هنا نتحاور ونتعرف على ابراهيم محمد الحسن ... مرحبا بالجميع

Quote: السلااام عليكم ابدا ابراااهيم الحبيب .. بقولوا الزول الماعنده قديم يفتش ليه قديم...بتصرف منى طبعا...وانت قديمك وجديدك وحاضرك كلهم حلوين زيك ياهيمو ياخى كفاية لى ريدتى ليك انو اسمك زى اسم اخوى البريده زى عيونى .. الغالى ابراهيم .. اعلم انى بقدرة الله سألتقيك يوما ...واعلم انى سأعانقك كانى اعرفك من مليون عام او كل السنين .. وحتى ذلك الحين...اكتفى هنا والان عن متابعة سردك الرااقى لمشوار حياااتك..علك تستكمله لى شفاااهة ذات يوم .. تعرف ابراااهيم...زى كنت مسااافر وركبت قطر...والمشواار طويييل ورفيق السفر احلا منه مااافى .. بس المحطة الاخيرة يااااها دييك قداام العيون المبتلة بدموووع فراااق...ونزلنا لى محطتنا الاخيرة .. والان جاااءت محطتى الاخيرة وجااء اوااان الفراااق حتى حين .. يكفيك ان تعلم سببا لمغادرتى لهذا القطاار الجميل...انى سئمت احترااب السوداانيين بعضهم ببعض...سئمت حزنا يابى ان يغادر عيون الوطن .. اوجاااع الوطن يا ابراااهيم كلها حااضرة فى المنبر العاام ...اوجاع واحقااد وفتن وكراااهية وعنصرية وسب...بالله كيف نزرع الازاهير بكل هذه الكراهية .. مغادر انا موقع سودانيز اونلاين للابد...حتى يعلم ناس المنبر العام انو الوطن ماكيزاان ولا شيوعيين...الوطن ينزف وهم تاايهين فى سب بعض وكراهية بعض .. اخذت الجميع العزة بالاثم فى المنبر العااام...والله كرهونى الموقع يا ابراااهيم...زى ماالكيزان كرهونا البلد وخلونا نطلع منها .. ابقى عشرة على اليوم الحااار وعلى حمودى وعلى نفسك ياحبيب وان بقى شى اخير....تشرفت بكم ايها الاحباب ايما شرف سلااام الى حين اخوك ياسر

(عدل بواسطة ابراهيم محمد الحسن on 02-05-2009, 07:11 AM)