|
|
 Re: ملوخية ..خضراء كلوروفيلية ...Malokhiyaonlive .love (Re: عادل فضل المولى)
|
ود الهبيل
قيل إن الخبر انتشر بسرعة وسط الناس ..وصار جزءً من نقاش العامة ...صالح (تبلدينا) خريج كلية الزراعة دخل في نقاش حار مع ود الجيران الخريج والعاطل.. حول الموضوع ...تبلدينا كان منحازاً بشكل (كلي) للملوخية ويشير الى انها من النباتات المستوطنة في السودان وتستحق الرعاية والعناية من جهات الاختصاص ..وزارة الزراعة مثلاً أو وزارة الرعاية الاجتماعية لأنها يمكن أن تعود بمنافع متعددة عبر مشروعات لتوظيف الخريجين ..ويعتقد إن اكمال المهمة يكمن في انشاء مصانع موازية تعمل في مجال المنتجات الزراعية مثل تجربة تجفيف البصل في كسلا وتعبئة التمور في كريمة وهكذا .. حتى تعود الفائدة على الجميع .. صاحبنا الخريج والعاطل عن العمل منذ كم سنة اصابته نوبة من النرفزة بعد حديث تبلدينا وقال بلهجة تهديدية :
-اسمع يا صالح ما تقول لي انو البلد دي ممكن تمشي لي قدام لو اهتموا بالزراعة ..الكلام دا انت بتقولو لأنك خريج زراعة ..لكن الانت ما عارفو انو البلد فيها ناس عقولهم حجرية ..يعني في حجر ممكن تقوم فوقو زراعة ..؟ ياخي بالله سيبك من الكلام دا ..وحكاية الملوخية دا ما تركب في رأس أي زول ...عليك الله هسا انت قاعد تأكلها في الاسبوع كم مرة ..؟
-يعني زي مرتين ..لكن دا ما المهم ..المهم انو يكون عندك القابلية للاقتناع بأنو للملوخية فوائد متعددة ..يعني فهم السؤال نصف الاجابة ..والاستعداد لتقبل مرارة الدواء نصف العلاج ..يعني البلد دي كلها بتأكل في الملوخية من زمان والموضوع فايت عليها وجدودنا ما كانوا عارفين من أين تأتيهم الهمة والنشاط ..ناس يقولو ليك الدخن وناس يقولو البلح وهي المسكينة- الخدرة- مافي زول مهببا ..
-سيبك من اللف والدوران أنا عايز أقول ليك أنو في حاجتين أن بكرهن موت لانهن (هُبل) .. الملوخية والعوير ...تعرف ديل عندهن استعداد يقومن في أي مكان عليك الله هسي التفاح دا لو ما عندو قيمة ما كان يقوم في السودان ..؟
-انت ما شفتو في جبل مرة ...؟
-لا بالله.. تقصد الحميض الصغار داك اسمو تفاح ..؟ انت ما شايف الأحمر الـفي السوق ولىّ الأصفر ..دي نباتات عندها قيمة وفايدة ..قال ملوخية قال ..وبعدين ياخي لو فيها فايدة ليه تلقاها هي الوحيدة البايرة في السوق ..تعال آخر اليوم شوف الكميات البتمشي برميل الوساخة قدر شنو..؟ طيب ما كان يعملوا ليها مصانع بدل ما يشتتوها كدا....؟
لما أحس تبلدينا بأن النقاش لا يستند على حقائق علمية مع جارهم آثر تغيير الموضوع ...
...........
اشارات متقاطعة
هميمة المحامية اللبقة والظريفة والمحبوبة من جيرانها في الحلة وقفت كثيراً عند بوست الملوخية ولم تقتنع بالموضوع لكنها من باب الشمار الناعم قامت بالتحدث مع جارتها سناء في الحلة ونقلت الكلام المكتوب بي ضبانته في النت.. سناء انفعلت مع الموضوع وأعادت تدويره أكثر من مرة وهي تسترسل في الأسئلة من جهة وتعيد حفز الذاكرة من جهة أخرى ..ومن بين عمليات القدح المتوالية للذاكرة نطّ موقف ما جدير بالتوثيق..
هميمة قالت ليها:
- عليك الله انت يا سناء ابوكم دا يوم واحد فتح ليك سيرة موضوع زي دا ..؟
-ابداً ما حصل كلو كلو وهو ذاتو ما بحب الملوخية لأنو وقت كان عزابي قال لي مرة مشيت مطعم شعبي في السوق العربي وطلبتها لكن بعد ما دخلت يدي نفسي انقفلت منها .. تصوري أظن عملوها بي طينها وهو زي قرش ليهو حصاية صغيرة ..أها قال بطلها من اليوم داك ومما اتزوجنا اظنو جابها مرتين ولا تلاتة ...
- يعني اصلو ما في زول جاب سيرة لي موضوع زي دا
- خالص ..وكمان الراجل بحب عسل النحل ويوم الخميس بيجي طابي ليهو فرخة كدا زي كيلو ونص بنعملها في العشاء و...و... لكن يا هميمة انا ما تذكرت موقف ..لا حول ولا قوة الا بالله ...يوم شايفة ليك تيس ناس علاء تمبس (الفي السعودية) بتعرفيهو..؟ أكل باقي الخدرة وعيدانها الرمتن تراجي ..أشوف التيس بعد ما كمل الخدرة قام يهاجم في الغنم بتاعات الحلة ..كان سمعتي صوتو بتقولي زي الضربوه بي حاجة ..هو يلبلب والغنم جاريات ..وقفو ليك الحلة على فد رجل ..
- لا جنس دا ما سمعنا بيهو ...
-هي كدي الرسول خشي لي جوة
-مستعجلة شوية ولو ما عندك مانع عندي مشوار بعدين العصر كدا لي سعد قشرة تمشي معاي ..؟
-خلاص لو الزول دا جاء بدري ما بقدر اطلع لأنو بكون جاي تعبان وعايز ياخد ليهو نومة ويتغدى قريب المغرب ..غايتو انتي تعالي غاشياني ونشوف البيحصل شنو..؟
-سمح مع السلامة..!
وعند الساعة السادسة مرت هميمة بجوار البيت ووجدت طفل سناء ذي الاربع أعوام واقفاً بالقرب من الباب ...
-يا حلو ماما في ..؟
- نعم يا خالتو ..
-أها وبابا جاء ولىّ لسه
-بابا جا قبيل وامي قامت رسلتو السوق ,,؟
-لي شنو ..عندك فكرة..؟
-انا ما عارف لكن جا شايل معاه ملوخية كتييييييييييرة ..؟
فغرت هميمة فاها من الدهشة وحاولت استثمار صراحة الولد لاستخلاص آخر المواقف
-أها قلت لي ..ماما بتعمل في شنو ..هسي؟
-ماما بتكسر في الحطب ..
-وبابا ..؟
-بابا ...بابا ...بابا ...بابا ...بابا ...بابا...؟
-أي بابا ..مالو..؟
-بابا بياكل في الخدرة ..!
-هي ما تكذب ..؟
-انا ما بكذب ..ممكن تشوفيهو من هنا ...أهو داك..!
وفعلاً رأت هميمة بأم عينها أن الرجل (يمضغ) في الملوخية...
قالت في نفسها :
-مسكينة سناء حولتو لي (تيس) بالسرعة دي..ما كان تصبر لحدي ما تطبخها ليهو..عجب يا حريم...........!
كتمت ضحكتها حتى لا يفتضح أمر الرجل امام ابنه ..وألغت المشوار
----------
نواصل
|
|
 
|
|
|
|
|
| العنوان |
الكاتب |
Date |
| ملوخية ..خضراء كلوروفيلية ...Malokhiyaonlive .love | عادل فضل المولى | 08-22-05, 09:34 AM |
| Re: ملوخية ..خضراء كلوروفيلية ...Malokhiyaonlive .love | bushra suleiman | 08-22-05, 09:48 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 08-22-05, 10:05 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 08-22-05, 01:44 PM |
| Re: ملوخية ..خضراء كلوروفيلية ...Malokhiyaonlive .love | Abdulla Ageed | 08-22-05, 02:35 PM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 08-23-05, 05:35 AM |
| Re: ملوخية ..خضراء كلوروفيلية ...Malokhiyaonlive .love | bushra suleiman | 08-23-05, 06:58 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 08-24-05, 07:35 AM |
| Re: ملوخية ..خضراء كلوروفيلية ...Malokhiyaonlive .love | Abdulla Ageed | 08-24-05, 11:16 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 08-25-05, 04:53 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 08-25-05, 08:30 AM |
| Re: ملوخية ..خضراء كلوروفيلية ...Malokhiyaonlive .love | Abdulla Ageed | 08-27-05, 09:38 AM |
| Re: ملوخية ..خضراء كلوروفيلية ...Malokhiyaonlive .love | أحمد طه | 08-27-05, 06:00 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 08-28-05, 04:48 AM |
| Re: ملوخية ..خضراء كلوروفيلية ...Malokhiyaonlive .love | Abdulla Ageed | 08-28-05, 11:50 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 08-29-05, 09:43 AM |
| Re: ملوخية ..خضراء كلوروفيلية ...Malokhiyaonlive .love | ناذر محمد الخليفة | 08-27-05, 08:04 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 08-27-05, 11:41 AM |
| Re: ملوخية ..خضراء كلوروفيلية ...Malokhiyaonlive .love | bushra suleiman | 08-29-05, 03:39 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 08-29-05, 06:22 AM |
| Re: ملوخية ..خضراء كلوروفيلية ...Malokhiyaonlive .love | bushra suleiman | 08-30-05, 04:05 AM |
| Re: ملوخية ..خضراء كلوروفيلية ...Malokhiyaonlive .love | Ali Alhalawi | 08-30-05, 06:13 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 09-03-05, 01:20 PM |
| Re: ملوخية ..خضراء كلوروفيلية ...Malokhiyaonlive .love | Abdulla Ageed | 08-30-05, 08:33 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 08-31-05, 04:55 AM |
| Re: ملوخية ..خضراء كلوروفيلية ...Malokhiyaonlive .love | Abdulla Ageed | 09-04-05, 06:21 AM |
| Re: ملوخية ..خضراء كلوروفيلية ...Malokhiyaonlive .love | هشام مدنى | 09-07-05, 01:16 PM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 09-08-05, 09:21 AM |
| Re: ملوخية ..خضراء كلوروفيلية ...Malokhiyaonlive .love | ناذر محمد الخليفة | 09-07-05, 03:15 PM |
| Re: ملوخية ..خضراء كلوروفيلية ...Malokhiyaonlive .love | ناذر محمد الخليفة | 09-09-05, 10:00 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 09-11-05, 07:15 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 09-18-05, 12:22 PM |
| Re: ملوخية ..خضراء كلوروفيلية ...Malokhiyaonlive .love | ناذر محمد الخليفة | 09-18-05, 12:25 PM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 11-17-05, 05:41 AM |
| Re: ملوخية ..خضراء كلوروفيلية ...Malokhiyaonlive .love | ناصر محمد خليل | 11-17-05, 07:02 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 11-17-05, 07:32 AM |
| Re: ملوخية ..خضراء كلوروفيلية ...Malokhiyaonlive .love | هميمة | 11-17-05, 07:04 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 11-19-05, 06:39 AM |
| Re: ملوخية ..خضراء كلوروفيلية ...Malokhiyaonlive .love | فيصل نوبي | 11-17-05, 08:06 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 11-19-05, 03:00 AM |
| Re: ملوخية ..خضراء كلوروفيلية ...Malokhiyaonlive .love | عبد الله عقيد | 11-17-05, 08:15 AM |
| Re: ملوخية ..خضراء كلوروفيلية ...Malokhiyaonlive .love | ناذر محمد الخليفة | 11-19-05, 03:11 PM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 11-20-05, 04:30 AM |
| Re: ملوخية ..خضراء كلوروفيلية ...Malokhiyaonlive .love | فيصل نوبي | 11-20-05, 04:48 AM |
| Re: ملوخية ..خضراء كلوروفيلية ...Malokhiyaonlive .love | عادل فضل المولى | 11-20-05, 11:06 AM |
|
| |
عادل فضل المولى
فيس بوك
تويتر
انستقرام
يوتيوب
بنتيريست