي عاد دة حالي البي ما اظن للسعادة اضوق
                   Subscribe on YouTube |Articles |News |مقالات |اخبار

01-05-2005, 08:05 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: osly2)

    أوسلي الحبيب

    و أطير لا فوق و أطير و إندّق

    دي قالوها لي متل كلامك الحلو دة ، كلام التقول خاتنلو شب عشان يجينا صافي و رايق و شايل جواهو حلاوة الوصف الشايقي الجميل ، يا سلام عليك والله كل كلمة قريتة تشق في القلب زي شق المنجل للجريد.
                   Subscribe on YouTube |Articles |News |مقالات |اخبار

01-05-2005, 09:43 AM

yasiko

تاريخ التسجيل: 02-04-2002
مجموع المشاركات: 2906
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    Quote: عندما إمتحنت لمعهد الموسيقلى عام 1976 قلت للأستاذ عثمان مصطفى لا بد أن أمتحن أيضا على آلة الطنبور مع آلة العود التي أجيدها أيضا .. و بالطبع رفضت اللجنة و إعتبروا كلامي غريبا ( رغم أن آلة الطنبور آلة لا تقل عن بقية الآلات الوترية إن لم تكن تفوقها ) ..


    Salam Abujuhayna

    I will comment later about this kind of (committees)and (musicians)and their passive, if not distructive, role in Shaygyah art

    Quote: عندما إمتحنت لمعهد الموسيقلى عام 1976

    No comment
    (Laik Algoamah)
    wish a good one!
                   Subscribe on YouTube |Articles |News |مقالات |اخبار

01-05-2005, 01:31 PM

Moawia Abdelgadir Ali



للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: yasiko)

    لكن واللة غاية الروعة. وينو طشا موقع نادى الطمبور فى النت.
    اب كريك
                   Subscribe on YouTube |Articles |News |مقالات |اخبار

01-05-2005, 10:11 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: Moawia Abdelgadir Ali)

    Moawia Abdelgadir Ali

    الروعة دي ما بتكمل علِّي تشاركنا فيها بالعندك
                   Subscribe on YouTube |Articles |News |مقالات |اخبار

01-05-2005, 02:01 PM

maman

تاريخ التسجيل: 11-21-2002
مجموع المشاركات: 1013
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    صورة حديثة للشاعر محمد سعيد دفع الله

    مع تحيات

    مامان


                   Subscribe on YouTube |Articles |News |مقالات |اخبار

01-05-2005, 03:17 PM

خضر عطا المنان

تاريخ التسجيل: 06-13-2004
مجموع المشاركات: 5149
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: maman)

    عمنا : مامان

    بالله دي صورة الزول الفنان اللسمو محمد سعيد دفع الله ؟؟

    لكن واضح انو الزمن عمل فيهو عمايلو !!!!!!!!!.

    قوللو كفاك غربة ياود القرير .

    تحياتي وسلامي بلاحدود ليهو ولكل اهلي في الرياض ..


    تسلم عمنا مامان .

    خضرعطاالمنان
                   Subscribe on YouTube |Articles |News |مقالات |اخبار

01-05-2005, 10:19 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: خضر عطا المنان)

    أستاذنا خضر ود المنان

    قلنالك المرقي من هني صعبي خلاص.
    عشان كدي أقعد و خلِّي الجوجوة و أركز النادي محتاجلك
                   Subscribe on YouTube |Articles |News |مقالات |اخبار

01-05-2005, 10:16 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: maman)

    عمّ النادي مامان
    كدة النادي بقى صورة و كلمة.

    إنت وين طولت غيبتك يعني ما شفتنا بنشابي عليك وقلنالك عندنا قصيدي رايحي علينا و قالو مافي غيرك بيجيب أترة ؟
    سلِّم عليهم أهلي الأفاضل
    مطلوبة بشدة عشان نزين بيها النادي بالله إنت ولا العارف ما تبخلو علينا بيها عشان نمتع زوارنا بالوصف الجميل للشمال العزيز
                   Subscribe on YouTube |Articles |News |مقالات |اخبار

01-05-2005, 06:18 PM

yasiko

تاريخ التسجيل: 02-04-2002
مجموع المشاركات: 2906
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    *******
     ******* 
    حُـبي الـفقدتو بعد وَفا **** عَكَّر لي جَوِي بعد iiصِفا
    وصِــبـحـت ســعـادتـي مـــن iiالـمُـحـال
    جَمري  القديم ما كان كَفى**** موقِد يَلهلِب وما iiانطفا
    جَـــات  تــانـي هَـبَـتـو ريـــح iiمــنـال
    ريدنا  الزمان مالو اختفى ***** مالا المودة بِقَت جَفا
    ريـــدًا  انـــت عــارفـو حُــلـو iiوحَــلال
    البِت دي وين كت شايفا ***** أو مَرَّة واحده مَصَادِفا
    يــاصــح  تــقـولـو سـمـعـنـا iiقــــال
    رُوحي  المَشَحتَفة عارِفا **** مالا السِّيرة بِقَت iiتَخَوِفا
    شـــن  دار يــكـون سـبـبا غـيـر iiالـجـمال
    مـسكيني  فـاقِدي عَواطِفا **** عَشمِاني فيك iiتَوالفِا
    راجــــــاك تَــجُـودلـهـا iiبــالــوِصَـال
    قلبي العليل كايس الشِّفا **** لو شِلتو في حُضنَك iiدِفَا
    كــــان بـالـسـعـادة عِــمـيـري iiطـــال
    قَدَمِي العليك سَاسَق حِفا **** هو بَراهو حَالتو iiيَوَصِفا
    يَــغـنِـي الـبـيـشـوفو عــــن iiالــسـؤال
    غـالبني  حـالتي أصـنِّفا **** وِشِّي وقَفَايا بِقَن iiقَفَا
    وبــقـى  جِـسـمـي دايــمـا فــي iiانـتـحال
                   Subscribe on YouTube |Articles |News |مقالات |اخبار

01-05-2005, 06:27 PM

yasiko

تاريخ التسجيل: 02-04-2002
مجموع المشاركات: 2906
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    شتلة قُـريرا
    شـتـيـلـة iiقــريـرا
    الـفجر نـبحن iiبـوابيرا
    حـليل  تـغريد iiعصافيرا
    بـلاها  أصبحنا في iiحيرة
    يـازهـرتنا iiالـنـضيرة
    حـرام نـقلك من iiالجيرة
    دهــب  زادوه iiتـجميرا
    لـفـة  خـاتم iiضـميرا
    شـبيهة الـبدر الـمنيرة
    لـيك  تاجوج ماها iiسيرة
    نـزلت  العقلات iiالضفيرة
    تـداعب رمـان iiصـديرا
    نـظرتك  قـاسي iiتفسيرا
    فـيها  انـذارات iiخطيرة
    سـت الـكل يـا iiأمـيرة
    روحـي كـفاها iiتـدميرا
    ضـاقت وغـلبت iiبصيرا
    خـلاص اتـحقق iiمصيرا
    فـراقكم  زادتـي iiتعكيرا
    وبـلاك  ما عندي iiتفكيرا
    يـا  صـلاح أم iiشـديرة
    تـعود ونـشم من iiعبيرا

    جـدي الـبرعن iiأراكـن
    سـبيبك  ولا لـيل iiساكن
    إنـت طـبيبي بـس لكن
    رحل كت في القرير ساكن

    يـفوح الـمسك مـن فاه
    مـضـمر  واحـسـرتاه
    الـفـريع الـهتف iiنـداه
    تـمـوع تـتنى مـا iiلاه

    لـيه  عـجلتي بـالقومة
    قـريرنا معاكي شن iiلوما
    عـيني مـا رأت iiنـومة
    بـقت  لك سبب iiالحكومة

    يـاظـبية جـنان iiمـالك
    فـارقت  الـقرير iiمـالك
    ربـنـا مـالك iiالـممالك
    يـحرق الـكومر iiالشالك

    شبيهة الصيد في iiالبوادي
    مـحكم عـودك iiالـنادي
    فـاطرك بـرقو iiعـبادي
    الـرزق يا جاهلة iiجبادي

    فـراقك  قـاسي iiألـمني
    سـواد عـينيكي iiجـنني
    على  الأحباب ماب iiتحني
    فـقد  عـقلي بقيت أغني

    لـيـك بـرسل iiتـحياتي
    بـضمنه مـوتي iiوحياتي
    أتـكرن وأمـشي فـلاتي
    عـليك يـازهرة iiالشاطي

    فـريع الـمحلب iiالـقايد
    عـشانو أقـاسي iiالشدايد
    سـهامو رمـاني أوصايد
    ألـمي  الراح جاني iiعايد

    بـصلي وبـعبد iiالـباري
    أقيم  ليلي وأصوم iiنهاري
    عـشان  الشاغلة iiأفكاري
    الشلوخة  قضيب iiالكباري

    حـليل الـروقة iiوالبسمة
    حـليل  الضامرة iiمنقسمة
    شـلوخ خـديها iiمترسمة
    قـامت  وكـل شي قسمة
                   Subscribe on YouTube |Articles |News |مقالات |اخبار

01-05-2005, 06:32 PM

yasiko

تاريخ التسجيل: 02-04-2002
مجموع المشاركات: 2906
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)



    المرحوم الفنان النعام آدم
    عليه الرحمة
                   Subscribe on YouTube |Articles |News |مقالات |اخبار

01-05-2005, 10:21 PM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: yasiko)

    yasiko
    ما عندي أي تعليق يناسب جمال الصورة و مضمون النص الشعري الختيتهم لينا ديل.
    صورة النعام مفروض نختها شعار للنادي و ما قيل في القرير لا أحسبه يكفيها.
                   Subscribe on YouTube |Articles |News |مقالات |اخبار

01-06-2005, 00:04 AM

maman

تاريخ التسجيل: 11-21-2002
مجموع المشاركات: 1013
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    وهاكم يا اخوانا برضو صورة حديثة للسر عثمان الطيب

                   Subscribe on YouTube |Articles |News |مقالات |اخبار

01-06-2005, 00:19 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: maman)

    عمّ النادي مامان
    كدة النادي بقى صورة و كلمة.

    إنت وين طولت غيبتك يعني ما شفتنا بنشابي عليك وقلنالك عندنا قصيدي رايحي علينا و قالو مافي غيرك بيجيب أترة ؟
    سلِّم عليهم أهلي الأفاضل
    مطلوبة بشدة عشان نزين بيها النادي بالله إنت ولا العارف ما تبخلو علينا بيها عشان نمتع زوارنا بالوصف الجميل للشمال العزيز
                   Subscribe on YouTube |Articles |News |مقالات |اخبار

01-06-2005, 00:21 AM

خضر عطا المنان

تاريخ التسجيل: 06-13-2004
مجموع المشاركات: 5149
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: maman)


    لكن أ....جماعة الخير يسووا معاكن شنو ؟؟

    يعني علاء وعمنا مامان ديل كل ماأدور أمرق لابرا شويي

    يقوم يجيبولون حاجة جديدي تقعد الواحد للصباح ..

    والله ياعمنا مامان الحقيقة وجودك هنا في الداري دي

    خلا عجاجتا قايمي وشبابيلا بلا عدد ..

    الله يديك العافية ويمد في الأيام .

    وأنت أ... علاء انشاء الله يوم شكرك ما يجي .

    وسلامي لكل أهلي الطنابرة ومن والاهم من دون فرز..

    وعلى راسن كلهم مبدعنا السلك السادس السر عثمان الطيب.

    خضرعطاالمنان
                   Subscribe on YouTube |Articles |News |مقالات |اخبار

01-06-2005, 00:31 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: خضر عطا المنان)

    الحبيب ود عطا المنان
    أستاذنا
    شفت النادي عمران بيكم كيف
    إسمعين ود حد الزين قال شنو؟


    أقول بعضي ألاقيهم تسربو في مسارب الروح بقو كلي
    مِحل قبّلت ألقاهم معاي معاي زي ضلي
                   Subscribe on YouTube |Articles |News |مقالات |اخبار

01-06-2005, 00:41 AM

ود الشيخ



للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    حـليل الـروقة والبسمة
    حـليل الضامرة منقسمة
    شـلوخ خـديها مترسمة
    قـامت وكـل شي قسمة

    الله الله
                   Subscribe on YouTube |Articles |News |مقالات |اخبار

01-06-2005, 00:48 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: ود الشيخ)

    الله عليك إنت يا ود الشيخ يا رايق يا راقي
    شفت نادينا ضُلّو بارد كيف و بيخليك تقول كلام سمح كيف؟
    عشان كدي جر بمبرك و أقعد
                   Subscribe on YouTube |Articles |News |مقالات |اخبار

01-06-2005, 02:06 AM

riad atta

تاريخ التسجيل: 08-28-2004
مجموع المشاركات: 43
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    آ رجالة والله عبد الله محمد خــير ما قصر تــب


    طولت شايل الذكرى في عيني للعيد المضى
    طولت بحسب في نجوم الليل وأعبر في مساحات الفضى
    وأحفر مشاعري على الألم وأروضـــــــة


    يوم بيتنا أصبح كل خــير
    يوم كنا بي نشوت فرح دايرين نطير
    يو القمر في بيتنا متواضع قعد فوق السرير
    وقال كــل عام وأنتم بخير


    مرت ليالي طــوال علي وطأت غرامك ما بتخف
    حاولت أصارحك وليك بالبي أعترف
    جاولت أكتب ليك رسائل بي دموعي المابتجــف .... مـــليون حرف
    داير أخليك عن دلالك تنصرف
    داير أعبر عن مشاعر عن مشاعرك تختلف
    ودايرك تصدف أني في محــراب غرامك معتكف

    وأجــيب قلم وأحصر تعابير الألم
    وكل أبتهالات العشـــــــــــم
    لكني من أول حرف أجد الأنامل ترتجف وتذكر العيد المضي

    تمر ســـنين وتمر سـنين وتمر شهــور
    وأنا قلبي يحي بلا شعــــور
    لكـــنو قرريالقلبت ظلامو نور
    قرر يحارب كل أوضاعو ويثــور
    قرر يصارحك بي ضمـــير ما فبه زور
    قـــــرر يرســل ليك سطــــــور
    مكتوبة فوق ورق الزهــــــــور
    مكــتوبة بي دمعو القــــــزير
    داير الحروف تبقالو نـــــــور
    وتبقالو لي قلب البحبو جواز مرور
                   Subscribe on YouTube |Articles |News |مقالات |اخبار

01-06-2005, 04:10 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: riad atta)

    riad atta

    بحت في مسودات عبد الله محمد خير و أمرق المخبّا
                   Subscribe on YouTube |Articles |News |مقالات |اخبار

01-06-2005, 01:42 AM

maman

تاريخ التسجيل: 11-21-2002
مجموع المشاركات: 1013
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    الأخوان والأخوات الكرام

    تحية

    هاكم قصيدة من قصائد حسن الدابي وهي رحلة نيلية بالباخرة للمحبوبة من القرير الى الكلد

    السفرو بالليل
     حسن الدابي 
    الليلة    ليل    ياليل ..للسفّرو   iiبالليل
    يا  حليل جدي الريل ودعنا دمعو iiيسيل
    وا  بورو شق النيل خاويهو زي iiالسيل

    كان   شفتو   يوم   داك   البانة  تتاكا
    قالت     ودعناك     عيني    iiتتباكى

    يقدل  دخل  جوّه  في  الصندل  iiاتحوّه
    حرق   القلب  جوّه  لا  حول  لا  قوة

    من   القرير   حل ّ   الصورك   iiجلّ
    رفع   الستار   طلّ  دماعو  سال  iiبل

    طالب   المقل   غرّب  أمواجو  iiتتقلّب
    بحاريهو   اتسلّب   جر   السلك   تلّب

    قام  بيهو  لي أوسلي مين الصبر iiمتلي
    والله  العظيم أصلي لا ديمة ماب iiاسلي

    خلوني  في حيرتي قام بيهو لي iiكورتي
    يا  خلا  كيف  شورتي شالوها iiنوارتي

    قام  لأم  بكول  كابس قالو البحر يابس
    كان  البرد  قارس  الريس شن iiحارس

    مورة    ود   قدورة   طبّاها   iiبابورة
    يا   حليل   المضمورة   الدنيا  iiغدارة

    الحتاني    وحجاره    قصاد    البيارة
    ضربولو  صفاره  جات  ناسو iiتتجاره

    ريح    الكلد   نسم   بي   توبا   iiتتلثم
    تتنى    تتبسم    وأنا    يومي   iiيتقسم

    وصل الكلد ركّ شوف ناسا كيف حابكا
    جات   نازلا   تتكا   حورية  لا  iiشكّ

    تلاتة     عتالة     رموها     iiالسقالة
    الحالة    بطالة    سوقيها    يا   خالة

    يا  يابا  ود  بيلي  نادهك  وقف iiحيلي
    بين   بكرة  والليلي  تجيبو  لي  iiزولي

    يا  أم باب حمد جارا حارقة القلب iiنارا
    لو   ترجع   لي   دارا  علي  iiالمزارة
                   Subscribe on YouTube |Articles |News |مقالات |اخبار

01-06-2005, 04:07 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: maman)

    الحبيب العم مامان
    تسلم إيدك بس شوف طلبنا منك شنو و ما تتقل علينا و على عشاق النادي.
                   Subscribe on YouTube |Articles |News |مقالات |اخبار

01-06-2005, 04:18 AM

maman

تاريخ التسجيل: 11-21-2002
مجموع المشاركات: 1013
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    Quote: عمنا : مامان

    بالله دي صورة الزول الفنان اللسمو محمد سعيد دفع الله ؟؟


    أخونا خضر عطا المنان

    تحية

    كان معي محمد سعيد دفع الله ويسلم عليك وقال لك نحن خلاص بنستعد للرجوع .. بس إنت متين؟؟
    بعدين ياخي محمد سعيد أداني سر خطير.. وهو إنك بحساب الزمن فإنت عمي وليس العكس.. من الآن فصاعدا عليك أن تخاطبني بي ( ود أخوي)

    الأخ علاء

    هل انت في الرياض؟؟ أرجو الاتصال على جوال 0502291176 أن كنت في الرياض

    مامان
                   Subscribe on YouTube |Articles |News |مقالات |اخبار

01-06-2005, 06:48 AM

osly2

تاريخ التسجيل: 10-17-2002
مجموع المشاركات: 3535
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: maman)

    ياســيكو
    شكرا على الصور البديعه والاغنيه الرائعه ولو عندك واحده للنجار
    نزلها لينا

    مامان
    عمك خضر طلق اكيد كان داير يقولك ود اخوى لكن كلمة عم جات ناطه براها
    التحايا للسر وحمد سعيد


    ابكى انت وانا الاتبكى
    المن الله واصــــــــل
    ايه فى ايدنا غير مانبكى
    نشكى البينا حاصـــــل
    تعاتبنى وتهيج روحى
    قولة ماك مواصــــــــل
    ما عارفه السبب من اهك
    الباقــين عــــــوازل
    ديل دايرين يفرقوا قليبى
    شافوا عليك مــــــائل
    منو الفيهم بفرق النسمه
    من زهر الخــــــمائل
                   Subscribe on YouTube |Articles |News |مقالات |اخبار

01-06-2005, 07:53 AM

yasiko

تاريخ التسجيل: 02-04-2002
مجموع المشاركات: 2906
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    الأخ مامان والحضور الكريم

    Quote: ياخي محمد سعيد أداني سر خطير.. وهو إنك بحساب الزمن فإنت عمي وليس العكس.. من الآن فصاعدا عليك أن تخاطبني بي ( ود أخوي)


    كلام خضر دا هين ومقبول لكن شوف علاء الدين سوابك شنو:

    Quote:
    Quote: عمّ النادي
    مامان

    بالغت يا علاء

    يا أخوانا البوست دا بقى شحمان خلاص اوعوا يقوم واحد يضبحو للعيد
    ولي عودة
                   Subscribe on YouTube |Articles |News |مقالات |اخبار

01-06-2005, 06:10 PM

osly2

تاريخ التسجيل: 10-17-2002
مجموع المشاركات: 3535
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: yasiko)

    ياسيكو
    بركه الما قال مامان عم امة محمد كلها


    واحات الريد الفى عينيك
    قودينى عليهن ودينى
    ادينى امانك ادينى
    جاييك مرسون بى رسن الشوق
    قايدنى هواك من ارض النوح
    شلت خطواتى قيود الهم
    اتوطأ على قلبى المجروح
    يا امنيه لسع ميسا بعيد
    فى دوبا صبر صابرينا يا روح
    ما دام الله سواك لى روح
    فى اسرك دوبى وأحيينى
                   Subscribe on YouTube |Articles |News |مقالات |اخبار

01-06-2005, 06:23 PM

zoul"ibn"zoul

تاريخ التسجيل: 04-12-2003
مجموع المشاركات: 0
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)


    بسم الله الرحمن الرحيم

    السلام عليكم ورحمة الله وبركاته



    سلام يا علاء - ما شاء الله انتو كلكم شايقية - الهم ذد و بارك فى
    أولاد العرب - انا عاوز ابقى عضو بالإنتساب فبالله يا علاء اعمل لى واسطة


    ود جعل
                   Subscribe on YouTube |Articles |News |مقالات |اخبار

01-06-2005, 10:32 PM

منصوري

تاريخ التسجيل: 09-28-2003
مجموع المشاركات: 2340
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    ناسنا متلمين بي جاي.. ما شاء الله لا يسحروكم..
                   Subscribe on YouTube |Articles |News |مقالات |اخبار

01-07-2005, 03:06 AM

riad atta

تاريخ التسجيل: 08-28-2004
مجموع المشاركات: 43
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: منصوري)

    الأخ عــلاء


    دي من عمايل الجماعــة .....


    هسع ياتو فيهم يا خلق الله عاد أو عاد يات مصير لي وللولاد

    وتبدأ أمونة رحلة ما كان في الحساب
    ضاراها الزمن شبعة في العزاب
    صار لها من سنين في بطن الجــراب
    رحلة مع الجحيم تبدأ بلا ميعـــاد

    من يوم سافر أحمد قاصد للجــنوب
    تبكي أمونة حــرقة هزت للقلوب
    زوجها أبو العيال الخاتي العيوب
    مفقود من ســنة واعلنو للحـداد

    تمر السنة بي فوق السنة
    تمــو أربع سنين مــرت محزنة
    وفكرو في الكفيل وبيناتم جنا
    ومحل الأبو بقى عم الولاد

    عقدولو الأهل سلوى المـتبع
    من مرت الأخو الراح ومارجع
    إن داس المشاعر أو قال إقتنع
    لازم الناس تضحي شان لبنى وعماد

    ويتم العقد بينات الدموع
    لا فرحـا كبير لا ضوت شموع
    عجلات الزمن ما بتقبل رجوع
    وما بتمشي الحياة زي ما الزول أراد

    ما كان في الحساب الزمن العنيد
    ينسج في خيوطو من وقتا بعيد
    في بوما عصيب وما في البال أكيد
    من أول جديد إنكال الرماد

    سنتين بالكتير كان جابو الولد
    والحزن القبيل بيناتم برد
    وسمو على الفقيد الراجل الصمد
    شان حفط الاسم وتقدير للوداد

    وفي لحطة سكون عماها الديار
    حس الباب نقر قايلة أمونة جـار
    تاريه الفقيد كان في الانتظار
    مفقود الجــنوب يرجع تاني صــاد

    كانت صدمة قاسية وفوق للإحتمال
    خلتها بين جحيم واقع أم خيال
    إختل العقل وكان أخــــر سـؤال

    هسع ياتو فيهم ياخـــــلق عاآآآآآآد
                   Subscribe on YouTube |Articles |News |مقالات |اخبار

01-07-2005, 04:18 AM

علاء الدين يوسف علي محمد

تاريخ التسجيل: 06-28-2007
مجموع المشاركات: 19552
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: riad atta)

    زول و منصوري و ياسيكو بكرة الرد واحدي واحدي
    العم مامان بلغ و سيتم التنفيذ
    و دي من طارق العوض


    .
    .

    [qb]


    أنا جيت مشتاق ليك



    لنظرة من عينيك



    إيدي تسالم إيديك رغم إنو فيها الحنة



    بعد الزمان فرقنا



    فرقتنا طالت بينا



    و دنياي كئيبة حزينة



    أنا برضي ليك يا زينة



    كل السعادة أتمنى



    طال شوقي ليم يا غالي



    شوقي المغير حالي



    إخترت إنت بدالي



    خليت عقيلي إنجن



    فرح القليب يوم شافك



    ما حب تاني خلافك



    ولا لاقى يوم أوصافك



    ما إنت حور الجنة



    شوفتك تبلل شوقي



    و بتسري دم في عروقي



    طيفك يحوم بفوقي لكنو ما بستنى




    [/qb]
                   Subscribe on YouTube |Articles |News |مقالات |اخبار

01-07-2005, 05:23 AM

riad atta

تاريخ التسجيل: 08-28-2004
مجموع المشاركات: 43
للتواصل معنا
FaceBook
تويتر Twitter
YouTube



Re: نــــــــــادي الطمبــــــــور (Re: علاء الدين يوسف علي محمد)

    طنابرة الموقع


    بين الحب والانسانية بين الزاد وقلوبنا أسيا
    ضاعت بين البين ياحليلة وردة صغيرة دابة ندية

    يامظلومة وظلمك باين أبسط حق طالبة الحرية
    يا مجروحة وغصبا عنك تدي الروح الغالية هدية
    لم قليبك يلوي ضراعك في الأحلام أو حتى النية
    تلقي أسرارك هي التختارك بالقانون والعرف ضحــية

    يوم باعوك ما باعو إحساسك والله الروح الطاهر نقية
    والله الشوق الشاقني وشاقك والله الغلب الديمة علي
    يا الجواي من قبل لقيتك قبل أكون في الدنيا خلية
    لو في مدارك عز مزارك شن بشيلك من عيني

    لامن أموت في قلبي مكانك مافي بلاك في فكري قضية
    ليك بغني وقلبي يمني وأمرك مارق من إيدي
    بيني وبين الشوق ياغالية لو في إنصاف وين الندية
    غير الهم والخوف والحسرة يلعبو بي صباح وعشية

    طال مصيرك في إيد غيرك والاحلام نسيا منسية
    يقني قلبي بالمقسومة وأشكي معاي للأيدو قوية
    لا غنيت شان أكشف حالك زي حالي الشايلة الماهية
    ولا ضاريت منك عزالك لا فشيت الغبن الفي
                   Subscribe on YouTube |Articles |News |مقالات |اخبار

SudaneseOnline at YouTube

Latest Posts in English Forum

Articles and Views

اراء حرة و مقالات

News and Press Releases

اخبار و بيانات

اخر المواضيع فى المنبر العام

SudaneseOnline at Pinterest

[رد على الموضوع] صفحة 1 من 2:   <<  1 2  >>

تعليقات قراء سودانيزاونلاين دوت كم على هذا الموضوع:

نــــــــــادي الطمبــــــــور فى FaceBook

· دخول · أبحث · ملفك ·




الصفحة الاولى
  المنبر العام
مدخل أرشيف الربع الرابع للعام 2013م
مدخل أرشيف الربع الثالث للعام 2013م
 مدخل أرشيف الربع الثانى للعام 2013م
 مدخل أرشيف الربع الاول للعام 2013م
مدخل أرشيف الربع الرابع للعام 2012م
مدخل أرشيف الربع الثالث للعام 2012م
 مدخل أرشيف الربع الثاني للعام 2012
مدخل أرشيف الربع الاول للعام 2012م
مدخل أرشيف الربع الرابع للعام 2011م
مدخل أرشيف الربع الثالث للعام 2011م
مدخل أرشيف الربع الثاني للعام 2011
 مدخل أرشيف الربع الاول للعام 2011م
 نمدخل أرشيف الربع الرابع للعام 2010م
 مدخل أرشيف الربع الثالث للعام 2010م
أمدخل أرشيف الربع الثاني للعام 2010م
 مدخل أرشيف الربع الاول للعام 2010م
مدخل أرشيف الربع الرابع للعام 2009م
 مدخل أرشيف الربع الثالث للعام 2009م
 مدخل أرشيف الربع الثاني للعام 2009م
 مدخل أرشيف الربع الاول للعام 2009م
مدخل أرشيف الربع الرابع للعام 2008م
مدخل أرشيف الربع الثالث للعام 2008م
مدخل أرشيف العام (2003م
 مدخل أرشيف العام (2002م
مدخل أرشيف العام (2001م
مكتبة البروفسير على المك
 مكتبة د.جون قرنق
مكتبة الفساد
 مكتبة ضحايا التعذيب
 مكتبة الراحل الاستاذ الخاتم عدلان
مكتبة دارفور
مكتبة الدراسات الجندرية
مكتبة العالم البروفسيراسامة عبد الرحمن النور
مواضيع توثيقية متميِّزة
 مكتبة قضية سد كجبار
 مكتبة حادثة يوم الاثنين الدامي
 مكتبة مجزرة اللاجئين السودانيين في القاهرة بتاريخ 30 ديسمبر 2005م
مكتبة الموسيقار هاشم مرغنى(Hashim Merghani)
مكتبة عبد الخالق محجوب
 مكتبة الشهيد محمد طه محمد احمد
مكتبة مركز الخاتم عدلان للأستنارة والتنمية البشرية
مكتبة الراحل الاستاذ الخاتم عدلان
 مكتبة سودانيز أون لاين دوت كم
مكتبة تنادينا,الامل العام,نفيرنا
مكتبة الفنان الراحل مجدى النور محمد
مكتبة العلامة عبد الله الطيب
مكتبة احداث امدرمان 10 مايو 2008
 مكتبة الشهيدة سهام عبد الرحمن
منبر اليوم الحار لخريجى كلية الهندسة و المعمار بجامعة الخرطوم
مكتبة الراحل المقيم الطيب صالح
مكتبة انتهاكات شرطة النظام العام السودانية
مكتبة من اقوالهم
مكتبة الاستاذ أبوذر على الأمين ياسين
 منبر الشعبية
منبر ناس الزقازيق
مكتبة تهراقا الفن الدكتور محمد عثمان حسن صالح وردى
اخر الاخبار من السودان2004
جرائد سودانية
اجتماعيات سودانية
دليل الاصدقاء السودانى
مكتبة الراحل المقيم الاستاذ الخاتم عدلان
الارشيف والمكتبات
اراء حرة و مقالات سودانية
 مواقع سودانية
 اغاني سودانية 
 مكتبة الراحل مصطفى سيد احمد
دليل الخريجيين السودانيين
 الاخبار اليومية عن السودان بالعربى













|Contact us |About us | Discussion Board |Latest News & Press |Articles & Analysis |PC&Internet Forum |SudaneseOnline Links |

للكتابة بالعربي في المنتدى

للرجوع للصفحة الرئيسية اراء حرة و مقالات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
اضغط هنا لكي تجعل المنتدى السودانى للحوار صفحتك الرئيسية لمتصفحك
يمكنك نقل أو اقتباس اى مواد أعلامية من هذا الموقع بشرط وضع "نقلا عن سودانيز اون لاين"و الاشارة الى عنواننا WWW.SUDANESEONLINE.COM
الاخبار اليومية Contact Us اتصل بنا أجتماعيات

© Copyright 2001-02
Sudan IT Inc.
All rights reserved.

If you're looking to submit news,video,a press release or or article please feel free to send it to bakriabubakr@cox.net

Software Version 1.3.0 © 2N-com.de