|
|
 من الدوحة سلام والف سلامة ..اختنا الغالية غادة نوري...
|
التواجد السوداني الكثيف في دولة قطر موغلا في تماسكه الاجتماعي الذي اتي كصدي للمعين السوداني
الملي بقيم التماسك في كل لحظاته الانسانية..ونحن كبورداب للدوحة نستشعر كل قضايانا الانسانية
بهمة عالية وانضباط شديد..ونفعل وجودنا وسط هذه الجالية المدهشة لنظل دوما يدا واحدة ممدودة
لكل ابناء وطننا الحبيب ..وعلي اهبة الاستعداد لقرع اجراس نفيرنا التي لا تكل ولاتمل فهذا هو
واجبنا تجاه انساننا ووطننا وهذا هو وجداننا الذي جبلنا عليه...
الاخت الغالية غادة نوري ستذهب الدعوات الي السماء معبقة باماني واخلاص بان يعطيك الرب
العظيم الشفاء التام وكل الصحة والعافية...وستشابك ايادينا مع ايادي الجميع هنا وهناك
فهذا هو يومنا....
وعليه
.....
لجنة تبرعات غادة نوري....وعليه ستكون لجنتنا المصغرة لهذا النفير
1-عبدالرحمن ابوساندرا
2-محمد عبدالرحمن
3- عبدالكريم الامين
4_بدرالدين الامير
|
|
 
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: Siddig A. Omer)
|
سلامات
وعوافي
والف عوافي للاخت الكريمة غادة نوري ..
نسال الله ان يشفيها شفاءا تاما وان يزرع البسمة في وجهها واهلها الطيبين ..
اللهم انا نتوجه اليك بحق لا الله الا الله ان تشفي اختنا الحبيبة وان تطيب بدنها وتعافي جسدها وان تشفيها شفاءا كاملا لتعود مرة اخري بالف خير وصحة ..
امين ...
الزملاء الشرفاء ..
معكم معكم معكم كيفما اراد الحال ..
وقلوبنا ودعائنا للاخت غادة نوري ..
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: عبد المنعم سليمان)
|
أقترح الحد الادنى مئة ريال قطرى
وهناك اصدقاء بورداب الدوحة والمتفاعلين مع القضايا الانسانية
يجب اشراكهم أذكر منهم على سبيل المثال:
على أبكر ومحمد سليمان وبشير معروف وبشير معازوعبدالحليم صديق ووولخ وعزرالن اكون فعال من
خلال لجنة هذا العمل الانسانى النبيل لظروف عملى الصعبة جداخلال هذه الفترة
وكل المنى بسرير عافية للاخت غادة نورى
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: أبو ساندرا)
|
| Quote: ولكون المبلغ المطلوب كبير أقترح أن يكون الحد الأدنى 100 دولار |
وهو كذلك يا ابو ساندرا....ولدينا اقتراح اخر ساناقشه معكم غدا
بدرالدين الامير...كلنا لنا مسووليات ومهام عمل جسام وتنو عن حملها الجبال..وخروجك
من اللجنة غير مقبول تماما والا سنضاعف العيار...والطلعة بي ثمنها يازول..!!!!!!!
انها حياة اختنا العزيزة غادة دعونا نضحي جميعا بالغالي والنفيس
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: بورداب الدوحة)
|
غاده نوري
شرك مقسم فوق الدغشم*
وكامل الابتهال والدعوات لمشفئ القلوب بعاجل الشفاء لك
اما انتم
ايها الاوغاد اي ارض انتجتكم واي سماء يخصكم واي خريف يعطر دعاشه منكم واي جمال هذا؟؟؟؟
آآآآآآآآآآآآآآه كم احبكم واحب نفيركم
*
الدغشم قديما قالوا انها تعني عواجيز النساء(لكنها الآن وفيما يبدو انها تعني عواجيز الجمال اهل هذه الدوحه)
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: معاوية كرفس)
|
والله ..
وما طالبني حليفة..
وابو ساندرا بيعرف المعلومة دي..
جاني offer لمؤسسة حمد الطبية...
وناسنا هنا كانوا بيتكلموا معاي في اليومين الفاتوا ديل وعاملين لي زوبعة..
مصرين اني اجدد معاهم واقعد في الرياض..وكنت مترددة..
لكن والله بعد البوست ده..
سبب واحد يخليني اغير رايي مافي...وزي ما قال العظيم وردي:
افتحوا لينا احضانكم بعد توهانا لمونا...
جاياكم يا ناس الدوحة في بداية يناير...
واصلوا في الشغل السمح يا سمحين..
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: ودالعباسية)
|
سلامات
وعوافي
فوق ويا عبدالكريم استلم الوردية .. نحن مشينا..
ولي قدام ياشباب ..
الاخت رشا مرحبتين بيك بين اخوانك بورداب الدوحة ..
ولندعوا جميعا للاخت غادة نوري بعاجل الشفاء ..
ونسال الله ان يشفى مرضانا جميعا يارب ياشافي ..
الاخ معاوية كرفس شكرا لتوفير لكنات الاخت غادة نوري
ودالعباسية اهو رشا سالم ح تكون زميلتك في مستشفي حمد بس اعمل حسابك الزولة بتاعت تخدير وتنويم مغنطيسي يعني اقل دقسة منك ح تطلع كل اسرارك الداسيها مننا..
فوق
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: tmbis)
|
بقول يا الله تشفيها....
وتخلى العافية تكسيها....
وتدخل فى رحاب لطفك....
ومن رحماك تديها....
وتسبل نعمك الواسعه....
تكفيها وتوفيها....
وتعود لى دارها فرحانه....
وتقدل فى خطاويها...
.................................
ويا دكتورة رشا ... حبابك الف
ومرحب تراحيب المطر
بى اهل القرى والحضر
والوافدين الى قطر
................................
بورداب السرور ... بورداب الدوحة ... انحن معاكم فى الجايات .. وفى كل وقت..
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: بورداب الدوحة)
|
وكيف يكون الحال لو ما كنت سوداني واهل الحارة ديل اهلي !!
التحية لكل البورداب في كل مكان ، ولبورداب الدوحة كل التقدير ... واكيد برضو بورداب الخرطوم حيكونوا واقفين مع غادة ..
اسياد قلبي والاحساس
محل قبلت القاهم معاي.. معاي.. ذي ضلي
اكان ما جيت من زي ديل
كان اسفاي.. وا ما.. ماساتي وا ذلي
اللهم اشفي غادة !!
اللهم اشفي غادة !!
اللهم اشفي غادة !!
اللهم اشفي غادة !!
اللهم اشفي غادة !!
اللهم اشفي غادة !!
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: بدري الياس)
|
سلامات
وعوافي
كيف امسيتو اخوان واخوات غادة ..
عبدالكريم نحن حاضرين وتحت الطلب في اي وقت ..
علي العموم يجب ان تلتقي المجموعة للتنسيق وتحديد المهام ..
اثناء كتابتي لهذه المداخلة اتصل بي عبدالكريم الامين وانتهت المكالمة علي الاتي :
سيكون هناك اجتماع غدا (الثلاثاء) بمنزل المهندس عبدالكريم الامين الساعة 7:30 مساء..
... للاجتماع :
1/ رندا حاتم
2/محمد عبدالرحمن
3/عوض حمزة
4/ ضحية ابراهيم
5/ بكري الامين
وكل من له المقدرة علي المشاركة الفاعلة ...
وعالي الامنيات للاخت غادة نوري ...
ويا غادة قلوبنا معاك والله .. ربنا يشفيك ويعافيك يارب ياكريم
واردد مع الاخت رندا حاتم
Quote: بقول يا الله تشفيها....
وتخلى العافية تكسيها....
وتدخل فى رحاب لطفك....
ومن رحماك تديها....
وتسبل نعمك الواسعه....
تكفيها وتوفيها....
وتعود لى دارها فرحانه.... |
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: Rabab Elkarib)
|
سلامات
وعوافي
فوق ..
الاخت رباب الكارب ..لك التحية والمودة وكيف اخبارك والاسرة الكريمة ..
سيقوم الزملاء عبدالكريم الامين او محمد عبدالرحمن او بكري الامين او الزميلة رندا حاتم بموافاتك بالرد علي سؤالك ..
ولي قادم ..
الف دعاء والف رجاء .. نبتهل لله سبحانه وتعالي ان يشفى الاخت غادة نوري .. وان يشفى كل مرضانا يارب ياكريم ..
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: بورداب الدوحة)
|
للرفع عالياً كما يستحق.... فوق
ـــــــــــــــــ
و قد كان يا الدوحاب، (قبّال ما يكون عندكم إسم منبري و باسويرد ما معروف ماسكو منو  ) إنه وقع لي و جاء مني، التالي:
| Quote: فأنتم يا الدوحاب قد كرّستم أنفسكم بإستحقاق كأزهر (جماعات) الأسفير و أنداها يداً...... و كرمكم واصل تب، |
يشهد الله، يا أمّات و أبّان مروّة
في حيني هذا،
لا أحيد عن قولي ذلك قيد أنملة
و أبقو... فوق
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: نصرالدين بابكر بدرى)
|
الاعزاء جميعا ...
فى كل مره الواحد بلقى نفسو بيردد
اكان ما جيت من زى ديل .. واااسفاى ...وااااماساتى ... وااازلى
ان شاء الله ما تشوفو شر فى اى عزيز ... وربنا يشفى كل مرضانا ويمتعهم بالصحه.
بالنسبة لى تبرعات غادة نورى .. لى بورداب الدوحة او كل معارفكم من غير البورداب اتصلو مباشره بى عبد الكريم ... محمد عبد الرحمن ... ود رمليه .... بكرى الامين ... او رندا حاتم.
بالنسبة للمتداخلين من خارج قطر فى بوست باسم الفزعه يا حبان من رشا سالم فيهو بيانات رقم الحساب للتحويل المباشر ... كل يوم محسوب من رصيد اوجاع غاده ... وكل ريال بنجمعو بيقربها خطوة من العافية ... اخوان غاده فى الدوحة ما مقصرين وانا متاكده انو خارج الدوحة برضو ما مقصرين ... واكيد ح تتلاقى الجهود.
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: Randa Hatim)
|
ومن الدوحة سلام والف سلامة للاخت غادة نوري....
وسيظل النسيج السوداني الاصيل دوما اصيل متماسكا في الثراء والضراء
وستكون غدة نوري هي كلمة سرنا وجهرنا هنا علي ارض الدوحة حتي نراها
بالف عافية وسلامة
كريم الامين 5643303
محمد عبد الرحمن5849939
بكري الامين5567936
رندا 4773283
وسيظل تلفون ود رملية هو حلقة التنسيق علي مدار اليوم و24 ساعة
5810859
ويدا واحدة من اجل ذاتنا الي تتفتت مع غادة في محنتها..
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: بورداب الدوحة)
|
والله دا كلام سمح كلاس وانشاء الله بنية دا يبقى تيب ونحن كلام ذي دا باجبنا شديد ويوري تيبة بتاع ناس سوداني دا كلو .. ايوة مالو مافي اية مشكلة ..في املية بتاع تبارعات دا ذاتو
ودا كلام جميل من بورداب بتاع دوحه
ونحن كمان نرهب بناس بتاع سودية كلو ونقول ليهم مرهب بيكم في وطن تاني بتاع قطر .. ومافي اي مشكلة انتو تالو اصلونا هنا دا وكلو يبقي تمام..
وانا برضو بقول لماوية شنو حمدلله على السلامة ..وبالله لسة ناس بتاع سودان بالله لسة موجودين في السودان ..
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: عمران بابكر بدري)
|
سلامات
وعوافي
الاخوان والزملاء شكري ونصرالدين.. الف مرحبا بكم في سودانيزاونلاين "بورداب الدوحة"..
ولنقف معا يدا بيد مع الاخت العزيزة غادة نوري ..
ونبتهل لله ان يشفيها ويطبب جسدها ويعافيها .. يارب
...
احبابنا العزاز نادوس ونانا وعمران هذا هو العشم والله وكلكم مروة اسال الله ان يجعلنا جميعنا في عون اهلنا واحبابنا.. ثم مشتاقين وشوفتكم بقت غالية شديد .. تمنياتنا ان تكونوا واسركم بالف خير وصحة ..
كل الزملاء الذين تداخلوا معنا نتمني ان نكون جميعنا علي قدر الامر .. كلنا امل في ان تعود الابتسامة النقية لوجه الزميلة غادة ..ونشكر ايضا كل الذين بعثوا بالرسائل في التلفونات من بورداب الخرطوم نشكرهم فرسائلكم قد بعثت فينا روح المسؤولية وجعلتنا مهمومين بانقضاء المهمة وجلاء الموقف في تمام شفاء الاخت غادة .. واقول معكم يارب يارب يارب تشفيها ..
ثم اردد مع الزملاء كلمات الاخت والزميلة رندا
Quote: بقول يا الله تشفيها....
وتخلى العافية تكسيها....
وتدخل فى رحاب لطفك....
ومن رحماك تديها....
وتسبل نعمك الواسعه....
تكفيها وتوفيها....
وتعود لى دارها فرحانه.... |
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... شوفو لي معاوية الزبير و عمر الخطيب (Re: بورداب الدوحة)
|
سلام يا الدوحاب الكرام
قلنا نضم لي الموجات العاملة، موجة الأخت (سمرية)
في البوست دا:
باب الأمل (بورداب الخرطوم)
بوست سمرية دا يا أخوانا فيهو (روشتات مهمة و عاجلة)
و صرفها في جهاتكم ديك ساهل ما زي جهتنا السنيحة دي،
هنا في الأول لازم تعيا خالس خالس و تقرر بكامل وعيك إنك ما تموت، فيقوموا أصحابك يضربوا ليك للأمبيولانس . ثم الدكتور يلم فيك باللازم و الما لازم من كشوفات، يمص دمّك و يشفط دم تأمينك، طبعاً دا لو كان عنك تأمين من أساسو!!! ثم تمشي تقيف في صف الأجزخانة و بعد ما يحققوا معاك و يدققوا في تطابق أوراقك و روشتة الدكتور أم سبعين ختم و تمشي بيتكم ثم تجي راجع بعديـــــــن ............أهـــا يمكن يدوك دواك، دوا يكفيك أسبوع بس، و يمكن لع!
ثم، أمانة في رقبتكم يا ناس اللجنة (كريم و عبد الرحيم و محمد و عبد الرحمن و رندا)، بالله عليكم تتصلوا بالأخوين الصحفيين الكبيرين (لزوم البكش، مع إنهما عندنا كبيرين من الأول) بقناة الجزيرة (الجزيرة نت)، صديقي هذين، أسألو منهم أخوكم (نادوس)؛ و هما:
معاوية الزبير الطيب و عمر مجذوب الخطيب
و قولو ليهم موضوع الدوا دا موضوع مستعجل و لازم ترسلوه في ظرف يومين بس، الموضوع دا حقّكم و عليكم و إنتو متعودين عليهو من زمان؛
فلا تخذلا أخاكم (الكلام دا جد جد و أمانة)
ـــــــ
و لومك علي، أولاد(الجزيرة) ديل ما قصَّروا تب
و إنتو يا الكرام، حاشاكم تقصِّرو
ـــــــــ
ومن اجل أختنا غادة نوري
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... شوفو لي معاوية الزبير و عمر الخطيب (Re: عبدالكريم الامين احمد)
|
فى مخابره هاتفيه مع عبدالرحيم ودرمليه, رُفع عني عبرها الحجاب!! وشهدت بأم عينى
شريط حافل من مشاهد كلها جمال ومحبه أسطوريه.... تدفقت من صوت هذا الرجل الرفيع
الحس.. الرهيف القلب وهو يتكلم عن عالم صوفى نبيل.. وعن عبق سودانى عتيق!!! وعن
غاده نورى !!! عندها أحسست بطمأنينه دافئه .. وبفرح عارم !!! أن غاده نورى بألف
خير .. وأن كل هذا الإلتفاف حولها لم يك محض صدفه! ولكنها الإشاره للبشاره !!!
إخوتى الكرام بورداب الدوحه, أبوساندرا , عبدالكريم الأمين , نحن معاكم بكل ما
نملك من أجل غادتكم وغادة الجميع .
مامون أحمد إبراهيم
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: بورداب الدوحة)
|
هذا بوست خاص جدا فقد افترعتة العزيزة دكتورة رشا , واعاد بثه صديقي كيكي وتولته بالرعاية الاستاذة المحترمة رندا حاتم ..... وموضوعه يخص الاستاذة غادة ....... المهم كان يتحدث معي الشقيق ودرملية وعلمت منه المجهود الجبار الذي بذلتة اختنا وريسنا رندا حاتم ....... انه مجهود عظيم من انسانة عظيمة ..... حساسيتها عالية تجاه عمل الخير........ فقد ذهبت في الاتجا السليم حينما قدرت ان المبلغ المطلوب اكبر من قدرات المتبرعين ........ فقد ولجت ابوابا اعتقد انها السليمة ....... الان انا مطمئن ان غادة سوف تشفي باذن الله مادام خلفها دكتورتنا العزيزة رشا .... وكيكي صديقي ..... والمحترمة صاحبة الكارزما الاجتماعية رندا التي التقيتها في مناسبتين فقط .... ولكن حدثني عنها صديقي اللدود عوض حمزة ....... وعوض رجل عاطقي وصارم في تقيمه لمن حوله..... وكذلك حدثني عنها استاذي ومعلمي (......) وقال انه قابل انسانة خاصة جدا....... رندا نحن نحترمك ونحترم كيكي وقبله الدكتورة رشا ..... دعواتنا بالشفاء للعزيزة غادة نوري
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: ودرملية)
|
ابشرى ياغادة .. اخوانك جبال مابتهزهم ريح .. اصبرى ثم اصبرى ... ونحن معاك تب ..
ربنا يواليك بالعافيه..لن ننساك فى ساعة دعاء حسبناها ساعة استجابه.. يا الله يالله يا الله ادعوك وانا مكهل بالمعاصى لعلمى ويغينى بوسع باب رحمتك ..فادخلها من من خلاله فأنت وحدك القادر.. امين ..
الحمد لله ..
عوض حمزة
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: سمرية)
|
سلامات
وعوافي
الاخت سمرية ..
تسلمي ياطيبة وانشاء الله سوف اقوم بالاتصال بهم ايضا مع انهم لايحتاجون لذلك اطلاقا فانا واثق من مقدرتهم علي فعل الخير ..
علي العموم الاخت رندا حاتم ربما اتصلت بك او ستتصل بك فهي تبذل في ذلك مجهودا جبارا برغم عدم وجودها في الدوحة هذه الايام الا انها لم تألو جهدا في متابعة الامر ومواصلة اطلاع اللجنة بخطواتها ..لها مني تمام التقدير علي هذه الجهود واسال الله ان يثيبها عليها معزة وعزة ورزق غزير.
علي العموم انا اخبرتها كيفية الاتصال بك .. واتمني ان تكلل كل المساعي بالنجاح ..
خالص المحبة والدعاء للزميلة والاخت الحبيبة غادة نوري ..
| |
|
|
|
|
|
|
|
|
|
Re: من الدوحة سلام والف سلامة ..اختنا الغالية غادة نوري... (Re: بورداب الدوحة)
|
صباحكم زين ..
عليكم الله ادعو لغادة ... ربنايخفف عليها ما تشعر به هذه الايام !!
اللهم يا حي يا قيوم يا ذا الجلال والاكرام اسالك باسمك الاعظم الطيب المبارك الاحب اليك الذي اذا دعيت به اجبت واذا استرحمت به رحمت واذا استفرجت به فرجت ان تنعم على اختنا غادة بتمام الصحة وكامل العافية وان توفقها لاجراء العملية .. برحمتك يا ارحم الراحمين !!
| |
|
|
|
|
|
|
| |
hameem
khaleel
عبدالكريم الامين احمد
معتصم الطاهر
عبد المنعم سليمان
Aymen Tabir
عبدالرحمن عزّاز
Emad Abdulla
Siddig A. Omer
ودرملية
بدر الدين الأمير
أبو ساندرا
فيصل عباس
معاوية كرفس
رشا سالم
معتز القريش
ودالعباسية
tmbis
سمرية
nadus2000
شكرى سليمان ماطوس
Rabab Elkarib
هاشم الحسن
عمران بابكر بدري
انعام عبد الحفيظ
بهاء بكري
Muna Khugali
garjah
محمد عبدالرحمن
عوض حمزة
النذير حجازي
فيس بوك
تويتر
انستقرام
يوتيوب
بنتيريست