عجباً، هُدًام المساجد يدعون لثورة المساجد

Quote: كذبت دي كبيره يا الشفيع بيشهد لي البورد ده على مدي عشرة سنوات لم يقلها أحد في حقي وتشهد لي الرياض على مدي ثلاثة عقود... تجي تقولها لي اليوم؟

إنت يا الشايقي طلعتني كضاب ونصاب عدييييل!!!!؟؟؟؟؟
ده كان كلامي الانت اقتبسته وجبت منه اسنابشوط

Quote: أنا يا عاطف أعتقلت وزرت ما يسمى ببيوت الأشباح وأحلت للصالح العام

ثم سألتني سؤال مباشر وجاوبت ليك

Quote: أحلت للصالح العام بعد حوالي 3 أو 4 اشهر كما أظن بصيغة"تم تصنيفك كفائض عمالة ....."

ثم تجي اليوم وتدورها بالاحمر وتسالني تاني:

Quote: هل تمت إحالتك للصالح العام كمعارض أم فصلت للغياب عن العمل بعد أن حضرت للسعودية من قولة تيت دون إستقالة؟

ده يعني شنو في ذمتك الح ياكلها الدود غير اني انا الشفيع وراق اكبر نصاب وكضاب
ودي يا الشايقي ما اول مرة تساككني في الحتة دي
سألتني تلاتة مرات
الولى جبت ليك روابط ردي
وهنا الاتنين التانيات







شوف يا الشايقي
انا كنت منتظرك تختها لي عديل كده، يا الشفيع انت كضاب
لم تعتقل ولم تحال للصالح العام
زهجت من البلد وجيت السعودية وفصلوك بسبب الغياب

ولمعلوميتك
انا اعلم انو الكلام ما طالع منك
واعلم من يلقنك
واعرفه شخصياً
ولو هو عنده (كلام)، ما يعمل حركات النساوين ويجيني يواجهني عديييل، وقبل فترة قابلته في المستشفى مع زوجته
وعشان نريحك ونريحه
انا الشفيع وراق
اقسم بالله العظيم وبكتابه الكريم اني تمت احالتي للصالح العام بموجب خطاب رسمي، ومكتوب فيه "انه تم تصنيفك كفائض عمالة وعليك مراجعة .... في خلال ستة اشهر"
وعلى ما اظن الخطاب ما زال موجود، بس قد يحتاج لبحث، وللمعلومية انا كنت مهندس الاستوديو الوحيد في ذلك الوقت
اما كلامك الغثاء عن نشاطي المعارض وسبب الاعتقال، فده شعر لا انت ولا من لقنك عندو ليهو رقبة، وهو نشاط لا افتخر به ولا ارغب في التحدث عنه، فقط اعلم ان نقابتنا تكاد تكون الجهة الوحيدة العارضت الانقاذ من اول يوم، ونفذت اضرابات معلنة بصيغة الـslow down