|
|
|
 Re: هل سرق هشام آدم رواية الطواحين لبركة ساكن!! (Re: حبيب نورة)
|
Quote: في ظل التشابه الكبير بين الروايتين
وأسبقية (الطواحين) في الصدور
مع التاريخ الأسود لهشام آدم في السرقات الأدبية
فإنّ الشبهة تبقى قائمة وكبيرة ومحتملة ترجيحاً |
المحترم/الواثق
السلام عليكم
عودا حميدا..وأنت له
************************
لا تندهش..فهشام آدم تلبّس بشئ-بل أشياء-
من هذه السرقات الأدبية..
وما "بوكرامي" عنا ببعيد..وهذه قصة أخرى
وكما قال الشاعر الكبير : المتنبئ: لكل امرئ من دهره ما تعوّدا***
وفي أمثالنا السودانية:"الخلاّ عادتو..قلّل سعادتو
فعادة الرجل هي "الإبداع" في السرقة من المواقع الإلحادية..ومن الأدباء..
متابعون
مع التحية
*******************
حبيب نورة..ليتك ترّيثت ونظرت مافي جُعبة الأخ الواثق
لأن القاضي المنصف لايمكن أن يحكم بالإعدام قبل أن يسمع الحيثيات..
ولأننا لم نعرف أسباب تريّث الأخ الواثق فيبقى الأمر على حسن الظن..
وكما يقول العقلاء والفقهاء: الغائب معه عذره
أليس كذلك؟
فلننتظر
مع شكري
| |
 
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: عماد موسى محمد)
|
الواثق الصادق،
اسمك منغرز برسوخ في الحسنيين، الصدق والثقة.
أنت الآن مطالب بمهمة كبيرة:
أن تثبت سرقة هشام آدم لرواية بركة ساكن، وإلا ستكون كالشاهد المفرد على الزنا والذي حكمه أن يجلد بجريمة القزف.
إما أن تثبت وإما أن تجلد.
وصدقني سأكون أقسى الجلادين عليك.
فما تقول به تهمة خطيرة.
وإن قاضاك هشام ستتعب.
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: عماد موسى محمد)
|
Quote: حبيب نورة..ليتك ترّيثت ونظرت مافي جُعبة الأخ الواثق
لأن القاضي المنصف لايمكن أن يحكم بالإعدام قبل أن يسمع الحيثيات..
ولأننا لم نعرف أسباب تريّث الأخ الواثق فيبقى الأمر على حسن الظن..
وكما يقول العقلاء والفقهاء: الغائب معه عذره
أليس كذلك؟
فلننتظر
مع شكري |
حُسن الظن ؟؟؟ لم أخالك بمثلِ هذا الغباء يا من رعاك الله !! ولست أنعتك بالغباء أبداً . ولكن دعك مني و أذهب إلي العنوان مباشرةً
| Quote: هل سرق هشام آدم رواية الطواحين لبركة ساكن!! |
ده مش إتهام مباشر ؟؟؟؟ في شكلِ سؤال ( هل سرق ؟ )
لا حظ المداخلة التانية والبعديها و و ....
نحن ما بنتكلم عن إعتبار ما سيكون ولا إعتبار ما قد كان ولا أي إعتبارات أخري
نحن الآن بصدد الحديث عن موضوع واااااحد والله واحد؛ اللي هو ( هل سرق هشام آدم رواية الطواحين لبركة ساكن !! ) ؟؟
يعني شنو كاتب سرق رواية ؟؟؟
هي الرواية دي كانت رُبع جنيه يسرقو نشّال أهبل في ميكروباص ؟؟
يمكن قصدك الفكرة أو جزء من محتويات الرواية أو ما شابه . ( الكلام ده للواثق ما ليك )
أنا شخصياً مُقِل في القراية لكن أقتنيت الرواية فور صدور البوست عشان تكون عندي حُجة وكده .
المهم المتابع للبوست ومداخلات البعض من الأخوان والزملاء يعتقد أن التهمة لابسة هشام لابساه؛ وللعلم إنو موضوعنا بمثل في التالي
وليس سواه ..........
عشان ما يجينا واحد ( مستوهِم ) يعني ما تامِّي وهم ويفتح لينا موضوع فلان كان وفلان كان
وفرتكان فعل وووو ... وهكذا أوهام
نحن يا سادة موضوعنا محدّد وواضح جداً
اللي هو : | Quote: هل سرق هشام آدم رواية الطواحين لبركة ساكن!! |
منتظرنك يا سيدنا الواثق بالله
وكذلك ينتظرنك ناس كتااااااااااااااااار وكلنا عايزين نستفيد منك
شكرن يا شباب
عماد والواثق
إحترامي ومودتي
| |
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: حبيب نورة)
|
| Quote: لماذا سكت من يهمه الامر ان كان هناك من سطا على ابداعه؟ |
يا حبيب والله مشا الله ... وربنا يحفظك ... ونوره نورا سطع وبان وعم المكان وباذن الله يعم الدنيا كلها منذ ان كانت مجرد نفكرة صغيرونة تتنفسها بلذه ونتلذذ بها نحن معاك ......
اخي
ربما مشغوليات الاخ الحبيب بركة ساكن العملية والادبية .. هي ما يجعله لا يتابع كل ما ينشر ويصدر من الاخرين وباذن الله سوف ارسل له رواية الطواحين والاب بيعرف ولده ويحس به
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: تولوس)
|
عندما قلت لحبيب نورة محاورا ومبديا وجهة نظر مغايرة بقولي:
Quote: حبيب نورة..ليتك ترّيثت ونظرت مافي جُعبة الأخ الواثق
لأن القاضي المنصف لايمكن أن يحكم بالإعدام قبل أن يسمع الحيثيات..
ولأننا لم نعرف أسباب تريّث الأخ الواثق فيبقى الأمر على حسن الظن..
وكما يقول العقلاء والفقهاء: الغائب معه عذره
أليس كذلك؟
فلننتظر
مع شكري |
كان رد الأديب المؤدّب :
Quote: حُسن الظن ؟؟؟ لم أخالك بمثلِ هذا الغباء يا من رعاك الله !! ولست أنعتك بالغباء أبداً . ولكن دعك مني و أذهب إلي العنوان مباشرةً
Quote: هل سرق هشام آدم رواية الطواحين لبركة ساكن!! |
والله لم أر أغبى منك في هذا الرد الذي يبيّن أنك لا أدب..ولا "أدب"..
إنت دحين ما درّسوك في اللغة العربية السؤال بصيغة الاستفهام؟
هل عبارة "هل سرق هشام.." عبارة جازمة عند لحظة الطرح ؟، وهل هي قاطعة مانعة..بأن الرجل سرق؟
هل صيغة الاستفهام عندك تدل على الجزم؟!
ولنفترض ان الواثق ثبت عنده ذلك، ولكنه طرح السؤال هكذا لمزيد من التشويق والبحث والإثبات..
ما المانع؟
لماذا طرح الأخ الواثق هذا السؤال بصيغة الاستفهام وليس بصيغة الجزم؟ صيغة الاستفهام يا شاطر لها مقاصد كثييرة ، و الأخ طرحها حتى تفهم يا غبي بأن للرجل شواهدأوأدلة، وهو بصدد سردها ويحاول أن يثبتها وتحتاج لأناس متريّثين، وليسوا ذوي عجلة وأحكام جاهزة مثلك..
| Quote: لم أخالك بمثلِ هذا الغباء يا من رعاك الله ! |
!!
العبارة هكذا يا أديب: "يارعاك الله"!!" هذه أعطت معنى"غييير" يا ذكي!!!
.. رمتني بدائها .. وانسلّت ...
Quote: تقول لإنسان " وشتم مده مش إتهام مباشر ؟؟؟؟ في شكلِ سؤال ( هل سرق ؟ )
لا حظ المداخلة التانية والبعديها و و .... |
لا..ليس اتهاما مباشرا..من أين تأتي بكلام مفهومه ليس في لغة العرب ؟..بل "من كيسك" ألم تبحث في اللغة العربية مدلولات السؤال بصيغة الاستفهام؟
إنت بالله هسع ساي يا حبيب نورة واحد من الموافقين ليك فكريا لو قاليك إنو-بمقتضى المسلّمات الفكرية حقّتكم- ليس من حقك أن تتهم الواثق بأنه حكم حُكما نهائيا وأن الجريمة "لابساهو" لابساهو..أليس عندكم في البحث العلمي الافتراض ومحاولة الاثبات..بالحجة دي براها بنقطع لسانك..هاك دي من "الويكيبيديا"-كلام "التُرُك" دا!:
Quote: hypotheses) is a proposed explanation for a phenomenon. The term derives from the Greek, ὑποτιθέναι – hypotithenai meaning "to put under" or "to suppose".[1] For a hypothesis to be put forward as a scientific hypothesis, the scientific method requires that one can test it. Scientists generally base scientific hypotheses on previous observations that cannot satisfactorily be explained with the available scientific theories. Even though the words "hypothesis" and "theory" are often used synonymously, a scientific hypothesis is not the same as a scientific theory. A working hypothesis is a provisionally accepted hypothesis proposed for further research.[1]
In a related but distinguishable usage, the term hypothesis is used in formal logic for the antecedent of a proposition; thus in the proposition "If P, then Q", P denotes the hypothesis (or antecedent); Q can be called a consequent. P is the assumption in a (possibly counterfactual) What If question |
بعدين يا حبيب نورة صيغة الاستفهام أحيانا قد تدلّ على التشويق كما قال العلماء، وهذا كثير في حديث
نبيّنا الصادق المصدوق صلى الله عليه وسلم..مثال فقط:
"ألا أدلك على أبواب الخير ؟"..أمش قوقل وابحث عن صيغ الاستفهام ومدلولاتها عشان ما تجي جاري بنمرة 5
ولو راجعت هذا في لغة العرب لوفّرت على الناس أزمانا ثمينة.
Quote: نحن الآن بصدد الحديث عن موضوع واااااحد والله واحد؛ اللي هو ( هل سرق هشام آدم رواية الطواحين لبركة ساكن !! ) ؟؟
يعني شنو كاتب سرق رواية ؟؟؟
هي الرواية دي كانت رُبع جنيه يسرقو نشّال أهبل في ميكروباص ؟؟
يمكن قصدك الفكرة أو جزء من محتويات الرواية أو ما شابه . ( الكلام ده للواثق ما ليك )
أنا شخصياً مُقِل في القراية لكن أقتنيت الرواية فور صدور البوست عشان تكون عندي حُجة وكده |
.
وهل تظن أن السرقة فقط في الأوراق المالية وربع الجنيه..سمّه ما شئت: انتحال/ سرقة..إلخ
ثم إن اقتنائك للرواية ليس حجة على أنك أكملت كل حيثيات الحُكم على الواثق..محاولة إثبات هذه الانتحالات لايمكن أن تأتي في مداخلة واحدة..هو إنت صبرت عشان يجيك الواثق بالمداخلة الرابعة أو الخامسة...إلخ؟
ولأنك لم تتريث يا حبيب نورة وقعت في "حُفرة" الاحتمالات، وقلت:
| Quote: يمكن قصدك الفكرة أو جزء من محتويات الرواية أو ما شابه . ( الكلام ده للواثق ما ليك ) |
!!!
يمكن!!..هل "المناضلة" عن هشام وصلت لهذه الدرجة..؟
Quote: المهم المتابع للبوست ومداخلات البعض من الأخوان والزملاء يعتقد أن التهمة لابسة هشام لابساه؛ وللعلم إنو موضوعنا بمثل في التالي
وليس سواه ..........
عشان ما يجينا واحد ( مستوهِم ) يعني ما تامِّي وهم ويفتح لينا موضوع فلان كان وفلان كان
وفرتكان فعل وووو ... وهكذا أوهام |
كيف تعتقد والواثق لم يكمل حيثياته، بل طرح الموضوع بصيغة الاستفهام؟ لكن يا من تتهم بأن التهمة لابسة ما لابسة..ألا تنتظر حتى لا تقع في الناس طعنا وتشكيكا..؟
ثم بعد ذلك ترجع
حكمة قرآنية:
"فتبيّنوا أن تصيبوا قوما بجهالة"
وبعد أن رمى الأديب الأريب تهمته وأصدر أحكامه التي يتهم الآخرين بها قال:
Quote: منتظرنك يا سيدنا الواثق بالله
وكذلك ينتظرنك ناس كتااااااااااااااااار وكلنا عايزين نستفيد منك |
!!!
ليه تنتظر وأنت أصدرت حُكمك مسبقا؟!
شكرا..شكرا
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: عمار عبدالله عبدالرحمن)
|
ما طرحه الواثق من اتهام خطير لهشام امر لا يحتمل (التشويق) او التسويف
كان لابد ان يطرح ما لديه جملة واحدة. والا فما العجلة فى امر نقد رواية مرت سنوات على صدورها
طرح الامر بالقطاعى هو دعوة لئيمة لخصوم هشام للولوغ فى سمعته و كما قال حبيب نورة فالامر اشبه بالمكايدة
ما يجعله اقرب للمكر السئ الذى نهى عنه الدين و تنهى عنه مكارم الاخلاق
الاخلاق القويمة تقتضى ان يسحب الواثق هذا البوست (ما دام لا يملك وقتا كافيا حاليا) و يعود برؤيته
كاملة و يدع الحكم للقراء و للكاتبين المعنيين (هشام و ساكن)
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: عوض محمد احمد)
|
Quote: الأحبة عماد وحبيب نورة
إختلفواعلى مهلكم دون الإساءة لبعضكم البعض
ففي البوست متسع للإختلاف بعد طرح الاخ الواثق لأدلته التي يستند عليها في حجته هذه
مودتي لكم |
الأخ المحترم حيدر
جزاك الله خيرا على النصح
وأخالك رأيت كيف بدأ الرجل بالإساءة والاتهام بالغباء في"صمّة خشمي"
المهم، ستجدني أول الملتزمين بما طلبت، مالم يأتني ب"إساءات" أخرى
***********
عمار:
"ظل الله/آية الله/ حجّة الله..إلخ" هذه عندكم ..و لحكمة بالغة كبُرت تلك العمائم وصغرت تلك العقول
التي تحتها
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: حيدر حسن ميرغني)
|
الإخوة
عماد موسي
حبيب نوره
ياخي كيفنكم ونعلكم طيبين
متورين نفسكم كدي علي شنو ماني خابر
أخونا الواثق ،،، في إنتظارك ،،،
تم قرايتك للروايتين وآتنا بوجه التشابه ،،
أنا شخصياً لا وقت لي لقراءة روايتين مرة واحدة ،،،، لكن بالجد بعد ده الزول حيفتش ليه فرقة وقت يقرأ فيه الروايتين ديل
ويكون ضرب تلاته عصافير بحجر واحد
قراية روايتين ومناقشة أخونا الواثق في تساؤله أو إتهامه
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: د.نجاة محمود)
|
Quote: ممكن الوصلات للروايات؟
يجب ان تكون المادة جاهزة لتنزيل حين فتح البوست
القطع ثم العد فيه ظلم شديد للكاتب المتهم
مع التحية والمودة للجميع هنا |
شيء عجيب يا دكتورة
هشام آدم ده تلتمسي ليهو عذر.. مع اختلافك الشديد معه
وبي غادي نعتبري أن شيخ أبو زيد يصب كلامه في الكذب؟!!
حتى في العذر ما لقيتوا ليهو (فريقة) زي هشام آدم
قادر الله!!!!
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: د.نجاة محمود)
|
| Quote: فإنّ الشبهة تبقى قائمة وكبيرة ومحتملة ترجيحاً |
Quote: مواضيع زي دي ما بتفتح عشان السادة المتفرجين ينتظروا الحلقة الجاية
كان تجهز نفسك جيداً وتجي تفتح البوست |
Quote: ما طرحه الواثق من اتهام خطير لهشام امر لا يحتمل (التشويق) او التسويف
كان لابد ان يطرح ما لديه جملة واحدة. والا فما العجلة |
الأخ الواثق لك التحية
أتفق مع الأخ عوض في المقتبس ومع حبيب نورا كمان
من المؤسف أن تأسس لادانة المؤلف بالسرقة الأدبية في أذهان القراء سواء استطعت اثبات السرقة أم لا وسواء اختلف الناس معك في تسمية ما ستحضره من "اثباتات لسرقة" قبل أن تعرضها .. وده استخفاف بمقدرة القاريء على الخروج بفهمه الخاص
عموما ننتظر ما ستكتب ..
لك شكري..
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: د.نجاة محمود)
|
واللة غايتو يا ناس البورد تحيرو الزول
سمعة الناس دي هينة خالص وتفكوها كدة لا بتخافو ربكم لاضميركم
واحد يقول بيان سرقت و فعلت ويضرها في أكل عيشها ولمن يقولو لية دليلك ويين يزوغ
واحد يجي يقول هشام سرق روايتة وبعد سنين من إصدارها و فوزها بجائزة ويكب كلامة هنا دة ويقول إنتظرو الديل .....
ياخ إنت وقت
ما عندك دليل جاهز ما تنتظر
ولمن يكون دليلك معاك تعال أكتبو هنا
مسلسل هو ياخي عشان سمعتة تتلطخ لحدي ما يجي الدليل وعلي أكتر من مهلة
والبغيظ أكتر الناس البتجي تصفي حساباتها أو تقعد بعيد تتفرج لانة الزول المبهوت ما عاجبها
حسي بيان دي لو كانت معارضة كان معاوية دة قطعوها لية في راسة لكن لعداواتها
الكتيرة شلتها بس الجات كوركت ودافعهم مشكلتهم مع معاية بنفس قدر دفاعهم
عن بيان
بنفس القدر لو هشام ما كان معلن إلحادة كان الواثق بلعوة بوستة دة ناشف
وكان ناس شيخ عماد جو طاييرييين إتقي اللة وإن جآكم فاسق ودليلك شنو
لكن لانة المبهوت هنا هشام الكافر طوالي دخل واللة ما مستبعدة علي هشام و خلاص نقعد ننتظر لحدي ما يجي الدليل
أختلف مع هشام جملة و تفصيلا
وإختلفت مع بيان عدة مرات وأختلف مع طرحها في السياسة و في عنفها اللفظي و طريقتها في النقاش
لكن لا أرضي أن تشوة سمعت بيان و لا هشام إختلفت أو إتفقت معهم أو أي شخص تاني
العندو دليل الكبو مع إتهامة مش يقول كلام والسلام
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: محمد ابراهيم قرض)
|
Quote: مواضيع زي دي ما بتفتح عشان السادة المتفرجين ينتظروا الحلقة الجاية
كان تجهز نفسك جيداً وتجي تفتح البوست
الطريقة دي أقرب ما تكون إلي الكيدية
|
| Quote: المهم المتابع للبوست ومداخلات البعض من الأخوان والزملاء يعتقد أن التهمة لابسة هشام لابساه؛ وللعلم إنو موضوعنا بمثل في التالي |
شكرا يا الحبيب نورة
وفي ظني انك كتبت ما كتبت ليس لانك فقط تنتمي لحقل الكتابة او الرواية ! و ليس لانك تعني فقط باهمية اصول النقد الادبي ! و انما غالبا
لان لديك متسع من النظر خارج هذا المنبر !
--
عموما هل الكتابة هنا في المنبر هو من اجل الاستهلاك المنبري !
و هل يمكن الاستعاضة بلغة المنبر مثل (يعلف ) كبدائل لمفاهيم النقد الادبي المعروفة !
و ثمة اسئلة كثيرة !
--
عزيزي عماد : كان يمكن ان تكون (hypothesis) : هل هناك تشابه بين الروايتين و ما السبب المرجح للتشابه ! !
و بعد عقد المقارنات كان يمكن الوصول الي نتيجة ما ! مع التنويه الي (احتمالية خطأ و نسبة مئوية )!
---
تقديري للعزيز الواثق
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: هيثم طه)
|
Quote: شكرا يا الحبيب نورة
وفي ظني انك كتبت ما كتبت ليس لانك فقط تنتمي لحقل الكتابة او الرواية ! و ليس لانك تعني فقط باهمية اصول النقد الادبي ! و انما غالبا
لان لديك متسع من النظر خارج هذا المنبر !
--
عموما هل الكتابة هنا في المنبر هو من اجل الاستهلاك المنبري !
و هل يمكن الاستعاضة بلغة المنبر مثل (يعلف ) كبدائل لمفاهيم النقد الادبي المعروفة !
و ثمة اسئلة كثيرة !
--
عزيزي عماد : كان يمكن ان تكون (hypothesis) : هل هناك تشابه بين الروايتين و ما السبب المرجح للتشابه ! !
و بعد عقد المقارنات كان يمكن الوصول الي نتيجة ما ! مع التنويه الي (احتمالية خطأ و نسبة مئوية )! |
هيثم طه
إحترامي
عارف يا هيثم مرات بتحصل تناص وتوارد خواطر بطريقة غريبة جداً
لكن عشان أقرب ليك الشغلانة
أكتب رواية عن حلتكم في دارفور مثلاً ويجي واحد تاني يكتب عن نفس الحلة و ح تكتشف كمية من الحاجات المتطابقة لدرجة إنو القارئ ح يعتقد
إنو دي سرقة أدبية عشان في تفاصيل كتيرة مشتركة بتاع الدكان والمرا ست الصندوق وبتاع اللجنة الشعبية وكمية من الشخوص بتلقاهم
موجودين في الروايتين بمعدل تطابق عالِ جداً .
رواية قونقليز موجودة والطواحين موجودة فقط نحتاج لإثبات السرقة الأدبية
شكرن كتيرن
| |
|
|
|
|
|
|
|
|
 Re: هل سرق هشام آدم رواية الطواحين لبركة ساكن!! (Re: Haitham Elsiddiq)
|
Quote: ياخ إنت وقت
ما عندك دليل جاهز ما تنتظر
ولمن يكون دليلك معاك تعال أكتبو هنا
مسلسل هو ياخي عشان سمعتة تتلطخ لحدي ما يجي الدليل وعلي أكتر من مهلة
|
Quote: بنفس القدر لو هشام ما كان معلن إلحادة كان الواثق بلعوة بوستة دة ناشف
وكان ناس شيخ عماد جو طاييرييين إتقي اللة وإن جآكم فاسق ودليلك شنو
|
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: Haitham Elsiddiq)
|
Quote: سمعة الناس دي هينة خالص وتفكوها كدة لا بتخافو ربكم لاضميركم
|
عشان كدا بنقول انه البورد فقد مصجاقيته والناس المفروض ما تاخد منه اي معلومة عن زول
| Quote: حد يقول بيان سرقت و فعلت ويضرها في أكل عيشها ولمن يقولو لية دليلك ويين يزوغ |
تعرفالزول دا عل لي دعاية من حيث لا يفهم من حدث ما حدث وتتنزل علينا طلبات خدمات مختلفة
لانه اي زول عرف انه معاوية دا زول كذاب وهراش ساي وعنده مشكلة اهمية ..
Quote: حسي بيان دي لو كانت معارضة كان معاوية دة قطعوها لية في راسة لكن لعداواتها
الكتيرة شلتها بس الجات كوركت ودافعهم مشكلتهم مع معاية بنفس قدر دفاعهم
عن بيان
|
يا زول انا ما عايزة زول يدافع عني بعدين عدواتي مع عدد محدد من الناس كلهم على شاكلة بعضهم البعض بس عندهم حلاقيم كبيرة
وشغالين جهل نشط ويجاروا بين البوستات ...
وما عندي شلة نهائيا واقول الحق ولو على رقبتي ...المناضل المضادلا يحتاج لشلة بل يحتاج لقراء وديل عندي بالكوم.
الحمدلله...
والحق واحد والله واحد
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: د.نجاة محمود)
|
سلام يابيان...
ياخي السلام مابكلف حاجة....قوليها إنشاءاللة مجاملة
وبعدين طوالي مسمياني يازول...ياخي أنا إسمي هيثم...قولية كان بالعربي ولا الإنجليزي
البورد دة يابيان محل بتاع ونسة....الناس إسفريين وما حقيقيين ولما الناس تتعامل معاة علي الأساس دة في مشاكل كتيرة بتختفي...
وزي ما شايفة كمونية ساي...شي سياسة وشي كورة وشي موسيقي ...تعازي... تهنئة ....المافي شنو علي قول قيقيا....الداير المعلومة دة ما محلها ....دة مكان نقاش و للأسف مرات شكل ونبذ....
أنا ما عندي الحق أقول ليك تتعاملي مع الناس كيف و بياتو أسلوب... We are all adults here
لكن وزي ما جاء في الأثر المؤمن مرآة أخية...يعني زمالة بورد ساي حاقول كلمتين كدة وكان ما عجبوك أجدعيهم البحر....
إنت قلت ما عايزة زول يدافع عنك ..اللي أنا فهمي ليها التوافق مع وجهة نظرك في الخلاف ورفض كلام أو فعل الطرف الآخر...
لكن كان جا زول قال ليك كلمة طوالي بتفكية بي إنت كنت ووووين لما فلان قال و فعل وما رديت علية وقلت النصيحة....فيبقي إنت دايرة الناس يقوفي معاك ودة شئ طبيعي...ودايما بتقولي للشيوعيين ما تلجمو ناسكم و ما عارف شنو...
يابيان مشاكلك العارفها أنا هنا مع خمسة أو ستة...دة غير الغالبية من عضوية الشيوعي....و لو إنت تجردت من الكبرياء ونظرت لنفسك لو جدت إنها عداوات علي أقل تقدير كان ممكن تتجنبيها....الزول الماعجبك أبعدي منة....وإنت كإنسانة رافعة شعار ألاسلام...بتنسي وكت الغضب كلام اللة بتاع الكاظمين الغيظ وبتنسي كلام العافين عن الناس وأمر الإعراض عن الجاهلين...بتجي بي كبكك أبو شلوخ مع أول زول يغلط عليك وطوالي معركة....حقي ما بخلية وهو الغلط علي أول... والعين بالعين طوالي تجي داخلة ....رغم إنة العفو عند المقدرة أجل وأعلي...والمسلم لا طعان ولا لعان يا بيان
.وأهلنا الخواجات زمان قالو لو كل الناس إتعاملت بمبدأ العين بالعين لأصبح العالم أعمي....
فياخي ليك إنت دي ما ليزول تاني بردي نفسك ...أطلبي العفو والعافية من كل من يظن أن لة حق عندك...وأصفحي وأفتحي صفحة جديدة بنفس بارد....يزيد إحترام الناس ليك وتجنبي روحك الكلام و العداوات...العفو ليس ضعف بل العكس هو فعل يملك القليلين جدا المقدرة علية....وصدقيني لا البورد بيستاهل ولا الدنيا الفانية بتستاهل....ونحنا ناس طيبيييين والخير بتلقي عند أي زول...
وإتذكري لسنا دائما علي حق...وليس منا من يملك ناصية الحقيقة....أو كما قال الخواجة....
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: عماد موسى محمد)
|
يا سيدنا عماد موسي عليه السلام صاحب العظمة والقداسة والحاجات الكويسة كلها
يا راجل دي وثيقة إتهام واضحة جداً وطرحها بمثل هذه الطريقة بفتح الباب لمجموعة من خصوم هشام إنهم يقدموا " شيكاتهم " الراجعة
بإعتبار إنهم ما صدقوا إنو هشام مقبوض في زنزانة البوست ده . يعني عشان يرجع ويحلحل مشاكلو إلا يعمل إعسار .
وبعدين الراجل مهمها أختلفنا ونضمنا حولو عندو إنتاج والإنتاج ده فايز بجائزة معترف بها في السودان أقامت الدنيا ولم تقعدها
لمن يتفتح بوست تشكيكي في رواية فائزة بجائزة مماثلة هذا الكلام يعني التشكيك في اللجنة التي منحته تلك الجائزة والقائمين عليها وأبناء السبيل
Quote: والله لم أر أغبى منك في هذا الرد الذي يبيّن أنك لا أدب..ولا "أدب"..
إنت دحين ما درّسوك في اللغة العربية السؤال بصيغة الاستفهام؟ |
شكراً سيدي عماد موسي أنت لا تنطق عن الهوي؛ وفي الواقع كلامك وحيٍ يوحي والله لست بأقل من مهدي الله المنتظر
Quote: بعدين يا حبيب نورة صيغة الاستفهام أحيانا قد تدلّ على التشويق كما قال العلماء، وهذا كثير في حديث
نبيّنا الصادق المصدوق صلى الله عليه وسلم..مثال فقط:
"ألا أدلك على أبواب الخير ؟ |
التشويق ده يا حبيبي تلقاه في أم بي سي آكشن
ونبيّنا الصادق المصدوق ما عندو علاقة بي موضوع البوست ده
وبعدين إنت السألك منو أصلاً عشان تجي تتكلم معاي أنا ؟؟ أقضِ حاجتك وأغتسل بعيداً عني
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: حبيب نورة)
|
Quote: : بعدين يا حبيب نورة صيغة الاستفهام أحيانا قد تدلّ على التشويق كما قال العلماء، وهذا كثير في حديث
نبيّنا الصادق المصدوق صلى الله عليه وسلم..مثال فقط:
"ألا أدلك على أبواب الخير ؟ |
ونبيك الصادق المصدوق ده ما قال ليك ما تتهم الناس ساكت كده....؟
| Quote: أقضِ حاجتك وأغتسل بعيداً عني |
وخلاصة الكلام ما قاله نبينا الصادق المصدوق حبيب نورة،،،
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: عصام دهب)
|
عصام...سلام
| Quote: و حين يكون الحديث عنه صلى الله عليه و سلم فيلزم المتحدث التأدب .. |
الكلام ده قولو لعماد قول ليهو التادب في حضرة النبي تعني تمثل ما يقوله فى النهي عن إتهام الناس بالباطل
والتشهير بهم،،،،ده التأدب في حضر النبي ما بحتمل الازدواجية وتوزيع النصائح كيف ما أتفق يا مولانا عصام دهب
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: خالد خليل محمد بحر)
|
Quote:
شيء عجيب يا دكتورة
هشام آدم ده تلتمسي ليهو عذر.. مع اختلافك الشديد معه
وبي غادي نعتبري أن شيخ أبو زيد يصب كلامه في الكذب؟!!
حتى في العذر ما لقيتوا ليهو (فريقة) زي هشام آدم
قادر الله!!!! |
سلامات يا مولانا
موضوع هشام موضوع نقدي وادبي ما ديني لا يهمني لو كان كافر فقد كفر لنفسه وربنا يحاسبو على كفره يوم القيامة
فأنا لا ادافع عن هشام مخصصا انا ادافع عن عدم رمي الكلام والتهم ساي ودا مبدأ عام لي انا وللجميع
طلع الزول النقل كلام مولانا ابو زيد ما صاح؟
ما رجعت لذلك البوست مرة اخرى
الحق واحد يا مولانا لاي زول مسلم ولا كافرزز
والى الان منتظرة المقارنة بين الروايتين حتى نرى الاتهام دا جا من شنو..
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: معتصم محمد صالح)
|
سلام تاني يا خالد و كل المتداخلين ..
Quote: الكلام ده قولو لعماد قول ليهو التادب في حضرة النبي تعني تمثل ما يقوله فى النهي عن إتهام الناس بالباطل
والتشهير بهم،،،،ده التأدب في حضر النبي ما بحتمل الازدواجية وتوزيع النصائح كيف ما أتفق يا مولانا عصام دهب |
و الأخ / عماد ليس معصوماً من الخطأ و إن أنت رأيته قد أخطأ فعليك أن تصحح خطأه أو تبدي له النصح ..
و إن أخطأ عماد فمهما كان حجم خطأه فهو لا يبرر لك ما كتبته و رأيته أنا غير لائق ..
و حقيقة الأمر أنني مررت على مداخلته و غيره و لم أجد فيهم ما وجدت في مداخلتك ..
و قد أبديت لك نصحاً و لا أرى نفسي بأفضل منك أو من غيرك ..
فأنا أخطئ مثلك و أسال الله تعالى أن يعينني بمن يهدي إلي عيوبي ..
فإن شئت فأقبل نصحي و إن أبيت فأسال الله تعالى أن يهدينا و يهديكم ..
و بس ..
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: عصام دهب)
|
معذرة أيها الكرام على هذا التأخر ولكم العتبى
عندما بدأت هذا البوست مساء أمس كنت عائداً من لقاء حميم بصديق قديم اشتغل بالفنون حيناً من الدهر ثم أخذته الشاشات الفضية بعيداً لينتقل إلى الرسم باللقطات،وكلاهما فنّ..
تحاورنا كثيراً في ذلك المقهى الجميل وسط الخرطوم والذي خصصه أسامة داؤود أساساً للأجانب العاملين ببعثة الأمم المتحدة -على ما يبدو- ثم تحوّل إلى مظلة أوسع قلّما تتّسع للمهتمين بالشأن الثقافي ولا أقول -مثقفين- الذين يفضّلون الشاي عند (ستّاته) إن جازت العبارة..
كان مما حكيت لصديقي هذا همّي السينمائي،وحلم النهوض بالسينما السودانية وإعادة البريق والرحيق ،خاصّة والناس يحتفلون بمئويتها هذه الأيام،ثم حدّثته عن مشروع فيلم عبد القادر ود حبّوبة والذي تصدّى له عبد العزيز بركة ساكن ليكتب الحكاية والهوامش والمعالجة والعبر..
بعدها تفرّع بنا درب الحديث ليقف طويلاً أمام بوابة (ساكن) هذا وقد وجدت فيه حبّاً للرجل يضاهي ما في نفسي من إعجاب بهذا القادم من (مدينتي) القضارف وعلى عاتقة (بقجة) حكايات كما يحلو للنوبي الكوشي بشاشا : )
وما إن تعطّر جوّ المكان والوجدان بذكر عبد العزيز حتى تبدّى إشفاقنا عليه من الإهمال وجور الأوطان الذي بخل على الطيب صالح حتى بوسام فنون من الدرجة الثانية وهو من هو..
ثم ذكرت له جائزة الطيب صالح (الأصل) التي منحت لبركة ساكن عن (عروسه) الجنقو مسامير الأرض والتي هي عندي (قمّة) نضج بركة واستقراره من (قلق) التجريب و(تهويمات)الحداثة..فيها يعود بركة (حكّاياً) ذكيّاً عميقاً ممتعاً جديداً مجدداًعصياً على النسيان..
وكالعادة استطلعت رأي صاحبي هذا وهو (الخبير) في الروائيين الشباب ومن ينصحني بمتابعة إنتاجه منهم خاصّة في ظل غفلتي عنهم بإنشغالات العمل الذي ما أن ينتهي حتى يبدأ من جديد ليجعل القراءة مجرد ترف يناله أولى العزم من المحظوظين..حتى بركة هذا الذي أحبّه اكتشفته صدفةً في ليلة من ليالي القاهرة المفشية أسرارها -وتلك حكاية سأرويها إن شاء الله-
بعد أن عدّ لي كاتبين اثنين فقط سألته عن الباقين -ممن أعرفهم- واحداً واحداً وهو يلخص رأيه في كلمتين وربما واحدة حتى ظننت أنني أقدّم برنامج (ظلال) الذي اشتهر أواخر التسعينات في تلفزيون السودان..
-هشام آدم؟
-غير أصيل،يسرق من بركة ساكن ويقلّده!!
-كيف؟
-عديل كده..
-الزول دا فاز بجائزة الطيب صالح ياخ؟؟
-قونقليز دي ذاتها لاطشها من بركة ساكن : )
- ......
- بعد تتجاوز المقدّمة بجي بركة ساكن زي ما هو في رواية الطواحين : ))
نواصل
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: الطيب شيقوق)
|
هذا الصديق عندي (ثقة ثبت) فوق الشبهات : )
وهشام آدم (ذو سوابق) مشهودة في المنبر وخارجه : )
من هنا كتبت المقدّمة (التشويقية) كما يراها المنصفون،(التشويهية) كما يراها (الباحثون) وكلاهما على خير ولا ضير..
أين أجد قونقليز؟؟
رأيتها من قبل على رفوف الدار السودانية للكتب،ولكن هل هي متوفرة الآن؟؟
كان لابد لي أن أستقصي وأقدّم لكم (مقارنة) رصينة (فوق) شبهات الترصّد لهشام آدم (الملحد)،فأخلاق الإسلام لا تجيز اتهام الناس بالباطل مهما كان رأيهم في الدين..وما هكذا فهمنا منه..
نزّلت الرواية من الانترنت ووجدتها متاحة على منتدى سوداني في صيغة بي دي أف وعلى هامشها الأسفل (النسخة الإلكترونية-هشام آدم)..
وكل روايات بركة ساكن (عندي) بالبيت،أتناولها عند الحاجة : )
في إحدى ليالي القاهرة الصيفية دعانا التشكيلي السوداني الخلوق والفنان الإنسان وليد فاروق لمكتبه وسط البلد (نبتة) لحضور حفل توقيع روايات لكاتب سوداني -لا أعرفه حينها- اسمه عبد العزيز بركة ساكن..كان معي بالفندق الممثل السوداني إبراهيم بشرى نتجاذب أطراف الحديث مللاً ثم راينا أن نذهب للحفل (مجاملةً) للفاضل وليد..
وصلنا متأخرين فوجدنا (حبيب نورة) على المنصة وبجواره شاب أسمر (ذو شيب على لحيته) قليل نحيل يتكلم بحماس ويرتدي كنزة إفريقية -أو هكذا تبدو- والنقاش ساخن حول الهامش والمركز..
أعجبني طرح بركة (المتوازن) وشجاعته وصراحته ووضوحه،وأفكاره الخاصة عن السودان و(الشعوب) السودانية كما يسميها وسررت أكثر لبشارته لنا بقرب إطلاق رواية مسيح دارفور..كان شخصاً (مختلفاً) وما زال..دفعني ذلك لشراء كل الروايات التي كانت معروضةً للبيع وعليها توقيع بركة الذي تعرّفت عليه شخصياً وأبديت اهتماماً بمقابلته لاحقاً -قابلته بصحبة حبيب نورة في قهوة جروبي بعد ذلك- هذه قصة امتلاكي روايات بركة ساكن..
قونقليز عندي والطواحين معي.. بدأت العمل على المقارنة فكانت النتيجة مدهشة للغاية..
نواصل
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: الواثق الصادق)
|
رواية (قونقليز) رواية جيدة حسب (تقديري) المتواضع وأنا كائن (بصري) له خيال لا بأس به،ينظر للنصوص بعدسة الكاميرا و(الديكوباج) وكذلك يفعل المخرجون..
وأهل فنّ الرواية كرّموها بوسام رفيع الشأن في تسابق نزيه وتحكيم محايد فهي بذلك تستغني عن آراء المخرجين وعموم المشاهدين : )
عندما أبحرت فيها وبيدي قلم رصاص أعلّم به وأخطّط قابلني الكثير من (المتشابه) و(المألوف)..
دعاني هذا لعودة إجبارية لبعض روايات عبد العزيز بركة ساكن للتنقيب والمقارنة والتدقيق تحرّضني عبارة صديقي (يسرق من بركة ساكن ويقلّده)..
(قونقليز) يا سادة محشوّة بنصوص وأفكار وأشكال من (الطواحين) و(الجنقو مسامير الأرض) و(زاوج امرأة الرصاص وابنته الجميلة) وكلها لبركة ساكن..
لا أفهم في الفوتوشوب إلّا بقدر ما تفهم جدّتي (بت كسلا) في استخراج المعادن من الرمال السوداء التي لم ترها في حياتها..
لذلك أمهلوني 24 ساعةً حتى أجهّز المقارنات بشكل (واضح) يسهّل على الجميع إدراك الحقيقة..
وكل من يرى هذا (التأخّر) لا ينبغي ولا يجوز وفيه ضرر،أحترم رأيه وأقدّره وأرجو أن يلتمس لي العذر ويكل (النوايا) لمن يعلم خائنة الأعين وما تخفي الصدور..
ألقاكم غداً إن شاء الله
تصبحون على خير..
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: Kabar)
|
الأخ الصديق المخرج الواثق تحية طيبة
ومعذرة جيت ناطي من غير تحايا وسلام
الكثيرون هنا لا يعلمون شيئاً عن العلاقة الطيبة التي تربطنا مع بعض وما أكنه لك من تقدير وإحترام
ولكن ما جعلني أفقد بعض وقاري ( أدعي الوقار :) ) هو حساسية الموضوع ولست أعني السرقة الأدبية فقط
ولكن كلنا نعلم أن لهشام آدم في هذا الفضاء مجموعة من الخصوم الذين يترصّدونه نسبة لأفكاره ومعتقداته التي يجاهر بها علي الملآ دون
أن يخشي فيما يراه ويؤمن به لومة لائم . لهذا السبب وحده أري أنك يفترض بك التريث قليلاً وأن لا تنساق وراء التشويق قبل أن تأتي بأدلتك كاملة
وليس لمجرد رأي صديق تثق به أنت يا صديقي ونحن كقراء لا نعرفه أصلاً ( لأنك لم تذكر إسمه بالطبع )
ما بتقدر تتصوّر قدر شنو الحاجة دي مؤلمة وصعبة للكاتب والقراء في نفس الوقت وكلنا يعرف أن هشام سكاكينو جاهزة بس منتظرة إشارة لبدء الذبح .
إشكاليتنا الكبيرة أننا لا نفصل بين هذا وذاك وأعني إذا ساءت علاقة أحدهم بكاتبٍ أو سياسي علي المستوي الفكري أو الأدبي تجده لا يحبذ أي نوع
من أشكال العلاقة مع ذلك الكاتب أو السياسي علي المستوي الشخصي مثلاً .
أنا لا أتفق مع هشام في بعض ما يراه؛ ولكن هذا الشئ لا علاقة له بهشام الكاتب .
صديقي الآخر بركة أحترمه كثيراً وأنت تعلم ولكن أعتقد إنو مافي كاتب ينشغل لدرجة إنو يغض النظر عن سرقة أدبية لأحد أعماله التي تعب فيها وساهر ونزف
وعمل السبعة وذمتها عشان تطلع للقارئ كمولود شرعي له . وبإفتراض حسن النوايا علينا أن نأتي بأدلتنا وفور تأكدنا من هذا الأمر وإثبات الحالة
لك مني شخصياً إعتذار كبير بكل شجاعة وكذلك إدانة واضحة لهشام . لكن الموضوع ده أبعدوه لينا من الدين والإسلام والإلحاد والسوابق .
نحن قدامنا حالة واحدة ( رواية قنقليز ورواية الطواحين ) وما عندنا حاجة تخلينا نفتح ملفات خارج هذا الموضوع عشان نقدر نركّز أكتر ونوصل لي حل مرضٍ لكافة الأطراف .
نريدها مثاقفة حقيقية لا مساخفة وشوية آيات وأحاديث وكأننا مختلفين حول حديث الذبابة .
أشكرك لإتساع صدرك يا جميل وأتمني أن ألتقيك لو كنت موجود في قاهرة المعز وشكرن كتيرن .
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: Kabar)
|
Quote: يا سيدنا عماد موسي عليه السلام صاحب العظمة والقداسة والحاجات الكويسة كلها
يا راجل دي وثيقة إتهام واضحة جداً وطرحها بمثل هذه الطريقة بفتح الباب لمجموعة من خصوم هشام إنهم يقدموا " شيكاتهم " الراجعة
بإعتبار إنهم ما صدقوا إنو هشام مقبوض في زنزانة البوست ده . يعني عشان يرجع ويحلحل مشاكلو إلا يعمل إعسار .
وبعدين الراجل مهمها أختلفنا ونضمنا حولو عندو إنتاج والإنتاج ده فايز بجائزة معترف بها في السودان أقامت الدنيا ولم تقعدها
لمن يتفتح بوست تشكيكي في رواية فائزة بجائزة مماثلة هذا الكلام يعني التشكيك في اللجنة التي منحته تلك الجائزة والقائمين عليها وأبناء السبيل |
يا زول..لا سيدك..ولا صاحب عظمة.. ..ولا قداسة ..ولا حاجات كويسة ولابطيخ..
أنا إنسان عادي جدا..جئت بكل أدب أناقشك ووجهت حديثي بكل هدوء لمن سموه أديبا أريبا مؤدبا..
فوجدته لا أدب ولا "أدب".. رماني أولا بالغباء..ثم جاء يرمي بمثل هذا الفُحش:
| Quote: أقضِ حاجتك وأغتسل بعيداً عني |
ولا أخالك تركت هذا الشئ يوما-إن كنت تغتسل بعده-؟
قولك:
Quote: يا راجل دي وثيقة إتهام واضحة جداً وطرحها بمثل هذه الطريقة بفتح الباب لمجموعة من خصوم هشام إنهم يقدموا " شيكاتهم " الراجعة
بإعتبار إنهم ما صدقوا إنو هشام مقبوض في زنزانة البوست ده . يعني عشان يرجع ويحلحل مشاكلو إلا يعمل إعسار .
وبعدين الراجل مهمها أختلفنا ونضمنا حولو عندو إنتاج والإنتاج ده فايز بجائزة معترف بها في السودان أقامت الدنيا ولم تقعدها |
يا رجل..حسنا..وثيقة الاتهام هذه -مهما يكن الاتهام-يلزمك ويلزمني ويلزم الجميع فيها-كمُتّهمين-أن
ننتظر جميع التفاصيل المملة للتهمة،الأضرار المدّعاة،المطالبات..إلخ ولماذا كان هناك قضاء ومحامون واستئناف وتأجيل قضايا وانتظار مُملّ...؟
هذا المنبر إسمه"المنبر العام" يطرح فيه الناس تساؤلات ..استفسارات..انتقادات ..افتراضات...إلخ ثم تأتي الأطراف الاخرى المخالفة للنقاش والدفاع والمرافعات الفكرية..من يلزم الواثق بصكوك لعنة أو غفران..أو بطريقة"أمسك لي واقطع ليك"؟أ "وادّيني النتيجة هسّع دي "كسر رقبة"؟! ..هذه ليست جزارة لبيع اللحم بالقطاعي..هذا منبر للحوااار والنقاش والأخذ والرد..والمتابع هو من يستخرج الحق الخالص من بين فرث النقاش ودمه-وإن كان الحوار مؤلما..
ما المشكلة؟
لأنه هشام آدم؟
So What هشام آدم؟
صحيح ، من أول وهلة يبدو أن التهمة للبريئ-أي بريئ- شيئا مؤلما لكي ينتظر البراءة..لكن فليعلم الأديب الأريب حبيب-الذي يغضب حين ياتيه النُّصح و التصويب-أن يوسف-عليه السلام-رموه -ظلما- في بئر، وسُجن -دهرا في سجن-ورمي -زورا- في تهمة فاحشة-وهو برئ منها براءة الذئب من الدم الذي جاء إخوته لأبيهم به... ورغم هذا : "فلبث في السجن بضع سنين"..فليشمر هشام عن ساعده ليخرج من جبّ التهمة، وليطرح فكرا لاشتما..فالأصل في السؤال ليس التحريم..لكن على من طُرح عليه السؤال أن يقدم حججه، ويقنع من اتهموه..وما ضاع حقّ وراءه مطالب..
فيا ناس..: ليس هكذا يا سعد تًرد الإبل***************
ولذلك تبيّن لي خطأ قولك:
Quote: بفتح الباب لمجموعة من خصوم هشام إنهم يقدموا " شيكاتهم " الراجعة
بإعتبار إنهم ما صدقوا إنو هشام مقبوض في زنزانة البوست ده . يعني عشان يرجع ويحلحل مشاكلو إلا يعمل إعسار . |
لا.. يا زول..لا زنزانة ولاشيتين..ولا إعسار ولاضمان..هذا منبر عام..وهناك حجج..وبراهين..وهناك دليل ومنطق..وهناك عقول تتابع..فلم الضيق والعطن..؟ ورمي الناس بفزّاعة"أعداء هشام آدم دي"..أهذه "محرقة" فكرية جديدة لسان حالها يقول: من "رش هشام آدم بالنقد..نرشّه بتهمة العداء والمكايدة....؟إلخ
هشام آدم..أراه هنا حضر- له لسان وعينان.. وننتظر حُجّته والبيان..وإن كانت له "مرافعة" فساحتها "النقاش" مفتوحة...وميدانها البحث والحوار الجميل والبصيرة..
ما قادرين نصبر بضع ساعات على مجرد تساؤل من باحث عن كاتب "أقام الدنيا ولم يقعدهاسرقة عن "بوكرامي ومن شابهه" و له سجل طويل من "الأمانة" العلمية؟؟
ثم يا زول ..لازال الناس يطرحون بحوثهم وافتراضاتهم بصيغة الاستفهام لإثبات أو استنهاض أو إثارة أو تنبيه..سواء كانت عن سرقات أو غير سرقات.. بل هذا صاحب الاحتجاج نفسه..أنت..حبيب نورة- تطرح بصيغة الاستفهام عن نفسك.. وتتساءل : هل ما أقوم به هو حرام شرعا أم حلال أدبا..؟
هذا شريط ل"حبيب نورة" ..حدادي مدادي عنوانه:
السرقات الأدبية من القرآن هل تعتبر حرام شرعياً أم حلال أدبياً؟؟
أحرامٌ على بلابله الدوح****حرامٌ على الطير من كل جنس؟!!
أم لأن صيغة الواثق فيها اتهام للأديب،الحبيب،الصديق الصدوق الحميم القريب، الليبرالي العجيب هشام بن آدم الرهيب؟
؟So What ..فيرم هشام بالكذب من رماه بالتلفيق..هذه ساحة حوار..
| Quote: شكراً سيدي عماد موسي أنت لا تنطق عن الهوي؛ وفي الواقع كلامك وحيٍ يوحي والله لست بأقل من مهدي الله المنتظر |
أنا لم أقل ذلك..ولم يقل الناس عني ذلك..ولكن قالت "الرجرجة" و"الأتباع الأذلاء"و"الدهماء" عنك ذلك..أمسك واحد..خالد خليل محمد بحر:
| Quote: وخلاصة الكلام ما قاله نبينا الصادق المصدوق حبيب نورة،،، |
أها عملوك نبي!!!
ولم أدر هل هؤلاء الغلاة جعلوك كاتبا لأنك تجعل الذال زايا بقدرة قادر...كما قلت :
| Quote: ومنذ الاّن أنا سأتفرّغ لآهم ثلاث أشياء ..الماء والغزاء والهواء |
Quote: فقد مــات حــنيني أولاً ... وشوقي ...و لهفتي ... وسهري ... و أملي
وعزابي ....ليس هذا فحــسب ... |
Quote: فكم تلفـّتت خطوات عيوني لتلتــقـــيك ... ويرتدُّ أليــّا البصر خاسئاً وهو حسير...
وكم تسكــّعت أذناي بين ملايين الاصــوات ..لتسرق هتافــك ... ولكني أحسُّ أنك
وضعت أصابعك في أذانك حزرالأدراك ... خشية اللحــاق بصوتي .... |
هاك دي..قوية شديد..الزول المسكين دا حرّف الآيات عشان يلصّقها عليك..وأنت منتش ضاحك..
Quote: حبيب نورة
سلام
من خلال جلسة معك احسست ان كتابات
لوح ودواية
سورة البقرة الآية 30 وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً ..الخ
...انه جاعل فى الارض كاتب اسمه حبيب نورة
قالوا انه فعلا كاتب |
شفت كيف جعلوك:
| Quote: صاحب العظمة والقداسة والحاجات الكويسة كلها |
؟
سبحان الله!! رمتني بدائها..
*******************************************************************
حكمة:
فدع عنك الكتابة لست منها**************** ولو لطخت وجهك بالمداد
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: عماد حسين)
|
الصديق الواثق،
تحية طيبة
يا الواثق ياخي إنت خليت الأراضي مالك؟! وكمان بقيت بتاع روايات؟! هاهاها
ياخي منتظرينك في بوستات الأراضي وعايزين نعرف الجديد.
بخصوص موضوعك هذا يا واثق شكلك ما عندك دليل ضد هشام، ولذا لجأت للإنشاء والإطناب
فأنت مُطالب بالإعتذار لهشام آدم.
بخصوص بركة ساكن وهشام آدم، في رأيي الشخصي الاتنين سارقين من ماركيز في روايته
"مائة عام من العزلة" فبركة ساكن قد سرق خاتمة راوايته "الجنقو مسامير الأرض" من خاتمة راوية "مائة عام من العزلة"
وأيضاً هشام آدم قد سرق مقدمته في روايته - على ما أظن - "أرض الميت" من "مائة عام من العزلة"
فبإمكان الجميع الوقوف عند هذه السرقات.
تحياتي للجميع
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: عماد حسين)
|
| Quote: حُسن الظن ؟؟؟ لم أخالك بمثلِ هذا الغباء يا من رعاك الله !! ولست أنعتك بالغباء أبداً |
الحبيب حبيب نورا
أحبك حقيقة ، وأحبك مجاز
لكن حروفك المقتبسة أعلاه صادمة وما بتشبهك في نسختك الأولى الهتراشة المحببة
ولا تليق بنسختك المطورة بعد ثبات ( كرعينك ) في بساط الأدب والأدباء
تحياتي وأطيب أمنياتي
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: singawi)
|
Quote: لحبيب حبيب نورا
أحبك حقيقة ، وأحبك مجاز
لكن حروفك المقتبسة أعلاه صادمة وما بتشبهك في نسختك الأولى الهتراشة المحببة
ولا تليق بنسختك المطورة بعد ثبات ( كرعينك ) في بساط الأدب والأدباء |
سنجاوي أشكرك لحسن الظن يا جميل
والمعذرة يا صديقي وأسفي للجميع
وأظنها مداخلتي دي كانت من باب الما دايرك في الضلمة بحدِر ليك :) ههههههههههههههههه
أكرر أسفي وإعتذاري
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: محمد عبد الماجد الصايم)
|
الأخ الواسق الصادق
تحية طيبة وبعد
وكما قالها لك أخي حبيب نورا
ليتك تريثتَ قبل نشر هذا البوست
فقد إشتغل فينا هذا البوست بعنوانه الصادم شغلاً عنيفاً
ما زلتُ في إنتظارك بأن تأتي بالمقارنات والمترادفات والمتشابهات بين الروايتين
ــــــــــــــــــــــــــــــــ
من حديثك بإننا أولاد كار واحد
ياخي مرحب بيك في قبيلة المخرجين
وقد يكون بيناتنا لقاءات قادمات
لا تتأخر علينا بما عندك من تحليل للروايتين
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: Mahir Mohammed Salih)
|
قال حبيب نورة لعماد موسى:
Quote: يا سيدنا عماد موسي عليه السلام صاحب العظمة والقداسة والحاجات الكويسة كلها
يا راجل دي وثيقة إتهام واضحة جداً وطرحها بمثل هذه الطريقة بفتح الباب لمجموعة من خصوم هشام إنهم يقدموا " شيكاتهم " الراجعة
بإعتبار إنهم ما صدقوا إنو هشام مقبوض في زنزانة البوست ده . يعني عشان يرجع ويحلحل مشاكلو إلا يعمل إعسار .
وبعدين الراجل مهمها أختلفنا ونضمنا حولو عندو إنتاج والإنتاج ده فايز بجائزة معترف بها في السودان أقامت الدنيا ولم تقعدها
لمن يتفتح بوست تشكيكي في رواية فائزة بجائزة مماثلة هذا الكلام يعني التشكيك في اللجنة التي منحته تلك الجائزة والقائمين عليها وأبناء السبيل |
Quote: يا زول..لا سيدك..ولا صاحب عظمة.. ..ولا قداسة ..ولا حاجات كويسة ولابطيخ..
أنا إنسان عادي جدا..جئت بكل أدب أناقشك ووجهت حديثي بكل هدوء لمن سموه أديبا أريبا مؤدبا..
فوجدته لا أدب ولا "أدب".. رماني أولا بالغباء..ثم جاء يرمي بمثل هذا الفُحش: |
قولك:
| Quote: أقضِ حاجتك وأغتسل بعيداً عني |
وبس من باب حقي في الرد بمثله أقول:
| Quote: ولا أخالك تركت هذا الشئ يوما-إن كنت تغتسل بعده-؟ |
قول حبيب نورة::
Quote: يا راجل دي وثيقة إتهام واضحة جداً وطرحها بمثل هذه الطريقة بفتح الباب لمجموعة من خصوم هشام إنهم يقدموا " شيكاتهم " الراجعة
بإعتبار إنهم ما صدقوا إنو هشام مقبوض في زنزانة البوست ده . يعني عشان يرجع ويحلحل مشاكلو إلا يعمل إعسار .
وبعدين الراجل مهمها أختلفنا ونضمنا حولو عندو إنتاج والإنتاج ده فايز بجائزة معترف بها في السودان أقامت الدنيا ولم تقعدها |
يا رجل..حسنا..وثيقة الاتهام هذه -مهما يكن الاتهام-يلزمك ويلزمني ويلزم الجميع فيها-كمُتّهمين-أن
ننتظر جميع التفاصيل المملة للتهمة،الأضرار المدّعاة،المطالبات..إلخ ولماذا كان هناك قضاء ومحامون واستئناف وتأجيل قضايا وانتظار مُملّ...؟
هذا المنبر إسمه"المنبر العام" يطرح فيه الناس تساؤلات ..استفسارات..انتقادات ..افتراضات...إلخ ثم تأتي الأطراف الاخرى المخالفة للنقاش والدفاع والمرافعات الفكرية..من يلزم الواثق بصكوك لعنة أو غفران..أو بطريقة"أمسك لي واقطع ليك"؟أ "وادّيني النتيجة هسّع دي "كسر رقبة"؟! ..هذه ليست جزارة لبيع اللحم بالقطاعي..هذا منبر للحوااار والنقاش والأخذ والرد..والمتابع هو من يستخرج الحق الخالص من بين فرث النقاش ودمه-وإن كان الحوار مؤلما..
ما المشكلة؟
لأنه هشام آدم؟
So What هشام آدم؟
بعدين...الواثق ليس أول من طرح مثل هذه التساؤلات..وحاول أن يثبتها..
أستأذن ود الصايم وكذلك د. أمين في عرض هذه"التساؤلات" عبر هذا الشريط الخطير وعرض حيثياتها وأدلتها وبراهينها..:
لماذا يعلف هشام أدم من مائدة الخواجه جورج بدون اذنه ؟!
صحيح ، من أول وهلة قد يبدو أن التهمة للبريئ-أي بريئ- شيئا مؤلما لكي ينتظر البراءة..لكن فليعلم الأديب الأريب حبيب-الذي يغضب حين ياتيه النُّصح و التصويب-أن يوسف-عليه السلام-رموه -ظلما- في بئر، وسُجن -دهرا في سجن-ورمي -زورا- في تهمة فاحشة-وهو برئ منها براءة الذئب من الدم الذي جاء إخوته لأبيهم به... ورغم هذا : "فلبث في السجن بضع سنين"..فليشمر هشام عن ساعده ليخرج من جبّ التهمة، وليطرح فكرا لاشتما..فالأصل في السؤال ليس التحريم..لكن على من طُرح عليه السؤال أن يقدم حججه، ويقنع من اتهموه..وما ضاع حقّ وراءه مطالب..
فيا ناس..: ليس هكذا يا سعد تًرد الإبل***************
ولذلك تبيّن لي خطأ قولك:
Quote: بفتح الباب لمجموعة من خصوم هشام إنهم يقدموا " شيكاتهم " الراجعة
بإعتبار إنهم ما صدقوا إنو هشام مقبوض في زنزانة البوست ده . يعني عشان يرجع ويحلحل مشاكلو إلا يعمل إعسار .
|
لا.. يا زول..لا زنزانة ولاشيتين..ولا إعسار ولاضمان..هذا منبر عام..وهناك حجج..وبراهين..وهناك دليل ومنطق..وهناك عقول تتابع..فلم الضيق والعطن..؟ ورمي الناس بفزّاعة"أعداء هشام آدم دي"..أهذه "محرقة" فكرية جديدة لسان حالها يقول: من "رش هشام آدم بالنقد..نرشّه بتهمة العداء والمكايدة....؟إلخ
هشام آدم..أراه هنا حضر- له لسان وعينان.. وننتظر حُجّته والبيان..وإن كانت له "مرافعة" فساحتها "النقاش" مفتوحة...وميدانها البحث والحوار الجميل والبصيرة..
ما قادرين نصبر بضع ساعات على مجرد تساؤل من باحث عن كاتب "أقام الدنيا ولم يقعدهاسرقة عن "بوكرامي ومن شابهه" و له سجل طويل من "الأمانة" العلمية؟؟
ثم يا زول ..لازال الناس يطرحون بحوثهم وافتراضاتهم بصيغة الاستفهام لإثبات أو استنهاض أو إثارة أو تنبيه..سواء كانت عن سرقات أو غير سرقات.. بل هذا صاحب الاحتجاج نفسه..أنت..حبيب نورة- تطرح بصيغة الاستفهام عن نفسك.. وتتساءل : هل ما أقوم به هو حرام شرعا أم حلال أدبا..؟
هذا شريط ل"حبيب نورة" ..حدادي مدادي عنوانه:
السرقات الأدبية من القرآن هل تعتبر حرام شرعياً أم حلال أدبياً؟؟
أحرامٌ على بلابله الدوح****حرامٌ على الطير من كل جنس؟!!
أم لأن صيغة الواثق فيها اتهام للأديب،الحبيب،الصديق الصدوق الحميم القريب، الليبرالي العجيب هشام بن آدم الرهيب؟
؟So What ..فيرم هشام بالكذب من رماه بالتلفيق..هذه ساحة حوار..Quote:
قولك:
| Quote: شكراً سيدي عماد موسي أنت لا تنطق عن الهوي؛ وفي الواقع كلامك وحيٍ يوحي والله لست بأقل من مهدي الله المنتظر |
أنا لم أقل ذلك..ولم يقل الناس عني ذلك..ولكن قالت "الرجرجة" و"الأتباع الأذلاء"و"الدهماء" عنك ذلك..أمسك واحد..خالد خليل محمد بحر:Quote: | Quote: وخلاصة الكلام ما قاله نبينا الصادق المصدوق حبيب نورة،،، |
أها عملوك نبي!!!
ولم أدر هل هؤلاء الغلاة جعلوك كاتبا لأنك تجعل الذال زايا بقدرة قادر...كما قلت :
| Quote: ومنذ الاّن أنا سأتفرّغ لآهم ثلاث أشياء ..الماء والغزاء والهواء |
Quote: فقد مــات حــنيني أولاً ... وشوقي ...و لهفتي ... وسهري ... و أملي
وعزابي ....ليس هذا فحــسب ... |
Quote: فكم تلفـّتت خطوات عيوني لتلتــقـــيك ... ويرتدُّ أليــّا البصر خاسئاً وهو حسير...
وكم تسكــّعت أذناي بين ملايين الاصــوات ..لتسرق هتافــك ... ولكني أحسُّ أنك
وضعت أصابعك في أذانك حزرالأدراك ... خشية اللحــاق بصوتي .... |
هاك دي..قوية شديد..الزول المسكين دا حرّف الآيات عشان يلصّقها عليك.. ويجعلك أديب خاطب من أجلك ربنا الملائكة.. وأنت منتش ضاحك..
Quote: حبيب نورة
سلام
من خلال جلسة معك احسست ان كتابات
لوح ودواية
سورة البقرة الآية 30 وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً ..الخ
...انه جاعل فى الارض كاتب اسمه حبيب نورة
قالوا انه فعلا كاتب |
شفت كيف جعلوك:
| Quote: صاحب العظمة والقداسة والحاجات الكويسة كلها |
؟
سبحان الله!! رمتني بدائها..
*******************************************************************
حكمة:
فدع عنك الكتابة لست منها**************** ولو لطخت وجهك بالمداد
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: عماد موسى محمد)
|
حبيب نورة:
Quote: بفتح الباب لمجموعة من خصوم هشام إنهم يقدموا " شيكاتهم " الراجعة
بإعتبار إنهم ما صدقوا إنو هشام مقبوض في زنزانة البوست ده . يعني عشان يرجع ويحلحل مشاكلو إلا يعمل إعسار . |
عماد موسى:
Quote: لا.. يا زول..لا زنزانة ولاشيتين..ولا إعسار ولاضمان..هذا منبر عام..وهناك حجج..وبراهين..وهناك دليل ومنطق..وهناك عقول تتابع..فلم الضيق والعطن..؟ ورمي الناس بفزّاعة"أعداء هشام آدم دي"..أهذه "محرقة" فكرية جديدة لسان حالها يقول: من "رش هشام آدم بالنقد..نرشّه بتهمة العداء والمكايدة....؟إلخ
هشام آدم..أراه هنا حضر- له لسان وعينان.. وننتظر حُجّته والبيان..وإن كانت له "مرافعة" فساحتها "النقاش" مفتوحة...وميدانها البحث والحوار الجميل والبصيرة..
ما قادرين نصبر بضع ساعات على مجرد تساؤل من باحث عن كاتب "أقام الدنيا ولم يقعدهاسرقة عن "بوكرامي ومن شابهه" و له سجل طويل من "الأمانة" العلمية؟؟ |
الطيب شيقوق:
اخي حبيب نورة
| Quote: Quote: ده مش إتهام مباشر ؟؟؟؟ في شكلِ سؤال ( هل سرق ؟ ) |
Quote: لا يا ياخ دا مجرد سؤال ومن طرحه ليس على يقين من من الاجابة عليه بالنفي او الايجاب
مجرد طرح سؤال امر عادي يا حبيب اخوي |
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: عماد موسى محمد)
|
يا عماد لو تابعت ردي علي الأخ سنجاوي ح تعرف إني فارقتك خير شر وما عندي ليك مثقال ذرة سلباً ولا إيجاباً
وأكتفيت بالنقاش حول موضوع البوست فقط؛ وللعلم أنو بركة ساكن صديق شخصي أعتز جداً بصداقتو وكتاباتو قبل كل شئ
وما برضي إنو أي زول يسرق مجهودو مش لو كان صديق أو قريب وعارف مرارة الحاجة دي وحصل قبل اليوم إتهامي بيها وجيت وضحت للناس وجهة نظري
وكمان وضحتها للزميل صاحب الشأن .. عشان الناس تفهم إنو أنا ما متحامل علي بركة ال أتشرفت بالجلوس معه ع المنصة في حفل تدشين مجموعته في القاهرة
وبعدين حكاية أديب وأريب وسيدنا كتابة دي أنا يازول سوّيت قدرتي وما عندي أكتر من كده ولا بعرف أكتر من الشي الشايفو إنت ده وياهو ده حقي مع الناس
وما بقول سوّيت .. وكمان ما قريت لكن باريت وكل يوم بتعلم حاجة جديدة بمجهوداتي الذاتية والحياة لسه ح تعلمني كتير إن بقيت حي
وبعدين طالما إنت أثبت جهلي في كتير من المواضع المفروض تصدّق إني ما قصدت أشتمك خالص !
أنا لو أستخدمت الطفرة الجينية في لساني ماعندي خطوط حمراء وشتيمتي واضحة جداً؛ لكن البتقول عليها دي ما شتيمة
وبعد ده كلو رجعت وأعتذرت للجميع وما عدّلت مداخلاتي عشان هي مثبتة أصلاً بالإقتباسات ويمكن الكابشر سكرين وعشان الحاجات تبقي كويسة الله يرضي عليك
أختاني عشان المصحف الحافظو ده ح تلقي ليك كم آية بتقول ليك أختَ الزول ده وأكسب فيه كم حسنات ينفعوك لي قدام وبعدين في مُغريات كتيرة ح تلقاها
يعني لمن تختاني يمكن الله يفتحها عليك بي مُراح من الحور العين ومع شوية ولدان مخلدون تكون الحِسبة ظابطة معاك للدين .
لا ضرر ولا ضرار والله يعدل خطوتك ياخوي القشة ما تعتِّر ليك أنا ده أعف مني ربنا يدخلك الجنة بي صالة كبار الزوار . شكرن كتيرن .
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: حبيب نورة)
|
Quote: سلامات يا هشام
الرواية طلعت بفورمات غريبة ولم استطع قراءتها هل يمكن ان تنزلها في البوست دا |
الدكتورة: نجاة
تحيّاتي
مسألة عرض ونشر الرواية (كاملةً) في بوست كهذا أمرٌ لا أُحبّذه، ولكن بإمكانك البحث عن الرواية في دار النشر السودانية للكتب الإلكترونية والتي أنشأها الزميل الروائي عماد البليك (عضو المنبر) على هذا الرابط علماً بأن هذا الرابط لا يعمل لديّ، ربما لخللٍ ما في جهازي أو ما شابه، كما يُمكنك العثور على النسخة الإلكترونية من (قونقليز) في موقع Goodreads وذلك بالنقر على هذا الرابط هذا -فقط- إن كانت لديك عضوية في الموقع، لأنه يُخيّل إليّ أن الموقع لا يسمح بتداول الكُتب داخله إلى للأعضاء فقط، فإن لم تكن لديك عضوية في الموقع، ولم يكن موقع الزميل عماد البليك مُفعلًا فأرجو مُراسلتي على بريدي الإلكتروني، ويُسعدني أن أُرسل لكِ المخطوطة الأصلية للرواية.
مودتي
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: هشام آدم)
|
| Quote: وهشام آدم (ذو سوابق) مشهودة في المنبر وخارجه |
| Quote: بعدها تفرّع بنا درب الحديث ليقف طويلاً أمام بوابة (ساكن) هذا وقد وجدت فيه حبّاً للرجل يضاهي ما في نفسي من إعجاب بهذا القادم من (مدينتي) القضارف وعلى عاتقة (بقجة) حكايات كما يحلو للنوبي الكوشي بشاشا : ) وما إن تعطّر جوّ المكان والوجدان بذكر عبد العزيز حتى تبدّى إشفاقنا عليه من الإهمال وجور الأوطان الذي بخل على الطيب صالح حتى بوسام فنون من الدرجة الثانية وهو من هو.. |
الأخ: الواثق الصادق
تحيّاتي
من وجهة نظري الشخصية جدًا فإنني لا أرى لمُقدمتك عن ليالي القاهرة وغيرها أهمية تذكر؛ لاسيما في هذا المقام، فأرجو أن تدلف إلى صلب الموضوع، مُراعاةً لأهمية الموضوع، واستجابةً كريمةً منك لرغبة الغالبية العظمى من المُتابعين، وأتمنى أن تراعي "الموضوعية" في طرحك، فكلامك الذي اقتبستُ أجزاءَ منه قد يُفهم منه محاولة إيقاع العداء بيني وبين صديقي الروائي عبد العزيز بركة ساكن، لاسيما مع عقد مقارنة "أخلاقية" كما هو وارد في الاقتباسين السابقين. أرى (وهي وجهة نظري الخاصة) أن تبتعد عن مثل هذا الكلام الذي لا يصب -في حقيقته- في خدمة الموضوع الذي أفردتَ من أجله هذا البوست.
لك الشكر
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: حبيب نورة)
|
الاخوة هنا .....سلام
انا كفر هشام ادم ده لم اسمع به الا هنا وما فارق معاى كتير لان الله سبحانه وتعالى قال:
(واهديناه النجدين) وقال ايضاً انك (لاتهدى من احببت ان الله يهدى من يشاء) صدق من قائل
وايات كثيرة تشير الى مثل هذا،
ولكن لى تجربة شخصية مع هشام هذا زهدتنى فى ان يكون صادق فيما يقول او يكتب
حدث هذا فى العام 2005 ابان احتفال السودان بالخرطوم عاصمة الثقافة العربية وقد اقمنا
فى الرياض العاصمة السعوديه تظاهرة ثقافيه كبرى تزامنا مع الخرطوم امتدت لمدة سبعه
ايام نشاط رياضى وثقافى واجتماعى اقام التشكيليون اكبر معرض فى خيمة التشكيليين واحتفل
الرياضيون واقمنا اكثر من ندوة مختلفة ولانه كان لزاماً ان يكون الشعر حاضراً فاقمنا قراءات
شعرية للاخوان من الشعراء فى الرياض وبما اننى الانسان المنوط بى تنظيم هذه الفعالية جانى احد
الاخوان بان هنالك شاب اسمه هشام ادم وقال لى له انه مقيم فى المنطقة الشرقيه وذو انتاج ادبى غزير
ومثقف و و و و مما يضيف السودانيين كعادتهم ويسهبون عندما يقدمون لك شخص وارسلنا له التذاكر وانتظرت
قدومه بفارق الصبر واستقبلناه خير استقبال وشكرنا له تكبد المشاق والحضور ورتبنا له
فقرة مع الشعراء ، حقيقة هو انسان سكوت مهذب مرتب فى هندامه ..يعنى مقنع
ولانه جاء ليلة الاحتفال لم اساله عن ماذا سيقرأ ولكننى حددت له بعض الاشتراطات وبما انه
مقيم فى المملكة العربيه السعودية قطعا هو يعرف الخطوط الحمراء فى تعاطى الناس هنا مع الشعر
قدمته وانا بجانبه وقدم نفسه وقال انه سوف يقرأ نص باسم (النخلة)
اقسم بالله لم ابهت الرجل حرفاً واحداً لاننى والى الان لا اختلف معه فى اى شىىء ولم اراه او
اسمعه او اسمع عنه الى يومنا هذا، اعود لاواصل لكم ماجرى فى تلك الليله ..
قدمنا الشاعر هشام ادم فاذا بهشام يقرا قصيدة النخلة لحميد حسن سالم مع تعديلات طفيفة تكاد لاترى
والقاعة تصفق لكل ثلاثة ابيات وانا يكاد الغيظ والخوف ان يقتلانى ومستغرب جداً من جرأة الرجل
وهنالك توثيق وتصوير لقناة السودان، واقول فى سرى هل يمكن لشخص ان يفعل ذلك فى جمعية ادبية
او قعدة اخوان لا تتعدى سته اشخاص فى مدينة نائية و فى العصور الوسطى،؟ ولكن ان يحدث هذا فى قرية العالم
الجديدة انه شى محير والله نزل الرجل من المنصة بين تصفيق الحاضرين ولم يرجف له جفن ، وخصوصاً من اهله المحس
ويعايروننى بان هذا من الناطقين بغيرها اذ كنت اماحهم هكذا وهم يتباهون ويتحدون افصح فصيح من
(اندنا) ان يقول مثل ما انشد هشام..
والله اقول قولى هذا واعترف هذا ما زهدنى فى ان اقرأ لهشام هذا الى يوم الدين وإن شهد له شكسبير
والطيب صالح والمتنبى والخليل ابن احمد لا نثراً ولا شعرا...
انا لا اعرف هل هنالك علاقة بمداخلتى والموضوع الذى انتم بصدده ام لا ولكنى اكتبه للتاريخ،،،
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: صديق الموج)
|
غايتو بعيدا عن موضوع البوست وبملاحظة خاصة جدا تكونت لدي بعد مداخلة الحبيب صديق الموج
فأعتقد أن هشام آدم موقفو بقي محرج جدا بعد أن تزايدت عليه الإتهامات من كل لون ونوع ..
كما أحرج معاهو صاحبو حبيب نورا لأنو دخل وشتم عشانو فشربها من عماد موسي حارة تشوي ..
هذا مع إحترامي للجميع ..
طلحة عبدالله
خبير أكشنات وعاشق معافرات
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: طلحة عبدالله)
|
Quote: غايتو بعيدا عن موضوع البوست وبملاحظة خاصة جدا تكونت لدي بعد مداخلة الحبيب صديق الموج
فأعتقد أن هشام آدم موقفو بقي محرج جدا بعد أن تزايدت عليه الإتهامات من كل لون ونوع ..
كما أحرج معاهو صاحبو حبيب نورا لأنو دخل وشتم عشانو فشربها من عماد موسي حارة تشوي ..
هذا مع إحترامي للجميع ..
طلحة عبدالله
خبير أكشنات وعاشق معافرات |
طلحة العزيز .........سلام ياحبيب
والله العظيم ليس بينى وبين الاخ هشام اى مشكلة من اى نوع غير احراجه لى يومها ولو اننى
كاذب فلياتى الاخ هشام بقصيدته النخلة وسوف ترون اننى لم ابهت الرجل ولا بكلمه واحدة.. وانا
مع المقولة سارق الربع مغفور له متى احسن استعماله فكنت ساجوز للاخ هشام ان فعل ذلك وكثيراً
ما ادافع عن مثل ذلك ولكن ان تسرق 98% من قصيدة فهذه خيانة ادبية وجنائية على حق فكرى لانسان
اخر لا يمكن السكوت عليه ويبقى الود،،،،
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: طلحة عبدالله)
|
يا طلحة اخدها مني لا يجتمع رجال البورد ديل على حق ابدا
الموج دا زول برضو مصداقيته طاقة في المنبر دا ويكتب اشياء كذب كثير جدا
ولدي تجارب معه على الاقل هشام لا يؤذي احد ولكن الموج يكذب ويتحرى الكذب حتى كتب كذابا
الزول دا كتب قال عملت اجتماع مع الزبير بشير عشان يجيب طلاب عن طريق شركتي ايام كان وزير للتعليم..
لم التقي بالزبير منذ سنوات طويلة جدا جدا جدا سالت اي زول ملم بالتغيرات الوزارية هل الزبير دا ابدا كان وزير التعليم اي زول قال كندو
و عملت اجتماع مع مدبر جهاز المغتربين برضو لا اعرف من هو مدير هذا الجهاز وعلاقتي بهذا الجهاز عمل اجراءات الخروج
كما ذكر اني اعمل معقبة حين السؤال قيل ان معقب موظف صغير علما ان الشركة التي اعمل بهاانا التي اسستها وتحمل اسم بنتي الصغرى
فالكذب يهذه السهولة عن الناس يفقد الرجل مصداقيته..والكذب انشوطة تلتف في عنق الماذب وتشنقه
هذا البوست كتب عن ان هناك سرقة ادبية هذه السرقة الادبية تضبط بالطريقة التي تضبط بها السرقات الادبية..
وحدود هذا البوست يجب الا تتعدى ما فتح لاجله
هنا شخصيااريد ان ارى الدراسة المقارنة ولا يهمني غير ذلك وانتم كذلك يجب ان نقف فقط في الروايات
ونوقف سلخ اي انسان يفتح عنه بوست بالصح والكضب..
الزول القال في تشابه بين مئة عام من العزلة وفصص ساكن
هناك قصة لا اذكر اسمها لساكن ولكن سارجع لها قريبا تشبه لحد بعيد قصص Paulo Coelho
وانا مدمنة روايات انفق فيها زمن ومال كثير جدا منذ ان كنت طفلة والى الان..
ز
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: د.نجاة محمود)
|
Quote: الموج دا زول برضو مصداقيته طاقة في المنبر دا ويكتب اشياء كذب كثير جدا
ولدي تجارب معه على الاقل هشام لا يؤذي احد ولكن الموج يكذب ويتحرى الكذب حتى كتب كذابا
الزول دا كتب قال عملت اجتماع مع الزبير بشير عشان يجيب طلاب عن طريق شركتي ايام كان وزير للتعليم..
لم التقي بالزبير منذ سنوات طويلة جدا جدا جدا سالت اي زول ملم بالتغيرات الوزارية هل الزبير دا ابدا كان وزير التعليم اي زول قال كندو |
الحرامى فى رأسه ريشه يازوله انت مؤتمر وطنى ومستفيدة من هذا النظام بصورة ما اقل شى
بتحيدى الطلبة ما ينضمو لاى تنظيم غير المؤتمر الوطنى وبتقبضى مقابل ذلك وعمره الانقاذ
دى ما ادت زول قروش لشغل زى البتعملى فيه ده بمستند وما عندى اى مستند ولكنك تقبضين
ولو كنت تفعلين غير ذلك والله ما يهنىء ليك عيش فى ماليزيا دى وماكانت السفارة كرمتك بالشهادة
الشايلاها زى بت اللعاب وفرحانه بيها دى وحاتقولى لى كرمتنى الجالية طبعاً شوفى قنابيرنا ديل
قومى لفى، وبعدين انا كتبت هشام سرق قصيدة النخله والرجل حى يرزق وله باسورد زى حقك وحقى
ده فلياتى ويكذبنى هنا وسوف ترين ما افعل افتكرتى انا بلا دم زيك ...
اخيراً كان قصيدة هشام طلعت النخلة حقت حميد انت بتقطعى وشك من هنا وتريحينا ؟؟
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: صديق الموج)
|
| Quote: اخيراً كان قصيدة هشام طلعت النخلة حقت حميد انت بتقطعى وشك من هنا وتريحينا ؟؟ |
صديق الموج
يعنى أي سرقة في بحري ممكن نحاكم بيها الواثق صباح الخير ونحن مطمئنيين.
كون أن هشام آدم سرق قصيدة حميد (حسب إدعائك) لا يعني أنه سرق رواية بركة ساكن (حتى يتم عرض ما سرقه منها حسب مفترع البوست).
موضوع البوست واضح وصريح:
هل سرق هشام آدم رواية الطواحين لبركة ساكن؟
فبالله خلونا في موضوعنا، والعندو موضوع تاني، السيمشي يفتح بوست
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: صديق الموج)
|
سلامات يا د.نجاة
أكره والله الإتهامات التى ترمي هكذا بدون دليل وأتمني أي زول وقع ضحية لهذا السلوك
القبيح أن يتمسك بحقه إلى الآخر ويسعي بكل السبل لأخذه وأنا شخصيا لدي تجربة في هذا
البورد عندما رماني احدهم إفكا وبهتانا ولكنني لم أعتقه ولن أعتقه أبدا إلا أن يعتذر.
عن موضوع البوست دا فمن وجهة نظري ليس هناك إتهام بل مجرد تساؤل لم يصل بعد مرحلة
الإتهام الصريح ولذلك لم أعلق على الموضوع المطروح سلبا أم إيجابا وإن بدا نور اليقين
يتسلل ليبدد عتمة شكي بعد أن تواترت الإتهامات على الرجل وكلها تتحدث عن إقتباسه
أو إستعانته بجهد الآخرين لمصلحة إنتاجه الخاص ولذلك قلت ما قلته أعلاه.
بالنسبة لأشكاليتك مع صديق الموج فاتمني والله أن تنته إلى خير بينكما في كل الأحوال .
تحياتي وإحتراماتي.
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: طلحة عبدالله)
|
السلام عليكم مرّةً أخرى أيها الكرام وانتظاركم محل تقديرنا كما تقول شركات الاتصال : )
ما زلت أعاني في التعامل مع النسخ الورقية والإلكترونية مع ذلك سأبذل غاية الجهد لأكون سريعاً حسب الوسع والطاقة..
علماً بأني أعيد كتابة نصوص رواية قونقليز هنا لتعذّر نقلها من نسخة البي دي أف وهو أمر ليس بالسهل..
ما رأيكم أن نبدأ بصفحة 17 في رواية (قونقليز)؟؟
(كان شرف يتعجّب من مقدرة أكيج دينق على إدارة الحانة بمن فيها من سكارى،،وهي بالتأكيد مهمة شاقة،وليست يسيرة على أية حال:أن تتمكن امرأة من ترويض رجال غائبين عن الوعي،وأن تتحمل امزجتهم المختلفة،وتحسن التعامل مع كل منها،بطريقة تجعلها تحافظ على قدر معقول من الأمن والسلامة في منزلها،وبحيث تضمن عودتهم إليها مرّةً أخرى)
ماذا يذكّركم هذا الاقتباس؟؟
(بوشاي) في رواية الجنقو بلا ريب : )
(صاحبة البيت المدربة الذكية العاقلة هي الأمهر في إدارة هؤلاء الناس المنفلتين، وهي تمثل بذلك أمهر الإداريين مطلقاً، طالما تستطيع أن تعمل في وسط يُعْتبر حقل ألغام وكوارث كبيرة مثل: طَعنة سكينٍ، تليبة في بيت جار، كسر يدٍ بعصى، تدخُل الشرطة، مصادرة أدوات العمل وقد تصل العقوبة لسجن طويل.
تعلمت بوشاي سياسة إدارة السُكارى من جامعة السُكارى أنفسهم، حتى كانت تعرف طبائع الزبائن كلهم، المدمن الذي يبتدر الشجار، والمدمن الذي ينام من أول كأس على البنبر، والمبتدئ الذي عندما يسكر يتبول على ملابسه مثل الطفل أو يبكي وينوح متحسراً على حياته كلها، الفدادي الشِرِّيب المتزن الذي يسكر فيكتفي بالغناء أو أخذ عكازة والمضي إلى بيته، أو فرش عِمّته على الأرض في مكان جانبي، والذهاب في نوم عميق. تعرفهم بالإسم والصفة، وتديرهم بنمط إدارة شخصي)
وقبل أن أبرح هذه النقطة الافتتاحية أدعوكم لمراقبة (أكيج دينق) في رواية قونقليز،وفي بالكم (أداليا دانيال) ومأساتها في رواية الجنقو لتلحظوا التشابه حتى في الزوج (الضخم) : )
..................
حبيبنا وحبيب نورة لك العتبى يا رجل وما بيننا محفوظ ومصان
نذير حجازي : وين (أراضيك) : )
نواصل
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: الواثق الصادق)
|
الطواحين؟؟
هذه الرواية من بركة ساكن جرت وتجرى أحداثها في أجواء غريبة يلفها (الولع) بالفنون والتشكيل والنحت والرسم وكلية الفنون الجميلة والمعارض والحفلات والطلاب والأكاديميين والرحلات العلمية..
هذه الأجواء التي أبدع بركة في هندستها وبناء شخصياتها وحواراتها،أتى هشام آدم ليدلف إليها منتحلاً عبر حسن البلولة وشرف الدين ويتجلّى ذلك في الصفحات من 65-70 مع دخول شخصية سوسن التي تقابل نوار سعد : )
سأجد طريقة لتحميل هذه الصفحات من قونقليز فلا حيلة عندي لإعادة كتابتها ولكن دعونا نتذكّر رواية الطواحين وهذه الفصول :
المحراب
بعد المحاضرة الأولى تسللت.
بعد المحاضرة الأولى تسللت خارجة من المدرج، مررت أولا بمكتبة الجامعة.
اشتريت محبرتين ثم خرجت من الباب الخلفي، حيث الطريق السريعة، تفحصتها للحظات، كأنني ابحث عن شئ ما، ثم مشيت نحو موقف البص، لكنني تذكرت فجأة أنه ليس بالمحراب إلا قليل من العسل، ولا شئ من الخبز، فعدت أدراجي الى حرم الجامعة مرة أخرى، الى سوق التعاون، اشتريت صفيحة صغيرة من العسل وأخرى من الجبن، كيلو أرز، خبز طازج ثم قفلت راجعة لألحق ببص العاشرة.
بالبص قليل من الطلاب كالمعتاد، هم طلاب كلية الفنون الجميلة، رسامون ومجانين، نحاتون يذهبون في هذه الساعة الى المرسم المفتوح بالجبل، الذي ابتكره وشيده بأفكاره وماله الفنان الروسي مايازوكوف فلادمير. أو مايا العزيز كما يسميه طلابه، لكثرة ما استقليت هذا البص، عرفت جميع طلاب كلية الفنون وأساتذته بل أصبحت صديقة قريبة أشاركهم أحزانهم، حيث ليس لديهم ما أشاركهم فيه غير الحزن، هذا الحزن قد يكون مهرجانا صاخبا بالغناء، الأناشيد الرقص و الموسيقى، قد يكون مجرد :
لا شئ إطلاقا.
يسمونني القديسة، فما أن توقف البص في المحطة، حتى أطلت وجوه من النافذة هاتفة في وقع واحد مجنون :
القديسة........ القديسة.
في البص حافظ آدم، أيضا سارة حسن وأستاذ الفنون مايازوكوف فلادمير وكانت امرأة، بل وجه جديد لفتاة، لم أرها من قبل، كانت فيما فوق الأربعين من العمر أو فيما فوق الثلاثين، لها عينان ضيقتان، لهما رمش أعترف : إنه أجمل من رمشي (وأجمل من رمش أية امرأة خلقها الله في الآونة الأخيرة، إن رمشها أحلى من أذني فان جوخ)
كما قال ذات يوم أمين محمد احمد.
اتسعت عيناها الضيقتان قليلاً لاستقبالي أو.. لدهشتها من هتاف الطلاب أو.
ثم ضاقتا مرة أخرى في سحر أسطوري شحن المرأة في بالغيرة.
كانت نحيفة، تجلس على أول مقعد يسار الباب. تمد ساقين طويلتين رشيقتين في غاية الرقة والنظافة، تمدهما أمامها بزهو وثقة. شعرها منظوم في ضفيرة واحدة مسدلة على كتفها وبشفتيها أحمر شفاه مرسوم بدقة وأناة، بوجهها غموض وسحر، فتحت فمها الصغير لتقول بصوت ناعم : أهلا تفضلي. وأفسحت لي مكانا قربها. تعانقت والآخرين، أما مايازوكوف العزيز فمد يداً مشيعة بابتسامة :
- أهلا بك القديسة الحلوة.
ابتسم مرة أخرى ثم أضاف
- هل ما تزالين تحتفظين بلوحتي أسفل السرة؟
كان دائما ما يسألني هذا السؤال كلما التقينا وكنت كثيراً ما أرد إليه
- لقد التهمتها الأسماك.
كأنه يصر على تذكيري بذلك اليوم المرعب المثير، الخبيث
الرحلة مرحة وصاخبة، الطلاب المجانين في قمة جنونهم يغنون ويلعبون يضحكون وينصبون الفخاخ لبعضهم في مكر وخبث وفوضوية جامحة، بعد دقائق من جلوسي قربها فاجأتني قائلة
- هل تحبين شخص ما
دهشت قليلا في بادئ الأمر وارتبكت، لكنني تماسكت وأنا أتذكر وجودي وسط حقل من فعاليات جن موقوته، مشاريع لسلفادور دالي، هنري ماتيس، فان جوخ او اخيلة بابيلو بيكاسو أو كما يحلو لمايزوكوف القول
- الفنانون _وأنا واحد منهم _ خراء الشيطان مثلهم في ذلك اخوتهم الشعراء. أجبتها قائلة
- نعم، احب شخصا ولكنه ليس ما. بل يمكن تحديده وهو المحراب.
فاتسعت عيناها الضيقتان الصغيرتان قليلا، قبل ان تقول
- المحراب !! غريب أيوجد شخص بهذا الاسم.
هنا تدخل آدم ليقطع حوارنا المجنون طالبا منا ان ننضم الى الثلة بالمؤخرة حيث حافظ وسارة ومايا العزيز وبقية الطلاب. ثم عرفني بها قائلا
- نوار، نوار سعد، الدكتورة نوار سعد، أستاذة النحت ومحاضرة في تاريخ الفن المرئي، ثم أشار إليّ وقال
- القديسة.
حاول أن يتذكر اسمي الحقيقي أو اسم أبى ولكنه لم.
ثم حاول ولكنه لم.
لأنه لا يعرف عني شيئا سوى الاسم الذي أطلقه عليّ هو وأصحابه، غير مقاسمتهم حزنهم وجنون حزنهم. بدأ قليل من الخجل، خجل المجانين يرتسم على وجهه فجأة ضحك، وبجرأة المجنون المخبول السكران قال :
- ما هو اسمك، ما هو أبوك، من هو؟
يعرف الجميع إنني استقل بص العاشرة الذاهب الى المرسم الطبيعي أو المعمل المكشوف، أنزل في خلاء قبل المرسم، بميل أو اكثر اختفي في الغابة وقد أظهر، في الطريق فجأة عند عودتهم وقد لا يرونني إلا بعد أسبوع أو شهر وقد يسألون
- ماذا تفعلين في الغابة؟
وقد أجيب :
- أتعبد.
وقد أجيب
- لاشيء
وقد أجيب
- أطير
وقد أجيب
- أتعلم أسرار النيرفانا والنقاء الإنساني من المختار
وقد يمضون في استجوابهم وقد يكتفون، وقد لا يسألون ولكن كنا نستمتع ببعضنا، نغني، نقرأ الشعر، نتحدث عن المهاتما غاندي أو فان جوخ، فاسيلي كاندنسكي والكردي شيركو بيكه س. عن الخطر النووي، نهاية الحرب الباردة وبداية عصر البنقو كما يسميه حافظ او عصر اللاتاريخ كما يسميه فكومايا الياباني المندهش عن مايكوفسكي. عن الديمقراطية او ناظم الغزالي عن مصطفى المغني، او صامتين مثل حنظلة ناجي العلي معطين ظهورنا للكارثة وأوجهنا للآتي الذي ربما لن يأتي.
ذات مرة استضفتهم بالغابة ولكن ليس بموقع المحراب بل قريبا من المزرعة على ضفاف النهر، حدث هذا قبل أعوام، أي في بداية علاقتي بهم. كانت هذه الاستضافة هي الفرصة الأولى لي للغوص في متاهات جنونهم وصخبهم، وعرفت فيها مايازوكوف عن قرب .
وقف طلاب الفنون العشرون صفا واحدا على طول الشاطئ الرملي، أمامهم صعد مايازوكوف على صخرة ملساء من الجرانيت، أخذ يغني باللغة الروسية التي لا يفهم منها أحد منا شيئا، ثم، بعد ما خلص غناؤه أو نشيده أو مدائحه قال بصوت عال
-من منكم يستطيع ان يحدثني عن الله، عندما كان وحيدا. اي قبل ان يخلق هذا العالم وقبل ان يخلق أمريكا.
فأجابه أحدهم وقد ادعى النبوة ذات مرة بحديقة مايازوكوف يوم الاحتفال بوفاة مداح المداح
- ولكنا نبعد عن المدينة كثيرا وأيضا عن الكهوف قرابة الميل، ألا تلاحظ ذلك؟ قد لا يأتي البص العام إلا بعد غروب الشمس!
فانفجر الطلاب بالضحك والتصفيق والصفير وقد رقص بعضهم. قال آخر
- سأحدثك عن ما تشاء وأيضا عن لحوم البشر المخمرة تحت الشمس في انتظار من يضع منها العرق، على شرط : أن ترينا كيف أغوى الشيطان الرجيم ذو السبعة رؤوس وسبعة أذناب، كيف أغوى نعجة التقوى فضحك قائلا
- إذا طالما أردتم ذلك وأنتم بكامل إرادتكم وحرياتكم المدنية فلا.... لا بأس، هنا على ضفاف نهر القديسة الجميلة ذات الفم المغري بالتقبيل، الفم الصدفة،
ثم وجه اليّ حديثه قائلا :
- أتعرفين ان فمك الحلو الصغير هذا بإمكانه ان يغوي طنا من القديسين ورجال الله ؟ قال،
- هنا على ضفاف هذا النهر سترون كيف أغوى الشيطان نعجة التقوى ثم خاطبني قائلا :
- هل تسمحين لي بأن أشغل فضائك كله ؟
في الحق لم أفهم ما قال، أو أنني لم اك منتبهة تماما لما يقول. كنت أتخيل كيف بإمكان فمي أن يغوي ولو صعلوكاً واحدا، لم اك أعلم أن لفمي كل هذا السحر، لكن قد أكدت لي نوار سعد فيما بعد قائلة،
- هل قبلك المختار كثيرا؟ على قدر علمي بالرجال أعرف ان لفمك إغراء قاتل، ليته فمي وليتها شفتاي. قلت وأنا شبه منومة لمايازوكوف :
- لك ذلك.
هنالك انفجر الطلاب بالضحك، الطلاب المجانين وهم يهربون في عمق الغابة أو يتخفون في عشبها وبين شجيراتها،
ولم.. أيضا أفهم شيئا، وقفت كالمأخوذة أرقب الموقف كان مايا يجري هنا وهناك محاولا القبض على هذا أو هذه فتهرب من بين مخالب جنونه، الى أن إنقضّ عليّ.. كما ينقض نسر مسن على سنجاب صغير، واخذ يجردني من ملابسي، قطعة قطعة. كان في البدء متوتراً، منفعلا، كنت في البدء أصرخ أقاوم لكني انهرت أخيرا، استسلمت تماما فاقدة المقدرة في الدفاع عن النفس ساقطة على الأرض.
هدأ هو، أصبح متماسكا وهو يخرج من بين ثيابه فرشاة صغيرة وعلبة ألوان ثم أخذ يرسم علًًيّ تحت السرة بقليل، بكل هدوء وبرودة أعصاب بل كان يترنم بلحن بدوي سوري رشيق، رسم حدأة، حدأة لها جناحا فراشة ومخالبها أظافر سيدة جميلة. في مكان منقارها، فمي.
ثم، بعد ان فرغ قال بصوت عالي جهوري وكأنه يخاطب شعبا بأكمله :
- إن الذي حطم الاتحاد السوفيتي ليست أمريكا، وحربها الباردة. وليسوا هم الجواسيس ولكن الجينز ولكن، الحشيش ولكن اللواط. والبعض يتهم الفنانين سرا وهو دافنا رأسه في الرمال فالفنانون اخطر من مليون من الرؤوس النووية ثم خاطبني قائلا، وكنت أرتدي ملابسي على عجل وخوف
- أليس كذلك ؟
قلت غضبانة
- أنت شرير ولئيم.
فرد مبتسما ابتسامة خبيثة
- أنت جميلة ومغرية. أنت موحية بأخبث الشعر.
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: الواثق الصادق)
|
الأصدقاء
لحقنا بالأصدقاء في
لحقنا بالأصدقاء في خلفية البص، كانت سارة حسن تغني وترقص في آن واحد كأنها دمية في فلم كرتون، البقية يصفقون ويعزفون في بأفواههم موسيقى صاخبة أما نوار، فكانت تلاحقهم بالأسئلة الغريبة الجريئة، تحدثني عن فنان أعجبت به وأعجب بها، كان وما يزال يجانسها كلما زارت متحف مسيو دل برادو بمدريد، قالت إنها أول امرأة سوداء يعشقها هذا الفنان، ثم أخذت تحدثني بالتفصيل عن أسلوبه في المجانسة، أسلوبه الخاص جداً، قالت إنه يستطيع أن يمتع أية امرأة كانت، ولو أنها صنم من الجليد.
كانت دائما ما تحاول إقناعي بأنه في إمكانه أن يصبح في شموخ جويا العظيم وشهرته، بإمكانه أن يثور الفن الأسباني ويمجده أكثر مما فعل بيكاسو وبول كلي. بإمكانه أن.
ولكنه لا يرغب في ذلك، وأنه يفضل الجنس على الشهرة. وحدثتني بأنها تعد دراسة مطولة عن لوحة رسمها لها خوان بيدرو وهي نائمة، قالت :
-إنها لا تقل قيمة وأهمية عن لوحة الغجرية النائمة للفنان هنري ماتيس واللوحة الآن معلقة في حجرة نومها. قالت :
إنه يعمل كإداري في مسيو دل برادو العريق. وأنه قبيح الشكل وهذا يزيد من قيمته كفنان له أسلوبه الخاص في الحياة وأيضا ملامحه الخاصة، قالت :
معظم العباقرة لهم اوجه قبيحة، أشبه بملامح القردة، فانهم قبيحون، بطرقهم الخاصة. قالت :
الجاحظ، بشار بن برد، طه حسين، نيتشة. قالت:
فان جوخ، كافكا، برنارد شو، المهاتما غاندي، قالت:
حتى المقنع الكندي نفسه كان رجلا قبيحا، قبيحاً جدا... حاولت أن أتزوجه، لكنه رفض قائلا:
إن الزواج رومانسية زائدة عن اللازم. قالت لي:
إن لها صديقة حبشية جميلة كان آرثر رامبو عشيقا لجدتها وإنها _ أي الحبشية_ تقيم معها منذ أمد بعيد قالت:
إنها تحب الرقص، الرقص الفلامنكو الأسباني، كرنق التيرة، وإنها تعشق الرجل وتعتبره من أهم قضايا وجودها، الرجل المؤدب الفنان المثقف قالت:
إنها أعجبت بي لأول نظرة قالت:
وهي تغمض عينيها الصغيرتين فترتعش قيلا رموش عينيها الساحرة واللتين كما أكد أمين لاحقا أنهما أجمل من أذني فان جوخ قالت:
الديك عشيق؟ إن لك جسد شهواتي جنساني كفمك. ثم قبل أن تسمع إجابتي أضافت :
لكنهم ينادونك القديسة هل أنت كذلك
هل أنت محرومة من الحب الجسدي؟
المجانسة؟
أيضا أضافت : أنا أرى فيك غير ذلك بل العكس، أو ربما إذا أتيحت لك ظروف ملائمة تكونين مثلي هبة الرجل، تقدسين الحب ألست صائبة في قولي ؟
توقف البص فجأة أو خيل لي أنه توقف فجأة، لاحظت إنني قد تخطيت غابتي بقليل فأسرعت هابطة وبيدي حاجياتي، قلت لها :
- سنلتقي كثيرا، فرصة سعيدة يا نوار.
مدت لي يدا رقيقة نحيلة بها خاتم ذهبي له بريق أخاذ، في فمها ابتسامة حلوة وأسئلة شتى. قالت :
سنلتقي كثيرا، فرصة سعيدةز
ثم ترددت قليلا قبل أن تقول: يا القديسة!
قالتها بطريقة معقدة جعلتني أسمعها عكس ذلك، عكس ما قالت تماما.
نواصل
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: أحمد ابن عوف)
|
نداء لمن يستطيع نقل الصفحات 65-70 من رواية قونقليز أن يتفضّل بذلك مشكوراً
حتى يسهل النقاش والمثاقفة التي طلبها حبيبنا حبيب نورة : )
ثم ننتقل بعد ذلك لمحور آخر في ذات الرواية وربما يكون :
شرف الدين (قونقليز) وعلاقته بمحمد الناصر (زاوج امرأة الرصاص وابنته الجميلة) في علاقته بأمه..
كونوا بخير
نواصل غداً إن شاء الله تعالى
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: الواثق الصادق)
|
Quote: (كان شرف يتعجّب من مقدرة أكيج دينق على إدارة الحانة بمن فيها من سكارى،،وهي بالتأكيد مهمة شاقة،وليست يسيرة على أية حال:أن تتمكن امرأة من ترويض رجال غائبين عن الوعي،وأن تتحمل امزجتهم المختلفة،وتحسن التعامل مع كل منها،بطريقة تجعلها تحافظ على قدر معقول من الأمن والسلامة في منزلها،وبحيث تضمن عودتهم إليها مرّةً أخرى)
|
من رواية قونقليز لكاتبها هشام آدم
Quote: (بوشاي) في رواية الجنقو بلا ريب : )
(صاحبة البيت المدربة الذكية العاقلة هي الأمهر في إدارة هؤلاء الناس المنفلتين، وهي تمثل بذلك أمهر الإداريين مطلقاً، طالما تستطيع أن تعمل في وسط يُعْتبر حقل ألغام وكوارث كبيرة مثل: طَعنة سكينٍ، تليبة في بيت جار، كسر يدٍ بعصى، تدخُل الشرطة، مصادرة أدوات العمل وقد تصل العقوبة لسجن طويل.
تعلمت بوشاي سياسة إدارة السُكارى من جامعة السُكارى أنفسهم، حتى كانت تعرف طبائع الزبائن كلهم، المدمن الذي يبتدر الشجار، والمدمن الذي ينام من أول كأس على البنبر، والمبتدئ الذي عندما يسكر يتبول على ملابسه مثل الطفل أو يبكي وينوح متحسراً على حياته كلها، الفدادي الشِرِّيب المتزن الذي يسكر فيكتفي بالغناء أو أخذ عكازة والمضي إلى بيته، أو فرش عِمّته على الأرض في مكان جانبي، والذهاب في نوم عميق. تعرفهم بالإسم والصفة، وتديرهم بنمط إدارة شخصي)
|
من رواية الصديق بركة
ــــــــــــــــــــ
صديقي المخرج الجميل الواثق
في نقطة مهمة جداً هي أن الأدب الروائي ليس للتسلية وقتل الوقت فقط علي متن القطارات وكراس المقاهي . الأدب الروائي تثقيفي وصادق
أكثر من المراجع العلمية والفكرية . أن تقرأ رواية جيدة خير لك من إنفاق الوقت في البحوث والمراجع .. أنا شخصياً من خلال قراءتي لرواية الجنقو
أستطعت التعرف علي طبيعة الحياة في تلك المناطق المذكورة في الرواية وأستطيع الآن أن أكتب مقالاً فيها .
بمعني أن الكتابة الروائية تمنحك نشرة تفصيلية عن الإنسان والمكان فإذا كانت المادة الجغرافية والأنثروبولوجية متوفرة في متن رواية أو عمل أدبي وأنت
تثق في صحة المعلومة لماذا لا تتعامل معها بصورتها الحقيقية كمعلومة ؟ أوضح لك أكثر .. من خلال قراءة الجنقو مثلاً هل سبق لك الذهاب إلي ( إنداية )
والتمتّع ( بالرمتلة ) فيها ؟؟ أشك في ذلك .. ولكنك بعد القراءة أصبحت تملك المعلومة وتستطيع أن تعرف ما يدور في تلك العوالم الساحرة .
بالنسبة لتلك العوالم سل مرتادينها .. ولماذا تذهب بعيداً ؟ سلني أنا ده .
شووووف في كل إنداية بتلقي النماذج دي متكررة لدرجة التطابق من كبار السكرجية وبغاثهم ومحتالينهم وحتي ست الإنداية بتلقي في صور نمطية كثيرة جداً
يتشابه السلوك بطريقةٍ محيّرة وأزيدك من الشعر بيت دايماً ست الإنداية بتلقاها مرَا كِييفة ونقّاية وعزّالة وبتتخيّر الفحول الأقوياء
عشان غير المهام السريرية الجليلة لديهم مهمة أخري وهي الحماية أو ما يعرف ب ( ترباس الباب )
أنا هسه لو أشتغلت عمل روائي وعندي من ضمن شخوصي المكانية ( إنداية ) تاني ح تضطروا تفتحوا بوست مشابه وتتهموني فيه بسرقة أدبية وبلاغ لي ناس النظام العام .
بناءاً عليه أري أنه لا غبار علي هشام في هذه الجزئية ولا تعرّضه للوقوف في قفص الإتهام . لأن القرائن ضعيفة ومثار كثير من الشكوك .
أشكرك صديقي علي إتساع صدرك وقطع شك أنك نظراً لضيق وقتك قد ندمت علي فتح هذا البوست ولا أشك في حسن نواياك .
شكرن كتيرن !
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: صديق الموج)
|
Quote:
الحرامى فى رأسه ريشه يازوله انت مؤتمر وطنى ومستفيدة من هذا النظام بصورة ما اقل شى
بتحيدى الطلبة ما ينضمو لاى تنظيم غير المؤتمر الوطنى وبتقبضى مقابل ذلك وعمره الانقاذ |
شوفتا كيف مقربة اقول اي ريست ماي كيس
Quote: وما عندى اى مستند ولكنك تقبضين
ولو كنت تفعلين غير ذلك والله ما يهنىء ليك عيش فى ماليزيا |
مزيدا من الاكاذيب الما عندها اي اساس ولا معرفة..
Quote: وماكانت السفارة كرمتك بالشهادة
الشايلاها زى بت اللعاب وفرحانه بيها دى وحاتقولى لى كرمتنى الجالية طبعاً شوفى قنابيرنا ديل
قومى لفى |
واكاذيب اكاذيب اكاذيب
Quote: وبعدين انا كتبت هشام سرق قصيدة النخله والرجل حى يرزق وله باسورد زى حقك وحقى
ده فلياتى ويكذبنى هنا وسوف ترين ما افعل افتكرتى انا بلا دم زيك ... |
انت رجل كاذب والمصداقية ذي عود الكبريت تخرش مرة واحدة وانت لا مصداقية لك
وانا انصح هشام والقراء ما يشتغلوا بيك لانك لا تتواجد الا في المستنقعات
زول كذاب لا ضمير لك ولا اخلاق
| Quote: خيراً كان قصيدة هشام طلعت النخلة حقت حميد انت بتقطعى وشك من هنا وتريحينا ؟؟ |
انت المفروض تقطع وشك وتريح الاخلاق والناس والخصال الطيبة وكل ما نؤمن به كسودانين مفتكر المنبر دا حائط مرحاض؟؟؟
ما هي الفائدة القدمها الموج لهذا المنبر.؟؟؟ظ استخدام الفاظ لا تستخدم الا في القعدات الخاصة حيث لا ملائكة تحف بها او ومفردات خادشة للحياء مثل القطوع
على هشام ان يركز فقط فيما فتح من اجله هذاالبوست..
ب
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: د.نجاة محمود)
|
Quote: أنا هسه لو أشتغلت عمل روائي وعندي من ضمن شخوصي المكانية ( إنداية ) تاني ح تضطروا تفتحوا بوست مشابه وتتهموني فيه بسرقة أدبية وبلاغ لي ناس النظام العام .
بناءاً عليه أري أنه لا غبار علي هشام في هذه الجزئية ولا تعرّضه للوقوف في قفص الإتهام . لأن القرائن ضعيفة ومثار كثير من الشكوك . |
اتفق تماما مع رأي الأخ حبيب نورة، لأن مواضيع الإبداع لا تخضع لحقوق الملكية الفكرية، بل النتاج الإبداعي (الكلمات عندما تتشكل جملا وتصير فقرات ثم تكتمل في صيغة نص)... وقديما قال عنتر: هل غادر الشعراء من متردم... أي أن الشعر تطرق لكل شيء...
الأنداية هي الأنداية برايتها وبنابرها وجكوكها وجرادلها... ومن فيها لن يتصرفوا كأنهم في خطبة الجمعة أو في مأتم! فحتما سيتشابه الوصف ويبقى التفرد في اختيار المفردات ونظمها والزاوية التي ينظر منها إلى الفضاء بمن فيه...
ما أوردته أخي الواثق - حتى الآن - لا يتضمن حتى عبارات لكي نقول أن هناك شبهة سرقة... وحتى العبارات هي ليست ملك لأحد (فتأمل! ليست ملك لملاسي ولا لمن استخدمها قبله... ولا "المهم!" ملك لتبارك شيخ الدين...)
هشام آدم حتى الآن بريئ من تهمة السرقة الأدبية إذا كان المقصود منها أنه استخدم الكوبي بيست مع التعديلات الطفيفة أو بدونها.
| |
|
|
|
|
|
|
| |
عمر عبد الله فضل المولى
ABUHUSSEIN
عمار عبدالله عبدالرحمن
حبيب نورة
Ashraf el-Halabi
حيدر حسن ميرغني
تولوس
عماد حسين
rummana
هيثم طه
خالد خليل محمد بحر
عصام دهب
معتصم محمد صالح
هشام آدم
الطيب شيقوق
Kabar
النذير حجازي
محمد عبد الماجد الصايم
salah awad allah
معاوية عوض الكريم
صديق الموج
الصادق اسماعيل
أحمد ابن عوف
محمد الأمين موسى
نصر الدين عثمان
Kostawi
فيس بوك
تويتر
انستقرام
يوتيوب
بنتيريست