|
|
|
 Re: هل افتري حمور زيادة ام هو مفتري عليه؟ ولماذا يغتال القلم السوداني الهويه السودانيه؟ (Re: محمد مصطفي مجذوب)
|
| Quote: وقد استفذني ما قرأت من تعليقات سطحيه (بعضها ممجوج وقد وصل الي حد السخف او السفه) لبعض المعلقين علي حمور وما كتب حمور في المنبر ولا اعرف ان كان منطلق هؤلاء المعلقين خلافات شخصيه او سياسيه او اجتماعيه او حتي ربما دينيه مع الاستاذ حمور ام إن الامر مجرد حسد لا غير. |
Quote: فالقضية هي ( يا سبحان الله) عدم تحمل السوداني لنجاح اخية السوداني. وحمل السوداني لما يقراء مما كتب اخيه او اخته السودانيه كأنه عناه هو في شخصه او مس شرفه وكرامته وكأنما نحن امة مبرأة من كل عيب وكانما الكتابه عن شئ ما لمعالجته او حتي لكشفه هو من قبيل كشف العورات لا نطيق ولا نتحمل الكتابه فيها حتي وان نص الاسلام علي القصاص لها.
واستميح الاستاذ حمور عذرا في اصطياد ما كتب هو وما ورد عليه من تعليق لأتسآل:
لماذا كل هذا التحامل علي الاستاذ حمور في تفسير لفظ واحد (كونج ) ، (كونق) او (كوندج)؟ |
| Quote: ولنفكر قليلا في مدي تأثير المكونات الشخصيه والاجتماعيه والخلافات السياسيه والدينيه في فهم وتقبلنا السوداني لما يكتب ويقول السوداني ؟ |
تحياتي الحارة عزيزي محمد
وانشاء الله تكون بخير وبصحة جيدة
هالني يارجل ما قرات في هذا البوست كوني كنت أحد (المتداخلين) مع الأخ حمور رغبةً مني في تبصير الرجل حول كلمة (الكونج) كما جاء في روايته
فقبل ما نناقشك عزيزي محمد ياريت نسمع رأي أخانا في الله والوطن حمور حول ما جاء في بوستك وهل افترينا عليه بمداخلاتنا حسداً وغيرة وهل
كانت مداخلاتنا هناك ممجوجة كما وصفت . يهمني ان أقرأ لحمور وثق اني آتٍ لا محال لنري حقيقة الأمر .
دمت بخير
| |
 
|
|
|
|
|
|
|
|
Re: هل افتري حمور زيادة ام هو مفتري عليه؟ ولماذا يغتال القلم السوداني الهويه السودانيه؟ (Re: خضر حسين خليل)
|
اخي خضر خسين خليل
السلام عليكم ورحمة الله
اولا : لعلك رأيت انني قد عمدت بالخروج من بوست روايه حمور وما صابها من مدح او غيره لموضوع عام . فاتمني ان تبقي كذلك . ففي البوست المفتوح هناك متسع للحديث عن رواية حمور بچيمها وحميمها. واتمني ان تكرمني بالحديث عن النقد الادبي حتي نثري المناقشة هنا.
وفي تقديري لا حمور ولا من كتب عنه محتاج لمداخلة من عابر سبيل مثلي في امر (كونج) . فجميعكم اقدر مني عليها. وجميعكم تعلمون من اي منطلق تنطلقون. فحشر انفي فيما لا املك له سعة لا يسمن ولا يغني من جوع. وحمورا نفسة ربما قدر بُعد ما كتبت عنه من موضوع روايته او التعليق عليها. ومن ثم لم يتداخل معنا بعد وإن كنت آمل ان يفعل. فالنقد لابد يهمه ككاتب . فهلا فعل؟
ثانيا: لا اخالك تخالفني القول في ان كثيرا مما يجري في الساحه الادبيه السودانيه يخرج به كاتبه وهو ظالم لنفسه وللادب السوداني ناهيك عن المكتوب . فمعاول هدم البناء الادبي السوداني علي مافيه من هشاشه اسهل شأنا وابعد غورا.
ثالثا: واكرر اعتذاري هنا اذ لا اراني في حاجه لاحدث كائنا ما كان عن النقد والناقد . ولا اشك كثيرا في انك توافقني في ان ما كتبه محمد مهاوش الظفيري عن مقومات الناقد وهو يقول (الخلاف حول النقد قديم ، يختلف باختلاف الأطروحات الرؤية من ناقد لناقد ، ومن العسير الإتفاق على صيغة معرفية في النقد ، حتى في تحديد مسميات الأشياء ) .
فالنقد كما يقول الظفيري ليس علماً من العلوم ، بل هو فن أدبي قائم بذاته ، لأن العلم في رأيه - مع تحفظي علي ما يقول هنا - متفق عليه ، ومقيد بضوابط وأسس . أما النقد فديناميكي متحرك يختلف من زمن لزمن ومن شخص لشخص ، ومن ذائقة لذائقة حتى في التعاطي مع النص الأدبي الواحد ، فالنقد حقل من حقول الأدب يستفيد من المعارف الإنسانية الأخرى .
وانا اتفق معة في إن النقد الأدبي المجبول مع المرء ليس غاية بحد ذاته ، بل هو وسيلة لبلوغ غاية هدفها نشر الأدب والتعريف فيه وتهذيبه وتوجيهه ، والمساهمة في رقيه ونشره بين الناس ، لذا لابد للناقد من أدوات شخصية يمتلكها قبل أن يخوض هذا المضمار ، ومن أهم هذه الأدوات : القدرة على تذوق الجمال الفني للأدب ، وهذا لا تتحكم فيه العاطفة وحدها ، بل هو نتاج لتأثير مزدوج بين العقل والعاطفة ومرتبط بالذكاء ، وهذا التذوق الجمالي ليس له حدود ، تتسع دائرته كلما اتسعت معارف الإنسان وزادت خبراته وكثرت إطلاعا ته وتنوعت مصادره المعرفية .وهو كما يقول تذوق الجمالي حاله كحال البصمة ، حيث لا يمكن أن يتفق اثنان تمام الاتفاق على تقييم عمل أدبي بنفس الدرجة أو المستوى . انتهي))
رابعا: لعلها من حسن الصدف ان تكونا انت وحمور من الاقلام التي اقراء انا لها كل ما كتبت . فسخرية اقلامكما خفية subtle ، وخفيفة ظلlight hearted تكاد تخلب اللب . وانا معجب بمساجلاتكما ومستمتع بها . ولكن كنت ومازلت اؤمن واتمني اللا يكون خلاف الرأي مفسدا للود بينكما .
وموطئ اعتراضي علي ما كتب بالقدر الذي دفعني للكتابه عنه ، انه شتان ما بين مساجلات ومناكفات في منبر مفتوح ونقد لعمل ادبي يخرج به من إطارة. ففوق كل ما قيل ، انا لم استحسن مهاجمة الاستاذ حمور لانه ذهب بكلمة (كونج) لمعني غير ما اراده من انبري له مهاجما او مصححا.
فكنت ومازلت اري استعارة لفظ صريحة كانت الاستعارة ام تورية شئ طبيعي ، من حق الكاتب وممارس في الاداب وفي غيرها . فخذ دليلا اسمي انا مثلا . فهناك من سمعته يناديني (بالمجذوب) وهناك من يقول لي (المجدوب) وهناك من ينطقها (الميدوب) وآخرون يعطشون جيمها فتخرج (المچذوب) وما رايت في ذلك ما يضرني او يغضبني.
عموما عزيزي محمد لك ولكل من حمل كلاماتي بعدا خاصا أختص به نفسه قبل غيره حتي ترضي ويرضون. فما لهذا رميت لا هكذا عنيت. فإحترامكم وتقديري للغتكم علي أم راسي وفوق حاجب عيني
| |
|
|
|
|
|
|
|
|
|
Re: هل افتري حمور زيادة ام هو مفتري عليه؟ ولماذا يغتال القلم السوداني الهويه السودانيه؟ (Re: محمد مصطفي مجذوب)
|
| Quote: وقد استفذني ما قرأت من تعليقات سطحيه (بعضها ممجوج وقد وصل الي حد السخف او السفه) لبعض المعلقين علي حمور وما كتب حمور في المنبر ولا اعرف ان كان منطلق هؤلاء المعلقين خلافات شخصيه او سياسيه او اجتماعيه او حتي ربما دينيه مع الاستاذ حمور ام إن الامر مجرد حسد لا غير. |
يا أخينا نوع كتابتك وطريقتك دي ما لذيذة...
كان تجي تقول عديل في البوست داك القلته هنا ده وتوجه الكلام اشخاص محددين
وأحسب ان هذه الطاقية راكباني لانو ناكفت حمور جدا
حتي كلامي لو كان حاد ما كان فيه اي سخف...قصة السفه دي شنو يا زول
احسب انك راجل كبير من صورة بروفايلك رجاء انتقي من الالفاظ ما يوصل فكرتك بإحترام...لانو البورد ما ناقص ...ونحن ما ناقصين
نجي للاختلافات الدينية ودي هسي نصرفها لروحنا من ياتو بند
الحسد ده ممكن لناس في مجال واحد لكن زول شغلته تابة وأدب والتاني عنقالي جلابي بتاع سوق يحسدوا بعض في شنو؟؟علي صلعهم ولا أطوالهم ونضاراتهم؟؟
| Quote: بل اين هو النقد البناء؟ |
علك تقصد نوع نقدك هذا ...في بداية المساهمة الأولي هناك قلنا نحن لسنا نقادا ولسنا في المجال....وياخي للمرة الدشليون نكرر لما سجلنا في المنبر ده سجلونا ساي وكانوا بحنوسنا نجيب ناس يجوا يكتبوا هنا...لو المنبر ده دايرنه للنقاد كلموا بكري يرفدنا .
حتي هذه اللحظة وحسب قرأءتي اليوم مافي ناقد مختص قرأ كلام حمور من اعضاء المنبر وجا انتقده
نحن انشبكنا في حمور في كلمة بنخصنا وحتي الآن حمور مجهجة فيها وبرجع ليه بهناك...وانشباكنا فيه كان عشم ليس الا...لانو لغتنا بتهمنا وده الدافع.
يا سيد يا جيد انت لو عايز الامور تمشي زي ما نت بتقول نقد بناء عدل الاقتباس الانا ختيته ليك فوق.
| |
|
|
|
|
|
|
|
|
|
Re: هل افتري حمور زيادة ام هو مفتري عليه؟ ولماذا يغتال القلم السوداني الهويه السودانيه؟ (Re: GamarBoBa)
|
الاخ المفضال (قمربوبا)
تحية وتقديرا
يا استاذي الفاضل ما كانت (كتابتي) طعاما يؤكل او شرابا يشرب كي توصف باللذه. وكونك تطلب مني ان (اجي عديل في البوست داك) واقول (القلته هنا) فهذا البوست قد نشر في هذا المنبر ليقرأه القاصي والداني . لكن يبدو انك لم تفهم ماقلت ولا ما قصدت ان ارمي له. فاعتذر لك عن نفسي من قصور فهم لما قصدت لاسيما وانت تري إن (الطاقية تركب) ولا تُلبس. فشهادتك علي نفسك بإنك كلما قصدته من مداخلتك هو (مناكفة) حمور فهذا امر يخصكما ولا يعنيني وحمور اقدر علي الرد عليه مني وهو خارج ما كتبت عنه وله.
اما سؤالك عن السفه ، فالسفه لغة : هو السَّفَهُ والسَّفاهُ والسَّفاهة ومعناه خِفَّةُ الحِلْم، وقيل: النقيض. وقد قال الزجاج: القول الجيد عندي في هذا أَن سَفِهَ اي في موضع جَهِلَ، والمعنى، والله أَعلم، إلا مَنْ جَهِل نَفْسَه أَي لم يُفَكِّرْ في نفسه. وجاء عن المصطفي صلى الله عليه وسلم، عن الكِبْر إنه قال: الكِبْرُ أَن تَسْفَهَ الحَقَّ وتَغْمِطَ الناسَ، فجعل سَفِهَ ومعناها أن تَجْهَلَ الحق فلا تراه حقّاً، والله أَعلم ويقال: سَفِهَ فلانٌ رأْيه إذا جهله وكان رأْيه مضطرباً لا استقامة له. والسَّفيه هو الجاهل. وروي الزمخشري إنها: من سَفَهِ الحَقِّ، على أَنه اسم مضاف إلى الحق، قال: وفيه وجهان:
أَحدهما على أَن يكون على حذف الجار وإيصال الفعل كان الأَصلُ سَفِهَ على الحق،
والثاني أَن يضمن معنى فعل متعد كجهل، والمعنى الاستخفاف بالحق وأَن لا يراه على ما هو عليه من الرُّجْحان والرَّزانة. الأَزهري
ولما كنت لم تفهم معني لفظ السفه كما هو وارد في العربيه فلا عتب عليك حين تطلب مني انتقاء الفاظي ولعلك بعد الشرح اعلاه لا تري فيها ما رايته من قبل . رغما عن ذلك فانا متفق معك تماما في ان هذا المنبر لا ينقص من اختاروا اللا يختاروا اكتمال ادبهم اوحسن الفاظهم او عجزوا عن تخير ما يقولون . وعموما فكل اناء بمافيه ينضح.
لم افهم ما ترمي اليه من قولك (نجي للاختلافات الدينية ودي هسي نصرفها لروحنا من ياتو بند) . فلا ادري لم اعتقدت انك معني بهذا الحديث ؟
فالاختلافات الدينيه لا يقصد بها فقط من هم علي غير المله المحمديه عليه افضل الصلاة والسلام . فالاسلام كما يقول اهل الشريعة واهل الحقيقة منقسم الي ثلاث وسبعون شعبه . وهو قائم علي اربعة مذاهب شرعيه . وتشعب الي نيف وعشرون الف طريقة صوفية ولا نملك ان نقول ايهما اصح رواية اواعظم فضلا.
واجابه علي تساؤلك عن معني الحسد فهو تمني زوال النعمة عن المحسود .وليس بالضرورة ان يقع الحسد بين من يجمع بينهم جامع كعمل او علم او ادب او خلافه والا لما ورد التعوذ منه علي الاطلاق كما جاء في محكم التنزيل ( ومن شر حاسد اذا حسد ). فالحسد هو اعتراض على الله في قدره، وعدم رضى بقسمته جل شأنه.
وقد يُحسد الانسان لعلم ولغيره ولمال ولفقر ولجاه ولسطان وقد يحُسد الفقير المعدم علي الولد والزوج وطمأنينة البال وعلي الصحه وهكذا.. فليس للحسد ماعون بعينه سوي النعمة ، وقد قيل كل ذو نعمة محسود
وعلي الرغم من عدم اقتناعي بانك (عنقالي ) مهما تمسحت بمسوح من قل علمهم اذ تكاد يفصح عن غور علمك ما تخيرت من الفاظ لم تخف علي شخصي الضعيف وقد صدقت في وصفك لي بانني رجل بلغ من العمر ارذله إلا انني اقول لك انك مخطئ اخي اذا كنت تظن أن النقد هو مشغله الاداب واهلها. فكم من ذي علم بسيط كان نقادا وقادا. فوالله كم تعلمنا ومازلنا نتعلم من (عنقالة السوق) فهم اهل الخبرة والدرايه وهم اهل الفكر والتدبير ويكفي قولا إن القران قد نزل بحكمته تعالي علي النبي الامي صلي الله عليه وسلم نفعنا الله واياكم بحبه وحب ال بيته وصحابته
وختاما لك احترامي وتقديري وشكرا علي المداخلة
| |
|
|
|
|
|
|
|
|
|
Re: هل افتري حمور زيادة ام هو مفتري عليه؟ ولماذا يغتال القلم السوداني الهويه السودانيه؟ (Re: محمد مصطفي مجذوب)
|
شكرا ليك كتير يا محمد مصطفي مجذوب
بس هظر تاني مع زول قدرك
صدقني كلامك الكتير القلته ما بيدخل راسي بالساهل
مش تعريف السفه ده ناقله انت من هنا: ؟؟
http://ejabat.google.com/ejabat/thread?tid=0095bcc780b764f8
أو من هنا:http://www.lesanarab.com/kalima/%D8%B3%D9%81%D9%87
ولا من حتة تانية ناقلاها من حتة تانية ونفسها ناقلة من حتة تامنة؟؟؟ياخي البورد والله شغال براه بلاغات في السرقات لامن قلنا بعد الحكومة الشعب ذاتو اكبر حرامي..
يا سيد يا جيد
ده استعراض لملكة لغوية ياخي ذاتا ما من حقكك وهي دي ذاتها ما بتهمني في حاجة..
انا زول مواطن عادي لا شغلة لي بالادب والفنون غير التذوق والتعاطي مع ما تعجبني من نصوصهم
لانو انت قلت كتابتنا سفيهة وآراءنا ممجوجة وما الي ذلك
بس تعال ورينا كتابتنا السفيهة خارج اطار تعريفك الجايبه من قوقل ولا من كتاب تاني لابي الفرج الاصفهاني
انا الزول السوداني والاتربيت عليه بفهم من خلال تريبتي كلمة سفيه تعني شنو..ودونك الارشيف عشرة سنوات لو اطلقت علي احد كلمة بهذا الشكل في حق عضو، ياخي دي يقولوها كيف ذاتو؟...ثم تقولها وتمش تنوم عادي كيف يعني؟؟
الكتابة السفيهة وينا ومنو البكتب كلام سفيه حسب تعريفك الجاي بيه..ده ما مطلب بسيط؟؟
قول قمر بوبا كتابته سفيهة ،قول خضر قول بشاشا قول اي اسم تاني....بس حدد الناس دي...بس عايزك تدي نموذج من شخص كتابته سفيهة من الناس دي..
طلبت منك تجي البوست داك ولسة بطلب..تعال قول يا فلان رأيك سمج وانت يا فلان قولك سفيه وانت يا علان حاسد....(مافي شجاعة)؟؟..
ديل بحددوا لي حاجاتي الممكن اناقشك بيها. ثم سؤال..البوست ده مكمل لي داك ولا غيره؟؟..هل كان بضيرك تساهم بهناك؟؟..عشان شنو رفع البوستات وبأسماء الادباء والشعراء من اشخاص عاديين زيّنا..انت شفتني يوم فاتح بوست في د.طلال دفع الله ولا عن محجوب شريف في بوست جديد؟؟ما يا ها العندي بختها في نفس الموضوع وبتخارج
تعال قول لي كتابتك سفيهة..او قول لاي زول من الناس الشاركو في البوست ده انو كتابتك سفيهة.يا مرقنا براءة يا تتدرع باقي عمرك المنبري في زول الله يحلك منو..وبالتأكيده ده ما أنا
ما تفكها فينا ساااي كدة..انت لا بتعرفني لا بعرفك وبكرة لو طلعت ناقد كبير والدنيا كلها بتشهد ليك ياخي ما سمعت بيك وكان يادوب متخير سكة البورد..فياخي ما علي انا،شوف زولا تاني ينورك
تجي تفكها فيني من المعاجم وتعريف الكلمة الموضوع ده ما بغطي معاي..ده كلام عام..قدامك تعريف علمي مصلطلح (السفاهة في الكتابة) ياخي طبق التعريف ده نموذج من الناس ديل..عشان أعرف لاب الفيزيا ده اعرف داخل اشتغل فيه شنو..دي كتيرة؟؟
فياخي ما تمسكنا ركن ...نحن شباب صغار يادوب بنحفظ في نشيد دجاجي يلقط الحبا وسورة الكافرون بتجهجهنا جهجهة مبالغة.
موضوع الحسد ده قدام شوية...كان حاسدين ما بعرف كان لغتنا سفيه ما بعرف كان مداخلاتنا ممجوة برضو ما عارف.الحمد لله بكرة اجازة
ـ
الطاقية تٌركب ولا تلبس ..انا غايتو قاعد اركبها في راسي....راسي وحر فيه
| |
|
|
|
|
|
|
|
|
|
Re: هل افتري حمور زيادة ام هو مفتري عليه؟ ولماذا يغتال القلم السوداني الهويه السودانيه؟ (Re: GamarBoBa)
|
الابن العزيز او الابنه العزيزه (القمر بوبا) ومعذره فانا لم استشف من هذا الاسم اذا كان المسمي رجلا ام امرأه
السلام عليكم ورحمة الله
انعم واكرم ...
هذا ختام حديثي معك اذ يكفيني هذا القدر ممن توسمت فيه او فيها خيرا واحسنت به او بها ظنا
فما انا من هواة المناكفة والسجال .... ولا انا من يلعب مع (الجريوات ) حتي (يخربشنو)
ابني العزيز او ابنتي العزيزه
قيل في الامثال ميمان لا يتعلمان مستح ومستكبر ... ومن ثم فلا املك لي ولك الا الدعاء
رب اشرح لي وله او لها صدرا ...ويسر لي وله او لها امرا ...واحلل عقدة من لساني ...كي يفقها ما شق عليهما فهمه
اللهم اجعلني واياهما من عبادك الذين يمشون على الأرض هونا وإذا خاطبنا الجاهلون نكون من يقول سلاما
اللهم لا تؤاخذنا بما يفعل ويفتعل السفهاء منا ... ربنا لا تسلط علينا بذنوبنا من لا يخافك فينا ولايرحمنا........
اللهم ارحم الله والدينا جميعا فقد ورثنا عنهم حسن الاخلاق وتعلمنا منهم وعنهم كيف نبجل كبارنا وكيف نوقر صغارنا
| |
|
|
|
|
|
|
|
|
|
Re: هل افتري حمور زيادة ام هو مفتري عليه؟ ولماذا يغتال القلم السوداني الهويه السودانيه؟ (Re: محمد مصطفي مجذوب)
|
الابن العزيز قمر بوبا
استميحك عذرا اذ عنَ لي بعد ادخال الرد عاليه ان انظر الي ملفك الخاص فاتضح لي انك رجل
فارجو صادقا قبول عذري فانا لم اسمع من قبل برجل سمي (بقمر بوبا) .
وكل ما اعرفه عن (قمر بوبا ) هو ما تغني به الاستاذ محمد وردي ( القمر بوبا عليك تقيل )
واصدقك القول بانني حتي تاريخ اليوم لا اعرف معني كلمة (بوبا )
وكنت ومازلت اعتقد انها وصف لحسن امراة شبهت بالقمر فقال عاشقها فيها ما قال
وعلي الرغم من تطاولك علي ونعتي بالسرقه الادبيه ما كان قصدي الأساءة لك
وعليه يا ابني العزيز تجدني في غاية الاسف
ولك العتبي يا ابني حتي ترضي
| |
|
|
|
|
|
|
|
|
|
Re: هل افتري حمور زيادة ام هو مفتري عليه؟ ولماذا يغتال القلم السوداني الهويه السودانيه؟ (Re: محمد مصطفي مجذوب)
|
عمنا محمد مصطفى المجذوب ..سلام
الناس القدام القاعدين فى سودانيزاونلاين بيعرفو بعض كويس خالص وبيتفاهمو
و مرات بيتخانقوا لدرجة (طالعنى الخلا)عديل وبيرجعو تانى احباب اقوى من الاول
واظنك زول جديد فى المنبر واظنك حتشوف كتير
عشان كدا يا عمنا بقول ليك حملت الشئ اكتر مما يحتمل وما كان فى داعى للامتداد دا
واتمنى ان تقبل كلامى دا
وعامك سعيد
.........................................................
قمر بوبا النوبى الاشم..كوريقون اجا نلام..معيد كنت فى البلد !..بختك والله
وحمدلله على السلامة وان شاء الله الجيت منهم طيببن
تحياتى
| |
|
|
|
|
|
|
|
|
|
Re: هل افتري حمور زيادة ام هو مفتري عليه؟ ولماذا يغتال القلم السوداني الهويه السودانيه؟ (Re: حامد محمد حامد)
|
الاستاذ الكريم حامد محمد حامد
تحية طيبة مباركة
لااري نفسي مستحقا لشكر علي استدراك خطأ اعتقاد إن اسم (قمربوبا) الذي اختاره الابن العزيز (موسي) لنفسه قد يكون لآمرأة .
صحيح إن الرجوع عن الخطا والاعتراف به فضيلة لكن كان اكثر فضلا ان ارجع مسبقا لملفه الاصلي علي اجد فيه ما استنير به
فانا والله اسف اذ اصبته من غير قصد وهو امر لم اغتفره لنفسي إذ ليس بيني وبين الرجل معرفة سابقه وهو صاحب فضل علي اذ اتي متداخلا سلبا او ايجابا لما كتبت . والتداخل ايما كانت شاكلته لا يتأتي ، ان لم يك احتراما لكاتب إلا من باب التقدير لما كتب وعليه اتمني ان يكون الاخ موسي سمحا إذا اقتضي وإذا باع واشتري وان يجعل بينه وبيني شعرة معاويه
وله العتبي مكررا ومعادا حتي يرضي
ولك اخي حامد مودي واعزازي وشكري علي سعيك بالمعروف لتطييب الخواطر
أ.م محمد مصطفي مجذوب
| |
|
|
|
|
|
|
| |
محمد مصطفي مجذوب
عمر عبد الله فضل المولى
ابو جهينة
حامد محمد حامد
ود الخليفه
خضر حسين خليل
قرشى محمد عبدون
فيس بوك
تويتر
انستقرام
يوتيوب
بنتيريست