آه يا بلد ....

مرحبا Guest
اخر زيارك لك: 03-29-2024, 10:22 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة سكينة كمبال(ست البنات)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-05-2004, 02:22 PM

ست البنات
<aست البنات
تاريخ التسجيل: 10-02-2002
مجموع المشاركات: 3639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
آه يا بلد ....

    عهد الديمقراطية كان
    طفلآ وليد
    لا شب لا حبا لا مشى
    هجمت عليه الغولة كف
    قطمت رقبته وقصتا
    واصبحنا من بعده خراب
    عشعش على بيوتنا الغراب
    لا خل زرزور لا قطا
    *******
    وطيورنا هاجرت الصباح
    طشت مشت
    حرقت لأماتها الحشا
    ضاعت من ايدها هويتها
    سمانا غطاها السراب
    لا شال مطر لا بان تخا
    رمالنا اندثرت جفاف
    خلت حقول قمحك خلا
    والخير نضب وعم البلا
    *********
    سوداننا لملم للشتات
    لملم طويراتآ هناك
    غابت وضاعت فى الفضا
    وضمد جراح الفرقة
    واركز يا بلد
    وقلب دفاترك
    ما يكون مندس خائن
    ليك لبد
    أرخ تأرخ من زمان
    وياجوج محت
    وماجوج محت
    كل المؤرخ قبلها
    ********
    اتروعت هامات رجال
    وكتر الحمل فوق عاتقها
    واتكممت أفواه هناك
    كانت بتزأر
    زى أسود افريقيا
    فى عز صولتها
    وجانا البهدم فى
    البيوت كسر مقاديفنا
    ورعى
    ونخيلنا لا تمرآ طرح
    لا زول طلع فوق قفزها
    جانا البلا
    وخلا حقول قمحك
    خلا
    ********
    سميه زمن القهر
    زمن الأنفلات
    سوداننا لملم
    للشتات
    دايرين نجيك
    نقعد معاك
    دايرين نجيك
    نقعد سوا
    نشرب معاك
    جبنة الصباح
    فى ضل ضحى
    ******
    ست البنات .

    (عدل بواسطة ست البنات on 03-05-2004, 02:23 PM)

                  

03-05-2004, 02:53 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: آه يا بلد .... (Re: ست البنات)

    *******

    Quote: حرقت لأماتها الحشا


    ست البنات شكرا لنقرفة الجروح
    وادمائها من جديد

    الجزء دا بهديه لكل من غاب عن البلد بالسنين الطوال ولم يرى امه

    مسكينات الامهات فى بلادى يمتن محروقات الحشا
    قلوبن على جناهن وقلب جناهن على حجر
                  

03-05-2004, 03:02 PM

ست البنات
<aست البنات
تاريخ التسجيل: 10-02-2002
مجموع المشاركات: 3639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: آه يا بلد .... (Re: bayan)

    أهلآ بيان ,
    باقيلك الجراح أصلو نزيفها وقف ؟؟؟
    وما أجمل ( نقرفة ) !!!
    رجعتينى لى تنقاسى ! وانتى البتنكتى فى المواجع والكيوق يا بيان !!
    ومشتاقين , وشكرآ ليك يا الكلك زوق ورشاقة !!!

    (عدل بواسطة ست البنات on 03-05-2004, 04:14 PM)

                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de