|
|
|
 Re: يا مارى عند الاصيل ( ابو على )...المعاهو منو..؟! (Re: أبوذر بابكر)
|
Quote: ازيك يا محمد
كيف الحال يا زول يا نغم
طولنا من تجلياتك البتفيض جمال والله
أنا من الناس المهووسين بحسن عطية والله يا محمد
هو وعبد الحميد يوسف وعبيد الطيب عندهم قدرة تطريبية ما عادية ابدا
وقبلهم أكيد طبعا ابو داود
اكتر زول خلانا نسمع ونعرف حسن عطية على حقيقته الخالدة ابدا
هو عمنا المرحوم الأستاذ النو، والد الموسيقار السمح عثمان النو
كنا أنا وحبيبى بدر الدين ابو العاص وصديقنا أحمد "الدحيم" اخو عثمان الصغير
نتحولق دائما فى العصارى مع عمنا النو عشان يحكى لينا عن حسن عطية
ومرات كتيرة بيرضى علينا ويدينا كم مقطع من أغنياته
وبالمناسبة يا محمد
الزول الوحيد فى العالم كله البقدر يغنى أغنيات حسن عطية
وبنفس الطريقة هو عمنا النو عليه رحمة الله
وبإعتراف وقبول حسن عطية شخصيا
وأكيد ناس كتار بتذكرو لما عمنا النو طلع المسرح فى نادى المصارف فى ود مدنى وغنى مع حسن عطية
ومن ايامها ديك مسكنا فى ابو على وبقينا صرعى عشق صوته مع الأداء العجيب والتطريب العالى |
الجميل ابو ذر..
ليم وحشه ياخى و لينا زمن من حروفك الشفيفه و المعبره جدا..
شكرا و انت تحكى لنا هذه الذكرياات الجميله و التى استدعتها
يا مارى عند الاصيل و صوت ابو على الطروب..
حتى قريب جدا كنت لا استمع لصوت حسن عطيه و لكنى اكتشفت اخيرا
اننى كنت على خطا كبير و خصوصا بعد ان اعطيته فرصه لاسمعه بتروى
و فعلا وجدت ان الزول يملك ادوات و ملكات تطريبيه ما عاديه ابدا
و يحتاج ان نسمعه بهدوء و بدون ضوضاء..
المعروف عن حسن عطيه انه اول من تغنى بالاذاعه و كانت بدايته باغنيه
عبد الرحمن الريح خدارى و ذلك فى العام 1940 و ذلك حسب ما ذكره هو بنفسه
فى لقاء معه مع الراحل ابو العزائم...
Quote: عايز منك طلب عزيز يا محمد
أغنية "حبيب عمرى"
حبيب عمرى
انت لى كل شى
ما كان ده يكون
لو جدت على
يا حبيب عمرى
قدر ما بحت وكوست ليها لمل لميت فيها كلو كلو
وأكيد انت عندك الخبر اليقين
والله يا محمد كان "جدت" بيها على
قلبى يكون رضيان عليك دنيا وآخرة
وليك المحبة الكتيرة الإنت عارفها |
الاغنيه موجود معى و ساعود بها هنا ان شاء الله و قول ربنا
يدينا الوقت..
تسلم يا ملك و شكرا للماخله الثره و القيمه جدا...
يديك العاافيه...
| |
 
|
|
|
|
|
| |
khaleel
أبوذر بابكر
د.محمد بابكر
Osman Musa
فيس بوك
تويتر
انستقرام
يوتيوب
بنتيريست