|
Re: مضى نصف الزمن ... او باقي من الزمن ... (Re: مصطفي سري)
|
Quote: نابري ، يا صاحب كيفك رسلت ليك التلفونات وما رديت ، المهم ، دة ما الموضوع عشان الزمن
في الخرطوم تسأل اي شخص عبر التلفون عن الاحوال يرد عليك بسؤوال ، اها اللي بحصل شنو او اوكامبو جاي متين - عديل كدة يفتكرون انو اوكامبو جاي الخرطوم ليعتقل او يقبض على البشير- وهذا سببه الاعلام الرسمي والصحف وللاسف كتاب الاعمدة في تلك الصحف والحكومة كلها تتحدث عن ان شخصاً اسمه اوكامبو هو الذي يطارد البشير ، مع ان اوكامبو هذا تقدم الى محكمة كمحامي - هنا هو مدعي - يتهم عمر حسن البشير الذي يشغل منصب رئيس جمهورية السودان بجرائم ، كان من الافضل ان تقوم الحكومة بارسال وفدها الى لاهاي وتقليب وجهات النظر ، والعمل بدون هذا الضجيج ، وان تدابر امرها بهذه الوجهة ، والمتهم برئ حتى تثبت ادانته
|
تعرف يا جُك سادة الأنقاذ لا يشعرون بانسان البلاد ولا يقدرون المسؤلية وكثير من المواطنين مساكين وضايع في الرجلين بغباء الساسة والسياسيين وما يحدث الأن في السودان محصلة لما يحدث من سنين بعيدة وجميعهم يعرف الكارثة لكن لأ احد يتحمل المسؤلية بل يجبرن المواطنين لدفع الفاتورة كويس انو في ناس بيفتكروا انو اوكامبو ذات نفسو جاي يا حكومة يا صاحبي وحياتك في ناس ما سمعوا بيهو ذاتو ولو حصل ضياع بيضيعوا وهم ما فاهمين ايتها حاجة .
تعرفي اتذكرته ليك شهوات مريد البرغوثي دى :-
شهوة لبلاد تطالب ابناءَها باقل من الموت جيلا فجيلا وفيها من الوقت وقتٌ نخصصه للخطايا الحميمه والغلط الادمى البسيط وزحزحةِ الافتراض البطوليِّ عنّا قليلا فمسكينةٌ أُمَّةٌ حين تحتاج كلَّ البطولات من كلِّ أبنائها وتعيش الحياةَ قتيلا قتيلاً ** شهوةٌ لبلاد تقل الاناشيد فيها وفيها نعود الى نمنمات احتياجاتنا العابرات بلا خجل او ندم.
وللأسف تبقي حقيقة كلمة صالح الضي (رحمه الله)
خليك مع الزمن .
ـــــــــــــــ بخصوص التلفونات والقصص ديك والذي منو أنا وصاحبك الكُجنكه ده كتبنا ليك رد طويل عبر ماسنجر سودانيز دي واول ما اديناهو امر الارسال لقينا المنبر اتهكر ههههه يعنى رسالة الرد تمشي تشوفه عند الهكر او عوضك علي الله .
|
|
|
|
|
|
|
|
|