سأبدأ بالأقلهما سوءاً وسوف نتدرج حتى نصل للوظيفة التي أعتبرها الأكثر سواءاً في العالم بتعرفوا { القشة } التي ينظفون بها الأسنان ؟؟ هذه هي الوظيفة الأولى لدي صديق يعمل مع شيخ خليجي كبير وله قصر حدادي مدادي نذهب للكوتشينة مع هذا الصديق وننام في هذا القصر والله لو قلت ليكم ماذا يعمل هذا الصديق لاستغربتم كثيراً والمدهش أن راتبه فوق الستة آلاف ريال وينزل له شهرياً دون أن ينقص هللة واحدة هذا علاوة على الاكراميات التي تنهار عليه كما المطر الغزير في بداية الخريف والعبد لله محدثكم مهنته مهندس زراعي ومفلس للطيش كل وظيفة صديقنا حينما يأتي هذا الشيخ للقصر ويأكل لحمة فإن مهمته أن يمد له { القشة } لينظف بها أسنانه بينما يكون الشيخ خالفاً رجليه الأثنين والمدهش أنه ينتظره حتى يكمل تنظيف الأسنان ومن ثم يأخذ القشة المستعملة ليبدلها له بأخرى وربما لايزوره الشيخ بعدها في القصر لأكثر من ستة أشهر !!!!
الوظيفة الثانية أمير خليجي ورأس مالي كبير ولاعلاقة له بالسياسة كل شغله شركات ومؤسسات ويزور المواطنين كثيراً 00 زيارات خاصة ويوزع عليهم الكثير من الأموال والهدايا أكثر ما يدهشني ان جميع المواطنين الذين يزورهم يتحولون بقدرة قادر وبين ليلة وضحاها يتحولون الى شعراء فطاحلة فكل أحد منهم يكتب قصيدة سرعان ما يصل الى جيبه عشرون الف ريال أو يزيد والقصيدة يشهد الله حينما تقراها تصيبك بصداع حاد وآلام في المفاصل ووجع في القفص الصدري وفي اليوم الذي يقرر زيارتهم ينصبون الخيام في كل الطرق التي يأتي بها وكعادة البدو فإنهم يقدمون القهوة لكل ضيوفهم وهذا الأمير لديه أحد يركب خلفه مباشرة وكلما صبوا للأمير فنجان يقوم بتمريره لأخونا صاحب الوظيفة المعني فيكرطع الفنجان في شفطة واحدة وحينما تنتهي الزيارة يكون هذا الرجل قد شرب ما لايقل عن برميل قهوة ويقال أنه يتقاضى أكثر من عشرة آلاف ريال شهرياً
ناتي لأكثر الوظائف سوءا وهي تتعلق بولي العهد البريطاني الشين الأمير شارلز غايتو انا ماعارف ليه { الليدي ديانا دقست لهذه الدرجة } ؟؟ المهم هذا الرجل لديه واحد متخصص في أخذ { الفسحة } منه يعني هذا الشارلز لايأخذ فسحته للفحص بنفسه بل هناك موظف يتقاضى آلاف الجنيهات نظير أخذ الفسحة بعد ان تقول الطبيعة كلمتها في حق الأمير
اها لو لديكم وظائف غريبة أو أكثر غرابة فلتكن هنا
01-29-2012, 08:26 AM
اساسي اساسي
تاريخ التسجيل: 07-20-2002
مجموع المشاركات: 16468
ود الصايم تحية يا خي انت صورتك دي لوحدها بوست جميل لكن للأسف ما بتأكلك عيش مع الجنس اللطيف !!!
مرة واحدة ايام الجاهلية حينما كنا نشجع قريش وجدنا عنوانها باحدى المجلات قوم يا ابوحراز اتعاور ورسل ليها صورتك لكن ماشاء الله الزولة طلعت ظريفة جداً ردت لينا طوالي بعد اسبوع والجواب مكتوب فيه { قابل للكسر } فتحت الرسالة بلهفة لأجد أن بضاعتنا ردت الينا صورتي نفسها رجعوها لكن قددت العيون بمسمار حاد بالله شوف ليك حقد بتاع نسوان !!!
قال حبيبتي بتول قال !!!
أما صديقي فقد كان يدعي بانه أكثر وسامة وقال لي ساجرب أنا هذه المرة وبالفعل أرسل صورته اليها وكالعادة تعجبك في الرد السريع وبرضو مكتوب { قابل للكسر } !! زولك فتح بلهفة تغلب لهفة ابوحراز 8 صفر ووجدنا صورته ردت اليه ولكن لم تقدد له عيونه لأننا اصلاً لم نجد العيون فقد قطعت رأسه وتركت له الرقبة والزراير !!! المشكلة أن هذا الموهوم مازال يصر على أنها معجبة بوجهه !!!!
01-29-2012, 09:04 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
Quote: اسوا وظيفة هى التملق لاكل العيش وخاصة عندما تكون غير مقطنع بالبتعمل فيهو وده للاسف ممارسة الكثيرين من الارزقية
والله هذه مشكلة كبيرة ان تتملق لتصل الى ما تصبو اليه رغم عدم قناعتك بما تقوم به من أكثر المهن التي تدهشني واستغرب لها هي مهنة السماسرة يعني الواحد يطلع الصباح بدري لابس جلابية بيضاء وماعندو حق المواصلات يرجع البيت المغرب ومعاه 4 الى خمسة مليون
لكن من الوظائف المضحكة واحد قريبنا مترجم ومالقوا ليهو وظيفة بهذا الاسم والمستشفى كان محتاج ليهو شديد أخيراص عينوه على وظيفة { داية } !!!
قال عودة طوعية قال انت اظنك قاصد {صلاح غريبة 00 الرياض }
انا فعلاً رجعت بعد ماكلمونا بوظائف في السودان وبعد المؤهل تكون حافظ خمسة أجزاء انا هنا سنتين دخلت حلقة تحفيظ وحفظت الخمسة أجزاء هذا غير الله أكبر 00 لو شفتك ساي عترت ليك طوبة تلقانا أقول ليك { الله أكبر } يعني مشينا جاهزين موية ونور وفي النهاية أخذوا بنات سمحات والواحدة { طلع البدرو علينا } ماحافظاها
هذا من ناحية ومن ناحية أخرى ضيقت علينا { ست النفر } الخناق وقالت الرجال في السودان كلهم عينم طايرة يللا أتخارج أمشي لي بلد العبايات والصلاة دي تنق وتنق وتنق فينا لحد مارجعنا تاني وفعلاً نحن هنا اليوم كله على وضوء والمشكلة انا لي أكثر من 45 يوم من رجعت من السودان هل تصدق ما شفت اي { مرأة } حايمة الا في التلفزيون !!! الواحد بس يقول الحمد لله فقد أخذنا عقابنا بما يكفي في الدنيا والآخرة !!!
01-29-2012, 09:22 AM
ALZOLZATOO ALZOLZATOO
تاريخ التسجيل: 03-14-2002
مجموع المشاركات: 4216
Quote: والعبد لله محدثكم مهنته مهندس زراعي ومفلس للطيش كل وظيفة صديقنا حينما يأتي هذا الشيخ للقصر ويأكل لحمة فإن مهمته أن يمد له { القشة } لينظف بها أسنانه
]
قالوا المفلس بتعلق بي قشة
خليهو يشوف ليك طريقة معاهو قالوا النفوس لو اطايبت القشة بشيلوها تلاته لوووووولز
تحياتي يا ابا حراز
زاتوووو
01-29-2012, 09:38 AM
قلقو قلقو
تاريخ التسجيل: 05-13-2003
مجموع المشاركات: 4742
أخي المهندس قلقو مشتاقين والله اها انت شغال في تخصصك أم أنك كعادة معظم الزراعيين لايعملون في مجالهم وأكاد اجزم بان معظمهم مبدع في اي تخصص يوكل اليه
Quote: هل هناك وظيفة اسوأ من ان تكون ( شعبا) فى السودان
هذه مأساة والله اذن اين تذهب الوظائف ؟؟[
والله في مرة من المرات مررت بمؤسسة علمية عريقة وكم تالمت حد الوجع وأنا أرى علم السودان يرفرف على البوابة الرئيسية وقادني الفضول للذهاب للبوابة الخاصة بالادارة لأرى هل عليها علم السودان أم لا وكم تألمت لأنني وجدته يرفرف على نفس البوابة كانت معي زوجتي والتي درست في نفس هذه الكلية وقلت لها هل المسئولين هنا بهذه الدرجة من الجهل ؟؟؟؟ هل تعرف أخي قلقو أن العلم بالبوابتين كان بدون { المثلث } الأخضر أقسم بالله العظيم هذا ماشاهدته ووقفت عليه والمشكة لم يكن هذا الخطأ الجسيم في بوابة واحدة بل كان الخطأ يرفرف وبكل وقاحة على البوابتين !!!! بعدها لم اتمالك أعصابي واتيت للبوابة الرئيسية وكعادة الحرس الجامعي فلم يسمحوا لي بالدخول وقلت لهم لا اتشرف بالدخول هنا ولكن بالله من هو المعتوه الذي رفع هذا العلم هنا وهل ياترى تغير علم السودان حينها خرجوا معي وحتى بعد خروجهم لم يعرفوا النقص الحادث بالعلم وسألتهم اين ذهب المثلث الأخضر ؟؟؟؟ ومن ثم أتوا بسلم وصعدوا عليه وانزلوا الأعلام !!!!!!!!/B]
01-29-2012, 09:52 AM
محمد عبدالرحمن محمد محمد عبدالرحمن محمد
تاريخ التسجيل: 10-13-2010
مجموع المشاركات: 1556
اولن حاجة ازيك يا ابا حراز تانى حاجةعندى مقال اسمه " المهنة زاملة سيدها " هسى بتاع القشة دا لامؤاخذة موقفه شنو من الامم المتحدة ؟ والزول البفسح "الفسحة " دا بعمل كيف مع المهنة زاملة سيدا دى؟ اتخيل انه الزول بتاع القشة دا وبتاع الفسحة اتجهوا لان تكون مهنتهم "زاملتهم " يا لل ... شنو ماعارفة اقول هنا الفسحة بنرسلا بالبريد فى غاية الفلفلة ودى خدمة للمريض والمستشفى وكنا مستغربين من الفكرة ... لكن زول عديل كدا يشيلا ؟ اللهم لا اعتراض فى حكمك
01-29-2012, 08:29 PM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
يا أخى أضحك الله سنك .. فى أمريكا هنا فى مهنة (فى الحقيقة محنة) تفسيح الكلاب .. كل يوم لازم الكَلب بالقانون يتم تفيسحه 20 دقيقة .. ولو نبح الكَلب أكثر من 3 مرات متواصلة ممكن البوليس يعتقلك بخصوص أنتهاك حقوق الحيوان .. أها .. الزول البفسح الكَلب لديه مهمة أخرى وهى لملمة براز الكَلب وبوله لكى يرميه فى مكان التراش. لو الكَلب بقى لعين وخرى أول ما خرج من المنزل تكون صارى الخرى إلى أن تعود به ..
بريمة
01-29-2012, 10:16 PM
عوض الصديق عوض الصديق
تاريخ التسجيل: 05-31-2010
مجموع المشاركات: 507
الاخ العزيز ابوحراز لك التحية والتقدير , تعرف الواظائف الوفوق ديل ما فيهم رحمة عديل كدة لكن والله اخوك حسد ليهو واحد من اخواتنا من الصومال والله عندو وظيفة درجة اولى عديل كدة يعنى ديناء واخرة وظيفة والله اخوك لو ليقها افضل ليهو مية مرة من شغل الافندية تصور الوظيفة شنوء اهة............! تعرف الرجل معين وفى وظيفة امام مسلخ وكل عملة يكبر على الدجاج قبل الذبح قلتة ليك كل شغلتة ان بس يقول الله اكبر, الله كبر , يعنى عشان الموضوع يكون وفقا للشريعة والمسلخ يقطى كل البلد يعنى كان قولنا الزول دة بس كان عندهم عدد 1000000 دجاجة فى اليوم دى ساكت 1000000 تكبيرة قلنا اخرة اما الراتب فى حدود 30000 كرونة فى الشهر حوالى 3900 يورو او 5171 دولار طبعا ما خصمتة ليك الضرائب احتمال يكون عندة ماشاء الله سبعة اطفال يعنى حوالى 18% ومسمى الوظيفة امام للصلاة . ربناء يٍٍذيدو من نعيمة كمان وكمان اهة تقول لى قشة وفسحة وقهوة , على كل حال شتان ما بين هذا واولئك كان ربناء هون برجع ليك بوظيفة التانى البعادل الجماعة الفوق ديك يديك الف عافية.
الأخ ناصر فراج والله كم سعدت بهه المداخلة الجميلة والظريفة جداً
Quote: لك التحية والتقدير , تعرف الواظائف الوفوق ديل ما فيهم رحمة عديل كدة لكن والله اخوك حسد ليهو واحد من اخواتنا من الصومال والله عندو وظيفة درجة اولى عديل كدة يعنى ديناء واخرة وظيفة والله اخوك لو ليقها افضل ليهو مية مرة من شغل الافندية تصور الوظيفة شنوء اهة............! تعرف الرجل معين وفى وظيفة امام مسلخ وكل عملة يكبر على الدجاج قبل الذبح قلتة ليك كل شغلتة ان بس يقول الله اكبر, الله كبر , يعنى عشان الموضوع يكون وفقا للشريعة والمسلخ يقطى كل البلد يعنى كان قولنا الزول دة بس كان عندهم عدد 1000000 دجاجة فى اليوم دى ساكت 1000000 تكبيرة قلنا اخرة اما الراتب فى حدود 30000 كرونة فى الشهر حوالى 3900 يورو او 5171 دولار طبعا ما خصمتة ليك الضرائب احتمال يكون عندة ماشاء الله سبعة اطفال يعنى حوالى 18% ومسمى الوظيفة امام للصلاة . ربناء يٍٍذيدو من نعيمة كمان وكمان اهة تقول لى قشة وفسحة وقهوة , على كل حال شتان ما بين هذا واولئك كان ربناء هون برجع ليك بوظيفة التانى البعادل الجماعة الفوق ديك
كويس انو الوظيفة السهلة والجميلة دي فيها صومالي يعني هسي لو عرضوها على { أبوساندرا } أو صديق الموج كانت طارت منهم الأثنين عارف ليه ؟؟ حا يبدوأو ينظروا ويسألوا السويديين ويقولوا ليهم إنتوا عاوزين الله أكبر الجديدة وللا القديمة !!!
02-03-2012, 09:49 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
Quote: ليس هناك اسوأ من ان تكون صحفيا فى عهد الانقاذ
بدل من شيل الفسحة ستفحصها ضواقه
والله دي مشكل كبيرة جداً لكن كثير من الصحفيين قد سلطوا الضوء على ملفات كبيرة خاصة ملفات الفساد زلزلا هؤلاء الصحفيين لماتت هذه الملفات دون ان يعرف لها المواطن اي اثر
02-02-2012, 09:56 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
أستاذ بريمة كيف حالك غايتو الـــكــلاب دي في امريكا واوربا لاقية عظمة غير طبيعية والمواطن في دول العالم الثالث لايجد 5% من الاهتمام الذي تجده الــكـــلاب في الغرب عمي سواق لوري عاوز يموت من الفرح لقى ليهو ###### قدر العجل وار سوبا طوالي أحضره معاه للبيت وطوالي بعد اتغدينا رمينا ليهو باقي الكسرة بالبامية المفروكة بي شطتا !!! الكـــلـــب لولح لينا راسو زي الهنود وبعد شوية ظهروا ناس { ابوفاطنة } وقالوا الكــــلــب طالما لقيتوه في الخرطوم بيكون ما بياكل الكسرة قوم ياعمي شيل جردل اللبن وامشي السوق نسوي شنو قلنا نعشيه رغيف بي لبن اها الجماعة في الحوش طلعوا السراير والتلفزيون في انتظار اللبن طوالي قوم يا لاالكــــلب اطلع في السرير وأرقد في المرتبة !!! وجر البطانية وادمدم نوووووووووم !!! يعني حردان اندهش العم والجميع وحاولوا يصحوه لكن الراجل فتران المهم تركوا الوجبة بجواره وصحينا الصباح نلقى الرغيف واللبن في محلهم وتدخل الظرفاء من ناس ابوفاطنة مرة أخرى وقالو الكــــلــ ب بيكون متعود على اللحمة شيل ياعمنا القفة وبدل نص كيلو اشتري كيلو نص لناس البيت ونص للضيف الجديد !!! والجماعة مبسوطين جدعوا ليهو اللحمة ولكن لولح الراس مرة تالتة وأخيرا هداهم تفكيرهم بان يضعوا اللحمة في الصينية ويتركونها له في السرير وبالفعل أكلها قوم ياعمنا اليوم الثالث شيل الكـــــلــب وديهو سوبا وهناك وجد الدنيا مقلوبة حيث السفير الكوري واركان سفارته يبحثون عن الكــــلـــب بل ويجهشون بالبكاء وفي اللحظة التي أطل عليهم فيها الكـــلب لم يبق لهم الا أن يزغردوا وقام السفير باعطاء عمنا الف دولار !!!!!! لازلنا نتعامل بوحشية مع كــــلابنا كما تتعامل معنا حكوماتنا !!!
02-01-2012, 04:57 AM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
شكراً كتير على رفع البوست وعلى رفع المعنويات وعلى المساعدة الفعالة في اثراء الحوار
أمس قريت انو اول الهندسة اتقدم لوظيفة هندسية انتظرها طويلاً والراجل للأسف ليس من جماعة الله اكبر الجديدة الوظيفة في هندسة الطرق أظنها والراجل جاء داخل للمعاينة بروح عالية جداً لأنه منجض المادة نجاض السواد أول ما دخل طلبوا منه أن يقرأ ثلاثة أجزاء من القرآن وزولك طلع زي ناس ابوحراز { ماحافظ الا طلع البدرو علينا من ثنيات الوداع } المهم قال ما حافظ سألوه صف لنا غسل الجنازة برضو قال ماعارف اها غسل الجنابة برضو صاحبط طلع اي كلام وفي النهاية ركب التونسية
شوت ضفاري ماخاتية العجوز التي اخترناها لتشارك جدي بقية حياته بعد ان فقد نساؤه الثلاثة والجد اصر على أن يتزوج رغم أنه منتهي الصلاحية من جميع النواحي الركب لاتعمل بشكل جيد والضهر مقوس بشكل سيء ويدعو للقلق وجميع البخاخات والمحركات لاتعمل بل متعطلة منذ الزوجة الثانية ولكن مع اصراره أتينا له بواحدة تفوق الستين وعندما راته لم تقل أعطوني فرصة لأفكر بل قالت { كدي أول شيء النمشي أتعلم ليكم غسل الجنازة وارجع } حبوبة نجيضة تقول عاوزة تمتحن في الهندسة !!!
02-02-2012, 08:15 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
Quote: اولن حاجة ازيك يا ابا حراز تانى حاجةعندى مقال اسمه " المهنة زاملة سيدها " هسى بتاع القشة دا لامؤاخذة موقفه شنو من الامم المتحدة ؟ والزول البفسح "الفسحة " دا بعمل كيف مع المهنة زاملة سيدا دى؟ اتخيل انه الزول بتاع القشة دا وبتاع الفسحة اتجهوا لان تكون مهنتهم "زاملتهم " يا لل ... شنو ماعارفة اقول هنا الفسحة بنرسلا بالبريد فى غاية الفلفلة ودى خدمة للمريض والمستشفى وكنا مستغربين من الفكرة ... لكن زول عديل كدا يشيلا ؟ اللهم لا اعتراض فى حكمك
والله ماشاء الله { اهتمام شديد } بـ {DHL} ياليت لو تدينا رابط المقال فهو بالطبع يدعم هذا البوست ويجعله أكثر رشاقة وحيوية
يديك العافية على الرد الجميل والمفلفل
02-01-2012, 06:49 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
Quote: (ان الاجراء مهما علت اجورهم فهم صنف من صنوف العبيد.)
القذافي فعلاً لديه فلتات عجيبة جداً مايقوله صحيح 100%
لاحظت معظم الذين يعملون اعمالاً خاصة هم افضل بكثير من اصحاب الوظائف فالوظيفة مقيدة للشخص جاري يبيع البصل مرتاح جداً ويذهب ويأتي بمزاجه وحالته المادية افضل بكثير من كل الذين حوله نحن مشغلين المنبه لأكثر من 15 سنة والله العظيم كل يوم تقوم مخلوع من النوم قلت لزوجتي متى يأتي ذلك اليوم الذي يضع فيه الانسان عنقريبه في الضل ويقرأ الجرايد ؟؟
01-31-2012, 03:38 PM
ابوحراز ابوحراز
تاريخ التسجيل: 06-27-2002
مجموع المشاركات: 5515
وبالفعل ذهب بنا الى السويد وامام المسلخ ورأينا كيف أن الوظيفة الأسوأ أن تكون شعباً بلا وظائف لكن من أجمل ما مر هنا في الموضوع أن تكون بلا مدير وبلا زوجة وأضيف عليها 00 وبلا كفيل !!!!
01-31-2012, 05:31 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
تحايا أخي محمد عبد الرحمن تعرف سؤالك هذا سوف نوجه نسخة منه الى { صديق الموج } فلديه صديقه كان قد عذب والده كثيرا ففي كل مرة يقول لوالده { يابا عاوز أشوف الحلة الولدو فيها أمي } وكل يوم ابوه يقول ليهو عاوز بيها شنو والابن كل يوم يصر على ان يرى قرية والدته المهم في النهاية اوصفوا ليه القرية وسافر ركب الباصات السياحية وبعدها لوري ومن ثم كارو حصان بعدها كان في خور كبير مليان موية وهناك المواصلات الا حمير وأخيراً بعد 15 ساعة من المعاناة وصل الى القرية الهادئة وبات ليلة واحدة ومن ثم عاد بخفي حنين سأله ابوه 00 أها سمحة حلة ابوك وللا { حلة } أمك ؟؟ فرد عليه والله يا ابوي { كوم فسحة وقسموه على أتنين } !!!!
01-30-2012, 06:26 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
أخي ALZOLZATOO ياخي والله مشتاقين خاصة وأنت من قدامى المحاربين وبيننا صولات وجولات
قالوا المفلس بتعلق بي قشة
خليهو يشوف ليك طريقة معاهو قالوا النفوس لو اطايبت القشة بشيلوها تلاته لوووووولز
والله قدر ماحاولنا نمسك ليهو القشة دي في الاجازة لكن صاحبك حريف وماقاعد ياخذ اجازة الا لمن عمك يسافر باريس
طبعاً انا استحي حينما أنزل اجازة معه لأن هناك فرق وبون شاسع بيننا نحن ولا حتى الموبايل ماقاعدين نغيرو وصاحبك ماشاء الله ربنا يزيد ويبارك آخر صيحات الموضة من الجنز والساعات والماركات العالمية وسيارة ماشاء الله ولمن يقول ليك انا شغال مدير مكتب الكفيل الواحد في اللحظة دي ما يفضل ليهو الا يستفرغ قلت ليهو الله ينعل ابو دي قشة
أحد معارفي برضو قاشر وفاكيها في الجماعة تشاء الصدف أنو الاقامة كانت معاه وفجاة وقعت الجماعة قراو المهنة لقوها { راعي } وانفقعوا بالضحك قال ليهم ياجماعي راعي دي معناها راعي المحل اي مدير المحل !!!!
01-30-2012, 07:20 AM
قلقو قلقو
تاريخ التسجيل: 05-13-2003
مجموع المشاركات: 4742
Quote: قال ليهم ياجماعي راعي دي معناها راعي المحل اي مدير المحل !!!!
قلت لي قال ليهم: كلكم راع وكلكم مسؤول... عفيت منو!!!
بس توضيح يا ابوحراز: المترجم العينوه داية ده أدوه وظيفة شاعرية! فالمترجم هو من يولد الكلمات من رحم اللغة المنقول منها لتتربى في عز اللغة المنقول إليها (أو كما قال الجاحظ!!!) الله يديك العافية ويسكنك معانا في الوادي اللخدر مربع كم وسبعين أو كم وتمانين.
01-30-2012, 07:42 AM
مدثر صديق مدثر صديق
تاريخ التسجيل: 04-30-2010
مجموع المشاركات: 3896
الاخ ابوحراز و الجميع هنا سلام قابلت احد الاخوة يكتب هنا في سودانيزاون لاين و في اثناء حديثه معي ذكر لى ( انو لا عندو مدير ....و ما متزوج...) فأعتقد انو ما افضل انك يكون عنداي شخص عملوا الخاص ...واعتقد انو اغلب الوظائف سئية بتفوات الدرجات ...
01-30-2012, 09:12 PM
عوض الصديق عوض الصديق
تاريخ التسجيل: 05-31-2010
مجموع المشاركات: 507
Quote: الاخ العزيز ابوحراز لك التحية والتقدير , تعرف الواظائف الوفوق ديل ما فيهم رحمة عديل كدة لكن والله اخوك حسد ليهو واحد من اخواتنا من الصومال والله عندو وظيفة درجة اولى عديل كدة يعنى ديناء واخرة وظيفة والله اخوك لو ليقها افضل ليهو مية مرة من شغل الافندية تصور الوظيفة شنوء اهة............! تعرف الرجل معين وفى وظيفة امام مسلخ وكل عملة يكبر على الدجاج قبل الذبح قلتة ليك كل شغلتة ان بس يقول الله اكبر, الله كبر , يعنى عشان الموضوع يكون وفقا للشريعة والمسلخ يقطى كل البلد يعنى كان قولنا الزول دة بس كان عندهم عدد 1000000 دجاجة فى اليوم دى ساكت 1000000 تكبيرة قلنا اخرة اما الراتب فى حدود 30000 كرونة فى الشهر حوالى 3900 يورو او 5171 دولار طبعا ما خصمتة ليك الضرائب احتمال يكون عندة ماشاء الله سبعة اطفال يعنى حوالى 18% ومسمى الوظيفة امام للصلاة . ربناء يٍٍذيدو من نعيمة كمان وكمان اهة تقول لى قشة وفسحة وقهوة , على كل حال شتان ما بين هذا واولئك كان ربناء هون برجع ليك بوظيفة التانى البعادل الجماعة الفوق ديك يديك الف عافية.
هههههههههههه، إلخ
ابو حراز و ناصر فراج، سلآمات.
والله العظيم كنت فاكر الوظيفة دي قاصرة علي والجماعة الزملاء.
أخونا معاوية 00 تحياتي النواضر الكديسة اخبارها شنو ان شاء الله خلاص يكون الاكئاب زال واصبحت بتاكل الجاتوه
Quote: والله العظيم كنت فاكر الوظيفة دي قاصرة علي والجماعة الزملاء.
سبحان الله، تاري العذبون في الأرض فئة غير قليلة. والله صحي
غايتو كديستك وكــــــلـــــبـة بحري أكثر شيء محيرني في الدنيا دي كديستك قلت صاحبتها لمن ركبت معاك قالت الكديسة بقت ما بتاكل ونفسياتها واقعة في واطاة الله دي
وكــــلبـــة بحري القادمة من فرنسا يدسوا فيهايمين وشمال من كــــــــلابـــنــنا وفي النهاية لمن رجعت باريس اتضح للأسف انها حامل !!! ولله في خلقه شئوووووون الكـــــــلبـــــة باعت فرنيسا دي قالوا هي هجين من ابو الماني وام فرنسية شوف كيف عليك الله كـــــــــــلابنا جاطن ولخبطن النسل كيف ؟؟؟ عسشان أكيد المولود الجديد حا يكون ابوه سوداني
02-01-2012, 07:26 AM
سارة عيسى أحمد سارة عيسى أحمد
تاريخ التسجيل: 10-26-2011
مجموع المشاركات: 267
Quote: والله لو قلت ليكم ماذا يعمل هذا الصديق لاستغربتم كثيراً والمدهش أن راتبه فوق الستة آلاف ريال وينزل له شهرياً دون أن ينقص هللة واحدة هذا علاوة على الاكراميات التي تنهار عليه كما المطر الغزير في بداية الخريف والعبد لله محدثكم مهنته مهندس زراعي ومفلس للطيش كل وظيفة صديقنا حينما يأتي هذا الشيخ للقصر ويأكل لحمة فإن مهمته أن يمد له { القشة } لينظف بها أسنانه بينما يكون الشيخ خالفاً رجليه الأثنين والمدهش أنه ينتظره حتى يكمل تنظيف الأسنان ومن ثم يأخذ القشة المستعملة ليبدلها له بأخرى وربما لايزوره الشيخ بعدها في القصر لأكثر من ستة أشهر !!!!
يا بركة اللآ نام لآ أكل الطعام، القشة تعتر لي محل ما أقبّل، وفي كل خطوة أخطوها، ويا ناس المنبر تاني البيقول لي قشّة ما تعتر ليك ماني عافي مِنو. والله صحي...
Quote: حراز سلامات فى الهند فى ناس بشتغلوا بدل الحمار او الحصان بشتغلوا مواصلات انت تكون قاعد فى عربه وهو يقوم جاريها وبرضو بشتغلوا كارو
لأجل ذلك فهؤلاء القوم صبورون لدرجة غير طبيعية في الخليج يعملون اي شيء وصابرون جدا عندنا جارنا بتاع بقالة هندي كتير بنلقاه مقفل البقالة وراكب العجلة وجاري وبعد شوية يفتح عارف راكب العجلة ليه ؟؟؟ تكون في عائلة اتصلت عليه وعاوزين ليهم علبة واحدة بتاعت زبادي والله يقفل البقالة ويمشي يودي الزبادي بالعجلة ويرجع والبقالة طبعا خاصة به وليس خاصة بالكفيل بعض السودانيين لو اتيت له في المحل ما بقوم يناولك الشيء الأنت عاوزو بل مرات بيقول ليك كان عجبك ادخل وشيل حاجاتك وكان ماعاجبك اتوكل على الله
حينما حكى لي صاحب البقالة أنه اشترى ارض في الهند بـ 300 الف ريال انا يومين ماقدرت أنوم ولمن حكيت لـ ست النفر 00 كالعادة ضحكت وقالت لي بكرة يازول نشوف ليك عجلة !!! انا مهنتي مهندس واعمل ومدير مكتب في وزارة مرموقة وبيت ماعندنا في السودان لسه ايجار !!!!
قال مدير مكتب قال !!!
03-22-2012, 03:35 PM
ابوحراز ابوحراز
تاريخ التسجيل: 06-27-2002
مجموع المشاركات: 5515
وهذا يذكرني قريبنا { فكاك الضروس } تصدق كل { العدة } الخاصة بالشغل هي مخلاية وزردية !!! أول ما تقول ضرسك موجعك طوالي يبطحك على السرير ويقلع ليك الضرس لابنج ولامضادات حيوية
كان الوالد عليه الرحمة يتألم جداً من ضرسه واصر على أن نحضر له صاحبنا وطلبنا منه التحمل والصبر حتى الصباح ولكن لاحياة لمن تنادي
المهم مشينا ليهو والغريبة زي الحلاقين لقينا معاهو ثلاثة في الانتظار ووعدنا بالحضور وجاء فعلا وبالزردية خلع الضرس الشديد وترك المصاب في مكانه فقال له الوالد يازول دا ضرسنا القاعدين ناكل بيهو 00 ليه قلعتو فرد عليه : خلاص التاني ما حانشيل فيهو قروش بنقلعو ليك مجااااااااااااااااااان ساااااااااااااي
قال فكاك لزق قال !!!! غايتو بتاع الضروس دا الواحد الا يفك ليهو الطريق والطريف في الحج قروشو ضاعت قام اشتغل حلاق طوالي !!!!
03-22-2012, 07:30 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
Quote: يا بركة اللآ نام لآ أكل الطعام، القشة تعتر لي محل ما أقبّل، وفي كل خطوة أخطوها، ويا ناس المنبر تاني البيقول لي قشّة ما تعتر ليك ماني عافي مِنو. والله صحي...
والله كما يقال : يضع سره في أضعف خلقه يعني هسي في اضعف من القشة دي ؟؟ والذي يرى ما فعلته هذه القشة يصاب بالذهول ماشاء الله الراجل بنى بيت من طابقين في المهندسين وسيارة برادو
هسي انا كلما تمر بي حالات احباط ويأس طوالي أعاين للقشة ويتملكني أمل كبير بأن الحياة ممكن تتغير في اي لحظة
طبعاً ست النفر زهجانة مننا للطيش كل يوم تقول لي كتابات شنو وصحافة شنو ومالي لينا البيت كلو جرايد هسي لو باريت ليك قشة سااااااااااااااي مش كان أحسن لينا
قال علاقات عامة قال !!!
02-25-2012, 10:02 PM
ابوحراز ابوحراز
تاريخ التسجيل: 06-27-2002
مجموع المشاركات: 5515
Quote: قابلت احد الاخوة يكتب هنا في سودانيزاون لاين و في اثناء حديثه معي ذكر لى ( انو لا عندو مدير ....و ما متزوج...) فأعتقد انو ما افضل انك يكون عنداي شخص عملوا الخاص ...واعتقد انو اغلب الوظائف سئية بتفوات الدرجات ...
والله العظيم صاحبك مرتاح لدرجة يحسدوه عليها المدير والزوجة وكمان الكفيل بتشابهوا كلهم زي الأرانب !!! وش ضاحك بالدس كده !!!
معانا واحد في الكوتشينة لايزهج نهائي ويقول ليك انا مالي ان شاء الله امشي الساعة 2 صباحا
لكن انتوا انتظروا الراجيكم !!!!
برضو في نسوان كتير كويسات جداً عندنا واحدة ما بتنوم نهائي الا حينما تطمئن انو زوجها دخل البيت وعليك أمان الله ناس { ست النفر } تتونس معاهن فجأة تلقاها شخرت ليك !!!!
02-12-2012, 08:32 PM
ابوحراز ابوحراز
تاريخ التسجيل: 06-27-2002
مجموع المشاركات: 5515
تحية من القلب أخي محمد الأمين موسى ماشاء الله اسمك كلو أنبياء ورسل الواحد مايقدر ينطقو الا بعد مايمشي يتوضأ ويرحع
Quote: بس توضيح يا ابوحراز: المترجم العينوه داية ده أدوه وظيفة شاعرية! فالمترجم هو من يولد الكلمات من رحم اللغة المنقول منها لتتربى في عز اللغة المنقول إليها (أو كما قال الجاحظ!!!) الله يديك العافية ويسكنك معانا في الوادي اللخدر مربع كم وسبعين أو كم وتمانين.
قال الوادي اللخدر قال !!! عاوزني لمن أكون عاوز اشتري خدار ولحمة أمشي رفاعة وللا شنو ؟؟ انت عارف الواحد لو سكن معاكم لازم يكتب في وصيتو انو بعد الموت يدفنوه في المنشية !!! كيتا عليكم وكيتا على ناس المنشية غايو اظرف حاجة في الوادي اللخدر دا مافيهو مقابر تاني خموا وصروا !!!!
02-13-2012, 09:38 AM
rummana rummana
تاريخ التسجيل: 02-05-2002
مجموع المشاركات: 3537
السؤال: هل هناك وظيفة اسوأ من ان تكون ( شعبا) فى السودان ؟ الاجابة: نعم، أن تكون(ي) زوجة لراجل غلبان في السودان وفي رواية أخرى: أن تكون(ي) زوجة لراجل عنده كفيل سلامات أبو حراز وزوار البوست
03-27-2012, 11:11 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
Quote: السؤال: هل هناك وظيفة اسوأ من ان تكون ( شعبا) فى السودان ؟ الاجابة: نعم، أن تكون(ي) زوجة لراجل غلبان في السودان وفي رواية أخرى: أن تكون(ي) زوجة لراجل عنده كفيل سلامات أبو حراز وزوار البوست
قال غلبان قال !!! كير منهم غلبانين لكن مستحملات عشان الشفع الصغار وبعضهن ياكافي البلاء ياكلنك لحم ويرمنك لأمك عضم ناشف
مما تلقاك بقيت كحيان ومكعكع تقوم تلعب بيك وتختك في الرف وأيام الخطوبة وبدايات الزواج لو اتأخرت ساي تلقاها تبكي شفقانة عليك هسي عليك أمان الله لو دخلت البيت نص الليل تلقاها تشخر !!!
والحكاية كمان في آخر الزمن جابت ليها موبايلات شوف عيني دي واحدة زارتنا في البيت تلفونها رن اشوف ليك { الحمار يتصل } !!!! طبعاً حرقني الشمار وسألتها الحمار منو فقالت أكيد ابو القدح والمشكلة ابو القدح لمن يقول ليك مرتي خلاص الكلام انتهى !!! وعلاقتو سمن على عسل مع المدام وانا زول ناري كل شيء قاعد اعمل فيهو مشكلة ومن يومها قلبي أكلني وقلت يا ابوحراز تلفون ست النفر معناها حايكون حديقة حيوانات بس متين { المرة } تطلع وقلت يازول لازم تفتش تلفون ست النفر دي الموت والحياة ما معروف اها دقيت رقمي واقرا ليك ا ل ح هنا زادت دقات قلبي بعدها لحسن الحظ أ ج 1111 شيء عجيب أخير من حمار لكن شنو يعني بقدرة قادر من حبيب روحي الى الحاج !!!! ؟؟؟ وطوالي بالزعلة ديك رجعت لموبايلي ومن الحبيبة العسل الى { الحاجة يتصل بك } وليكن مايكون سجن سجن غرامة غرامة!!! بعد كم يوم فتحت موبايلي وسألتني باستغراب الحاجة دي منو ؟؟ فقلت ليها يعني حاتكون هيفاء وهبي 00 دي انتي سجمي 00 ليش كاتبنا الحاجة ومال انتي شايفاني انا لابس احرامي وبايت في مزدلفة ؟؟
قال الحاج قال !!!
02-14-2012, 11:55 AM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
Quote: تحية من القلب أخي محمد الأمين موسى ماشاء الله اسمك كلو أنبياء ورسل الواحد مايقدر ينطقو الا بعد مايمشي يتوضأ ويرحع
طيب يا أبا حراز لو كملنا الاسم (محمد الأمين موسى أحمد إبراهيم) بتكون محتاج ليك لعمرة ولا كيف؟ قلت لي الوادي الأختر ما فيهو مقابر، يعني بتقصد إنو مقبرة جماعية للمغتربين؟؟!!؟؟ يا زول التحق بنا عسى ولعل أن تجاور أصحاب الخيال الواسع على حس إنه أخضر!
02-22-2012, 03:46 PM
بلدى يا حبوب بلدى يا حبوب
تاريخ التسجيل: 05-29-2003
مجموع المشاركات: 9833
نسيت البعملوا فيه ناس الانقاذ دهنسة ولحس كوع وتقبيل وطيات وما تنسى شغلهم ده بدى ضحكات وتسلط على رقاب العباد وعى سبيل المثال لا الحصر ضنب الككوى الرئيس ما يرقص تلقاه رقص معاه تحياتى
02-24-2012, 09:22 PM
حافظ انقابو حافظ انقابو
تاريخ التسجيل: 02-04-2012
مجموع المشاركات: 3552
واحد معرفه شغال في مؤسسه... قال ليي، تعرف مديري كل يوم بيجي اشرب معاي القهوه في مكتبي... وبتونس معاي...وعندو نكته واحده..و كلو يوم بيحكيها ليي..وانا اضحك ليهو..!
02-25-2012, 03:59 AM
عبدالكريم عبدالله عبدالكريم عبدالله
تاريخ التسجيل: 06-20-2011
مجموع المشاركات: 480
Quote: انا فعلاً رجعت بعد ماكلمونا بوظائف في السودان وبعد المؤهل تكون حافظ خمسة أجزاء انا هنا سنتين دخلت حلقة تحفيظ وحفظت الخمسة أجزاء هذا غير الله أكبر 00 لو شفتك ساي عترت ليك طوبة تلقانا أقول ليك { الله أكبر } يعني مشينا جاهزين موية ونور وفي النهاية أخذوا بنات سمحات والواحدة { طلع البدرو علينا } ماحافظاها
سلام يا ابوحراز وسلامات لضيوفك يوستاتك دائماً ظريفة وبتمرقنا من حالة الحزن البقت دائمة دي يازول وظائفك القلتها دي باسطة ساي بالنسبة للوظائف الفي الصور التحت دي
دي انا غايتو ما مصدقها وواضح انها مجرد فن في التصوير واختيار زاوية اللقطة
لكن التحت دي جد جد والضاحكين ليها شنو ماعارف اجارنا الله واياكم
03-16-2012, 10:06 PM
ابوحراز ابوحراز
تاريخ التسجيل: 06-27-2002
مجموع المشاركات: 5515
التحية ليكم بعد غياب البوست كان رايح 00 يادوب الليلة لقيتو في الصفحة 14 يعني الواحد يغيب ليهو يومين بعديها الا يجيب دلو عشان ينزله في القاع ويغرف بوستاتو التحية لكل المشاركين وتحية للمداخلات الجميلة والممتعة والمضحكة جداً ساعود باذن الله للرد عليكم جميعاً وناسف للتاخير
03-27-2012, 09:07 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
بوست منتهى البهجه ... رغم الأحزان التي أحاطت بعنق الوطن ... وردي ... حمّيــد .. نقــد ... رحمهم الله جميعاً وأدخلهم الجنة مع الصديقين والشهداء وحسن أولئك رفيقا .... وألهم الجميع الصبر الجميل ...
Quote: غايتو الـــكــلاب دي في امريكا واوربا لاقية عظمة غير طبيعية والمواطن في دول العالم الثالث لايجد 5% من الاهتمام الذي تجده الــكـــلاب في الغرب
هذه القصة زكرتني بقصة حقيقية وقعت هنا في الرياض .. واحد عمنا خفيف الظل وسريع البديهه ورده على طرف لسانو التقول رباطابي بس .. عمنا بابكر أرقاوي .. أستقر الآن بالسودان وآحر راحات ... أضطر عم بابكر مرة أن يعمل سائقاً خاصاً لأحد العائلات الثرية جداً ... كان لديهم كــلـــب مدلل جداً .. مرض ذات يوم فأمروا عمنا بابكر لأخذه للطبيب البيطري ... وعندما أنزل الكـــلـــب أمام عيادة الطبيب ليقتاده من السلسلة الفاخرة المعلقة على عنقه ... أراد أحد السعوديين أن يتظارف على عمنا بابكر ... فقال له : يا زول الساحبو ده أخوك ؟ ... فرد عليه عمنا بابكر بلا تردد : لا ده كفيلــي ......
مع خالص حبي وتقديري ؛؛؛؛
03-31-2012, 06:55 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
Quote: واحد معرفه شغال في مؤسسه... قال ليي، تعرف مديري كل يوم بيجي اشرب معاي القهوه في مكتبي... وبتونس معاي...وعندو نكته واحده..و كلو يوم بيحكيها ليي..وانا اضحك ليهو..!
والله ياهو البخلي الواحد يضحك انت عارف كثير من المدراء دمهم تقيل جداً وكويس انو دا عندو نكته لكن والله بعضهم لو كلكتو ما يضحك ليك
بعدين صاحبك لو ماضحك حا يواجه مشكلة مع الضحاكات آخر الشهر ويمكن ذكرت ليكم كان عندنا مدير مدرسة مابضحك الا لمن يستلم الماهية وتاني الرماد كال حماد وياويلك لو جابوك ليهو وانت مهرجل وكان هو مفلس
03-29-2012, 10:32 PM
ابوحراز ابوحراز
تاريخ التسجيل: 06-27-2002
مجموع المشاركات: 5515
كثير جداً تكسير التلج في هذه الأيام حكى أحدهم أن مديرهم رئيس جهة ومؤسسة مرموقة المهم الجماعة بكسروا ليهو التلج في مرة وزيادة في النفاق اتصل أحدهم على السكرتير الساعة 11 صباحا وتوسل له بان يبلغ المدير بان يوافق على الغداء في بيته وبالطبع قام السكرتير بايصال الرسالة ووافق المدير وكاد صاحب العيزومة أن يطير من الفرح بموافقة هذه الشخصية المرموقة ولكن 00 في الواحدة ظهراً صدر قرار مفاجيء من الوزير بنقل المدير لجهة اخرى تصور الغداء طاااااااار اعتذر الرجل مباشرة وقال ان لديه ظروف 00 هذا الحديث ليس بالسودان
03-28-2012, 06:44 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
Quote: نسيت البعملوا فيه ناس الانقاذ دهنسة ولحس كوع وتقبيل وطيات وما تنسى شغلهم ده بدى ضحكات وتسلط على رقاب العباد وعى سبيل المثال لا الحصر ضنب الككوى الرئيس ما يرقص تلقاه رقص معاه تحياتى
تعرف آباؤنا وأجدادنا مما قاموا كانت لديهم مباديء لأحزابهم يعني كانت العلاقة بينهم وبين الحزب علاقة انتماء وحب وليس تعصب انا وانت وجيلنا شغالين معارضة للحكومات كلها والدي الله يرحمه كان بيقول لينا بالطريقة دي الواحد لاببني بيت ولا بدوه قطعة ارض ولاوظيفة وهذا فعلاً ماحصل مع هؤلاء الجماعة تعارضهم مشكلة ترجع ليهم مشكلتين يعني تتوب وترجع لله وتحفظ ليك خمسة أجزاء من القرآن الكريم وبرضو الوظيفة تطير منك
قلت لي المفعول يتبع الفاعل في كل حركاته !!! يازول الحكاية مصالح
ياخي نحن زارنا مسئول منهم عشان يحل مشكلة موية دفعنا دم قلبنا هنا خمسة مليون قالوا عشان فطور المسئول واركان حربه لكن احقاقا للحق فالرجل لم يقصر وتبرع لينا بـ 3 مليون بعجز وصل الى 2 مليون من التكلفة الحقيقية للفطور بس اهم مافي الموضوع ان ذلك اليوم ولا شيطان ما حايكون حايم عندنا فتهليل تكبير قد استمرت لمدة 10 ساعات منذ حضور المسئول وحتى مغادرته
الطريف ان الـ 3 مليون التي تبرع بها حرق فيها دم اللجنة الشعبية فقد ذهبوا له في مكتبه أكثر من 45 مرة سفر وتاجير أتوس وفطور مدنكل وفي النهاية طلعت خسارة اللجنة الشعبية ماشي جايي فطور قهوة مليون وسبعمائة !!! اها عليك الله ماحقوا نرقص لحد الصباح !!!
03-27-2012, 10:11 PM
ابوحراز ابوحراز
تاريخ التسجيل: 06-27-2002
مجموع المشاركات: 5515
Quote: طيب يا أبا حراز لو كملنا الاسم (محمد الأمين موسى أحمد إبراهيم) بتكون محتاج ليك لعمرة ولا كيف؟ قلت لي الوادي الأختر ما فيهو مقابر، يعني بتقصد إنو مقبرة جماعية للمغتربين؟؟!!؟؟ يا زول التحق بنا عسى ولعل أن تجاور أصحاب الخيال الواسع على حس إنه أخضر!
الغريبة انني قرات بوست اليوم يتحدث عن ارتفاع اراضي الوادي الأخضر يعني هل معقول من 6 مليون الى 26 مليون ؟؟ غايتو لو القطعة سعرها نزل لمليون برضو ماعاوزين نسكن معاكم بخيت الوادي وسعيد عليكم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابوحراز
اساسي
محمد عبد الماجد الصايم
نور الدين عثمان
ALZOLZATOO
قلقو
محمد عبدالرحمن محمد
محمد يوسف الزين
د.محمد بابكر
سلمى الشيخ سلامة
بريمة محمد
عوض الصديق
طارق جبريل
ناصر فراج
Mahjob Abdalla
حبيب نورة
محمد الأمين موسى
مدثر صديق
معاوية المدير
سارة عيسى أحمد
ناظم ابراهيم
rummana
بلدى يا حبوب
حافظ انقابو
عبدالكريم عبدالله
elsawi
إدريس محمد إبراهيم
فيس بوك
تويتر
انستقرام
يوتيوب
بنتيريست