|
Re: يا طلاب وخريجي جامعة جوبا وثقوا تجاربكم هنا.. (Re: محمد عبداللطيف)
|
الزين سلامات
رمضان كريم وتصوم وتفطر علي خير
رمضان زي ماقلت في جوبا جمال لاينتهي
مع الطلاب ولجنة رمضان طلاب وطالبات والونسة
ده يقطع في البصل وداك في الخضروات
وقبل المغرب يرصو صحون السفرة المكونة من اربعة اجزاء وجرادل العصير
ويتفاني الطلاب في ذلك .
واجمل مافي رمضان الامسيات،ليس في جوبا وحسب ،بل حتي في اوقاتنا بالخرطوم
وسوف نذكر جولاتنا مع الجلابة في الملكية وجوبا واطلع بره وكنا نسميها
طالعين تور!
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الرفيق محمد عبداللطيف
البوست معاك ح يكون احلي واحلي
نحتاج بقلمك السردي الجميل ان تنداح بلا حدود وبلا حواجز
تابع احساسك وذاكرتك لتسكب لنا عصير تجربتك انت والزملاء
مع مطلع الالفية الثالثة وتجددوا لنا دماء البوست بمفرداتكم الراثعة
كروعتكم وانتم تشقون الطريق الوعرة لاعادة جوسو حتي راي النور مرة
اخري ثم ماحدث بعد لك بدقة وسوف ارجع لك كل مرة
الف شكرا الرفيق محمد عبداللطيف
ودمت
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الدكتور متوكل الاحمر يعود مرة اخري بعد غيبة طويلة
نرجو ان لايطول غبابه بعدها لان مساهماته غير جماها الاخاذ وسهولتها الممتنعة
تعمل علي اعادة دمج المشاهد المتقطعة للذاكرة في شريط من الوضوح المترابط
لناس جوبا كلهم سلام ..وتاني سلام لكل الناس الحاضرين والغائبين وطبعا يا عبد اللطيف اظن الناس مُقدرة ظروف بعض ومشغوليات الناس في هذه الخربانة..لكن برضو بنمر علي البوست ونشوف الحاصل شنو ..وشايف الصديق د/ والي الدين ظهرالايامات الفاتت وطبعا والي الدين ده دفعة موخراً..بس هم شباب صغار جدا وانحنا الجينا اٍسلبطنا فيهم واتخرجنا معاهم هو وباقي دفعتهم (النجضيدة والناجحة),الاصدقاء محمدهاشم وعرفات وربيع الجاك وعبدالرحمن كور والسنوسي عصام طه و..و..وكثيرون ..ويا ريت يكون ياسر التاوق هنا ده هو ياسر محمد علي(تربية) الواحد داك..عشان مؤكد زي ياسر ده عندو الكتير الذي يمكن ان يقال ولا يقال عن ايامهم تحت احلك ايام ثورةالتعليم العالي ..او كما يزعمون..
علي كل حال ..ده علي سبيل التحية للجميع..
ودي جزء من تداعيات وذكريات ايامنا في جوبا..بطريقة ما يمكن ان تكون تتمة لما سبق ..وكان ربنا مدا في الاجل ..تاني بنكتب وبنتواصل مع ناس تاع جوبا..
...
....
...
شكرا للصديق جمعة كوكو ..حارس مرمي فريق البرالمة وقتها..علي مداخلته(ص2) ويا ريت لو تداخل اّخرون لاٍثراء الذكريات وملً الفراغات وطبعا ذكرتني يا جمعة ,زول مهم جدا ..الشفيع ود الموردة ..الزول الظريف حلو اللسان وصديق الجميع رغم انو ما قعد اكتر من شهرين علي ما اظن.
وبرضو المباراة الكانت بين اولي (87) Aو اًولي (86)Bوبعدها هتافات اولي 87التي ابتدرها ابشر ..كانت اول مناسبة للاحتكاك والتعارف بين الدفعتين.
طبعا دفعة 86 كانت مميزة جدا وكلهم ناس ظريفين وكان من حسن حظنا انو اندمجنا معاهم سريع والا رايك شنو يا جمعة؟
مواصلة لما اٍنقطع من حكاوى ايامنا في جوبا..
كانت ايامنا الاولي وقتها في 1987-نوفمبر الي مارس او ابريل 1988..ايام بلا ضغوط اكاديمة جادة الا من الtests والassignments ..فعشان كده الناس كانت عايشة في جو اٍجتماعي بحت ..اضافة لعدم وجود باقي طلاب الجامعة ما عدا الخريجين وده تقريبا ادانا فرصة للتعارف وتكوين الصداقات التي ما ازال اغلبها مستمر حتي اليوم.
من الاشياء التي لا تنسي.. ذلك اليوم وحفل استقبال البرالمة في نادي الطلاب.. والديسكو.. وزي ما افاد الاخ جمعة كانت اول مرة الناس تشوف قصة رقص الslow ..وكيف اغلب الشباب (من الجنسين) اتخارجو واظن اولهم جمعة!..غايتو انحنا قعدنا وكمان حاولنا رقص الslow مع حسناوات اطلع بره و الملكية ونمرة 3..وكانت قصة اّخر بهدلة!....وعلي ما اًذكر تعليق الصديق جداً الاخ د/كروم ..وانو قال البرالمة ينططو زي حملان الخريف وحالتهم ما شربو حاجة!
برضو من ُطرف الايام الاولي انو ناس مدني كانوا عاملين جلسة تعارف قدام برلين(داخلية البنات) وكانت لامة السناير والبرالمة ..مشينا انا وامين محمد عباس ووصلنا متاخرين وبعد شربنا الاميت(بيبسي جوبا ) والشاي ..قالوا عرفوا انفسكم وشاركو ,قمت انا قلت المسافة (صلاح حاج سعيد+مصطفي سيد احمد)..بعدي امين قال ليهم رسائل(سيف الدسوقي+الجابري) كفرمالة ازلية وكان قادينا بيها في اي لمة..بس كان بيقولها بطريقة جميلة زي بتاعة سيف الدسوقي..ليضج بعدها الجميع بالضحك ..لانو الظاهر كان هناك عصام الشيخ(سنير طب) قالها قبل ما نجي نحنا..كفرمالة طبعا..وقامو قالو لعصام انو جاك خليفة...
وما ننسي برضو زول مهم جدا ..سيف علي مهدي(سنير اقتصاد) وقصديته الحلمنتشية المشهورة
( انا اللزقة ..الصق فيك تقول معجون). وبالضرورة نتذكر ونترحم علي روح ابوزيد(رمز من زمن جوبا الجميل) وكان برضو صديق للبرالمة وكالعادة قصيدته الاشهر التي قالها في كل المنابر (له الرحمة والمغفرة).
من اميز الاشياء في جوبا ,العلاقات بين الناس ..وحقيقي الناس كانت تتعامل زي الاخوان والاخوات وبتخاف علي بعضها والزول لمن يمرض ويغيب تكثر المذكرات بتاعة سلامتك والجامعة او فلان او فلانة كرامتك وسحروك وما الي ذلك..ما زلت محتفظ ببعض هذه القصاصات حتي اليوم (لونها بقي اصفر وكده) ..ومن الحاجات الطريفة ولاتُنسي ..,انو كان عندي نوع من الاكزيما في الايدي الاثنين والصابون ما بينفع معاي(لم نعرف وقتها سكة الغسال ,الناس كان بتغسل براها وكده!)....فقامت الاخت الجعلية الجدعة جهاد(موارد) بت مدني-اصرت وشالت هدومي وغسلتهم وكوتهم لي في الداخلية..واظنها كانت اول واخر مرة تدخل هدوم ولد داخلية برلين..وطبعا كانت هذه الحادثة مثار تندر الزملاء وشمارهم(الخبيثون منهم والطيبون) .
ومن ينسي جلسات الانس حتي قريب الفجر قدام النيوهول او في القرين فلدج او القعدات قدام برلين وشاي المغرب هناك وما ادراك ما شاي برلين او قعدة في رملتها جنب الشجر..
بعدها مرت الفترة الاولي والجامعة فتحت ..وباقي الدفعات وصلت وشعرنا بعدها انو الناس بتقرا في جامعة حقيقة(رغم انف مدرسة تاع جامعة اطلع بره) ..لانوعدد الناس زاد والمعارف توسعت بصورة كبيرة وليظهر بعدها كثير من الشخصيات الجميلة الجديرة بالتوثيق وتذكرهم..
وقتها كان مدير الجامعة ب/موسي محمود وكان في الخرطوم اغلب الوقت ..تلك الفترة عرفت بحيونة الجامعات السودانية لانو الجامعات السودانية في ذلك الوقت كان مدراؤها كلهم- لم تنجو منهم اي جامعة- من الاطباء البيطريين.(ملاحظة كتبت في الصحف وقتها)..ما علينا..نواصل في حكايات البرالمة في مغامرة جوبا التاريخية,انضم الينا ناس دفعة 86 وواصلنا مع بعض ..وحقيقة كانت دفعة مميزة جدا ..فاندمجنا مع بعض بسرعة وتوسعت الشلل وظهر الاصدقاء ناس عبدالرحيم احمد علي,ابوبكر حاج اغا,سامي الوساع وعثمان طلب والاخوات الصديقات: فوزية محمد علي ومني الرشيد ,هالة الطاهر ,شيراز وكوثر مدني,وجدان عمار وسامية ابوزيد(ديل كلهم اقتصاد) و كذلك ناس موارد :يوسف دمازين,علي يونس وعبدالقادر الفضل والمرحوم ابراهيم الباشا والاخوات اميمة محمد عمر,الهام عطبرة والهام التانية ,رشيدة سر الختم ,سوسن مبارك وتوحيدة(السوريبة)والاخت سارةوايمان الدمازين و...و.. وما انسي ناس تربية الشاعر الخطير طارق علي (كان فردة يوسف الدمازين) ومريم فزع والاخت سحر الفاتح المليك ..واهم ناس ..مني مصطفي(مني كوستي) وفردتها سناء (بت العباسية)..كمية بتاعة سخرية وظرافة وروح حلوة.....ما نكون نسينا لينا زول!
مع نهاية السمتر الاول الناس عاشت ايام جميلة جدا ..قبل ضغط الاكاديميات ..كانت الرحلات للمدرعات ولا انسي انو ما كان في زول بيشتري منقة او باباي ..راسمالها انك تمشي جنب البحر وتلقط زي ما عايز ..شجر المنقة هناك ما عندو سيد وكذلك الباباي والقشطة ..والله البلد ديك فيها خير كتير...., وطبعا بعد داك ..بعد ما الناس كملت الونسة والرحلات تجي تواجه بالوجه الحقيقي لجوبا والارهاب الاكاديمي البيكونو عايشين فيهو الناس حتي يقضي الله امرا كان مفعولا..وافتكر انو دي المعادلة الكانت مفقودة في جامعة جوبا ..اعني المعادلة بين الاكاديمي والاجتماعي ..طبعا انا بتكلم عن الجامعة بصورة عامة لانو بالنسبة لينا في الطب القصة ما فارقة كتير عشان طبيعة الدراسة نفسها..مثلا ناس جامعة الخرطوم كان تحس بيهم مستمعين بايامهم في الجامعة اكتر من ناسنا وما عايز اضرب مثل بالفرع لانو بيكون مثال متطرف ..اي نعم تميز علمي ..ما قلنا حاجة.., لكن في ارهاب بطريقةما.. ما عارف في النظام الضاغط والا نظام الpass في الجامعة ..يعني في ناس اخدو discontinue بنتائج هي نفسها اذا كانوا في جامعة الخرطوم او الجزيرة ..يكون مباصين بمزاج ومن غير اي مشاكل ..عشان كده ..اي زول ىمشي واصل في جامعة تانية كان متفوق.(يعني الذكريات البقول فيها وتبدو ظريفة الان الا انها كانت وقتها عبارة عن كومديا سوداء ) والجو الاكاديمي الخانق الكان ما مدي الناس فرصة لاي ابداع(هذا او السيف –دسمس وربيت وملاحق وخلافه)..وكنت مرات اغير من اصدقائنا في جامعة الخرطوم اللي كان عندهم معادلة وازنت بين التفوق الاكاديمي والتمتع باقصي درجة من المباهج الجامعية وقتها ..ايام الديمقراطية الثالثة. ده ممكن يفسر انو جوبا (علي الاقل في ايامنا) لم يخرج منها شاعر مجيد او فنان موهوب (اٍذا استثينا الصديق /الرشيد عثمان (الرشيد كسلا)اقتصاد86 والذي كنا نعتبره تهكماً –فنان الحيرة-رغم موهبته.. لكن مع اكاديميات جوبا الزايدة لم يغني كثيراً وما كان بيكون عندو مزاج للغناء من اساسه)..
متوكل
سأعود لهذه المداخلة لاحقا بسبب بطء السيرفر
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: وعثمان طلب والاخوات الصديقات: فوزية محمد علي ومني الرشيد ,هالة الطاهر ,شيراز وكوثر مدني,وجدان عمار وسامية ابوزيد(ديل كلهم اقتصاد) و كذلك ناس موارد :يوسف دمازين,علي يونس وعبدالقادر الفضل والمرحوم ابراهيم الباشا والاخوات اميمة محمد عمر,الهام عطبرة والهام التانية ,رشيدة سر الختم ,سوسن مبارك وتوحيدة(السوريبة)والاخت سارةوايمان الدمازين و...و.. وما انسي ناس تربية الشاعر الخطير طارق علي (كان فردة يوسف الدمازين) ومريم فزع والاخت سحر الفاتح المليك ..واهم ناس ..مني مصطفي(مني كوستي) وفردتها سناء (بت العباسية)..كمية بتاعة سخرية وظرافة وروح حلوة.....ما نكون نسينا لينا زول!
|
كل هؤلاء تعرفهم! وهم قاسم مشترك بيننا
اذا انت متوكل الكنت ساكن معنا في الغرفة في سوبا القريبة من ميدان الباسكت او كرة القدم
من الناحية الغربية
وكان دفعتك واصحابك الزول داك قريب الزبير محمد صالح واظنو ساكن شمبات زول دنقلاوي ظريف
كدة ومربوع الصحة! وواحد تاني في طب طويل ازرق ومرح كدة اعتقداسمه النذير
كنتم معنا في الغرفة 1989 عندما نقلت الجامعة للخرطوم اول مرة،والاخرين انا وشهاب علي يوسف
ومحمد حلا والامين العربي والباشا(الله يرحمه)، هل قريب الزبير محمد صالح هو ابشر الذي تقصده
واين صديقكم طارق خريج التربية الزول الهادئ الذي عاش في السعودية
وواحد تاني اسمه طارق برضو كان عندو حافلة مرة وصلنا بيها بعد نهاية اخر حفل للاستاذ
مصطفي سيد احمد الراحل المقيم ودخلت الحافلة طوالي الي ارض المعسكر بعد نهاية وقت دخول
الطالبات وده موضوع عندي فيهو ياقي !
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
اللابات وخاصة chemistry lab. كان عندنا معاهو زكريات عجيبة
انا وعلي مرسال وسيد واميرة نوري وشغل الكوكينغ cooking
خاصة المولارية دائما نتيجتها المكتوبة في شيت الاستاذ نتالينو ما بتجي
هي ذاتها! وهنا يجي دورنا في ظبط نقطة التعادل بين الحمض والقاعدة
ولما يجي مار يلقاها طق طرق في الحسابات وفي الدورق
كان واحد يعمل التجربة والباقين يظبطو الكوكينغ !
والتحليل الكيفي ده كرهنا لانو كان فيهو كاتيونات مجموعات ماسمعنا بها
من قبل والعضوية وتجربة Benedict solution reducction agent والكيمياء
الحيوية وقياس الكروموتوغرافي كلها مجالات كوكينغ لان خطوات ال sheet
مامنها فائدة !
اما لاب الفيزياء فكان ساهل وممتع !
لكن لاب الاحياء الواقع بعيد منهم ، خلف المكتبة وجوار لاب الميكروبيولوجي بتاع اليهودي
بروفيسور هنسي العنصري ! ده كان lab النكت المضحكة والمواقف الدرامية العجيبة
مع خرطة هنسي بتاعت ال Taxonomy العجيبة ديك ، اي تصنيف نعملو يدينا غلط !
وهو القائل الناس السود لايحرزون A في مادة ال Botany and Zology والحمدلله الله حلانا منه
في مادة الميكروبيولوجي بسبب قفل الجامعة وعدم حضوره الخرطوم فيما بعد ،كنا نكون لهسع
شايلنها carrying !
وتشريح الضفادع مع منال الله جابو كان ممتع جدا !وزولنا الفني السمين كل يوم مطير معانا شكلة
وكمان امتحان ال practical بتاع هنسي في اولي،يخلينا نتدرب في الضفادع بسبب كثرتها
في جوبا ، لدرجة اننا ننوم علي انغامها ،مثل ما ننام علي انغام الجبخانة التي يطلقها
السكاري من المليشيات باليل كل يوم ! وبعد مانتقن تشريح الضفدع في كل اجهزتها الهضمية
والدموية والفسيولوجية يمشي يجيب لينا زهور ما انزل الله بها من سلطان ويقول اعملو ليها
Taxonomy اليهودي الحاقد الله لاشكره !قدانا وقدد شهادتنا بال D's !
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
تخريمة عن نظام التسلسل في سرد الزكريات
اقفز الي فترة الجامعة في الخرطوم،في ارض المعسكرات
لنحكي عن حفل مصطفي سيد احمد الاخير الذي لم يرجع بعده الي الغناء في السودان(الله يرحمه
بقدر مامنحنا من تماسك ومن مسكن روحي في زمن التمزق والتشرد والشتات )
ذهبنا الي ذلك الحفل ونحن متحركين من الداخليات في سوبا وماعندنا ولا حق المواصلات الي
قاعة الصداقة، المسرح الخارجي .كان الحفل بمناسبة المؤتمر الختامي لاتحاد الشباب السوداني
وهو منظمة حزبية جماهيرية ديمقراطية معروفة.وبالطبع كان الحضور كبيرا لدرجة متوقعة
لحفلات مصطفي سيد احمد وضجتها الكبيرة.حيث امتلا المسرح الخارجي عن آخره.ونحن المفلسين
وجدنا الديمقراطيين اصدقاءنا كثيرون وذلك الوقت كنا نعمل اي حاجة بدون قروش !
المهم تنوي تعمل او تمشي للحته العايزها !
رغم ان التزكرة كانت غالية (خمسين جنيه،ورقة حمراء كدة ) الا اننا دخلنا كلنا، وغنينا
وفرحنا كما ينبغي ورجعنا بحافلة طارق السعودية مع بقية الاحاسيس الجميلة نردد اغاني
مصطفي حتي باب الكمبس حيث الامن والنعيم المعتوه بعصايته داقس وما جايب خبر للدنيا!
نفس هذا الموقف تكرر يوم ذهبنا لحضور يوم المسرح العالمي بمباني المسرح القومي وكنا
نفس الشلة حضرنا نصو كداري ونصو ياعم، المهم وصلنا وتمينا الباقي حب لغاية ماجو ناس
امن الكمبس وقالو خلاص مواعيد النوم جات !
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
نرجو ان يراسلنا البعض عن رمضان بجامعة جوبا
سواء في الخرطوم او بجوبا، داخل الجامعة وخارجها بالملكية وجوبا واحياء الجلابة
يا سلام علي فطور الجلابة ورحلات الجلابة وقعدات الجلابة الخلو الشمال نهائيا واتخذو جوبا
موطنا دائما لولا الفتنة والسياسة !
مصطلح الجلابة هنا في البورد ليس علاقة باولئك البشر الطيبون في جوبا، ولكن لهم مواقف
اخري في السياسة تشبه سلوكهم كتجار ! وهذا ما اثار حفيظة انشراح محمد احمد نقول لها
رمضان كريم وانت في احدي المنافي نرجو ان تكوني متابعانا!
وارشح التجاني لسرد كل الناس اتنين اتنين في رمضان!
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: محمد حلا)
|
ونحن مشتاقين اكتر
رمضان بذكرنا بايام جميلة ما عاد الزمن يجود بها
Quote: عبداللطيف حسن على (تيفة) !! رمضان كريم اي جزءا من رمضانات جوبا تريد ؟
هذه الجية مستعجلة لمباركة رمضان لأنني فتشت البوست دا ما لقيتو بارك الله فيك جبتو تاني .. وسنعود اليك |
بالنسبة لي منو؟
كان بالنسبة لينا الاتنين احسن تحكي لينا عن رمضان الكدرو!
نرجو عودتك ، وعد رمضان بيمسكو من دينه وليس من دقنه(ضياع مصداقية الدقن)
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Zein Hasan Mahgoub)
|
السيد عبد اللطيف سلامات يا ناس يا روائع انا احمد سردوب خريج جوبا كلية الطب عام 2001 رئيس رابطة كلية الطب الاعوام 99 و 2000 الجبهة الديمقراطية اذكر اصدقائي بالجبهة الديمقراطية وبالجامعة ماو وابراهيم قرمبوز والهام زكريا عليها الرحمة وهاجر زروق دبورة و مجتبي عرمان واسيا و محمد خليل وهشام الروسي وجيهان وعابدين وجون توماس والمرحوم احمد هاشم وايناس عبد القادر واخرين سارجع لهم لاحقا ومن اصدقائي بالجبهة الوطنية الافريقية ANF اجاك مكور دينق ضيل وقد كان نائب رئيس رابطة طب وبيتر توماس سكرتير الرابطة واذكر رمضان محمد عبد الله وادوت ودوريس ومن اصدقائي الجنوبيين فابيانو ماثيو اوطو وملوال مثيانق وغيرهم كثير مرة اخري نتواصل
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: احمد سردوب)
|
الرفيق احمد سردوب
بحضوركم هنا-ناس الالفية التالته- يكون البوست قد حقق هدفه
وهو تواصل الاجيال في جامعة جوبا-جامعة الانتماء والتميز العلمي.
وندعو كافة الوان الطيف السياسي والاجتماعي والاثني والثقافي
الي المشاركة الفاعلة هنا لتعكس التعدد الواقعي بجامعة جوبا
وهي نموذج مصغر لواقع التعدد في بلدنا.
والجدل بين المتعدد المحترم للاخر اغناء للتجربة واثراء للتواصل
العقلاني والاجتماعي.نريد ان يعكس البوست ما حصل وما هو حاصل
بالفعل في مجتمع الجامعة وفقا لاسس الاتفاق والاختلاف السلمية الحضارية
التي دعت وتدعو اليها الجبهة الديمقراطية- احد مكونات الطيف الطلابي
الموضوعي.
نترقب مشاركتك بشغف عال لمعرفة تاريخنا القريب السابق
ولمعرفة تجربتك وتجربة زملائك في رابطة الطب كاملة بضبانتها
النجاحات والاخفاقات والعوائق - اكيد في طلاب بالدراسة الان يتابعون
البوست،وهذا هو التواصل الذي نسعي اليه.
دمت
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عام خطير بكل بالمقاييس
كان العام النقلة في تاريخ جامعة جوبا
اليس هو العام الذي شهد ذروة العمل السياسي والقافي والاجتماعي ؟
اليس هو عام عودة الاتحاد ليفوز به التحالف الوطني بجملة مقاعده ال35 ؟
اليس عام ذروة نشاط الروابط الاجتماعية وروابط الكليات ؟
اليس هو العام الذي شهد الرقم القياسي في اركان النقاش والندوات السياسية
والثقافية..
وظهور تنظيمات لاول مرة ؟
الم يشهد كثافة في الرحلات الطلابية ؟
الم يشهد استقرارا في الدراسة والامن ؟
الم يكن كل ذلك وليد عودة الديمقراطية الي الحياة السودانية ؟
وأهم من ذلك كله كان عاما للحب علي نطاق واسع،شهد ميلاد ثنائيات عديدة وموت اخري
وفك تسجيلات بعضها !
وكان العام الذي عرفت فيه اول علاقة عاطفية حقيقية في حياتي !
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الزملاء والأحبة ..
تحياتى والتهانى بشهر رمضان الكريم لكم وعبركم لأسركم الكريمة
الأخ عبد اللطيف تحية خاصة.. وللأمورة أسيل..
عبر الجوال دعــوة إفطار رمضانى السبت 13 رمضان بمنتزه الرياض من الحبيب عادل شريف لجميع أبناء
أبناء جامعة جوبا ، أحييه عبرك ونرجو أن نكون معكم حصـــورا وجدانيا ,,
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: طه كروم)
|
Quote: عبر الجوال دعــوة إفطار رمضانى السبت 13 رمضان بمنتزه الرياض من الحبيب عادل شريف لجميع أبناء
أبناء جامعة جوبا ، أحييه عبرك ونرجو أن نكون معكم حصـــورا وجدانيا ,, |
شكرا طه كروم وعادل شريف
اهو فرصة اخري من عادل شريف
نرجو استثمارها ورمضان كريم
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: دعوه عامة
يسر الحركة الشعبية لتحرير السودان بمنطقة واشنطون الكبرى أن تدعوكم لمشاركتها الرحلة الترفيهية المقامة لوداع عضو الحركة الشعبية و نائب رئيس لجنتها التنفيذية بمنطقة واشنطون الكبرى السيد أنور الحاج وذلك بمناسبة سفره للسودان لتسلم مقاليد منصبه الجديد .
تجدر الأشارة الى أن السيد أنور الحاج قد تم ترشيحه بواسطة الحركة الشعبية لتحرير السودان و تعينه ليشغل حقيبة الوزير بوزارة الحكم المحلى و الخدمة المدنية بولاية الجزيرة .
نتمنى أن تشاركوننا هذه المناسبة و نحن نودع السيد أنور الحاج و نودعه أمانينا الصادقة و ندعو له بالنجاح و التوفيق فى خدمة مواطنى ولايته الجزيرة و كافة مواطنى السودان عامة .
المكان:
Lee District Park - Picnic Area 1
6601Telegraph Road
Franconia, VA 22310
الزمان:
الأحد الموافق 27 يوليو 2008
من الساعة الواحدة و حتى السابعة مساءآ
اللجنة التنفيذية للحركة الشعبية
منطقة واشنطون الكبرى
الولايات المتحدة الأمريكية
|
معرفتنا بالخبر متأخرة لكن الخبر هو المهم!
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
فقط للمتابعة
اوردت الخبر صحيفة اخبار اليوم
Quote: أحداث عاصفة بجامعة جوبا إثر اعتقال حكومة الجنوب لطالبين مصدر مسؤول يدعو كير ومشار للتعامل بحكمة مع الموقف لإعادة الاستقرار بالجامعة جوبا ـ خاص لـ (أخبار اليوم) تفيد متابعات (أخبار اليوم) في وقت متأخر من مساء أمس أن الأحداث والتظاهرات بجامعة جوبا مازالت مستمرة إثر اعتقال حكومة الجنوب لطالبين بالجامعة. وأفادت متابعات (أخبار اليوم) أن الأحداث بدأت إثر ندوة أقامتها الجبهة الديمقراطية جناح عبد الرحمن سولي داخل جامعة جوبا حيث شن المتحدثون هجوما عنيفا على الحركة الشعبية وحكومة الجنوب مع تركيز على الفساد وعدم وجود حريات والفساد المالي الذي قالوا إنه محمي من قمة السلطة بحكومة الجنوب وركزوا هجوهم على باقان اموم ووصفوه برأس الفساد، وكان من ضمن المتحدثين أحد خريجي الجامعة ويعمل ضابط شرطة بجوبا وهو من أولاد (البرون) وآخر من أبناء دينكا آبيي .. واقتحمت قوة مسلحة الجامعة واعتقلت الشخصين المشار إليهما بصورة عنيفة مما أثار غضب الطلاب وخاصة أبناء النوير ومجموعات من أبناء الدينكا وانقسم الطلاب ما بين معارض ومؤيد لهذه الاجراءات واندلعت مظاهرات عارمة داخل الجامعة وحدث شبه احتلال لها وتهديدات بحرق الجامعة ما لم يتم إطلاق سراح المعتقلين الاثنين. وطالب مصدر مسؤول الفريق سلفاكير بوصفه رئيسا لحكومة الجنوب ونائبه د. رياك مشار بالتعامل بحكمة مع هذا الموقف لعودة الاستقرار للجامعة. |
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
اقيم افطار لمة جوبا يوم 13 رمضان واليوم 15 رمضان
كنا موعودين من الاخ والي الدين الفكي بارسال صورة الافطار
التي جمعت عدد كبير من الخريجين القدامي والجدد
وكانت ليلة تواصلية بديعة
وتم الاتفاق علي افطار اخر من الخريجين الجدد عام 2000 ومابعده
يوم 20 رمضان والعذر ان تأخر الاعلان
سيكون الافطار بحديقة عبود ببحري وسيكون لمة اكبر
الشكر لعادل شريف والزملاء الذين ساهموا في التحضير
والزملاء الذين لبوا دعوة الافطار
سوف نذكر اسماء الخريجين علي دفعات مع الصور..
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Waly Eldin Elfakey)
|
أهلا امال سليمان من جديد وعودا جميلا
سعيدين بانك عدتي للكتابة عن الايام الجميلة بخاصة رمضان
اعاده الله علينا وعليكم وكلكم بخير
اعجبني في رسالتك صديقتك التي كشحت فيك الموية لتصحي للمذاكرة
كنا كذلك نوقظ بعضنا في الزمن الذي يحدده الزميل النائم كي يذاكر
روح زمالية عالية وحرص اخوي جميل..
Quote: اتمنى ان تصلك هذه الرسالة ونشرها فى البوست
-------------------------------------------------------------------------------- From: [email protected] To: [email protected] Subject: رمضانيلت جوبا Date: Wed, 3 Sep 2008 06:46:53 +0000
بسم الله الرحمن الرحيم
الاخ/ عبداللطيف
رمضان كريم وتصوموا وتفطروا على خير
لذكريات رمضان فى جامعة جوبا مذاق خاص لا يعرفها الا من تذوق حلاوتها
وسأسرد لك بعضا مما تحفظه الذاكرة عن رمضان فى جامعة جوبا
الزمان : االسنة الاولى بجامعة جوبا - الدفعة 90
المكان : داخلية الطالبات بالعمارات شارع 5
اذكر اننا وفى ذلك العام وبما اننا بدأنا الدراسة متأخرين عن باقى الدفعات فقد تصادف ان تعقد امتحاناتنا فى رمضان ويالها من ايام لا تنسى - وقد كان الجو حارا فى تلك الايام - ناهيك عن زمهرير امتحانات جامعة جوبا التى كانت رعبا لطلاب زغب الحواصل لم يخبروا بعد وعورة ومسالك الاجواء الاكاديمية بالجامعة , فكنا نمضى النهار فى المذاكرة ولكن سخونة الجو وخواء البطن لا يمكنان من الاستيعاب والفهم فبالتالى نلجأ للنوم فى الفترة النهارية وفى المساء نستعيد بعضا من نشاطنا ونبدأ فى المذاكرة من جديد الى حين موعد الافطار - وبما ان سياسة السكن والاعاشة كانت قد بدأت فى ذات العام الذى دخلنا فيه الجامعة الا اننى اشهد الله ان طلاب الدفعة 90 بجامعة جوبا لم يشملهم ذلك القرار مثل رصفائهم فى الجامعات الاخرى وبالتالى فقد تمتعنا بكل امتيازات السناير ويقينى انها من التميز الذى ارادته جوبا لطلابها حفاظا على شعارها الذى تبنته منذ قيام الجامعة وهو شرف لا يدانيه شرف . فلم يقصر معنا جميع العاملين فى فى توفير احتياجاتنا الرمضانية ولم نشعر بالغربة والصيام لاول مرة بعيدا عن المنزل فكانوا لنا نعم الاباء والامهات والاخوان وكانو يشفقون علينا من الامتحانات التى تعقد فى هذا الوقت وبالتالى فقد كنا محط اهتمامهم ورعايتهم واحيى عبركم العاملين بالبوفيه رجالا ونساء ( العم محجوب الحلفاوى الساخر - وابناء تقلى عبدالباقى وعمر ..........الخ (
ومن الاشياء التى اذكرها فى ذاك العام ان زوجة مدير الجامعة فى ذلك الوقت وزوجة السكرتير الاكاديمى قد شرفتا الداخلية احد الايام الرمضانية فى اطار سياسة الجامعة لتقوية الروابط الاجتماعية لطلابها وقد كانت لفتة بارعة منهم فلهم التحية اينما كانوا.
من الاشياء الطريفة ان بعضا من الزميلات كن ياخذن وقتا طويلا فى النوم بعد الافطار وقد تكون منهن ممن ستجلس لامتحان مادة فى الصباح وحقيقى كم كانت العلاقة الاخوية بين الزميلات رائعة فتجدهم يوقظن بعضهن البعض حتى ينهضن للمذاكرة استعداد لامتحان ا- وفى هذا الخصوص اذكر ما حدث لى مع الزميلة احلام الزاكى- غابات - فقد كنت نائمة لفترة طويلة ويبدو اننى تثاقلت عليها فى الاستيقاظ , غير انها لم تتركنى وشأنى لعلمها بانى ساجلس لماده فى الصبح فما كان عليها الا ان احضرت ماء وغسلت به وجهى حتى استيقظت وبدا كل من فى الغرفة بالضحك على هذا المشهد - فشكرا لها على هذا الحرص والاهتمام الاخوى والذى لولاها لما تمكنت من كتابة حرفا فى ذاك الامتحان .
واستمرت تلك الايام الى ان انهينا امتحاننا فى ذاك الرمضان
امال نورين
|
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Waly Eldin Elfakey)
|
الاخ والي الدين
حاولت التعريف بالصور عن طريق عملية ال resize لكن الصور الناتجه
صغيرة وغير واضحةوعند تكبيرها تفقد خصائصها الواضحة
الزول الانت قاصدو في الصورة ده صديقنا التجاني يعمل باريتريا وورد ذكره
وراسلنا بالايميل مرتين له التحية في رمضان..ونرجو عودته للبوست..
بالنسبة للخريجين الجدد احتاج اسمائهم بالترتيب كما في الصورة التي
يظهروا عليها..
البعض في صورة قدامي الخريجين لم اعرف اسمائهم ايضا ويجب الانتظار
حتي افطار العشرون من رمضان
وهنا بعض الصور التي استطعت معالجتها رغم صغرها
هذه الصورة للزميل رحمة خريج Fisheries واقدم فنان بالجامعة
له كثير من الطرائف كان قد حكاها في لقاء ذكريات جانبي
سناتي للطرائف لاحقا!
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الاخ اسامة من المانيا يراسلنا بالايميل
لاول مرة
Quote: تحياتى لكل خريجى جامعه جوبا درست عام واحد بجامعه جوبا91/92 ود قضيت ايام لازالت زكراها فى نفسى وكانت تربطنى علاقات جميله مع الكل ومن هم
هنادى ابراهيم...رفاعه
توسل محمد ...رفاعه مصطفى عبدالقادر...امدرمان بهاالدين الوالى...سنار سامى ابابا......القضارف اولاد شندى....عمار..حسن..حسين حسين هيبان..القضارف منى سالمه..اقتصاد مشاعر محمد..مدنى تيسير..الحاج يوسف د.عصام...الفاو
اخوك اسامه عبدالله /المانيا/وكان لقبى بين الاصدقاء جون ميجر
|
لك التحية بالمانيا ورمضان كريم ونتمني ان يري الاصدقاء رسالتك
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
مصطفي جيتار (مصطفي جوبا)
من اقدم الاصدقاء لطلاب جامعة جوبا،عازف جيتار ماهر
من المؤسسين لفرقة ملوك النيل التي تسعي لتعريف السودانيين والعالم
بتعدد الايقاعات الموسيقية السودانية وتنوعها،والكل شاهد ابداعات هذه الفرقة علي شاشة
التلفزيون والمسارح المختلفة.لانشكره علي التواجد لانه منا وله حضوره المميز في مناسبات
جامعة جوبا المختلفة.
نعتذر عن عدم وضوح الصورة،نرجو تصحيح ذلك لاحقا.
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
العيد علي الأبواب كل سنة و الجميع بخير و ربنا يحقق كل الآمنيات . كدي احكوا لينا عن زكرياتكم في العيد بجوبا : من الصلاة في ميدان الحرية (في حي نمرة 3) بالقرب من سوق كونجوكونجو أو في جامع الجيش و الفطور عن الجلابة أو في الميزات.
سلام يا ولي الدين اخبارك و الأسرة , شايف صور جني ماما(محمد عبد السلام) مالية البوست قول ليهو هيع الضكر.
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الاخ ياسر هارون ابوالقاسم
شفت اسمك بره
فتشت سما ارض عن مداخلتك ما لقيتها
واخيرا عرفت انك عايز ترد علي زميلتنا النشطة امال نورين
وكتبت :
Quote: الاخ عبد اللطيف تحياتى
هذة مداخلة من صديقى مجتبى سعيد عرمان اخى عبد اللطيف ازيك واللة اثرت فى شجونا كنت اكتمها واذكر مدارس الفلاح وكلية التربية .ونحن دفعة( 96 )وحتى الانتهاء من الماجستير فاالبداية كانت با الاتقاء باناس من كل انحاء السودان واختلاف الالسن والاالوان, ويا لها من نعمة من رب كريم, وللحديث بقية وسوف اقوم بكتابة مقال مطول عن الجوانب الاكاديمية والثقافية والسياسية والاجتماعية وتحديدا كان لنا شرف المشاركة فى محاولة ارجاع الاتحاد فى 99 على ما اظن . التقيل جاى وراة. Stay well
|
نشكرك ياسر ونشكر عرمان
وننتظر مشاركته بلهفة لان الكلام عن عودة الاتحاد بعد 12 عاما من التجميد شئ مخيف جدا
ونحن انقطعنا عن متابعة الاحداث،ياخي البركة فيك تواصل ما انقطع
والاخ عباس (جوبا ) وعد بالكتابة عن طريق الايميل لكنه لم يكتب
نتمني ان يكون المانع خير
في انتظارك
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Zein Hasan Mahgoub)
|
Quote: حمدا لله علي السلامة |
والف سلامة لبوست جامعة جوبا ونتمني ان يكون التهكير الاخير
من الصعب حماية اي موقع بنسبة 100% ولكن سرعة ال Backup بواسطة بكري
ستجعل عملية التهكير مملة بالنسبة للهاكر وغير مجدية اضافة الي سد
الثغرة التي ينفذ منها الهاكر..
سلامات يالزين وكل خريجي جامعة جوبا وطلابها وجميع البورداب
وتحية خاصة لبكري ،تضامننا معه في مصيبته ومصيبتنا.
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: سلام يا ناس جامعة جوبا
رفيق دربي وصديقي الراحل/ الأخ حمزة سليمان صابر.. تخرج في 1988م في كلية العلوم والموارد الطبيعية.. كان ينقل لنا في شخصه كل ما يدور في جوبا.. من أحاديثه كثيرا أحث بأنني جزء من جامعة جوبا.. وجزء من جوبـــا.. ترحموا على روح هذا الفقيد الطيب..
تحياتي...
عبدالعزيز |
لاحول ولا قوة الا بالله
حمزة سليمان صابر الرجل الطيب ،الله يرحمه ويغفر اليه
البركة فيكم يا عبدالعزيز ،لم اري مداخلتك لانك وضعتها اعلي البوست
فقد اليم والله لهذا الرجل الطيب الصابر ابدله الله دارا افضل من داره
وصبر اهله في مصابهم
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: Quote: سلام يا ناس جامعة جوبا
رفيق دربي وصديقي الراحل/ الأخ حمزة سليمان صابر.. تخرج في 1988م في كلية العلوم والموارد الطبيعية.. كان ينقل لنا في شخصه كل ما يدور في جوبا.. من أحاديثه كثيرا أحث بأنني جزء من جامعة جوبا.. وجزء من جوبـــا.. ترحموا على روح هذا الفقيد الطيب..
تحياتي...
عبدالعزيز
لاحول ولا قوة الا بالله
حمزة سليمان صابر الرجل الطيب ،الله يرحمه ويغفر اليه
البركة فيكم يا عبدالعزيز ،لم اري مداخلتك لانك وضعتها اعلي البوست
فقد اليم والله لهذا الرجل الطيب الصابر ابدله الله دارا افضل من داره
وصبر اهله في مصابهم |
الأخ عبداللطيف
سلام
انا لله وانا اليه راجعون
حمزة سليمان كان رجلا طيبا.. لا تسعني الكلمات بالحديث عنه.. كان فقدا عظيما ومصابا جللا..
فالعزاء لكم جميعا طلاب جامعة جوبا فكنتم نعم الأهل له بينكم..
انا لله وانا اليه راجعون
تحياتي
عبدالعزيز
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الاخ ياي جوزيف
Quote: هذه المنظومة الحقيرة (ليسا)، هي الجرثومة التي لوثت كل شيء وبداية للنهاية وحدة الحركة الطلابية الشريفة بجامعة جوبا!!!!!!!!!!!!!!!!
المهم نرحب بدفعات وخريجي جامعة (الانتماء والتميز) ولنا حكاوي تقيلة ليقدام؟! وسلام بتاكم |
اتفق معك في ان تنظيم ليسا LSSA تنظيم مشوه وبعيد عن قضايا الواقع والطلاب ،وكان شاذا في مواقفه في ايامنا ؟
| |
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الاخ متوكل الاحمر ارجو ان ترسل رسالة الي بكري لطلب عضوية بالمنبر
وساقوم مع الاخرين بفتح بوست بهذا الخصوص ، لانك مهم جدا بالنسبة لاستمرارية ومتابعة البوست
اضافة لمشاركاتك الاخري في المنبر وانت قلم مميز جدا.
احطني علما بارسالك الرسالة الي بكري ،كي افتح البوست للتثنية
ولك الشكر الكثير.
| |
|
|
|
|
|
|
|