توثيق :جامعة أمدرمان الاهليه : منارة علم وقلعة صمود

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 17-11-2018, 05:15 AM الصفحة الرئيسية

مكتبة مصطفي سري(مصطفي سري)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
24-02-2008, 07:42 PM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    عمر الفاروق
    يا صديق
    دعني اسجل صوت امتنان لمجهودكم ومثابرتكم في الكتابه هنا "عبر وسيط " لك التقدير وواصل وثقنا من قبل لتاريخ الصديق الشهيد"نصر الدين الرشيد" ولكن التوثيق في هذا المقام سيكون له طعم آخر .
    لك التقدير
    ودالسر!
                   |Articles |News |مقالات |بيانات

10-03-2008, 09:07 AM

عبدالحافظ سعد الطيب
<aعبدالحافظ سعد الطيب
تاريخ التسجيل: 07-03-2008
مجموع المشاركات: 959

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)
                   |Articles |News |مقالات |بيانات

23-04-2008, 08:22 AM

مؤيد شريف

تاريخ التسجيل: 20-04-2008
مجموع المشاركات: 4052

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    جميلة هي ذكريات الدراسة ، والجامعة الاهلية لا جدال في عراقتها ، ويكفيها فخرا أنها تضم بين جنباتها اليوم العالم السوداني الفذ والعلامة الفيزيائي البروفيسور أحمد خوجلي صاحب كتاب "الجوامد" وكتب أخرى ،،، عميدا لكلية الفيزياء والرياضيات ،،، أسمح لي يا أخ أيمن بالمداخلة دي فالرجل جدي الذي له من الافضال علي الكثير ،،، أطال الله عمرك يا جدنا ومتعك بالصحة والعافية.
                   |Articles |News |مقالات |بيانات

24-02-2008, 06:27 AM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Basheer abusalif)

    الاخوة خريجى الاهلية عوافى...
    فى الدورات الرياضية بين الجامعات اذكر ان مشجعي الاهلية كان لهم طابع خاص فى الزى والهتافات من بداية المبارة وحتى النهاية...
    اذكر فى احدى مباريات كرة القدم التى كان احد طرفيها الاهلية وكان التشجيع صاخبا كالعادة
    وبعد نهاية المبارأة كانت هناك مبارأة اخرى بين جامعة الجزيرة واحدى الجامعات وقد خيم الهدوء تماما على المشجعين فصاح احد مشجعى الاهلية وقال ياجماعة نحنا جامعة وطنية واتحادنا وطنى .. وجامعة الجزيرة وطنية واتحادها وطنى رايكم شنو نشجع جامعة الجزيرة
    فتعالت الهتافات والتشجيع حتى فازت جامعة الجزيرة .
                   |Articles |News |مقالات |بيانات

24-02-2008, 06:35 AM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ابوبكر الامين يوسف)

    كثيرا مااتذكر احد الطلاب والاصدقاء بالجامعة الاهلية واسأل عنه كثيرا ماذا فعل به الزمن واين استقر به المقام ولكنى لا اجد الاجابة ..
    عشان كده خلونا نفتح نفاج هنا ونسأل عنهم اكيد بنلقى خبرو عند واحد فينا ..
    وانا بسأل عن (فيصل ختم) هذا الرجل الهميم وهو احد قيادات جبهة كفاح الطلبة ...اين انت
                   |Articles |News |مقالات |بيانات

24-02-2008, 02:06 PM

مصطفي سري
<aمصطفي سري
تاريخ التسجيل: 07-03-2007
مجموع المشاركات: 2339

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ابوبكر الامين يوسف)

    طبعا يا ابوسالف لا نريد ان ننحرف بالبوست بعيداً عن التوثيق ومالم تختلف فيه ايام كنا في قيادة
    الاتحاد والظروف الصعبة لن تختلف فيه هنا ، لكن اخوك ذاكرتو صعبة ممكن اتذكر ليك التي شرت اللي
    كنت بتكشر بيهو لمن يكون عندنا فسحة للنظر الى انفسنا بعيداً عن زحمة ودوشة عمل الاتحاد .. المهم
    ان الاتحاد كان فعلا تيم ويرك ، وهذا لم يمنع ان نختلف في بعض القضايا ...
    توقفنا عند اتخاذ قرار الاتحاد يالرحيل الى المقر الجديد ، وتم بالفعل تم تاجير البصات ، واخرين
    بعرباتهم الخاصة والاكثر ذهب باقدامه من الملازمين الى حمدالنيل في موكب مهيب وكانت النساء والشباب
    في كل الحياء التي مررنا عليها يصفقون ويودعونا خاصة سكان حي الملازمين الذين فتحوا قلوبهم قبل
    بيوتهم للجامعة الاهلية لانهم كانو مقتنعين باهداف الجامعة ...
    كانت هناك تحضيرات لاقامة حفل لاستقبال الجامعة في مقرها الجديد وكان الفنان الراحل بادي محمد الطيب
    قد عطر سماءها باغاني الحماس والحقيبة واظن وليد زاكي الدين الطالب في الجامعة وقتها واخرين
    مع ان الجامعة كانت مقفرة لا ماء ولا ظل لكن الطلاب بحماسهم لم يضجروا من ذلك ، كان الطلاب والطالبات
    يشاركون في نقل مياه الشرب الى البراميل المعدة واعضاء الاتحاد كانوا في مقدمتهم ليسوا في المكاتب
    ينقلون الثلج والمياه وكانت هناك عربة كارو تنقل المياه والثلج ايضا ، وتم رص براميل المياه امام
    كل كلية وامام النشاط وجوار الكافتريات ... احيانا بعض الطلاب والطالبات ياخذون من الثلج لانفسهم
    وتصبح هناك مشكلة ، لكن مع سخانة حمدالنيل كان الجميع يتجاوز ذلك ولقد ضرب طلاب وطالبات الاهلية
    اروع مثال في التضحية ...
                   |Articles |News |مقالات |بيانات

24-02-2008, 09:05 PM

Nasser Mousa

تاريخ التسجيل: 21-02-2005
مجموع المشاركات: 1378

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ابوبكر الامين يوسف)

    Quote: كثيرا مااتذكر احد الطلاب والاصدقاء بالجامعة الاهلية واسأل عنه كثيرا ماذا فعل به الزمن واين استقر به المقام ولكنى لا اجد الاجابة ..
    عشان كده خلونا نفتح نفاج هنا ونسأل عنهم اكيد بنلقى خبرو عند واحد فينا ..
    وانا بسأل عن (فيصل ختم) هذا الرجل الهميم وهو احد قيادات جبهة كفاح الطلبة ...اين انت



    السلام عليكم
    ام عن فيصل سرالختم
    اعرق انه فبل اريعة كان في الرياض السعودية
    مع التحايا
    ناصر موسى
                   |Articles |News |مقالات |بيانات

25-02-2008, 03:18 AM

الخير محمد عوض
<aالخير محمد عوض
تاريخ التسجيل: 25-10-2005
مجموع المشاركات: 3547

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ابوبكر الامين يوسف)

    سلام لكل الشباب

    ويبقى هـذا البوست عاليا


    مع حبي ومودتي
                   |Articles |News |مقالات |بيانات

25-02-2008, 03:31 AM

مصطفي سري
<aمصطفي سري
تاريخ التسجيل: 07-03-2007
مجموع المشاركات: 2339

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: الخير محمد عوض)

    بعد الانتقال الى حمد النيل واجهت الجامعة ايضا قضايا جديدة الا وهي التوسع في القبول ، وبعد اول
    سنة من الانتقال كان قبول العام ذاك اكبر ، لكن ايضاً كان مهماً لادارة الجامعة لزيادة الايرادات
    المالية التي كانت تواجه الجامعة من منصرفات ضحمة ، ومع ذلك فان الجامعة كانت تعفي الكثير من
    الطلاب والطالبات الى جانب ان هناك قوائم لعدد من الراسمالية السودانية خاصة انيس حجار ومجموعته
    وسودان بلان للطلبة والطالبات الجنوبيات ، اضافة الى ان الراسمالية الوطنية الحقيقية التي وقفت
    الى جانب مشروع بناء الجامعة تبرعت عدد من الاسر في تخليد ذكرى من تحبهم ببناء قاعة درس او معمل
    امثال اسرة جورج حجار ، المرحوم فخرالدين محمد ، المرحومة الحاجة نفيسة (معمل ) عبدالرحمن يعقوب
    واخرين لا تسعفني الذاكرة الان لكن لن تسقط اسماءهم وكل من يتذكر تلك الاسر التي تبرعت بالقاعات
    الكبيرة والمكتبات امثال المرحوم البروفسور محمد عمر بشير التي تبرعت اسرته بمكتبته الى الجامعةط
    واسرة المرحوم البروفسور عمر محمد عثمان ببناء مكتبة شيدتها شركة دال ...
                   |Articles |News |مقالات |بيانات

01-03-2008, 06:44 AM

مصطفى كدفور
<aمصطفى كدفور
تاريخ التسجيل: 27-02-2008
مجموع المشاركات: 299

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ابوبكر الامين يوسف)

    الأعزاء أيمن, مصطفى سري, بشير أبو سالف

    استاذنا الفاضل/ فضيلي جماع وجميع المشاركين

    تحياتي

    نحن في انتظار المزيد من التوثيق
                   |Articles |News |مقالات |بيانات

25-02-2008, 06:36 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    نعم يا اخي سري
    اسماء كل هؤلاء الذين تبرعوا للجامعة تبرعات كبيرة ببناء قاعات او معامل، و اهداء مكتبات ضخمة يجب أن توثق.
    في كل المؤسسات غير الربحية(جامعات، مستشفيات او غير ذلك) و في اغلب دول العالم تجد هناك دائما لوحات جدارية تحمل هذه الاسماء وتبقي ما بقيت هذه المؤسسة.
    لذلك أتي اقتراحي الذي اتمني أن يتبلور أثناء النقاشات في هذا البوست بأنشاء موقع اليكتروني كبير للجامعة باسمها، في احد البوابه يحمل كل هذه الاسماء و نوعية دعمها أو تبرعها، و هذا بمثابة لوحة جدارية(اليكترونية) باقية.
    ايضا يمكن أن يحمل هذا الموقع اسماء كل الخريجات و الخريجين من الجامعة منذ نشأتها الي يوما هذا و يجدد، هذه الاسماء بالتأكيد موجودة لدي الجامعة و موثقة، (اتمني أن لا يكون اتي الحريق علي بعضها)
    ويمكن البحث في قائمة الاسماء هذه في هذا الموقع بوسائل مختلفة، بعام التخريج مثلا، او بأسم الكلية و التخصص، او بالترتيب الابجدي، الجامعة عمرها الاناكثر من العشرين بقليل، وجود كل هذه المعلومات الان يحتاج لجهد كبير، و لكن ذلك افضل من بعد عشرة او عشرين عاما اخري.

    يمكن أن يكون في هذا الموقع ايضا تلخيص عن كل كلية، و المناهج الموجودة فيها،فترات الدراسة، نبذة عن تيم التدريس فيها من اساتذة مقيمين و متعاونين و خبراتهم.

    ايضا تقوم إدارة الجامعة بانزال كل الفرمات المتعلقة بتقديم طلبات القبول، أو طلب استخراج شهادات وأي فورمات اخري يمكن لمن يحتاجها تنزيلها علي شكلPDF

    كذلك يمكن للجامعة ان تنزل نتائج الامتحانات للكليات المختلفة في نهاية كل فصل دراسي او نهاية الاعوام مما يسهل للطلاب الحصول علي نتائجهم إن كانوا خارج السودان او خارج العاصمة.

    المهم أن يكون موقعا كبيرا و غنيا، يستطيع من يبحث عن اسم الجامعة في الانترنت أن يجده بسهولة و يتحصل علي ما يريد من معلومات، و هذا غير موجود الان اطلاقا، يمكنكم أن تجربوا البحث عن اسم الجامعة في النت!!!! المعلومات شحيحة جدا جدا، و ليست في مقام أمدرمان الاهلية.
    بالطبع سنقوم بكل هذا العمل بالتنسيق مع إدارة الجامعة باتصالات رسمية.

    نتمني أنه الريس بكري يدينا وجهة نظره من واقع الخبرة، و التقييم المبدئي، و طلاب الاهلية بقوموا بالواجب و ما بقصروا.
                   |Articles |News |مقالات |بيانات

25-02-2008, 06:46 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    عمر الفاروق ..
    متابعين كتابتك و ذكرياتك مع الجامعة...واصل و ابحر.


    ايمن السر..
    من ذكرتهم من ناس مختبرات ما بتنسوا و الله
    و للحقيقة اليوم اتصل علي اتنين من الاصدقاء زملاء مختبرات
    احدهم ايهاب مهاجر، و كنا و ما زلنا نطلق عليه ال BOSS
    و الاخر نزار كروم، و هو كان السكرتير العام للرابطة في احدي دوراتها الاولي
    و قالوا لي في كلام كثير عن مختبرات انت ما ذكرته، و تفاصيل مهمة في مسيرتها، كذلك تحدث معي نزار عن فترة (تجمع الروابط الاكاديمية) و غير ذلك.
    قلت ليهم طبعا انا ما حا اقول الكلام كله، و انتوا موجودين، اكتبوه مباشرة، أو ارسلوه لينا بننشره، ودي طبعا ادعي لان يكون التوثيق حقيقي لما يكون من ناس مختلفين، و اقلام متنوعة.

    نسمع منهم
                   |Articles |News |مقالات |بيانات

25-02-2008, 07:06 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    الاتحاد و تطور مسيرة العمل الوطني في الجامعة:

    هناك فترات قبل دخولنا الجامعة عام 1990 يمكن أن يحكي عنها غيرنا ممن حضرها.

    لكن لدي دخولنا الجامعة لم يكن هناك اتحاد قائما.
    كانت دورة الاتحاد السابقة لذلك مسيطرا عليها تنظيم (الاتجاه الاسلامي) أنذاك، و رئيسه (الهادي عبدالجليل) المعروف بالهادي قمرين، و معرفتي بالهادي كانت سابقة للجامعة الاهلية، فقد درسنا معا في الاهلية الثانوية، و للمقارنة الاهلية الثانوية كانت شبيهة في روحها بالاهلية الجامعة، النشاط السياسي فيها كان قويا جدا، و تأثرت بجامعة الخرطوم كلية التربية الملاصقة لها و بينهم بوابة، كثير من كوادر الاتجاه الاسلامي في الجامعة الاهلية جاؤوا من الاهلية الثانوية، منهم (الجيلاني)، وسيف الاسلام(الذي يتهمه البعض بأنه المنفذ الفعلي للحريق الاول بالجامعة) و قد كنا اعضاء في اتحاد واحد في الاهلية الثانوية دورة 86-1987 (طبعا الاتحاد كان بنظام الانتخاب المباشر من الفصول لذلك كانت به تنظيمات مختلفة)، ايضا زاملنا في تلك الفترة حسن محمود، و صديقي ناصر مهدي من كوادر الجبهة الديمقراطية.

    المهم في الامر..
    عندما انتهت تلك الدورة(اتحاد الجامعة الاهلية) لم تقم إنتخابات جديدة، او اظنها قامت و كانت بها مشكلة،(عمر سيد كامل ممكن توضح تفاصيل الحاصل هنا)، و قام إتحاد الهادي عبدالجليل بتحويل نفيه الي لجنة تسيير، و اصحبت تقوم بعمل الاتحاد. و من هنا نحن دخلنا الجامعة.

    طبعا هم(ناس الاتجاه الاسلامي) ما فارقة معاهم، إتحاد، لجنة تسيير،لجنة تشغيل، جمعية قرأن كريم، كله واحد بالنسبة ليهم، المهم إنهم يكونوا مسيطرين علي الوضع النقابي او ما يقوم بعمله، و بالاخص في تلك الفترة الاولي من إنقلاب الانقاذ.

    (عدل بواسطة Basheer abusalif on 25-02-2008, 07:38 AM)

                   |Articles |News |مقالات |بيانات

25-02-2008, 07:36 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    لمواجهة هذا الواقع كون الطلاب و عبر روابطهم الاكاديمية تجمعا خاصا بهم سموه(تجمع الروابط و الجمعيات الاكاديمية)، كان به ممثلا من كل رابطة، و بما أن كل تلك الروابط و الجمعيات كان ممثلوها من القوي السياسية الوطنية المعارضة(إلا واحدة اظنها رابطة اللغة العربية)، فقد كان بالتالي هذا التجمع عبارة عن بديل وطني للطلاب عن اتحادهم، كان يتحدث باسمهم لانه يستمد شرعيته منهم بشكل حقيقي و مباشر، اصبح كانه اتحاد بالتمثيل النسبي للكليات، و كانت إدارة الجامعة في كل المسائل التي تمس الطلاب تعترف بهذا التجمع و تتعامل معه باحترام كبير، رئيس ذلك التجمع في دورته الاولي كان الاخ الحبيب و إبن كردفان محمد مركز خريف ممثلا لرابطة توثيق و مكتبات، طبعا لاحقا اصبحت لها التجمع دورات مختلفة لذلك تعاقب اعضاء مختلفين ممثلين لجمعياتهم و روابطهم، و لكن تلك الفترة الاولي بالاخص كانت هي الاهم و الاخصب في تاريخه، لانه قام مقام الاتحاد للطلاب، و للقوي السياسية الوطنية المعارضة للانقاذ.

    تصدت التنظيمات السياسية لمسالة غياب الاتحاد، و في بداية العام الدراسي 90-1990 تصعدت المسالة بدرجة كبيرة، و كان هناك عزم كبير علي استرداد الاتحاد خلال هذا العام.

    بداء الحشد في هذا الاطار باركان النقاش الدائمة
    و التنسيق بين التنظيمات عبر اللجنة السياسية للتجمع الوطني الديمقراطي الطلابي، و الذي ضم انذاك :

    حزب الأمة
    مؤتمر الطلاب المستقلين
    رابطة الطلاب الاتحاديين
    الجبهة الديمقراطية
    جبهة كفاح الطلبة

    و الخط الاخر للتنسيق هو تجمع الروابط و الجمعيات الاكاديمة

    و الداعم و المحرك الاول هو رغبة الطلاب نفسهم و التفافهم حول هذه الاليات، كثيرين منهم كانوا غير منضوين لتنظيمات سياسية، و لكنك تراهم في الصفوف الاولي لعودة حق الطلاب الضائع، و من اجل اسم الجامعة، وقبل ذلك قضية البلد.


    الفكرة الاساسية كانت أن نسعي لسحب البساط من (لجنة التسيير)، وباسم تجمع الروابط الاكاديمية لما له من شرعية طلابية منتخبة ندعو الي عقد جمعية عمومية للطلاب، ثم اخذ تفويض منها بتكوين لجنة إنتخابات جديدة، تشرف هذه اللجنة علي قيام انتخابات جديدة للاتحاد، و بالتالي نتجاوز لجنة التسيير، و نحقق قيام الاتحاد الجديد علي اساس شرعي.

    و في كل هذه الخطوات كانت الاجرأت تتم بالمكاتبة الرسمية مع ادارة الجامعة عبر عميد شئون الطلاب.

    كيف سارت اللدعوة للجمعية العمومية؟
    و ماهي تجهيزات التنظيمات السياسية الموازية لذلك؟

    غدا نواصل.

    (عدل بواسطة Basheer abusalif on 25-02-2008, 07:42 AM)

                   |Articles |News |مقالات |بيانات

25-02-2008, 08:24 AM

عمرو كمال ابراهيم
<aعمرو كمال ابراهيم
تاريخ التسجيل: 09-10-2007
مجموع المشاركات: 1226

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Basheer abusalif)

    يا سلاااااااااااام


    الأهلية


    جامعة .. بمعنى الكلمة

    تحس فيها بالحياة، تمتزج العناصر لتتوحد


    وتكتمل اللوحة... بخيرة أبناء البلد





    ولطلابها عشق وحميم معها..


    انا ود الأهلية،، لازلت اكررها دوما





    رغبتى دراسة القانون ولم يكن لى نصيب فى ذلك وقتها



    وقررت فورا الدراسة بالأهلية

    حاولت التقديم عبر مكتب القبول إبان قضاء فترة الدفاع الشعبى .. ولم تكن مدرجة ضمن الكليات بدليل القبول

    حتى ذلك الوقت



    كأنما تمتنع عن الإستثارة التعليمة

    حتى طالتها يد التخريب لاحقا.. وأظنها لم تنل منها بعد.



    قبلت بكلية الدراسات الحاسبات الألية
    ...
    رفضت ذلك المجتمع الذى أعرفه جيدا


    أردت حياة حقيقية

    مليئة

    رحلة.. ممزوجة بهذه الأرض







    كنت من أوائل المتقدمين عبر بوابة قبولها


    ذكرت حينها كليات الغرب.. تسعى إليها منفردا ومباشرة تأمل الإنتساب إليها






    لم تكن هناك مواصلات كما هى العادة لتقلك من شارع الأربعين.. خضنا تلك الرمال وسط الفسحات الكثيرة

    وبينها بعض الزوايا والمساجد تنتشر
    وتلوح من البعد قباب الشيخ حمد النيل
    ننظر من البعد للكرنتينة(والتى تكثر حولها الروايات والقصص)






    دلفنا عبر بوابتها المتقوسة قليلا.. المنتصبة إلى أعلى

    كانما تشير إلى النصر.. او لربما كذلك





    ما بين النوافذ الزججية للتقديم وامامها مكتب المدير بأحجاره البارزة دلالة قوة وحضارة
    تمتد امامنا ثلاثون فدانا

    ولهى مليون ميل إن أردنا الحقيقة



    جمعت بيننا






    المعالم والدروب تذوب
    وتبقى رائحة المكان











    عمرو كمال
    إقتصاد وعلوم إدارية
    قسم الإدارة
    95/1999( طبعا إتاخرنا سنتين)
                   |Articles |News |مقالات |بيانات

25-02-2008, 11:29 AM

بكري الخير
<aبكري الخير
تاريخ التسجيل: 12-02-2008
مجموع المشاركات: 1773

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    عمرو ازيك

    انت دفعتنا في الاهلية انت علوم ادارية وانا انجليزي لو بتذكر شكلي

    لكن شكلك اتغير تماما بالتفة العاملة دي

    لك كل الود
                   |Articles |News |مقالات |بيانات

25-02-2008, 12:02 PM

عمرو كمال ابراهيم
<aعمرو كمال ابراهيم
تاريخ التسجيل: 09-10-2007
مجموع المشاركات: 1226

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: بكري الخير)

    سلاااااام يا دفعة


    ده شعرى جد جد

    اوعى تكون قايلها باروكة..







    .................................... لقطة .................................
    بالله انت بالصلعة دى


    وكمان مقبل عكس !!!!






    كده عاين لينا عديل.. براهو نظرنا تعبان
                   |Articles |News |مقالات |بيانات

25-02-2008, 04:00 PM

متوكل بحر
<aمتوكل بحر
تاريخ التسجيل: 01-10-2003
مجموع المشاركات: 1263

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: عمرو كمال ابراهيم)

    ياشباب بالله عليكم لما مصطفى سرى وبشير ابوسالف انتهو من 1993 كلمونا عشان نجى ندخل الاهلية
    لاننا سوف نبدأ بعد 1993
                   |Articles |News |مقالات |بيانات

25-02-2008, 04:12 PM

مصطفي سري
<aمصطفي سري
تاريخ التسجيل: 07-03-2007
مجموع المشاركات: 2339

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: متوكل بحر)

    يا بحر حدنا 2011 مع الاستفتاء داير تخوش تقول كلامك خوش والله تنتظر يكلموك تلقى البوست وصل السنة
    القلتها ليك ... تشكر
                   |Articles |News |مقالات |بيانات

25-02-2008, 05:39 PM

ALMURADABI
<aALMURADABI
تاريخ التسجيل: 22-06-2002
مجموع المشاركات: 533

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    سريى تتذكر قافلة الابيض

    وحريري لما شيلو الشنطة


    ود بحر يا خوي خش سري ده عجوووووووز ونقتو كتيرة وحكاويهو ما بتخلص

    (عدل بواسطة ALMURADABI on 25-02-2008, 06:29 PM)

                   |Articles |News |مقالات |بيانات

25-02-2008, 06:56 PM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ALMURADABI)

    الموردابي
    سلام
    انحنا برضو طبعا راجين الحكي عن القوافل يبدا ..
    الابيض دي براها قصه وحقيقه هي طبعا الأبيض - أم روابه لانو عزومة ناس ابوعبيده وحاتم مرغني المكربه في ام روابه في الرجعه ما بتتنسي ..
    وبعدين في خيانات كثيره حصلت .. خلي يجوا ضباط المعسكر يحكوا عنها ... ومعاويه السر وحلة العدس وبتاع الاقاشي .. اما القنافد في المعسكر فديل قصتهم براهم ..
    حقو كل زول يمسك ليهو جناح ويحكي فيهو .. بشير ومصطفى ادينهاهم السياسه والاتحاد .. ولحدي ما يلحقوا القوافل دي .. عييييييييييييك!
    مع الود
    ودالسر!
                   |Articles |News |مقالات |بيانات

25-02-2008, 08:12 PM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)


    Omdurman Ahlia University
    Faculty of Arts & Science
    English Section

    Academic Courses year 1991-1995


    Course No. Course Title

    FIRST YEAR

    E:102 Study Skills
    E:103 Comprehension & Summary
    E:104 Intensive Novel Reading
    E:106 Paragraph & Composition
    E:109 Communication Competence
    E:110 Applied Grammar
    E:111 Literary Forms
    E:112 Language in Context
    - Arabic Grammar
    - Arabic Literature
    - Translation
    - Sudanese Studies
    - Islamic Studies


    SECOND YEAR

    E:200 Introduction to Linguistics
    E:208 Study skills
    E:201 Practical phonetics
    E:202 Composition & summary
    E:205 General Theory of Literature
    E:210 Dramatic Dialogue
    E:007 Literary Survey
    E:212 Applied Grammar
    E:213 Communication Competence
    E:214 African Novel
    - Arabic Grammar
    - Arabic Literature
    - Introduction to Psychology
    - Civilizations
    - Education
    - Islamic Studies


    THIRD YEAR

    E:306 Romanticism
    E:307 Drama In English
    E:304 C19th Novel “19th Century Novel”
    E :309 The historical novel
    E:310 Phonology
    E:311 Semantics
    E:301 Encountering Advanced Text
    E:305 Contemporary American Literature
    E:308 African Literature
    E:310 C19th Poetry “19th Century Poetry”
    E:303 Creative Writing
    E:311 Applied Grammar
    - Arabic Grammar
    - Arabic Literature
    - Translation
    - Islamic Studies


    FOURTH YEAR

    E:401 The Short Story
    E:402 English Style & Usage
    E:404 Advanced Linguistics
    E:405 Shakespeare
    E:407 C20th novel “20th Century Novel “
    E:406 C20th Poetry “20th Century Poetry “
    E:410 Teaching English As A second Language “ESL”
    E:408 C20th Drama “20TH Century Drama”
    E:409 Early American Literature
    E:412 The Historical Play
    - Arabic Grammar
    - Arabic Literature
    - Translation
    - Research Methods
    - Islamic Studies


    • Courses for each year 10 Major courses + 3 Minor Courses 13
    • Marks for all course out of 100%


    ساعود بالتفصيل لهذا المنهج بالتفصيل .. الأهليه منارة علم
    ملاحظه :
    - عند معادلتي لشاهادتي في كندا تعجب المجلس الاكاديمي الذي منحني المعادله لهذا المنهج المتطور والمتماسك ومنحوني معادلة البكالريوس خمس سنوات .
    - ملاحظه أخرى : وهي ان كورسات السنه الثالثه لغه إنجليزيه بالأهليه هي كورسات السنة الخامسهhonor degree بجامعة الخرطوم "
                   |Articles |News |مقالات |بيانات

25-02-2008, 08:41 PM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    Quote: وحريري لما شيلو الشنطة

    حريرى معقول انت من الزمن داك بتشيل فى الشنط
    وفيها شنو ياموردابى كان شالها محمد صلاح برضو شالها لكن شالها كبير
                   |Articles |News |مقالات |بيانات

26-02-2008, 00:01 AM

مصطفي سري
<aمصطفي سري
تاريخ التسجيل: 07-03-2007
مجموع المشاركات: 2339

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ابوبكر الامين يوسف)

    من الشخصيات المعروفة في الجامعة المرحوم عم محمد الذي كان يعمل على ماكينة الطباعة في مكتب
    الاستاذ سيد احمد مسجل علوم ادارية ، وعم يسن ، وسكرتير الامتحانات الاستاذ عزالدين ، والمرحوم
    الاستاذ حسن عبيدي ، وفي قسم اللغة الانجليزية الاستاذ علي سعيد مسجل الكلية والمربي التربوي
    المعروف وكان مديراً في المدارس الثانوية ، والاستاذ المرحوم عبدالقيوم محمد سعد حدربي من اعرق
    معلمي اللغة الانجليزية وكان سكرتيراً سابقاً للجنة المركزية للحزب الشيوعي ، وعند انتهاء فترته في
    الجامعة عمل طربيزة لبيع الفول في اركويت وقال لي انه يريد ان يلتقي الناس يوميا ولا ينقطع عنهم
    وكان ايضا الاستاذ المرحوم حسن سلك معلم اللغة الانجليزية والمربي الجليل ، وهو رجل له الرحمة
    كان صاحب نكتة وساخر حتى على نفسه ومبدع وناقد والذين درسوا في قسم اللغة الانجليزية في تلك الفترة
    كيف امتعنا الاستاذ سلك في مادة الادب الامريكي وكتاب ارنست همنغوي العجوز والبحر ... والاستاذ الجليل المغربي مع انه لم يعاصر فترة تعلمنا بالجامعة وعندما بدا في العمل بها كنا نحن على اعتاب
    التخرج ومع ذلك اقمنا علاقة صداقة معه ، والاستاذ فيليب الان عضو برلمان في المجلس التشريعي بجوبا
    واستاذ فيليب امتدت علاقاتي به بعد التخرج والى وقت قريب لكن كلنا الان في بلد اخر وهو استاذ ودود
    وخفيف الظل ويحب طلبته ... لهم التحية والرحمة للذين فقدناهم ...
                   |Articles |News |مقالات |بيانات

26-02-2008, 03:50 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    Quote: حقو كل زول يمسك ليهو جناح ويحكي فيهو .. بشير ومصطفى ادينهاهم السياسه والاتحاد .. ولحدي ما يلحقوا القوافل دي .. عييييييييييييك!
    مع الود
    ودالسر!



    يا ودالسر
    و الله القوافل أجمل منها مافي
    و عندنا فيها كلام كثير، لكن معاي سري ده(و ما بخليه) لازم نكمل كلام السياسة دي الاول(وطبعا هو ما بكمل )، لكن حا نقول البنقدر عليه و بنجيكم، التوثيق للجوانب الكثيرة في الجامعة اجتماعية وثقافية لا يقل ابدا عن السياسة و الاتحاد، لانه دي من الحاجات البتشكل صورة الجامعة.

    يا بحر سلامات...
    نحن نفسنا منتظرين نسمع عن الفترة بعد 1993 -1994
    خليك قريب.
                   |Articles |News |مقالات |بيانات

26-02-2008, 04:21 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    الدعوة للجمعية العمومية الاولي تمهيدا لقيام الاتحاد:

    في صيف 1991 كان العمل لقيام الجمعية العمومية قد نضج و اكتمل، و لما فشلت كل المحاولات للوصول لحلول تفاوضية عبر إدارة الجامعة مع (لجنة التسيير) للشروع في قيام اتحاد جديد، قررت التنظيمات السياسية و تجمع الروابط و الجمعيات الاكاديمية المضي قدما في الدعوة لجمعية عمومية للطلاب.

    تم تحديد اليوم
    و إخطار إدارة الجامعة
    و تم العمل و الحشد لذلك اليوم باركان نقاش مكثفة، و اتصالات مع الطلاب مباشرة و بشكل فردي لكل طالب
    و اصبح الجميع جاهزين لهذا اليوم.

    في صباح اليوم المعني، أذكر اني كنت حضورا باكرا جدا، كنت برفقة اخي محمد مركز خريف
    لم نجد أمامانا سوي عدد قليل جدا من الطلاب

    أول ما لفت انتباهنا إعلان كبير في بوسترات معلقة علي ابواب الجامعة بتأجيل الجمعية العمومية الي يوم اخر!!

    لم نتردد في إنزال هذا الاعلان من ابواب الجامعة الشرقي و الجنوبي
    فقد ادركنا انها ليست إلا خط الدفاع الاول لمن يحاول افشال هذا اليوم.

    كانت دعوة الجمعية في مبني (ملازمين ون)، و هو كلية العلوم الادارية، و هو سابقا مدرسة المليك المجاور للاذاعة و مسرح الفنون الشعبية.
    مع مرور الوقت قليلا بداء تدفق الطلاب علي الجامعة.
    المجموعة المكلفة باحضار اجهزة الساوند حضرت في وقتها.
    اعضاء التنظيمات كلهم كانوا حاضرين، و مستعدين
    كانت هناك ترابيز عند مدخل النشاط من البوابة الرئيسية، و هو مدخل ضيق لانه يقع بين قاعتين دراسيتين.
    كان مطلوبا من كل طالب يدخل النشاط في ذلك اليوم أن يسجل اسمه مع ابراز البطاقة الجامعية
    طبعا كانت هناك محاتولات للاحتكاك من بعض طلاب (الاتجاه الاسلامي) الذين حاولوا الدخول بدون تسجيل اسمائهم، تفادينا الاحتكاك معه بقصد و برغبة أن لا نسمح لهم بافساد هذا اليوم.
    سمحنا لمن اراد الدخول منهم أنم يدخل، و لكن قمنا بتسجيل اسمائهم، فالطلاب منهم معروفون لنا.
    سماحنا لهم بالدخول و تسجيل اسمائهم جعلهم يحجمون عن الدخول، لانهم ادركوا بذلك انهم يزيدون من العدد الرسمي للطلاب الحضور مما يسهم في الوصول للنصاب.

    سعينا بشدة لان تكون كل الاجرأت رسمية و دقيقة حتي نحصل علي إعتراف الادارة التي كانت تتابع هذا العمل عن قرب و معترفة بشرعيته، و كان عميد شئون الطلاب أنذاك الاستاذ(حسن نوري الأمين)، و وكيلها الاستاذ(حسن محمد عبدالله) متفهمين جدا لهذا العمل، و وجدنا منهم الدعم المطلوب وفق ما تتيحه الاجرأت القانونية، بمنطلق إعترافهم بتجمع الروابط و الجمعيات الاكاديمية كجسم نقابي شرعي وحيد بالجامعة، و بالتأكيد وجدنا تفهم ودعم مدير الجامعة (بروفيسور عبدالرحمن ابوزيد) .

    كنا قد تحصلنا علي العدد الرسمي للطلاب بالجامعة، و لذلك كنا نعرف العدد المطلوب منا للنصاب.
    ومع أن ناس الاتجاه الاسلامي و وكوادر الامن المنتشرة في الجامعة ذلك الوقت حاولوا ترهيب العديدين، و خلق اجواء من عدم الاستقرار ليقللوا من الحضور، إلا أن تأثيرهم لم يطال إلا العدد الاقل من الطلاب.

    (عدل بواسطة Basheer abusalif on 26-02-2008, 04:23 AM)

                   |Articles |News |مقالات |بيانات

26-02-2008, 04:49 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    في الوقت الذي كان فيه تسجيل الحضور مستمرا
    و تدفق الطلاب في ازدياد
    و الحماس كذلك
    كان مسرح الجامعة الداخلي المواجه للنشاط يعج بالحركة و المتحدثين
    الاشعار و الكلمات التعبوية
    و كان الحديث اغلبه عن أهمية هذا اليوم و عن أهمية الاتحاد
    من المتحدثين البارعين في ذلك اليوم كان
    نصرالدين الرشيد بحماسه
    محمد مركز(رئيس تجمع الروابط) بمنطقه
    معاوية السر بحنكته
    و من رموز ذلك اليوم كان ايضا صديق محمد توم(العم صديق) كما يحلوا للبعض مناداته
    و هناك شخصية لا استحضر اسمها الان، كان نائبا لرئيس تجمع الروابط الاكاديمية، و كان عضوا بجبهة كفاح الطلبة.
    و بالمناسبة(جبهة كفاح الطلبة) مع انها كانت عضوا معنا في التجمع الوطني الديمقراطي بالجامعة، و كانت عضوا بتجمع الرابط الاكاديمية، إلا انها لم تكن عضوا معنا بالاتحاد(!)، و سنأتي لذكر ذلك الموقف لاحقا.
    ارجوا من الاخوان ذكر بقية من تؤاتني بهم الذاكرة.
    طبعا هناك اسماء سنأتي عليها عند تكوين لجنة الانتخابات.

    كان هناك دور قمنا به (شخصي) و( مصطفي سري)، مع اننا لم نكن من المتحدثين الرسميين في هذا اليوم علي المسرح، و لكنا كنا كثيري الطلب (لنقاط النظام)، و الاعتراضات علي بعض الاجرأت، و كنا دائما نطلب فرصة للسؤال عن أمر محدد و موقعه من اللوائح و نطلب ممن علي المسرح توضيح، أو تأكيد ذاك، لدرجة أن البعض من الطلاب ذوي الحماس الكبير تضايقوا مما كنا نفعله، و لكن درونا هنا كان أن نقف علي دقة الاجرأت، و سلامتها، وسد الثغرات، و التوضيح لكل الحضور في ذلك اليوم حقائق ما يجري(فقد كنا نتوقع أن تبرز تساؤلات، كما كنا نعلم بوجود من يراقب هذا اليوم)، كان عملا موفقا.

    المهم استمر هذا اليوم، و استمر تسجيل الاسماء
    و بين كل لحظة و الاخري يأتي احد ما الطلاب حاملا احصائية باخر العدد
    و هكذا...
    الي أن صاح احد الواقفين علي التسجل من اخر الصفوف(إكتمل النصاااااااااب).



    ماذا بعد إكتمال النصاب؟
    و ما هي القرارات التي إتخذت في تلك الجمعية؟
    و هل سار اليوم بهدؤ كما كان متوقعا؟
    أم صادفته عثرات؟



    نتلاقي باكر.

    (عدل بواسطة Basheer abusalif on 26-02-2008, 05:13 AM)

                   |Articles |News |مقالات |بيانات

26-02-2008, 05:40 AM

Nawal giha
<aNawal giha
تاريخ التسجيل: 05-10-2006
مجموع المشاركات: 39

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Basheer abusalif)

    الأخوة الأعزاء تحية طيبة

    طيلة فترة هذه المداخلات كنت قارئة جيدة ومستمتعة جدا بتوثيق الأخوة وخاصة مصطفى سرى و بشير ابوسالف
    ولا أريد قطع حبل استرسالهما بيد إن مداخلتي ستكون تكميلية فقط لبعض الإحداث التي كانت مهمة في ذلك الوقت.

    مثلا في فترة اتخاذ قرار ترحيل الجامعة والجدل الدائر في ذلك الوقت هل يذكر الأخوة أول اجتماع للمجلس الثلاثيني
    لأعضاء الاتحاد ة والذي كان في ملازمين ون في القاعة التي كانت بالقرب من البوابة وكنّا نناقش كيفية التحضير والتجهيز لسير خط الموكب التاريخي والحدث العظيم لنقل الجامعة من الملازمين لحمد النيل والروح الطيبة التي كانت تسود أعضاء الاتحاد في ذلك الوقت.
    مع العلم بان اتحاد طلاب جامعة أم درمان الأهلية كان الاتحاد الوطني الوحيد في تلك الفترة وكان قبلة أنظار كل الطلبة الشرفاء من كل الجامعات في ذلك الوقت الذي حظرت فيه حكومة الإنقاذ كل شكل من أشكال النشاط الطلابي في معظم الجامعات التي تعلم تماما بأنهم خاسرون فيها (جامعة الخرطوم جامعة الجزيرة وجامعة جوبا) وكنا نسميها
    ا ى الجامعة الثلاثين فدان المحررة من ارض الوطن.
    وما لم يزكرة الأخوة هو ان في صبيحة اليوم التالي لهذا الاجتماع تم اعتقال بعض الطلاب على ما اذكر كان من ضمنهم الزميل عضو الاتحاد زين العابدين معاوية .
    وهنا يحتم علي الواجب من ناحية توثيقية ذكر أعضاء اتحاد تلك الفترة وهي دورة 92 -93
    1-بشير ابو سالف
    2-مصطفي سري
    3-حاتم مرغني
    4-ابوعبيدة مرغني
    5-اسامة يوسف (يعمل في شركة دال قسم المبيعات)
    6-محمد علي (وين الحبيب دة يا بشير كان عندي معاهو قصص مضحكة كتيرة خلاص)
    7-الحبيبة اميمة
    8-احمد محمد الحسن(طرظان)
    9-معتز فداسي
    10-عثمان سليمان كان ملقب بالشايقي(تم تعينه مؤخرا ناب والي الشمالية في التعديل الوزاري الجديد)
    11-عوض عثمان
    12-ناصر مهدي (مهاجر من هولندا ثم ببريطانيا مؤخرا)
    13-الزين معاوية
    14-ايمن السر تابر (صاحب البوست)
    15-نوال جحا (بعثة الأمم المتحدة في السودان وعضو مجلس أمناء جامعة أم درمان الأهلية)

    مصطفي ألحقني نسيت الباقين أمانة في الذمة تتموهم لي .

    بعد انتقال الجامعة لحمد النيل كما أشار الأخ بشبر سلفا شرع أعضاء الاتحاد بتقسيم المهام فيما بينهم ولما كانت هناك ماسورة واحدة لا تكفي لتوزيع المياه قمنا بتوزيع مياه الشرب لوحدات الجامعة المختلفة مستخدمين
    في ذلك حمار الجامعة الذي تم تكريمه لاحقا منهم من أطلق علية حمار جحا ومنهم من تيمن بة مثل ندى الحمارة كان لكل وحدة برميل يوزع عليها الثلج بالتساوي وكانت هذه العملية تتم بنظام الورديات .
    كان مركز تجمع الثلج في البر ندة المطلة علي مكتب الاتحاد المؤقت بمكاتب كلية العلوم الإدارية القديم
    قبل ا ن يتم تحويله بمباني النشاط الذي تم بناءة بسواعد الطلاب الشرفاء وهنا أحيهم جميعا بدون فرز
    طلبة وطالبات ومن أشهرهن الأخت اشراقة التي كانت تحمل المونة مع الطلبة بكل جد واجتهاد والتي ضربة مثالا يحتزى به لمشاركه المرأة حتى في إعمال البناء .
    فما زلت اذكر تلك الأيام كأنها ألبارحه منظر الزميلات والشقيقات والحبيبات وهن يشددن من أزر رفقائهم
    فا سمحولي بذكر ما جادة علي الذاكرة بهم
    ندى الحمارة .مني عبد الرحيم هاشم. مني عبد الوهاب.غادة عمر. أسمهان. نعمات. إنعام عبد الحفيظ. أمل صلاح. سحر عثمان. عائشة العمدة. لمياء عبدالرؤف. تفقة (فتحية) .سارة. نجلاء عثمان.هناء خضر
    بابكر(باكوم). بابكر (قدرة) عمر خلف الله. سليمان العب .حسن محمود. اسامة عباس. علي حجر الطير.
    شهاب علي يوسف. فخري (علية رحمة الله) .وائل محجوب. الطاهر وشي. الفاتح البنا . الصافي مهدي. عاصم نقد خالد عياش. سامي شعث. نصرالدين الرشيد(علية رحمة الله ).صديق محمد توم. جوهر. مزمل.عمر حريري ابوبكر ابا. زكريا جوزيف. رينق. أكوك.وليد توفيق .جاكسون.

    لحظات ونعود.

                   |Articles |News |مقالات |بيانات

26-02-2008, 05:46 AM

احمد العربي
<aاحمد العربي
تاريخ التسجيل: 19-10-2005
مجموع المشاركات: 5829

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Nawal giha)

    جميل ياتابر
    والموضوع ده(في السلك)
    شايف الريس ايام الشغل النضيف حاضر
    لك مني كل الود
    والتحاياطبعا اذكر اني تركت بصمه وهي رسم البروف محمد عمر بشير
    بالنشاط طبعا بيكون ازالوها
                   |Articles |News |مقالات |بيانات

26-02-2008, 05:54 AM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Nawal giha)

    Quote: فخري (علية رحمة الله)

    لاحولا ولاقوة الابالله انا لله وانا اليه راجعون
    حقيقى يانوال اول مرة اسمع بالخبر ده
    الف رحمة عليك الف رحمة

    بكه
                   |Articles |News |مقالات |بيانات

26-02-2008, 06:27 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    مرحب نوال جحا، البنت المصادمة
    و شكرا ليك إنك بديتي تذكري اسماء اعضاء الاتحاد، و انا اعتقد ده توثيق مهم، و لاننا خارج السودان الان ما كل التفاصيل و الاوراق بحوزتنا، عشان كده بنكتب من الذاكرة.
    اتمني انه باقي الاحباب يتموا قائمة اعضاء الاتحاد الوطني الاول، و لاحقا بنجي للاتحاد التاني، و زي ما ذكرتي يا نوال نصف الاسما بنزيد ليك عليها، و اسمحي لي اضع اسم عمر في الاول لانه كان رئيس الدورة، و محمد مركز، لانه كان رئيس المجلس الثلاثيني، و بنزل انا تحت، اما اخي مصطفي سري فلم يكن عضوا بهذه الدورة، بل عضوا في الدورة التي تلتها و سكرتيرا عاما لها، كذلك معتز فداسي، و ايضا اميمة كمال، كانوا اعضاء بالدورة التالية، و ارجوا ان يتم تصحيح باقي الاسماء:


    1-عمر خلف الله
    2-محمد مركز خريف
    3-حاتم مرغني
    4-ابوعبيدة مرغني
    5-اسامة يوسف (يعمل في شركة دال قسم المبيعات)
    6-محمد علي
    7-احمد محمد الحسن(طرزان)
    8-نفيسة عثمان (من ربك)
    9-عثمان سليمان كان ملقب بالشايقي(تم تعينه مؤخرا ناب والي الشمالية في التعديل الوزاري الجديد)
    10-عوض عثمان
    11-ناصر مهدي (مهاجر من هولندا ثم ببريطانيا مؤخرا)
    12-الزين معاوية
    13-ايمن السر تابر (صاحب البوست)
    14-نوال جحا (بعثة الأمم المتحدة في السودان وعضو مجلس أمناء جامعة أم درمان الأهلية)
    15- عمرالفاروق سيد كامل
    16-عائشة علي عبدالماجد(عائشة العمدة)
    17 اسمهان يوسف ابوطويلة
    18-عادل ادم الحاج
    19-بدرالدين الأمين
    20- معاوية السر
    21-
    22-
    23-
    24-
    25-
    26-
    27-
    28-
    29-
    30-

    ارجوا تصحيح الاسماء، و اكمالها ممن يتذكر، و لاحقا ايضا سنوضح اعضا اللجنة التنفيذية لتلك الدورة.
    ------------------------------------------


    Quote: محمد علي (وين الحبيب دة يا بشير كان عندي معاهو قصص مضحكة كتيرة خلاص)


    في اخر تواجد لي بالسودان قبل ثلاثة اعوام قابلته هناك، و اظنه مازال موجودا، و قابضا علي مواقفه، و هو من ابناء دارفور الهميمين.


    العزيز أحمد العربي
    هل انت من ناس كمبيوتر؟
    حتي لو ما منهم، اعتقد عنك خبرة في المجال ده
    فياريت لو تسك معانا (مشروع) موقع الجامعة الاهلية علي الانترنت و نلم الناس حوله.
                   |Articles |News |مقالات |بيانات

26-02-2008, 06:31 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    Quote: فخري (علية رحمة الله)

    اذكره تماما، من كوادر الجبهة الديمقراطية النشطين

    نسال الله له الرحمة و المغفرة، و لاخونا(نصرالدين الرشيد)، و لا حول و لا قوة إلا بالله.
                   |Articles |News |مقالات |بيانات

26-02-2008, 07:31 AM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Basheer abusalif)

    الاخ بشير ابوسالف ونوال جحا لكم التحية ..
    اضافة للقائمة محمد صلاح
                   |Articles |News |مقالات |بيانات

26-02-2008, 12:33 PM

مصطفي سري
<aمصطفي سري
تاريخ التسجيل: 07-03-2007
مجموع المشاركات: 2339

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ابوبكر الامين يوسف)

    الاخت والصديقة نوال محمد احمد جحا ، ازيك وشوق كتير وازاي البنيات
    اانت ذكرتي بعض من اسماء اعضاء الاتحاد في الدورة الثانية وهي صحيحة لكن ابو سالف خلط بين الدورتين
    وهو ما داير يعترف انو (عجز ) انا ساذكر بعض من الدورة الاولى والدورة الثانية وممكن تتموها
    الدورة الاولي 1990-1991
    1- محمد مركز خريف رئيس المجلس الثلاثيني
    2- عمر خلف الله رئيس اللجنة التنفيذية
    3- عمر سيد كامل السكرتير العام
    4- معاوية سرالختم السكرتير الاكاديمي
    5- محمدصلاح السكرتير الثقافي
    6-عادل ايدام السكرتير الاكاديمي
    7- بشير ابوسالف السكرتير الاجتماعي
    8-خالد حريري
    9-خالد علي بابكر
    10- احمد محمد الحسن طرزان
    11- ناصر مهدي محي الدين
    12- خالد
    13- عثمان سيلمان الشايقي -نائب والي الشمالية حالياً
    14-عائشة العمدة سكرتير خارجي
    15-زين العابدين معاوية سكرتير شؤون دار او خالد انا ما متذكر منو فيهم
    16-عبدالعزيز سليمان
    17-بدر الدين الامين
    18-ابوعبيدة ميرغني
    19- حاتم ميرغني



    -

    شايف في اختلاط على الناس الاسماء التي اوردتها في جانب كبير صحيح وساورد بشكل جديد الدورتين
    بجي للدورة التانية
                   |Articles |News |مقالات |بيانات

26-02-2008, 02:06 PM

Ahmed Mohammed Osman
<aAhmed Mohammed Osman
تاريخ التسجيل: 10-10-2005
مجموع المشاركات: 1381

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    هلا بشباب الاهلية
    تداعي ذكرياتكم جميل ، وتوثيق مطلوب ، من المؤكد سيفيد اللاحقون
    اخوتي
    لست من خريجي هذه الجامعة العريقة، ولكن اهتم لاخبارها ونشاطاتها جدا
    عفوا وان جاء سؤالي خارج جو البوست
    ولكن
    استفسر عن اعمال الشغب الاخيرة وانباء تتردد بقفل الجامعة وتعليق الدراسة، خاصة وان بعض الطلاب من المفترض ان يجلسوا
    لامتحانات نهاية العام؟؟

    وشكرا للافادة مقدما
                   |Articles |News |مقالات |بيانات

26-02-2008, 02:21 PM

Ahmed Mohammed Osman
<aAhmed Mohammed Osman
تاريخ التسجيل: 10-10-2005
مجموع المشاركات: 1381

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    هلا بشباب الاهلية
    تداعي ذكرياتكم جميل ، وتوثيق مطلوب ، من المؤكد سيفيد اللاحقون
    اخوتي
    لست من خريجي هذه الجامعة العريقة، ولكن اهتم لاخبارها ونشاطاتها جدا
    عفوا وان جاء سؤالي خارج جو البوست
    ولكن
    استفسر عن اعمال الشغب الاخيرة وانباء تتردد بقفل الجامعة وتعليق الدراسة، خاصة وان بعض الطلاب من المفترض ان يجلسوا
    لامتحانات نهاية العام؟؟

    وشكرا للافادة مقدما
                   |Articles |News |مقالات |بيانات

26-02-2008, 03:04 PM

مصطفي سري
<aمصطفي سري
تاريخ التسجيل: 07-03-2007
مجموع المشاركات: 2339

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Ahmed Mohammed Osman)

    يواصل الاخ اسامة من خارج المنبر بارسال نصوص عبر بريدي الخاص - لمن زهج البريد ذاتو -



    نظر إليّ الكمساري ....... وقال " طلبة ..... والله جننتونا يا بتاعين الأهلية ..... هاك الباقي أها..." نظر لي بعض ركاب الحافلة .... أكاد أرى في أعين بعضهم الفخر ...... وفي بعضهم أرى الإحتقار ...... كان لا يزال صوت ذلك المهووس يطرق إذنيّ " الجامعة الأهلية ...ذلك السرطان القابع خلف النيل ..." سرطان؟؟؟ وقابع .... وخلف النيل " ياخ قول حاجة تانية معقول ؟؟؟......يا زول انت جادي ؟؟؟؟؟ كان السودان آنذاك يحركه ذلك الرجل على ما أعتقد .... يبتدر بالسلام و التحية ويلقي جملته الشهيرة ....." أيها الشعب السوداني البطل "وألتي أصبحت بعدها " الشعب السوداني الفضل " .... فلذلك كان البعض لا يعرف عن الأهلية سوى أنها مفرخ المارقين وأعداء الدين وجامعة الحناكيش ........ لم يجرب .... غير من درس بها حرارة الشمس اللافحة حيث كان لا مجير منها إلا قاعات الدراسة أو النشاط ...... لم يجرب غير طلاب الأهلية أهمية التفاعل مع الجامعة ونشاطاتها....... لم يجرب غير طلاب الأهلية كيفية الصبر أو الرد على إستفزازات افراد الأمن ..... أو الشرطة ...... والذين كانوا أو " كنّ في بعض الأحيان " يدرسون معنا في نفس القاعة بل ويستلفون منك المحاضرة لينسخونها .......
    ترجلت من الحافلة في محطة الجوزات ..... وتحركت نحو الجامعة ....... إجتزت قسم شرطة جنوب - آنذاك - ثم مكتب جوازات أمدرمان ....... والميدان ثم وصلت للمستشفى أو " الكرنتينة" ......كان المشوار يستغرق ما بين العشر إلى العشرين دقيقة ....... على حسب " الجكس " أقصد الجو ......... الملفت للنظر أن الطريق يزداد صعوبة كلما إقتربت من مباني الجامعة .....حيث يجب عليك أن تجتاز كمية من الأتربة المتراكمة حتى حدود البوابة الرئيسية... وسط تصاعد الغبار من جراء بعض السيارات المارة... وصلت إلى هناك ...... دخلت ..... كانت الأشجار لا تزال قصيرة وليس بها ظل ......على اليمين .... مكاتب الإدارة ....ثم بعده مكتب مدير الجامعة ونائبه....أول ما يقابلك مبني الدراسات السودانية .....ويمينه المكتبة ثم مختبرات ....... توجهت ناحية كلية علوم المختبرات ..... وصلت إلى الباب الخلفي لها .....رأيت الحاجة سكينة بائعة الشاي " عليها الرحمة بحسب أحد الأصدقاء في السودان " " اهلاً يا ولدي ... الليلة بدري مالك..؟" أجبتها " عندنا تسليم بحث .....يا خالة شفتي سليمان ولا هيثم هاشم...؟" ردت هي " سليمان جاء وجاب معاهو قهوة ..... اسي بعملها ليهو ...لكن قال ماشي ديزاين...ولا جمب ديزاين ما عارفة...!!" كويس أدينا شاي قبل ما يجي زول يكابسنا ..." قلت لها وأنا اظهر بعض علامات التعجل .
    " الصبر يا ولدي النار دي أنا بهبب فيها ما شايفني ؟؟؟ إنت الليلة ما طبيعي يا ولدي ....كدي أقعد وإرتاح!!!" ردت وهي ترمقني بنظرة كأنها " تحمّر لي"
    جلست على .. طبعاً لا كان في كرسي ولا مقعد ولا حتى بنبر.....حجر مربع يمكنني أن أضع عليه جريدة ... كتاب تقيل ...و.......أجلس....
    بعدها تناوب الأصدقاء في الظهور ... واحداً تلو الآخر وأكتمل العقد بحضور زميلاتنا الطالبات...... جلسنا نشرب ونحتسي الشاي والقهوة .... حتى مواعيد المحاضرة حيث تسللنا كالعادة لقاعة المحاضرة بعد دخول المحاضر ...... ذهبت بعدها للمكتبة وجهزت البحث ثم سلمته .....
    النشاط كان بالفعل نشاط ....... عند حضورك في أي يوم لابد من وجدود الآتي
    1- محاضرة أو لقاء ... أو ركن نقاش ....
    2- معرض على جانب النشاط...
    3- يوم مفتوح لأحدى روابط الطلاب .....
    4- منافسة في كرة الطاولة بين ... المرحوم - نصر الدين الرشيد - وأحد المتنافسين وأذكر المرحوم بالذات لأنه كان من المتفوقين في تلك الللعبة وكان من المحتكرين للطاولة بثبات أداءه - رحمه الله وجمعنا به في عليين-.

    ما أذكره أيضاً ميدان النجمة ...... والذي يزدان ألقاً قبل وبعد المغرب .... تجد بعض الذين يؤدون الصلاة هنا وهناك وبعض الذين يجلسون للإستماع لشارع أو مغني .... أو أخرون /أُخريات وهم/ن يحتفلون/ن بمناسبة لأحد الزملاء أو الزميلات ......

    والشئ الذي لا يفتأ ويحتل جزاءاً من ذاكرتي أيام الإنتخابات حيث كانت لها طعم خاص فهذه جامعتنا .......... ثلاثون فداناً غير مدنسة ....... نحتكم فيها للديقراطية ..... وصناديق الإقتراع........ حيث لا عشق إلا للسودان ........ ولا تزوير بواسطة العسكر ......... كنت ألحظ وجود مكثف لرموز من الأحزاب المعارضة في أيام الإنتخابات ....... كل الأحزاب الوطنية .....ترسل مناديباً لمتابعة الإنتخابات وكأن الجامعة قد صارت ترمومتر الشارع السوداني ....... ترى الصناديق وهي تحمل لداخل مركز الفرز يحرسها كل حادب على الحق وناصر له ...... لا تهاون ....... الصناديق عالية ...... يراها الجميع تنتقل من مركز التصويت إلى مركز الفرز ....... على مرأى ومشهد الجميع ........بكل نزاهة يتم الفرز وتعلن النتيجة .... والتي هي حتماً ليست في صالح معذبي الشعب ومصاصي دماءه .......ولكنها في مصلحة الحق والعدل والدماء ألتي سكبت لإسترجاع الحق المهضوم ........

    مصطفى ......
    أيمن .......

    أخرجتما ماردأ من قمقمه ...... الذكريات .......

    لي عودة

    أسامة الباز......... طالب بس ساااكت كده
                   |Articles |News |مقالات |بيانات

27-02-2008, 04:35 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    هذه الرسالة وردتني من الاخ نزار كروم من طلاب مختبرات طبية، و هو مقيم حاليا بالولايات المتحدة.


    Quote: الاخ والزميل العزيز بشير ابوسالف
    تحية طيبة ومباركة واحي عبرك الاخ ايمن تابر صاحب فكرة التوثيق لجامعتنا الاهلية وفعلا كانت فكرة تراود الكثيرين من خريجين الجامعة فا له التحية مجددا والاجلال والحديث عن الاهلية ذو شجون ونغم عزيز على القلب بدأت فكرة من نفر كريم من رجالات هذا البلد العظيم يقودهم بروفسور محمد عمر بشير علية رحمة الله ولتشتت مبانيها هنا وهناك بشارع الاذاعة وتمر الايام والسنين لتشمخ في علياء واباء وصمود يحرسها الشيخ حمد النيل بجوارمرقده الميمون نباهي بها اينما حللنا ونفاخر بخريجيها اينما وجدوا ملئوا الارض ولم يقعدوها وانتشروا في كل بقاع الدنيا علماء ورسل للعلم والمعرفة
    وللتوثيق والعلم اخي ابو سالف ارجو ان نسلط الضوء معا لتجمع الروابط والجمعيات الاكاديمية الذي قام لسد فجوة تعطيل قيام الاتحاد وبديلا للجنة التسيير التي كانت لا تعترف بها ادارة الجامعة وكانت السكرتارية العامة من نصيب كلية المختبرات الطبية وكان شخصي السكرتير العام ونائبتي الزميلة نفيسة الطيب عبد الرحيم من مدينة ربك
    اول عمل قمنا به كان تنفيذ التخريج الثاني للجامعة في العام 1991بالمسرح القومي ام درمان وكان تحدي حقيقي لنا واجتزناه بنجاح تام واشادت بنا ادارة الجامعة والجميع وغنى في الاحتفال الفنان حمد الريح للمره التانية فقد غنى ايضا في التخريج الاول وكانت له ابنتين تخرجتا في الدفعة الاولى وغنى ايضا للمره التانية الفنان عبدالكريم الكابلي وحتى نكون وفيين للتاريخ ففي هذا التخريج نال كأس الطالب المثالي الاول في الجامعة خريج المختبرات امير حسن عبدالرازق وكان اول رئيس لرابطة المختبرات
    للحديث بقية ولنا عوده
    مع فائق شكري واحترامي


    NAZAR KAROUM
                   |Articles |News |مقالات |بيانات

27-02-2008, 05:25 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    يا سري (الكبر) دخل دي حقيقة :
    لكن ما تنسي انت و (صديق محمد توم) من الايام ديك كان الطلاب في النشاط بيقولوا ليكم (ياعمو)

    علي كل حال القائمة اعلاه جابتها نوال جحا و انا حاولت انقح فيها، و يلا أيدك معانا خلينا نظبتها و نطلع بال30 اسم الحقيقية، و نجي بعدها لاعضاء الدورة التالية.

    1- محمد مركز خريف رئيس المجلس الثلاثيني
    2- عمر خلف الله رئيس اللجنة التنفيذية
    3- عمر سيد كامل السكرتير العام
    4- معاوية سرالختم السكرتير الاكاديمي
    5- محمدصلاح السكرتير الثقافي
    6-عادل ادم الحاج السكرتير الاكاديمي
    7- بشير ابوسالف السكرتير الاجتماعي
    8-خالد حريري
    9-خالد علي بابكر
    10- احمد محمد الحسن طرزان
    11- ناصر مهدي محي الدين (سكرتير مكالي النصف الثاني من الدورة)
    12- خالد (ياتوا خالد ده يا سري؟)
    13- عثمان سيلمان الشايقي -نائب والي الشمالية حالياً
    14-عائشة العمدة(نائب السكرتير العام)
    15-زين العابدين معاوية(سكرتير مالي النصف الاول من الدورة)
    16-عبدالعزيز سليمان
    17-بدر الدين الامين (السكرتير الخارجي)
    18-ابوعبيدة ميرغني
    19- حاتم ميرغني
    20- اسمهان يوسف ابوطويلة
    21-نفيسة الطيب عبدالرحيم
    22-


    ---------------------------------------------------
    تصحيحا ليك: عائشة العمدة كانت نائب السكرتير العام، و عمر سيد كامل بيذكره لانها نائبته، اما السكرتير الخارجي فكان بدرالدين الأمين، و في دورته في السكرتارية العامة طرح إتحاد الاهلية لاول مرة فكرة (الاتحاد الوطني للطلاب السودانيين)، و وضعنا ليه مسودة دستور و اجتمعنا بصصده مع اتحاد الخرطوم(اتحاد المحايدين)، و بذكر تماما اجتاع بهذا الخصوص في تلك الدورة مع دكتور حاتم رئيس الك الدورة، و كنا نريد ان يبدا هذا المشروع باتحاد الاهلية و الخرطوم و الجزيرة.

    أما اسمهان يوسف ابوطويلة و نفيسة الطيب عبدالرحيم كن في هذه الدورة بالفعل(شايفك حذفتهم باحتمال الخلط)، و تحديدا في هذه الدورة الاولي كان بالاتحاد اربعة طالبات فقط، واحدة هي نوال جحا من الجبهة الديمقراطية، وثلاثة من حزب الأمة، هن من ذكرتهن، و كانت نسبتهن من مقاعد حزب الامة أكثر من 30% ، و دي طبعا في حد ذاتها كانت مفاجاءة للكثيرين الذين لم يتوقعوها من حزب الامة، لكن واقع الجامعة الذي أكثر من نصفه طالبات و ليس طلاب يجعل هذا هو الوضع الصحيح، علي كل انا اذكر هذا هنا للتأكيد و التصحيح في المعلومة.

    زين العابدين معاوية كان سكرتيرا ماليا لنصف الدورة، و تلاه في النصف الثاني ناصر مهدي، اما سكرتارية شئون الدار فكان احد كوادر مؤتمر الطلاب المستقلين اظنه (عمر...)، الحقونا بالاسم يا عمر الفاروق.

    حاول تتواصل مع الاخوان ناصر و معاوية بيكونوا متذكرين برضه، خلونا نصل للقائمة الصحيحة،(طبعا الحاجات دي كلها موجودة و موثقة لكنها ليست بيدناالان و نحن بالخارج، لذلك نسعي لنحت ذاكرة الجميع، و اعتقد انه ده شكل توثيقي ممتاز لانه يتعرض للتصحيح المباشر و مفتوح للجميع، فهو توثيق صادق).



    نواصل.
    و ما تنسوا موضوع (موقع الجامعة في النت).
                   |Articles |News |مقالات |بيانات

27-02-2008, 05:35 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    Quote: .....ترسل مناديباً لمتابعة الإنتخابات وكأن الجامعة قد صارت ترمومتر الشارع السوداني ....... ترى الصناديق وهي تحمل لداخل مركز الفرز يحرسها كل حادب على الحق وناصر له ...... لا تهاون ....... الصناديق عالية ...... يراها الجميع تنتقل من مركز التصويت إلى مركز الفرز ....... على مرأى ومشهد الجميع ........بكل نزاهة يتم الفرز وتعلن النتيجة .... والتي هي حتماً ليست في صالح معذبي الشعب ومصاصي دماءه .......ولكنها في مصلحة الحق والعدل والدماء ألتي سكبت لإسترجاع الحق المهضوم ........


    اسامة الباز ..
    سردك جميل جدا
    بينقلك مباشرة الان...الان.. لجوه الجامعة

    ده كان شكل الجامعة و جوها الحقيقي.

    و صناديق الانتخابات فعلا كانت في كل الدورات الوكطنية تنقل بهذا الشكل، امام مرأي كل الطلاب، و حراستهم، محمولة في الاعناق، يراها الجميع
    بعد انتهاء التصويت كان الصندوق يظل في مكانه لا يتحرك و معه اعضاء لجنة الانتخابات، و المراقبين من كل القوائم، لا يمسه احد، الي ان ينقلوا واحدا بعد الاخر(مش كلهم في زفة واحدة)، الجامعة الاهلية قدمت دروسا في الممارسة الديمقراطية، دروسا كثيرة جدا، و لذلك لقد كانت بالفعل (ترمومتر) الشارع السوداني.
                   |Articles |News |مقالات |بيانات

27-02-2008, 07:44 AM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Basheer abusalif)

    سلامات ...
    اضف للقائمة :-

    1- نصرالدين الرشيد (رحمه الله)
    2- خالد يحيى
    3- معتز فداسى (امين شئون الدار)
    4- هناء خضر
    5- وجدان بشير
    6- صديق محمد توم
    7- نوال جحا
    8- عبدالعزيز الشايقى
    9- محمد كشكوش
                   |Articles |News |مقالات |بيانات

27-02-2008, 07:40 AM

بكري الخير
<aبكري الخير
تاريخ التسجيل: 12-02-2008
مجموع المشاركات: 1773

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    التحية مسجاة لكل خريجي وطلاب وعمال وموظفي واساتذة ودكاترة وبروفسورات ومجالس جامعة امدرمان الاهلية قلعة الصمود

    انا عندي اقتراح اامل ان يجد الاذن الصاغية عندكم

    ايه رأيكم نحدد يوم نتلاقي فيهو في الجامعة الاهلية؟؟ ممكن نسميهو خريجي الجامعة الاهلية بسودانيز اونلاين، وأهو نقعد نتفاكر في شتي المواضيع يمكن نقدر نعمل حاجة لصالح الجامعة الاهلية !!!

    هل من مثن وداعم للفكرة؟؟؟

    يلا يا أيمن تابر حدد لينا
                   |Articles |News |مقالات |بيانات

27-02-2008, 07:33 PM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: بكري الخير)

    Quote: ايه رأيكم نحدد يوم نتلاقي فيهو في الجامعة الاهلية؟؟ ممكن نسميهو خريجي الجامعة الاهلية بسودانيز اونلاين، وأهو نقعد نتفاكر في شتي المواضيع يمكن نقدر نعمل حاجة لصالح الجامعة الاهلية !!!

    هل من مثن وداعم للفكرة؟؟؟

    مثن
    ودالسر!
                   |Articles |News |مقالات |بيانات

28-02-2008, 05:16 AM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    الاخ بكري الامين

    مع عاطر التحايا



    جيتني زي نسمة دعاش

    زي هبة نسيم في هجير غربة وشجن

    زمن المحن واقع معاش

    احييكم تحية

    احييكم الف مليون تحية

    ياحبايب يا قرايب يازمن فنان وغايب


    ولدي الحبيب ايمن السر محمد تابر



    عارفك ما بتقصر وده العشم فيكم كلكم والحقيقة سعدت جدا ان اجد من ينتشلني من وحل الهموم

    والجري ورا لقمة العيش وتربية العيال الي ذاك الزمن الجميل والهم وطن مليون ميل مربع

    الخوة الجميلة نصر الدين الرشيد بشير الحاج قسم السيد ابو سالف الزين معاوية ومعاوية السر خالد يحي عمر خلف الله محمد مركز خريف احباب واشقاء ورفقاء يااااه. اهلية قوية قوية تنادي كل خير في بلادي. والشكر موصول للاخ بكري الامين فداسي.



    لكم العتبى ونواصل

    محمد صلاح

    الدوحة_قطر
                   |Articles |News |مقالات |بيانات

18-03-2008, 11:55 PM

Nasser Mousa

تاريخ التسجيل: 21-02-2005
مجموع المشاركات: 1378

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    فوق
                   |Articles |News |مقالات |بيانات

19-03-2008, 00:05 AM

Nasser Mousa

تاريخ التسجيل: 21-02-2005
مجموع المشاركات: 1378

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    فوق
                   |Articles |News |مقالات |بيانات

28-02-2008, 05:35 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    عزيزي ابوبكر الامين

    الاسماء التي ذكرتها
    Quote: - نصرالدين الرشيد (رحمه الله)
    2- خالد يحيى
    3- معتز فداسى (امين شئون الدار)
    4- هناء خضر
    5- وجدان بشير
    6- صديق محمد توم
    7- نوال جحا
    8- عبدالعزيز الشايقى
    9- محمد كشكوش


    صديق محمد توم لم يكن عضوا بالاتحاد الاول، و لا الاتحاد الثاني، و لكنه كان عضو لجنة الانتخابات الاولي و رئيسها.

    نصرالدين الرشيد ايضا لم يكن عضوا بالاتحاد.
    معتز فداسي عضو بالاتحاد الثاني92-1993 و سكرتير اجتماعي.
    هناء خضر لم تكن عضوا بالاتحاد.
    وجدان بشير عضو بالاتحاد الثاني 92-1993

    نوال جحا سبق ذكرها، و كذلك الشايقي

    طبعا الاخوان و الاخوات الذين لم يكونوا بالاتحاد و تختلط اسمائهم علي الكثيرين باعضاء الاتحاد، ده لانهم كانوا بيعملوا مع الاتحاد و اعضاء بنفس المستوي و الهمة، لو ما أكثر.

    الاضافة هنا تكون الاخوان محمد ابراهيم(كشكوش) و كذلك خالد يحي(وين الزول ده يا جماعة).
    لقد كانوا معنا في تلك الدورة و اذكرهم تماما.
    شكرا ليك يا ابوبكر، يا ريت نتذكر الباقيين.


    محمد صلاح..مشتاقين.
                   |Articles |News |مقالات |بيانات

28-02-2008, 05:48 AM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Basheer abusalif)

    الاخ بشير ابوسالف تحياتى ياريس
    Quote: خالد يحي(وين الزول ده يا جماعة).

    الاخ خالد يحى بالمملكة السعودية ويغريكم التحية فردا فردا وقال بدخل قريب لتلبية نداء الاهلية
    Quote: شكرا ليك يا ابوبكر، يا ريت نتذكر الباقيين.

    ابوسالف ياخ دورتكم الاولى والتانية دى انا كنت فى الثانوى لكن بجابد من هنا وهناك
    ممكن اساعد فى الحركة السياسية للدبلومات والتعليم المستمر لانى كنت مرتبط بكلية اخرى
    مع متابعتى لحركة الاتحاد الكبير والحركة السياسية بصورة عامة بحكم احتكاكى بها
                   |Articles |News |مقالات |بيانات

28-02-2008, 06:50 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    تكوين لجنة الانتخابات الاولي و حريق الجامعة الاول:

    توقفنا عند اكتمال نصاب الجمعية العمومية التي دعت لها التنظيمات السياسية و تجمع الروابط و الجمعيات الاكاديمية.
    كانت الجمعية العمومية قد بدأت في النقاشات باكرا و في إنتظار إكتمال النصاب للبدء في خطوات إجرائية.، و لذلك عنما أعلن عن اكتمال النصاب و اعلان عدد الحضور الفعلي من مجمل الطلاب، لم يحدث أي تأخير، كان البرنامج و الهدف واضح، و هو تكوين لجنة إنتخابات شرعية و معترف بها.
    علي الفور فتح باب الترشيح لعضوية اللجنة.
    كان هناك خطان متفق عليهما بين التنظيمات:
    الاول أن يتم إختيار نسبة من الكوادر المنظمة القوية و القادرة علي المواجهة و التصدي لهذه المهمة، و علي المام بالجوانب اللائحية و الاجرأت.

    و الثاني: هو تقدير هذه التنظيمات للطلاب و وعيهم و مساندتهم الواعية لهذا الحدث، و لذلك اتفق علي أن تكون هناك فرص للطلاب للمشاركة في هذه اللجنة حسب رغبتهم، و تصعيد بعض الطلاب غير المنضوين لتنظيمات، علي أن يكونوا معروفين بوضوح مواقفهم الايجابية.

    تم اختيار هذه اللجنة من عشرة اعضاء(ايضا لا أذكرهم جميعا، اتمني أن نتمكن من حصرهم هنا)، و لكن الثابت عندي انه كان في عضويتها اخونا معاوية السر، و الاخت سحر عثمان، و كانت اللجنة برئاسة صديق محمد توم.

    بعد الانتهاء من اختيار اللجنة، تحول اليوم الي ما يشبه المهرجان، رفعت الاسماء مكتوبة من قبل تجمع الروابط الاكاديمية الي إدارة الجامعة التي اعتمدتها، وبهذا يكون تجمع الروابط انجز أكبر مهامه في تلك الفترة التاريخية من عمر العمل الوطني بالجامعة، و بهذا اصبحت (لجنة التسيير) ما هي الا جزيرة(كيزانية) معزولة.

    لم تتأخر لجنة الانتخابات الجديدة في اعمالها، في خلال اسبوع علي ما أذكر قامت باعداد لوائحها للانتخابات، و حصر قوائم الطلاب بالتنسيق مع إدارة الجامعة، و اصلا كانت الاجواء مهيئة، و الجميع في إستعداد.

    تم تحديد الجدول الزمني للانتخابات، يوم الترشيح، الطعون، التصويت، و اعلانها.

    في اليوم المحدد للترشيح، كانت اللجنة اتخذت من قاعة العلوم الادارية الرئيسية المطلة علي النشاط مقرها.
    كان النشاط مبني و مسقوفا (الحصير)، جاء الطلاب في هذا اليوم باكرا جدا.
    لكن يبدو أن هناك من جاء ابكر منهم و منا جميعا!
    أو بالاصح هناك من نام يومه في الجامعة، و بتعبير ادق في (سطوح) قاعات الجامعة.
    كوادر الاتجاه الاسلامي، المدعومة بعناصر الامن كانوا قد احتلوا الجامعة بليل و هم يضمرون شرا.

    جمعية القرأن الكريم:
    بالاضافة للغرفة التي كانت مقرا للاتحاد، وبالطبع كانت في يد (لجنة التسيير)، كانت هناك ايضا غرفة(جمعية القرأن الكريم)، و هي تقع في الطرف الاخر المواجه للنشاط من داخل المبني، هذه الغرفة ايضا يبدو انها كانت مكتظة بمن نام فيها ليله و هو يتدثر(سيخة) او يتأبط (طوقا).

    تتالت الاحداث سريعا..
    ما أن وقف مندوب لجنة الانتخابات في وسط النشاط معلنا بأعلي صوته (الأن نفتح باب الترشيح) ألا و انلعت نيرانا من أعلي سقف النشاط بعبوة حارقة نزلت في وسط الطلاب تماما، و أول من احترق بها كان الاخوان رشاد الجزولي و محمد عبدالله ، و ذهب بهم في حالة خطرة الي المستشفي، و بالاخص الاخ رشاد.

    في ذات الوقت خرج علينا من مقر جمعية القرأن اوليك المتدثرين بسيخهم، و نزل ما االسقوف اولئك المختبئين فيها، و بدؤا في مهاجمة الطلاب و الطالبات، اصيب عدد كبير من الطلاب في ذلك اليوم، حدثت مواجهات عنيفة بيننا و بينهم في ذلك اليوم، كانوا ساعيين لهذا المواجهة، في الوقت الذي كنا نسعي فيه لاخراج كل العملية بشكل سلمي لنفوت عليهم الفرصة، و نعيد للجامعة مؤسستها النقابية.

    كان هناك دعم كبير لهم من الخارج ايضا
    البوابة الجنوبية كان يقف في اتجاهها (الاحتياطي المركزي)
    و البوابة الشرقية كان عند مدخلها(بكاسي الامن)
    ضايقوا الطلاب (بالغاز المسيل للدموع) حتي يخلوا الجامعة
    في ختام اليوم (الكثرة) غلبت (الشجاعة)
    من ضمن أخر المجموعات التي كانت بالجامعة، كنا في في اتجاه البوابة الشرقية، كان علي يساري مباشرة الاخ الحبيب(ياسر) من ابناء كوستي، و عضو الاتحاد في دورة 92-1993
    ايضا الاخ صديق (اللتي) من كوادرنا بالجامعة الاسلامية و الذي كان حاضرا لهذا اليوم للمتابعة و المشاركة المعنوية، فاصيب بشج في رأسه بعد أن ابلي بلاء حسنا في الدفاع عن نفسه و أخوانه.

    اذكر في تلك اللحظات ظهر لي أمامي (الجيلاني) وقال لي(يا ابوسالف المعركة دي إنتهت، احسن تسوق ناسك ديل و تطلعوا من هنا)
    و قلت له في لحظتها(إنت المفروض تسوق ناسك، و العملتوه ده حاتدفعوا تمنه يا جيلاني).
    علي كل اتخذنا قرارنا في تلك اللحظة بالخروج من الجامعة، و كنا عدد لا يتجاوز العشرة في وقتها.

    خرجنا و وجدنا بقية الطلاب مع التحرش الحاصل من ناس (الاحتياطي المركزي) و (الامن) إلا انهم كانوا حول حرم الجامعة في تجمع كبير جدا.
    و جزء كبير منهم ايضا كانوا بالمستشفي مع الاخوان المصابين بالحريق، و الذين انضم لهم اعداد اخري من المصابين بجروح من ايادي الغدر.


    ماذا حدث في بقة ذلك اليوم؟
    هل تفرق الطلاب؟ أم ازدادت المواجهة؟

    هل مات الحلم باتحاد وليد في هذا اليوم؟
    أم زادت الاحداث الطلاب إصرارا؟
    ماذا كان مصير رشاد ومحمد عبدالله االمصابين بالحريق؟

    بكرة نواصل.

    ----------------------------------------------------------
    ملاحظة أنا أكتب من احداث المواجهة المواقف التي عايشتها، و من الزوايا التي كنت فيها.
    أعلم أن هناك مواقف للصمود اخري متفرقة، اتمني أن يوثقها الاخوان هنا.
                   |Articles |News |مقالات |بيانات

28-02-2008, 05:20 PM

ايهاب مهاجر

تاريخ التسجيل: 04-12-2004
مجموع المشاركات: 108

للتواصل معنا

FaceBook
تويتر Twitter
YouTube


توثيق :جامعة أمدرمان الاهليه : منارة علم وقلعة صمود (Re: Aymen Tabir)

    التحية والاجلال لكل المشاركين والمتابعين لهذا البوست التوثيقى لهذه العملاقة جامعة امدرمان الاهلية فلكل منا ذكريات واحداث فى هذه المنارة وارجو من جميع المشاركين مواصلة رفع هذا البوست فى سرد تلك الاحداث المهمة لكى تعرف الاجيال الجديدة من الطلبة والخرجين كيف تم قهر التحديات فى قيام الجامعة الاهلية وارجو ايضا ان يتم تشكيل اليات لتنفيز كل المقترحات المقدمة من الاخوة ابوسالف.. ايمن.. مصطفى سرى... وبقية الشباب وايضا نرحب بكل المقترحات من كل الخرجين ويكون التواصل بين الجميع ونواصل......
                   |Articles |News |مقالات |بيانات

29-02-2008, 05:23 AM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ايهاب مهاجر)

    محمد صلاح..مشتاقين ... مشتاقين!
                   |Articles |News |مقالات |بيانات

29-02-2008, 05:56 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    يا أيمن حرك لينا موضوع(الويب سايت)، خلونا ننجز حاجة للجامعة الاهلية، انا اتصلت علي عدد من الاخوان مستعدين يشاركوا.












    -------------------
    سري ...مشيت وين؟
                   |Articles |News |مقالات |بيانات

29-02-2008, 11:22 AM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Basheer abusalif)

    بشير
    سلامات
    الويب سايت حيتعمل انشاء الله لكن بس عملية التوثيق دي تمشي شويه وبعدين الناس الجوه زي نوال جحا يجيبواالمعلومات الجديده وصور للجامعه خاصه وانو الكليات والمعلومات عن التقديم والاستاف محتاجه تحديث.
    همتكم بس !
    انا اليومين ديل جهازي فيهو مشكله وبرجع ليكم
    ودالسر!
                   |Articles |News |مقالات |بيانات

01-03-2008, 03:42 AM

ايهاب مهاجر

تاريخ التسجيل: 04-12-2004
مجموع المشاركات: 108

للتواصل معنا

FaceBook
تويتر Twitter
YouTube


توثيق :جامعة أمدرمان الاهليه : منارة علم وقلعة صمود (Re: Aymen Tabir)

    وايضا لتوثيق لكلية علوم المختبرات الطبية تعتبر ام لكل كليات المختبرات الحالية فى السودان بشكلها الحالى والمناهج المتبعة فى تلك الكليات بل معظم مساعدى التدريس فى تلك الكليات من خريجى جامعة امدرمان الاهلية ومع ذكر خريجى المختبرات فنحمد الله على السمعة الجيدة والبصمة الواضحة جدا فى جميع دول العالم اينما حلو وعدد كبير منهم نالو درجة الدكتورة من جامعات لها اسمها بجدارة واما فى الخليج وتحديدا فى الامارات العربية واكاد اجذم ان لا توجد مستشفى الا وفيها خريج من مختبرات الاهلية فى موقع كبير انا ولتوثيق حاذكر بعض اسماء من الدفعة ومواقعهم الحالية حابداء بيك يابشير وساعدنى المدة طالت بشير ابوسالف امريكا كلفورنيا هناء خضر السويد.. نزار كروم امريكا فرجينا.. خالدابوشيبه فرجينيا.. عماد صديق نيويورك.. مشكاة ابوالقاسم دلاس تكساس.. لمياء خليفة دلاس تكساس..رشا حامد امريكافلادلفيا فى الامارات فى مستشفى المفرق فى ابوظبى غادةحسنى.. خالدحيدر.. رحاب بشرى فى.. المنطقة الغربيه اشرف حمزة..اشراقة برعى ..وايضا فى ابوظبى هاله السر شيماء عوض .. رحاب مالك.. وصال البشرى.. هيفاء بدوى ..وفى مستشفى الرحبه هشام حسين.. صالح حجار ..اميرة مختار حسام الجاك .. فى دبى نهله قاسم.. معاوية محمد نور.. محمد كمال ..هشام عابدين.. حنان عبدالمجيد.. فى الشارقة الاخوان حاجب مساعد..ايهاب عابدين.. عبدالمنعم عزالدين.. سناءالهادى.. فى السعودية الصادق الـطريفى ..ماريا ازرق.. هند بوب ..ويا ابوسالف واصل.....

    (عدل بواسطة ايهاب مهاجر on 01-03-2008, 04:03 PM)
    (عدل بواسطة ايهاب مهاجر on 01-03-2008, 04:05 PM)

                   |Articles |News |مقالات |بيانات

01-03-2008, 05:57 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ايهاب مهاجر)

    ما تنسي أمير حسن عبدالرازق في الرياض(الطالب المثالي في اول تخريج للجامعة الاهلية)، و في كاليفورنيا ايضا محمد الفاتح عشميق و مها الفاتح.















    -----------------------------
    ناصر موسي..... ياتاريخ علوم إدارية وين انت؟
                   |Articles |News |مقالات |بيانات

01-03-2008, 05:52 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    لدي خروجنا كأخر مجموعة من الجامعة في ذلك اليوم عبر البوابة الشرقية وجدنا الطلاب قد تجمعوا في الجانب الغربي من شارع الاذاعة و في مواجهتهم (الاحتياطي المركزي) في الجانب الشرقي من الشارع اقرب الي الاذاعة امدرمان(طبعا للحيلولة دون وصول الطلاب الي هناك).

    تجمعنا كلنا هناك، و في مشهد مهيب يذكر بمواجهات طلاب الصين في (تيانا مين) جلس كل الطلاب في الارض، و اخذوا في الهتاف المتنوع.

    بدأت تحذيرات من ضابط برتبة صغيرة كان يتقدم مجموعة الاحتياطي المركزي للطلاب طي يتفرقوا، و لكنهم رفضوا ذلك، ثم اخذوا في التقدم نحوا الطلاب قليلا قليلا، و ماهي لحظات إلا و كان الغز المسيل للدموع ينتشر في وسط الطلاب، و بداء جنود الاحتياطي المركزي و بكاسي الامن في مهاجمة الطلاب.

    تحولت كل شوارع امدرمان في تلك المنطقة الي حلقات من الدخان.
    طاردوا الطلاب في الشوارع، و الازقة
    إضافة الي البكاسي كانوا يستعملون (حافلات) اشبه بحافلات المواصلات العامة في ذلك الوقت! و ذلك للخداع.

    امتدت المطاردة الي موقف الشهداء(موقف مواصلات الثورات) و المواقف المجاورة، و كل من كان شكله او سنه يوحي بانه طالبا في ذلك اليوم رفعوه في عرباتهم.
    احتمي عدد كبير من الطلاب في مسجدالامام المهدي (القبة)، و لكني رايتهم بعيني يقتحمون ذلك المكان ايضا و بحثوا فيه كثيرا، و اخذوا كل من وجدوه من الطلاب هناك.

    الحريق، و حجم المطاردة، و كميات الاحتياطي المركزي، إضافة الي طلابهم (وغير طلابهم) المختبئون بالجامعة من الليل السابق،أكد تدبيرهم السابق لكل هذا العمل الاجرامي، و فضح ضعفهم الشديد أمام ارادة الطلاب، النظام بحاله في تقديري كانت به حالة من الفزع من أن تتحول هذه المطالبة بالاتحاد، و انتصار الطلاب فيها الي بداية شرارة للمقاومة في الحركة الطلابية و الشارع السوداني.

    كانوا في ذلك الوقت الباكر من عمر(الانقاذ....الدمار) أن السماح بهذا العمل الديمقراطي أن ينجز سيكون بداية النهاية لهم.

    إخماد مثل هذه العملية الديمقراطية الدستورية في مهدها من الحركة الطلابية، اشبه لديهم بعملية التصفية لضباط رمضان في الجيش، الأمر كان يعني إخماد....وتحذير للاخرين!
    و لكن هيهات.
                   |Articles |News |مقالات |بيانات

02-03-2008, 07:38 AM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Basheer abusalif)

    جامعة أمدرمان الاهليه : منارة علم وقلعة صمود

    Quote: كلية علوم المختبرات الطبية

    اسماء من الدفعة ومواقعهم الحالية

    السويد

    هناء خضر

    امريكا

    بشير ابوسالف امريكا كلفورنيا
    نزار كروم امريكا فرجينا
    خالدابوشيبه فرجينيا
    عماد صديق نيويورك
    مشكاة ابوالقاسم دلاس تكساس
    لمياء خليفة دلاس تكساس
    رشا حامد امريكافلادلفيا


    الامارات فى مستشفى المفرق فى ابوظبى

    غادةحسنى
    خالدحيدر
    رحاب بشرى


    المنطقة الغربيه

    اشرف حمزة
    اشراقة برعى


    ابوظبى

    هاله السر
    شيماء عوض
    رحاب مالك
    وصال البشرى
    هيفاء بدوى


    مستشفى الرحبه

    هشام حسين
    صالح حجار
    اميرة مختار
    حسام الجاك


    دبى

    نهله قاسم
    معاوية محمد نور
    محمد كمال
    هشام عابدين
    حنان عبدالمجيد


    الشارقة

    حاجب مساعد
    ايهاب عابدين
    عبدالمنعم عزالدين
    سناءالهادى


    السعودية

    الصادق الـطريفى
    ماريا ازرق.
    هند بوب

    بشير
    نضيف ليكم ناس كندا
    رشادميرغني
    دينا احمد اسماعيل
    القاهره
    منال محجوب
                   |Articles |News |مقالات |بيانات

04-03-2008, 08:39 PM

ايهاب مهاجر

تاريخ التسجيل: 04-12-2004
مجموع المشاركات: 108

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    وبواصل التوثيق لخر يجى مختبرات الاهلية وهم اعلام كما ذكرت وفخر للجامعة فى الشارقة حسن السر.. احلام محمد عثمان.. ابراهيم بكرى .. فى متشفى توام العين مناهل البرير.. ذينب خالد.. راس الخيمة هنادى الياس.. لوئ ادريس .. وايضا ما ننسى خريجى مختبرات الاهلية فى السودان وهم ايضا رافعين اسم الاهلية عاليا واخص ناس مستشفى الشرطة العقيد محمد الفاتح.. المقدم ابراهيم الشيخ.. المقدم حسن محمدادريس.. الرائد صداح فاروق.. الرائد عمر حسب القوى... الرائد هشام يس ..ونواصل.....
                   |Articles |News |مقالات |بيانات

02-03-2008, 02:11 PM

تماضر الخنساء حمزه
<aتماضر الخنساء حمزه
تاريخ التسجيل: 13-10-2006
مجموع المشاركات: 5215

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    سلامات
    بوسط جميل وذكرياتكم أجمل
    من خريجي مختبرات الأهلية ..ابتهال أبو حراز (بهلة)(بهولندا)
    بتتابع البوست وسلاماتها لي كل الحلوين هنا..والغايبين

    مودتي.
                   |Articles |News |مقالات |بيانات

05-03-2008, 04:49 AM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: تماضر الخنساء حمزه)

    Quote: سلامات
    بوسط جميل وذكرياتكم أجمل
    من خريجي مختبرات الأهلية ..ابتهال أبو حراز (بهلة)(بهولندا)
    بتتابع البوست وسلاماتها لي كل الحلوين هنا..والغايبين

    مودتي.

    شكرا تماضر
    ونحياتي لنهله وبلغيها التحايا وفي انتظار مساهماته
    ودالسر !
                   |Articles |News |مقالات |بيانات

02-03-2008, 07:48 PM

Mohamed Foto7li
<aMohamed Foto7li
تاريخ التسجيل: 27-02-2008
مجموع المشاركات: 3041

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    تسجيل حضور
    درست سنه واحده وسافرت
    علوم اداريه 98
                   |Articles |News |مقالات |بيانات

03-03-2008, 04:55 PM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Mohamed Foto7li)

    ندي احمد - ندي الحماره
    انجليزي -هاردي
    Quote:
    الاخ/ ايمن السر
    سلامات

    امبارح اول مره اقرا بوست الاهليه وانا يقرا فيه جات في بالى شخصيات كتيره وزكريات وما عارفه ابدا من وين . المهم احاول كتب كل الاشياء
    الاتزكرتها عن الجامعه ،، طلاب عمال موظفين وادارين ومحاضرين.. الخ
    انا اتخرجت من اداب انجليزي وكنا اول دفعا
    تبدا من سنه اولى في حمد النيل دخلناالجامعه يوم3/4/1993 كان مدير الجامعه
    عبد الرحمن ابو زيد ربنا يرحمه ما كان في مواصلات مخصوصه للجامعه فمن شارع الاربعين محطه الجوازات يا اما تمشي كداري او تنتظر عربات الجامعه ترحيل ولا عربات الطلبه او الاساتذه - وحصل لي موقف طريف وانا برلومه كنت واقفه في محطه الجوازات مع ثلاثه بنات منتظرين حاجه تدخلنا الجامعه
    الساعه كانت تقريبا 10 صباحا وشفنا حافلة الجامعه بتاعت ترحيل الموظفين (حافله صغيره 14 راكب) في بس سواق اشرنا ليها ولاحظت انو اول مره اشوف الزول السايق الحافله فقلتا يكون سواق جديد، كان لابس جلابايه وعمه ركبتا جنبو قدام والمعاي ركبو ورا فسالنا انت بتصلو الجامعه كل يوم كيف لاحظتا
    البنات ساكتين وهادين وانا بس البتكلم وبكل عفويه وهو بسال سالنا انت ماعندكم محاضرات الصباح رديت عندنا من 8 لكن مابنصحا ليهم بدري ونجي
    ليهم الصباح في الخلا ده وهضربتا واتكلمتا كتير والراجل كان بضحك كل ماقول حاجه لحد ولماوصلنا بوابة الجامعه نزلنا عشان نخش من باب الطلبه
    وشكرنا الراجل واذا بالحرس اسمو صالح يقول للزول السايق الحافله اهلا ياسيادة البروف طبعا انا وقفتا وقعدتا اضحك وسالت الحرس من سيادة البروف ده منو ده قال لي بروف عبد الرحمن ابو زيد !!!

    اتزكر من الاداره في اوقات مختلف السيد/ حسن محمد عبدالله وفي شئون الطلاب الاستاذ احمدحاج على والمرحومه سعيده عبد الله خليل واستاذه احسان مديرة لمناشط واستاذه فايزة حاج على سكرتيرة البروف واخلاص كره ود. ادريس النيل وسهام حمدنا الله في القبول ومسجل الجامعه استاذ عزالدين (توتي) وعارف في استخراج البطاقات واستاذحسن نوري في الشئون الماليه ناس جمال طلعت وخالد وحافظ وسوسن هاشم واستاذ عبد الرحمن المدير المالي
    مسجل اداب استاذ على سعيد وبعده استاذ محموددفع السيد مسجل اداريه استاذ سيد وبعد حسن عبيدي رحمه الله والموظفين في مكتب العلومالادارية من خريجي الاهلية انوار وصالح شعيب ومعزاحمد /اخوي وشدو الله يرحمو وسكينه وعم رجب
    المراسله من الحرس: صالح وعم ادريس وعم عبدالله من اساتذتنا في انجليزي الاستاذ محمد على والتاج كرداوي ويبيومي ورحمهم الله واستاذ فليب وموسس وادم الدين واستاذه نور الهدى وحامدالدودعبد الماجد وزهير المغربي واستاذ صديق ماده لادب العربي واستاذ محمد المهدي المدثر ماده النحو اساتذة الدراسات السودانبه استاذ حذيفه الله يرحمو د. معتصم واستاذة هدى
    اعضاء اللاتحاد في دورات مختلفه بشير ابو سالف وابراهيم يوسف جوهر من حزب الامه وناصر مهدي وعاصم نقد ومحمد المبارك وصباح محمود (صباح
    الاسد) ونجلا عثمان من الجبهه الديمقراطية وعثمان الشايقي وعمر خلف الله ومجدي وحاتم مرغني وابوعبيده ميرغني وخالد دكيم من الاتحادين من كوادر التنظيمات المعروفين اسماء بت الابيض صديق التوم من حزب الامه وهو كان يكبرناسنا بفارق كبير وكان دفعتنا وهو في قسم اللغه العربية ونحنا انجليزي فكنتا كل ما اقابلو بقول لي يادفعه كنوع من الهزار وهو يضحك
    حريري وابنعوف وهنادي من الاتحادين من الجبهه الديمراطيةفخري ربنا يرحمو وعاصم نقد وشهاب على يوسف وناصر على وبشري والدسيس والثلاثه الاخرين ديل كانو من مرافيد الجزيرة وطبعا الدسيس الان على ما اعتقد بقى حزب
    امه من الطلاب المعرفين في دفع مختلفه وعاصرناهم في الجامعه في انجليزي الطاهر اوشي وسحر عثمان والفاتح البنا ونمر ووليد وانعام عباس وايمن لسر ومصطفي سري ووائل محجوب ومنى عبدالوهاب وهند مدني وحفيه وحارث ود ابروف ومحمد دردق تيسير ود كسلا (قون انجليزي) وعبد الرافع وصلاح بد الررازق ومحمد بالصلح والرشيد ابو راس اوبازر ودالابيض واسامه الباز ونعمات الخير وروز ومصطفي المحطه الاهلية- من دفعتي من في انجليزي في المجموعات المختلفه
    انعام عبد الحفيظ وسليمان العب وامير بسبوس ووليد الجك ووليد رابح الطيب جيلاني وايمان احمد ولنا وعبد الرافع وفي قسم اللغه العربيةوكانو
    في رابعه وكنتا برلمومه بس بعرف السناير بحكم كان عندي اخوي دفعتهم معز احمد (لغه عربية) : سلوي عابدين ( بت الجبل) وناهد طه وتقي واميره(بنات
    امضون بان) والتوم حسين وكان تومه حسن في انجليزي وصالح شعيب ومها وشدو امجد وفي دفعه اخري ناس ياسر جاكسون من ادارية محمد كسلا ومديحه وتقريد واسامه يوسف ومحمد القاضل وهيثم الفاضل من ناس الرياضه في العاب القوه والجري محمد دردق وتنس الطاوله نصر الدين الرشيد رحمه الله وعلى ارنوقوطي واحمد ارتولي والصيني وفي الطايره سيف ابلاش وعلى بستا محمد تبلك ومرتضى القاسم في القدم عبد الرافع وخالد مختار وسمول على الريح واوراريس الحبشي وزهير عبد الكبير وابراهيم ابا وخالد كومي وبسره وعبدالعزيز عمر(عزيز ندم)وباوقا وتيسير الكورالات الكانت معرفه في الجامعه كورال
    الجامعه وكرال الاتحادين وكورال مختبرات وكورال الجبهه الديمقراطيه كورال الجامعه كانت تابع لجمعية الموسيقي وهو من جمعيات السكرتارية الثقافية للاتحاد وكان اعضاء اللجنه التنفيذية لجمعية الموسيقى البتزكرهم الصافي مهدي سكرتير فني ولمياء عبد الرؤوف ندي احمد ( الحماره) وحمد النيل كمال
    ربنا يرحمو ومن اعضاء الكورال البتزكرهم :
    ندي الحمار وندي كمال الدين وميرفت محمد سعيد وايمان احمد((بت الصحافه) ولنا ورنا غندور وهبة خضر واسعد المغربي وامير بسبوس وايهاب رفاي
    وابوهريره وابو مدين ونزار صنقور عبدالله تاور(الاتنين الاخرين من مختبرات) العازفين الصافي مهدي وعاطف صالح ومحمد ابراهيم ود الدويم(اكرديون ) ومعاويه
    عبدالله - بحري (الايقاع)طبعا في ناس تانين ما اتزكرتهم جمعيه ست الشاي جنب السور وحليمه في النشاط القديم طبعامن الكيزان الاحياء منهم والاموات لهم الرحمه في دفع وكليات مختلفه : انس عمر وجيلاني والنجمومي
    وعبدالله وليكم وعمر خلف اللله وهشام عبدالله واولاد ابو كشوه نزار وعبد اللطيف وبكري ابو قنايه وطارق الكندي وعثمان ابراهيم ومصعب .. الخ
    حارسل ليك لو اتزكرتا حاجات تانيه
    ندي احمد - ندي الحماره
    انجليزي -هاردي
    ودمتم

    (عدل بواسطة Aymen Tabir on 05-03-2008, 04:44 AM)

                   |Articles |News |مقالات |بيانات

04-03-2008, 10:20 AM

مصطفى كدفور
<aمصطفى كدفور
تاريخ التسجيل: 27-02-2008
مجموع المشاركات: 299

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    سلامي للجميع ومزيد من التوثيق

    الأخت تماضر الخنساء .. لعلك بخير
    سلامي الحار لابتهال أنور (بهلة) وناصر المهل



    الأخت ندى أحمد
    تحياتي وبانتظار المزيد
                   |Articles |News |مقالات |بيانات

05-03-2008, 08:25 AM

تماضر الخنساء حمزه
<aتماضر الخنساء حمزه
تاريخ التسجيل: 13-10-2006
مجموع المشاركات: 5215

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: مصطفى كدفور)

    سلامات مصطفى
    ليك سلاماتهم وتحياتهم..قالوا ليك كده مابنفع..
    اتحصلوا على تلفونك وحيضربوا ليك قريب..

    كل الود.
                   |Articles |News |مقالات |بيانات

05-03-2008, 10:52 AM

مصطفى كدفور
<aمصطفى كدفور
تاريخ التسجيل: 27-02-2008
مجموع المشاركات: 299

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: تماضر الخنساء حمزه)

    شكراً يا تماضر

    تسلمي
                   |Articles |News |مقالات |بيانات

05-03-2008, 02:17 PM

Mohamed Foto7li
<aMohamed Foto7li
تاريخ التسجيل: 27-02-2008
مجموع المشاركات: 3041

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    انتو الزاهر عليكوم بتاعين شولليات

    اها انا الجامعة دي سبته
                   |Articles |News |مقالات |بيانات

05-03-2008, 03:32 PM

مصطفى كدفور
<aمصطفى كدفور
تاريخ التسجيل: 27-02-2008
مجموع المشاركات: 299

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Mohamed Foto7li)

    العزيز محمد

    في إنتظار توثيقك عن الجامعة

    وخصوصاً الهلالاب وعشاق الأزرق
                   |Articles |News |مقالات |بيانات

07-03-2008, 03:10 PM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    المكان الدوحة - قطر
    منزل ابوبكر الأمين
    على شرف احمد طرزان بمناسبة زيارته للدوحة
    الحضوركل من ابوبكر الامين صاحب الدار- احمد طرزان المحتفى به - الشاذلي الطيب - ياسر جاكسون - خالد حريري - علي ابوالقاسم

    الجلسة عبارة عن شمارات وذكريات ايام الجامعة

    اول المعصورين بالشمارات خالد حريري واغنيته الشهيرة حريري شيلو الشنطة وذكريات قافلة الابيض 1993
                   |Articles |News |مقالات |بيانات

07-03-2008, 05:57 PM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ابوبكر الامين يوسف)

    العزيز ابوبكر الامين
    تحايا الود
    Quote: المكان الدوحة - قطر
    منزل ابوبكر الأمين
    على شرف احمد طرزان بمناسبة زيارته للدوحة
    الحضوركل من ابوبكر الامين صاحب الدار- احمد طرزان المحتفى به - الشاذلي الطيب - ياسر جاكسون - خالد حريري - علي ابوالقاسم

    الجلسة عبارة عن شمارات وذكريات ايام الجامعة

    اول المعصورين بالشمارات خالد حريري واغنيته الشهيرة حريري شيلو الشنطة وذكريات قافلة الابيض 1993

    عارف يا ابوبكر
    دى قعده قنبلة البوست حنسميها ..
    تحياتي الحاره لجاكسون .. قول ليه سالته منك طوب الارض ..
    طرزان .. من لندن وما سمعته منك .. لكن اخبارك طيبه زيك يا زول يا سمح .. اكتب وما تنقطع هنا ..
    حريري .. سلامات يااخي ومشتاقين .. بعدين نسيبك ما بحلك .. نحنا بنكمل السياسه دي وبنرجع حكي الابيض ذو شجون .. ومصطفى ده مقدور عليهو هو ذاتو هنا بكون في تالا .. الدور والباقي على الما عندهم نسيب لسه ديل !!"قالوا اخوك كان حلقو ..."
    ياخي تحياتي ليكم كلكم بدون فرز شاذلي وعلي وطرزان وجاكسون وحريري ، وما عدمناك يا أبوبكر
    ودالسر !
    على جنبه :
    ياخونا في زول شاف سري وابوسالف ..نوال ولا انعام .. بابكر "قدره" وين انته؟؟؟
                   |Articles |News |مقالات |بيانات

08-03-2008, 08:38 AM

بابكر التوم
<aبابكر التوم
تاريخ التسجيل: 04-01-2008
مجموع المشاركات: 1580

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    ايمن
    كيفك
    يازول موجودين بكثرة بس مستمعين بسرى وابو سالف
    ذى ذكرت نوال محترمين السرد الراقى وما ودنا نشتت
    افكارهم لكى نوثق بالطريق التى يستحقها كيان الاهلية
    التحية لهم.
    نوال جحا
    سلامات
    كل الاشتياق للحبان
    ابوبكر ابا


    ناصر مهدى


    عوض عثمان


    ابوبكر الامين
    تحياتنا الاخ أحمد طرزان لو هو موجود حتى الان بالدوحة جيبوا لينا
    هنا فى دخان ويا جاكسون السويتها رقدت لميت فى (حسين التوم) ولا لسى
                   |Articles |News |مقالات |بيانات

07-03-2008, 03:16 PM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    تعرضنا في الونسة للاخ مصطفى سري طبعا كل الحضور بيباركو للاخ مصطفى طقم الاسنان الجديد وانشاء تكملو يا سري بعرق العافية

    تهنئة خاصة من احمد طرزان وخالد حريري وياسر جاكسون

    طبعا منعنا سيرة الونسة في الجكس لانو خالد حريري نسيبو قاعد في الجلسة ومن البداية حريري اعلنها صراحة انو نسيبو معاهو

    الشازلى الطيب

    (عدل بواسطة ابوبكر الامين يوسف on 07-03-2008, 03:29 PM)

                   |Articles |News |مقالات |بيانات

07-03-2008, 03:28 PM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    الحبيب بشير ابوسالف سلام وشوق والعزيز جدا مصطفى سري و الاخت نوال جحا وكل المتداخلين في هذا البوست العامر

    التحية والاجلال والاحترام الجيل الكامل والمتكامل والمؤسس لتاريخ العمل السياسي والاجتماعي والثقافي لجامعة امدرمان الاهلية والذي على اكتافه نشأت وكتملت الجامعة الاهلية كأسم وصرح تعليمي لكل الاجيال القادمة

    حق علينا ان نقوم بجمع وتبويب هذا التاريخ الناصع لجيل قل ان يجتمع في ان واحد وفي زمان واحد جيل ابوسالف والخال صديق محمد توم والشقيق عثمان الشايقي والزميل الجميل جدا ناصر مهدي والقريب من القلب معاوية تاج السر (المضروب ) عوض عثمان ورقيع الاخلاق عمر خلف الله اول رئيس لاتحاد جامعة امدرمان الاهلية

    التوقيع
    خالد حريري
                   |Articles |News |مقالات |بيانات

07-03-2008, 03:44 PM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ابوبكر الامين يوسف)

    سلام للجميع والتحية للزملاء والزميلات تاريخ ثر ونضال وثقافة ورياضة وريادة التحية للبروفيسر المغفور له محمد عمر بشير الذى جمعنا فى هذا الصرح التزم مع الجميع بتوثيق هذا التاريخ
    ياسر جاكسون
                   |Articles |News |مقالات |بيانات

07-03-2008, 09:46 PM

مصطفي سري
<aمصطفي سري
تاريخ التسجيل: 07-03-2007
مجموع المشاركات: 2339

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ابوبكر الامين يوسف)

    الاعزاء ايمن تابر - تلفوني معاك اتصل الان واوع تغمض عينيك -

    بكا يعني طرزان دة فرحانين بيهو شديد كدة عشان في الاتحاد الاوربي وحاجات تانية ، ياخي دة
    مضروب × 5 ، وبعدين بقى (سادن ) وعينو ساحرة ... قول ليهو في فواتير هنا في لندن منتظراه
    جاكسون طبعا كانت في ونسة مجررة ليها خمسة ايام في لندن جمعتنا بالترتيب حسب الاعمار
    ابوبكر ابا ، ناصر مهدي ، مصطفى سري وعوض عثمان - الجربان - ثلاثة ايام عن جاكسون
    والبيت الانيق المضياف في الثورة ومطارادات الامن ، وطبعا جاكسون ومعتز فداسي ومعاوية السر
    هم الوحيدين اللي ما بيقدروا يدسوا نفسهم - لشئ في بدنهم -
    خالد حريري ، واحد قال لي انت حريري دة اتلحس زمان قلت ليهو دة يخلينا نتلحس ويكون قاعد
    وينك يارجل ، انت داير ليك بوست براك عن ايام بكاك والشعر الناجرو داك في الجكس ، برضو
    نحن بتاعين سياسة ..
    ابعدوا عن ظرازان ... تسلم ارواحكم ... وتتطهر صلاوتكم ..
                   |Articles |News |مقالات |بيانات

08-03-2008, 07:22 PM

ابوبكر الامين يوسف
<aابوبكر الامين يوسف
تاريخ التسجيل: 27-04-2005
مجموع المشاركات: 1051

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: مصطفي سري)

    شباب لندن وانا اقول مالي لي كم يوم بتخنق تاريكم مدورين فينا على العموم انا ادري انكم جبتوسيرتنا بالخير الف واجيكم واحد واحدبالعمر ولا0000 ما مشكلة
    ايمن السر صاحب الفلجة الجميلة افتقدك كثيرا يا صاحب في الزمن الصعب يا طالعة من جواى انفاس ولهيب وضجر لطالماتتبعنا لساورادوما تظل مدهشا شكراكثيرا

    مصطفى سرى الرجل المدهش كائن قادم من الفضاء اصول اجداده تننتمي للاله منقرع وامنحتب كما تزعم جميع الفبيلةالتي تننتمى اليها لاتنكر ان هذا الجسد الضخم كان قادي السلك وبنط الحيط ذي ما حاصل شى افتقدك كثيرا مع بعض اللوم من داخلي تجاهك لكن بذكرك لي هنا زال هذا اللوم.

    ابوبكر ابا اجمل من اتي من غرب السودان اتذكر اناقتك كثيرا ورقيك فى لبسك وهندامك حضورك القوى في تاريخ الجامعةماذال باقى

    ناصر مهدي خرطوش الحمام ماذال يوسم ظهرك احبك بقدر ما يشتهي الغرقان شهيق الرجولة والجدعنة قنصل سفارة الثامنة وسفيرها حسن محودمازال صوت نحاسكم يطن في اذني والخيل تمر امام عينى الفروسية والنبل من ضبعك ايها الرايع........
    عوض عثمان ابن مؤلمةصديق حميم سوف افرد لك مساحات بقدر ماهي في قلبي حيالك لكن شوال العدس ماذال به بقية .

    هنالك الكثير من الاصدقاء وتضيق المساحات لكن سوف احاول ان افرد مساحات لكل من تسعفني زكراه بدا بالسناير وصولا بالدفعة ومرورا بالبرالمة اولاد نادوس اظهرواعليكم


    الجميع ذكر المرحوم فخري ونصر الدين الرشيد وسقط من ذكراكم حاتم حيدر ود الفضارف الذي رحل بهدؤ كعادته دوما يرحمة الله

    على مهلي لاني لست كالكبريت
    اضي لمره واموت
    ولكني كنيران المجوس
    اضي من مهدي الى لحدي
    ومن سلفي الى نسلي
    طويل كالمدى نفسي
    واتفن حرفة النمل

    تاريخ الجامعة تاريخ ثر اكتبو ووثقوا .الدعوة ايضا لقيام نفير من الخرجين لتقديم اختراحات لتكملة مسيرة البروف محمد عمر بشير



    ياسر جاكسون














    ياسر جاكسون
                   |Articles |News |مقالات |بيانات

13-03-2008, 03:36 AM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: ابوبكر الامين يوسف)

    رحم الله حاتم حيدر
    الهاديء الرزين الواثق الخطو الصديق الزميل البسيط الانسان ابن هذا الشعب الكريم ، ورحم الله فخري ونصر الدين ..
    هؤلا يا جاكسون معادن رجال حتما التعدين عن مثلها ضرب من الخبول .. لهم الرحمه ولهم بيننا هنا مساحات الذكرى متسع من الود والحنين !
    جاكسون
    ناصر
    إبا
    عوض
    معاويه
    طرزان
    مصطفى
    كل الشباب بدون فرز

    يا ريت لوامبارح برجع .. كان بدون تفكير مشيت ورجعته ليو .. العشم انو بكره فيو ده وفيو اكثر انتظركم جميعا حنينا وشوق .. واكتبوا .. يا رفاق اخيار ويا قبيله ..
    لكم الود
    جاكسون
    هنا شوق لتلك الامسيات .. طعم الاشتها يغص الحلق بعبره لا تجد مخرجا سوى الحزم والرحيل لعوالم لا ندرك منتهاها ..
    هل تنزع سنوات الاغتراب ذلك الوهج الجميل لسر الحياه ..
    لا اعتقد يا صديق كما عهدته .. دائرة قطره تتسع لضم الكثير من الفرح والاصدقاء ..
    اشتاق جدا لامسيه في التاسعه .. القمر بدرا ..
    والشعر والحكي عن حبيبات من ازمان اغريقيه غابره .. وشخير مصطفى وناصر وحسن محمود احب من موسيقى البلوز .. لك الشوق ..
    وشوق اعمق ..
    لزمن تنام فيه ولا تدري ماذا يخبي الليل .. فتسكن لهجعة انتماءك لقبيلة الطيبيبن من اهل الارض وتنام واثقا انا حياتك كلها امانة تضعها في كف صديق ينام بجانبك وكلاكما يحلم بوطن جميل .. هؤلاء كانوا اصدقاء وتلك كانت حياه .. لهم الود اينما كانوا ..
    ودالسر !
                   |Articles |News |مقالات |بيانات

08-03-2008, 08:01 PM

انعام عبد الحفيظ
<aانعام عبد الحفيظ
تاريخ التسجيل: 07-12-2005
مجموع المشاركات: 8738

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: مصطفي سري)

    Quote: ابعدوا عن ظرازان ... تسلم ارواحكم ... وتتطهر صلاوتكم ..






    فسّر يا مصطفى


    حريري وجاكسون وابو بكر يا حليلكم ويا حليل أيام الأهلية

    لازم تكتبوا ذكرياتكم عن الجامعة وأنشطتها المختلفة

    وتحياتي لـ مبارك كنجي
                   |Articles |News |مقالات |بيانات

08-03-2008, 11:04 PM

بابكر التوم
<aبابكر التوم
تاريخ التسجيل: 04-01-2008
مجموع المشاركات: 1580

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: انعام عبد الحفيظ)

    ياجاكسون
    سلامات
    Quote: على مهلي لاني لست كالكبريت
    اضي لمره واموت
    ولكني كنيران المجوس
    اضي من مهدي الى لحدي
    ومن سلفي الى نسلي
    طويل كالمدى نفسي
    واتفن حرفة النمل

    هيجت اشجانا وبكينا ثم بكينا الهم ارحم فخرى واعف عنة وارحمة
    كان نبراسا برغم جسمة النحيل كان يتجتهد فى التعبية فى الاركان
    وطبعا يا جاكسون هو لقطها من ناصر مهدى (كانت فرمالتة )
    اظهر ياتعبان هى كلها 80 كيلو ولو تلفون بس . كمان قال زعلان من
    سرى البععععععععيد داك
    بعدين وين ياسرى وابوسالف واصلوا عشان كلنا منتظرين الملفات الاخرى
    لانكم ترك لكم ملف الاتحاد وانجازاتة وتداعياتة الاخرى
                   |Articles |News |مقالات |بيانات

10-03-2008, 11:37 AM

عبدالحافظ سعد الطيب
<aعبدالحافظ سعد الطيب
تاريخ التسجيل: 07-03-2008
مجموع المشاركات: 959

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: بابكر التوم)

    التحيةلهذة القلعة السمراء
    التحيةنرفعها لمؤسسيها
    التحية للذين وضعوا الساس ورحلو
    وباقين شامخين على جبين الوطن
    التحية لكل الأجيال التى تعاقبت
    واول من حررت هذه البقعة فى الشمال
    التحية لك سرى الرائع التحية لكل رفاقك
    بكل إنتمائاتهم .
    سنرفع ساعدا من اجل هذة السمراء حيث تتوقفوا
    انتم.
    التحيةللجيل الذى واصل عنكم بكل طيفة
    التحية للزملاءالتحية لأبناء التجمع
    والتحية لكل الزميلات بمناسبة 8 مارس
    ولااستثنى احدا
                   |Articles |News |مقالات |بيانات

10-03-2008, 01:02 PM

Nawal giha
<aNawal giha
تاريخ التسجيل: 05-10-2006
مجموع المشاركات: 39

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: عبدالحافظ سعد الطيب)

    آلآخوة ألأعزاء تحية طيبه
    مصطفي كيفك ياملك وكيف الطقم والله انا كنت فاكرة حكاية الطقم دي سري للغايةلاكن يبدو الموضوع ده بعد العرس اصبح دولي.
    وكيف شباب لندن وافتكر القعدة دي كانت فاقدة عناصر مهمه جدآ مثلآ ذى حسن محمود واسامه عباس وناس غادة عمر ومني عبدالرحيم وسلوي عابدين المندهشة دومآ وابدا وشخصي الضعيف طبعآ.
    وياناس الدوحة كيفكم عساكم طيبين وسلام خاص جدآ ليكم ياجاكسون وقدرة وابوبكر ايها الرائع دومآ وابدا اعزائي اجمل اللحظات تلك التي لم نعشها بعد واجمل الايام قادمات.وقولو لطرزان ياخالكلام دةعيب عليك جحا اولي بلحم تورو واصل من هم بالداخل اول.
    وياناس امريكا لكم كل الاشواق والودبشير ابوسالف وايمن السر صاحب المبادرات الجميله كما عودتنا دائمآ ولسه فاكر كان زمان!!!!!!!!!!!! كان زمان علي قول ام كلثوم ويلا يابشير استمر عشان نكمل الباقي ودمتمـ
                   |Articles |News |مقالات |بيانات

13-03-2008, 02:54 AM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Nawal giha)

    نوال جحا
    يا صديقتي من ازمان بعيده ..
    الشوق ليك وللوليدات ..
    Quote: ولسه فاكر كان زمان!!!!!!!!!!!!

    يا نوال
    ام كلثوم وعبد الحليم ومصطفى .. ولسه الدنيا ماشه وما زلت فاكر ، لكن من ما بدا البوست ده وفتح حاجات كثيره فبقت اغنيتي المفضله :
    "والله ايام يا زمان ...!!"
    اكتبي وما تنقطعي يا نوال انا عارف عندك حكاوي كثيره . ..
    ناس لندن ديل شكلهم الكتابه راحت ليهم " وجه ضاحك بي خباثه "
    تحياتي ليك
    ودالسر !
                   |Articles |News |مقالات |بيانات

13-03-2008, 03:14 AM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: بابكر التوم)

    Quote: بعدين وين ياسرى وابوسالف واصلوا عشان كلنا منتظرين الملفات الاخرى
    لانكم ترك لكم ملف الاتحاد وانجازاتة وتداعياتة الاخرى

    قدره
    يا بابكر اخوي لو عندك حكي اخير تحكيو .. بشير ومصطفى ديل انا عارفهم كويس كان ما نجضوها ما بزحوا الاتنين بريدوا تنجيض الحاجات .. دحين احكي حكيك ساي..وبالمناسبه دي انا داير اقول لي كل الناس انو كل الحكي حتى لو اصل بشير او مصطفى في مرحله كده حنقعد مع بعض ونقح كل الحاجات ونارشفه بي طريقه افضل فما في زول يحاول يحصر روحو في حته معينه .. احكوا ووثقوا .. الاهليه دي علم وجساره وتاريخه طويل .. وما تشيلوا هم كل كلمه ليها قيمته وموقعه في رسم خارطة ماضي ببشر بي مستقبل ..
    بابكر انته انتخابات الروابط الاكاديميه دي ما كنته جزء منها خش فيها حتى لو من خلال انجليزي .
    لك الود
    ودالسر !
                   |Articles |News |مقالات |بيانات

11-03-2008, 05:00 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    الفين سلام لحضوركم الجميل و انتوا مجتمعين هنا

    و نحن موجودين يا تابر و نوال
    بس بنقرا و نتابع
    قلنا نخليكم تتونسوا شابات وشباب شوية و تتذكروا الايام الجميلة حتي يتعطر البوست
    و أكيد حا نواصل
    أنا مش قلت ليك يا تابر عايزين بوست طويل و ممهووووول نمشي و نجي فيه بروااااقة
    البوست ده ارشفة نهاية العام ما بتحله


    سري
    Quote: وطبعا جاكسون ومعتز فداسي ومعاوية السر
    هم الوحيدين اللي ما بيقدروا يدسوا نفسهم - لشئ في بدنهم -


    في دي احكي ليكم حاجة أكيد شارك فيها اغلبكم:

    في نهاية دورتنا في الاتحاد 92-1993، و بعد أن تحول الاتحاد الي (لجنة إنتخابات)، كنا نقضي وقت طويل في الجامعة للاعداد لهذه الانتخابات.
    كنا في الاغلب نخرج منها مع ناس (الدراسات المستمرة) مساء

    و في إطار إعدادنا للانتخابات(و التي كانت نموذج ديمقراطي راقي و درس حقيقي في الممارسة النظيفة)، كنا نشرف علي مطابقة كشوفات الطلاب التي تحصلنا عليها رسميا من الادارة لنشرها.

    و في اليوم السابق لنشر الكشوفات كنا قد تأخرنا في الجامعة كثيرا
    و أغلب الطلاب قد ذهبوا
    كانت لجنة الانتخابات تنجز في أعمالها ليوم غد الكبير
    و بقية اللجنة السياسية للتجمع الطلابي و التنظيمات كانوا موجودين لبعض اعمالهم ايضا.

    خارج الجامعة كان تواجد ناس الامن ملحوظ جدا
    عندما شعرنا بذلك قررنا مجتمعين الخروج بشكل جماعي حتي لا يجدوا فينا فرصة
    لانهم لو اعتقلوا عدد من هذه المجموعة وبالاخص المسؤلين من لجنة الانتخابات سيكون تأثير ذلك سالبا بشكل كبير
    خروجنا متفرقين سيتيح لهم (تلقيطنا) واحد واحد
    لكننا مجتمعين ، ما بيقدروا بسهولة.

    خرجنا من الجامعة كل كوادر التنظيمات معا، ومعنا عدد مقدر ايضا من الطلاب
    العدد الكلي كان بين الاربعين و الستين علي ما أعتقد
    كان هناك توافق جميل بين الجميع

    سرنا معا الي أن تجاوزنا (مستشفي الامراض الصدرية) بقليل
    و كانوا حولنا بمواترهم و بكاسيهم في محاولة لارهابنا
    كان شكله موكبا كبيرا، و غريبا جدا!!

    كانوا ينادون علي بعضنا باسمائهم
    و هم كانوا ملثمين طبعا
    و لكننا تعرفنا علي عدد منهم باصواتهم(وهم طلاب معنا)!

    المهم بعد أن تجاوزنا ذلك المكان، تنبهنا الي أننا نحمل معنا كل كشوفات الطلاب النهائية المفترض نشرها غدا!
    هذه لو استولوا عليها ستكون ضربة قاضية لنا.

    تم تشاور سريع بين عدد محدود منا
    و قررنا العودة بكل الموكب للجامعة!

    تصور ذلك الموقف!
    و تخيل ماذا كان تفكيرهم و هم يتفاجؤن بنا جميعا نعود أدراجنا؟؟

    عدنا الي الجامعة
    لم نخبر الجميع بما نعتزمه
    مجموعة محدودة كانت تعرف ما المطلوب عمله

    تفرقنا قريبين من البعض حتي يتاح لمن كلفوا بتخبيئة الكشوفات حيث تم الاتفاق عليه.

    ما حا اقول ليكم خبأناها وين
    بخلي الفرصة لمن يود التخمين
    أو لمن يستطيع أن يتذكر ممن كانوا حاضرين
    طبعا بعد أكثر 15 عام الموضوع ده ما بقي سر
    و لو ما عرفتوا برجع اقول ليكم لاحقا
    .

    علاقة معاوية السر باليوم ده و الموكب، و كيف بيقدر أو ما بيقدر بدس نفسه زي ما قلت يا سري...حا أواصل فيها.
                   |Articles |News |مقالات |بيانات

13-03-2008, 03:06 AM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Basheer abusalif)

    بشير ابوسالف ..
    تحايا الود يا حبيب
    يعني انته ومصطفى دورتو كده كويس فتره وانقطعتو ..
    انا عارف الشباب ديل كلهم عجبهم سردكم الموثق لي احداث كثيره هامه وتاريخيه .. فمثبتين حاجاتهم كلها ومداخلاتهم عشان ما يشتروا موضوعية التوثيق .. فما تنقطعوا ..
    انا غايتو الغربه لحست جزء من ذاكرتي فما تعتمدوا علي .. بعدين احسموا لينا دورتنا الكنا فيها انا اشتغلته مع الشايقي ومعاك واسه كلو جاط (وجه ضاحك يا صديق ..)انا عارف المشغوليات ما تنقطعوا ..
    بالمناسبه التقديمه الجماعيه الجكيته دي اتذكرتها لحظه بي لحظه وقعدته اضحك لانو الجماعه شاغلوا فيها معاويه شديد ..
    بعدين متذكر لسه اصواتهم " يا فلان ما تعمل فيه متدسي انحنا شايفنك " الليله ديك كانت بتشبه شديد ليلتنا انا ومصطفى ةالشايقي والحوليه الاتقطعنا فيها ...
    ليكم جميعا التقدير والامتنان بلا حدود لدعمكم خطوه افترعتها وانا على اتم علم من سيكون خلفها ليكم الصحه والعافيه جميعا ومزيدا من التوثيق .. والويبسايت جاي .. بالمناسبه دي ناس جوه ما شايفهم قالوا حاجه ؟
    ودالسر !
                   |Articles |News |مقالات |بيانات

13-03-2008, 04:07 AM

الخير محمد عوض
<aالخير محمد عوض
تاريخ التسجيل: 25-10-2005
مجموع المشاركات: 3547

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    +A
                   |Articles |News |مقالات |بيانات

13-03-2008, 04:36 PM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: الخير محمد عوض)

    Quote: في الأهلية تعلمنا البساطة........

    لربما لن يستطيع أحد أن يتخيل ذلك ولكن تلك الحقيقة ......... الشارع العام كان في بداية إنطماسته الحالية ، كان هناك الكثير من تغليف الأشياء ، إذ لا شئ واضح..... ولذلك كان جميع الطلاب عندما يعبرون بوابة الجامعة يعودون للسودان الذي كان ....... سودان البساطة والتلقائية ، سودان الأحزاب وسودان السياسة الحرة النزيهة والتي حتى من أراد تشويهها لديه تمثيل داخل الجامعة يحاول أن يمرر أجندته ولكن تأتي الرياح بما لا يشتهي السَّفن ..... كان خطابهم السياسي ( وأعني جماعة المنبر الإسلامي بالجامعة والذين كانوا يمثلون حكومة إنقلاب الكيزان ) به الكثير من الضعف ولذلك كانوا لا يأبهون أن يتركوا تجميل وجههم والظهور بالوجه الحقيقي ..... وجه العنف ...... إليك ذلك اليوم وأحكم فقط وأنت لست ببعيد عن تلك الأحداث ......

    سبتمبر 1995 ، كان شهراً به الكثير من الأحداث ولكن أهمها حريق الجامعة ( الأول) ، كنت قد تخرجت في أغسطس من ذلك العام وذهبت للجامعة في ذلك اليوم لإستخراج شهادة الإكمال لتقديمها للخدمة العسكرية والتي رأي الكثير من الزملاء أن نتقي شر الحكومة ونؤديها........ كانت سكرتيرة القسم ( كاترينا ) قد وعدتني بأنها ستجهزها لي في ذلك اليوم . وعندما وصلت لمكتبها وجدتها جاهزة ، ما علي إلا أن أدفع باقي الرسوم وأخذها .... كنت أري بعض التوتر داخل الجامعة وكان الشئ الملفت للنظر عدم وجود أي كادر من كوادر الجبهة الإسلامية وذلك يعني أنهم يضمرون شراً ...فلقد تعودنا على أساليبهم في ..... الكر والفر..... أذكر أنني بعد أن إستلمت شهادتي كنت أهم بمغادرة الجامعة عندما أتي صديقي أبو عاقلة وقال لي أنهم يتوقعون أن تهاجم مليشيات الجبهة الإسلامية الجامعة ولم أكن ملماً بتفاصيل الخلاف آنذاك ..... وقال لي أن هناك خطة لحماية الجامعة وأنني يمكن أن أشارك فيها . نظرت إلى الشهادات وقلت له " فليكن" . كنا ضمن مجموعة من الطلاب مهمتهم منع أي عربة من الدخول بالبوابة الرئيسية وتأمين جزء من السور حتى لا يستغل الكيزان أنه قصير نسبياً ويعبرونه للدخول للجامعة....... وجدت إحدى الزميلات وكانت تحمل شنطة كبيرة نوعاً ما وأعطيتها شهادتي ووعدتها بأن أحضر في منزلهم المساء لأخذ الشهادات ..... كانت سيارات الجيش والشرطة تحيط بالجامعة من كل صوب و كان كل من يخرج يتم إعتقاله حتى الطالبات ، رأيت من على السور في ذلك اليوم فتيات منقبات يقمن بالإرشاد عن بعض زميلاتهن في أحزاب سياسية معارضة لكي يتم إعتقالهن ... كانت العربات المحملة ببعض المهاويس من الجامعات الأخرى قد وصلت وتمركزت على ناحية المفابر .... قلابات ....هينو ...دفارات وكأننا في حالة حرب ... لم يكن لدينا شئ ندافع به عن الجامعة سوى إيماننا بها .. و مكانتها في قلوبنا ووجداننا. وبعض الحصى والصخور الصغيرة ......كانت العربات و" البكاسي" المشهورة بتابعيتها لجهاز الأمن تحاول الدخول من البوابة الرئيسية بشكل متكرر والشئ الغريب أننا وجدنا أن البوابة مفتوحة على مصراعيها منذ الصباح الباكر ، فكانت العربات تأتي وتحاول الدخول فنحصبها بما تيسر من " الحجار والطوب" فيرجع السائق مسرعاً ..... وعندما يحاول أحدنا أن يذهب لغلق البوابة أيضاً يتم حصبه بالصخور من الجهة الأخرى .... كانت إحدى الطالبات قد جلست على السور وخلعت طرحتها ورفعتها عاليا وهي تقول لهم " اتيتم بالسلاح والسيخ ..... تريدون إقتحام مكان علم ومنارة صمود .... لكم هذه ياجبناء ...." ثم ترفع لهم الطرحة عالياً .... لم نندهش كثيراً عندما بدأ أحد الذين كانوا ضمن قوة الأمن في السباب المقذع لتلك الفتاة وبأسوأ لغة ..... بل تعداها وبدأ في تهديدنا بالنيل منا وأننا اصلاً لسنا من مَنْ يعدون رجالاً ... واشار بأصبعه الأوسط...... عند ذلك الحدث وصلت قوة كبيرة من الإحتياط المركزي ..... تمركزوا أمام المليشيات ...كنا نواصل في منع سيارات وبكاسي الأمن من الدخول عبر البوابة .....ذلك اليوم رأيت شباب يدافعون عن وطن يسمى الأهلية ....كان الموضوع بالنسبة لهم/ لهن أكبر من سياسة فقط ....إنتماء وما أعظمه ..... لا زالت ذاكرتي تحتفظ بتلك الملحمة .... كان البعض يذهب ليأتي لنا ب " الطوب" ونحن نستعمله في حصب الدخلاء ...... فجأة علت صيحة " إنهم يستخدمون الرصاص الحي ..... إستعملوا السور كساتر..." علت صيحة من الجانب الآخر - نفس الشخص البذئ - " والله لو حرشنا ليكم اخوات نسيبة بس بقدروا عليكم " ردت عليه ل. ع. من على السور مرة أخرى " كدي أنت تعال براك بدون العساكر والسلاح ده البشوفكم كده يقول بتحاربوا في حرب التحرير" إستمر ذلك الشخص والذي تمكنت من رؤيته في إطلاق سيل من الكلام الجارح في حق الزميلة ل. ع. كان متوسط الطول بديناً بعض الشئ تمتد مؤخرته للخلف وكرشه للأمام ويبدو كأنه الرقم 4 باللغة العربية وكان يحمل في يده سلاحاً صغير الحجم ويشبه الرشاش وعندما يتكلم يلوح به فرحاً.... لا يمكنني نسيانه البتة ...
    بعد ذلك الحوار بين الأمنجي و ل. ع. بدأت قوة الإحتياطي في التجمع أمام المليشيات ثم أخذوا في الإحماء وبدأوا العدو نحو السور كان كل منا يمسك بمجموعة من الصخور الصغيرة..... كانت قوة الإحتياطي تطلق بعض الصرخات محاولة منها لإرهاب الطلاب الذين صمدوا أمام المليشيات وقوى الأمن المختلفة ..... كانت تعليماتهم على ما أعتقد أن يتجاوزا السور قفزاً وطبعاً كانوا يعلمون أن الطلاب ليس لديهم أي شئ سوى الحصى والأحجار فلذلك كان كل واحد يمسك امامه ب درع من الزجاج المصقول ويهرول ناحية السور .... كان الجميع ينتظر حتى وصولهم في مسافة قريبة وفعلاً بدأنا في حصب القوة ولكن للأسف لم يتراجعوا ... بل رأيتهم يقزون السور وكأنه مقعد في الطريق .... بدأ إشتباك بالأيدي مع قوة الإحتياطي رأيت أحد افراد الشرطة وهو يطارد إحدى الفتيات وهي تتجه ناحية مكتب مدير الجامعة فقررت أن أحاول أن أوقفة ..... كنت أحمل قالبا من الطوب في يدي وهرولت ناحيته كانت الفتاة قد وصلت للباب المؤدي لمكتب مدير الجامعة الخارجي وهو كان كما يذكر الجميع من قضبان حديدية أمسكت الفتاة بيديها على القضبان وبدأت في الصراخ .. رأيت ذلك الشرطي وهو يضربها بالهراوة التي كان يحملها في يده على ظهرها وهي تصرخ ..... وجدت نفسي أمسك بيده وأتشابك معه كان بالفعل أقوى مني فلقد طرحني ارضاً بسهولة ...... وبينما كان يحاول أن يضربني بهراوته إذ أصابته ثلاثة قوالب من الطوب فوقف ثم أخذ يعدو في إتجاه الغابة ليطارد الطلاب الذين رموه . كنت لا ازال على الأرض حينما أتت نفس الفتاة وساعدتني في النهوض ، بعدها سمعت صوت نسوي يقول لي " يا ولد تعال إنت والبت المعاك دي وخشوا هنا" إلتفت فوجدته صوت إحدى المراسلات والتي كانت تعمل في مكتب مدير الجامعة آنذاك عبد الرحمن أبو زيد رحمه الله ...... إقتحمنا المكتب وكان مكتباً فارها به طقم جلوس من ارفع وارقى الأنواع ويتوسط الغرفة مكتب خشبي ضخم به بعض الأوراق والخطابات على ما أذكر فسألنا عن ما حدث فأخبرته بكل شئ وفي تلك اللحظة دخل المكتب مجموعة أخرى تحتمي به مكونة من طالبتين وطالب ولا زلت أذكر أن إحدى الطالبات زميلتنا سلمى بركية ..... امرنا مدير الجامعة بأن نحتمي كلنا بالحمام الداخلي للمكتب والذي كان صغيراً جداً ولكن " النفوس إتطايبت" فحوانا جميعاً خمس أرواح معلقة لم تجني شئ سوى أنها تنتمي لأكثر جامعة تكرهها حكومة السؤ ..... كنا نشاهد من النافذة الصغيرة للحمام ما يفعله افراد الأحتياطي المركزي بالطلاب ... كانوا يضربون بلا رحمة لا يفرقون بين فتى وفتاة بل أن أحدهم كان يجر إحدى الطالبات وهي تصرخ من شعرها ، وآخر كان يضرب أحد الطلاب في منطقة حساسة تلك المناظر البشعة تطاردني حتى الآن ...... عندما كنا داخل الحمام أتت مجموعة أعتقد أنها من الشرطة وأمرت البروف بأن يصدر قراراً بإغلاق الجامعة وأذكر أن البروف قال لهم بالصوت العالي أنه لا يستطيع أن يصدر قراراً كهذا وحده ، بعدها طلبوا منه الذهاب معهم لرئاسة أمن الدولة وقال لهم انه اولاً سيذهب لأقسام الشرطة لكي يفك اسر الطلاب الذين قُبض عليهم وأذكر أنه قال " أنا لازم في الأول أمشي أفك اولادي الموجودين في الأقسام ديل بعدين بجيكم.... وبعدين أنتو كيف تدخلوا بي قوة كبيرة كده للجامعة الجامعة دي ما عندها حرمة .... وخلونا من ده.... مكتبي ده ما عندو حرمة" كان الرجل الآخر يحاول أن يوصل له رسالة واحدة لذلك خرج وقال له " نحن في إنتظارك في الخارج" بعدها خرج البروف وسمعته يقول للمراسلة " خلي المكتب فاتح واعملي فيها إنك قفلتيهو عشان الأولاد الجوة ديل يطلعو بعد ما الجو يهدأ........" أذكر أن المراسلة فتحت باب الحمام وقالت لنا بصوت خافت " إنتظروا شوية يا أولادي لمن أجيكم راجعه" .... وفعلا مكثنا داخل الحمام ما يقارب الساعتين وكنا نراقب ما يحدث من خلال نافذة الحمام حيث رأينا إنضمام المليشيات لقوات الشرطة وممارستهم للعنف ضد الطلاب والطالبات ....... كان يوماً غريباً لن أنساه أبداً علمت بعدها أن قوات الأمن والمليشيات قد هاجموا الطلاب والمحاضرين وحطموا بعض الممتلكات وإقتحموا حمام النساء وأخرجوا كل الطلبة من الجامعة إلى مراكز الشرطة حيث كانت اقسام الشرطة تعج بطلاب وطالبات الأهلية ذلك اليوم....

    بعد أن خرجنا من الحمام جلسنا في المكتب وذلك بعد أن رأينا المليشيات وقوات الإحتياطي تغادر " مسرح العمليات " بطريقة منظمة جداً عبر البوابة الرئيسة ...... كان هناك بعض الشاي في حفاظتين وبعض السندوتشات .... لا أدري لماذا بدأنا في الأكل وإحتساء الشاي .........بعد فترة سمعنا صوت الخالة - المراسلة- وهي تقول " اسمعوا خلاص الجامعة فضت أطلعوا بعد ده ..... كان الوقت قبيل الغروب و لذلك خرجنانتخفي بالأشجار و من خلال السلك إلى العرضة حيث كانت عربات الأمن لا زالت تمشط المنطقة ثم بالمواصلات إلى وسط أمدرمان ومنها تأكدنا من أن زميلاتنا اللائي كن معنا قد استقلت كل واحدة منهن الحافلة أو البص المؤدي لمكان سكنها .........


    سلامي يا ايمن لياسر جاكسون والذي أشتاقه كما يشتاق التسالي للطقطقة......

    ولي عودة اخرى
    اسامة الباز..... طالب سااااااي كدة


    اسامة الباز
                   |Articles |News |مقالات |بيانات

14-03-2008, 07:18 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    و دالسر...ما تخاف حانواصل و نقول البنعرفه علي الاقل
    و أكيد حانسمع كثير من الناس البعدنا
    و أهو زي كلام أسامة الباز ده فيه تفاصيل لازم الناس تعرفها.

    العايز أقوله هنا و مهم جدا، إنه نحن كتنظيمات لم نكن ابدا ضعفاء في مسالة المواجهة و القوة
    و كتنظيمات سياسية كانت لدينا قدرة كبيرة جدا، و استعداد جيد لحماية عملنا التظيمي و كوادرنا و الدفاع عن الجامعة أو الطلاب، و عندما اقتضي الحال في كثير من المواقف واجهناهم بعنف قوي جدا، و هزمناهم كثيرا، لكن من المهم ايضا التأكيد علي حاجتين مهمات كمان:

    الأولي:
    إنه أبدا القوي السياسية الوطنية لم تكن مبادرة الي عنف معهم، و لم تكن صاحبة مصلحة في ذلك،
    وكنا نسعي ما إستطعنا الي تجنب العنف، ليس خوفا، و لكن ثقة في قدرتنا علي الانتصار في الجو الديقراطي ، و ثقة بمقدرتنا علي هزيمتهم في الحوار و المنطق، و صناديق الانتخاب.

    الثانية:
    أن المواجهات دائما لم تكن فقط بين طلاب، و طلاب من طرف أخر، بل كانت، و بشكل مستمر بين التنظيمات الوطنية و الطلاب في صف، وبين أجهزة الأمن بكل جبروتها و أسلحتها، مدعومة بالشرطة التي يسيطرون عليها، و إن استدعي الامر بالجيش كما حدث في عدد من الجامعات، إضافة الي دعم لوجستي كبير، و طابور خامس في قاعات الدراسة(طلاب الاتجاه الاسلامي)، كانت المواجهات في الاغلب بين الطلاب...و الدولة.
                   |Articles |News |مقالات |بيانات

14-03-2008, 08:12 AM

Basheer abusalif

تاريخ التسجيل: 31-01-2005
مجموع المشاركات: 1500

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    وقفت في أخر سرد عن أحداث الجامعة في يوم المواجهة و (الحريق) عندما أعلنت لجنة الانتخابات عن فتح باب الترشيح، و حا أجي أكمل الكلام ده.

    لكن اولا دعني أكمل تفاصيل الليلة السابقة لانتخابات 93-1994.

    بعد أن تم تخبيئة قوائم الانتخابات في داخل الجامعة(سرا)، خرج نفس الموكب من الجامعة مرة أخري بنفس الاسلوب، شقينا نفس الطريق، و نفس المواتر و البكاسي تروح و تجئ حولنا الي أن وصلنا الي شارع (الاربعين)، الساعة كانت تجاوزت التاسعة مساء تقريبا
    كانوا ينادون علي بعض الاسماء بعينها احيانا، و كانوا في الاغلب أعضاء لجنة إنتخابات، معاوية السر كان منها، و كنت انا رئيس لجنة الانتخابات(بحكم أني رئيس الدورة المنتهية)،كان البعض يري أن نتفرق داخل الحارات و البيوت، لكن تم الاتفاق أن يسير الموكب كما هو حتي لا يتمكنوا من الانفراد بالكوادر المؤثرة في يوم غد، و اعضاء لجنة الانتخابات بالطبع،
    أصبح شكل الموكب غريبا جدا و هو يمر في وسط أمدرما علي طول شارع الاربعين، الي أن وصلنا صينية تقاطع الاربعين مع العرضة، و بنفس الشكل شقينا طريقنا الي وسط موقف أمدرمان بالضبط في ميدان البوستة.
    كان هناك رأي ايضا من بعض الاخوان أن نحولها الي مظاهرة بهتافات و مواجهة(وهذا ايضا مما كان يخشاه ناس الامن بشدة) و لذلك سعوا الي تفريقنا قبل وصل قلب أمدرمان بالتهديد، و ذكر الاسماء.
    لكن مرة أخري كان رأي المجموعة التي تتخذ القرار في وسطنا أن نصل الي قلب أمدرمان لضمان عدم إقتحامهم و مواجهتهم لنا، و هناك نتفرق دون مواجهة، كان همنا علي يوم غدا، كان سلامة الانتخابات و نجاحها أهم من مواجهة ليلة واحدة، بالاخص أن قلب أمردما قد بداء يخلوا في ذلك الوقت، و المظاهرة لن تؤتي ثمارا كبيرة.

    معاوية السر هنا كانت مشكلته يتخارج كيف؟
    لانه الناس ديل جابوا اسمه أكثر من مرة، و قالوا ليه الليلة ما بنخليك.
    المخرج أذكر أننا كل الطلاب اجتمعنا في دائرة كبيرة، جلس معاوية في الارض و هو مغطي تماما، غير ملابسه مع أحد الطلاب بسرعة، و خلع النظارة الطبية التي كانت تميزه، كان الاتفاق بين كل الطلاب عند لحظة الصفر نتفرق كلنا و في كل الاتجاهات، كل اتنين أو ثلاثة بالاكثر ياخدوا اتجاه مختلف، وبدون تردد و بسرعة، كانت خطة ناجحة جدا أذهلت ناس الامن بشدة، و فعلا معاوية قدر يتخارج، لكن مشي و ين؟ ما عارف، كانت مسئولية ناسه، المهم مافي زول يبيت في بيته، و تجي بكرة الجامعة مبكرا.

    بالنسبة لي و انا رئيس لجنة الانتخابات، فاني أدين في ذلك اليوم لمجموعة من كوادرنا في حزب الامة بشدة، اعتذر عن ذكر اسمائهم الان(ولكنهم إن قرأوا هذا الكلام بالتأكيد حايتذكروا ذلك اليوم بتفاصيله)، ثلاثة منهم كانوا من الاحباب في الجامعة هم (ع، م، ي) كنا معا في كل تلك اللحظات لم نتفارق أبدا، عندما اقتربنا من منطقة السوق قال لي أحدهم: عليك أن تنفذ تماما كل ما نقوله لك، لم أساله، و في ميدان البوسته و في لحظة التجمع تلك،كانت هناك مجموعة من التكاسي التي تقف عادة أمام ميدان البوستة (مواطنين بلقطوا رزقهم علي أخر الليل، تقريبا ثلاثة اربعة تكاسي (باللون الاصفر) واقفة)، و قبل قرار التفرق، احد الاحباب من كوادرنا ممن كنا معا طلب مني أن أتبعه عندا يتفرق الجميع، و فعلا في تلك اللحظة فتح أحد الاحباب معنا باب أول تاكسي في الصف، طلب مني الدخول بسرعة و هو معي، و مباشرة التاكس إتحرك، مشاققة بهنا و بهناك وسط ازقة أمدرمان بقدرة سواق ماهر طلعنا في الثورة شارع النص، و منها الي حيث قضينا ليلتنا، و الصباح رجعنا الجامعة.
    التاكسي أنا في الاول افتكرته واقف في الصف عادي، لكن لقيت سايقه واحد من ألاحباب، و لقيت بداخله ايضا حبيب اخر(ع) اعتز به و أشكره، علما بان هذا ليس الموقف الاول له معي من هذا النوع.


    كانت ايام أجمل ما فيها هو وحدة الهدف، و وضوحه، و درجة التنسيق و العلاقات الطيبة بين الناس كوادر و طلاب.











    ________________________________________________________________
    كشوفات الانتخابات طبعا مافي زول عرفها إتخبت وين؟
    طبعا كان من الخطورة أن نخبيئها في دار الاتحاد، لانها معرضة للسرقة ايضا بالقوة.

    كانت هناك مجموعة حمامات جديدة تحت الانشاء في الجامعة، مبنية و لها ابواب، لكن ليس بها توصيلات، و مازالت بها أنقاض البناء
    احضرنا احدي الطبل من دار الاتحاد، وضعنا الكشوفات داخل إحدي تلك الحمامات و اغلقناها بالطبلة، حتي لا يستطيع عمال البناء الدخول اليها قبلنا.
    الصباح بدري طلعناها
    و كانت أتنخابات ناجحة جدا، حا.
    نتكلم عنها كثير لقدام
                   |Articles |News |مقالات |بيانات

16-03-2008, 03:38 AM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Basheer abusalif)

    مصطفى وناس لندن الحكايه شنو لا حس ولا خبر ؟!!
                   |Articles |News |مقالات |بيانات

19-03-2008, 11:32 AM

انعام عبد الحفيظ
<aانعام عبد الحفيظ
تاريخ التسجيل: 07-12-2005
مجموع المشاركات: 8738

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    عايزين البوست دا يمشي الربع التاني
                   |Articles |News |مقالات |بيانات

19-03-2008, 12:39 PM

بابكر التوم
<aبابكر التوم
تاريخ التسجيل: 04-01-2008
مجموع المشاركات: 1580

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: انعام عبد الحفيظ)

    شبابناالمتداخلين والبتاوقوا


    سلامات


    اسفين للانقطاع لظروف كتيرة لكن متابعين بشدة لحد الاندهاش


    Quote: عايزين البوست دا يمشي الربع التاني



    طبعا ياأيمن

    لحدى ما نجى للكلام الدقاقة .

    ماناسيك يا ود السر امهلنى شوية
                   |Articles |News |مقالات |بيانات

19-03-2008, 12:52 PM

خضر حسين خليل
<aخضر حسين خليل
تاريخ التسجيل: 18-12-2003
مجموع المشاركات: 15087

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    قريبي تابر
    تحياتي لك ولكل خريجي الأهلية

    كنت قد وعدتك بإرفاق تجربتنا في الجامعة الأهلية فور أن ينتهي أعمامنا (أبو سالف وسري) والخالة جحا (طبعاً دة بحساب الدفعات البينا). وللأمانة سعدت للغاية وأنا أتابعهم هنا وأتمني أن يواصلو وباكر يا أيمن حنجيب ليك الفيهو النصيب ..


    إنعام بالله طلعتي معانا ياخاينة

    سلامات للجميع
                   |Articles |News |مقالات |بيانات

19-03-2008, 01:58 PM

مصطفي سري
<aمصطفي سري
تاريخ التسجيل: 07-03-2007
مجموع المشاركات: 2339

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: خضر حسين خليل)

    اها يا جماعة قلنا نخلي الاخرين يحكوا شوية لاني كنت مشغول
    والشئ التاني وين خالتي نوال جحا ... انا بجيكم بي رواقة
    نحكي ما انقطع من حديث .... والاخت انعام انقلي البوست للربع
    انشاء الله النص ... للعام .
                   |Articles |News |مقالات |بيانات

19-03-2008, 07:54 PM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: مصطفي سري)

    الأخ أيمن
    تحية طيبة
    أتصلت بمصطفى سري يوم السبت الفائت وطلب مني أن أكتب عن بعض الشخصيات في الأهلية .... بدأت بالإستاذ محمد علي حمد رحمه الله لما له من أفضال علينا ولطول المدة وتعدد الحكايات عنه رأيت أن أُبرز جزء منها و لو هناك أي شخص له أي زيادة فليتكرم بها ولو كان هناك أي خطأ فلكم جميعاً العتبى .



    Quote: :- سيرة عظيمة لرجل عظيم

    الأستاذ محمد علي حمد من أعمدة كلية الآداب قسم اللغة الإنجليزية في الجامعة الأهلية ...... قلما تجده فقط يرتدي قميص وبنطلون إذ كان في الغالب الأعم يرتدي فل سوت أو بذلة كاملة..... طويل القامة ما إن تراه حتى يقفز إلى ذهنك صورة اهلنا في الشمالية ويعزز من هذا الرأي الشلوخ التي تزيّن خداه ..... لونه أقرب إلى السمار الشديد يشدك حديثه عندما يتحدث عن الأدب الإنجليزي وعن شكسبير ويصر علينا أن ننطق الإسم صحيحاً ........ كانت صحبته لنا خير صحبة كان المعلم والصديق في آن واحد ....... لا زالت كلماته ترن في أُذنيّ " الناس ديل قفلو نادي الخريجين تاني منهم فايدة ؟ " في ذلك اليوم بكى استاذ محمد على ، بكى وطناً عشقه حتى الثمالة ... بكى كياناً كان من أعضائه منذ تخرجه ..... بكى وأبكانا معه وكانت آخر محاضرة نحضرها له فقد توفاه الله بعدها بأسبوعين ..... بعد وفاته نعاه الأستاذ الأمريكي أنطوني اسكولا في يوم تأبينه. قال سكولا عنه أنه لم يحظى معه بوقت طويل ولكنه شهد له بإجادته التامة للغة الإنجليزية ....... نهلنا منه العلم وأرشدنا إلى حب التعلم ..... أذكر قبل وفاته بيومين ذهبت لزيارته ومعي بعض الزملاء اذكر منهم الأستاذ عبد الله موسى ، وجدناه طريح الفراش ولكنه تحدث معنا كأنه بصحته التي عهدناها به . وأذكر انه طلب من عبدالله موسى قراءة إحدى قصائد شكسبير فلقد كان يعجب بطريقة عبد الله موسى في الإلقاء والقراءة. ولشكسبير معنا والمرحوم قصة طويلة فلقد كانت القصيدة الواحدة تأخذ أربعة محاضرات اي 8 ساعات يقراها استاذ محمد على قراءة متأنية ، ثم يطلب منننا ان نقرأها ويصحح أخطاءنا اللغوية ثم بعد ان يتأكد من أننا أجدنا قراءتها يبدأ في شرح القصيدة . وأذكر إحدى القصائد وهي بعنوان " أطوار الإنسان السبعة" شرحها لنا أستاذ محمد علي في ثلاث محاضرات كاملة .... كان عندما يقرأ إحدى القصائد يتلذذ بها وبكلماتها و بمعناها وبالمحاسن البديعية من تصوير وتشخيص وسجع و تشبيه و..... الخ
    كان أستاذ محمد علي رحمه الله مدرسة بل جامعة بحالها بكاه بعد وفاته حتى طلاب الكليات الأخرى الذين سمعوا به فقط ولم يروه .... كان هو المسئول عن معاينات ما قبل إعتماد القبول في كلية اللغة الإنجليزية ..... وأستاذ محمد علي من مؤسسين قسم اللغة الإنجليزية بإذاعة أم درمان وعمل مترجماً في ارامكو في ستينات القرن الماضي وأذكر انه قد قيل عنه أنه إدخر مبلغا من المال لكي يذهب ويشاهد اوركسترا فيينا ، ويزور منزل وليام شكسبير في انجلترا .... وكانت له مكتبة ضخمة من الإسطوانات لكبار الموسيقيين تبرع بها كلها للقسم الإنجليزي بإذاعة أم درمان ..... أبلغ ما قاله لنا عن التعلم " يمكنك بالقراءة وإستيعاب أكبر كمية من الكلمات الإنجليزية ، يمكنك أن تتقن اللغة الإنجليزية " وضرب لنا مثلاً بكوب فارغ تبدأ في ملاءه بالماء فإذا إمتلأ فإن الماء يخرج خارج الكوب وبيّن لنا أن الماء هو اللغة والكوب هو العقل والعلاقة هي التشبع .......

    كان يشارك الطلاب في معظم النشاطات بل ويقدم لهم بعض الحلول والإقتراحات .......وكان اكثر شئ يكرهه لعب الضمنة والكوتشينة ويستغرب كيف يجلس الواحد اكثر من ساعة من غير أن يستفيد من وقته ..... تخصصه الأصلى كان الرسم أو الفنون الجميلة فهو رسام من الدرجة الأولى ..... وأذكر في مرة من المرات أنه قال أن المدرس الجيد لابد ان تكون لديه بعض المهارات في الرسم وخصوصاً مدرسيّ اللغة لمستويات المبتدئين.... وأيضاً كان من الذين يتداوون ويُداوون بالأعشاب الطبيعية ... كانت مهاراته متعددة تجعلك تحس بأنك بعيد جدأً عن هؤلاء العمالقة .....
    كان محاضراً من الطراز الرفيع يحب اللغة ويحثنا على تعلمها بل وإتقانها ، وكنا جداً محظوظين إذ أنه واصل معنا في السنتين الأُول - اولى وثانية - وعن شكسبير أيضاً في مرة من المرات قال لنا أن بعض المؤرخين قالوا أن شكسبير هاجر من موطنه الأصلي ستراتفورد إلى لندن لكي يهرب من حكم عليه بسرقة غزال !! قال لنا استاذ محمد علي أنه سعيد جداً - إن كان ذلك الكلام صيحاً - أن سرقة غزالاً تسببتْ في ميلاد كاتب مثل شكسبير !!!

    حقيقة لو كتبت كتاباً كاملا عن استاذنا الراحل محمد علي حمد لن اوفيه حقه ولكنه سيجد حقه كاملاً عند مالك الملك وسيقتص له ممن تسببوا في شعوره بعدم الحيلة والظلم قبل وفاته ..

    * له مسرحية باللغة الإنجليزية إسمها " الرسائل الثلاث " لا أدري هل نُشرت أم لا ؟ "

    الهم ارحمــــــــه واغفر له واسكنه فسيح جناتك وألحقنا به في عليين......

    لي عودة مع شخصية أُخرى

    اسامة الباز
                   |Articles |News |مقالات |بيانات

21-03-2008, 06:24 PM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: مصطفي سري)

    Mustafa
    Quote: والاخت انعام انقلي البوست للربع
    انشاء الله النص ... للعام .

    I did already yam Mustafa
    Keep it up
    regards
    Aymen
                   |Articles |News |مقالات |بيانات

20-03-2008, 04:39 AM

خضر حسين خليل
<aخضر حسين خليل
تاريخ التسجيل: 18-12-2003
مجموع المشاركات: 15087

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: Aymen Tabir)

    تخليداً لمدينة أم درمان في عيدها المئوي وتحقيقاً لتطلعات رواد الحركة الوطنية التي أعلنوها عام
    وإسهاماً في نماء السودان بتوسيع قاعدة التعليم العالي
    نضع حجر أساس
    جامعة أم درمان الأهلية
    اليوم الإثنين 13 جمادي الأخر 1408هـ الموافق الأول من فبراير 1988
    أزاح الستار
    أحمد علي الميرغني
    رئيس
    مجلس رأس الدولة

    هكذا يقول حجر الأساس : نقطة فلستوب
    وبيننا أجيال وأجيال

    حكاية (جيتنا)

    يونيو 1995

    تقدمت ضمن من تقدمو للإلتحاق بجامعة أمدرمان الأهلية وكان يعلونا يومها بعض من غبرة ورهق كوننا قادمين لتونا من معسكرات الدفاع الشعبي سيئة الذكر في وقت أصبحت فيه هذه المؤسسة بوابة الدخول للجامعات السودانية في زمن المشروع الحضاري ودولة الإسلام الفتية وشعارات تلك المرحلة التي كانو يلوكوها صباح مساء .



    تم قبولنا في كلية الإقتصاد والعلوم الإدارية ولكم كان فرحتي يومها كونني أصبحت من ضمن من تشملهم مفردة طالب جامعي !!!
    والحديث عن الأهلية هو حديث عن تجربة حياةٍ بشتي مناحيها سياسيها وعاطفيها وثقافيها وإجتماعيها وربما لن أبالغ أن قلت رياضيها .
    ظللت متابعاً لهذا البوست منذ أن إفترعه العزيز تابر ويومياً كنتني أتلصص وأنال كوتتي من هذا العشق الأبدي أقرأ ولكأنني حينها داخل الثلاثين فدان التي ظللنا نحررها شبراً إثر شبر من مجموع مليون ميل مربع جلس في منبرها الطغاة ومصاصي الدماء وسارقي قوت الشعب واضعين الساق بالساق .
    أكتب وفي البال تحيتنا في الجبهة الديمقراطية يومذاك :
    فالتحية بدايةً لروح البروفسير محمد عمر بشير ذلك المتفرد الجزل المعطاء وهو يرقد آمناً مطمئناً خارج أسوار الجامعة التي لطالما حلم بها . والتحية مثني وثلاث ورباع لمن غادرونا في مشوار الحياة بعد أن نحتو أسمائهم بأحرف من نور في سماوات وطننا الصغير بروفسير فاروق كدودة وفي البال ظهيرة ذاك اليوم الذي كان فيه قاب قوسين أو أدني من الموت شهيداً داخل مكتبه ذلك حينما قام مجموعة من شذاذ الآفاق وصبية الأمن بحرق مكتبه وهو بداخله .
    أكتب وفي البال الأستاذة عائشة حسن محمد عميد شؤون الطلاب (1999/2000) تلك الصادقة الأمينة ......
    وعائشة تلك من صلصال رحيم صلصال (لايوجد فيه بذر عنف) كثيراً ما كثيراً ما حادثتها وحادثتني بقلب أم لا بقلب (وصية) حاولت مابوسعها لفك حظر إتحاد طلاب جامعة أمدرمان الأهلية بعد حظره من قبل وزير التعليم العالي آنذاك إبراهيم أحمد عمر .
    أكتب وفي البال الأستاذة القديرة إحسان عميدة شؤون الطلاب بالإنابة ومواقفها الواضحة تجاه قضايا الطلاب
    أكتب وفي البال الأستاذ القدير حسن علي عبيدي مسجل كلية العلوم الإدارية وهو يلتحق بالرفيق الأعلي
    أذكرهم اليوم والسلام لأرواحهم الطاهرة وأنحني لهم إجلالاً وتقديراً لجل ماقدموه من أجل الجامعة الأهلية ومن أجل جامعة غنية المحتوي متعددة المنابر ذلكم الشعار الذي لكم طرحته الجباه الديمقراطية في برنامجها وفي منابرها المتعددة .

    كان نهاراً قائظاً من صيف الخرطوم والحافلة الصغيرة تقلني ومجموعة من طلاب الجامعة من موقف السوق العربي نحو الجامعة الأهلية ’
    إنتباني شعور عجيب يومها وسائق الحافلة والكمساري يتجاذبان أطراف الحديث مع الطلاب في مودة ولطف بالغين , وصوت مصطفي سيد أحمد ينطلق (شحماناً) ليضيف لذاك الجو المشحون أصلاً بعضاً من بهار .... شعور بالخجل كان ينتابني مثلي مثل أي برلوم جديد كنت أرتدي يومها بنطلون جينز (كونس) وتي شيرت وحزاء جديد لازلت أحس ضيقه كلما إشتريت حذاءً جديداً
    الحافلة كانت تتوقف كثيراً بسبب الزحام الذي يكون مصدره دوماً (عسكري مرور) يقف عند الكوبري القديم حيث كان وحيداً يومها (لاكبري صغريوني يعينه كما الحال اليوم) . وضابط صغير السن داخل عربة كورية الصنع يتصيدون المواطنين من سائقي المركبات العامة والخاصة تحت دواعي الترخيص وغيره من الأتاوات .
    ماعلينا !!!
    تزحف الحافلة ببط ْ ويخرج صاحبنا الكمساري ليذهب مباشرة لدفع قيمة الإيصال ويعود سريعاً ولكأنه أمر مألوف . يتضجر السائق ويتحدث بغبن
    والله كرهونا البلد عديل
    ونواصل
                   |Articles |News |مقالات |بيانات

20-03-2008, 04:43 AM

خضر حسين خليل
<aخضر حسين خليل
تاريخ التسجيل: 18-12-2003
مجموع المشاركات: 15087

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: خضر حسين خليل)

    شجيرات صغيرات لم يبلغن الحلم بعد وسور قصير وبائعات الآيسكريم أو الدندرمة للقرويين من أمثالي يومها وأخريات يبعن الطعام ... بعضهم يبيعون الماء المثلج . وأطفال ورنيش هنا وهناك
    وبنات جميلات حد الدهشة (جديدات) كأنهن خارجات لتوهن من مصنع الحياة ....
    تري من أين تقذفنا الحياة بهذه الكائنات
    أتقدم في ثبات نحو بوابة الجامعة بعد أن أملأ عيناي من من هذا الجمال المسكوب

    بيانات وملصقات كثيرة كانت تملأ البوابة الخارجية شعارات تناهض السلطة .... مطالبات بإطلاق سراح بعض المعتقلين من الطلاب ..... الموت والدم لكلاب الأمن ... شعارات أخري من روابط إقليمية ترحيباً بالطلاب الجدد ( والذين هم سيادتنا) .
    لو سمحت ياخ ممكن توريني مكتب القبول بي وين ؟
    تمشي لحدي البوابة الغربية هناك حتلقي الكشوفات معلقة .
    وجدت إسمي من أوائل المقبولين في كلية الإقتصاد والعلوم الإدارية ووجدت إعلان آخر عبارة عن مناشدة للإسراع في إستكمال التسجيل .... ذهبت من هناك مباشرة لمكتب المسجل ومنها أخبروني بضرورة إجراءات الفحص الطبي . وهناك وجدت القوم .... أبناء دفعتي الذين قضيت معهم أجمل سني العمر وبنات الناس اللائي رافقننا في مشوار تلكم السنوات بصبر علي ما إبتلاهن به رب العالمين .
    سريعاً ما تعارفنا أنا والمدعو مشاكس وصديق عزيز يدعي عبد الإله محمد الريح من أبناء عطبرة وربما ماساهم في ذلك تشابهنا في الفقر وسيما القري الواضحة علي وجوهنا يومذاك .


    قليلاً قليلاً والثانية عشرة تطرق الأبواب ساد هرج شديد من قبل طلاب كانو يعدون لقيام ركن نقاش
    ياوالدة يامريم ياعامرة حنية
    أنا عندي زيك كم ياطيبة النية
    بشتاق ومابندم
    إتصبري شوية

    شاب يحمل في وجهه كل قسمات الصبر والصمود وفتاة تشاركه في قراءة الشعر كان ذلك بالنشاط القديم تقدم المتحدث الأول والذي فيما بعد سيكون أستاذي في التكنيك .
    كان يشبه فلادمير إيليتش بلحيته يلبس نظارة طبية تفوق سنوات عمره وبنلطلون جينز وقميص أبيض كان ذلك الشاب هو ذات الشاب الذي حوكم بتمزيق المصحف الشريف . كان ذلكم هو الخلوق شهاب الدين علي يوسف إبن مدني تحدث بموضوعية وبهدوء عجيب حيا الحركة الطلابية وشهداء الديمقراطية حيا الطلاب ودعاهم للإلتفاف حول إتحادهم والمساهمة فوز الإتحاد في دورته القادمة . تحدث حديثاً للأمانة أعادني لذكريات الثانوي بمدينة كوستي في مدرسة القوز الثانوية . تحت شجرة الجميزة الكبيرة التي تتوسط الداخليات .
    وهكذا كان أن أستقبلتنا الجبهة الديمقراطية ولسان حالنا يقول يومها (لينا زمن نفتش ليك وجيت الليلة كايسنا) تجربتي في الجبهة الديمقراطية في الثانويات لم تتعد التعرف عن قرب علي برنامج الثورة الوطنية الديمقراطية وبعض تظاهرات طلابية كنا نقوم بها بين الفينة والفينة ’ وتلك فترة كانت السلطة فيها في عنفوان شبابها وبطشها وتنكيلها بالمعارضين السياسيين تزجهم في سجونها بالشهور والسنين هذا إذ لم يتخلصوا منك في أحدي بيوت الأشباح .
    فور بداية العام الدراسي تقدمنا بطلب إنضمام للجبهة الديمقراطية فقد كان خيارنا الذي إخترناه منذ ولوجنا للجامعات السودانية .

    إنعقدت الجمعية العمومية لإتحاد الجامعة الأهلية وهي للتاريخ كانت أول جمعية عمومية نحضرها لإنتخاب أعضاء إتحاد جامعة أمدرمان الأهلية وآخرها في ذات الوقت .
    كنت ضمن إحدي أتيام الحماية في ذلك اليوم العصيب أتزكر (معتز صعايدي ) وهو يوجهنا بصرامته المعهودة ومعه (محمود الوحش) تري أين هذان الشابان الآن ؟
    مسرح الجامعة يكاد يختنق من الوجود الطلابي تلاحم مابعده تلاحم بين القوي السياسية الوطنية والطلاب الشرفاء .... دوريات الشرطة تحاصر الجامعة من كل الإتجاهات ولاندكروزرات الأمن تفعل في البدع خارج أسوار الجامعة الحركة الإسلامية .. والمثير في الأمر أنه وبعد إنتهاء الجمعية العمومية والتي فاز فيها التجمع الطلابي بالإجماع لغياب لستة مضادة وأذكر جيداً أن الإتحاد الجديد والذي أتي في رئاسته الشقيق مجدي عبد المنعم . في ذاك المساء خرجت جموع الطلاب بعد أن صادقت إدارة الجامعة علي شرعية الإتحاد ومن ثم لتدخل الجامعة في أحداث عنف سنأتي لتفاصيلها لاحقاً .
                   |Articles |News |مقالات |بيانات

23-03-2008, 10:50 PM

مصطفي سري
<aمصطفي سري
تاريخ التسجيل: 07-03-2007
مجموع المشاركات: 2339

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: خضر حسين خليل)

    ايمن ، سلامات
    البوست دة خليهو فوق لاننا نتواصل معاه ...
                   |Articles |News |مقالات |بيانات

25-03-2008, 04:32 PM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: مصطفي سري)

    توثيق :جامعة أمدرمان الاهليه : منارة علم وقلعة صمود
    فوق
                   |Articles |News |مقالات |بيانات

25-03-2008, 04:33 PM

Aymen Tabir
<aAymen Tabir
تاريخ التسجيل: 02-12-2003
مجموع المشاركات: 2609

للتواصل معنا

FaceBook
تويتر Twitter
YouTube


Re: توثيق :جامعة أمدرمان الاهليه : منارة علم وقلعة صمود (Re: مصطفي سري)

    (عدل بواسطة Aymen Tabir on 25-03-2008, 04:36 PM)

                   |Articles |News |مقالات |بيانات


[رد على الموضوع] صفحة 2 „‰ 3:   <<  1 2 3  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de