|
|
 غارزيتو يهدد بالرحيل من الهلال !!
|
في اجتماع مغلق استمر لاكثر من ثلاث ساعات:
البرير وغارزيتو يتوصلان لنتائج ايجابية حول القضايا الهلالية
تفيد متابعات قوون بان السيد الامين البرير رئيس نادي الهلال قد عقد اجتماعا مغلقا مع الفرنسي غارزيتو المدير الفني للفريق بمكتبه استمر لاكثر من ثلاث ساعات.
واستعرض الاجتماع جملة من الموضوعات التي تهم الهلال في المرحلة المقبلة وعلمت قوون من مصادرها الموثوقة بان الفرنسي غارزيتو قد ابدي استيائه من الهتافات العدائية المتكررة ضده من جماهير الفريق خلال الفترة الماضية رغم النتائج الايجابية بالدوري الممتاز والكونفدرالية واوضح غارزيتو ان استهداف الجماهير قد طال اللاعبين كذلك مما يعتبر ذلك امرا في غاية الخطورة.
وتطرق غارزيتو في اجتماعه مع رئيس الهلال للتدخلات الادارية في شئونه الفنية واكد انه يرفض هذا الجانب رفضا باتا ولا يتهاون فيه وهدد الفرنسي بالرحيل اذا لم تنصلح الاحوال في الهلال ونفي استهدافه لاي لاعب وقال ان سياسة الانضباط والمواظبة علي التدريبات هي معايير التمييز بين اللاعبين وعلمت قوون بان الاجتماع قد اسفر عن نتائج ايجابية مرضية للطرفين ابرزها قناعة غارزيتو بمواصلة مهامه وفق صلاحيات فنية واسعة وحرية كاملة لاهمية المرحلة التي يمر بها الفريق التي لا تتطلب مزيدا من الازمات.
من ناحية اخري سيشرف غارزيتو علي مران الفريق الذي يجريه اليوم في اطار الاستعدادات لملاقاة فهود الشمال.
المصدر
|
|
  
|
|
|
|
|
|
|
|
Re: غارزيتو يهدد بالرحيل من الهلال !! (Re: ahmed khidir)
|
مودعٌ بأبيات أمِ عمرو :
إذا ذهب الحمار بأم عمروٍ ***** فلا عادت ولا عاد الحمارُ
ياخ دا وجع قلبنا الله يوجع قلبو .. وخلانا نكره الهلال دا والله ..
البرير ما داير الزفت دا يغور عشان ما قاعد يدفع ليهو حاجة
ود المأمون ملتزم بمرتبو هو والطاقم الفني .. عشان كدا ماسك فيهو بايدينو وكرعينو والبرير جلدة ما بدور يدفع ..
الزول دا كان ما مشى هسي يمشي نهاية الموسم وفي ستين داهية .. ويجازفوا لينا نبيل معلول التونسي
أيوة .. دايرين مدرب عربي على الاقل يقدر يتفاهم مع اللعيبة مباشرة .. الخواجات ديل فترنا منهم
والناس البقولو عليهو كويس عشان ما اتهزم لحدي الآن .. الهلال مع احمد عبدالله سنة 91 شال الدوري بتعادل واحد
مع فريق النيل .. ورشينا حمام العرضة جنوب رايح جاي ..
انا غايتو شايف ميشو احسن منو بالف مرة ... ميشو لم تتاح له ربع الذي اتيح لهذا الفاشل
زول غير المشاكل واثارة القلاقل ما عندو حاجة .. قبح الله وجهه
| |
|
|
|
|
|
|
|
|
|
Re: غارزيتو يهدد بالرحيل من الهلال !! (Re: عبدالكريم أحمد الامين)
|
| Quote: استيائه من الهتافات العدائية المتكررة ضده من جماهير الفريق خلال الفترة الماضية رغم النتائج الايجابية بالدوري الممتاز والكونفدرالية |
دي حبة صعبه، يعني البرير في كل مبارة يدي اي مشجع كمامة ولا شنو؟ وتاني حاجة الدوري دا الهلال بشيلو بغارزيتو او بدون غارزيتو. وشالو كتير زمان،
الكنفدرالية اساسا ما عندها علاقة بالهلال انحنا ناس كاس أنديه ساكت ذينا وذي الترجي والمازيمبي وذا بقت عليهو اي الكنفدرالية احسن يشيلو المريخ ياهو شبهم.
غارزيتو يقطع وشو ويخلينا في حالنا،
| |
|
|
|
|
|
|
| |
ahmed khidir
عبدالوهاب علي الحاج
عبدالكريم أحمد الامين
فيس بوك
تويتر
انستقرام
يوتيوب
بنتيريست