|
|
 تعالوا نعلمكم قواعد الشكل يا ناس البورد ..
|
اتضح ان الشكل والكجار قد حلّّّّ محل الحوار الجاد ، واصبحت المشاكل تظهر وتحتدم خاصة عندما يكون هناك اسبوعا خصص لقضية وطنية حساسة مثل اسبوع دارفو الذي عصفتب به فورات البورد الكاسحة ، وكذلك اسبوع المرأة الذي ضاع تحت الارجل بجانب الكثير من القضاية التى كان يفترض ان تطرح مثل الذكرى السنوية لاغتيال محمود محمد طه او رحيل الرائع مصطفى سيد أحمد ، لم يتم الاحتفال بالاستقلال كما ينبغي ، وعدت ذكرى أكتوبر فينا زي سحابة صيف دون ان نشعر بها ، وهاهي أتفاقية السلام لم تأخذ حقها من النقاش ، لعمري ان هذا تدني واضح لم يشهده البورد من قبل !! ماهو الغرض من أثارة المشاكل متزامنة مع هذه المناسبات الوطنية ؟ أهي الصدفة أم خبث المقصد ؟؟
ما تخافوا دي مقدمة اما القواعد التى أود ان تشاركوني في صنعها هي موضوع آخر خالص ، ما قصدته هو بعد ان نسلم بأن المشاكل في هذا البورد لامفر منها دعونا نؤسس لها ونديرها بكل موضوعية واحترام !! ربما يضحك البعض من هذا الاحترام الذي أطلبه في المشاكل ..!!
ولكن لابد لنا من تعلم شرف الخصام و تعلم ا سس ألاخلاقيات التى ندير بعا مشاكلناو بأقل الاضرار الممكنة .
الطريق الاول :
علينا الا نقحم أطراف أخرى لاناقة لها ولا جمل وسط مشاكلنا .
يعني لو انت عندك شكلة ما لازم اخوضها معاك زيد ولا عبيد ولازم براك تأكل نارك وهذه مهمة بالنسبة للصراعات التى تأخذ الطابع الشخصى ، لان المشاكل المبدئية والعامة لا يحتاج فيها الواحد لمساندة أحد فعادة هذه الاشكاليات يديرها اهلها وبكفاءة وما عايزين ليهم اي عوازيم ولا مكابرة .لاني لاحظت (بعض الاخوة ولاخوات ) الذين بينهم مشاكل مزمنة يحاولون اقحام البعض في خوض هذه المشاكل .. فاحكي ليكم حكوة يذكرني بها بعض المتحاربين والمتحاربات كان عندنا اقارب يربطون علاقتهم بنا بناس عمتهم الذين لاتخلص مشاكلهم معهم ، فأذا بالغلط اتكلمنا معاهم ولا زرناهم يقطع هؤلاء الناس علاقتهم بنا وكان اهلي يجارونهم بعض الشئ ثم سرعان ما ينسون الامر وعندها تشب المشاكل من جديد واذكر جيدا هذه المشاكل وكنت اتمرد على هذا القانون الامريكي ولا اقاطع معهم وكنت اتعمد ان أزور ناس العمة قبلهم وكانت بيوتهم تفتح في بعض ، وعندمايطلبون مني ان أوعدهم بعدم تكرار هذا الخطأ لا اوعدهم بشئ ابدا خاصة ان ناس عمتهم ناس ظراف جدا وما بتقاطعوأ !!
وبالمثل لا يطلب مني أحد ان أحدد اقامتي ف البورد واقاطع فلانة ولا ازور علانة ؟ اشوف البوست الفلاني واقاطع البوست العلاني البورد دا يضم ناس عاقلين وبكامل وعيهم واصغر واحد فيهم محاسب ما في واحد مرفوع عنو القلم ، فالشكل دا مسألة مرهقة نفسيا وعقليا رغم انو في ناس بحبوه !! فاذا افترضنا انو انا عندي شكلة وصاحبتي عندها شكلة وصاحبة صاحبتي عندهاشكلة ، اقعد انا زي الكلبة انبح من بوست لبوست معناها حاموت في الفاضي بهذه الاحاسيس السالبة التى يورثها الشكل ...ا رجوكم وارجوكن اتعلمو/ن ادارة المشاكل بشكل منفرد ( البتسوك لازم انظف لسانو ، والبشاكل لازم احترم شكلو ) .
تذكروا ان هناك احيانا أطراف مشتركين فاذا انت عملت مشكلة مع احدهم ما لازم انا ادخل في هذا الموضوع وهذا لا يجعل مني انسانة غير محترمة او منافقة . وربنا يهدي النفوس . في انتظار نقاط أخري لادارة الشكل ..
|
|
 
|
|
|
|
|
|
|
 Re: تعالوا نعلمكم قواعد الشكل يا ناس البورد .. (Re: وليد محمد المبارك)
|
Quote: يعني زي كلمة يمه الفوق دي
بتقدري تفوتيها وتعملي شكلة مع القالا حتى لو كشح ليك لبن اولادك |
خاصة انا يا وداخوي محمد المبارك ما من صالحي الناس تكلمني بالحسنة حتما حاتهزم !! بس اوع تنشر السر دا لانو الايام دي قاعد ادرب على قمع الاحاسيس بسبب تحول البورد الى ساحات للمعارك 
| |
|
|
|
|
|
|
|
|
|
Re: تعالوا نعلمكم قواعد الشكل يا ناس البورد .. (Re: fadlabi)
|
| Quote: في انتظار نقاط أخري لادارة الشكل .. |
حبيبتنا العزيزة / عشة بت فاطنة
يعني كمان قننتيهو وسويتيلو قواعد ؟؟؟؟؟؟؟.
طيب المابتقيد بالقواعد دي نسويلو شنو ؟؟؟
نشغلو في بنطون رفاعة ونخلي تحت التدريب لمدة مفتوحة
عشان يتعلم كيف الناس هناك بعاملو بعض .. وبعد داك نجيبو
راجع يواصل معانا في المنبر دا .
رايك شنو ؟؟؟؟
عشان كدا بقول ليك سلامي لكل أهلي في رفاعة وبنطونها كمان.
وكل سنة وانتي طيبة والمنبر معافى ووطننا رجع لى أهلو!!!!.
خضرعطا المنان
| |
|
|
|
|
|
|
|
|
|
عشة (Re: عشة بت فاطنة)
|
الاخت عشة الاستعانة باطراف خارجية فى الشكل ذكرنى نكتة لذيذة قالا لى مصرى زميلى فى العمل
قاليك فى سحليه دخلت بار وطلبت قزازة بيرة اخدت جغمة كدة وتوف فاكا القزازة فى الحيطة
تدونا بيرة مغشوشة القزازة طارت جرحت النمر دى شنو يا حيوانة حيوانة انا كدى طالعنى برا مرقوا برا طاخ طيخ طاخ النمر رجع دمو سايل
عاينت للفيل انت كمان مالك بتعاين ما عاجبك طالعنى برا
طيخ طاخ طيخ الفيل رجع رجلو مكسورة
الثعلب براحا مشى جنب الاسد شنو يا ملك الموضوع دا كيف
الاسد
اشر للثعلب لمرايا كاشفا الشارع
الثعلب عاين فى المرايا لقا ديناصور ضخم يقول البهبش بت اختى دى بطلع روحو
| |
|
|
|
|
|
|
|
|
|
Re: عشة (Re: mohmmed said ahmed)
|
| Quote: الثعلب عاين فى المرايا لقا ديناصور ضخم يقول البهبش بت اختى دى بطلع روحو |
لوووووووووووووووول يا ودسعيد
دي الفتها بخيال ماركيزي
ويا عشة شكلي حا استلم البوست تبعك
ودا كلو عشان تشاكلي معاي
| |
|
|
|
|
|
|
|
|
|
عشة (Re: عشة بت فاطنة)
|
بركا فى الضحكة دى عيدية يا عشة
عالية
انا محمد ودسيد احمد مش سعيد
انت وعشة كان ما قلتو اسمى صاح
اطلعوا برا عارفين الراجيكم شنو
| |
|
|
|
|
|
|
|
|
|
Re: تعالوا نعلمكم قواعد الشكل يا ناس البورد .. (Re: Alia awadelkareem)
|
عشة بنت فاطمة
أول مرة أتقاطع معك فى بوست عجيتنى فكرتك دمها خفيف ....
تعرفى الحاصل اليومين دى فى البورد لو ماالواحد (سربع بيهو)
بيطلع فى الرأس وبخليك مطشش.......
وكمان يتلخبت عليك الماوس مع الكى بورد ولا تقوم تفلق ليك واحد بمفتاح (دليت)
وتقطع مشاعر واحد بمفتاح (كت)...
الحصل بيبرهن على حاجة محزنة:
نحن لم نبعد كثيرا من ثقافة السيخ فى الجامعات
| |
|
|
|
|
|
|
|
|
|
|
Re: تعالوا نعلمكم قواعد الشكل يا ناس البورد .. (Re: Raja)
|
العزيزة رجاء علينا وعليك اتبارك مع اني باركت ليك في زقاق تماضر وطنشتيني ، اها قت يا ربي رجاء دي تكون قاصدة تفطني ولا كدا ؟؟ اها حسي يا رجاء وبما أنك طلعتي مكابرابية فأكيد تكوني قطعتي لي الدرب !!
غايتو ما دام جيتي لعندي العفو والعافية والموية الصافية ..
بت فاطنة
| |
|
|
|
|
|
|
|
|
|
Re: تعالوا نعلمكم قواعد الشكل يا ناس البورد .. (Re: عشة بت فاطنة)
|
| Quote: انت قاعد بجاي من متين..؟؟ |
قاعد من بديتى تعلمى الناس ألف باء المكاجرة
بعدين أنا بقيت ما بدخل إلا أعرف جكة الناس كيف
عندى ليها لياقة ولاّ لا
Quote: وبعدين نحن تبع منو مشعللي النيران
ولاخزنتها ياربي ؟؟ |
حسب القصة أعلاه ..
فأنت لبوة تناظر المرآة..
وتكشف الحقائق قبل أن ( تطالع) السحالى ..
| |
|
|
|
|
|
|
|
|
|
Re: تعالوا نعلمكم قواعد الشكل يا ناس البورد .. (Re: معتصم الطاهر)
|
Quote: حسب القصة أعلاه ..
فأنت لبوة تناظر المرآة..
وتكشف الحقائق قبل أن ( تطالع) السحالى |
عشة الحقي كدي قولي لي
الكلام دا
شكلة ولا عادي اصلي بحب اللبوة والسحالي جدا
وكان شكلة وريني عشان اقوم جارية وانتي تتمي الباقية...
طبعا ياعشة
الكلام دا كلة جرسة لاني اكتر زول متضررمن انقلاباتك العسكرية دي
اللة يهديك وشوفي ود الطاهر دا مالة..؟؟؟
| |
|
|
|
|
|
|
|
|
 Re: تعالوا نعلمكم قواعد الشكل يا ناس البورد .. (Re: Ishraga Mustafa)
|
بت عمتى (عشه بت فاطنه) هكذا لى بنت عمه نناديها بهذا الأسم، كل سنه وأنتى طيبه
أؤيدك فى كلما قلتيه وأعتقد أن هذه المناسبات ضاعت هباءا وكانها بفعل فاعل، ولقد استبق البعض منا ذكرى أعدام الشهيد الأستاذ/ محمود ، بهجوم كاسح وغير مبرر.
وكذلك أتفق معك فى الرأى حول الذين يستفيدون من خصومات البعض الجديده للأنتصار لأنفسهم
لخصومة قديمه واشهد انى أبغض هذا الفعل واسميه الخصومة الفاجرة أو التى على غير اخلاق الفرسان، ومعظم خصوماتى الحاده مع أمثال هؤلاء ، حيث أغفر للشخص الذى اخاصمه لكنى لا أستطيع أن اغفر للشخص الذى يستغل خصومتى مع شخص آخر فيدخل على نحو غير عادل أو أمين منتصرا لنفسه مساندا ذلك الخصم الجديد الذى قد لا تجمعه معه وحدة فكريه أو سلوكيه.
ولقد أقترحت من قبل فتح (بوست) يومى نسميه (طلوع الخلاء)، كل من لديه مشكله يدخلها فيه ، حتى (لا يفر الحمام أو الجنس اللطيف من الرجال والنساء) ، لكن لم يهتم اى عضو لذلك الأقتراح وكأن البعض يفضل (الشكله) محضورة يأمها الكثير من (الفراجه).
| |
|
|
|
|
|
|
|
|
|
Re: تعالوا نعلمكم قواعد الشكل يا ناس البورد .. (Re: تاج السر حسن)
|
| Quote: امَّا ذَلِكَ العَالَمُ الجَّدِيدُ، فَهوَ عَالَمٌ يَسْكُنُهُ رِجَالٌ ونِسَاءٌ، أحْرَارٌ، قَدْ بَرِئَتْ صُدُورُهُم مِن الغِلِّ والحِقْدِ، وسَلِمَتْ عُقُولُهُم مِن السَّخَفِ والخُرَافَاتِ |
أخي تاج السر لفتت نظري هذه الكلمات التى تزيل بها بوستك ، دعني اهديها لكل المتداخلين والمتداخلات .
اما أقتراح بوست لادارة المشاكل بأسم طالعني الخلا لاشك في انه فكرة ممتازة نرجو ان نقبلها منك كمشروع لادارة المشاكل وبكل احترام من غير فجور ..وتسلم يا أخي ..
| |
|
|
|
|
|
|
|
|
|
Re: تعالوا نعلمكم قواعد الشكل يا ناس البورد .. (Re: Ishraga Mustafa)
|
اشراقة تحياتي أم واصل
شوفي يا اشراق انتي عارفة البورد اليومين دي وحماك الله مصاب بداء السعر ، قنا نقللمن الحالة الكلبية دي شوية ونحصر الشكلة في قطبي الصراع ، ما تخافي الصراعات المبدئية ما داخلة دي طبعا بتم المؤازة فيها من غير تأخير وبما أنك أمرأة تهتم بامور مليانة فلا تخافي عدم الموازة ..سنشد من أزرك ولو كره المرجفون ..
| |
|
|
|
|
|
|
|
|
|
Re: تعالوا نعلمكم قواعد الشكل يا ناس البورد .. (Re: bayan)
|
| Quote: انا غايتو عافية ليك ما تخشى فى اى شكلة حقتي |
اهاا شهدي يا جارة اقصد يا عالية ،باكر فيها المناكر تعايني لي بالرقراق يا نجاة !!
المهم انا عايزة بنود اضافية ولا زم تشاركي في صنع القواعد ولو طلعنا بعشرة قواعد وعشرة نصائح نكون انجزنا بس بدون فليق ..
وبعدين حنعمل جمعية لحماية المدنيين البروحو ضحايا القصف العشوائي .. 
| |
|
|
|
|
|
|
|
|
|
Re: تعالوا نعلمكم قواعد الشكل يا ناس البورد .. (Re: عشة بت فاطنة)
|
عشه بت فاطنه
ازيك ????
| Quote: وبالمثل لا يطلب مني أحد ان أحدد اقامتي ف البورد واقاطع فلانة ولا ازور علانة ؟ اشوف البوست الفلاني واقاطع البوست العلاني البورد دا |
ده اهم بند من بنود دستور الشكل لانه هو زاتو البسوي الشراره جحيم...
لكن برضو كان وقعنا لينا في شكله حنطلب المساعده والدعم المعنوي والكتابي
لك تحياتي يا انسانه
ولى قدام
| |
|
|
|
|
|
|
|
|
|
Re: تعالوا نعلمكم قواعد الشكل يا ناس البورد .. (Re: لؤى)
|
| Quote: كل سنة وانتى طيبة وربّنا يحقق الأمانى ويجعلها سنة أفضل |
وانت طيب يا لؤي ، والقابلة كم يجب .. بس الضحك كتلني أكيد دا باقي كلام لكن حاصل مشكلة احيانا الرد أجيني نص دا من شنو يا ربي ؟؟
أكيد من الربة الحاصلة البورد عندو صداع ..
| |
|
|
|
|
|
|
|
|
|
Re: تعالوا نعلمكم قواعد الشكل يا ناس البورد .. (Re: عشة بت فاطنة)
|
| Quote: يعني لو انت عندك شكلة ما لازم اخوضها معاك زيد ولا عبيد ولازم براك تأكل نارك وهذه مهمة بالنسبة للصراعات التى تأخذ الطابع الشخصى |
يعني اي زول واكل نارو براه زمان كان في ناس يبدوا الشكله وبعدين ازوغوا اها تاني مافي طريقة يا عاليه..
Quote: يعني عشة انا كان دقوني في البورد دا يوم
ما بتجيبي خبري??? |
عشان تخلي الشكل والمعاينه في المرايات..
Quote: لا لا يا اختي براك تاكلي نارك.. فترتة انا من شكلاتك..
كل يوم جايبة لي كسورة,, |
الخواف ربي عياله...
Quote: اعملي زيي وراوية.. مرات مرات بتخليني أشاكل برااي..
وانا زاتي بخليها "تاخد راحتها في شكلتها"..
لكن في ساعة الجد.. لا بخليها لا بتخليني.. |
المداخلات دي عجبتني ...لكن برضو اكان في شكله حاره ..
الزول مجبور اجيب عكازه واجي اشوف الحاصل شنو...
كلامك دا في محله يا عشه يعني مفروض تكون في قوانين للشكل والاختلافات
عشان النقاشات ما تمشي الي مستويات شخصيه.. وبالتالي ما حايكون في تدخل
من الاطراف الاخري ويكون الحوار موضوعي..
لكن لحظة الشكل البجيب خبر للكلام دا منو!!!
تحياتي ..وكل عام والجميع بخير,,,
| |
|
|
|
|
|
|
|
|
 Re: تعالوا نعلمكم قواعد الشكل يا ناس البورد .. (Re: Ehab Eltayeb)
|
Quote: مفروض تكون في قوانين للشكل والاختلافات
عشان النقاشات ما تمشي الي مستويات شخصيه.. وبالتالي ما حايكون في تدخل
من الاطراف الاخري ويكون الحوار موضوعي.. |
لكن يا ايهاب اليومين دي البورد اعيش في حالة غيبوبة ، فلا قوانين تنفع وعكاكيز تنفع !! تعرف الواحد قاعد أفكر أكب الزوغة ، كتروا ومسخوا يا قول حبوبتي ..
| |
|
|
|
|
|
|
|
|
|
Re: تعالوا نعلمكم قواعد الشكل يا ناس البورد .. (Re: saif massad ali)
|
يا الغالية بت الغالي عشة بت المبارك
خالص التحايا... والأمنيات الغاليات...
| Quote: تعالوا نعلمكم قواعد الشكل يا ناس البورد |
ما دايرين...
تعال نعلمكم قواعد التسامح يا ناس البورد... وعشة بت المبارك.
رأيك شنو...
خليهو يكون شفيف....
وكل عام وإنت والأربعة حبايبي الحلوين طيبين وكل أهلنا في السودان
خالص الإمنيات....
| |
|
|
|
|
|
|
|
عشة بت فاطنة
fadlabi
عبد المنعم سيد احمد
وليد محمد المبارك
خضر عطا المنان
Yasir Elsharif
mohmmed said ahmed
معتصم الطاهر
أحمد أمين
Raja
مريم بنت الحسين
bayan
Ishraga Mustafa
benyya
Hussein Mallasi
saif massad ali
لؤى
الجندرية
Ehab Eltayeb
A.Razek Althalib
فيس بوك
تويتر
انستقرام
يوتيوب
بنتيريست