الأخ صبرى, العالم من حولنا وصل كوكب المريخ ومازال يتقدم, ونحن مازلنا نسأل عن الطاقية ام رفرف والطاقية ام لديتر, وياشيخنا الحنة حلال ولا حرام ؟ يامولانا ممكن ابلع ريقى وانا صايم؟ هل ممكن اتغوط ومؤخرتى للقبلة؟ الأكل بالشوكة والسكين حلال ولا حرام؟ اسئلة هايفة واجوبة اكثر هيافة. ياأمة ضحكت من جهلها الأمم.
02-24-2012, 09:46 AM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: الأخ صبرى, العالم من حولنا وصل كوكب المريخ ومازال يتقدم, ونحن مازلنا نسأل عن الطاقية ام رفرف والطاقية ام لديتر, وياشيخنا الحنة حلال ولا حرام ؟ يامولانا ممكن ابلع ريقى وانا صايم؟ هل ممكن اتغوط ومؤخرتى للقبلة؟ الأكل بالشوكة والسكين حلال ولا حرام؟ اسئلة هايفة واجوبة اكثر هيافة. ياأمة ضحكت من جهلها الأمم.
سلام يا قلقو
والله محنة شديدة قبل سبعة سنوات او اكثر شوية قرات ان الازهر سمح بنقل القرنية للعين
يعني قال حلال والناس تعمل فيها من سنين طويلة
وعشان كده التاخر يلازمنا عبر القرون لان العقل المسلم لا زال يتحاور في قضايا خارج الكون
وهي مضحكه
تعال شوف اذا قالوا في زول رسم رسمه للنبي الكريم او ما قاله الكشغري وهو مدان لكن الهروله لاظهار حمية الدين
تقيف في مثل هذه الاسئلة وهذه الاجوبة الفارغة
رفرف ايه يا حضرة الشيخ
02-24-2012, 03:20 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: انا هنا مرة صاحبي وزوجتو جو يوصلوني عربيتي باظت اها قمنا وقفنا في ماكدونالد واكلنا
تعرف الزوجة قالت لعيالها ما تكلو البطاطس المحمرة ( الجبس) او الفرنش فرايز لانها حرااااام
هالني الامر قلت لها اول مرة اعرف لي حمامة تتكلم ( دي اغنية )
اول مرة اعرف ان البطاطس حرااام
قالت لي الشيخ بتاعنا قال كده
قلت ليها ليييه الحرام فيها ايه ؟؟
قالت لي لان البطاطس محمره في زيت بتاع خنزير
قلت سبحان الله من شيوخ الضلال البيحرموا الحلال ويحللوا الحرام
الغلط وين هنا يا صبري....؟؟؟ و الغريب شنو اللي خلاك تحكي لينا القصة دي...؟؟؟؟ الكلام واااااااااااااااااااااضح قالت قال ليهم لأنو الزيت بتاع خنزير ........
.
02-24-2012, 04:35 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
قلت سبحان الله من شيوخ الضلال البيحرموا الحلال ويحللوا الحرام
حكاية البطاطس دي سمعت بي تحريما من زمان .. مش عشان محمرة في زيت خنزير لكن يقال والله اعلم أن قرمشة البطاطس هذه لم يكن لها ان تحدث الا بأدخال مكونات من دهن الخنزير هي التي تسبب هذه القرمشة ..
خلي بريمة يحكي ليك في جبال النوبة القبائل الكانت بتاكل لحم الكدروك (الخنزير السوداني) لمن دخلوا الاسلام ووروهم انو حرام وهم ما بيقدروا يخلوهو .. في النهاية بقوا يجيبوا لحم البقر ويطبخوهو مح لحم الكدروك في حلة واحدة ولمن ينجض اللحم يطلعوا لحم الكدروك يرموهو وياكلو لحم البقر (طبعا حا يكون بي نكهة لحم الكدروك) ..!
قال الرفرف يمنع روية شعاع الشمس يعني الناس تنتظر البص خارج المظلة ونبطل نقعد تحتالشجر و نبني بيوت بلا سقوف ونترك المدن و نعيش في العراء . لو واحد لابس طاقية ام رفرف و رفرف دا اعدام عديل
Quote: قلت بالله معقول والناس ديل ما لقو اي شيخ يقول البق والقراص ده حراااام بيمنع النوم
ذكرتني بي الرباطابي المشى الحج .. بعد صلاة الجمعة وبعد السلام قبل على جارو يسلم عليهو .. حظو القعب جارو طلع من جماعتك اياهم .. جارو رفض يمد يدو للرباطابي مع انو الرباطابي مداها ليهو .. زولك قال للرباطابي .. السلام دا ما من السنة .. الرباطابي زعل وحارقاهو يدو الممدودة قال ليهو : نان الاحراج دا من السنة ؟؟!
02-24-2012, 08:06 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
اما صاحبنا فنان الشباب (شباب حلتو بس) ، الاتجه للمديح واعتزل الغناء بدعوى أن الغناء حرام وفي نفس الوقت ما بيقدر ينوم بالليل كان ما ضرب قزازة عرقي وارد سوبا فدا حكايتو براهو ..!!
Quote: اما صاحبنا فنان الشباب (شباب حلتو بس) ، الاتجه للمديح واعتزل الغناء بدعوى أن الغناء حرام وفي نفس الوقت ما بيقدر ينوم بالليل كان ما ضرب قزازة عرقي وارد سوبا فدا حكايتو براهو ..!!
نسأل الله السلامة من جنس الفهم دا ..!!
تعرف يا ناذر في مجال الفنون الامر فظيييع
كم من فنان قال الغنا حرااام ورجع التي امثلة البعيو حمد الريح واخرون لا اتذكرهم واعتقد ان عافية حسن اتجهت للمديح
بالله اكتب من واقعك الفني عن هذه الحالات
بجييييك راجع
02-25-2012, 00:15 AM
Amin Salim
Amin Salim
تاريخ التسجيل: 02-03-2012
مجموع المشاركات: 677
?, You do not attack Christians or Jews even if they make the most horrible things, why is that
?Can you tell us about the systematic child abuse in churches around Europe and America
?Can you tell us about the suffering of people in Gaza and elsewhere in Palestine
?Recently, in American church they have burned the holy Quran why you have not mentioned it in your daily posts
I can go on with the endless questions and I have asked you those questions knowingly that I will not get a "convincing answer"but i hope that it may bring to your attention to how are your posts reflecting the islamophobic part of you . If you do not like Islam convert to any other religion as it would elleviate the hatred against (Al Wahabya).in particular and Islam in general
02-25-2012, 01:52 AM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
هنا اكتب بالعربي ... عشان كلامك يتفرز .... ما نقول ليك صياغاتك دي فيها جرائم كراهية تقول ما بعرف انجليزي وما عندي كيبورد عربي ...
البيدّعوا انهم "علماء" ديل أولى الناس بالهجوم ... ابتداءاً لأنهم ما عندهم علاقة بالعلم ومناهج البحث العلمي بتاتاً ... علماء مين يا عم ... بعدين الهجوم على المعتدي الخبيث وسيء النية والفعل امثال هذا الشيخ الذي لا يجيز لبس الطاقية "ذات الرفرف" لأنها ما سعودية ... تقول قماش العباية اللابسها دي ميد إن حايل ... ولاّ شماغ البسام بتاعو دا ما تايواني ... تالتاً من الناحية السياسية الاروبيين والامريكان ديل (مسيحيين ويهود ومسلمين وملاحدة وغيرو) بيكلفوا حرية العبادة والاعتقاد للغاشي والماشي في بلادهم .. العيب في علماء السجم والرماد الواقعين في الناس تكفير وأحكام ردة واستتابة ... خامساً الناس البيعانوا في غزة ديل ما كلهم مسلمين ... ولا بيعانوا لأنهم مسلمين ... لاكين كلهم فلسطينيين ... وبيعانوا لأنهم فلسطينيين ... ومشاكلهم دي علماء السجم والرماد لو ما غتسوا حجرهم ما نافعينهم بى حاجة ... ودي برضو ملامين عليها علماء السجم والرماد ... سادساً امريكا كلها وقفت ضد القسيس الوهابي السلفي القال داير يحرق القرآن ...شكراً للمسيحيين الأمريكان من كنيسة أماريللو التوحيدية الكونية الوقفوا وقفة حق في وجه "ابن تيمية النصارى" المدعو "دايفيد قريشام" القرر يحرق المصحف ... وجمعوا كل المسيحيين والمسلمين واليهود ووالهندوس والسيخ وكريم معتقدات الهنود الحمر والوجوديين واللادينيين وغيرهم ... خصوصاً اليهودي العلماني "جيكوب آيزوم" الذي أتى عارياً من السترة الشرعية يعتلي زحّافته الهوائية فطار بها خلف ابن تيميتهم "قريشام" لافحاً المصحف من يده قبل أن يتمكن من احراقه ... أنا كعلماني مسلم أهديك هذا اللقاء مع العلماني اليهودي "جيكوب آيزوم" الذي يبين فيه سبب رفضه لإحراق القرآن وودفاعه عن المصحف ... لعلك تفهم سبب هجومنا على علماء الغفلة هؤلاء:
أعرف أن علماء الغفلة ملؤوا المآذن صياحاً عندما قرر العريفي النصراني "دايفيد قريشام" إحراق المصحف ... وسكتوا وألقموا حجراً حين انبرى علماني يهودي للدفاع عن حرية الدين والفكر والإعتقاد ودافع عن المصحف وأنقذه من الحريق .... فكيف يعترف قريشماتنا الوهابية بفضل العلمانية عليهم؟ وهم العلماء ورثة الأنبياء !!!!
... المهم ....
02-25-2012, 02:32 AM
Amin Salim
Amin Salim
تاريخ التسجيل: 02-03-2012
مجموع المشاركات: 677
Quote: ?, You do not attack Christians or Jews even if they make the most horrible things, why is that
الجملة دي تحريض صريح لإرتكاب جريمة كراهية .... والقانون الأمريكي يعاقب على نشر مثل هذا الكلام ... تهاجم الإنجيل راي وراي قبيح ... تهاجم المسيحيين واليهود دي جريمة ... عشان كدا الراجل قرر يحرق القرآن ... ما قرر يحرق أمين سالم ...
بعدين في أي لحظة تحس بأنو We are not getting along الحل ساهل جداً جداً ...
We break-up ولا مؤاخذة ... تقول لى بكري ابوبكر شكراً على الباسويرد .. I'm not getting along ... ويا دار ما دخلك شر ...
بالنسبة لي أنا I'm getting Avery long والحمدلله
(بالمناسبة Avery دا اسم وادي غرب القمر!)
... المهم ...
02-25-2012, 03:15 AM
Amin Salim
Amin Salim
تاريخ التسجيل: 02-03-2012
مجموع المشاركات: 677
Quote: والله محنة شديدة قبل سبعة سنوات او اكثر شوية قرات ان الازهر سمح بنقل القرنية للعين
يعني قال حلال والناس تعمل فيها من سنين طويلة
العزيز صبري ،، ناس الازهر ديل مش الطلعوا فتوة ارضاع الكبير؟؟؟؟ ياربي أستغفرك من مصائب وفتاوي شيوخ آخر زمن ... يعنى العالم يتسابق فى أشياء ومبتكرات لراحة البشرية وجماعتنا ديل لسه فى حلقات نقاش عن قلم الكحل حلال ولا حرام!!!!!! تحياتنا للمدام والصغير محمود الشريف.
02-25-2012, 04:25 AM
Khalid Kodi
Khalid Kodi
تاريخ التسجيل: 12-04-2004
مجموع المشاركات: 12477
والله انا صبري دا غير بوستات pro-Islam ما شفت ليهو ... يا كافي البلا ... بوستات كورة ما قاعد يفتحها ...
بعدين - يا ابني - attack دي بتتفهم من سياقها ... وفي سياق كلامك دا ما طبيعية ... لأنك تتكلم عن هجوم على الناس من منطلق انهم مسيحيين أو يهود ... يعني من غير فرز انهم كويسين ولاّ كعبين ومن غير اسباب كواسة وكعوبية ... دي اسمها كراهية ... لأنها تحريض ضد الغير على اساس الدين ...
الهجوم على الفسقهاء مبني على تحليلهم لبس الطاقية ام رفرف مع الكراهة ... يعني ما anti-Islam أو كراهية لكونهم مسلمين وخلاس ... بل كراهية لكونهم بيعتبروا انو اسلامهم بيديهم الحق في اصدار فتاوى للناس ... وخجولين من قضايا الناس الحياتية وبيمسكوا في الفارغة والمقدودة ...
أسوأ ما في هؤلاء الفسقهاء ... انهم بيعلموا الأجيال الزيك الكراهية .... كراهية الفكر المتحرر عند المسلمين زيك ... وكراهية اليهودي والمسيحي والبوذي والليبرالي والعلماني ... وكراهية الأوربي والأمريكي حتى لو كان مسلم زيك ... والنتيجة الطبيعية للكراهية دي هي الإرهاب العقائدي والفكري ... وتفجير الطائرات والفنادق ... واختطاف السياح والموظفين الأجانب ... أساس كل هذه الجرائم هي الدعوة للهجوم - الكلامي - على المسيحيين واليهود فقط لأنهم مسيحيين ويهود ... في تناقض واضح مع الآيات البتقول:
قبل أن (تهجم) على مسيحي ويهودي يجب أن تفهم أنهم ليسوا سواء وأن الهدى هدى الله وهو يهدي من يشاء بفضله ... مما يعني أن المهتدي والمتّقي ليس بالضرورة المسلم ... وإن الله يحب المتقين ... والضال ليس بالضرورة المسيحي أو اليهودي ... وأن (الهجوم) على الآخرين بناءاً على هذا التعميم يعتبر كراهية غير مبررة ... وبطّل شفتنة .... لأنو انت ما محتاج يشرحوا ليك حاجات بديهية زي دي ... انت مثال أنو في كتابي كان داير يحرق القرآن وفي كتابي آخر أنقذ القرآن من يدّو دا ما كفّاك؟ ربنا دا خلق الناس مختلفة اختلاف الطواقي ام رفرف ... اقرأ سورة "الروم" يا ابني عشان تتعلم حاجة ...
... المهم ...
02-27-2012, 06:39 AM
Amin Salim
Amin Salim
تاريخ التسجيل: 02-03-2012
مجموع المشاركات: 677
Quote: الغلط وين هنا يا صبري....؟؟؟ و الغريب شنو اللي خلاك تحكي لينا القصة دي...؟؟؟؟ الكلام واااااااااااااااااااااضح قالت قال ليهم لأنو الزيت بتاع خنزير ........
طيب يا ابوحسين لو دي مداخلتك البتتكلم عنها (وانا كنت قايلك بتهظر) النتجاوز معاني التحليل والتحريم الدينية وفرقها من معاني التحليل والتحريم الفقهية ونسألك بافتراض انو المعلومة (وهي خاطئة) صحيحة وفعلاً يتم تحمير البطاطس في زيت الخنزير (ربما المقصود شحمه):
بعد الله حرّم لحم الخنزير ... انتو حايين تحرّموا شحمو (وربما زيتو) وعظمو وجلدو؟ (طبعاً الدم محرم في كل الانعام)
انت عارف كمية الأدوية المستخدم فيها جيلاتين حيواني مستخرج من الخنزير وليس من "لحم الخنزير" المنصوص صراحةً؟
أو ... السؤال بصيغة تانية:
انتو بقيتوا بتحرّموا من طرف؟
دي مداخلتك الداير ليها رد جادي وبى سببها بتتصرف زي أمين سالم والفي عمرو؟
يا زول قول بسم الله ...
... المهم ....
02-28-2012, 05:47 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: انا اصلا رافض انك توصفو ب انو شبخ زول بتكلم فى الفارغه كدا
ياخ ده ابن عثيمين اهم شيوخ السلفية قاطبة و هو ممن تشد له رحال السلفيين من افاصي الدنيا لحضور دروسه ببريدة في السعودية. اذا لم توصف ابن عثيمين "ب انو شيخ" فما بتقدر توصف بيها اي زول تاني!
02-29-2012, 06:23 AM
Amin Salim
Amin Salim
تاريخ التسجيل: 02-03-2012
مجموع المشاركات: 677
Quote: ياخ ده ابن عثيمين اهم شيوخ السلفية قاطبة و هو ممن تشد له رحال السلفيين من افاصي الدنيا لحضور دروسه ببريدة في السعودية. اذا لم توصف ابن عثيمين "ب انو شيخ" فما بتقدر توصف بيها اي زول تاني!
سلام دكتور سبف
والله زولكم دا ما سمعتا بيهو نهائى على الرغم من متابعة ما تبثه قناتى اقرا و الرساله!
لكن ما وريتنى رابك فى القرنى شنو.................شخصيا اعتبره من افصح شيوخ الزمن دا
02-29-2012, 10:32 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
يا أمين ابن عثيمين عندو قناة براهو تحمل اسمه عملها تلاميذه بعد وفاته و بالنسبة لعائض القرني فهو فعلا قد حكم ضده بالغرامة بعد ثبوت سطوه على كتاب سلوى العضيدان See it here
الاسلام دا دين فردي، وإنتا مسؤول أمام الله عن تفسيرك ليهو، يعنى قصة (أسالوا أهل الذكر) ما حتحلك من الحساب الفردي، وما ممكن تمشي يوم القيامة وتقيف أمام الحق سبحانه وتعالى وتقول أنا عملت كده حسب فتوى (ابن عثيمين) أو (عائض القرني) الكلام دا ما بيحلك.
عشان كده قلنا إنو الإسلام دين علماني بي طبعوا، وعشان كده الصحابة ذات نفسهم رفعوا السلاح ضد بعض، ويوم القيامة ربنا حيسألهم فرداً فرداً وما بتحلهم إلا رحمة ربك وبعد داك شفاعة الرسول (ص).
شفتا هسه زول زي عائض القرني دا، تفتكر إنو ما عارف إنو العملوا دا (حرام)، طيب تفتكر عملوا ليه، لأنوا الموضوع في الاساس تجارة عديل كده، ومكسب دينوي، عائض دا عندو (ثروة) كبيرة من تأليف الكتب عشان كده أعماه الطمع.
وقس على كده العاملين فيها شيوخ في السعودية ولا السودان وقاعدين يفتوا للسطان.
خلاصة الموضوع:
الاسلام دين فردي ما فيهو شيوخ ولا رجال دين، والحساب فردي، وانت تمارس الدين حسب فهمك وايمانك مش حسب فهم الشيوخ والجماعات، لأنك ببساطة يجب ان تتبع ما قاله الله وليس ما فهمه ابن تيميه او ابن عثيمين، ولو كانوا يغنون عنك شيئاً يوم القيامة فاتبع ما يقولون، وإلا فلا
02-29-2012, 05:22 PM
Amin Salim
Amin Salim
تاريخ التسجيل: 02-03-2012
مجموع المشاركات: 677
Quote: و بالنسبة لعائض القرني فهو فعلا قد حكم ضده بالغرامة بعد ثبوت سطوه على كتاب سلوى العضيدان
لا جولااا
بالجد I am very disappointed
لكن ساستمر فى متابعة برامجه لانو الزول جد علامه (لن ادع غلطه زى دى نن التحصبل على علوم الدبن)
تعرف يا دكتور سيف ابام ما كونا فى الجامعه كان عندى استاذ مادة مهمة والزول دا كان مضادينى عدبل اشان انا مسلم......فا كان بدبنى علامات ضعيفه لكن كنت برضو ما بفوت لبه اى lecture لانو الحاجه الساكيها كانت و ما زلت العلم....... فعلى ذات النحو لن اتوقف عن مشاهدة برامج القرنى على الرغم منن ال disappointment الحاصله
Quote: عشان كده قلنا إنو الإسلام دين علماني بي طبعوا، وعشان كده الصحابة ذات نفسهم رفعوا السلاح ضد بعض، ويوم القيامة ربنا حيسألهم فرداً فرداً وما بتحلهم إلا رحمة ربك وبعد داك شفاعة الرسول (ص).
شكرا يا الصادق الصادق
تحياتي لك ولاسرتك
02-29-2012, 06:05 PM
Amin Salim
Amin Salim
تاريخ التسجيل: 02-03-2012
مجموع المشاركات: 677
Quote: الغلط وين هنا يا صبري....؟؟؟ و الغريب شنو اللي خلاك تحكي لينا القصة دي...؟؟؟؟ الكلام واااااااااااااااااااااضح قالت قال ليهم لأنو الزيت بتاع خنزير ........
اها هنا للتوضيح ان زيت الخنزير مش هو الحرااام لحم الخنزير
لو الانسان شرب زيت الخنزير او اتمسح بيهو مش حراام
لكن ضيق بعض العقول هو المشكلة
طيب لو تابعوا هذه الحرمه لمات الكثير من الناس لان مشتقات الخنزير تدخل في حاجات كثيرة
خلي ناس الطواقي ام رفرف ديل يفتشو
________________________
امين سالم
خليك متابع
تحياتي لك وربنا يفتح ذهنك للبعد من الغلو والاتجاه الواحد
الان تبين لك ان الوهابي القرني سرق جهد انسان اخر ؟؟
انظر لعبد الحي يوسف ونشره للفتنة ويا ريت تقول فيه الحق
الي اللقاء في مداخلة اخري
02-29-2012, 09:30 PM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: با سبد تصحح شنو..............I don't think that you are qualified enough to do so
باخ اقول ليك حاجه كلامك كله صح وانا غلطان بس عليك الله سيبنى فى حالى كرهتنا باخ....................لايوق غور من وشنا ياخ
يا ابني انت لسة ما مركّز معاي ...
كلامك دا بالحرف تقولو لى "عائض القرني" رداً على مجهوداتو اللايوقة لـ "تصحيح العقيدة" ...
He is not qualified enough ... I couldn't have said better myself. x
قلنا ليك المكان دا ما "دردشة" أو Chatroom ... حاول تقرا اكتر من تكتب ...
ياخي المبدأ الإسلامي انو لو الرسول بيحبك وعايز يهديك فهو غير مؤهل لفعل ذلك ... والقرآن ختاها ليهو بالواضح "إنك لا تهدي من أحببت ولكن الله يهدي من يشاء" ... لذا فهو مؤهل لعمل آخر ومهمته محدودة على هذا العمل وهو "تبليغ" الرسالة ففي الحقيقة "ما على الرسول إلاّ البلاغ" .. فماذا يؤهل هذا "القرني" لـ "تصحيح" عقائد الناس؟ الله اعلم ... المشهور عند الفقهاء أنه غير مؤهل ... _________________________________________
Quote: الغلط وين هنا يا صبري....؟؟؟ و الغريب شنو اللي خلاك تحكي لينا القصة دي...؟؟؟؟ الكلام واااااااااااااااااااااضح قالت قال ليهم لأنو الزيت بتاع خنزير ........
زيت الخنزير دا وهمة بتاعة جهل زي الوهمة بتاعة دوران الأرض ...
حملة زيوت التحمير الصحية في البلد دي عندها هموم في الفرق بين الزيوت النباتية المختلفة المستخدمة في تحمير البطاطس (خصوصاً في مكدونالدز) ... ياخي قضية المكدونالدز الاخدت قريب العشرين سنة وقّف فيها التحمير بالزيوت عالية الدهون (زيت الذرة المازولا خصوصاً) الكلام دا من سنة February 11, 2005 لهو سبعة سنين ... ونجحوا في منع استخدام كتير من أنواع الزيوت النباتية الضارة في التحمير رسمياً وقانونياً ... ومافي حادثة مسجلة تاريخياً أو معروفة بواسطة طباخ محدد في استخدام زيت حيواني (ولو انو انا برجح المقصود "شحم" وليس "زيت") في تحمير طعام يباع للعموم ... لأنو من ناحية تجارية دي فكرة مكلفة وفاشلة خليك من صعوبة المنافسة في سوق زي سوق الطعام في امريكا هنا ... بعدين التصور بتاع انو الخواجات ديل بيعملوا الحاجات ساااكت كدا عشان ما قروا قرآن دا تصور بيصدر عن زول ما فهم ما قيل عن بني آدم في القرآن ... وكيف أن الله كرمهم وحملهم في البر والبحر والجو ...
بطاطس أيه المحمرة في "زيت" خنزير ... والله اللي ما يعرفش يؤول عدس ... شحم الخنزير نكهة ساي ما يقدروا يستخدموهو ... كان حلال كان حرام ... انتو قايلين فوضتكم دي هنا في زيها؟
الغريب انو المعلومة تحرّم "زيت" الخنزير (اعتقد المقصود "شحم) وهو غير محرم ... والغريب ان المعلومة تنسب "زيت" الخنزير (غالباً المقصود "شحم" الخنزير) للبطاطس المحمرة وذلك غير صحيح ...
لو قلت ليك ما تركب عربيتك تمشي بيها الشغل لأنها بتمشي بى الكلونيا والكلونيا حرام ... ما بتستغرب على الخطأ المركّب؟
لو انت لايوق حا تقول لي "عربية شنو البتمشي بالكلونيا؟" أو "كلونية شنو الحرام؟" ... فالنقول ليك:
بطاطس شنو البيحمّروها بى "زيت" الخنزير؟
"زيت" خنزير شنو الحرام؟ انتو بقيتوا تحرّمو من طرف؟
... المهم ...
02-29-2012, 11:01 PM
Amin Salim
Amin Salim
تاريخ التسجيل: 02-03-2012
مجموع المشاركات: 677
Quote: قلنا ليك المكان دا ما "دردشة" أو Chatroom ... حاول تقرا اكتر من تكتب ...
يا تبارك انا بعتبره chat room كل زول حر ما تحاول تفرض علينا وجهة نطرك!
فى فرق كبير ما بين ال scientific discussion forums wa sudanese.........هنا فى انواع كتيرة من البوستات داير تتونس فى....داير تتفلسف فى كتيييرزداير مواضيع علميه فى.....داير تتنوضل فى.......داير تكشر ب الضفيره وما يتبعها برضو فى
02-29-2012, 11:22 PM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: يا تبارك انا بعتبره chat room كل زول حر ما تحاول تفرض علينا وجهة نطرك!
فى فرق كبير ما بين ال scientific discussion forums wa sudanese.........هنا فى انواع كتيرة من البوستات داير تتونس فى....داير تتفلسف فى كتيييرزداير مواضيع علميه فى.....داير تتنوضل فى.......داير تكشر ب الضفيره وما يتبعها برضو فى
هذا البوست في فتوى العثيمين بجواز لبس الطاقية ام رفرف مع الكراهة (That's his action being criticized) ...
انت داير (تهاجم) المسيحيين واليهود على أساس افعالهم وليس على أساس دياناتهم ... أدينا مثال لهذه الأفعال ... (في بوست جديد لو سمحت!)
(بعد الشرح مافي حاجة ... داير تدردش انت حر! "قالوا لو كنا نسمع أو نعقل ما كنا في أصحاب السعير")
بعدين احاول افرض عليك وجهة نظري كيف بالضبط؟ أصدر فتوى؟ اقول "مداخلاتك دي حرام شرعاً" وأن الله أراد لهذا المنبر نوع آخر من المداخلات؟ ومن لا يتداخل بالطريقة الشرعية فهو كافر ويستتاب أو يرجم؟ ولاّ افرض وجهة نظري كيف؟ لو وجهة نظري عاصراك مع الحيطة؛ عااااادي ... غالباً لأنها وجهة نظر معقولة ووجيهة ... مافي أي فرض أو سنة لا سمح الله .... والله انت كل مرة بتثبت لي انك ما واعي بالقهر والإضطهاد البيمارسو عليك هذا "القرني" ابو طاقية ام رفرف ... وجنّك مقابل شعري ساي بلا فايدة ...
... المهم ...
02-29-2012, 11:34 PM
Amin Salim
Amin Salim
تاريخ التسجيل: 02-03-2012
مجموع المشاركات: 677
مش انت قلت بتنتقدهم على أساس افعالهم وليس على أساس دينهم؟
نقتبس ليك من "دردشتك":
Quote: ya Tabarak
Criticize someone for his action
وربنى وين انا قلت for their religion ما تقولنى كلام انا ما قولتو
وقلت:
Quote: ?Why are you always on the attack
?Why are you always degrading Muslim scholars
?Why do you always bring the extreme materials
?, You do not attack Christians or Jews even if they make the most horrible things, why is that
?Can you tell us about the systematic child abuse in churches around Europe and America
?Can you tell us about the suffering of people in Gaza and elsewhere in Palestine
?Recently, in American church they have burned the holy Quran why you have not mentioned it in your daily posts
I can go on with the endless questions and I have asked you those questions knowingly that I will not get a "convincing answer"but i hope that it may bring to your attention to how are your posts reflecting the islamophobic part of you . If you do not like Islam convert to any other religion as it would elleviate the hatred against (Al Wahabya).in particular and Islam in general
تعال انتقدهم على الـ most horrible things القلتها ... قال ماجاب سيرة ريليجن قال ...
الاخ \ تبارك المبارك سلام لك ولاهلك الصالحين لاول مرة اوجه لك تداخل وان كان الهم واحد والتعب ان شاءالله باجرو ليك ولي قبل اربعة سنين او خمسه اشتريت عربية وشكرا ل الله الذي جعل هذا ممكنا وقلنا نكرم للحديد ذو الباس الشديد وده اقتراح اهل القبله المعاي صداح وصحبه الكرام مشينا لناس الحلال ميييت وتعرف دي وهمة كمان عجيييييبه جدا الناس تركب مشوار ساعة عشان تجيييب حلااال ميييت والقعده تكون ليلا محضوره بالشراااب الما خمج اها انا قلت لهم يا جماعة ما نشتري لحوم بتكفي احسن من الخروف قالوا لا مشينا للمصري صاحب المسلخ عشان نشتري واشتريناه كبشا املحا اصل القصة تعرف الضبح لينا الخروف نصراني من اهل لاتين امريكا وديل اعتقد كاثوليك الديانة المسيحية وهو مستعجل جدا للكريسماس لانو صباح الاحد 25 ديسمبر والواقعه بشهودها تلاتة عدوول عشان تعرف العقل المسلم مرااات بكون مجلي وده للغالبية مش الاقلية اها قمنا حنسنا النصراني عشان ينتظرنا ويضبح لينا وجبنا الكرامة ؟؟؟؟ الزول الساكن معاي مسلم جدا لكنه معتدل ضد الارهاب والجماعات بيحب البنات المحجبات وما برد عليك لو قلت له صباح النور الا بالسلام عليكم تقول له مساء النور يقول لك السلام عليكم عند التبيخ والبتيخ انا او غيري نعمل حلة لحمه جميلة جدا اها يسال اللحوم دي حلال ميييت ؟؟ انا بقول له حراااام مييت عايز تاكل تعال ما عايز ودعناك الله بيجي ياكل زي العجب ولا تظهر علي جسمه الحسلسية من اكل لحوم الموولات الفاخرة ؟؟؟؟ تعرف كثير من اصحاب العقول دي تجدهم لا يلتزمون بابسط القوانين في عدم اكل الاموال بالباطل وتجد من لم يرد الامانة وياكل الولفييير ويطلق زوجته مدنيا لكي يصرف القروش للمعايش الجباره وووووووووووووووووووووووووووووووووووووووووووووووووووووووووووووو تعرف الحكاوي ما بتكمل وسيدنا ود سليم شابكني انا عندي قصد مع الاسلام والاسلام والاسلام وهو ما قال حرف واحد في تجار الدين عبر السنين ولم يقف موقفا مع المراة المنتهكه الحقوق والحريات في نظام الاسلام في الخرطوم ولا مع منع قتل الاطفال في جبهات السودان المختلفة ولا ضد الفساد واكل اموال الشعب بالباطل الحرقه في الجوف والمغصه في الحلق والدموع امسكها بالصنقيع من عمايل اهل الاسلام السياسي تحديدا الوهابية والاخوان والتطرف واستهبال الكثير ممن يدعو لدولة دينية ويتمطق ثمار العلمانية في حتات تانية
03-01-2012, 00:00 AM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
هذا وتسمح القوانين الأوروبية بإضافة نسبة ما من شحم الخنزير إلى الشحوم الأخرى لكي تكتسب طراوة معينة . المارغرين( نوع من انواع الزبدة) يهيأ من الدسم المختلفة الحيوانية والنباتية على حد سواء (زبدة الكوكو – زيت الزيتون – زيت دوار الشمس – زيت الصويا – شحم البقر – شحم الخنزير – شحم الطيور – شحم الحيوانات البحرية .. إلخ ) ويضاف إلى ذلك الليستين وبعض المنكهات والفتيامينات والحافظات، وقد يحتوي على نشا البطاطة وزيت السمسم .
يجمع الدم بعد ذبح الحيوانات ( البقر والغنم والخنزير .. إلخ ) بصورة عميقة ما أمكن، حيث يشكل الدم حوالي: 7.7% من وزن جسم البقر وحوالي 6.2% من وزن جسم الغنم والماعز، وحوالي 3.5% من وزن جسم الخنازير .
يستخدم الدم في صناعة الأغذية المختلفة، كالنقانق المدماة، والبودينغ الأسود، كما يستخدم لتغيير لون بعض الأغذية: مثل الهامبورغر وأغذية الأطفال .
تستخرج البلازما من الدم، ويسفتاد منها في صناعة بعض الأغذية على نطاق واسع جداً نظراً لتكلفتها المنخفضة ( أقل من تكلفة زلال البيض لاحتوائها على نسبة مرتفعة من البروتين ) . تضاف البلازما إلى معلبات لحم البقر ولحم الدجاج وكثير من منتوجات الحليب وصناعة المعجنات، وقد تمزج مع الدقيق لزيادة نسبة البروتين، كما تستخدم في صناعة الأدوية وأغذية الأطفال . تسمح القوانين الأوروبية باستخدام البلازما الدموية كمبادل لزلال البيض .
ثالثاً: الجيلاتين ( الهلام
مادة بروتينية تشبه بروتين الدم ( الهيموغلوبين ) والأنسولين وبروتين البيض، ومن خواصها أنها ذوابة في الماء . المصدر: جلد الحيوان: البقر، الخنازير، الأسماك . عظم الحيوان: البقر، الخنازير. اغلب الجيلاتين المستخدم في الاطعمة يستخرج من جلد الخنزير توجد في جلد الحيوان مادة تدعى الغراء الحيواني ( الكولاجين Collagen ) وفي العظم توجد مادة تدعى ( العظيمن Ossein)، والتركيب الكيميائي للكولاجين والعظمين متماثل . وللحصول على الجيلاتين يعالج الكولاجين أو العظمين بالماء في وسط حمضي أو وسط قلوي ويحصل التفاعل التالي:
كولاجين + ماء = جيلاتين وعند إذابة الجيلاتين في الماء تنشطر ذرته إلى دابوق وهيموغلوبين: جيلاتين + ماء = دابوق + هيموغولبين ويمكن من الناحية الكيميائية النظر إلى التفاعلات الجارية على أنها تفاعلات استحالة كيميائية مماثلة لتفاعل استحالة الغول ( الكحول ) إلى خل ( حمض الخل )، وأن تكوين المركبات الناتجة مختلف عن المركب الأصلي . استعملات الجيلاتين: إلى جانب الاستعملات المختلفة للجيلاتين فهو يستخدم بكثرة من الصناعات الغذائية: 1- مادة مثبتة: المجمدات، مشتقات الحليب . 2- مادة مجمدة: الحساء، المربيات . 3- مادة مهلمة: جيليه الفواكه، البودينغ . 4- عامل في الصقل والتحسين: صناعة المرق والمنكهات . 5- عامل رغوي: صناعة الكريما . 6- عامل مزين: الحلويات . 7- مثبت للماء: المعجنات والخبز . 8- عامل استحلابي: شرابات الحليب . 9- عامل لإنقاص القيمة المغذية للأغذية: صناعة الأغذية ضعيفة السعرات الحرارية .
أمثلة من الأغذية التي يدخل فيها الجيلاتين: 1- المنتوجات اللحمية . 2- منتوجات السمك . 3- صناعة الحليب واللبن الرائب . 4- الحلويات : العلك، الملبسات، السكاكر، الكريمات إلخ . 5- المعجنات: الكاتو، الترتة بأشكالها . 6- البودينغ Pudding . 7- عصير الفاكهة .
رابعاً: المستحلبـات:
هي مركبات كيميائية طبيعية أو صنعية تفيد في تكوين الأشكال الاستحلابية الغذائية أو الدوائية، والطبيعية قد تكون من منشأ نباتي أو حيواني ويهمنا الحديث عن المستحلبات الحيوانية المنشأ .
من أهمها: الغليسول: حيواني أو نباتي المنشأ . أحادي أو ثنائي الغليسريد: حيواني أو نباتي المنشأ . اللسيتين: من مح البيض أو فول الصويا أو حيواني المنشأ . خامساً: الجبن: معظم الأ######## في الدساتير الغذائية الأوروبية تستخدم الأنفحة Rennet أو الخمائر المخثرة الأخرى المناسبة .
ومن المعلوم أن الأنفحة في أوروبا تستخرج عادة من معدة البقر، بيد أن التعبير المذكور في الدساتير الغذائية الذي يسمح باستعمال الخمائر الأخرى المخثرة المناسبة لا يحدد نوع هذه الخمائر ولا مصدرها، وبالتالي يمكن أن تضم خميرة الببسين المستخرجة من معدة الخنزير، ولهذا فإن الصناعة الغذائية مخيرة باستعمال أي من الخمائر المختلفة في تخثير الجبن والتي قد تشمل خميرة الأنفحة البقرية أو أنفحة المجترات الأخرى أو خميرة الببسين الخنازيرية أو الخمائر المستخرجة من بعض الجراثيم أو الفطور .
ولا يستطيع المسلم أن يحصل على المعلومات المتعلقة بمصدر الخميرة بسهولة، وقد يتوقف عن تناول الأ######## الغربية تورعاً . ومن الجدير بالذكر أن الأنفحة تستخدم ممدة جداً حسب درجة فعاليتها وقد تصل درجة التمديد إلى 1/ 10000 . إلى جانب ما ذكر سابقاً تحوي المنتوجات الغذائية مركبات إضافية قد تكون من منشأ حيواني أو مصنعة كيميائياً، وقد أصبح استعمالها منتشراً على نطاق واسع في الصناعة الغذائية، وسنعرض فيما يلي لمحة عنها .
الجيلاتين E 441 الذي نحصل عليه من عظام الحيوانات المذبوحة وجلودها وسقطها وغالباً ما يصنع الجيلاتين من جلد الخنزير وعظامه وعظام بقية الحيوانات، ويعتبر الجيلاتين منتج ثانوي لصناعة اللحم والجلود ويصنع منه سنوياً ربع مليون طن.
هنالك أنواعاً خاصة من الجيلاتين تصنع لموافقة الشريعة اليهودية والشريعة الإسلامية كما أن النباتيين يلجأون إلى بدائل نباتية مثل الآغار والبيكتين. وإن كان تسمية هذه البدائل النباتية بالجيلاتين النباتي من باب المجاز فليس فيها بروتين وإنما هي نوع من السكريات المعقدة.
و يستخدم الجيلاتين في صناعة كثير من الأطعمة الخفيفة المجهزة للأطفال.. وفي صناعة المثلجات وغيرها كرافع قوام ومثبت.. وفي الألبان... والمربيات... وأنواع أخرى من الأطعمة والعصائر.
يستخدم الجيلاتين كذلك في صناعة الكبسولات الطبية منذ أوائل القرن التاسع عشر، كما استخدم مؤخراً الهيبروميلوز كبديل نباتي لصناعة الكبسولات، وتطرح بعض الشركات كلا النوعين لمراعاة المستخدم النباتي واليهودي والمسلم، وتقوم شركة كابسوجل بصناعة كبسولات من جيلاتين غير خنزيري في فرع لها افتتحته في إندونيسيا ووفرت له رقابة محلية لكسب ثقة المسلمين، ولكن الشركات الصانعة غالباً لا تذكر مصدر الجيلاتين الحيواني إلا كمعلومات سرية تسلم في Drug Master Files للجهات الحكومية، والملف الأصل للدواء نظام اختياري تطبقه الدول المتقدمة للإفادة العامة من المعلومات السرية الصناعية وتقدمها الشركات لدعم البحث العلمي وللتحقق من سلامة التصنيع، وليس لنشرها على الجميع حيث تفقد المعلومات قيمتها التجارية فيقسم الملف إلى قسم مكتوم يعلمه المصنع والجهة التنظيمية، وقسم مفتوح يعطى للزبائن.
كما يستخدم الجيلاتين في صناعة التجميل ككولاجين مائي لأغراض أخرى غير صنع الهلام. وله استخدام في صناعة الورق كطبقة خارجية.
والتعامل مع الجيلاتين أمر يحتاج إلى مزيد من الحيطة (لأن بقايا الخنازير لا شك أنها تستعمل في صناعة هذه المادة ممزوجة مع بقايا البقر وغيرها ؛ وتختلف نسبة اعتمادها بحسب الدول المنتجة فالصين والولايات المتحدة تستخدم الخنزير بكثرة في صناعة الجيلاتين خلافاً للبرازيل مثلاً) وقد أصدرت إدارة الغذاء والدواء الأمريكية FDA إرشادات بشأن صناعة الجيلاتين تتعلق بمصدره وطرق تصنيعه عام 1997، وذلك بقصد تجنب مرض جنون البقر باعتبار أن الجيلاتين يصنع من بقايا الحيوانات، ولذلك لا بد من التحري الواسع في مثل هذه المواد ؛ وتعتبر المواد الموردة لبعض الدول مفصلة في هذا فيذكر على المادة رقمها ومصدرها مثلاً : ورد على غلاف بسكوتة تصنع في لبنان وتصدر للخليج : E 322 مستخرج من الصويا –ليس من البيض – ؛ E 476 مستخرج من زيت الخروع – أي مصدره نباتي وليس حيواني – ؛ E 471 مستخرج من النخيل – أي من مصدر نباتي وليس حيواني ،كما أخبرني أحد الإداريين الذي يعمل في معمل بسكوت في دمشق أن الجيلاتين الذي يستوردونه يأخذون معه شهادة أنه من مصدر حلال – بقري وليس خنزيري - ] وليس هذا بكاف لأن المصدر الحيواني لكثير من المواد غير مفصل، وكذلك من المهم التحري عن المصدر الأصلي بعد الفرعي (فالكبسولات التي تصنع في بلد مسلم مثلاً لا تعطي الثقة حتى نعلم هل تستعمل جيلاتين صنع فيه أيضاً أم تكتفي بشراء كميات جاهزة منه من مصدر غربي ! وهذا ينطبق على كثير من الصناعات الغذائية والاستهلاكية الأخرى أيضاً) ومن المعلوم أنه توجد بدائل نباتية للجيلاتين تسوقها بعض الشركات الأجنبية استمالة للنباتيين من شعوب الغرب وللجيلاتين أهمية خاصة تزيد على الدهن لأن تركيبة الجيلاتين بروتينية (اللحم) فهي تحمل رغم التغير الذي طرأ عليها بصمة الكائن الذي أنتجها ابتداءً حتى المستويات الجزئية للبناتها الصغرى، في حين أن المواد الدهنية تشترك في عدد من الكائنات تراكيب أساسية كبيرة وغير نوعية للكائن.
و تأتي بعد الجيلاتين مواد مشكلة فهي مشتقة من الدهن وليست بدهن حالياً بل أقرب إلى أن تكون نوعاً من الصابون الذي خرج من الدهن ومنها E 472 بأنواعه، وكذلك E 470 بأنواعه فهي أملاح معدنية (صوابين بالتعريف العلمي) أو استرات لحموض دسمة مأخوذة من الدهن وتأتي قضية أخرى ذات صلة وهي أن بعض المواد ذات التركيب البسيط ليست من مصدر محرم ولكن مر أثناء تصنيعها مادة محرمة إسلامياً، كالمادة المحسنة للطعم (غلوتامات) وتستخلص بعض هضم مواد عضوية. قد يمر في تصنيعها مواد من الخنزير، ولكنها لا تنسب إليه بتركيبها الحالي ولو بجزء من العشرة آلاف، إذ هي مادة مشتركة في كثير من المواد الطبيعية.
إشكالية الذبح مستقلة عن إشكالية نوع الحيوان :أكد أحد العلماء أن المصدر الحيواني وإن كان غير خنزيري لا يحل إلا بكون الذبح شرعياً على يد مسلم أو كتابي(مسيحي أو يهودي)
خطوات اقترحت لحل قضية الجيلاتين: وجود تصنيع للجيلاتين في بلاد المسلمين بنوعية عالية وهذا الأمر حدث مثلاً في اندونسيا حيث ذكرنا قيام إحدى شركات الكبسولات الأجنبية بفتح معمل لتصنيع الجيلاتين، وإعادة النظر والتدقيق في الشهادة التي تحملها المنتجات الغذائية –حلال.
من يصدر هذه الشهادة ؟ ما هي معايير إصدارها ؟ هل خلو الجلاتين من مصدر خنزيري فقط أم خلوه من الذبائح غير الشرعية أيضاً ؟ ما هي اعتمادية هذه الشهادة؟ ومن يشرف على الجهة التي تصدرها شرعياً وفنياً وقانونياً؟ هل يملك من يصدرها الخبرة والكادر والعلم الكافي ؟ ما هي درجة صدقيتها؟
توفير بدائل الجيلاتن في الطعام والدواء كالهيبروميلوز في الكبسولات، والآغار أو مشتقات السللوز في الطعام، مع العلم أن جبنة القشقوان يستخدم فيها أحياناً السللوز كمادة مهمدة، فلا مانع من استعمال مشتقات السللوز التي نستخدمها في الأدوية، في الأغذية أيضاً.
إن تشجيع المسلمين على التصرف بحذر مع المنتجات الغذائية التي تأتي من الخارج أو تصنع بمواد من الخارج له مظاهر سلبية وإيجابية، فهو مفيد من وجهة النظر الدينية لأنه من توقي الشبهات، ومفيد اقتصادياً لأنه يشجع التجارة والصناعة المحلية، وتشجيع التجار والصناعيين على اعتماد المصادر المحلية والإقليمية فيالأطعمة والمواد الأولية للغذاء، ومنها الجيلاتين المصنع بمواصفات مقبولة. ومنها الكبسولات، وأطعمة الأطفال كالمارشميلوز؛ فهذه الأطعمة غالباً يأكلها المسلمون من مصادر أوربية وصينية. رغم عدم التزامهم بشروط الطعام الإسلامية، والموضوع بحاجة لتضافر المعنيين، كما يحتاج لالتزام التجار والصناعيين، وكذلك لاهتمام المسؤولين.
يستخدم الجيلاتين كذلك في صناعة الكبسولات الطبية منذ أوائل القرن التاسع عشر
Quote: يعد الشحم الحيواني شكلا من أشكال الشحم الغذائي، ولدى الخنازير، تتركز كميات كبيرة من الشحم في الضلوع والبطن. يتم استخلاص الشحوم الحيوانية بعد إذابة النسيج الشحمي لدى الحيوانات التي تتم تربيتها في الضيعات، خصوصا منها الخنازير. ويتم استعمال هذا النوع من الشحوم في العديد من الميادين الصناعية لأنها تحمل جملة من الفوائد البروتينية والكيميائية أيضا. يتم استخدام الشحوم الحيوانية في عدد كبير من الصناعات الغذائية، ونسبة كبيرة منها يتم استخلاصها من الخنازير، دون أن يتم تحديد هذا المعطى على ظهر المنتوج. وقد نجحت في تعويض الدهون النباتية في الصناعات الغربية بالنظر إلى انخفاض تكاليفها وقدرتها على إعطاء نسبة عالية من التماسك للمنتوج المصنع. الجيلاتين : يتم استخدامه في ميادين الحلويات وهو بروتين ذو أصل حيواني (مشتق من الخنازير)، يتم الحصول عليه ب«حلمأة» جزئية للكولاجين الموجود داخل العظام وفي جلد الحيوانات. ويمتاز الجيلاتين بخصائصه الشفافة والهشة، وهو يميل إلى الصفرة والبياض، وتكاليفه منخفضة ولا رائحة له، ويتم استعماله في أنواع كثيرة من الحلويات. الياغورت: منذ انتشار مرض جنون البقر، لم تعد شركات مشتقات الحليب وباقي المنتوجات الخاصة بالياغورت تستخدم مواد مشتقة من الخنازير دون أن تشير إلى هذا الأمر فوق ملصقات منتوجاتها. رغم هذا الإجراء، فإن الخنزير حاضر في أنواع من الياغورت عكس ما يعتقده المستهلك من أنه يتكون فقط من الحليب والأ######## وغرامات من السكر وقطع من الفواكه في بعض الأحيان. وفي بعض أنواع الياغورت التي تسمى «مخففة»، يتم استخدام الجيلاتين الحيواني لتعويض دهن الحليب، مما يعني استعمال جيلاتين الخنزير، وهو السبب الذي دفع إلى منع الجيلاتين ذي الأصل البقري منذ انتشار وباء جنون البقر. الشوكولاطة: تستخدم العديد من شركات الشوكولاطه، منذ ماي 2007، الشحم الحيواني في منتوجاتها التي تكون مستخلصة، في 90 في المائة منها، من الخنازير، وفي 10 في المائة منها مستخلصة من دهون البقر عوض الشحم النباتي. ويتم استخدام تقنية صناعية تدعى: ضغط حيواني لصنع الشوكولاطه، وهذه لا تمثل سوى مادة عضوية مستخلصة من دهن صغار الخنازير (الخنانيص)، وهي على شكل انزيم يقوم بتخثير الحليب، لأن معدة الخنزير بها مواد حيوانية أصلها عصارة. منتوجات المورتاديلا: نسبة من الحوامض الدهنية التي تدخل في صناعة بعض منتوجات المورتاديلا يتم استخراجها من الخنازير وفوسفات عظامها. مواد التجميل: إنه المجال الذي يتم فيه استعمال أشكال متعددة من الشحوم والمواد ذات الأصل الخنزيري. وتشمل هذه المواد منتوجات الصابون ورغوة الاستحمام، وبعض أنواع فرشاة الأسنان ذات الحرير الطبيعي، وأمشاط الشعر وأنواعا من العوازل الطبية.
الاخ \ حاتم المقال اعلاه لك وللقراء رجال ونساء
واتمني ان تقراه
يا عزيزي تعرف الفتاوي والبلاوي التي يوردها شيوخ الهشك بشك النتشرين علي قفا من يشيل دي هي اس المرض والبلاء
البطاطس لا تحمر في زيت خنزير وهو لا يعرف هذا بس يطلق الفتاوي علي عواهنها ...
الاسوا اكل الاموال في هذه البلاد مش اكل البطاطس المحمره في اي زيت
لان السرقه والقتل والسرقه والزنا وشراب الخمر ولعب الميسر اللوتري برضو ممكن يدخل فيها
القائمة كبيرة
سلوك المسلم\ه يجب ان يكون مطابق القول والفعل والعمل وهذه فعلها الاستاذ محمود وبعض تلامذة الاستاذ رجال او نساء
انا اعرف استاذ سعيد سار في درب استاذه الشهيد
لكن ان تقتل وتكتب الايات ؟ او تسرق وتدبج الاحاديث ؟؟
انظر لحال عموم اشكال الدول الاسلامية ايران السودان وافغانستان في الماضي والصومال ؟؟؟
وظلم الانسان للانسان
عزيزي لا يمكن ان تقول لا للظلم وانت تظلم الاخرين
عليك بنفسك ثم الاخرين وعلي بنفسي ثم الاخرين \ات
03-01-2012, 08:06 PM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
صبري الشريف ... هذا الرجل يعلم ما أسره الله في باطن ضميره الإلهي ولم يفصح عنه ويبيّنه في القرآن الفصيح المبين ... فهو يعلم أن الله حينما ذكر الجزء لم يرد الجزء (ربما لعدم معرفته التشريحية بهذا الجزء من الخنزير) إنما أراد الكل! ولم يذكر في القرآن الحكيم أنه أراد الكل ... ولكنه أسر بذلك لأخينا هذا في أذنه أو ربما بعث له نسخة من القرآن غير قابلة للنشر ... عموماً فإن الذي لم يعبر عنه الله صراحةً هو ما سنلغي به النص الصريح نزولاً عند رغبة المعجبين .... وانت تاني ما تحلل على كيفك!
Quote: يستخدم الجيلاتين كذلك في صناعة الكبسولات الطبية منذ أوائل القرن التاسع عشر
يا تبارك ديل والله الدين ده وضعوه بين مفاهيم غريبه جدا
تعرف انا عمري لم اشرب لبن اقول والله ده بتاع ايه ولا ايه
اها عندما اقيف في المحل الما خمج بشتري اللحوم منها نضيفة وجميله وسمحه ما بمشي لناس الحلال مييت بشتري من محل الحرااام ميت
بس بقرا في اللحوم البقري او العجالي او الضان او البورك
اها وكت نمشي لمحل السجك برضو فيها التركي بفتح التاء والبقري التركي بكتبو فيه بورك
اها الناس دي ناس صادقه وعندها اخلاق احسن مننا نحن
تعال قارن احوال المسلمين وتطفيف الميزان وزيادة اللبن مويه ووضع ايه ما تعرف
ونقصان الرغيف وزيادة وزنه
واخذ الضرائب والزكاة وتدفع فقط لجهاز الدولة وسرقه وفساد وغش ووووووووو
يعني الناس العمله لييك عندها غيره علي الدين التشتغل جوه الديار تحتاج لجهود ولقوانين وقيم يا ريت لو يشوفو الغرب النصراني او اقصي الشرق ال لا ديني ويتعلموا \ن
مكابرة غريبة
الحكومة الاسلامية تقتل عشرات الالوف وتفسد وتعتقل وتشرد وتغتصب وتهتف الله اكبر
الاحزاب الدينية الوهابية مثال يسمنوا في ابدانهم ويضعفوا في الاحاديث واذا سالتهم فضل ظهر ؟؟؟ ( صلاح زعيم الوهابية ) في مدني لا يقف لك ولا ينفق
الانفاق القالو الله والنبي الكريم هنا الخطاب ليس لهم لهن
الخطاب في اكل اللحوم يزايدوا عليه في الشحوم والصوف والوبر والاحذية والادوية
الناس دي لو تابعوها بقعدوا مييييطي
03-01-2012, 09:26 PM
الصادق اسماعيل
الصادق اسماعيل
تاريخ التسجيل: 01-14-2005
مجموع المشاركات: 8620
غايتو التنطع بتاع (حكمة مشروعية القرآن) يا هو البيدخلكم النار.
الشاهد في الموضوع:
الاسلام المصنوع بواسطة الفقهاء واصحاب المذاهب شافعية مالكية وغيرهم دا اسلام بيخصهم هم، الداير يتبع الرجال اليمشي يتبعهم، لكن يجي يفرض علينا كلام قالوهو ناس وفهم للدينن والله يا خي برضو عندنا عقولن وعندنا كمية علم اكتر من كل الائمة مجتمعين، والدين دا بتاعنا زي ما بتاعم، لكن نصل لي مرحلة إنو يصحح لينا عقيدتنا زول زي عائض القرني ما بيخجل يسرق نهاراً جهاراً جهود آخرينن دي تلقوها عند الغافل.
03-02-2012, 01:19 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22958
صبرى ياود الشريف كيف انك اذكر في احد دورات حوار الاديان هنا بالدوحة كنت مشرفا على فريق الترجمة الفوريه لها وفي احد الجلسات قدم الشيخ الغر داقى ورقة حمل فيها على المسيحين وتحديدا في اكلهم للحم الخنزير وقال ماقال وكان المعقب على تلك الورقة انبأ من اقباط مصر لايحضرنى اسمه وكان شخص فكه قال للغرداقى ياشيخ مش الخنز دا ياسيدى ادبحو كل الخناز الفى العالم او اخصوها وتانى مش حايكون في خنزير او لحم خنزير ... بس انتو يامسلمين دونا من عندكم حتت الاربعة زوجات وغصت القاعة بالضحك ....
03-02-2012, 01:21 AM
Amin Salim
Amin Salim
تاريخ التسجيل: 02-03-2012
مجموع المشاركات: 677
Quote: الاسلام المصنوع بواسطة الفقهاء واصحاب المذاهب شافعية مالكية وغيرهم دا اسلام بيخصهم هم، الداير يتبع الرجال اليمشي يتبعهم، لكن يجي يفرض علينا كلام قالوهو ناس وفهم للدينن والله يا خي برضو عندنا عقولن وعندنا كمية علم اكتر من كل الائمة مجتمعين، والدين دا بتاعنا زي ما بتاعم، لكن نصل لي مرحلة إنو يصحح لينا عقيدتنا زول زي عائض القرني ما بيخجل يسرق نهاراً جهاراً جهود آخرينن دي تلقوها عند الغافل.
العلم العندك اكتر من كل الأمه مجتمعين علم دينى ولادنيوى؟
عائض القرنى كولو فى بعضه علم..................لكن زى ما بقولو ليك غلطة الشاطر بعشرة واحتمال ميه عند القرنى.................لا يوجد فى الدنبا دى زول ما غلط...............سيدنا وحبيبنا المصطفى(ص) برضو ما كان معصوم من الغلط.....لكن يبقى السؤال هل اشان غلط مره ما مسموح لى ان استفيد من علمه........لا والله
Quote: وكان شخص فكه قال للغرداقى ياشيخ مش الخنز دا ياسيدى ادبحو كل الخناز الفى العالم او اخصوها وتانى مش حايكون في خنزير او لحم خنزير ... بس انتو يامسلمين دونا من عندكم حتت الاربعة زوجات وغصت القاعة بالضحك ....
الامير الامير
اهلا بيك ومنور الديار من هنا لحدي اربجي خلي بلاد الناس الاصلو نورها لا بيقطع لا داخلاه جمره خبيثه
تعرف عداء العقل المسلم للمراة مراااات تتمحن تقول لو هسي الدنيا دي بلا نساء كان الناس دي عملت ايه
من حجاب ونقاب وعدم ضحك وصرة وش وان المراة تضرب ضرب خفيف واذا لم تنصاع تجر بحبل لفراش الزوجية تخيل
العقل المسلم لا يريد ان يتعايش مع العصر الذي اختلف عما قبل
تقول اربعة نساء يقبلوها ويهرولو ويفكوا واحدات للتسجيلات الجديدة
كتر خير الغرب البقي حريص علي ان ملك اليمين لا يستمر والرقيق اوقفوه بفرمانات
والا كنا نكون تحت عهد الاقطاع والنبلاء والسادة ؟؟
تقول للناس نريد ان نعيش في تساوي لا يقبلون
تقول ان القوانين الاسلامية الشريعة التي طبقت في القرن السابع لا تناسب انسانية هذا العصر يقولو لا
يصلو الحكم ينجروا لهم لهن تشريعات لا لها اي سند
ويلوحون بالشريعة
وحضرات المسلمين يقولون امييييييين
قصة لا نهاية لها ؟؟
03-02-2012, 07:53 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22958
صبرى سألتنى صديقة مسيحية : شو يعنى إمرأة ناشز فى الشريعة الاسلامية قلت ضاحكا زمنها الموسيقى غير مظبوط قالت عن جد بدى اعرف قلت حين يكون الزوج راغب في ممارسة الجنس مع زوجته وتكون هى غير راغبة لاسباب غير بولوجية اى ماعندها مزاج او مافي (المود) تعتبر مذنبة قالت ممارسة الجنس من غير رغبة مشتركة هو اغتصاب قلت عشان كدا المسلم المتحضر بتزوج اربعة عشان حين تنشز الاولى يمشى للتانية وكذا دواليك
03-02-2012, 01:16 PM
حاتم محمد حاج المهدي
حاتم محمد حاج المهدي
تاريخ التسجيل: 06-04-2011
مجموع المشاركات: 481
Quote: صبري الشريف ... هذا الرجل يعلم ما أسره الله في باطن ضميره الإلهي ولم يفصح عنه ويبيّنه في القرآن الفصيح المبين ... فهو يعلم أن الله حينما ذكر الجزء لم يرد الجزء (ربما لعدم معرفته التشريحية بهذا الجزء من الخنزير) إنما أراد الكل! ولم يذكر في القرآن الحكيم أنه أراد الكل ... ولكنه أسر بذلك لأخينا هذا في أذنه أو ربما بعث له نسخة من القرآن غير قابلة للنشر ... عموماً فإن الذي لم يعبر عنه الله صراحةً هو ما سنلغي به النص الصريح نزولاً عند رغبة المعجبين .... وانت تاني ما تحلل على كيفك!
... المهم ....
لا.. لم يسر لي في أذني جل وعلا عن ذلك، لكن وهبني عقلاً أميز به الصواب من الخطأ والحق من الباطل.
الإسلام دين الفطرة السليمة ودين الحق والمنطق لايحتاج فهمه إلى فتوى فقيه (مثل صاحب الطاقية أم رفرف) ولا لتنظير علماني مثل تبارك!
العقل والمنطق يقول: إذا كان لحم الخنزير خبث ورجس كما ذكر في الآية فمن البديهي أن تكون باقي أعضاء الخنزير أيضاً خبث ورجس وحرام أكلها، والضمير في (إنه) يعود إلى الخنزير وليس إلى لحمه بمعنى أن الخنزير كله رجس.
هذه قناعتي وما ساقني إليه تفكيري وإجتهادي، ولا أحتاج إلى تنظيركم وفلسفتكم، ولا إلى كلامك الفارغ أعلاه..
هل شحم الخنزير حرام؟ هل عظم الخنزير حرام؟ هل أحشاء الخنزير حرام؟ هل أرجل الخنزير حرام؟ هل جلده ورأسه حرام؟
كلها أسئلة إنصرافية وبحث عن تفاصيل وإلتفاف حول معاني واضحة وبديهية..
بالضبط كحال بني إسرائيل إسرائيل مع سيدنا موسى عليه السلام في قصة البقرة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة