|
|
|
 Re: الواطه اتأخرت (Re: طارق الأمين)
|
كيف ناس عاقلين محترمين
زينا كده
بتنصلو من المسئوليه
ويختوها في الواطه
ويقولو ليك بكل بساطه
الواطه
ا ت ا خ رت
يعني
من الله خلقكم
شفتو ليكم واطا
بتتاخر؟؟؟؟
ولي نحن
المستهبلين~؟؟؟؟؟؟؟؟؟؟؟؟
| |
 
|
|
|
|
|
|
|
|
Re: الواطه اتأخرت (Re: طارق الأمين)
|
نحن بقيناخارج الزمن
ولي الزمن بقي خارج مننا
وين العصر؟؟؟؟؟؟؟؟؟؟؟؟؟
وين المغربيه؟؟؟؟؟؟؟؟؟
وين بعد الغدا؟؟؟؟؟؟؟
وين عالم الري ايا ايا ايا ااضه
وين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: الواطه اتأخرت (Re: Azhari Nurelhuda)
|
الواطه اتاخرت
مادابر اسمع الكلمه دي تاني
ممكن؟؟؟؟؟؟؟؟؟؟
نحن الاتاخرنا
ماتظلمو واطات الناس ساي
بلاش حركات استهبال معانا
نودي وشنا وين من انشتاين؟؟؟؟
فضحتونا
| |
|
|
|
|
|
|
|
|
|
Re: الواطه اتأخرت (Re: Emad Abdulla)
|
انتو اعترفو
الانكار مش ح يفيدكم
شنو حكايه الزول مايجي
ويقول ليك بكل بساطه
لقيت الواطاه اتاخرت
داما طلم؟؟؟؟؟؟؟
كلنا بنقول كده
ح نمشي وبن من الواطاه يوم القيامه
يعني ما كسلانين ساي قصدكم
ماتظلمو الواطا ياناس
عيب كده
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
تمشو وبن من ذنب الواطا؟؟؟؟
نحن اتاخرنا في اي حاجه
حتي القرار 1706
في السباسه
الرياضه
الفنون
الاقتصاد
السمعه
دا كلو من الواطا؟؟؟؟؟؟؟؟؟؟
اووووفففففففففففف
| |
|
|
|
|
|
|
|
|
 Re: الواطه اتأخرت (Re: طارق الأمين)
|
الواطه اتأخرت !!!
الواطه وسعت ,الواطه دلجة ,الواطه مفروض تكون مكان
لكيييين
الواطه تتأخر!!!!
سويتوها مسعولة من الوكت كمان
ليك حق تدرشم ,و الواطه فللت عليهم
الواطه كيفن تفلل؟
هي زمان ولا مكان
ولا ياقولهم كلمة سحرية تعبر عن الزمكان
حوللللللا
دي قوية دي ,
ياخي لماااان تكون نظيفة بقولوا عليها الواطه دلجة عليك الله دي ما حقارة دي.
هسع دلجة دي كان اتمعنت فيها لغويا مابتوحي ليك بي كارثة ولا شنو شنو مابعرف .
بعدين ( الواطه ) دي عامية ولا فصحى؟
ولا اقول ليك
ساهرت بينا
امش أسال محسن خالد يمكن يطلعا لينا اسم سري لي الأرض.ونحنا ناشرنو في السهلة.
مع السلامة أنا واطـ ـاتي صبحت
......................................................
تحياتي
| |
|
|
|
|
|
|
|
|
|
Re: الواطه اتأخرت (Re: شادية الطيب)
|
يجب محاسبه كل من يعلق المسؤليه في رقيه الواطاه
او
ماهي علاقتنا بالزمن؟؟؟
او
ماهي قصه مواعيد سودانيه؟؟؟
او
لماذا دفر عوض الجاز الباب ودخل؟؟/B]
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
بعدين
داك قالي
هو قاعد في لندن
عشرين سنه
لما يقيف بي عربيتو في الاستوب الصباح
قال بلقي العربيه القدامو
والعربيه الوراهو
هم نفسهم بتاعين امبارح واول امبارح
واول اول اول امبارح
مالن؟؟؟؟؟
ماعندهم واطاه؟؟؟؟؟
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
يقول الحسن ود عباس ود التوم بعد أن إنعدل في قعدته مشنقاً طاقيته أو ما يعرف بوضع الحدى كرس "أى الحدأة إستعدت للطيران والإنقضاض" وزرق رقيه كمالثعبان في غابات الأمازون وتنحنح وتصلح وخط عدة خطوط بعصاه في الرمله الدقاقه حيث يتفرجخ أو يجلس القرفصاء لا فرق وبدأ في شرح عبارة الواطه إتأخرت ، فقال فض فوه أن الليل لف المكان في جريدة وبالتالي فإن الوقت تأخر حقيقة والواطه بالضرورة تأخرت مجازاً وبي مزاجها مع ضرورة إنقطاع التيار الكهربائي ومراعاة الجمرة الخبيثة أو الجمار الخبيثات حالة كون الجمع جمع تأنيث سالم أو مدشدش.
هناك الكثير من العبارات التي نرددها ونعرف أو نعلم أنها يقصد بها شئ معين أو وضع معين بالسليقة والتكرار لكنها تبقي غير مفهومة لنا ، فالكثير من كلماتنا وعباراتنا عبارة عن شفرات سرية تحاكي دافنشي كود ، فمن أين جاءت مثلا عبارة ماشي أتسير أو أقطع الجمار بالرغم من أنك في أحسن الأحوال تكون تحمل أبريقاً وليس فأساً أو منشاراً أو سكيناً حتى.
إن عبارة الواطه تأخرت هي عبارة بليغة جداً فيها كل محسنات علم البديع ، وغالباً ما تتأخر الواطه ليلاً بأن تفلل كما ذكر أحد المتداخلين ، وكون الشي فلل أى أصبح في الليل وبالليل ده ماشي وين ، وهي تحاكي الواطه بالمغرب فتكون مغربت أو أصبحت إذا إنجلى الليل ودخلت حصين السواري إلى ثكناتها، عليه فإن الأمر لا يعدو أكثر من أن الليل قد لف المكان.
أنا أحتج دائماً على عبارات على شاكلة "رأس البيت" فأين كرعين ويدين البيت وهو في أحسن الأحوال شكل هندسي مربع أو مستطيل ، وأيضاً عندما يقول لك شخص أقطع الظلط أو أقطع الشارع فالمفهوم أنك سوف تعبر الشارع لكين القطع ده حا يكون كيف وهل سوف تمهلني العربات والركشات من قطع الشارع حتى لو كنت أحمل منشاراً كهربائياً ماركة بلاك أند ديكر ، وهناك قطع مسافة السباق في دقيقة وثلاثة ثواني وأربعة أعشار جزء من الثانية ، أما قطع الطريق فهو في أحسن الأحوال عملية الرباطيه أي قطاع الطرق فهم يقطعون الطريق بعمل بلوك لكل سائر مرتحل ويلحسون ممتلكاته ويفكونه عكس الهوا وإذا ما قاوم أو حاول أن يقاوم حا يتلحس وهو ما يعرف بالفول المصلح.
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
ياطارق ياخى ما نحن برانا البنكضب كضب زى ده ..
عليك الله اسمع اى اذاعة ولا قناة عربية.. وشوف اى برنامج يكون مستضيفين فيهو زول.. فى النهاية يقولو ليك نصل الى ختام برنامجنا ونشكر ضيفنا العزيز لأن الوقت قد داهمنا ..
اها فى وكت بداهم ليهو ناس .. لو ما كضب ..
| |
|
|
|
|
|
|
|
|
|
Re: الواطه اتأخرت (Re: Salwa Seyam)
|
عليكم نووووووووووووووور
كلكم
طيب يعني الواحد لو داير بشتري ليهو
قطعه واطاه
لازم يجرب سرعتا اول حاجه
يشوفا واطاه بت ناس
ولي بتتأخر ساي
ولازم يتأكد من الحجر بتاعا
عشان يظبط ليها الزمن
ولازم يكون مكتوب في شهاده البحث
ناصبه سرعه كده
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
من ما شفت العنوان اتذكرت لي قصة طوالي اقيف احكيها ليك لكن قبل ما احكيها ليك الزول التعبان يصغر ليك في الصورة دا عبرو شوية شيل الصورة الظابطة المقصوصة ومنهدمة دي اقيف فيها بزر الماوس الايمن ومن خصائص شيل العنوان حق الصورة وختها محل الصورة الفي البروفايل ... دروس مجانية ..
نرجع لموضوع الـواطة ...
لماكنا انا وعماد اخوي بندرس في سوريا وعماد قام حبة لي بت سورية كانت بتجي تتونس معانا كل يوم بعد داك نمشي انا وعماد نوصلها لحدي بيتهم انا اليوم داك كنت نعسانة قمت قلت ليهم ياخ نمشي الـواطة اتاخرت بس يلا تعال شوف هي طبعا مافهمت اي حاجة وزعت زعل شديد جدا ويعني شنو الـواطة اتاخرت ولما بكت في الـواطة اتاخرت دي .. شيل دق شيل دق قعدنا نشرح ليها الموضوع وبالعافية الـواطة اتاخرت ومشينا وديناها ...
هسي تقول ليك النبي انبطحي ...
______________________________
تخريمة : يا عماد جر اللام شوية
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
شوف يا ابو صلعة
نحنا ا
البتتأخر دي حرم ما تخش بيتنا ..
وما عندنا واطة بتتاخر بره .. لي عند الوقت دا ...
وكان الله لا قدر .. اتأخرت شوية ..
تكون واطاتا صبحت ...
وتاني كراعه ما بتعتب برة البيت
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
يعنى يا طارق انت مستغرب فى الواطه البتتأخر دى ..
طيب ايه رايك انو فى ناس بقولو انها بتفلل كمان .. اها (الواطه فللت) دى ما سمعت بيها كمان ..
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
طارق المجنون جدا ولذيذ خالس
اها الكورة واطة كيف ؟ لمن ا
تتاخر الكورة تمشى وين ؟
وبعدين لمن زول يقول لى زول جيت ولقيتك مافى كيف دى ؟
امكن تكون ا
اتاخرت ؟
وهى بتمشى وين لمن تتاخر ؟ يخس واطة قليلة الادب وعديمة وليان
امكن تكون (مجكسة) السما ونحنا ما عارفين ؟
عشان كده بتتاخر لمن تجى نازلة بتكون اتاخرت للسبب دا امكن
ولا امكن لمن تكون جات نازلة عترت ليها الشمس وقاااااااااامت اتاخرت
او ناس القمر عندهم حفلة (صباحى ) اخت ( معتز صباحى ) وقال ليها (طلاق كان تمشى )
و (ناس المريخ محتفلين بكاس الدورى ) وقالو لازم تجضر
دى كلها اسباب موضوعية لتاخر السيدة ا
او انها خافت لمن ترجع يقولو ليها ( الختيتيها رقدت واطة )
او انها مادايرة تتساوى مع اليد المختوتة ( واطة )
والظروف ما معروفة (امكن الناقل الوطنى ما جا فى ميعادو ؟)
او لمن جات قالت (اغالط نفسى فى اصرار واقول امكن انا الماجيت )
وبعدين ا
دى مسكينة مرة واحدة بتتاخر لكننا بنتاخر طواااااااالى ونخت اللوم عليها
شخصيا (بخت اللوم على نفسى ) او كما قال الجابرى
| |
|
|
|
|
|
|
|
|
|
Re: الواطه اتأخرت (Re: سلمى الشيخ سلامة)
|
عماد عبدالله
ازهري نور الهدي
محمد السبد
ريهان الشاذلي
شاديه
عصام
محمدراشح
الملا عمر
سلوي صبام
انعام حيموره
احمد حنين
عمر عثمان
سلمي الشيخ سلامه
عماد عبدالله
ود العباسبه
دي احلوت اوي بيكم
معا من اجل معرفه الحقيقه
ولا نامت اعين الوااطا
برجع ليكم
لو ما اتاخرت
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
الحقيقة يا مان لازم يسبقها حرف جر ، هوهوهوهوهو ، لكين أعمل حسابك من كلابك حلتنا ديل لو قلت ليهم جر بزدادوا شراسه وبتمضمضوا بي عراقيبك مراكيبك ، أها بي كده تصبح الجملة بعد التصويب في الحقيقة ما عليك وما علينا برضو.
قطعة أرض أو قطعة واطه يعني شنو قطعه وقطعوها من وين بعدين لقيت ليك مكتوب في لوري أهل عوضي "الفكي شن بقي حبل واطه ما تاطا" وأنا قايلها بالياباني قام صاحبي وهو أهل عوضي قح قال لي يعني لو الفكي بقي حبل مجدوع في الواطه ما تعفصو ، بعدين وزارة أو مصلحة الأراضي ليه ما يقولو مصلحة الواطه و زارة الواطه وقبل كل شئ جمع واطه شنو ، أوعك تعمل فيها تفتيحه وتقول لي كيلو واط أنا قدرت أعرف مصدر تسمية واطه جايينا من وين ، أن تطأ الشئ أى شئ هو أن تدوس عليه ومن ثم يكون الإنسان واطئ أى وضيع وليس متواضع لأنه معفوص أو مدهوس بالأرجل لذلك كل إرتفاع يقل عن السكه حديد بفرسخ أو دون ذلك تصبح واطه.
أما الكورة واطه كما ذكرت الأستاذة سلمي الشيخ فهذا ضرب من ضروب كرة القدم الحديثة وهي تعتمد بالدرجة الأولى على طريقة 3 - 5 - 2 بتكثيف منطقة الوسط والشوت ضفاري من عند دائرة السنتر أو قوس منطقة الثمانية عشر.
الواطه المسكينة ما بتتأخر لكين الزمن
الواطه ما بتفلل لكين الشمس ومغيبها
الواطه ما بتصبح لكين الشروق وقوم يا اخي روق
الواطه ما بتمغرب ولا بت تونس ولا بت جزائر لكين غروب الشمس
السؤال الذي يطرح نفسه واطه هو هل نقصت ساعات اليوم أو قلت دقائق الساعة أو ثواني الدقيقة فأصبحنا نجلي يوم يومين من كل أسبوع ، يا أخي قوم الواطه صبحت دار ننوم*
===
* الحق الأدبي محفوظ للشاعر الحلمنتيشي حيث ورد المقطع أعلاه في قصيدة شهيرة لأحد شعراء حلمنتيش الأفذاذ بعنوان عبدو
| |
|
|
|
|
|
|
|
|
|
Re: الواطه اتأخرت (Re: Walid Safwat)
|
حيدرنا الؤاقي
وليد صفوت
شكرا للطله
من امبارح داير اكمل الموضوع
مالاقي وكت
الحاصل شنو
عرفنا السوله دسوها
الوكت الداسيهو منو
زول عندو يسلفنا حبه
اقبض وكت
وكت مهرب
وكت مضروب
وكت مسروق مغشوش
المهم وكت
وكت لله يامحسنين
| |
|
|
|
|
|
|
|
|
|
Re: الواطه اتأخرت (Re: انعام عبد الحفيظ)
|
Quote: شنو حكايه الزول مايجي
ويقول ليك بكل بساطه
لقيت الواطاه اتاخرت
داما طلم؟؟؟؟؟؟؟ |
لووولز يا طارق...
شكلك كده ..اليوم داك أكلت نسيم.
و......وعدوك وضيّعوا خلطتك 
الجماعة وطاتم إتأخرت..بس إنت
وطاتك أصبحت !!!
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
الأخ طارق ...
قريت البوست ... وإتذكرت بوست كنت عملته قبل فترة بعنوان (أخطاء في لهجتنا العامية) كان فيهو آراء جميلة من المشاركين. بس فتشت ليهو في (سقط لقط) عشان أعمل لينك ما لقيتو ... أو زي ما بنقول ((لقيتو مافي)).
طيب إنت هسة ليه بتقول (القميص بقى ضيق)؟ حلاتك والله .... يعني زايغ وما عايز تقول إنك سمنت؟ ... طيب ما تتأخر ا
ما دام (البحر بيقوم) و(الدنيا بتتقلب).
يا خوي إنت تقعد تساهر بينا كدة لامن واطاتنا تصبح
| |
|
|
|
|
|
|
|
|
|
Re: الواطه اتأخرت (Re: osama dahab)
|
ياسلام ياسلام
علاء الدين حيموره
انعام عبد الحفيظ
عبدالله الحبيب
عبد الدايم سيد احمد
محمد راسخ
الصادق خليفه
محمد ابوالعزايم
اسامه دهب
شباب حلوين منورين والله
رايكم شنو في اقتراح استيراد وكت
اشالله مستعمل
| |
|
|
|
|
|
|
|
|
|
Re: الواطه اتأخرت (Re: nazar hussien)
|
قوتلك..
هي الواطا دي هولك؟ ولا هيلا منو؟
واناخرت من منو؟
وهو اصلها كانت وين؟
الرسول ما تشاكلها وقت تصل..يبقي في سببن ماهو هين اخرهافي دربها..
سمح؟
| |
|
|
|
|
|
|
|
|
|
Re: الواطه اتأخرت (Re: Muna Khugali)
|
Quote:
رمضان فاجأنا
اشالله رمضان ال
|
جبت لينا كاروشة يا صاح...
أوع يكون جايينا بكرة واللة كدة. أم أنه قد جاء فعلا وتأخرت بسبب ا
المتأخرة أم انني فعلا فقدت عقلي أم الزهايمر ظاطو.. يمكن يا رب؟؟؟
ا
أتأخرت على وزن الحلة بصل... أوكما قال...!
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
طارق سلامات
اطرشنا ما سمعنا با
اتأخرت دى الا عندك انت الليلة
انا غايتو ما سمعت .. ما عارفة الناس التانية ..
انا زولة غبشة من اهل العوض بعرف حاجة واحده بس
اسمها (ا
فللت)..
ما تقعد( بضم القاف والعين )
تقعد (بكسر العين) لينا فى الكلام ساى على قول حبوبه
ونحن اهل العوض بنقول الوقت فات .. طبعا الوقت بنقولا( وكت ) ما بالقاف
طبعا مش قصدنا وقت الصلاة .. الوقت عموما
شفت نحن بنهجر الحروف كيف فى ا
حقتنا الفللت دى؟
نجى لى اصل موضوعك ليه الوقت يفوت على قولك .. ليه نحن ما ننكرب ونفوتو
ولا على الاقل نحصلو؟؟ هنا بس بتفق معاك يا الحنين
اسماء الجنيد / مسقط
| |
|
|
|
|
|
|
|
|
|
Re: الواطه اتأخرت (Re: soma)
|
الله الله
الفنان نزار
مني خوجلي اللتنا
عبد الله زمراوي حقنا
سوماالسمسومه
اها باقيلكم مابلقولنا حل
قالولكم رسلولنا وكت وكييييت
الساعه بي هني اتمحقت جت
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
ميزانيه تقدبريه نموزجيه لعدد الساعات المطلوبه في اليوم
نوع اليوم عادي
الزول النموزج عزابي
العمر كم وتلتين
صحيي الزول من النوم 3 دقايق
دعك عيون عادي 2 دقايق
فتيش سفنجه 4 دقايق
رجيان فضي حمام 12 دقيقه
تمصير معجون اب صفقه 4 دقايق
غرفان بلاعه 13 دقيقه
نفيض النعلين من الغرفان 3,5 دقيقه
نخنيخ ماسوره ْ+ نقيط ساي 5,7 دقيقه
جيبان مويه من جيران عندهم خزان 11 دقيقه
دش عادي + عدم حلاقه 30 ثانيه
فتيش شراب + شم 7 دقايق
مليس جضوم متوسط 4 دقايق
جرجير عناقريب فوق بلاط 5,45 دقيق
مرقان + قفيل ابواب 6 دقايق
زوغان من سيد بقاله 18 دقيقه
نهير كماسره + اوسطوبات 229 دقيقه
نهزير موظفين + وجبات 457 دقيسه
صرصير اجتماعات + بري 567 دقيقه
فواتح + سمايات 876 دقيقه
عنقيد دفع رسوم حكوميه 9845 دقيقه
بشير عزومات عرس 7 دقايق
حنيس حردانين 24 دقيقه
تصرفات غير منظوره 5648 دقيقه
احتياطي ميزانيه 15 دقيقه
المجموع 36 ساعه
اليوم 24 ساعه
العجز الكلي 12 ساعه
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
الحبيب طارق:
لكن الوكت دا( زي ما قلت سوما)
ما مصرته مصر السواد.. ما خليت فيه باقي كلو كلو..
كدي عيد توزيع الميزانيه (الدقائق ) حسب الاحياتجات الاساسيه..
يعني باصر يومك ..بالعدم اتسلف زمن من اليوم البعده...
وورينا الحاصل شنو
تحياتي,,,,,,,,,
| |
|
|
|
|
|
|
|
|
|
Re: الواطه اتأخرت (Re: هاشم نوريت)
|
طارق سلامات
طبعا ضحكت كما لم اضحك من قبل
ومن قبيل بحاول فى تلفون .بدر الدين شنا
عشان اضحكوا معاى فى جدولة الوكت العملتها فوق دى
مباااااالغه
يديك العافيه يا رب
***
مشاققة
بدر الدين ياخ شوف ليك طريقة لى شبكتكم الفى الخلاء ده
ولا القطر بفوتك
****
متاوقة
ايهاب الطيب الزول الحنين
والله الشوق غيمه ومطرتين
بركة الليلة الشفناك تحت نيمة طارق البااااااارده دى
يا ربى انت الغائب ولا انا كعادتى جرى عدوك يابا
لك التحية وسلام لكل العقاب
| |
|
|
|
|
|
|
|
|
|
Re: الواطه اتأخرت (Re: soma)
|
Quote: صحيي الزول من النوم 3 دقايق
دعك عيون عادي 2 دقايق
فتيش سفنجه 4 دقايق
رجيان فضي حمام 12 دقيقه
تمصير معجون اب صفقه 4 دقايق
غرفان بلاعه 13 دقيقه
نفيض النعلين من الغرفان 3,5 دقيقه
نخنيخ ماسوره ْ+ نقيط ساي 5,7 دقيقه
جيبان مويه من جيران عندهم خزان 11 دقيقه
دش عادي + عدم حلاقه 30 ثانيه
فتيش شراب + شم 7 دقايق
مليس جضوم متوسط 4 دقايق
جرجير عناقريب فوق بلاط 5,45 دقيق
مرقان + قفيل ابواب 6 دقايق
زوغان من سيد بقاله 18 دقيقه
نهير كماسره + اوسطوبات 229 دقيقه
نهزير موظفين + وجبات 457 دقيسه
صرصير اجتماعات + بري 567 دقيقه
فواتح + سمايات 876 دقيقه
عنقيد دفع رسوم حكوميه 9845 دقيقه
بشير عزومات عرس 7 دقايق
حنيس حردانين 24 دقيقه
تصرفات غير منظوره 5648 دقيقه
احتياطي ميزانيه 15 دقيقه
المجموع 36 ساعه
اليوم 24 ساعه
|
غايتو الضحك شرطني: وحالو دا لسه في حاجات نسيتها يا طارق...(بول وشراب شاي,,,وفتيش كيس صعوط ودرديم سفة او وليع سيجارة ودفرة عربية جار او عربيتك زاتها...وسلام علي ناس في ضل نيمة...
وفتيش الموبايل او شحنو...وتفتيش المفاتيح...وكوية لياقة قميص...وسرقة بخة ريحة من دولاب...
غايتو بالميت كده عايز ليك اربعة ايام قمرية ...امش طالب بيهن ناس الضرائب..
| |
|
|
|
|
|
|
|
|
|
Re: الواطه اتأخرت (Re: nazar hussien)
|
يا نزار
درديم سفه
وبخبيخ قميص مكرفس
ورشريش واطات برنده
وحكحيك فلايت ضهر
وطنيش برامج تلفزيونيه
وقشير قصب
دي كلها مذكوره في بند
تصرفات غير منظوره
راجع كشف الميزانيه
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
يا طارق حساباتك دي قبل البكور وإلا بعده.
وبالجنيه القديم وإلا بالدينار وإلا بالجنيه الجديد لانها بتفرق.
وإلا ياخي يمكن دي من معجزات ثورة الانقاذ وكده.
وإلا اقول ليك العجز بتاع ال 12 ساعة ده اسال منو المراجع العام امكن في زول اختلسو.
| |
|
|
|
|
|
|
|
|
|
Re: الواطه اتأخرت (Re: omer osman)
|
هاشم نوريت
سوما
عمرعثمان
سلامات
يلي كونو لينا وفد
يمشي الصين
يشوف حل لي العجز في ميزانيه الوكت
ويشحدو لينا 150 مليون ساعه
نلحق بيها الزمن
ومافيش حد احسن من حد
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
Quote: صحيي الزول من النوم 3 دقايق
دعك عيون عادي 2 دقايق
فتيش سفنجه 4 دقايق
رجيان فضي حمام 12 دقيقه
تمصير معجون اب صفقه 4 دقايق
غرفان بلاعه 13 دقيقه
نفيض النعلين من الغرفان 3,5 دقيقه
نخنيخ ماسوره ْ+ نقيط ساي 5,7 دقيقه
جيبان مويه من جيران عندهم خزان 11 دقيقه
دش عادي + عدم حلاقه 30 ثانيه
فتيش شراب + شم 7 دقايق
مليس جضوم متوسط 4 دقايق
جرجير عناقريب فوق بلاط 5,45 دقيق
مرقان + قفيل ابواب 6 دقايق
زوغان من سيد بقاله 18 دقيقه
نهير كماسره + اوسطوبات 229 دقيقه
نهزير موظفين + وجبات 457 دقيسه
صرصير اجتماعات + بري 567 دقيقه
فواتح + سمايات 876 دقيقه
عنقيد دفع رسوم حكوميه 9845 دقيقه
بشير عزومات عرس 7 دقايق
حنيس حردانين 24 دقيقه
تصرفات غير منظوره 5648 دقيقه |
هههههههههههههههههههههههههههههههه
يعني يا طارق يومك ده مُقضاة غرض مافيهو ؟ زولك يومو كلو يروح في الحواس الخمسة (حكحكه وجرجره ومُصير وشمشمة ومليس جضوم)?
ياخي اضحك الله سنك وينصر دينك بالمرة كده
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
والله يا طارق ميزانية الوقت الفيها عجز دي إلا تتمها بإنك تمشي لبنان أو الشام وتدخل صيوان عزاء وتسال الحاصل ليكم شنو ويقومو يقولو ليك (فلان اعطاك عمره ) وتجيب عمره ده وتضيفه لرصيدك وكان ما كفى تمشي اقرب بنك وقت تطلب سلفية خصما على العمر
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
هيّ بالله برضه قالت ليك كده ؟؟
تصدق ؟ مش اكتشفت ليك إنها كانت
"بايتة" مع ناس وائل (وكده) !!!!!!!!
بالمناسبة وايل ما قفل الوبايل !!!
هيّّ القفلتو !!!!!!!!!!!!!!!!!!!!
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
ياناصر
هو الحرامي بلقي وكت وين
ميزانيه تقدبريه نموزجيه لعدد الساعات المطلوبه في اليوم
نوع اليوم عادي
الزول النموزج عزابي
العمر كم وتلتين
صحيي الزول من النوم 3 دقايق
دعك عيون عادي 2 دقايق
فتيش سفنجه 4 دقايق
رجيان فضي حمام 12 دقيقه
تمصير معجون اب صفقه 4 دقايق
غرفان بلاعه 13 دقيقه
نفيض النعلين من الغرفان 3,5 دقيقه
نخنيخ ماسوره ْ+ نقيط ساي 5,7 دقيقه
جيبان مويه من جيران عندهم خزان 11 دقيقه
دش عادي + عدم حلاقه 30 ثانيه
فتيش شراب + شم 7 دقايق
مليس جضوم متوسط 4 دقايق
جرجير عناقريب فوق بلاط 5,45 دقيق
مرقان + قفيل ابواب 6 دقايق
زوغان من سيد بقاله 18 دقيقه
نهير كماسره + اوسطوبات 229 دقيقه
نهزير موظفين + وجبات 457 دقيسه
صرصير اجتماعات + بري 567 دقيقه
فواتح + سمايات 876 دقيقه
عنقيد دفع رسوم حكوميه 9845 دقيقه
بشير عزومات عرس 7 دقايق
حنيس حردانين 24 دقيقه
تصرفات غير منظوره 5648 دقيقه
احتياطي ميزانيه 15 دقيقه
المجموع 36 ساعه
اليوم 24 ساعه
العجز الكلي 12 ساعه
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
الدنيا مولعه ??
والواطه مقلوبه كده مالها??
والله انا العيوني زايغه??
وراسي جايط ومشقلبه حالي
هي حالي دي بكون شكلها كيف ??
وبعدين تعال هنا ما وصفت حالك وزمن فتيش الجيوب
لقروش المواصلات وغالبا مافي
وزمن الزوقانات من الكمسارى وكده
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
العماره الحزينه في الزمن السمح داك كانت حزينه
يا ربي بقى حالها كيف
سلام عبرك لكل هؤلاء وجلود وكديس وكل زول تلقاه اخبارهم مقطوعه من عشر ه سنين
| |
|
|
|
|
|
|
|
|
|
Re: الواطه اتأخرت (Re: gamal)
|
Quote: عبدالله الحبيب
يامروج اشاعاتنجي
اسحن ليك تشطب الاشاعه دي |
ليه بس؟؟..كده بس..كده بس
..طارق يا جميل
ما تنفعل..ده مجرد تحليل
عليك الله... دا زول يشرووهو ؟؟
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
الواطه حرت لمن يكون موسم الصيف
الواطه بردت لمن يكون موسم الشتاء أو تجيب ليها مطره
الواطه دايره تجغمنا لمن تسخن شديد وخاصة في رمضان الواحد يفتش للنفس ما يلقاهو والشمس تمشي خطوه إتنين مستحيل
الواطه بتلف عشان تعدل أو تخرب المزاج
| |
|
|
|
|
|
|
|
|
|
Re: الواطه اتأخرت (Re: almulaomar)
|
يعني مفروض
الواطا في الصبف تبرد
عشان تخفف السخانه
وفي الشتاء تسخن
عشان تخفف البرد
لكن تقول شنو
معاكسه بس
زي الشاي والحاجه اليارده
تنسي الشاي في الطربيزه يبرد
تنسي البيبسي يسخن
مش عكاس؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
وحزم الدعم الثقيله
هل المعني
تقيله لمن مافي زول بقدر يرفعا من الواطا؟؟
ولي تقيله يعني ماخفيفه ولقيفه وبتجينا وكت ما تفضي لينا
وتتأخر لينا علي كيفا زيها زي الواطا؟؟
ولي المقصود انها ثقيله جنس ثقاله يعني دمها بارد؟؟
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
و الله يا طارق الحزم الثقيلة دى الا ناس السياسة
يقعدوا ليها فى ا
ساعتها برفعوها
و صدقنى اى حاجه يقعدوا ليها فى ا
بتمشى
ما هو ختينا الكورة واطة مشينا غانا
محبتى
| |
|
|
|
|
|
|
|
|
|
Re: الواطه اتأخرت (Re: طارق الأمين)
|
طارق الشعيرات مبروكات .. اول مرة اشوف شعر بقوم في فد يوم!!!
عندي ليك سؤآل صغيروني كده بمناسبة الواطـه الجننتها جن دي ..
طبعا سمعت العبارة البتقول "شافع ما قام من قعر الواطـه"، اها سؤآلي الواطـة دي قعرها وين؟ وهل ليه اي علاقة بي انها بتتأخر وكده؟
الصاوي
| |
|
|
|
|
|
|
|
|
|
الصاوي ازيك ياخي
مشتاقين
انت ماحضرت لمن يوم الناس فجأه
جوالخرطوم شارع النيل الصباح بدري
اها لقو ليك شارع النيل كلوبقي
فيهونخلات طوااااااال
فجأه كده
سألناقالو في واحد اسموحاج بشير
بجيبن جاهزات وطوااال كدي بس ويغزوهن
وانت مستكتر علي الشعيرات الفجأه؟؟
واحد صاحبنا يا الصاوي
علق علي زول قال كيف زوجته صغيره كده
واولادا كبار كده
رد ليهو صاحبوالتاني
قاليهو لالالالا
ديل ما اولادا
ديل اولاد المرا القديمه الاولي
لكن جابوهم كبار كدي وختوهم مع المرا الجديده
زي تمر ناس حاج بشير دا
باقي الاسئله برجعليك فيها
لكن
بعدالفاصل
| |
|
|
|
|
|
|
Emad Abdulla
ودالعباسية
Azhari Nurelhuda
ريهان الريح الشاذلي
عصام عبد الحفيظ
محمد راسخ
almulaomar
انعام حيمورة
ahmed haneen
omer osman
سلمى الشيخ سلامة
HAYDER GASIM
Walid Safwat
علاء الدين حيموره
انعام عبد الحفيظ
Abd Alla Elhabib
عبد الدائم سيد أحمد
الصادق خليفة
محمد أبوالعزائم أبوالريش
osama dahab
nazar hussien
Muna Khugali
Ehab Eltayeb
هاشم نوريت
Ahmed Yousif Abu Harira
فاروق حامد محمد
gamal
ناصر جبريل
somia gassim
خالد محمد سليمان
elsawi
فيس بوك
تويتر
انستقرام
يوتيوب
بنتيريست