|
|
|
 Re: ***رمز المقشاشة *** (Re: ادم الهلباوى)
|
Quote: بسم الله الرحمن الرحيم
ده واحد مترشح فى الانتخابات الجابة دى ولا شنو ؟
يبدو انه صاحب برنامج ورؤى ومن الآن أضم صوتى ليه
( النظافة من الايمان ) .. مع فائق إحترامى .
|
ايوة رمز المقشاشة نازل فى الانتخابات الجاية دى ومحتاج لكل الاصوات
التى ترى ان النظافة من الايمان ..
ويبدو انك منهم .. ولك الشكر الجزيل على هذة الثقه ومن هسة انت واحد من
اعضاءالحمله الانتخابية بتاعتى
ولك كل التقدير والاحترام اخى ادم
| |
 
|
|
|
|
|
|
|
|
Re: ***رمز المقشاشة *** (Re: د.محمد حسن)
|
أكيد رمزالصينية ده يكون من الجماعة ( البطينيون ) .
الغذاء الجيد من اولويات مكافحة ( الأيدز ).
بدليل أن العقل السليم فى الجسم السليم .
حيرتونى والله .. المرشحين الأثنين طرحهم موضوعي وهادف
يا ناس دلوتى فى المفاضلة بينهم .. يا صاحبة البوست !!
| |
|
|
|
|
|
|
|
|
|
Re: ***رمز المقشاشة *** (Re: سمية الحسن طلحة)
|
رجعتينا لزمن (الكاروري رمز ضروري وأيام الحزب الواحد له عدة مرشح
وأختيارات للرموز حقيقي المكانس للنظافة ورمز أكيد نحتاجه بشًدة في
أنتظار البرامج الأنتخابي والي حينه نحتفظ بالتعليق!!!
| |
|
|
|
|
|
|
|
|
 Re: ***رمز المقشاشة *** (Re: مجدي عبدالرحيم فضل)
|
Quote: رجعتينا لزمن (الكاروري رمز ضروري وأيام الحزب الواحد له عدة مرشح
وأختيارات للرموز حقيقي المكانس للنظافة ورمز أكيد نحتاجه بشًدة في
أنتظار البرامج الأنتخابي والي حينه نحتفظ بالتعليق!!! |
وانا فى الحقيقة عايزة ارجعك الى زمن
نحنا نايد حزب السيد يسقط ضمو حزب الامة
خلاص بنتظر رجعتك وانشالله برانامجنا يحوز على رضاكم
تسلم يامجدى
| |
|
|
|
|
|
|
|
|
 Re: ***رمز المقشاشة *** (Re: ادم الهلباوى)
|
Quote: أكيد رمزالصينية ده يكون من الجماعة ( البطينيون ) .
الغذاء الجيد من اولويات مكافحة ( الأيدز ).
بدليل أن العقل السليم فى الجسم السليم .
حيرتونى والله .. المرشحين الأثنين طرحهم موضوعي وهادف
يا ناس دلوتى فى المفاضلة بينهم .. يا صاحبة البوست !! |
طبعا ادلك ...اختار المقشاشة لانو المقشاشة هى الطريق الى الصينية وبدون
المقشاشة مافى لاصينيه ولا صحن ...
الله لا جاب الحيرة ...انت بس اتذكر انو الصينية بدون هايجين بتودى الاخرة
| |
|
|
|
|
|
|
|
|
|
Re: ***رمز المقشاشة *** (Re: د.محمد حسن)
|
Quote: من ضمن الحملة للبرنامج الانتخابي
توفير
1- مكانس
2- قفف
|
وبماانو مداخلتك والرد بتاعى جو متطابقات ده يعنى انك مؤمن بالبرنامج بتاعى
الانتخابى وشايفة انك لازم تكون من اعضاء الحمله الانتخابية بتاعتى ايه رايك ؟
كان موافق نزل السيرة الذاتية بتاعتك ....
تسلم يارب
| |
|
|
|
|
|
|
|
|
|
Re: ***رمز المقشاشة *** (Re: ماجدة عوض خوجلى)
|
Quote: كان موافق نزل السيرة الذاتية بتاعتك ....
] |
العمر : خمسين سنة ضوئية
البرج : الخروف
حكمة اؤمن بها : النضافة من الايمان
المهنة : اني كناس في السوق
الحزب : حزب البلدبة
| |
|
|
|
|
|
|
|
|
|
Re: ***رمز المقشاشة *** (Re: د.محمد حسن)
|
Quote: العمر : خمسين سنة ضوئية
البرج : الخروف
حكمة اؤمن بها : النضافة من الايمان
المهنة : اني كناس في السوق
الحزب : حزب البلدبة |
اها انت بالخمسين سنه الضوئية دى نعمل معاك شنو ؟
وبعدين كيف طيب مع برج الغنماية ؟!!
ياتو سوق فى الاسواق حدد العربى ولا الا فرنجى ....
| |
|
|
|
|
|
|
|
|
|
Re: ***رمز المقشاشة *** (Re: محمد عثمان محمد طه)
|
Quote: سلام شقيقتي
تكنسي شنو تخلي شنو
الله يعينك
تحياتي
|
وين انت محمد عثمان اخبارك ؟ طولت ماظاهر ....
انشالله كل حاجه ماشية ذى ماانت عايز ؟
نكنس البتقدر عليه كلو وايد على ايد بنقدر
نكنس كتير ولا شنو رايك اها بتدينا صوتك ؟؟
| |
|
|
|
|
|
|
|
|
|
Re: ***رمز المقشاشة *** (Re: ماجدة عوض خوجلى)
|
ماجدة
صباحك خير
و نؤيد ..... و نبايع ..... و صوتنا ليكم ، على شرط واحد بس
إنو بعد االنجاح تدونا مقشاشتكم
عشان نقش بيها الجنادب الجندبت القضارف اليومين ديل
| Quote: القصص التي يرويها الإخوة القادمون من القضارف، تؤكد أن الجنادب احتلت المكان، وان اللجان العاملة في التحضير لاحتفالات المدينة بعيد الحصاد القومي ..ستجد نفسها مشغولة بمكافحة الجنادب... وهي مهمة صعبة جدا، لان الجنادب تمددت وتعاملت مع الموضوع بـ «قوة عين».. |
و لا نأيد رمز الجندب !
| |
|
|
|
|
|
|
|
|
|
Re: ***رمز المقشاشة *** (Re: اسعد الريفى)
|
ما جدة ازيك
وحياتك قولي لهاشم ابعد مننا المائدة دى بتشحتف روحنا
لكن بيني وبينك زوجة هاشم راقية جدا في اعداد الطعام الله يحفظها
احييها من هنا واهديها مقشاشة عشان تقش هاشم من المنبر العام عشان يتفرغ لمهامه الدستورية .
| |
|
|
|
|
|
|
|
|
|
Re: ***رمز المقشاشة *** (Re: رأفت ميلاد)
|
ماجدة العزيزة
خليهو يقش ما يخلي اي حاجة دو لو في حاجة باقية
بس يخلي لينا باقي ذكرياتنا الجميلة نتوسدا ونحلم لحدي ما نفوت من الدنيا دي
الشي البعدنا كلو بقى داير الكنس
الايمان في النظافة
عشان تآمنوا
| |
|
|
|
|
|
|
|
|
|
Re: ***رمز المقشاشة *** (Re: جمال السنوسي)
|
Quote: ماجدة العزيزة
خليهو يقش ما يخلي اي حاجة دو لو في حاجة باقية
بس يخلي لينا باقي ذكرياتنا الجميلة نتوسدا ونحلم لحدي ما نفوت من الدنيا دي
الشي البعدنا كلو بقى داير الكنس
الايمان في النظافة
عشان تآمنوا |
امنا بالله ياجمال
لكن الحاصل ده .. الشيطان ماياامن بيه
عارف ياجمال ..الحسرة الماسكة الناس والقلوب مليانه بيها انحسار الحاجات الجميله
وانخفاض القيم ..وظهور حاجات قبيحة .. ماكانت موجودة الشغلانية جاطت شديد ..
انت بصحك ياجمال ؟ الذكريات دى بمرها وجمالا مابتتمسح .. ولابتتقشا .. بتصدق اكتشفت
انو اغلبية الناس المخليها تتماسك هى الذكريات .. من الناحية دى انت اطمئن خالص ..
جد النظافة من الايمان ....
تسلم انت يارب
| |
|
|
|
|
|
|
|
|
|
Re: ***رمز المقشاشة *** (Re: رأفت ميلاد)
|
Quote: ماجدة يختى بقيتى تتكلمى لغات ؟
نحن رمزنا الـ ما بنتنازل منو |
انا اتكلم لغات وانت تكتب لغات اذا متفقين احنا
انت برضو نجـار بتعمل دولاب وكـراسى
سلامات رافت كويس انت شايفه الشعار فى بيت الجيران
| |
|
|
|
|
|
|
|
|
|
Re: ***رمز المقشاشة *** (Re: الطيب شيقوق)
|
Quote: ما جدة ازيك
وحياتك قولي لهاشم ابعد مننا المائدة دى بتشحتف روحنا
لكن بيني وبينك زوجة هاشم راقية جدا في اعداد الطعام الله يحفظها
احييها من هنا واهديها مقشاشة عشان تقش هاشم من المنبر العام عشان يتفرغ لمهامه الدستورية |
الطيب اخبارك
الطيب حدد موقفك انت مع الصينية تتشال من قدامك ولا عايزا تكون فى وبعدين عليك الله هسه فى مهام
دستورية اكتر من الاكل .....
تسلم يارب
| |
|
|
|
|
|
|
|
|
|
Re: ***رمز المقشاشة *** (Re: اسعد الريفى)
|
Quote: ماجدة
صباحك خير
و نؤيد ..... و نبايع ..... و صوتنا ليكم ، على شرط واحد بس
إنو بعد االنجاح تدونا مقشاشتكم
عشان نقش بيها الجنادب الجندبت القضارف اليومين ديل
Quote: القصص التي يرويها الإخوة القادمون من القضارف، تؤكد أن الجنادب احتلت المكان، وان اللجان العاملة في التحضير لاحتفالات المدينة بعيد الحصاد القومي ..ستجد نفسها مشغولة بمكافحة الجنادب... وهي مهمة صعبة جدا، لان الجنادب تمددت وتعاملت مع الموضوع بـ «قوة عين»..
و لا نأيد رمز الجندب ! |
اسعد كيفك
ياسلام مش نديكم المقشاشات بس ... احنا زاتنا نجى نكنس معاكم برضو طالما المنافسة بعيدة ...
مننا احنا برضو بنؤيد .... ونبايع .... ونصوت بدون اى شروط
بس عليك الله اختار ليك شعار اخر غير الجندب ...
تسلم يارب من كل شر
| |
|
|
|
|
|
|
|
|
|
Re: ***رمز المقشاشة *** (Re: بكري الصايغ)
|
Quote: الاخـت الـحبيبـة الـحـبوبة،
مـاجـدة،
هل تصـدقـي انـو السـودان بسـتورد " الـمقاشـات " مـن الصيـن!!?. |
اخى الحبيب بكرى
عليك الله انت بتتكلم بصحك السودان بيستورد المقشات من الصين ؟؟
اها انا بعد الانتخابات بطلع قرار بمنع استيراد المقشات من الخارج
والاعتماد على انتجانا الخاص من المقاشيش والزعافات .... لكن انت
ماوريتنا هاتصوت لينا احنا ولا للجندب
| |
|
|
|
|
|
|
|
|
|
Re: ***رمز المقشاشة *** (Re: هند محمد)
|
ماجي !!!
سلام !!!
واحشاني موت ,,,
بالله رسلي لي واحدة من المقشاشات ديل بسرعة مغرودة فيها ,,,
مالو تلفونك !!! فيه أنسر مشين طوالي لعل الداعي خير ,,, ما تشوفو شر إنشاء الله .
| |
|
|
|
|
|
|
|
|
|
Re: ***رمز المقشاشة *** (Re: عواطف ادريس اسماعيل)
|
Quote: ماجي !!!
سلام !!!
واحشاني موت ,,,
بالله رسلي لي واحدة من المقشاشات ديل بسرعة مغرودة فيها ,,,
مالو تلفونك !!! فيه أنسر مشين طوالي لعل الداعي خير ,,, ما تشوفو شر إنشاء الله . |
عطوف ازيك مشتاااقين كتير
ارسل شنو مالك !! عايزة تنقصى لى العدد انا فى الاول ..اضمن صوتك وبعدين
اديك المقشاشة ...
تلفونى ضاع منى لكن هسه استلمت الكرت من الشركة والتلفون شغال اتصلى ...
| |
|
|
|
|
|
|
|
|
|
Re: ***رمز المقشاشة *** (Re: هند محمد)
|
Quote: معاك معاك ..
ماجدة الحنينة صباح كل شئ جميل ..
مشكورة على البوست الخفيف .. |
خلاص حبيبة انتى ...عليك تكتبى لينا اغنية تكون شعار الحمله
الانتخابية ......
كيفك هندوية ؟! انشالله بقيت تمام التمام والصحة عال ...
تسلمى يارب ومنتظرة الاغنية انا
| |
|
|
|
|
|
|
|
|
|
Re: ***رمز المقشاشة *** (Re: ماجدة عوض خوجلى)
|
الشقيقة الغالية
يعني اظنك مترشحة في الخرتوم
لانو لوكان في البلد كان قلتي رمز الحنقوق
بعدين انا زاتي عندي نية اترشح
بس داير منك خدمي
شوقلي بأي طريقة رمز الاحباط
ويكون لونه اصفر و مخترش وباهت
ويديك احساس بالطمام
من السياسة و من ناسا
وزي ما قال حبيبي و صديقي الحردلوا ملعنون ابوكي رموز
مقشاشة وحنقوق
| |
|
|
|
|
|
|
|
|
|
Re: ***رمز المقشاشة *** (Re: osman righeem)
|
أنا كنت عايزه انزل في انتخابات البلد ممثله لحزب الغلابه..
لكن لاقتني مشكله كبيره متعلقه بالوعود والأمانه في تنفيذها..
باختصار ما عندي ميزانيه تكفي خلق خدمات ثم تطويرها..
الحكومه الجايه ذاتها قالت ماااااافي قروش..قالوا الثروه اتقسمت زمان والفضل اتسرب..
علشان كده انا بدي صوتي كناخب وليس كمنتخب..لرمز المقشاشه!
واديني واحده ابدا بيها في الأوهام..
سلام اختي بت امي وابوي..
| |
|
|
|
|
|
|
|
|
|
Re: ***رمز المقشاشة *** (Re: Muna Khugali)
|
Quote: أنا كنت عايزه انزل في انتخابات البلد ممثله لحزب الغلابه..
لكن لاقتني مشكله كبيره متعلقه بالوعود والأمانه في تنفيذها..
باختصار ما عندي ميزانيه تكفي خلق خدمات ثم تطويرها..
الحكومه الجايه ذاتها قالت ماااااافي قروش..قالوا الثروه اتقسمت زمان والفضل اتسرب..
علشان كده انا بدي صوتي كناخب وليس كمنتخب..لرمز المقشاشه!
واديني واحده ابدا بيها في الأوهام..
سلام اختي بت امي وابوي.. |
اها لمن انتى ماترشحى نفسك ...الغلابه ديل البيحل ليهم مشاكلم منو عاد نخليهم ..
بس لناس قريحتى راحت يخموهم انتى ماشايفه الوعود تتطاقش كيف ...بس فضل يغيرو ليهم
اسامى الايام وتكون الدقيقة هى اليوم ... ويتلفى نظام الاسبوع ونخش ونمرق كلو واحد ...
بعد الوعد بتاع على بيه مظهر الافندى ...وتسلمى خيتى ...
| |
|
|
|
|
|
|
|
|
|
Re: ***رمز المقشاشة *** (Re: osman righeem)
|
Quote: الشقيقة الغالية
يعني اظنك مترشحة في الخرتوم
لانو لوكان في البلد كان قلتي رمز الحنقوق
بعدين انا زاتي عندي نية اترشح
بس داير منك خدمي
شوقلي بأي طريقة رمز الاحباط
ويكون لونه اصفر و مخترش وباهت
ويديك احساس بالطمام
من السياسة و من ناسا
وزي ما قال حبيبي و صديقي الحردلوا ملعنون ابوكي رموز
مقشاشة وحنقوق |
كيفك عثمان عنك طيب
انت لسة من زمن الحنقوق ؟؟ الظاهر عليك مااندليت قريبات دى ..
ليه يعنى الخرطوم بس هى الدايرة القش احنا ماقلنا الداير القش كتير وكتير
عليك الله ياعثمان رمز الاحباط داير ليه تفتيش ؟!! ماهو حولينا وكتير وظاهر ... لكن الاصفر الباهت
ومخترش انا ارشح ليك مستشفى العباسية بتلقى انواع الاصفر الباهت المخترش ... بكل انواعة هناك هنا فى طبعا لكن ماكتير ..
يعنى مابيكون عندك خيارات غير كدة انك بتلقى انو الاصفر هو الشعار والعلم ...
تسلم يارب
| |
|
|
|
|
|
|
|
|
 Re: ***رمز المقشاشة *** (Re: ماجدة عوض خوجلى)
|
سلام يا أهل الدار ،،،
شقيقات ( دم و لحم) + (أم و أبو)
أكيــــد بنديكم صوتنا
بس نعرف حتقشوااا شنوو و تخلواا شنواا
أصلوا الوساخة فى البر - البحر - الجو
و وين حتلقوا كناسين يقشوا ليكم الرموم ده ..
(من أين أتى هؤلاء) او كما قال ...
سامحونا
ش
| |
|
|
|
|
|
|
|
|
|
Re: ***رمز المقشاشة *** (Re: محمد على طه الملك)
|
Quote: مقشاشه عديل ..
كمان الت سعف ..
لا لا ..
المقشاشه في يد المره سلاح خطير ..
اسأليني أنا ..
لكن ..
إن دفعتى لي اكتر من رمز الدبان بقيف معاكى.
..
وصولي . |
اى يامحمد مقشاشة عديل كدة والت سعف وفى اقتراح انها تكون حنقوق
عليكم الله .. شفو الزول ده نقول المقشاشة يقول ماعارفة رمز شنو ..
والاتنين عكس بعض .. بعدين ادفع ليك اظنك بتقصد اديك رشوة ..
دى تلقاها عند الغافل الزول لمن يتطور فى اختيارتو هو البيدفع علشان الناس تقبلو
خاصة لو عضو حمله لرمز ذى الانت واقف معاهو...
تسلم يارب
| |
|
|
|
|
|
|
|
|
|
Re: ***رمز المقشاشة *** (Re: شكرى سليمان ماطوس)
|
Quote: سلام يا أهل الدار ،،،
شقيقات ( دم و لحم) + (أم و أبو)
أكيــــد بنديكم صوتنا
بس نعرف حتقشوااا شنوو و تخلواا شنواا
أصلوا الوساخة فى البر - البحر - الجو
و وين حتلقوا كناسين يقشوا ليكم الرموم ده ..
(من أين أتى هؤلاء) او كما قال ...
سامحونا |
سلامات شكرى
فى واحدة من المرشحات ...اتنازلت قبل ماتعلن عن الترشيح حقها من اجل المصلحة
العامة وعدم تشتيت الاصوات وفضلت انا ...
وانشالله ربنا يقدرنا اننا نقوم بماتعهدنا به من قش ...الى الحد الذى يرضى من اعطونا اصواتهم
بس همتكم معانا ... ذى ماقلت اخى الكريم .. الداير القش كتير لكن انشالله بنقدر عليه ...
من وين نجيب كناسين دى ماتشيل همها ... لانو الموضوع مامحتاج الى كناسين برانا بنقوم بية
وتسلم يارب
| |
|
|
|
|
|
|
|
|
|
Re: ***رمز المقشاشة *** (Re: ماجدة عوض خوجلى)
|
سلام ماجدة 
معاك معاك يا مقشاشة ...
انا مؤمنة ببرنامجك الانتخابي ممكن اضيف حاجة زيادة للتفعيل البرنامج الانتخابي ....
شعار المقشاشة مع بيتم الا مع الجاروف يعني يبقي مقشاشة بجاروف ويعني قش و جرف مع تحياتي :
| |
|
|
|
|
|
|
|
|
|
Re: ***رمز المقشاشة *** (Re: Sahar Yousif)
|
طيب يا جماعه..مادام انتو تقريبا في نفس جزب النظافه ومشجعين رمز المقشاشه..عندي اقتراح
قائم علي فكرة تفادي خطأ حصل في انتخابات فترة الدبموقراطيه الأخيره..
انزلوا في دائرة واحده وماتشتتو أصواتكم..وبعدين نسقوا مع القوي المقشاشيه الأخري..
قلتوا شنو؟؟
بس الله يستر مرشح المقشاشه العاديه مايقوم اول مايفوز يبيعنا ويشتري واحده كهربائيه يستخسر يستعملها في كل مكان عايز نظافه!
ارجوكم ما تتجاهلوا اقتراحي نحن في زمن ضيق..هل من مثني؟؟
| |
|
|
|
|
|
|
|
|
|
Re: ***رمز المقشاشة *** (Re: Muna Khugali)
|
Quote: طيب يا جماعه..مادام انتو تقريبا في نفس جزب النظافه ومشجعين رمز المقشاشه..عندي اقتراح
قائم علي فكرة تفادي خطأ حصل في انتخابات فترة الدبموقراطيه الأخيره..
انزلوا في دائرة واحده وماتشتتو أصواتكم..وبعدين نسقوا مع القوي المقشاشيه الأخري..
قلتوا شنو؟؟
بس الله يستر مرشح المقشاشه العاديه مايقوم اول مايفوز يبيعنا ويشتري واحده كهربائيه يستخسر يستعملها في كل مكان عايز نظافه!
ارجوكم ما تتجاهلوا اقتراحي نحن في زمن ضيق..هل من مثني؟؟ |
انا غايتو موافقة اننا نكون فى حته واحدة والمقشاشات كلها برضو تكون فى مكان واحد
لكن شايفه فى ناس طمعت وعايزه تفتح لينا باب رشوة بالرغم من ان وجودم معانا بيحسن وضعهم
الصحى خاصة لو عرفنا انو الرمز الهم معاهو مش ولابد بل من اهم الاسباب التى دعتناالى اختيار
رمز المقشاشة والتى سوف يكون لها تاثير كبير على هذا الرمز الذى لن تتاح له فرص الحياة فى فوزنا
انشالله اها ده قولنا
| |
|
|
|
|
|
|
|
|
|
Re: ***رمز المقشاشة *** (Re: Sahar Yousif)
|
Quote: سلام ماجدة
معاك معاك يا مقشاشة ...
انا مؤمنة ببرنامجك الانتخابي ممكن اضيف حاجة زيادة للتفعيل البرنامج الانتخابي ....
شعار المقشاشة مع بيتم الا مع الجاروف يعني يبقي مقشاشة بجاروف ويعني قش و جرف مع تحياتي : |
سلامات سحر
وانا زاتى مؤمنة ان الجاروف مهم شديد وبدون الجاروف ماهيكون فى قفة وبدون القفة مابكون فى مقشة وبدون
المقشة مابيكون فى قش يعنى زى ماالناس بتكمل بعضا برضو القفف والمقاشيش ومعاهم الجواريف بيكملو
بعض وعاش التكامل بين الادوات المهمة
تسلمى يارب خليكى قريبة
| |
|
|
|
|
|
|
|
|
|
Re: ***رمز المقشاشة *** (Re: ماجدة عوض خوجلى)
|
Quote: ومن اهم ملامح برنامجنا الانتخابى هو اننا سوف نقوم بتوزيع مقشاشات للجميع الا من ابى ......
قفتين بـدون يدين لكـن برجليـن
جاروفين واحد بيد واخر بعينين |
ضيفي عليها قفة ملاح يا ماجدة ويكون فيها يدين ..
كده برنامجك يكون 100% ..
| |
|
|
|
|
|
|
|
|
|
Re: ***رمز المقشاشة *** (Re: معتصم دفع الله)
|
Quote: ضيفي عليها قفة ملاح يا ماجدة ويكون فيها يدين ..
كده برنامجك يكون 100% .. |
خلاص اضفنا عليها قفة ملاح يامعتصم وفيها يدين لكن ماعندها رجلين
تدفع القفه براها وتشترى وفيها عينين لكن ماعندها كرعين
افتكر كدة ضمنت صوتك
ولاعندك راى اخر ذى مابيقولو
| |
|
|
|
|
|
|
|
|
|
Re: ***رمز المقشاشة *** (Re: محمد أبوالعزائم أبوالريش)
|
Quote: ومن اهم ملامح برنامجنا الانتخابى هو اننا سوف نقوم بتوزيع مقشاشات للجميع الا من ابى ......
قفتين بـدون يدين لكـن برجليـن
جاروفين واحد بيد واخر بعينين |
سمح وينا المناخيرات؟؟
ولا آآآآآه..بتديها ليهم بعد ماتفوزي!!
| |
|
|
|
|
|
|
|
|
|
Re: ***رمز المقشاشة *** (Re: Muna Khugali)
|
Quote: سمح وينا المناخيرات؟؟
ولا آآآآآه..بتديها ليهم بعد ماتفوزي!!
|
المنخيرات لواحدة بس علشان التانية ماعندها بتاخد رجلين
والمعندها نخرات الاولى بتاخد ادين واحدة طويله وواحدة قصيرة
ولمن افوز باخد الحاجات كلها انا
| |
|
|
|
|
|
|
|
|
|
Re: ***رمز المقشاشة *** (Re: محمد أبوالعزائم أبوالريش)
|
Quote: يا اخوانا ما تتطّوروا شوية ...
شنو مقشاشة وقرقريبة .. والحاجات (البلدي) دي؟
إنتو ما سمعتوا ب؟ |
برى يايمة دى شنو النصيبة الجبتها لينا دى ؟!!
نحنا ناس ..مقشاشة ..وقرقريبه.. ودونكة.. وكوشر ساكت ..والعاشميق البسلبو سلب
مالك علينا داير تجبيلنا المصايب ضمو والله روحيتى مادارتا ...
اها اخير ليك البلدى ولا لسة انت مع المابلدى
| |
|
|
|
|
|
|
|
|
|
Re: ***رمز المقشاشة *** (Re: شهاب الفاتح عثمان)
|
Quote: اجمـل مـا في المقشـاشه انها مفرده اصيله و صناعه محليه ..!.
لكن استخدمهـا كوجود القانون.. ومن يطبق القانـون هو الشخص الذي يحدث الفرق ..
حبابك |
بتصدق الصناعة المحليه دى فى ظل المعجزات العندنا بقينا بنستوردا قالو من الصين
اما استخدامها فواجب فى ظل عدم وجود القانون ..الذى اصبح هى حد نفسه عدم قانون
اماالفرق فسيظهر للعيان عندما يتم استعمال مقاشيشنا المحليه المجهزة بالقفف
المن غير يدين وماعندها كرعين ...
حبابك انت برضو
| |
|
|
|
|
|
|
|
|
|
Re: ***رمز المقشاشة *** (Re: ماجدة عوض خوجلى)
|
أنا عبدالمنعم الرزوقي
البالغ العاقل بكامل اهليتي وطوعي أمنح صوتي الامانة في عنقي الي حزب
النظافة للرمز المقشاشة
علي شان خاطر إبنة عمتي ماجدة عوض خوجلي وتوفير مزيد من المقاقيش
إمضاء
عبدالمنعم الرزوقي
| |
|
|
|
|
|
|
|
|
|
Re: ***رمز المقشاشة *** (Re: عبدالمنعم الرزوقي)
|
Quote: أنا عبدالمنعم الرزوقي
البالغ العاقل بكامل اهليتي وطوعي أمنح صوتي الامانة في عنقي الي حزب
النظافة للرمز المقشاشة
علي شان خاطر إبنة عمتي ماجدة عوض خوجلي وتوفير مزيد من المقاقيش
إمضاء
عبدالمنعم الرزوقي |
عبدالمنعم ازيك
علشان خاطر كلامك ده ..انا قررت ازيد عدد المقاشيش ..بدل مقشاسشة وقفة بدون يدين .. بتكون قفة بدون
يدين ومقشاشة لكل فرد ..ومقشاشتين وقفتين بدون يدين لكل فردين اها قصرت انا ...
شكرا كتير على وقفتك معاى ياها المحرية فيك ..
انشالله كويس انت عبدالمنعم وكيف ناس البيت ؟! تحياتى ليهم كلهم ..
وتسلم يارب
| |
|
|
|
|
|
|
|
|
|
Re: ***رمز المقشاشة *** (Re: salma subhi)
|
تعرفى ياماجدة
بوستك ذكرنى حكاية طريفة حصلت فى حلتنا أيام إنتخابات نميرى
عندى خالتى مره متوسطة العمر لكنها إنسانه بسيطة وعفوية جدا ،
فى مركز الاقتراع قاموا الجماعة إياهم أخدوها على جنب وقالوا ليها :
أول ما يدوك الورقة بس أشرى على المروحة
والمروحة كانت رمز نميرى ...
زولتنا دخلت الغرفة
ما أخدت ليها ثوانى جات مارقة
الجماعه سألوها،،، مالك ؟؟؟
قالت ليهم : إنتو لكن ما قلتو لى ياناس ،،، مروحة سقف والا تربيزة !!!!!!
ده نوع من القش ..( قش الدماغ ) ... بس ما بى مقشاشة ...
| |
|
|
|
|
|
|
|
|
|
Re: ***رمز المقشاشة *** (Re: الفاتح الجنيد)
|
Quote: تعرفى ياماجدة
بوستك ذكرنى حكاية طريفة حصلت فى حلتنا أيام إنتخابات نميرى
عندى خالتى مره متوسطة العمر لكنها إنسانه بسيطة وعفوية جدا ،
فى مركز الاقتراع قاموا الجماعة إياهم أخدوها على جنب وقالوا ليها :
أول ما يدوك الورقة بس أشرى على المروحة
والمروحة كانت رمز نميرى ...
زولتنا دخلت الغرفة
ما أخدت ليها ثوانى جات مارقة
الجماعه سألوها،،، مالك ؟؟؟
قالت ليهم : إنتو لكن ما قلتو لى ياناس ،،، مروحة سقف والا تربيزة !!!!!!
ده نوع من القش ..( قش الدماغ ) ... بس ما بى مقشاشة ... |
عارف الحكاية
دى ممكن تكون عنوان لبوست بعد الارشفه ايه رايك ؟!
وكل واحد يجيب النماذج العندو .. وانا متاكدة انو الحصل فى الانتخابات المرت علينا
فيها وياما فيها ..عن نفسى حضرت وانا انتخابات كان فيها العجب (مابتاع المريخ )
كانت بتاعت نقابة الصحفيين السودانيين قبل نظام الانقاذ ..
بتصدق زمان القش ماكان محتاج لمقشاشه لكن فى الوقت ده قش الراس براهو مابينفع لازم من قش
كامل ...
تسلم يارب ..
| |
|
|
|
|
|
|
|
|
|
Re: ***رمز المقشاشة *** (Re: salma subhi)
|
Quote: ماجدة اذيك.....
والله ضحكتيني يا ماجدة.....الله يسعدك
النظافة من الإيمان وشي جميييييييييل لكن هو الشعار ده لكنس شنو بالضبط؟
ودي ومحبتي |
سلمى انا كويسة انتى كيف
والله حبيبة كلك نظر لكن برضو مافى مانع اوريك بالرغم من انو قلبى ...
محسسنى انك ...... شوفى الارض محتاجه للقش وفى بعض ... محتاج للكنس ...
ومعاهو القش والفضاء من حركه الطيران وكده ده بقى فيه برضو من هو بحاجه
الى الكنس الكنس وكثيرا من القش القش ..
تسلمى حبيبه كتير....
| |
|
|
|
|
|
|
| |
ماجدة عوض خوجلى
ادم الهلباوى
هاشم أحمد خلف الله
د.محمد حسن
مجدي عبدالرحيم فضل
محمد عثمان محمد طه
اسعد الريفى
الطيب شيقوق
رأفت ميلاد
جمال السنوسي
هند محمد
عواطف ادريس اسماعيل
osman righeem
Muna Khugali
شكرى سليمان ماطوس
محمد على طه الملك
Mustafa Mahmoud
Sahar Yousif
معتصم دفع الله
محمد أبوالعزائم أبوالريش
شهاب الفاتح عثمان
عبدالمنعم الرزوقي
salma subhi
الفاتح الجنيد
فيس بوك
تويتر
انستقرام
يوتيوب
بنتيريست