|
|
|
 Re: # أم تتزوج من طليق أبنتها ( عجائب الخرطوم) (Re: قاسم المهداوى)
|
Quote: كل المعطيات بتقول انو الزول دي خالفت كل اعلاه
بدليل انو محيطها رفض الفكرة تماماً .. و حتى وصل رفضو النهايات المنطقية بطلب فسخ العقد قضائياً
يبقى السعادة ح تجي منين!؟ |
يا قيقراي ياخي يمكن الناس المحيطين بيها ديل سبب تعاستها ورأت انو سعادتها يمكن ان تتحقق مع الزول دا ..رفض المحيطين قد يفسر عدم اكتراثهم لمشاعرها ...
الوحيد اللممكن يجاوب عن سعادتها بصدق هي المراة نفسها .. اي زول تاني بيكون متلبط ساكت وعايز يدق او يشلخ وفي ارخص الاحوال يتهمها بالسقرطة وصغر النفس ...
| |
 
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elsanosi Badr)
|
| Quote: الوحيد اللممكن يجاوب عن سعادتها بصدق هي المراة نفسها .. اي زول تاني بيكون متلبط ساكت وعايز يدق او يشلخ وفي ارخص الاحوال يتهمها بالسقرطة وصغر النفس ... |
لا احد يعترض عليها فى ان تعيش بسعادة ولكن بقوانين مجتمعها
هذه المرأة لا تعيش فى فراغ وانما فى مجتمع له قيم وله ثقافة خاصة
والثقافة تتكون من عنصرين
مادى (وهو كل ما يتعلق بالملبس والمسكن والماكل والمشرب..الخ)
ولا ما دى (وهو كل ما يتعلق بالدين والمثل والقيم والعادات والتقاليد..الخ)
افراد المجتمع لا يجلسون للاتفاق على اى من عناصر الثقافة وانما هذه العناصر تتكون اثناء التعامل الحياتى المتوارث لتشكل ما يعرف بالعادات التى تميز مجتمعا بعينه عن غيره من المجتمعات الاخرى ولان هذه العادات والتقاليد لا تتكون بين اليوم والليلة بل قديمة قدم المجتمعات نفسها فانها لا تتغير ين اليوم والليلة
والانسان يكتسب احترامه فى المجتمع بقدر احترامه لهذه العادات والتقاليد
نعم له حرية الاختيار ولكن هذه الحرية ليست مطلقة وانما مقيدة بالتقاليد التى ارتضاها مجتمعه
وكمثال فى لعبة كرة القدم فلك مطلق الحرية كلاعب ان تشغل خانة المهاجم او المدافع ولكن لكى تشغل اى من الخانتين عليك الالتزام بالقوانين التى ارتضاها مجتمع كرة القدم للاعبين
لا يحق للاعب تمرير الكرة بيده او ان يلعبها بجلابية (جناح ام جكو)
هنالك اسس وقوانين لا يمكنك مخالفتها بدواعى انها من قبيل الحرية الشخصية
هذه المرأة خالفت قيمة اجتماعية ذات خصوصية وموضع تقدير لكافة ابناء المجتمع
ومن هنا جاء الاستهجان
واذا كنت ترى ان لها مطلق الحرية فى سلوكياتها فللمجتمع مطلق الحرية فى تحديد ما يحكمه من مثل وقيم
| |
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elsanosi Badr)
|
| Quote: الوحيد اللممكن يجاوب عن سعادتها بصدق هي المراة نفسها .. اي زول تاني بيكون متلبط ساكت وعايز يدق او يشلخ وفي ارخص الاحوال يتهمها بالسقرطة وصغر النفس ... |
لا احد يعترض عليها فى ان تعيش بسعادة ولكن بقوانين مجتمعها
هذه المرأة لا تعيش فى فراغ وانما فى مجتمع له قيم وله ثقافة خاصة
والثقافة تتكون من عنصرين
مادى (وهو كل ما يتعلق بالملبس والمسكن والماكل والمشرب..الخ)
ولا ما دى (وهو كل ما يتعلق بالدين والمثل والقيم والعادات والتقاليد..الخ)
افراد المجتمع لا يجلسون للاتفاق على اى من عناصر الثقافة وانما هذه العناصر تتكون اثناء التعامل الحياتى المتوارث لتشكل ما يعرف بالعادات التى تميز مجتمعا بعينه عن غيره من المجتمعات الاخرى ولان هذه العادات والتقاليد لا تتكون بين اليوم والليلة بل قديمة قدم المجتمعات نفسها فانها لا تتغير ين اليوم والليلة
والانسان يكتسب احترامه فى المجتمع بقدر احترامه لهذه العادات والتقاليد
نعم له حرية الاختيار ولكن هذه الحرية ليست مطلقة وانما مقيدة بالتقاليد التى ارتضاها مجتمعه
وكمثال فى لعبة كرة القدم فلك مطلق الحرية كلاعب ان تشغل خانة المهاجم او المدافع ولكن لكى تشغل اى من الخانتين عليك الالتزام بالقوانين التى ارتضاها مجتمع كرة القدم للاعبين
لا يحق للاعب تمرير الكرة بيده او ان يلعبها بجلابية (جناح ام جكو)
هنالك اسس وقوانين لا يمكنك مخالفتها بدواعى انها من قبيل الحرية الشخصية
هذه المرأة خالفت قيمة اجتماعية ذات خصوصية وموضع تقدير لكافة ابناء المجتمع
ومن هنا جاء الاستهجان
واذا كنت ترى ان لها مطلق الحرية فى سلوكياتها فللمجتمع مطلق الحرية فى تحديد ما يحكمه من مثل وقيم
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: عاطف محمد أحمد زكريا)
|
Quote: افراد المجتمع لا يجلسون للاتفاق على اى من عناصر الثقافة وانما هذه العناصر تتكون اثناء التعامل الحياتى المتوارث لتشكل ما يعرف بالعادات التى تميز مجتمعا بعينه عن غيره من المجتمعات الاخرى ولان هذه العادات والتقاليد لا تتكون بين اليوم والليلة بل قديمة قدم المجتمعات نفسها فانها لا تتغير ين اليوم والليلة
والانسان يكتسب احترامه فى المجتمع بقدر احترامه لهذه العادات والتقاليد |
المجتمعا ت في الخرطوم تتابين ثقافاتهم بتباين طبائعهم ومعتقداتهم .. ياخي احكي ليك قصة انا كنت في الخرطوم وتسنت لي حضور مراسم زواج لم اشهده من قبل ... تعود القصة الي انني مررت بسيارتي ورايت رجلا في الشارع ومعه امرأة يبدو انها مريضه ... توقفت وحملتهم الي المشفي ودخلت معهم الي الدكتور واثناء الفحوصات تعرفت علي الرجل واعجبني ادبة الجم ... وتوطدت علاقتي مع الرجل ...كان له ابن شاركت في تسجيله في مدرسة ليلية لتعليم اللغة الانجليزية ... وغبت عن الخرطوم ومكثت بالصحراء ردحا من الزمن بسبب مشاغل الحياة وعدت للخرطوم لاستخراج تصريح لابل مصدره الي مصر ...وفي هذه المده رن هاتفي ان صديقي الرجل يموت بالمشفي ...وكان المتصل ابنه ...ذهبت ومعي بعض الاصدقاء واخذنا معنا بعض الخراف لزوم الصدقات ... قابلني اهل المرحوم واقاربة بترحاب ... وجلسنا ... ورحلنا ... في اليوم التالي رن هاتفي وكان المتصل ابن المرحوم وقال ان غدا سيجتمع القوم لمشورة ما ونحن ندعوك للحضور وقلت اذا لم اسافر ساحضر ... حضرت وهناك خلق كثير من اقارب المرحوم ... تحدث كبير القوم بلغة غير العربية وتلاه اخر ثم اخر وتبرع اخو المرحوم بترجمة الوقائع ...منها زواج ابن المرحوم من ارملة المرحوم ... ولم اسأل هل كانت امه ام انها زوجة ابيه ... وبورك للعريس وانصرفنا ....
فالجتمعات في الخرطوم لحم راس واي فرض اعراف مجتمع علي اخر يعتبر نوع من الهيمنة ودي مشكلة السودان ...اي زول دايرنو يمشي بالطريقة الدارينها ليهو ناس تانين ولو رفض وتململ يدقوه ويجيبو ايات يمطوها لحدما تبقي قدر الموضوع عشان يدوا الموضوع صبغة دينية ويريحو عقولهم
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: قاسم المهداوى)
|
Quote: إبن أبي سلمى،
يا زهير،
الآن فهمت ، كما قال راكب التونسية يا هذا، فهمت مرماك واللات والعزى ومناة الكبرى،
لا تأبه للاقتباسات وما جلب الأقوام من وجوه ضاحكة في سوق عكاظ هذا ولاتُلق بالا لما بذل
أهل الفتيا بالمنبر ، كان على الطائفين من قبائل الهزازنة والفراهيد أن يكتفوا بتنزيل
رائعة الكاشف (حيرت افكاري معاك) كتشغيل مستمر وخلفية للبوست تمنح اللوحة بعدا رابعا
فتتمايل جهينة وكنانة طربا وتتثنى..
|
دا اجمل ما في هذا البوست
آمل أن تكون قد بلغت تمام الصحة والعافية
تحياتي ومحبتي
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
| Quote: بمعني يمكنها اقامه علاقه مع زوج بتها او طليق بتها سيان دي شئ بيخصها وحدها وخرمجه لا تعنينا في شئ |
طيب يا دومة اتي وكت الخرمجة ما بتعنيك في شئ ...الببقيك فكي شنو ... وجايبك ليك ايات ومكرفساها عشان تبقي قدرالموضوع فوق كم... الزولة يمكن ما نتفق معاها لكين يبقي ده خيارها وواجب علي التانين احترامو ..
بعدين العلمانية دي اتو قايلنها دلقان تقطعوه زي ما عايزين ...من ابجديات العلمانية انها بتتعارض مع طريقة رص الايات الكريمة وزجها في معترك التجني علي الحريات الشخصية زي ما انتو عملتو فوق
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
| Quote: طيب يا دومة اتي وكت الخرمجة ما بتعنيك في شئ ...الببقيك فكي شنو ... وجايبك ليك ايات ومكرفساها عشان تبقي قدرالموضوع فوق كم... الزولة يمكن ما نتفق معاها لكين يبقي ده خيارها وواجب علي التانين احترامو .. |
يا سيد السنوسي انت ما فاهم موقفي بشرحوا ليك تاني
اناضد تقنين زواج المراه من زوج ابنتها
جبت الايات لانها هي مصدر القانون الشرعي بتاع الزواج والطلاق في السودان .
ولو كان هناك مصدر اخر لقانون الزواج في السودان لاوردته.
الدوله العلمانيه الغربيه لا تقنن الزواج من زوجتين بل زوجه واحده في نفس الوقت كما تعلم انت نفسك اذا دا قانون وضعي واي متعد له يحاسب بالقانون
بينما حريتك الشخصيه ان تقيم اي علاقه جنســـــــــــيه دون عقد مدني
بشرط ان يكون الطرف الاخر بالغ عاقل راضي .
يبقي يا سيدي ما في شئ اسمه حريه حدها السماء لا في العلمانيه ولا في اي نظام اخر
في الغرب العلماني ممارسه الجنس مع الاطفال جريمه وان كانت تجلب السعاده لبعض الناس .
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
Quote: اي زواج بتم خارجها ابدا لا يعنيني ولا افتي فيه بيكون عرف لثاقفه اخري لم يشملها قانون الزواج السوداني المطبق في المحاكم الشرعيه السودانيه .
ولا يقنن له
يعني لو تم لن يكون بعقد شرعي او مدني ولا يتم ابطاله في اي محكمه لم يتقيد باحكامها عند قيامه. |
ده شنو يا دومة ... بيض .. نبق .. بعر .. تسالي ..
طيب الناس دي بتتاكتل من سنة خلقو السودان ده في شان شنو ...ما شان في زي قصةالابارثيد المحروس بدعاة العلمانية الماحافظين الحمدو ويردموا الايات تحت مسميات المحافظه علي الاعراف الاجتماعية البيؤمنو بيها ناس وبيكفروا بيها تانين ..وحرية الناس تنتهك تحت مظلة المحافظه علي اعراف ناس تانين ...
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
(غايتو..... يا زهير يجازي محنك بتجيب المحن دي من وين)!
الذ حاجه في البوست ده شكلة العلمانين دوما و السنوسي بدر!
ويا دمدوم يا اخي ما تحسمينا بشمال وشرق وغرب(هههههههه)
المره دي حسه نفتشها تطلع شماليه!فآخير تشوفي لط دفاعات ثانيه!
Quote: نحن غايتوا عندنا في الشمال لا نقبل بتقنين هكذا مسخره ومن
تفكر في هذا تندق دق العيش الي ان تفئ الي رشدها
فلو كان مقبولا في مجتمعك الاصل حيث اتيت بالله تنورنا يا السنوسي.
|
ويا السنوسي بدر جايب الكفوة لناس الصحراء مالك
اهي درعوها لك في رقبتك!تستاهل(هههههههههههه)!
وما بين هذا وذاك
ربنا يهون على شعبنا
ناس المشروع الحضاري وصلونا لوين!
وثاني الراجل ولا المره اليجيء يقول تراجي قالت 75% من النساء بقن صايعات ولا ضايعات!!
اهو طلعوا رجال الدين نفسهم البقوموا بالعقد قادين دين كمان!!
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
الليله يا دوما يلحك الحلا بله(هههههههههه)
الدنيا ويك اند و السنوسي بدر شكله متفرغ لك...شوفي جسن المحن دي؟!
(هههههههههه)
يا السنوسي
Quote: ده شنو يا دومة ... بيض .. نبق .. بعر .. تسالي ..
|
لوووووووول
يعرفوك صحراوي كيف و ابالي
كان ما دخلته بعر دي ما بترتاح(هههههههههههههه)!
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Tragie Mustafa)
|
تحية للجميع هنا..
هنا قانون الأحوال الشخصية للمسلمين 1991و الساري اليوم..و نستأذن الجميع في اضافة النصوص التالية منه..مالو اخونا زهير جاب الفيلم..و نحن نجيب الببكورن..و تبقى الحكاية مثاقفة..و اتمنى تفيد الجميع هنا..
Quote:
الفصل الثالث
المحرمات بسبب النسب
والمصاهرة والرضاع
الفرع الأول
المحرمات على التأبيد
المحرمات بالنسب .
15ـ يحرم على الشخص ، بسبب النسب ، التزوج من :
(أ ) أصله ، وإن علا ،
(ب) فرعه ، وإن نزل ،
(ج ) فروع أحد الأبوين ، أو كليهما ، وإن نزلوا ،
(د ) الطبقة الأولى من فروع أجداده المباشرين .
المحرمات بالمصاهرة.
16ـ يحرم على الشخص ، بسبب المصاهرة التزوج من :
(أ ) زوح أحد أصوله، وإن علوا ، أو أحد فروعه ،وإن نزلوا ،
(ب) أصول زوجته ، وإن علوا ،
(ج ) فروع زوجته ، التى دخل بها دخولاً حقيقياً ، وإن نزلن .
المحرمات بالرضاع .
17ـ يحرم من الرضاع ما يحرم من النسب ، إذا وقع الرضاع فى العامين الأولين ، بخمس رضعات مشبعات متفرقات .
المحرمات بالملاعنة .
18ـ يحرم على الرجل التزوج بمن لاعنها ، الا إذا أكذب نفسه ، وأقيم عليه حد القذف .
الفرع الثانى
المحرمات على التأقيت
المحرمات على التأقيت .
19ـ يحرم بصورة مؤقتة :
(أ ) الجمع ، ولو فى العدة ، بين امرأتين ، لو فرضت أحداهما ذكراً لحرم عليه التزوج بالأخرى ،
(ب) التزوج بما يزيد على أربع ، ولو كانت أحداهن فى عدة ،
(ج ) زوجة الغير ، أو معتدته ،
(د ) المطلقة ثلاث مرات ، فلا يصح لمطلقها أن يتزوجها ، الا بعد إنقضاء عدتها من زوج آخر ، دخل بها فعلاً فى زواج صحيح ،
(هـ) التزوج بالمرأة ، التى لا تدين بدين سماوى .
|
اها ده موقف القانون (و هو قائم على موقف الشرع الحنيف)..و الحالة التي امامنا (على افتراض صحتها)..تغطيها المادة 16..
المادة 16/أ.. تحرم على الأم التزوج بزوج بنتها السابق.. أو زوج بنت بنتها..و انت نازل..
المادة 16/ب ..تحرم على زوج المرأة السابق التزوج بامها أو ام امها..و انت طالع (اعلا)..
الجزئية الممكن تثير خيال الناس هي المادة 16/ج..و هي الوحيدة التي اشترطت الدخول.. يعني اذا عقدت على زولة و لم تدخل عليها..ممكن تتزوج بنتها او بنت بنتها..!
و دمتم..
كبر
| |
|
|
|
|
|
|
|
|
 Re: # أم تتزوج من طليق أبنتها ( عجائب الخرطوم) (Re: Kabar)
|
دي نكته ..
مسطول داير ينتحر شافو راجل كبير قال ليه : ليه تنتحر
المسطول قال ليه :عندي مشكلة عائلية معقدة
قال الراجل :مافي مشكلة الا وليها حل أيه مشكلتك ؟
قال ليه :إتزوجت واحدة أرمله وعندها بت ولما شافها أبوي قال إلا يتزوج بت زوجتي الأرمله
يعني بقي أبوي زوج بتي وبقيت أنا رحيم أبوي ولما ولدت زوجتي طلع الولد حفيد أبوي
وببما أن ولدي هو أخو زوجة أبوي الهي خالتي بقي ولدي خالي
ولما ولدت زوجة أبوي بقي أخوي من أبوي وفي نفس الوقت حفيدي لانو حفيد زوجتي
من بتها ..وبما أن زوجتي بقت جدة أخوي فهي بالتالي جدتي و انا حفيدها
وبكدا بقيت زوج جدتي وحفيدها لانها جدةة أخوي فأنا بقيت جد أخوي
وبنفس الوقت أصبحت جد نفسي و حفيد نفسي ..
قال ليه الراجل :إنتحر إنتحر الله يلعن أبوك علي أبو اللي يسألك
و تحياتي ...
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: عبدالله كع)
|
| Quote: نعم يا دينا كلامك صحيح. مع التأكيد على أن أم الزوجة حرمتها دائمة بمجرد العقد أما ابنة الزوجة فتكون حرمتها دائمة بالدخول. |
سلام لصاحب البوست ولكل التداخلين
وسلام يا ياسر
القصة ما واضحة فى مسالتين هما
هل زواج الابنة بدون دخول او بعكسه اى بالدخول يحرم زواج امها ولكن تختلف القصة بالشء الثانى وهو
هل عقد الام سبق عقد ابنتها بمعنى عقدعلى الام اولا مما يحرم يحرم عقد ودخول الابنة والام من بعدها
مع الاعتدار ان هدة الاشياء تعافها النفس ولا تأنسها ابدا
موضوع شائك ولكنه مدهش حقا
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Kabar)
|
ول ابا السنوسي ..حبابك
و لينا طولة ياخي..هبي نيو اير..!
و بعد..
اشارات بسيطة في خبر اخونا زهير حقو تضع ليها اعتبار مثل عبارة (عقد قران).. (و القاضي الشرعي)..و ديل يا اخوي اشارات اسلامية..و انو الناس المعنية بالأمر مسلمين..
عشان كده مافي داعي نلخبط الكيمان (ناس عبادة الجداد..الكجور..الخ)..ما عندهم اشارات متل دي..هذا الكلام ضروري يا قريبي.. لأنك اثرت قصة الشعوب الأخرى و التنوع و غيرو..و كلو سليم.. لكن التنوع الثقافي في السودان لا يقر هذه الأمور (طبعا هناك استثناءات في مجتمعات صغيرة في السودان:ناس لو عندك زرع زرعتو منو اول زول بيضوق الحصاد؟..و حققت بصورة فردية محدودة في بعض هذه المزاعم..و قابلتني بعض الضحايا..و الحالات التي تأكدت منها لا ترقى لأن تكون مصدر لدراسة متكاملة عن الأمر..لأنها نسبة ضئيلة للغاية..!!..و ايضا ظاهرة جنس المحارم موجودة ولكنها غير مكشوف عنها على ندرتها..و هي بعيدة عن الموضوع هنا.. لأنو قالوا زواج..و الزواج اشهار و كده..!)
الحاجة التانية..كل الثقافات الإنسانية عندها تابو..و من ضمن التابو ده الجنس بين المحارم (سواءا كان زواج أو سمبلا ساكت كده)..و هناك اجماع على رفض المسألة دي..و بالتالي يصعب التبرير ليها بالحرية الفردية و البحث عن السعادة..!
و دمت..
كبر
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: ABUKHALID)
|
| Quote: اها حنغلط ونفرز الكيمان في أول لفة |
ما فيش اي غلط هنا
السودان ليس وحده ثقافيه متجانسه بل يتكون من ثقافات مختلفه تختلف في اعرافها وقوانينها الاجتماعيه .
فليس بالضروره ان يكون القانون الاجتما عي في الشمال نفسه في الغرب او الشرق او الجنوب .
من ناحيه قانونيه حاكمنا الحاله علي انها زواج خاضع لقانون الاحوال الشخصيه السودانيه
وهي زواج باطل
السنوسي قال دي هيمنه وفرض لثقافتنا وانتهاك لحريه الثقافات الاخري
فقلنا له نحن في الشمال ندق من تتزوج طليق ابنتها دق العيش هذه هي ثقافتنا ولا يمكن ان ننكرها
بل له ان يحدثنا ان كانت مقبوله لديهم
ولم افهم ما هو فرز الكيمان هنا ؟؟؟
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
Quote:
يا قيقراي ياخي يمكن الناس المحيطين بيها ديل سبب تعاستها ورأت انو سعادتها يمكن ان تتحقق مع الزول دا ..رفض المحيطين قد يفسر عدم اكتراثهم لمشاعرها ...
الوحيد اللممكن يجاوب عن سعادتها بصدق هي المراة نفسها .. اي زول تاني بيكون متلبط ساكت وعايز يدق او يشلخ وفي ارخص الاحوال يتهمها بالسقرطة وصغر النفس ...
|
يا سنونسي و الله شايفك حاصر السعادة دي في السرير بس!
ياخ كائن اجتماعي عاقل، قطع شك (مجتمعه) الصصغير و الكبير سبب اساس في سعادتو ..
الجنس في مثلث (ماسلو) بقع في قاعدة الهرم(البيزك نييدس) زيو زي الاكل و الشرب و تنفس الهواء
الحاجات الاجتماعية ارفع منو .. و هنا ممكن تحتج بالحب، لكن اها تبيع المجموع بزول؟ .. دا فهم كائن اجتماعي!؟
و أين القيم، و المثل، الاعراف .. بل اين القانون، و العقد الاجتماعي
لازم تضحي بجزء من حريتك الشخصية في العقد الاجتماعي دا، على سبيل المساومة الديموقراطية نفسها
ولّ كمان عاوز حرية مطلقة .. امشي جزيرة معزولة .. و مارس فيها حرية سقفها السما، و جذرها ثابت في الارض .. لانو الحريات العامة و الثقافة الكلية بتكون متطابقة تماماً مع حريتك الشخصية و ثقافتك الخاصة.
ولّ ما ياهو الكلام!!؟
-----
يا عبد الله كع ياخي ما كرمشت مشاعرنا ياخي
ما قلنا ليك عندنا كيس قريب للجبتو دا ياخي!
ننتحر يعني!؟
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: قيقراوي)
|
و الله يا زهير طلعته ما اخوا و طلعته ما عميق و لا عندك ماضي و لا زكريات
و انتو يا ناس كلكم طلعتو ما عندكم خوة نهائي بس جارين تبحتو في كلام
الدين و شنو شنو السودان !!
ياخ أنا في الصفحة الفاتت دي ما قلته ليكم عايز امشي احضر المحكمة دي !؟
هسي انا لافي من اصبحت لما كرعيني وجعتني و ما لميت في المحكمة !!!؟
اقعدوا لتو و اعجنو كدا و اتغالطو .
و زي ما قلته ليكم البوست دا كلووووو اهم حاجة فيهو
تطبيع العلاقة بين النيو لوك
و بين ماما دوما
بس يا ماما يحلك
الحل منو اقول ليك
عاد التطبيع دا حيكمل
ليقاتك.
و يا زهير ما عافي ليك .
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: سفيان بشير نابرى)
|
| Quote: و وين الحريات الشخصية من هد القيم الكلية للمجتمع؟ |
الحريات الشخصية ذاتها عندها حدود
حدودها بتنتهي لمن تبدأ حدود حرية غيرك
هسع الأم هذه ( وفقآ للخبر المضروب )
مش انتهكت حرية بنتها بس
وكمان انتهتك نفسياتها ذاتها
وهذه حكمة ربنا في تأقيت التحريم بالنسبة للأم
لأن الأم تغلب مصلحة بنتها على مصلحتها
ولكن البنت لا تفعل ولذلك يكون تحريم ان يتزوج طليقها بامها على التأبيد
البنت سوف تحقد على أمها
لكن الأم لا تحقد على بنتها
ف تاملوا حكمة المشرع
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: أبو ساندرا)
|
Quote:
الحريات الشخصية ذاتها عندها حدود
حدودها بتنتهي لمن تبدأ حدود حرية غيرك
هسع الأم هذه ( وفقآ للخبر المضروب )
مش انتهكت حرية بنتها بس
وكمان انتهتك نفسياتها ذاتها
وهذه حكمة ربنا في تأقيت التحريم بالنسبة للأم
لأن الأم تغلب مصلحة بنتها على مصلحتها
ولكن البنت لا تفعل ولذلك يكون تحريم ان يتزوج طليقها بامها على التأبيد
البنت سوف تحقد على أمها
لكن الأم لا تحقد على بنتها
ف تاملوا حكمة المشرع |
يا ابو ساندرا
بعد التحية نقول ليك عداك العيب
والشافك في حج السنة الجاية ما كضاب
ما قصرت تب
وأنا عندي رد فوق على الموضوع دا و[بآيات قرآنية تؤيد الرد وتؤيد ما ذكرت أنت هنا
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: سفيان بشير نابرى)
|
يا سفيان ، أخوك شاف كلامك داك و لبدت منتظر النجيضة
اها قام جانا السنوسي ده مط البوست بي زهيرو و خندريسو و آياتو و كرمش مشاعرو
اها عينا ليها ديييك ملقاة على قارعة المنبر،
و الشغلة قالوا حريات حدها امنا حواء،
اها قيقراوي قام جابلو مثلث فوق و عقد اجتماعي و ماما دوما بي علمانيتها دي طلعت صعيدية ساااي
يا زول كان طلعت بي معلومة شد لي اخوك سلك
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: saadeldin abdelrahman)
|
يا جماعة مدتنا هيل الترنت انتهت .. امكن اجي صاد وامن مااجي ...
لكن الفيكم اتعرفت ... زول تاني يقول انا علماني مافي ابقو فكيا واتدرعوا الخلاوي ساكت ...
هسي المرة صاحبة القصة -ان بقت صحي- ما اتهموها بالصقرطه عيان بيان ...ومافي زول قال بغم ...
المرة وقصتها ما بنعرفن الا من خلال كلام زهير وحتي ارهاصات قاضي شرعي وتطليق ما بتوحي انها ذات ثقافة عربية ومسلمة ... هسي كشات المريسة البتحصل في مناطق الخرطوم وبيحكم فيها قاضي شرعي وبيدقو فيها الناس ..حصل في يوم زول حاكموهو سألو من ديانتو شنو ما بيرصعو فيهم ساي ...
واحد جابو المحكمة بعدما كرفسوهو في كومر البوليس وهو مستغرب وسأل القاضي انو هو ذنبو شنو هو قال كان بيفطر في بيتو ومعاهو اصحابو وجو ناس البوليس خموه هو وفطورو كمعروضات ... القاضي ضحك وقال ليهو تاكل وتشرب السم ...
اها القصص دي بتتشابة وبيقي دور المتعلمين الفطن للنقاط الزي دي ...مش رص الايات ومطها عشان تلائم اي كيس ...
فتناكم بعافية ...
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elsanosi Badr)
|
Quote:
لكن الفيكم اتعرفت ... زول تاني يقول انا علماني مافي ابقو فكيا واتدرعوا الخلاوي ساكت ...
|
يالمناسبة دي انا ما مع سفيان نابري ابداص في انو البوست دا ما مفيد
ابداً .. الا اذا كنت خاشي بفكرة شمارية .. بس (بكسر الباء)
دخلة السنوسي و كبر و ابو ساندر و عاصم فقيري كانت انعطافة مهمة جدا -في تقديري- و فتحت نقاشات مهمة جداً
هل العلمانية، و الدفاع عن الحريات في مجتمع غالبيته مسلمة، و محافظ جداً ح تكون زي امريكا مثلاً
و ما رأيكم في قانون الاحوال الشخصية، شخصياً انا لو كانوا في قانونين، واحد ابو شريعة و التاني ابو من غير شريعة كنت ح اتزوج بابو شريعة دا، و احتكم في كل المسألة لمقتضياته. مع توفر -افتراضي لقانون مدني- اها لقيتوني كيف!؟
ابداً لا افهم العلمانية على انها فصل للدين من حياة الناس، و المجتمع!
كان قلتو "علمانية امر بالمعروف و نهي عن المنكر" ما بطال
المافي شنو هو .. الطيران و المشي ما بتلمن
و لازم نقبل نقد ما على تفريط ما لصالح قيم نؤمن بيها .. هنا او هناك
---------
يا سوفي ناب بتتكلم عن رأب صدع مافي اصلاص .. الا في خيالك ..
برضو مزاجك حلو زي زهير دا ولّ شنو!؟
انتو يا ناس الخرطوم بتبالغو عاد!
ياخي كان انا كان ماما دوما وّ منال و لّ زهير همسلف، دي كورتنا اصلن كدا .. التيم كلو
ما قاعدين نشتت في الكورة ياخي!
بنشوت بس .. و محل ما تجي تجي
الاقوان البندخلا في مرمنا اكتر من مرمى الخصم
لكن هوو كيرز!؟
يا سعد الدين واحد صعيدي -بلدياتنا- تجريدي جداً بتعامل مع المسألة دي بشكل مادي صرف ..
لو دايرين تناقشو الاجندة اعلاه .. كلمونا نجي نودي ليكم البوست دا الخور كمان .. سمح؟
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elsanosi Badr)
|
اها يا جماعة جيتكم صاد ...
دومة يا خي ما تتلجلجي وتلخبطي ساااي ... الموضوع هو حريات اقليات موجوده داخل اغلبيات ... ايات الحقوق من شاكلة لكم دينكم ولي دين ما حافظاها !!!!
_______________
يا تراجي ... كلام دومة الفوق حول اننا كعرب جبنا الكفوة للسودان ده كلام صاح ... هسي امسكي اي عربي لافي في الخلا ده اول حاجة بيقول ليك انا عربي والرسول عربي والقران عربي والناس يوم القيامة ح يكونوا عرب ...وينفخو سدرو لفوق ... ولو ما حافظ سورة الحمدو ما بخليك تصلي بيهو ... وان خلاك قلبو بيكون ماكلو ... اها دق المرة دي عادي وكتلها في الصحراء ده بيكون اول خيار ...شفتي كيف!!!!!
--------------------------
اخونا وحبيبنا كبر ... ياخي هيمنتنا الثقافية دي فيها نوع من الاستبداد هسي ارهاصات قاضي شرعي ومحكمة وغيرها من المسميات دي بتخدم اليد الطولي لفرض الثقافة حقتنا ...في ناس كتيرة خضعت للمحاكم دي وما انصفت ...
ياخي في واحد في السودان هددو القاضي انو ح يطهرو بفاس ...اها نبقي في جنس الحاجات ...
--------------------------
يا حبيبنا قيقراوي ...اتا زول مستنير ياخي ...اها نقعد نحصر السعادة في السرير والمجابده ... ياخي الله يرضي عليك شوف انا كتبتها شنو فوق ..
وبعدين قصة السعادة السريرية دي السودانين مسلمهم وكافرهم ما عندهم فيها نصيب ... الزول في السودان بيمارس الجنس تحت البطانية والنور مطفئ وبيكون عاضي عراقيهو بسنونو ... سعادة سرير شنو ياقيقراوي اخوي ...
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elsanosi Badr)
|
| Quote: أقدمت سيدة في بداية العقد الخامس من عمرهاعلي الزواج من طليق أبنتها ولقد صعق أبناءها قبل المجتمع ولقد رفضت هذه السيدة توسلات أبناءها من الفضحية والعار الاجتماعي الاأنها أصرت وتم عقد القران وذلك مما دفع بأبنهاالبكر الي تقديم عريضة للقاضي الشرعي مطالباالمحكمة بأعلان ( بطلان زواج أمه من طليق أبنتها) |
لول اها الزوله دي القاضي الشرعي ابدا ما جاء دق باب بيتها يا سنوسي ابناءها هم من استنكروا ثم ان ولدها نفسه قدم العريضه للقاضي الشرعي يعني ما في طريق ه تقول والله فرضتوا عليها اعراف ثقافتكم .دا واحد الشئ التاني يا بدر ما في مجتمع من غير قوانين
.| Quote: الموضوع هو حريات اقليات موجوده داخل اغلبيات ... ايات الحقوق من شاكلة لكم دينكم ولي دين ما حافظاها |
حافظاها معتقدك هو حريتك الشخصيه
لكين في قانون وضعي مستمد من قيم المجتمع المعين
و بيطبق علي كل الناس بغض النظر عن معتقداتهم الدينيه لتنظيم المجتمع
يا خي بس ناخدها من المجتمعات العلمانيه الغربيه
مسلم بوذي يهودي مسيحي لا ديني دي حريتك الشخصيه
لكين توجد قوانين تطبق علي الكل بما فيهم الاقليات
تمنع تعدد الزوجات
واي علاقه جنســــــــيه مع الاقرباء من الدرجه الاولي جريمه تعرض مرتكبها للمحاكمه
ممارسه الجنس مع القاصر جريمه
خرق هذه القوانين لا يمكن ان نبرر له بانه حريه اقليات .
.
| |
|
|
|
|
|
|
|
|
 Re: # أم تتزوج من طليق أبنتها ( عجائب الخرطوم) (Re: doma)
|
يا ماما دوما،
سيدنا السنوسي قال زمنو للنت انتهى و جاء صادي، اها احتمال يجيك و احتمال لا،
اللخبطة و اللجلجة و المط هي تحديدا ما مارسه أخانا السنوسي
حيث غض الطرف عن حيثيات و سياق الخبر تماما و رمانا بدائه و انسل،
الخبر فيه قرائن واضحة من عقد قران و طلاق تشير الى زواج اسلامي و المرأة و أهلها مسلمين
هو فاتتوا الحتة دي أو تغاضى عنها تماما ليطرح موضوع يظن أنه يؤرقه هو لوحده،مع انه ما اختلفنا من حيث المبدأ اساسا
في أن الاقليات لها حقوق مهصومة في بلدنا، ياخي السودانيين كلهم ما خلا الحاكمين بأمر الدينار مهضومين
بما فيهم أخانا السنوسي حيث هو بمنفاه المتجمد في المملكة المتحدة
و معاك انه اذا الدولة لها قانون يجب أن يلتزم به غالبيتها و اقلياتها بلا استثناءو هذا حاصل في محل اقامته حيث هو
و اشرتي له اكثر من مرة لكنه سايق سواقته ، فهل اصلا موضوع الخبر هو حقوق الاقليات؟
غايتو خموا و صروا طلعتوا علمانيين نص كم و ماسكين العصاية من النص
عجبني ليكم :)
اها ده طرفنا من علمانيتكم الفي السهلة دي!
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elsanosi Badr)
|
Quote: يا محمد المرتضى
اتفضل : |
هاي قيقا ..
ياخ أنا طلبت أغنية الكاشف (حيَّرت أفكاري معاك) تقوم تكلفتني وتجيب لي غنية ثنائي العاصمة
( حيرت قلبي معاك) وكمان بصوت باسم محمد نور؟ إنت قريت طلبي بالمرايا يا قيقا؟
دي أعملا لابن أبي سلمى زهرة البورض الجميل مع النسيم العليل وليس معي..
أوكي؟
زاد وجدي ..
غش تجاري ما معانا يا قيقا ،
عموما مقبوله من يوتيوب ما نعدمهاش سيما وأنها تحتوي على القاسم المشترك وهو الحيره .
شايف سيد البوست طفش بعد ما ولع البورض ، وعليه ، وعوضا عن طلبي الأول، أرجو تنزيل
أغنية ثنائي النغم أنا غيرك ما حبيت حتى تصل زينب وخديجة إلى قول الشاعر :
شكيت الناس ل الله الطلقوا النار في الحله..
وووووب يا حبيبي ..
كان مُت ذنبي عليك..
-
السنوسي ود خالتي كيفك يا أمير..
خلينا في موضوع البوست بعيدا عن ما تكن الضمائر وتخفي (السرائر) ..
الوثيرة ..
-
كان فُتَ ذنبي عليك..
-
زهير الباسم زهر المواسم ، إنت يا اللخو جلسة الأحد دي في محكمة ليلية؟
ورينا الحصل فيها شنو .. ياخ سفيان نابري الكلاركس بتاعتو بقت تموت تخلي من المحاحاة والمساسقا..
ضِهب ..
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: محمد المرتضى حامد)
|
Quote:
وبعدين قصة السعادة السريرية دي السودانين مسلمهم وكافرهم ما عندهم فيها نصيب ... الزول في السودان بيمارس الجنس تحت البطانية والنور مطفئ وبيكون عاضي عراقيهو بسنونو ... سعادة سرير شنو ياقيقراوي اخوي ...
|
ما دي الكنتة ذاااتا ياخ!
بن عمن لينا - صعيدي شد بلدو، نفسو يا سعد الدين - من السبورترز بتاعين المدرسة التجريدية ..
قال: بعد تقضي وطرك من المرا، كان لقيت ليك سحار ياكلا ليك .. بكون ما بطال.
اها ايا سنوسي يا اخوي استنارة مع الصعايدة ديل وين عاد!؟
غايتو الا كان ابقى على جزيرتي المعزولة الانف ذكرها ديك!
اها زولتك دي - بحد صياغة زهير - (اقدمت) على مغامرة، مخاطر بكل شئ ..
الخوف تطلع (مقامرة) ساي .. و تخسر كل شئ!
البعيد شنو!؟
يبقى عليها حال من (لم يجد السعادة)، و لا ختا النجاسة (مثل شعبي مغسول و مكوي بمعرفتنا)
------
محمد المرتضي يا حبيب
يعني قلبك ما احتار!؟
افكارك بس؟
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: محمد المرتضى حامد)
|
أستاذنا ود المرتضي
تحياتي
طبعا أنا عشان أمشي المحكمة البعيدة دي أتحممت تلاتة مرات والله ما كنت قادر أقوم من السرير لكين عشان المسداقية وكدا وصدر القرار فوق موجود بس يا مولانا بالله راجع قرار القاضي لانو كان سريع زي المطرة وهوا الشتاء وجاحات كدا
المهم أفادتك القانونية مهمة جدا بالله للفائدة العلمية لانو أخوك ممتحن البار السنة دي وعايز أنجح
لك ودي
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: محمد المرتضى حامد)
|
ياخي دوما و السنوسي ديل اصلا ما اتوا لحوار !
الراجل قاعد في سريرو الوثير و بنتج في فنتازيا عجيبة يخلوهو يتجهجه و يدور عربيتو و يمشي لحد الحاج يوسف
و يحنث القاضي عشان يديهو صورة من الحكم !
Quote: يا يحي العدل يا جماعة أسمعوأ قرار القاضي لا شريعة ولا قال أية ولا حديث بل أحتكم لقانون الاحوال الشخصيةالسوداني
أعلان أنا القاضي مصطفي البروك علي الخليفة بمحكمة الحاج يوسف للاحوال الشخصية ببطلان زواج كل من فلانه ووفلان وذلك أحتكاما لقانون الاحوال الشخصية الصادر عام الف وتسعمائةواحد وتسعون وأستنادا للمادة 16 منه وأعملا لهانص وروح والتي تحرم علي الاشخاص المصاهرة بالتزوج من أحد الاصول أن علوا وأنزول في مستوي الاصول أي أصل في الدم أعلان طلاق 333 من 777 وجلد كل منهما عشرون جلدة لقيامهم بسلوك معوج وضد ما جاءت به كل الاعراف الاجتماعية والانسانية .
|
القاضي دا مالو بتلجلج و بلخبط ساااي !
يعني هو بفتكر انو حل مشكلة البوست !
ماهو قانون الاحوال الشخصية دا هو المقوم الحرب دي !
لانو الزول الوضع القانون ما خاتي في بالو انو في ناس زي ديل !
عليك الله يا ابوالزهوز كمل جميلك و ودي للقاضي دا نسخة من البوست !
بعد داك تعال راجع اهنأ بالبوست الوثير !
تحياتي --
---
المرتضي الزول للطيف كيفك
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: saadeldin abdelrahman)
|
| Quote: و ما رأيكم في قانون الاحوال الشخصية، شخصياً انا لو كانوا في قانونين، واحد ابو شريعة و التاني ابو من غير شريعة كنت ح اتزوج بابو شريعة دا، و احتكم في كل المسألة لمقتضياته. مع توفر -افتراضي لقانون مدني- اها لقيتوني كيف!؟ |
ليقتك فتّة يا راجل ...
ربنا بيحاسبك بالقسيمة الصادرة من مأذون وزارة الشؤون الدينية؟ ياخي القسيمة دي في ناس بيطلعوها للأراضي والميراث والهجرة والإقامة والجنسية والوظائف ولإسباب غريبة جداً جداً ... وبتكون قانونية مية المية .. حسب القانون أبو شريعة ... السؤال:
البيبقّي قسايم زي دي جزء من التشريع الديني شنو؟ أصلاً فكرة الزواج فكرة اجتماعية بتتغير بتغيّر المجتمعات ... وانت لو متصور انو المجتمعات المسلمة مجتمع واحد ممكن تحكموا علائق اجتماعية واحدة تكون بالغت ... في مجتمعات ما بتعرس بت عمك الا تكون زول خايب ساكت ... وفي مجتمعات ما بتفوت بت عمك وتعرس برة إلا تكون خايب ساكت ... القسيمة وثيقة سجل قانوني رسمي في سجلات الدولة ... مفروض القانون البيحكم إصدار القسيمة بيحترم التعديية بتاعة المجتمعات ... مسلمة ولاّ ما مسلمة ... ياخي انت قاعد في السعودية دي النسألك ... السعوديين ديل بيعرسوا زينا؟ ياتو ابو شريعة وياتو ابو من غير شريعة؟ السعودي ولا عرس ناس ماما دوما؟
والله انتو بتفتّروا الواحد زاتو ...
... المهم ....
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: تبارك شيخ الدين جبريل)
|
Quote:
ربنا بيحاسبك بالقسيمة الصادرة من مأذون وزارة الشؤون الدينية؟
|
يقولوا ليو "قانووووووووون" ، يقول ليك احلب المؤسسة الدينية!!
بتكلم عن شريعة احوال شخصية بفهم معاصر و منفتح جداً
متين انا اضفت لكلمة شريعة دي سبتمبر ولّ حمورابي ولّ وهابية!؟
-------
في عرس بت العم دا ولا تمش بعيد .. انا القدامك دا عندي فيو رأي .. و اخواني كلهم مغتين قدحم!!
يعني الخلاف وارد حتى بين الاشقاء .. لانها مسألة نفسية ..
يوماً ما ح تجي بشرية يكونوا قرفانين مننا انو في "شريعتنا" الزول ممكن يتزوج بت عمو ..
ح يجي يوم زي دا بالمناسبة ... وارد جداً
| |
|
|
|
|
|
|
|
|
 Re: # أم تتزوج من طليق أبنتها ( عجائب الخرطوم) (Re: هيثم طه)
|
صدقت و الله يا هيثم في قصة المصداقية دي
مصداقية بتاع فنيلتي في منبر من لا بريك لهو دا!؟
Quote:
ابوالزهور ما شايفو
ان شاء الله مشي مشوار يودي البوست للقاضي !
تحياتي
|
المشية دي ح تكلف مع ابو الزهور كم حماية يا ربي!؟
------
لي اسي بحاول القى رابط بين الحمام تلاتة مرات .. و المشية للقاضي!!
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: قيقراوي)
|
| Quote: فالجتمعات في الخرطوم لحم راس واي فرض اعراف مجتمع علي اخر يعتبر نوع من الهيمنة ودي مشكلة السودان ...اي زول دايرنو يمشي بالطريقة الدارينها ليهو ناس تانين ولو رفض وتململ يدقوه ويجيبو ايات يمطوها لحدما تبقي قدر الموضوع عشان يدوا الموضوع صبغة دينية ويريحو عقولهم |
اولا انك قد افترضت ان هذه المرأة لها ثقافة مغايرة تؤمن بالحرية المطلقة فى امر الزواج فمن اين اتيت بذلك؟
هذه المرأة تنتمى لثقافة خاصة تستهجن هذا السلوك والدليل هو ثورة ابنائها واقدام احدهم باللجؤ للقضاء. واذا كانت ثقافتها لا ترى غرابة فى فعلتها لما كان الاستهجان. بالاضافة الى ان الراوى يقول انها وتحت الضغط طلبت من العريس العدول عن اكمال الزواج ولكنه اصر عليه,,بعبارة تانية هى نفسها مدركة ان زواجها من طليق ابنتها امر قد يكون غير مرغوب فيه فى الوسط الذى تعيش فيه.
الاحظ انك تصب جام غضبك على كل من يستدل بايات قرانية لتعضيد وجهة نظره وانت تعلم ما للدين من سطوة وتأثير فى سلوك من يؤمنون به,,كان الاحرى بك ان تنتقدهم اذا كان فهمهم خاطئا لمعانى الايات القرآنية ولكن ان ترفض المبدأ من اساسه فكأنك تحجر عليهم ما اقتنعوا به واتخذوهم مشرعا لهم
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: قيقراوي)
|
يا قيقا
الفضايح شنو حسي خلاس أتحممت حمام المسا ريحتي حلوة الان يعني مع عطري المفضل أرامس أخوك من سادة القوم
أسمع أخوك مش غلط في أسم القاضي الراجل أسم أبوه المبروك قمت كتبتو البروك طبعا اليافوخ حقي كان نايم لسه ساعتا وح أعتذر ليهو بكرة أنشالله مايزعل
لكين أخوك مشي عشان يجيب لحمة الحله راح في موضوع ست اللبن قعدت فترة لحدي ما ست اللبن جات وأشتريت لبن كمان دا سبب التأخير غذرا
| |
|
|
|
|
|
|
|
|
 Re: # أم تتزوج من طليق أبنتها ( عجائب الخرطوم) (Re: doma)
|
والمحارم بالمصاهرة أربعة: أبو زوج المرأة، وابن زوج المرأة، وزوج أم المرأة، وزوج بنت المرأة، فهم أصول زوجها أي: آباؤه وأجداده، وفروعه وهم أبناؤه، وأبناء أبنائه وبناته، وإن نزلوا، وزوج أمها، وزوج بنتها، لكن ثلاثة يكونون محارم بمجرد العقد، وهم أبو زوج المرأة، وابن زوج المرأة، وزوج بنت المرأة، أما زوج أمها فلا يكون محرماً إلا إذا دخل بأمها.
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: munswor almophtah)
|
محمد ابوالعزائم :
Quote: (المرا وبنتها وراجلهم) ديانتهم شنو؟
نحن إفترضنا إنهم مسلمين وبنحاكمهم على الأساس ده.
مش يمكن نطلع أوف بوينت؟ |
عجبتني ( راجلهم ) دي
الإحتمالات ما متعددة
فلو ما مسلمين ح يكون إما مسيحين او يهود وديل الوضع عندهم معقد جدآ
لدرجة مافي طلاق ذاتو ،، زواج كاثوليكي
إحتمال ملحدين دي صعبة شوية ، لكن هب إنهم كذلك
تعرف الملحدين بوعي ديل اكثر ناس مع الإخلاق
لأنها أخلاق ، صرف النظر عن رأي او موقف الديانات
غايتو انا متوقع القاهم في الجنة وكذلك ناس بوذا
أكثر من بعض الإسلاميين ومعظم الإسلامويين
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
| Quote: اها دي المشكله هنا اسع جلدوهم استنادا علي شنو؟؟ |
الأخت الأستاذه دوما ،
تحايا واحترام،
لم أشأ التداخل في البوست من زواياه القانونية والشرعية لأنني لست مؤهلا بما يكفي للإدلاء بقول هنا ،
لكن وددت إيراد المثال أدناه لتعرفي إلى أي مدى يمكن أن تصل الإجتهادات - داخل الديانة الواحدة -
دعك عن الديانات الأخرى ،
منذ سنوات شاهدت في مادة وثائقية أحد الآسيويين وهو شاب وجيه ومثقف وله زوجة شابة من اللواتي قال
عنهن أبوصلاح :
لو لحاظ عينيك صدف راسي الجماد
غــير شك دك الحـجارة وهمدا
أها الزول دا قال وفقا لمذهبهم لاعلاقات جنسية على الإطلاق بين الأزواج أو غير الأزواج .. ناس روحانيين .. روحانيين
بتطرف ، وأستطيع أن أتفهم ذلك جيدا فالسعادة المنشودة عند البشر لها مناهلها وفلسفتها وعلينا احترامها غض النظر
عن قاعدة فرويد المعروفة في هذا المنحى.
أعتذر عن إيراد الصورة المبذولة في الشبكة العنكبوتية أدناه حتى لايفهم منها أنها نشر للفاحشة وفقا لفهم البعض
لكن هذه فتاوى - كإرضاع الكبير لاستدعاء الحرمة - تتوفر في الواقع ، وزي ما بيقول عزيزنا قيقا المافي شنو..
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: محمد المرتضى حامد)
|
أستاذي وصديقي ود المرتضي
تحياتي
كدا أنا ح أسقط في أمتحان المعادلة بالله عشان خاطري رأي محدد عشان أجدل بيهو لانو أنا ما عارف ذاتو نحن فقهنا بتاع الاحوال الشخصية حق منو في الائمة الاربعة وبعدين ياخي حسي نحن بعد قرار القاضي يعني الجماعة ديل ممكن يعملوا أستئناف ولا ما في طريقة وبعدين البلد كلها يا مولانا زعلان مني (قالوا أنا من الذين يريدون أشاعة الفاحشةبين المؤمنيين )بالله شوف الظنون التعيسة دي
المهم يا صديقنا مع كل التبجيل صح كدا بالله أرجع لي برأي محدد ممكن الاستئناف ولا ؟
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: د.نجاة محمود)
|
السلام عليكم
ما فائدة القوانين ان كان قصد البعض بالحرية هي الحرية المطلقة التي تبيح لك ان تفعل ما تريده دون ضوابط؟
كل القوانين الوضعية هدفها ومرادها تنظيم هذه الحرية وضبط اختلاف الثقافات حتى لا تحدث فوضى
ويمارس كل شخص حريته فيما لا يتعدى على حرية الاخرين
حسب علمي يوجد في السودان قانونان ينظمان مسالة الاحوال الشخصية
قانون الاحوال الشخصية للمسلمين
وقانون الاحوال الشخصية لغير المسلمين ولكل محكمة مختصة بذلك
مثلا توجد محكمة خاصة بالنصارى وبعض المحاكم خاصة بالوثنيين يحمكها السلاطين ونظار القبائل بما تعارفوا عليه من قوانين غير منصوص عليها في القانون السوداني
وقانون الاحوال الشخصية للمسلمين مستمد بالكلية من الشريعة الاسلامية وغالبيته ماخوذ من المذهب الحنفي عدا بعض القضايا الماخوذه من بعض المذاهب
والاراء الفقهيه مثلا في وقوع طلاق من حلف بالطلاق ( راي ابن تيميه لا يجوز ذلك لانه بني على باطل وهو الحلف بغير الله )
( على الرغم من ان المذهب السائد في مصر هو المذهب الشافعي الا انهم في حالة عقد الزواج يكون على مذهب ابي حنيفة النعمان وذلك لان للشافعية شروط صعبة في تحقيق شاهدي العدل )
توجد قاعدة فقهية مهمة جدا وهي ان الاصل في الاشياء الاباحة ما لم يرد نص بالتحليل او بالتحريم
وتدور كل الاحكام الفقهية على خمس
وهي الواجب والمندوب والمكروه والحرام والمباح
ولا دليل الا بنص
اما المباح فهو باب كبير سكت عنه الشرع
ويجوز للحاكم ان يقيد المباح ويمنعه بقانون وله ان يصدر عقوبه عليه والامثلة لا تحصى
كما يجوز للحاكم تقييد الحلال مثلا سن الزواج يجوز تقييدها بسن محدده وشروط معينه فالشارع وضع كليات ولم يفصل في امور كثيرة
يقول الفقهاء مثلا في شروط زواج الانثى ان تحمل الوطء وهي مساله نسبية وغير محدده بسن
هنا يمكن للحاكم ان يجتهد ويحدد سن معين وتصبح قانون سائرا وملزما لكل الناس
ولكن هل هناك نص شرعي يلغي هذا ؟ طبعا لا
والمباح هو اكبر باب في الفقه مسكوت عنه فسحة فهو خصة للناس يشرعوا فيه ما يناسب ومقتضيات عصرهم وحوائجهم
مثل الذي العرف يعد مصدر من مصادر التشريع ان لم يتعارض مع نص ولم يحرم حلالا ولم يحلل حراما وهذه رحمة من الله
وقد اثار روان وليامز كبير اساقفة كانتر بري قضية وجدت الهجوم من دعاة العلمانية
وهي ضرورة الاخذ بالشريعة الاسلامية في بعض الامور في بريطانيا وذكر انه امر لا مفر منه وذلك لتزايد عدد المسلمين في بريطانيا ودمجهم في المجتمع
وهي خطوة كبيرة جدا ان وجدت اذن صاغية
فكل المسيحيين في الدول الاسلامية لا يحكمون بواسطة القانون الخاص بالمسلمين في الاحوال الشخصية ولهم محاكمهم وقضاتهم
فلماذا لا يعامل المسلمون بالمثل ؟ خصوصا في مسائل من صميم دينهم مثل الزواج والميراث وغيره من القضايا التي لا دخل للدولة بها ولا تنقص من قدر اتجاهها العلماني وحرية مواطنيها
ــــــــــــــــــــــــ
مدتت رجلي بعد ان وجدت مولانا قيقراوي يفتي
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: ود الخليفه)
|
أبو ساندرا
تحياتي
كتبت هنا أجمل ما في البوست
Quote: الحريات الشخصية ذاتها عندها حدود
حدودها بتنتهي لمن تبدأ حدود حرية غيرك
هسع الأم هذه ( وفقآ للخبر المضروب )
مش انتهكت حرية بنتها بس
وكمان انتهتك نفسياتها ذاتها
وهذه حكمة ربنا في تأقيت التحريم بالنسبة للأم
لأن الأم تغلب مصلحة بنتها على مصلحتها
ولكن البنت لا تفعل ولذلك يكون تحريم ان يتزوج طليقها بامها على التأبيد
البنت سوف تحقد على أمها
لكن الأم لا تحقد على بنتها
ف تاملوا حكمة المشرع
|
وهنا كتبت أقسى ما في البوست بل وسوأ ما كتب:
Quote: إحتمال ملحدين دي صعبة شوية ، لكن هب إنهم كذلك
تعرف الملحدين بوعي ديل اكثر ناس مع الإخلاق
لأنها أخلاق ، صرف النظر عن رأي او موقف الديانات
غايتو انا متوقع القاهم في الجنة وكذلك ناس بوذا
أكثر من بعض الإسلاميين ومعظم الإسلامويين |
ملحد في الجنة هذه لا يمكن ان تحدث أبدا.
الأولى كتبتها بفطرتك السلمية
والثانية بتلويث السياسة والتى دائما ما تفسد الفطرة.
وأعجبتني أيضا كتابات الخالة دوما والأخ قيقراوي عن تقييد الحريات بقيم المجتمع.
تحياتي
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: محمد الزبير محمود)
|
مرتضي ود خالتي ياخي كيفنك ... حطيت الرحال هنا لكين راجعين ... الشوق بحور ومتلومين ... لكن صفح وسعة صدر ناس المسالمة وحي العرب يمكن تلحقنا منكم ... تحياتي ليك كما الاسره هنا وهناك ..
---------------------
هيثم طه ... ياخي كاتبك المفضل دي كثيرة علي زول اغيبش وعراقيهو متكرفس ليهو بالجنبات من اثر (الركوب) ... لكن شوفتا ود خالتي مرتضي ياها الشفافة والرقي والملائكية زاتا ... مش قالو الاهل بيلدو ذنوبهم .. اها انحنا ديل ذنوب ناس امي ومرتضي وخالتي ... شفتا كيف!!!
----------------------------------
يادومة .. هسي عليك النبي متوراني وناجهاني نص الليل ده عشان تقول لي (النجر) القوانيين العلمانية في الغرب منو و كيف ??.. اتي يا دومة ما عندك (راس) ... اتي قالولك انا استاذ تاريخ ... هسي اتي ماشايفة (المبروكة) دكتور نجاة من النقة الكتيرة الفوق دي كلها جات وخمشت ليها (فرت) جمله و(نقزت) بيها .. ياخي دي هسي يباصروها كيفن ...
________________________________________
يمكن اجيكم صاد
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: قيقراوي)
|
و قبل كل شي تعليقات الزميلات و الزملا فوق تقطع المصارين من الضحك.. شر البلية ما يضحك طبعاً
اصلاً الحكمة من التحريم منع قطع الأرحام..لذلك حرم الجمع بين الأختين في آن واحد و هكذا في بقية المجموعة ..العمات و الخالات و باقي العيلة الكريمة
لكن بعيد عن الدين و الدولة ..الموضوع مقزز و ما مقبول ..السودانيين الحصل ليهم شنو؟؟؟؟ اخت تتطلق و تعرس زوج اختا و بت تتطلق
و امها تتزوج راجلا ؟؟ الرجال عدموا يعني؟ Eew ..disgusting لا القيامة بعد ده مفروض تقوم.
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
ياما ما دوما
كيفك وأزيك
بالله مش ما من أخلاقنا في شيء عمايل النظام العام دي و أنت كمان أنسانة متعلمة دي كل طموحاتك أنو يجلدوا بالله شوفوا التخلف اللي نحن عايشين فيهو دا قالت أجلدوا ( زهير بن عثمان راصد بلاوي الجكس والنسوان ) كم مرة جلدوا أبو الزهراء وما في فائدة ياهو ما أتغيرت ولا الجلد صلح زوال كمان قالت علي كل بوست 40 جلدة بالله انت طماعنه في منصب قاضي لقيتك نفسك سغيرة شديد كمان (قاضي نظام عام ) لا دي متوفرة الان في الاقاليم والمناطق الطرفية من العاصمة خلاس
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
هذه إجابة من مفتى لتأكيد حرمة زواج أم البنت من طليق بنتها
فتلك حدود الله ومن تعداها فقد ظلم نفسه.
أخونا إمام الطيب محمد الإمام أحد أعلام هيئة الإفتاء الشرعى بأميركا الشماليه.
هل يجوز رؤية والدة الزوجة بدون حجاب بعد عقد القران ، وليس النكاح والتعامل معها بسلام الأيدي ؟ ومع العلم أنه تم التعامل معها بعد العقد بهذه الطريقة بدون العلم أنه هناك شك في هذا وقال لي البعض أن هذه الحرية في التعامل تكون بعد النكاح و ليس العقد؟؟ فهل هناك ذنب في هذا التعامل وهو حرام أم هو مكروه؟الجواب :
الحمد لله
بمجرد أن يعقد الرجل على المرأة صارت أمها من محارمه ، وحرمت عليه تحريماً أبدياً ، وإن لم يدخل بزوجته .
وعليه ؛ فلا بأس من مصافحتها والخلوة بها والسفر معها .. ولا بأس أن تظهر له كاشفة عن شعرها.. ؛ لأنه صار من محارمها ..
قال ابن قدامة رحمه الله: " فمن تزوج امرأة حرم عليه كل أُم لها ، قريبة أو بعيدة [يعني الأم والجدة] بمجرد العقد نص عليه أحمد وهو قول أكثر أهل العلم منهم ابن مسعود وابن عمر وجابر وعمران بن حصين وكثير من التابعين وبه يقول مالك والشافعي وأصحاب الرأي....؛ لقول الله تعالى : ( وأمهات نسائكم ) والمعقود عليها من نسائه ، فتدخل أمها في عموم الآية . قال ابن عباس: أبهموا ما أبهم القرآن يعني عمموا حكمها في كل حال ، ولا تفصلوا بين المدخول بها وبين غيرها" انتهى من "المغني" (7/85) .
وجاء في فتاوى "اللجنة الدائمة" (17/361)
رجل خطب فتاة وعقد عليها، فهل يجوز له أن يكشف على والدة المخطوبة ويصافحها أم أنها لا زالت أجنبية عليه حتى يدخل بالبنت المخطوبة فتصبح أم الزوجة محرمة عليه، ويجوز له النظر إليها والتسليم عليها؟
فأجابوا :
"أم المخطوبة قبل العقد على ابنتها تعتبر امرأة أجنبية من الخاطب ، لا يحل لها أن تكشف له ، ولا يحل له النظر إليها ولا مصافحتها ، وأما بعد العقد على ابنتها فهو محرم لها ، ويجوز لها أن تكشف ، وله مصافحتها" انتهى .
اللجنة الدائمة للبحوث العلمية والإفتاء
الشيخ عبد العزيز بن عبد الله بن باز ... الشيخ عبد الرزاق عفيفي ... الشيخ عبد الله بن غديان ... الشيخ صالح الفوزان ... الشيخ عبد العزيز آل الشيخ ... الشيخ بكر أبو زيد . وقال الشيخ ابن عثيمين رحمه الله :
"إذا تزوج إنسان امرأة وعقد عليها صارت أم الزوجة وأم أمها وأم أم أمها وإن علت من محارمه يجوز لها أن تكشف له ويجوز أن يصافحها ؛ لأن القاعدة في هذه المسألة أن الرجل إذا عقد على امرأة صار محرماً لكل أمهاتها.." انتهى من فتاوى "نور على الدرب" .
والله أعلم الإسلام سؤال وجواب
| |
|
|
|
|
|
|
| |
قاسم المهداوى
Elsanosi Badr
عاطف محمد أحمد زكريا
Gaafar Ismail
doma
Tragie Mustafa
Kabar
عبدالله كع
ايمان بدر الدين
ABUKHALID
قيقراوي
سفيان بشير نابرى
أبو ساندرا
Asim Fageary
saadeldin abdelrahman
محمد أبوالعزائم أبوالريش
هيثم طه
زهير عثمان حمد
محمد المرتضى حامد
تبارك شيخ الدين جبريل
munswor almophtah
ود الخليفه
سناء عبد السيد
الصادق اسماعيل
فيس بوك
تويتر
انستقرام
يوتيوب
بنتيريست