|
|
|
 Re: وأقول ليكم حاجة ? (Re: عماد عثمان)
|
وأقول ليكم حاجة ?
يا جماعة ،
العفو والعافية .
وفرصة سعيدة .
ست البنات .
دا شنو آ...... ستهن لاحدهن ؟؟؟.
قولي أي حاجة ونحنا نسمع الا حكاية الوداع دي .
واللقدابة دي تخليها لى منو ؟؟؟؟.
ومنو الغيرك بكفي الضيفان ديل ؟؟؟ .
ألحق يا عمي مامان ألحق !!!!!!!.
عووووووووووووووك يا أهل اللقدابا !!!!!!!!.
السلام يبراك محل تكوني .
والعافية تبقالك تقايي ووقايي .
وراجيك .. ومعاي كل ناس لقدابتك العامرة لاحدهن .
خضرعطا المنان
| |
 
|
|
|
|
|
|
|
|
Re: وأقول ليكم حاجة ? (Re: عماد عثمان)
|
Quote: وأقول ليكم حاجة ?
يا جماعة ،
العفو والعافية .
وفرصة سعيدة .
ست البنات .
|
دا شنو آ...... ستهن لاحدهن ؟؟؟.
نحنا دخلنا هنا عشان نسمعك دايري
تقولي شنو .
قولي أي حاجة ونحنا نسمع الا حكاية الوداع دي .
واللقدابة دي تخليها لى منو ؟؟؟؟.
ومنو الغيرك بكفي الضيفان ديل ؟؟؟ .
ألحق يا عمي مامان ألحق !!!!!!!.
عووووووووووووووك يا أهل اللقدابا !!!!!!!!.
السلام يبراك محل تكوني .
والعافية تبقالك تقايي ووقايي .
وراجيك .. ومعاي كل ناس لقدابتك العامرة لاحدهن .
خضرعطا المنان
| |
|
|
|
|
|
|
|
|
|
Re: وأقول ليكم حاجة ? (Re: خضر عطا المنان)
|
تـمـشـي ويـن وعـليـكـي ديـن....
وبالمـصـري هيـة وكـالـة مـن غـير بواب...
وبالشايقـي...
انتـي مـاك نصـيحـي شـي? (ان بقيتي ماشـي)
تخـليني لـيمـنـو?
وضـيفـانيك الرايحـالـن بـلد ديـل يقـبلـوا وين?
القـراريص الـحـاري دي يلقـوهـا وين تـانـي مـع الونسـي الظـريفـي دي?
ألاقيـك بعـدين
خـيتك مـنـي
| |
|
|
|
|
|
|
|
|
|
Re: وأقول ليكم حاجة ? (Re: ست البنات)
|
ست البنات واحلى واعقل البنات
كل زول هنا بكون اتشاكل ليه من 3 لي 10 شكلات
وبيزيد عدد الشكلات بطول المدة
وبما انك جديدة في البورد كان لزاما علينا ان نخبرك انها الحالة العامة هنا
لاكن مع ده في ناس حلوة كتير بتحب وبتقرا ليك وياريت ما تحرميهم من طلتك.
اختلفي واتشاكلي في حته, وتعالي اعملي كم بوست مشرقين ومزهرين يرجعوا ليك شيء من الهواء النقي اللي فقدتيه في مكان آخر.
بالمناسبة, انتي شكلتك كانت مع منو عشان فاتتني 
| |
|
|
|
|
|
|
|
|
|
Re: وأقول ليكم حاجة ? (Re: zola123)
|
ست البنات ليش ماشه وين تاني انا اناقر منو ؟ عشان شنو يا اختي تعلمت منك حاجة بس اقعدي شوية عشان اكلمك عن اهلي الهوسا والفلاتة وخالاتي الشايقيات , والله الزعل بشقني النص كان ما تميت شكلتي معاكي
| |
|
|
|
|
|
|
|
|
|
Re: وأقول ليكم حاجة ? (Re: ست البنات)
|
ست البنات
فرصة سعيدة دي شكلها كدة ذي المفرتكة مننا او ... الوداع ...الناس دي كلها بتودع ماشة وين ؟؟؟؟؟
تحياتي..... ولو في طريقة لي تعديل القرار ...كيفن يكونن البنات بدون ستهن ؟؟؟؟
غادة
| |
|
|
|
|
|
|
|
|
|
Re: وأقول ليكم حاجة ? (Re: ست البنات)
|
اخوانى ,
عبد اللطيف , ومعتصم ,
والله لا مرقكون بى شيين شى !
وانا نان بلاكون ببقى ؟؟
انتو مو ياكون اخييانى و والبينيات ديل اخيياتى !
الله يجبر بى خاتركون ويغتيكون .
بس يانا نغدب , ونصفا , معا بعضنا !
بيقينا الاهل , والوطن لى بعضنا !
نان بخليكون بمشى شيقيش ؟
ست البنات .
| |
|
|
|
|
|
|
|
|
 Re: وأقول ليكم حاجة ? (Re: ست البنات)
|
أختى ست البنات
ساعة العصارى
الضُل يمد فوق الجروف
يكسى التبيسات بالطِّرَح
والغيم ينقِّط من دموعو
على الصفيقات كالسِبَح
عين الشمس تنزل خجيلانى
وتكوِّع بين شديرات البلح
وامونه تمسح من خديداته
وتكوِّن قوس قُزح
عبدالله محمد خير
انا معجب جداً يااخيتى بقلمك الأخضر
وكليماتك (الحنينى)زى وتر الطنبور (الحنين)بتعرفيهو؟-المقابل الخنصر-
واشعارك الكيزانية ديك
قولى يا رايعة
لا فُض فوك ولا نضب كوزك
كل المنى
شاذلى
| |
|
|
|
|
|
|
|
|
|
Re: وأقول ليكم حاجة ? (Re: ست البنات)
|
شادلى أخوى ,
ضو القبايل الماك هيين !
نان الليلى الشى الانت كاتبو دا دحين ساهل ؟؟
جبت القساسييب وضل الضحى !
ويمشوا البوطان جنب البوقل!
عاشة انهريهون لا يوتبوا
ولا يمرضو !
الحوكما ويين ؟
الادوى ويين ؟
----
يعجبك سمحك آآ عشاى , مقنع غوتاى !
ويعجبك عديلك وزيينك !
---
يا حيليل الناس الختولنا النضم السمح ومشوا فاتونا !
ويين تانى نلقاهون عاد ؟؟
مو مغاييس وانزرعتلنا !!
ست البنات.
| |
|
|
|
|
|
|
|
|
|
Re: وأقول ليكم حاجة ? (Re: ست البنات)
|
تسلمى يا اخيتى من كل بلية
عيلا النشكى لِكْ البورداب ديل
مبورين لى بوستاتى...ديك يا المواضيع والقصص
والقصايد المى خمج حللللللللللللوه زى المشرق
احسن لى براى اشكِّرا
نان يا يمه لى ونسه ولى قلة ادب شعر بالفصيح والعامى الفصيح
فى ضمتِّك آ ستنا ده موضوع يبوروه لىالفيديو كليب فى عالم الطنبور والدليب
البوره التاخدن انشاءالله
بركة من صلى وقال يا الله
وداعة الله عند الرسول
شاذلى
| |
|
|
|
|
|
|
| |
ست البنات
waleed500
خضر عطا المنان
Muna Khugali
zola123
saif massad ali
عبداللطيف خليل محمد على
معتصم الطاهر
shazaly gafar
أحمد الشايقي
فيس بوك
تويتر
انستقرام
يوتيوب
بنتيريست