|
|
 اسمها صفية .. عايزه الحاجات تبقى كويسه
|
انا صفية اسحق محمد..
عمري 25 سنة..
اتخرجت من كلية الفنون الجميلة جامعة السودان..
اتخرجت من قسم التلوين.. شهر عشرة الفات.. الفين و عشرة
عملت المعرض بتاع البكلريوس .. و كان بيتكلم عن دور المرأة
كانت لوحاتي كلها بتتكلم عن المرأة و دورا في المجتمع و الحياة
كانت عندي رسالة بالفن بتاعي
انو اوري انو ممكن باللون توصل رسالة للناس.. و ممكن تفهم.. و تكون رسالة قوية جدا
انا شاركت في الملتقى الشبابي من اجل السلام الاجتماعي
كان بنوري انو ننبذ التمييز القبلي
شاركت في المظاهرة بتاعة تلتين يناير
كنت عضو في قرفنا
بعد المظاهرة يوم 30 يناير انا حسيت انو في ناس براقبو فيني.. و حتى كلمت اصحابي انو في ناس قاعدين يراقبو فيني
يوم الاحد 13/2 مرقت من الجامعة اشتري حاجات.. من المكتبة في شارع الحرية
مرقت اجيب ورق و الوان
لمن اشتريتم و جيت راجعة.. في اتنين لقوني.. بيقولي لي يا بت استني اقيفي
انا حاولت اجري منهم قام مسكوني
وحاولت اصرخ قاموا مسكو لي خشمي عشان ما اقدر اصرخ
ودخلوني في عربية صغيرة بيضا
كانوا بيضربو فيني في العربية
في العربية ما كنت منتبهة للطريق.. لكن انتبهت لمن ركبنا الكوبري بتاع بحري
دوني جمب موقف شندي ..مبنى
دخلو العربية
بعد ما نزلت من العربية و بيضربو فيني جو اتنين من جوه
من جوه غرفة كده
بقو يضربو فيني
اتنين ماسكني و اتنين بيضربو فيني
خشيت جوه الغرفة جدعوني في الارض
بيضربو فيني و بيسألوني انو انا شيوعية و انو علاقتي شنو بقرفنا و البيطبع ليك الورق منو في قرفنا
وقالو لي شفناك قاعد توزعي منشورات
وانك انت من المشاركين في مظاهرة تلتين يناير
وكانوا بينبزوني بالفاظ كعبة
اتواصل الضرب مده طويلة
انا اصلا قاصة شعري
مع الضرب الطرحة وقعت من شعري
قام واحد قال لي انت شعرك مقصوص.. دي حركات البنات الشيوعيات.. انت بت ما كويسه
سألني انت حصل مارست جنس ؟
قلت ليو لأ
قال لي كضابة ..انا عايز اشوف انك انت عملتي كده وله ما عملتي
انا حاولت اقاوم
كان عايز يطلع الاسكيرت فحاولت اقاوم انو ما يطلع الاسكيرت بتاعي
حاولت اقاوم فقام ضربني
مع المحاولة بتاعتي قام ضربني
اغمي عليّ
لمن صحيت .. لقيت اتنين ماسكني من كرعيني و التالت كان بيمارس معاي
كنت متألمة شديد
..
..
..
هم كانو تلاتة البيتناوبو عليّ
ربطوا لي يديني بالطرحة بتاعتي
ومرقو الاسكيرت و الهدوم الداخلية
وكانوا بيتناوبوا
كل بعد شوية بيخلوني شوية.. و تاني بيجو بيمسكوني بيعملو فيني العملية دي
عملوها تلاتة انفار فيني
اثناء العملية كانوا بيضربو فيني
قالوا ليّ بعد داك امشي.. لكن لو لقيناك تاني حيكون الموضوع اكبر من كده
ضربوني في رجلي و ما بقدر امشي بيها هسع
مرقت بصعوبة
كنت خايفة ..الخوف خلاني امشي مسافة طويلة لغاية ما القى المواصلات
واركب لغاية السوق العربي
ما كنت منتبهه للطريق اكتر من انو انا كنت خايفة شديد يلقوني تاني و يعملو فيني العملية دي تاني
رجعت البيت
كنت خايفة خايفة جدا
ركبت المواصلات وصلت بيتنا فأمي سألتني انت اتأخرت مالك ؟
كانت الساعة حداشر
قلت ليها كان عندنا معرض و ما قدرت اقول لي ناس البيت
كراعي متأثرة لسه من الضرب ما بقدر امشي بيها بصورة كويسة
انا ما قوية لأني اقول الكلام ده
ما قوية
لكن في ناس كانوا محيطين بيّ خففوا عني العذاب الانا ضقتو
عشان كده كنت عايزه انو انا اكون ملهمة للبنات التانيات يقولو تجربتم بشجاعة
عشان نكشف الناس.. هم ما ناس .. نكشف الحيوانات ديل
انا دايره اوصل رسالة لأي بت اتعذبت
دايره اقول ليها انو تكون قوية
تصمد ..
من اجل النضال..
من اجل انو الوضع يتغير
لازم انحن نضحي
فالحاجات هي ما ساهلة لكن الناس تصبر
وانا بفني حاوصل رسالة
حالون
وحاعمل معارض عن المواضيع البتهم المرأة
انا بشكر الناس كلهم الوقفو معاي
وحابقى قوية
عشان الحاجات تبقى كويسة
انا لمن مرقت مظاهرة
ووزعت ورق وعملت حاجات كتيرة
عشان انا عارفة انو في دارفور في نساء بيغتصبوهم..و في الخرطوم
وهم ما عندهم الشجاعة انهم يتكلمو لأنو الموضوع ده عند الاهل صعب
فانا عايزه ابقى شجاعة واوريهم انو حيحصل تغيير
و انو الوضع ما حيستمر كده
|
|
 
|
|
|
|
|
| العنوان |
الكاتب |
Date |
| اسمها صفية .. عايزه الحاجات تبقى كويسه | حمور زيادة | 02-26-11, 04:28 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:30 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:33 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:34 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:35 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:37 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:39 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:41 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:43 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:44 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:45 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:46 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:48 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 04:53 AM |
| Re: اسمها صفية .. عايزه الحاجات تبقى كويسه | حمور زيادة | 02-26-11, 05:46 AM |
| Re: اسمها صفية .. عايزه الحاجات تبقى كويسه | معاوية عبيد الصائم | 02-26-11, 05:58 AM |
| Re: اسمها صفية .. عايزه الحاجات تبقى كويسه | doma | 02-26-11, 08:43 AM |
| Re: اسمها صفية .. عايزه الحاجات تبقى كويسه | عبدالمجيد الكونت | 02-26-11, 08:49 AM |
| Re: اسمها صفية .. عايزه الحاجات تبقى كويسه | معاذ الهادي | 02-26-11, 10:18 AM |
| Re: اسمها صفية .. عايزه الحاجات تبقى كويسه | Ahmed al Qurashi | 02-26-11, 12:34 PM |
| Re: اسمها صفية .. عايزه الحاجات تبقى كويسه | doma | 02-26-11, 01:21 PM |
| Re: اسمها صفية .. عايزه الحاجات تبقى كويسه | حمور زيادة | 03-02-11, 06:24 AM |
| Re: اسمها صفية .. عايزه الحاجات تبقى كويسه | حمور زيادة | 03-02-11, 06:28 AM |
| Re: اسمها صفية .. عايزه الحاجات تبقى كويسه | حمور زيادة | 03-02-11, 06:30 AM |
| Re: اسمها صفية .. عايزه الحاجات تبقى كويسه | حمور زيادة | 03-02-11, 06:33 AM |
 Re: اسمها صفية .. عايزه الحاجات تبقى كويسه | عبد الله كسلا | 03-02-11, 07:48 AM |
| Re: اسمها صفية .. عايزه الحاجات تبقى كويسه | Abdlaziz Eisa | 03-02-11, 02:20 PM |
|
| |
حمور زيادة
فيس بوك
تويتر
انستقرام
يوتيوب
بنتيريست