|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
أول استجابة لطلب العون من خارج العضوية كان من المهندسة آمنة القادمة وبقوة إلى المنبر .. حيث ارسلت إيميل مفاده الآتي::
Quote: مساء الخير
أنا الليلة اول يوم اقرأ البوست بتاع البنا ...والله يا شباب فكرتكم جميلة وأنا مستعدة اساهم معاكم في التصميم وعمل الخرط والتصور العام لشكل المبني(عندي خبرة ما بطالة في تصميم الشقق السكنية)لكن طبعاً بعد ما تحددوا قطعة الأرض ومتطلباتكم في كل شقة...وبالجد لو شديتو حيلكم شوية الموضوع بتم
|
ونحن من هنا نطالب بأن يكون بوست البنا من اولوياتك ربنا يسهل وحنبنيهو......
وياهشام مجذوب بي كده بقى ليك شريك في الطابق بتاعك غايتو كان ما شديت حيلك معانا يمكن نمسكها المشروع كلو !!!!
ويا هالة استبشري خير ويا ابراهيم كان عملناها بمبية ولا بصلية ولا حتى احمر مع اصفر انت قلتا من الاول ما عايز إلا امدرمان وفي بحري حدك شارع المزاد يعني بس ادينا دعواتك .....
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
الباشمهندس امنة،
Quote: Quote: مساء الخير
أنا الليلة اول يوم اقرأ البوست بتاع البنا ...والله يا شباب فكرتكم جميلة وأنا مستعدة اساهم معاكم في التصميم وعمل الخرط والتصور العام لشكل المبني(عندي خبرة ما بطالة في تصميم الشقق السكنية)لكن طبعاً بعد ما تحددوا قطعة الأرض ومتطلباتكم في كل شقة...وبالجد لو شديتو حيلكم شوية الموضوع بتم |
ياخى شكرا ليكى لتفهمك الفكرة أولا،، و لعرضك الكريم ثانيا،،
طبعا مجرد مشاركتك معانا فى المشروع يجعلك شريكة أساسية،،
الأفكار موجودة زى ما شايفة، لكن ينقصنا(تبلورها)،،،،
ما عندى خبرة فى مجال الخرط و كدة، لكن طبعا أعلم، أن الخرط و التصماميم النهائية يفضل أن تكون على مقياسات معروفة،،،
بس، بحاول أسأل، إذا كان مجدى ، (نبتدى) نعمل تصاميم مبدئية كدة ، لأنواع مختلفة من الشقق، و ذلك دون الوقوف على المساحات المتاحة،
و لا لازم الدجاجة قبل البيضة؟؟؟؟
__________________________________ إبراهيم، ما تزعل ياخى،، عارفاك داير تسكن معانا محل ما نبقى)،، و موضوع أم در دة كان جس نبض، عشان تشوف لو ممكن نأسس هنا،،،،،
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
مساء الخير
Quote: ياخى شكرا ليكى لتفهمك الفكرة أولا،، و لعرضك الكريم ثانيا،، |
لا شكر على واجب يا هندسة...
Quote: الأفكار موجودة زى ما شايفة، لكن ينقصنا(تبلورها)،،،،
ما عندى خبرة فى مجال الخرط و كدة، لكن طبعا أعلم، أن الخرط و التصماميم النهائية يفضل أن تكون على مقياسات معروفة،،،
بس، بحاول أسأل، إذا كان مجدى ، (نبتدى) نعمل تصاميم مبدئية كدة ، لأنواع مختلفة من الشقق، و ذلك دون الوقوف على المساحات المتاحة،
و لا لازم الدجاجة قبل البيضة؟؟؟؟ |
طبعا ممكن وأنا اليومين دي شغالة لي في حاجة قريبة من كدا ... وممكن كمان ارسل ليكم نماذج لخرط وتشوف المناسب منها وعلى ضوءها تقدرو تحددو القطعة البتحقق رغبتكم ممكن يكون شكلها كيف... بس طبعا التصميم النهايئ بجي بعد تحديد المكان ومساحة القطعة وشكلها
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: حمد محمد احمد)
|
هالة بعد ده نحنا سالئنك انتي عن الحاجتين ديل:
Quote: وممكن كمان ارسل ليكم نماذج لخرط وتشوف المناسب منها وعلى ضوءها تقدرو تحددو القطعة البتحقق رغبتكم ممكن يكون شكلها كيف |
Quote: هالة قريب سيكون هناك اتصال مثمر معك ما ناسين الموضوع المشغوليات ( الاسمنت رخص والشغل بقى كتير )
|
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
الإخوة الأعزاء، امنة، حمد، صلاح،
و طبعا ما ننسى واسطة الخير سارة،،
سلام كتير،
أولا، امنة، شكرا تناى على الروح الطيبة، و منتظرين منك (أفكار) حلوة،،،
حمد، الأسمنت رخص، السيخ كيف؟؟
طيب ننتظره يغلى تانى؟؟ (وش بضحك)، غايتو الله معاكم،،
الليون، كلنا مسئولين من الحاجتين ديل، كلنا،،، و أنا معتمدةعليك تدفر لينا البوست دة، طبعا،،،
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
Quote: صلاح الرسومات بتصل هالة الاسبوع الجاي أن شاءالله... |
امنة،
شكرا ليكى،
فى الإنتظار،،،،
الليون، كمان الباشمهندس حمد إتصل على الاسبوع الماضى وو عد بتنفيذ الدراسة الاتفقنا عليها كاملة، (أنواع البناء المختلفة على نموذج موحد، و حساب التكلفة)،،،
و نحن برضو فى الإنتظار،،
أما عن موضوع الياسمين، للأسف أنا ما عندى معلومات،،
لكن العروض على أرض فضاء، أم بناء جاهز؟؟؟
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
Quote: اعلنت شركة مينا المصرية للاستثمار العقارى عن انطلاقة عمليات التسويق لمشروع الياسمين السكنى بمنطقة سوبا بالخرطوم,وقال رئيس الشركة المهندس فتح الله فوزى امس الاول فى الحفل التنويرى الذى اقامته الشركة بهيلتون الخرطوم , ان المشروع يتكون من حوالى 595 فيلا سكنية بمساحات مختلفة وتوجد فيه كافة الخدمات الاساسية من شبكات مياه وكهرباء وهواتف وصرف صحى وخدمات صحية وساحات للترفيه والالعاب. وذكر ان التكلفة الكلية بلغت 130 مليون دولار وان سعر الفيلا يصل الى حوالى 200 الف دولارفيها مقدم على طريقتين الاولى دفع القسط الاول والذى يتراوح بين 15% الى 25% والباقى على اقساط لمدة تتراوح مابين 3 الى 4 سنوات. واشار الى ان المشروع شراكة بين الصندوق القومى للتامين الاجتماعى وشركة النيل الازرق للبناء والتشييد وهى شركة سودانية متخصصة فى التطوير العقارى وتساهم فيها العديد من الشركات والمؤسسات فى الشرق الاوسط والتى على راسها شركة مينا للاستثمار العقارى. واضاف فتح الله ان العمل بدأ الان ومن المتوقع ان ينتهى فى غضون ثلاث سنوات، مشيرا الى ان مجموعة من شركات المقاولات تم الاتفاق معها لتنفيذ العمل،وقال ان شركة مينا نفذت حوالى 120 مشروعا سكنيا فى القاهرة والاسكندرية ولبنان. من جانب اخرقالت سلوى الشيبانى مديرة شركة المواهب للعقارات التى تقوم بالتسويق ان عمليات تسويق وبيع المشروع بدأت ووجدت اقبالا كبيرا، واشارت الى ان عمليات تنفيذ المشروع ستسخدم فيها احدث التكنولوجيا حتى يتم التسليم فى الوقت المحدد. كما اشارت الى ان لديهم خطط تنموية طموحة للعمل بالسودان فى مناطق الساحل الشرقى والجنوب،مضيفة ان السودان يشهد طفرة اقتصادية تحتاج الى مثل هذه المشاريع سيما ان بنوكا عديدة اصبحت تعمل فى مجال العقار.
|
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
هالة ،،
Quote: ماشاء الله، سميتوها أسيل برضو؟؟؟ زى بنت ناس هبة أختى،،، |
أييييق ،، قديمة جنس قُدم ،،،
اتكلمنا عن الإسم ،، وإنه ذي بنت ناس هبة كزن ،، وبنت سوسن آدم ،،، (كهربجية ساكت ،،،)
Quote: خلى بالك الجماعة ديل بكونوا سمعوا بالموضوع و داخلين على طمع،،، |
دي حالتها هالة لسة ما قرت تداعيات دهب أسيل ،،،
هالة ،، بالجد محتاجة تفضي شوية وتتابعي الفاتك برواقة ،، بس ،، ما تتطولي ،،،
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ابراهيم محمد الحسن)
|
Quote: أييييق ،، قديمة جنس قُدم ،،،
اتكلمنا عن الإسم ،، وإنه ذي بنت ناس هبة كزن ،، وبنت سوسن آدم ،،، (كهربجية ساكت ،،،) |
كان كدة، أنا فعلا أتلومت،،،،
Quote: دي حالتها هالة لسة ما قرت تداعيات دهب أسيل ،،، |
قلت لى فيها تداعيات؟؟؟ ما إنت الحق عليك، ما أديتنى الملخص،،،،
ياللا أدينا الصفحة قوام،،
على وزن النكتة،،
Quote: حصري من وزارة التربية و التعليم ....
هذه بعض أجوبة الطلاب الحقيقية في الاختبارات
(الله يخلف بس)
V V V V
سؤال : لماذا تشرق الشمس في ابوظبي قبل دبي الجواب : لأن ابوظبي عاصمة الإمارات
....ممكن
سؤال : عرف البراكين
الجواب : هي مثل الزلزال بس بنار سائلة انظر الكتاب الصورة في صفحة 104
..بطل.. حافظ الصفحة |
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: طارق الكوتش)
|
الكوتش،
شكرا على الترحيب الحار، و ياها المحرينها فيكم،،،
وووووووو،
Quote: من اجل - الازرق - الفرح - المواصله - التوثيق - البناء |
دة كلووو عرفناه،،
لكن دة،،،
Quote: - الحقيقه - التعارف - التحاور |
حق شنو؟؟؟؟*
___________________________ * طبعا الهندسة لا تعنى ضرورة الفهم للثلاثة خيارات الاخيرة،،، ولا شنو؟؟؟
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ابراهيم محمد الحسن)
|
Quote: دا كلام هب ساكت
تبارى لى ناس هاله وتهانى الا يسكنوك فى البطانه
والبت دى بت مغتربين واهلها امنوك ليها
وعمرها كله ما بتكون مرقت على الضهارى
حقو تكون واضح وتوريها الخريطه بتاعة العاصمه |
هم هم هم هم ...
إنت يا ود دامر المجذوب مافي زول يديك سر أبدا
عموما أنا اشتريت حتة أرض في مدينة النسيم السكنية
مالها عيبها لي يا باشمهندس
و بدعو أي زول حالتو زي حالتي يجي يشتري معاي
الدفع بالأقساط المريييييييييييييييحة
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Tahani abdalla Attia)
|
تهاني البير ،،، نورتِ ،،
والله الواحد بالجد بيكون سعيد لما يلقى الناس كلها بتظهر ،،
Quote: عموما أنا اشتريت حتة أرض في مدينة النسيم السكنية |
تعرفو ،، أنا ساكن في حي إسمه (حي النسيم) ،،
بالله شفتو بيرشيب ذي ده ،،،
لكن ،، شنو يا بير ،، مش كنا عاوزين نجيبكم قريب جنب البراحة ،، مالكم بعدتو كده ،،،
__________ تحت تحت ،،، قلت لي الأقساط مريحة ؟؟؟؟
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ابراهيم محمد الحسن)
|
أنا طبعاً ناس مدينة النسيم ،، و الوادي الأخضر بتاع الليون ،، مستبعدهم شديد (ولو إلى حين ،،)
لكن ،، ما معروف ،، يمكن أسيل ينفعوا معاها ،،،،
إنتِ يا بير ،، قلتِ لي القطعة حا تكتبيها بإسم محمد ولا أحمد ؟؟؟ عشان نركز جهودنا .... (وش الكوشت زاتو ،،،)
__________ طبعا البير ما فاهمة حاجة ،،، عشان ما ذاكرت المنبر لسة ،،،
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ابراهيم محمد الحسن)
|
السلام عليكم اولا مبروك يا دكتورة القطعة
ناس الليون عاوزين ارقام
نحن عندنا نموذجين حا نشتغل عليهم
بس نقسم المهام على الناس لسرعة الانجاز والمشاركة
مثلا عاوزين تكلفة نهائية بدون الدخول في تفاصيل الارقام لكن المواصفات مطلوبة مثلا هشام مجذوب يشتغل حسابات قواعد واعمدة وفلات اسلاب مع التقفيل والتشطيب كاملا مع ذكر نوع البلاط ونوع اللمبات ونوع مواد السباكة والشبابيك تفاصيل واضحة وانا اشتغل لود بيرنق السقوفات عقد ليبي مع ذكر التفاصيل اعلاه
وصلاح مختار اعمدة وقواعد والسقف اسلاب وبيم
وعمر الحبر لود بيرنق وسقف اسلاب وبيم مع ذكر التفاصيل
ونحاول نجيب ارقام للبري فاب
عشان الخيارات تكون متوفرة للجميع
اشكرك هالة
اشكرك ابراهيم
يلا يا ناس مدنية نبدا
لو الدايمنشن ما واضحة الاصول معي ممكن اصورها وادي كل واحد نسخة
من اجل الهندسة البناء تشجيع الناس على البناء وصرف الدهب
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: حمد محمد احمد)
|
حمد
Quote: تشجيع الناس على البناء وصرف الدهب |
الا دهب سى سى بت ابراهيم محمد الحسن لانه امانه
بعدين الامانه يجب ان ترد الى اصحابها
واصحابها ديل ركبوا الطريق و قاعدين فى جده ليهم اسبوع
والناس بتتهرب > نرفع لينا قضيه تانيه ؟
حمد بالجد بالجد نحن معاكم بس ابعدونى من اللون اياه
التوقيع
ابو احمد ( توتو ) > المسلوب حقوقو وحقوق ابنائه
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ابراهيم محمد الحسن)
|
سلام يا جماعة،
نرد الاول على هشام ود مجذوب، و طبعا ما فى خوف على تهانى أخدت حقهاكامل،،
و بالمناسبة دى، مبروك الارض يا صاحبتى،،،، إنشالله بالزيادة،،،
Quote: تبارى لى ناس هاله وتهانى الا يسكنوك فى البطانه
والبت دى بت مغتربين واهلها امنوك ليها
وعمرها كله ما بتكون مرقت على الضهارى |
يعنى يا هشام مجذوب هالة دى شايفها اليوم كله راكبة اللوارى و حايمة من فريق لفريق، طيب إيه رأيك ؟ كنت أتمنى أكون مثقفة فى جغرافية البلد أكتر من كدة، لكن أنا خايفة بنات المغتربين ديل يكونوا مثقفين هنا أكتر منى،،،
أحيييى أنا، لو ما بس إحترامالناس البطانة، كنت أقول ليك، هى البطانة ذاااتها بوين؟؟؟؟
__________________________ ياخوانا، ما قلنا ليكم أدونا الصفحة بتاعة دهب أسيل و الحجوزات التمت لحدى الان عشان نتابع معاكم،
إبراهيم، ما تنسى إحنا برضو ممكن ننافس ( و لينا الأفضلية)،،،
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
أما عن الباشمهندس حمد، جازاه الله عنا كل خير،،،،
دة الكلام........
Quote: مثلا عاوزين تكلفة نهائية بدون الدخول في تفاصيل الارقام لكن المواصفات مطلوبة |
يعنى توزيع الـ Assignments كالاتى:
Quote: 1. هشام مجذوب يشتغل حسابات قواعد واعمدة وفلات اسلاب مع التقفيل والتشطيب كاملا مع ذكر نوع البلاط ونوع اللمبات ونوع مواد السباكة والشبابيك تفاصيل واضحة
2. حمد اشتغل لود بيرنق السقوفات عقد ليبي مع ذكر التفاصيل اعلاه
3. صلاح مختار اعمدة وقواعد والسقف اسلاب وبيم
4. وعمر الحبر لود بيرنق وسقف اسلاب وبيم مع ذكر التفاصيل
5. نحاول نجيب ارقام للبري فاب
عشان الخيارات تكون متوفرة للجميع |
Quote: اشكرك هالة
اشكرك ابراهيم |
الشكر ليك إنت طبعا يا باشمهندس، و لمجهوداتك العظيمة،،، (كفاية النية...)
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ابراهيم محمد الحسن)
|
الف شكر يا إبراهيم،،
Quote: يلا يا أصحاب الإختصاص ،، محتاجين آراءكم ،،
ويا ريت مزيد من التفاصيل ،،
هل بدأ البيع فعلا ،، وما هي الشروط المطلوبة ،، |
و ردا على الإستفسارات دى، مبدئيا أقدر أقول ليك، إنو أصحاب الإختصاص أفادوا بالاتى:
أولا: الارض + البناء (مساحات صغيرة فقط) تعتبر الاسعار معقولة جدا،
تانيا: الشقق السكنية، يلاحظ أن التشطيب (خارجى) فقط،، يعتبر السعر (غالى) مقارنة بالأرض، هذا غير منافع السكن (غير المشترك)،،
و أرجو من الخبراء الإفاضة والتفصيل أيضا،،
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ابراهيم محمد الحسن)
|
في إنتظار المزيد من الآراء من ذوي الإختصاص ،،
إتصل بي الباشمهندس اليسع عبد المنعم ،، وأبدى رأيه في العروض المقدمة ،، عن واقع تجارب شخصية ،،
خصوصا مخطط الريحان (أمدرمان) ومخطط نبتة (بحري)
اليسع يرى أنه الأسعار معقولة جدا ،،
هو يبني في منطقة قريبة من مخطط الريحان (غرب أمدرمان) وأخوه إشترى قطعة في مخطط نبتة ،،
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
الليون،
ياتو قمر صناعى دة؟؟؟
Quote: بس الكويس انو كل الكلام ده لو لاحظنا يقع قبل قطعة الأرض المعروضة مني ومن هالة .. |
كدة تسوء سمعتى فى المحافل الدولية؟؟ القطعة حقتنا دى لو ما كان الكوبرى (المقترح)، أنا ما كنت أخدتها، و بعدين دى حاجة كدة سايبنها للزمن، يعنى بعد ما المنطقة تعمر، و فجاءة كدة تلقاها جوة الخرطوم،
تشوف سعرها ح يكون كم!!!!
Quote: المعروضة مني ومن هالة |
أها عشان التشهير دة، أنا سحبت العرض دة،
عاجبك كدة؟؟؟؟ :D :D :D
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
Quote: و بعدين دى حاجة كدة سايبنها للزمن، |
كلنا والله ياهالة ..
وخلاص هانت .. الكبري قرب .. وبعدها حتكون القطع دي زي الفي نص العاصمة وبعدين رجعي العرض .. هو نحنا جبناهو بالساهل .. مالك عايزة تهدي البنيناهو..
منتظرين المزيد من المعلومات عن النسيم. نبته.. والريحان..
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
Quote: منتظرين المزيد من المعلومات عن النسيم. نبته.. والريحان.. |
بالنسبة لنبتة ،، طبعا المخطط ده تم عرضه وتسويقه قبل فترة بواسطة مصلحة التأمينات الإجتماعية ،، فلل ،، ومنازل ،، وقطع فاضية ،، وكانت أسعاره مرتفعة جدا حسب ما سمعت ،،
وبعد فترة المشروع نام ،، والأسعار انخفضت ،،
السبب شنوووو ؟؟؟ ده مربط الفرس ،، والسؤال الهام المحتاج إجابة ،،،
فمن يملك أي معلومات ،، بالله يمدنا بيها ،،
من ناحية الأسعار المعروضة ،، وحسب رأي أكتر من شخص ،، مناسبة جدا ،،،
نشوف المزيد ،،
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ابراهيم محمد الحسن)
|
Quote: هشام مجذوب ،،
شنو عامل رايح من البوست ده ،،،
رأيكم يهمنا ،،
وما تخاف ،، الحقوق محفوظة ،،، |
اولا" انا ماعندى اى مشكله فى عمل اى خدمه ممكنه
- بالنسبه للمخطط العملو حمد دى حاجه فاخره ومكلفه جدا" وانا حسب فهمى انتو دايرين حاجه اقتصاديه ومتاحه
- بالنسبه لنبته والنسيم دى مناطق غير قابله للسكن فى السبعه سنوات القادمه على الاقل نسبه لقلة اوانعدام العمران ولذلك ممكن تتعاملوا معاها نظام ارمى لقدام
- مخطط الريحان اول مره اسمع بيه
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hisham Magzoub)
|
هشام ،،
Quote: بالنسبه لنبته والنسيم دى مناطق غير قابله للسكن فى السبعه سنوات القادمه على الاقل نسبه لقلة اوانعدام العمران ولذلك ممكن تتعاملوا معاها نظام ارمى لقدام |
إذا كان على السبعة سنوات ،، بسيطة ،،، وأهو الواحد يبنيها ،، قشة ،،،
قشة ،،،
المهم ما تكون في ملاحظات أو مشاكل فنية على المنطقة ،، خصوصا نبتة ،، لأنه حكاية التسويق البدأ فيها ،، وفجأة توقف ،، بصراحة محير ,,,
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: علاء الدين محمد بابكر)
|
سلام يا جماعة،،
هشام مجذوب،
الظاهر عليك ما قريت الكلام الفوق، المخطط البيتكلم عليه حمد دة فاخر ايوة، بس إحنا دايرين نحسب التكلفة لأنواع البناء المختلفة، و كل زول حسب قدرته بعد دة،
و إنت ذاااتك عليك Assignment يا استاذ، أمشى راجع المطلوب،،
بعدين منو القال ليك الناس دايرة تبنى مساكن (شعبية) مثلا؟؟ أكيد البناء لازم يكون محترم، و برضو التشطيب بعدين، كل زول و قدرته،،،
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
هاله
Quote: بعدين منو القال ليك الناس دايرة تبنى مساكن (شعبية) مثلا؟؟ أكيد البناء لازم يكون محترم، و برضو التشطيب بعدين، كل زول و قدرته،،، |
قيمة البيت بتتناسب طرديا" مع مكان القطعه
الكلام دا من ناحيه اقتصاديه
بيت فاخر فى قطعه قليلة القيمه يعنى مردود اقتصادى ضعيف يعنى ايجاره ما حيكون مربح يعنى بيعه حيكون صعب يعنى قيمة البيت ما حتساوى التكلفه
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ابراهيم محمد الحسن)
|
إبراهيم..ومن يسأل عن نبتة:
الصور أعلاه صورتها اليوم الجمعة العصر 17 أبريل 2009
مجمع نبتة أصلا أراضي تتبع للصندوق القومي للتأمين الإجتماعي..
يقوم الصندوق بتخطيط أرض..ثم يقوم برصف الشوارع وتركيب الأعمدة وتوصيل الكهرباء الريئسية والماء..وبعد ذلك يبيع القطع.. قام الصندوق بالتجربة دي في مزرعة الجامعة امتداد شمبات بعد المركزي..وقد نجحت هناك ه نجاحا شديدا..في ظرف سنتين تضاعف سعر الأراض ثلاث مرات.. أعاد التجربة مرة أخري في سوبا..وبعدها في نبتة.. نبتة كان بيعها ضعيفا خوفا من روائح تصريف المجاري وأحواض التخمير جنوب المجمع..نواصل
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: علاء الدين محمد بابكر)
|
انا سابقا كان عندي ذات الرأي بخصوص رائحة المجاري..وكنت أمر بها من بعيد..اليوم اكتشفت أنها أكبر بكثير مما تخيلت واذا كان هناك جزء بتأثر برائحة احواض التخمير حيكون فقط الجنوبي الشرقي منها.
نبتة لها مدخل شرقي يتفرع من شارع المعونة شرقا في محطة الكيلو بالحلفايا..مرورا بالسامراب..ثم أم ضريوة الي نبتة..حوالي خمسة كيلو من شارع المعونة الحلفايا. السير مزدحم في منطقة سوق السامراب.
المدخل الثاني عن طريق شارع محطة بحري الحرارية المتجه الي الحاج يوسف..يتفرع منه شارعين ينتهيان بنبتة شمالا. المنطقة وفقا لما رأيت اليوم تحتاج لزمن حتي تتحول الي مدينة متكاملة مع العلم انو حاليا في ناس ساكنين.. سمعت ان سعر الأراضي بالتقسيط من الصندوق اربعين مليون..أما سعر السوق فهو 22 مليون.. .... هل ترغبون في المزيد؟؟
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: علاء الدين محمد بابكر)
|
باشمهندس علاء يديك العافية ياخي والله افدتنا شديد.. وما عايزين نتعبك .. لكن سؤالك بتاع هل ترغبون في المزيد ده كان مريح جداً.. ..
يصبح نبته دي نخليها جانباً بسبب الروائح عايزين معلومات عن النسيم (الله يجيبها زي اسمها عشان نشتري ونخلص) وبتاعة أمدرمان ديك (الريحان) أنا موصي واحد يشوفها وبرضو بنقول لي صلاح مختار يديها لينا طله ويورينا الراي شنو ..
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ابراهيم محمد الحسن)
|
معلومات مفيدة فعلا و مجهود مقدر من الحاج علاء الدين، لكل الراغبين بالسكن فى مدينة نبتة،،،
حاج علاء ، الله يملاك عافية...
دايرين نذكر مرة تانى، التفتيش عن الارض المناسبة بقدر ما هو مهم، لازم ما ياخد الواحد من التفكير فى أسلوب البناء المناسب، فيا ريت يا الليون و إبراهيم و البقية،، ندفع زيادة فى إتجاه حساب التكلفة للمخططات أعلاه، جنبا إلى جنب مع البحث عن قطعة الأرض،،،
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
Quote: - بالنسبه لنبته والنسيم دى مناطق غير قابله للسكن فى السبعه سنوات القادمه على الاقل نسبه لقلة اوانعدام العمران ولذلك ممكن تتعاملوا معاها نظام ارمى لقدام
|
الله يديك العافية يا هشام و يطمئنك
بعدين السبعة سنة دي قايلها كتيرة
و الله تجري زي الما حصل شئ
إن تبقى في العمر بقية
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Tahani abdalla Attia)
|
Quote: نبتة كان بيعها ضعيفا خوفا من روائح تصريف المجاري
وأحواض التخمير جنوب المجمع |
بصراحة أنا (رغم قلة الميزانية) بس اتنورت شديد
و عملت جولة كاملة و سألت خبراء في المجال (هشام مجذوب و حمد محمد أحمد منهم)
و بعد دراسة مستفيضة لقيت أنسب حتة و أأمن حتة حسب الامكانيات المتاحة
وهي مدينة النسيم السكنية
و ما عايزة أشكرها علشان اشتريت فيها
بس واحدة من الأشياء المنعتني أشتري في نبتة هي زي ما قال علاء
رائحة مياه الصرف الصحي (القاتلة)
استبعدت الريحان فهي تقع غرب سوق ليبيا و ؟؟؟
مدينة النخيل و مدينة طيبة بمقياس هشام مجذوب عايزة ثلاثين سنة تاني
مدن الياسمين و الخليل و ...
لم استطع التعرف عليها عن قرب
| |
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
سلام لكل الاحباب
الانقطاع لسببين
الاول انتهاء خدمة ال mdsl
السبب التاني عدم وجود الوقت الكافي لتجديده
هناك بعض النتائج موجودة
كنت اتابع مع هالة بالتلفون
وهي ماقصرت
ردا على كلام الباشمهندس هشام Quote: بالنسبه للمخطط العملو حمد دى حاجه فاخره ومكلفه جدا" وانا حسب فهمى انتو دايرين حاجه اقتصاديه ومتاحه |
بضرب مثل بقطعة من الصلصال نعطيها لبتاع فنون
و نفس كمية المادة نديها لطفل
من البديهي ان الفنان سيبدع
الخلاصة
جمال المنظر لا يتنافى مع رخص السعر
نفس المواد التي تشكل منزل قبيح هي نفس المواد ونفس الكمية التي تخرج لي اجمل منزل المهم كيفية تشكيلها طارق الكوتش والاخرون ستجدون ما يفيد ان شاء الله
| |
|
|
|
|
|
|
|