|
|
|
 Re: اولي خبطات الموسم .....المعز محجوب.....ولدنا (Re: haroon diyab)
|
هارون دياب
أزيك يا صفوة والله مشتاقين كتير
بالحقيقة المعز هو اللاعب الذي يفتقده المريخ
ولكن على حسب علمي جدد للهلال قبل عامين لمدة أربعة سنوات
يعني لسة متبقي على عقده سنتين
فهل هنالك فقرة في قانون شداد تسمح بفسخ العقد
وبمناسبة هو ولدنا للمعلومية هو ما ولدنا هو ولد الدولار والدولار عند جمال والأرباب سمعنا قالوا فلس هههههههه
ودمتم
| |
 
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: khaleel)
|
طبعا انا اهمية الشغيل دى لى اسى ماعرفتها ..
المريخ دا لو دخل فيهو عشرين قون فى ا لموسم دا
الشغيل بكون سبب فى عشره منها .. اها فى ذمتك
ياخليل لاعب زى دا يعملوا بيهو شنو. ؟!...
افضل لاعب فى المريخ قلق ..ودا العايزنو ..
اما فيما يخص المعز بن محجوب ف(لحس الكوع) اقرب
ياهارون ... الفرق الكبيرة ياهارون بتأمن اول حاجة حراسة
المرمى .. وانتو من الناحية دى (معلمين الله) ..مافى حارس
غير روى قلواك حاليا ...المريخ اذا اراد تامين حراسة المرمى
فليذهب للخرطوم ويدفع الكاش ويستلم الحارس الممتاز ..
مع انو سمعنا (تحت تحت) كدا انو الهلال عايز يرجعو للكشف
مرة تانية ...
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: حسن مضوي)
|
حسن ياابو علي
وحات نظري مشتاقييييييييييين
| Quote: فهل هنالك فقرة في قانون شداد تسمح بفسخ العقد |
وحاتكـ.....
شداد ده ممكن يعمل فقرة ومجدي شمس الدين يظبطه
وعييييييييييييييييييييييييييييييييييييييييييكـ
تلقي الراجل لابس احمر ....المهم الدولااااااااااااار
بالمناسبة.....
الاقرار بي مليون
والتسجيل بي مليونين
وعمك شداد بعد هزيمة المصريين قال ليك جيبو مقدود عديييييييل
سلام
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: أحمد ابراهيم عثمان)
|
اوووووووووووه احمد ابراهيم
انت جيت ياجميل
حبابك الف
Quote: خلاص دايرين تدمروالمعز
المريخ حاليا لو سجل ميسي بيقلبو بله جابر
مقبرة النجوم بلا منازع |
حا اقول ليك سر تحت....تحت بس ماتكلم زول
البرنس زاااااااااااااااتو شايفنو حايم بي هناك
قال شنو....يترب بطولة خارجية واعتزل طوااااااااااالي
اها نعمل ليكم شنو.....؟
ناسكم عاوزين المجد والشهرة والعزة
حسع عليك الله الزريبة دي ما كج عدييييييييييييييل....؟
سلام
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: haroon diyab)
|
Quote: من المتوقع ان يكون قد
وقع كتاب اقرار بالانتقال
الي الاحمر الوهاج في الموسم
الجديد. |
إنت جيت يا رمضان
يقطعك يا أبو صيام
واحشنا ياراجل
وينك مطوّل الغيبه
قاطع الحضور والتلفونات والتعليقات
الحاصل شنو يا صاحب
الشوق كتير بقدر قامتكم المديده
بعد ده بقول ليك
تشوفوه فى المشمش
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: فايزودالقاضي)
|
ود القاضي
سلام
Quote: قالوا الهلال ظروفه صعبة ومادياً تعبان .. عشان كده عارض مجموعة من اللاعبين للبيع ...كلم الوالي مايدفع فيه كتير ....
ربنا يخلي لينا قروش الحكومة ... قروش الحكومة الياها مسروقة من الشعب ... والمريخاب ياهم اصل الشعب ... |
المهم.....
البلد بلدنا
والقروش قروشنا
والمجد حقنا
يعني ....زيتنا في بيتنا .
ابقي طيب
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: جمال السنوسي)
|
جمال السنوسي ياحبيب
مودات
بس عليك الله حسع انت لو الوالي
سجل معز ده برضو حتشجع الصفر الدولي.....؟
ياخي رغم الخمسات ....والحكام ....وشتلات
مجدي وشداد ...لو ما المعز ده وحاتك فضيحتكم
كانت بجلااااااااااجل .
الله يخليهو ولدنا والله ماقصر معاكم تب .
بس اوعو تجو تقولو زي ريتشارد وكلاتشي
انو باع الكورة بتاعت يوم 2/12 .
تسلم
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: نيازي عبدالله مرحوم احمد)
|
يقال أن المعز وقع للهلال عقدا لمدة سنتين و السنة دي مفكوك!!
الكلام دا صاح يا هارون دياب!!
ياخي الناس ديل مهضربين من كورة 02/12 كمان تجي تزيد عليهم الهضربة؟
الوالي قال للاعبي المريخ العاوز يمشي الهلال الباب فاتح!! حج يشعر بالسعادة و يركب كامري 2007م يمشي لنادي يتتم في حق التسجيلات 4 سنة؟ أسالوا المعز و أسالوا أسامة التعاون شيك بي 80 مليون رجع من البنك و قسطوهو ليهو!! التسجيل كمان بالاقساط!1 و القسط يجي راجع!! الوالي كاش طوالي..
هارون دياب ياخي نسيت أقول ليك مشتاقين
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: dardiri satti)
|
الحبيب تكعيب هارون
الغريب انه ناس الوصيف ديل حتى فى التسجيلات برضو حالفين ما يفارقوا محطة الوصيف دى
يعنى لو ما صلاح ادريس قال عنده مفاجأة كان ناس الوالى جوا و قالوا عندهم مفاجأة
كدى الاول امشوا انتهوا من تسويق وارغو المجلوب فى سوق الله اكبر داك و باير لا اسع بعدين تعالوا فتشوا المعز
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: حيدر بشير)
|
ياحيدرنا
سلامات
Quote: الحبيب تكعيب هارون
الغريب انه ناس الوصيف ديل حتى فى التسجيلات برضو حالفين ما يفارقوا محطة الوصيف دى
يعنى لو ما صلاح ادريس قال عنده مفاجأة كان ناس الوالى جوا و قالوا عندهم مفاجأة
كدى الاول امشوا انتهوا من تسويق وارغو المجلوب فى سوق الله اكبر داك و باير لا اسع بعدين تعالوا فتشوا المعز |
ياخوي وارغو بعد ما استوي
تاني تسويق شنو....؟
السنة دي قال حالف الا يعيد
ليكم بشتنة السنة الفاتت بتاعت المطرة
ولو انت نسيت انا مانسيت
موداتي
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: Talal Halfa)
|
طلال حلفا يافنان ياحلو
كيفنكـ
| Quote: يا هارون .. الوالـي قال دايـر يجيـب المعـز عشـان يدعـم بيهـو حبايبنـا في مريخ بورتسـودان .. اعارة من أجل المساعـدة في الصعـود للممتـاز وكده ,, |
احيييييييييييييي.....!!!
مالك عاوز تفجر لينا اللغم ......!!!!!
بالمناسبة....
بورسودان دي امسك فيها قووووووووووووووووي
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: الحاج حمد الحاج)
|
صفوة الصفوة / الحاج ودحمد
اريتك تكون بخير
Quote: يقال أن المعز وقع للهلال عقدا لمدة سنتين و السنة دي مفكوك!!
الكلام دا صاح يا هارون دياب!!
ياخي الناس ديل مهضربين من كورة 02/12 كمان تجي تزيد عليهم الهضربة؟
الوالي قال للاعبي المريخ العاوز يمشي الهلال الباب فاتح!!
حج يشعر بالسعادة و يركب كامري 2007م يمشي لنادي يتتم
في حق التسجيلات 4 سنة؟ أسالوا المعز و أسالوا أسامة التعاون
شيك بي 80 مليون رجع من البنك و قسطوهو ليهو!! التسجيل كمان
بالاقساط!1 و القسط يجي راجع!! الوالي كاش طوالي..
هارون دياب ياخي نسيت أقول ليك مشتاقين |
والله الهربة دي مجربينها في الوكت ده من كل سنة
بس كمان ياخوي الضاق عضة الدبيب بخاف من الحبل
انا متأكد انتو وواليكم ده يوم بتكتلو ليكم رشاشة
المهم....
2/12 قرررررررررررررررررررررررررررررررررررب
الشوق بحور ماليها حد
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: خالد عبد الله محمود)
|
خالد يالذيذ يارايق
وينك ابوي
دي ماكانت خماسية
ده كان خروج بلا عودة .
المهم...
Quote: هارون دياب يا عمكـ
الشربوت ده عملتو من بدري السنة دي ؟؟ خمر شديد .. |
الضحية ابوي.....الضحية
اصلو السنة دي ضابحين لينا خروف كبيييييييييييييير
اسمو الصفر الدولي ومجازا ( الرشاشات ....)
تاني ماتطول الغيبة....ثمح.....؟
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: صبري طه)
|
صبري طه
سلامات ومودات
Quote: لكم التحية ...
وهل يوجد في الساحة السودانية حارس مرمى بالمعنى ...
سوى كان المعز أو غيره أو كانوا مجتمعين على مرمى واحد ...
قلبي مع الجمهور الغلبان !!!!!!!!!
ولكم كل الود والتقدير ،،، |
ياخوي الكلام مافي الحراس
الكلام في الشواكيش البياخدوها
كل سنة .....والله الجماعة ديل
راسهم ورم عدييييييييييل من الضرب .
خليك قريب فالقادم مذهل اكثر
احييك
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: طارق الكوتش)
|
ياسلاااااااااااااااااااام
طارق الكوتش بي هنا.....؟
والله تستاهل الضبيحة ...هههههههههههههههه
شنو ياجناي .....؟ ماكنت كويس
ياخي يوم
كده قاعد براااااااااااااي اتخيلتك وانت
داخل ليك زقاق كده وقابلك واحد اسمو (موبوتو )
وحاتكـ ماشفته غير العجاجة وبعد يومين جوك شفع كده
شايلين ليك ( المركوب....!!!!) تخيل المنظر ده .
حسع عليك الله جاي تفتش الماضي ولا شنو.....؟
احترامي الاكيد
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: yasir Abdelgadir)
|
انا اقترح عشان تبقو فريق تسجلو 11 ن الهلال دة الحل الوحيد
................................................................
الفوق ده خليهو لكن سياسه منالهلال للمريخ دى اضعفت الفريقين وما عملت ليهم شى ولك الموسم الفات
اقترح ان تتعب فى ناشى الان وبى مبلغ قليل خير من تجيب نجم يموت _(يموت) بعد عام
دى وجهه نظرى عشان تتطور الكوره ودعك من الهيجان الوقتى فلان وعلان واليك ناشى برشلونه (ميسى).
(انيستا) 0 ( شافى) . ( بيكى) . ( بيدرو). وووووو ......( بيول )..
فكر للمستقبل ولا تفكر بشراء لاعب لايمكن ان يحقق لك اكثر من ما حققق ماذا حقققو لانديتهم ليحققو للغير
................................................................................................
ده كلام كبار على الوصيفاب مش هاهاهاهاه من الشطبنى طلع ما كمال ..؟هاهاها
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: haroon diyab)
|
Quote: سلام
Quote: فكر للمستقبل ولا تفكر بشراء لاعب لايمكن ان يحقق لك اكثر من
ما حققق ماذا حقققو لانديتهم ليحققو للغير
والدليل ( علاء الدين شلاليت وحمود طفيش....!!ّ!!)
مش كده ولا انا غلطاااااااااااااااان..... |
ايوه نعم فماذا عمل الهلال بهولاء ؟؟؟؟؟؟
كلو فى الهواء سوا شكرا لتاكيد صحه فكرتى
الشطبنى منو ؟؟؟؟؟؟؟؟؟؟؟طلع ما كمال يكون ض
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: ابراهيم الصغير)
|
العزيز هارون
ناس الاتحاد ديل مالقوا يوم للمباراة دى غير يوم 2 /12
التواريخ دى بتذكرك بشنو ياحبيب ؟
.
.
.
لو نسيت دى تواريخ اكبر فضيحة رياضية فى تاريخ السودان
بتاعة الثعلب البقى كندورة
القال فيها الطيب عبداللة رحمة اللة عليه انها اكبر وصمة عار فى تاريخ الهلال
اها ياحبيب انشاء اللة كمان يوم 2/12 الجاى ده يكون برضو وصمة عار جديدة فى تاريخ الهلال بهزيمة تاريخية
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: حيدر بشير)
|
سكرتير نادي الميرغني الكسلاوي في مؤتمر صحفي امس:
اتصـــال جمــال الوالــي بلاعبــنا فيصــل موســي قبــل المبــاراة اثر علي ادائه
كتب يوسف الطاهر
عقد السيد علي عمارة سكرتير نادي الميرغني الكسلاوي مؤتمرا صحفيا نهار امس بنادي الميرغني بكسلا اشتمل علي ثلاثة محاور
Quote: المحور الاول حول مسار الفريق وقفل باب التسجيلات واستقرار الجهاز الفني ووجود المدرب مبارك سليمان مدرب الفريق الذي خلق شكلا جديدا للفريق والنهج العلمي والفكر الكروي العالي له ولاعبو الفريق الذين كان لهم دورهم الجيد داخل الملعب وعلي اكمل وجه وتمتعوا بالجرأة العالية والارادة القوية.
وتحدث عمارة عن الدعم الذي وجده في كسلا ووصفه دون الطموح وشكر كل الداعمين.. وفي المحور الثاني تحدث عن التحكيم واثره المباشر في تغيير كثير من المباريات في الدورة الثانية وقال تقدمنا من قبل بمذكرة للاتحاد من قبل والتحكيم اثر في مباريات الامل والخرطوم والنيل وامام الهلال بكسلا ومباراة المريخ الاخيرة في كسلا مما كان له الاثر الكبير في تغيير نتائج الفريق ونتمني ان يرتفع التحكيم الي مستوي جيد.. واشتمل المحور الاخير حول موضوع اللاعب فيصل موسي واوضح عمارة بان الفيفا نادى بأن لا يتم الاتصال باي لاعب بغرض التسجيل الا قبل ستة اشهر ولاعبنا فيصل موسي متبقي له مع النادي سنتان وجمال الوالي رئيس نادي المريخ شخصيا اجتمع معه بمنزله قبل ايام من مباراتنا امس الاول مع المريخ وهو ما ساهم في تشتيت تفكير اللاعب ورغم اننا اوضحنا من قبل بان القواعد العامة تمنع انتقال اللاعب ونحن لا نشك في ذمة لاعبنا وجمال الوالي واتصال المريخ بلاعبي الميرغني قبل كل مباراة مهمة معه ليس بالجديد وسبق ان حصل هذا الامر مع لاعبينا وائل خضر والطاهر حماد وبدوي وعبد المهيمن جلال ومن المفترض ان لا يتم الاتصال باللاعبين. |
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: حيدر بشير)
|
هلا بالحبيب تخميس حيدرنا
سلام
Quote: يكون تشابه عليك البقر و مفاوضة جمال الوالى مع
فيصل لاعب الميرغنى قبل مبارأتهم الدورية كما فعل من
قبل مع كلتشى بقت ليك مع لاعب من الزعيم |
ياخوي الكلام ما في الاتفاق
الكلام في البقدم جواب يطلب
التسجيل في الصفوة.
فرق يااااااااااااااحبيب
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: haroon diyab)
|
العزيز هارون
بمجرد ما شفت البوست بتاعك ده ضربت للولد تلفون
يا كابتن الكلام ده صاح ؟
قال ما حصل
ٍسألته في حد من المريخ إتصل بيك
قال لا
قلت ليه طيب كلام هارون ده شنو؟
قال ده كلام بقراه في الجرايد والمنتديات
عموماً يا هارون هو شهر 12 ده عقده بنتهي مع الهلال
كان دايرنه في المريخ جيبو قروشكم وتعالوا مستعد إتوسط
قصرت معاكم؟
عبدالحي الشبلي
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: Abdelhai Omar)
|
عبد الحي
سلامات ياراجل ياطيب
وتشرفنا بيك اليوم داك
والله سعداء بمعرفتك وبهذا
الوجه الوضاء.
| Quote: قلت ليه طيب كلام هارون ده شنو؟ |
بس ياخوي حسع في ذمتك انتو الواحد
اكان عاوز يتوب برضو تعاكسوه.
يمكن زماااااااااااااااااااااان
تكون سمعته الجابري بغني .....
حدي يشعر بالسعادة يمشي يختار البعاد.....؟
اها ولدنا لازم يرجع مكانه الطبيعي ....والا.....!!!!
مشتاقين
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: Abdelhai Omar)
|
الحبيب هارون ،،
مناسبة أهديك والأسرة الكريمة أحلى الأمنيات القلبية
بمناسبة العيد الكبير داعياً الموى أن يمتعك وكل
بورداب الدوحة الجميلين بالصحة والعافية ، وكل
عام وأنت يارائه بألف خير،،
بكرة بإذن الله يحط بنا الرحال في الوطن العزيز لحضور
العيد لأول مرة منذ 15 سنة (العيد هناك أحضرو)،، وبالمرة
ح نشوف ليك الموضوع دا لايف على الهواء ،،
==
أي وصية لعمك بتاع النجيضة؟؟ شايفو متجدع في العاصمة،،
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: عبد اللطيف بكري أحمد)
|
اجمل الحلوين / عبد اللطيف
مناي شوفتك
والله بختك....
اتمني من الله ان تصل وتجد كل من يعز
عليك بالف خير وتبل شوقك الطاااااااال
وياخي اذا كان خروفكم سواكني الرسول فوقك
اكان ما اكلت لي من الفخدة اليمين .
بالمناسبة.....
النجيضة اليومين ديل ماعارفو بعمل شنو.....
مصاقر الكرين كل يوم مع الشيشة لامن وليدات
المسلمي سابو ليهو البلد ....!!!!
حاول ادينا طلة ولو يومين ناس الدوحة في انتظارك
سلامات
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: haroon diyab)
|
الحبيب تسبيع هارون
بس المشكلة انه لاعبى الوصيف هم من تقدموا بطلبات للانضمام الى الزعيم بعد تصريحات جمال الوالى الأخيرة بأن الشطب سيشمل لاعبين كبار
يعنى كل لاعب عندكم اليومين ديل خايف من الشطب و عاوز يلقى ليه مكان مع الزعيم حتى لا يجد نفسه فى الحصاحيصا مخزّن
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: حيدر بشير)
|
ياحيدر
صباحك جميل
| Quote: بس المشكلة انه لاعبى الوصيف هم من تقدموا بطلبات للانضمام الى الزعيم |
زي ماقالو ليك فوق....
اها لاعبي الصفوة ديل
حسابهم بالدولار وانتو
قالو تمامتكم بي صناديق
البيبسي وكراتين المعسل
والفكي ابو حجبات....
اها دي تحلوها كيف مع ناس الكاش بقلل النقاش
سلام
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: haroon diyab)
|
Quote: من المتوقع ان يكون قد
وقع كتاب اقرار بالانتقال
الي الاحمر الوهاج في الموسم
الجديد. |
سلامات يا هارون، وكل عام وأنتم بخير.
* يا أخي إذا شتلتـُـم فأحسنوا الشتلة :)، فترة توقيع الإقرارات لم تبدأ بعد.
* لم أتوقع أن يكون لكم يا أولاد عمنا المريخاب (مزاج) للحديث عن خبطات التسجيلات والتوقعات
العظيمة بعدما كان من أمر هذا الموسم الذي يشارف على النهاية بوصافة مريخية مؤكدة (ومعتادة)
في الدوري الممتاز قبل 3 أسابيع من نهايته، وتذيل لكل فرق مجموعات دوري الأبطال.
* لو سجل المريخ نجم الأرجنتين ميسي؛ فإنّ الحكمة تحتّم عليكم ألا يستقبله في المطار سوى نفر
قليل من المسؤولين التنفيذيين بِناديكم، وأن يتفق صحفيوكم على الحديث عن احتمال فشله بسبب
عدم التعود على أجواء السودان المختلفة اختلافاً كلياً عن الأحوال في إسبانيا... عسى ولعلّ :):)
* وعلى العموم، عاوزين تسجّلو المعز محجوب؛ سجّلوهو، نحن بقينا خبطات "الإعلام السالب" دي
ما شغالين بيها :):)
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: haroon diyab)
|
العزيز هارون ...
تحايا بلا عدد
2 و 12 دي اكبر عملية تزوير في التاريخ ..
حصلت زمن كندورة والثعلب.. غيروا ارقامهم واستفادوا من العملية دي في تلافي بطاقة حمراء في مباراة افريقية ذاقو بها لاول مرة طعم الادوار المتقدمة في البطولات الافريقية الكبيرة .. بس ربك رب الخير سلط ليهم لاراش في المباراة البعدها وراهم الما بيعرفوه..
وكالعادة جاءوا يجرجرون اذيال الخيبة والفشل ويجترون الذكريات والي الان تقول لاحدهم لاراش شياطين الدنيا تتنطط قدامو...
ليستمر برنامج التزوير والسمكرة من بيتر الاسرائيلي مرورا بالصلوي والي الاعارات الوهمية وكوارثنا..
يا ريت واحد منهم يجيناهنا يغالط كمان ويورينا فلسفوها كيف دي ..
| |
|
|
|
|
|
|
|
|
|
Re: اولي خبطات الموسم .....المعز محجوب.....ولدنا (Re: Ahmed Alrayah)
|
اها بعد ده اكان سجل ولا ماسجل مامهم
المهم جميل الرشاشات واستاذهم وصل
احمد الريح ياغالي
مشتاقين ليك
Quote: * لم أتوقع أن يكون لكم يا أولاد عمنا المريخاب (مزاج) للحديث عن خبطات التسجيلات والتوقعات
العظيمة بعدما كان من أمر هذا الموسم الذي يشارف على النهاية بوصافة مريخية مؤكدة (ومعتادة)
في الدوري الممتاز قبل 3 أسابيع من نهايته، وتذيل لكل فرق مجموعات دوري الأبطال. |
اها انت طبعا مابجيبك الا الشديد القوي
وحبا وكرامة.....
اذا الارباب قال .....الروووووووووووووب
بنخليكم....
اها ...قلتو شنو....؟
قصرنا معاكم....؟
بعدين....
Quote: * وعلى العموم، عاوزين تسجّلو المعز محجوب؛ سجّلوهو، نحن بقينا خبطات "الإعلام السالب" دي
ما شغالين بيها :):) |
منكم تعلمناها .
تحياتي
| |
|
|
|
|
|
|
| |
haroon diyab
omer osman
khaleel
محمد عبدالرحمن
أحمد ابراهيم عثمان
عبدالوهاب علي الحاج
nazar hussien
محمد خليل ساني
فايزودالقاضي
جمال السنوسي
بكري عباس علي
نيازي عبدالله مرحوم احمد
الحاج حمد الحاج
Talal Halfa
خالد عبد الله محمود
ابراهيم الصغير
omar altom
عمر سعد
معاوية محمد الحسن
Abdelhai Omar
7abib_alkul
فيس بوك
تويتر
انستقرام
يوتيوب
بنتيريست