|
|
 أريحية تخفف عننا المأساة ونضحك زى طفل برضع وما دريان بمأساتو
|
أعلم تمامآ حجم أسانا جميعآ , والوجع والشوق للبلد !!!
وأدعوكم للحظة مسرة تخفف عنا و تسعد قليلآ القلب المعنى ....
****
*****
الرباطاب ::
رباطابى شاف ليه بطة مع وليداتها صغار ولونهم أصفر وريشهم مبشتن كدى , قال ديل شنو الزى المنقة الممصوصة !!!
الشايقية :
شايقية مشاكلة ليها واحد شنبو النوع الأسود المربع ومواسى داك , قالت ليهو أمشى ساوى شنبك زى النبلة اللت البطان كدى ...
الجنوب :
جنوبية سمعت واحدة شمالية بتنادى فى ولدها بى دلع كدى , تقول ليهو علاء الديييين , علاء الدييين , الجنوبية نادت ولدها واسمو مجينق : مجينق ... مجينق الدييين ...
* جنوبى جاء من الجنوب لى كوستى رأس , وهو من غير هدوم , وقعد اكل فى مطعم , والجرسون جاهو للقروش , الجنوبى من غير هدوم طبعآ , قال ليهو :قروج ؟ قروج زاتو بكتو ( بختوهو ) ويين ؟؟؟؟
*الجعليين :
جعلى وشايقى قاعدين تحت ضل شجرة لالوب , الشايقى قال للجعلى قوم نزللى لالوبات من الشجرة , الجعلى قال ليهو انت مالك ؟ محنن ؟
وفجأة جاهم أسد , الشايقى جرى , والجعلى طلع فوق الشجرة , والأسد مشى , قام الشايقى رجع وقال للجعلى : أها انا هشيتلك الأسد , وانزل تحت , لكن وقت الله رفع قدمك ما تنسى اللالوبات جيبن معاك ....
*****
ونتبسم
ونضارى الحزن بالفرحة
نملا صدورنا زاد باكر
من الفرحة ومن الضحكة
يمكن ما يسر الحال
وما نفرح فى يوم عاثر
ويبقى رصيدنا دا الهسع
لى يوم باكر
واصلك يا فرح عجلان
وماب تعرف تسو خاطر
وماب تدوم وماك مدخور
دوام نافر...
(ست البنات )
|
|
 
|
|
|
|
ست البنات
فيس بوك
تويتر
انستقرام
يوتيوب
بنتيريست