اليوم الحار ومابنداريوم الهندسة والمعمار

Quote: مؤكد جدا ..لاتعرفني ! ولا انا من الهندسة اساساً ..بل اًنا من الضفة الاخري من الذين تسمونهم الدايات . ورغم ذلك انا من المدوامين علي قراءة هذا البوست المتفرد في المنبر(لم احصل علي باسوورد بعد ..شوفو لينا واسطة!!)..يعني كلما دخلت النت لازم نشوف الاخوة المهندسين عاملين شنو ..بالاضافة لبوست جامعة جوبا بحكم تخرجي من هناك.. وحقيقة هو بوست مميز وتابعته من الصفحات السادسة ولفوق ..وقراًته باثر رجعي من البداية...وطبعا بالنسبة لينا(ناس الجامعات التانية والضهب) ..اهم حاجة عندما نحضر لاُم نخيل كانت كافتيريا اقتصاد ودوري الجامعة وعلي راسها مباريات هندسة. وتعرف اكتر حاجة عاجباني في ناس هندسة انهم مدينها(بالشلوت) ومفتحين ومقرمين وواقعين من السماء مرات ومرات ..عكس قبيلتنا-ناس طب- (الدايات) الميدنها(كوز) وشايلين هم الدنيا في راسهم وعايزين ينقذوا العالم.. وقبل ذلك علاقتي باولاد الدفعة واصدقاء الدراسة والفصل (السني الثانوية العظيمة في مدني) المشو هندسة..وهم دفعة87 ..الاخوان عكرمة عبدالله الحسن,غازي محمد احمد,نادر خليفة,وليد محمود(الجنيد) والمرحوم الصديق ابوعبيدة الخواض(له الرحمة والمغفرة) وقبلهم الاصدقاء احمدالتجاني وعاطف جلي كصداقات قديمة ومؤخراً بعد الزواج والمعايش جيرة مع المهندس/احمد محي الدين وغيرهم من ناس هندسة الجميلين. دفعني لكتابة هذه المشاركة حكاية العرافة والا الوداعية بتاعة عمر الحبر ..يا خي الزول ده مجنون عديل كده..وقراتها مرتين وثلاث وما زالت تضحكني كانها طازجة في اللحظة ..يا خي انا ضحكت لمن بناتي الصغار قالوا..بابا انت جنيت بتضحك براك؟ ..حقيقي الزول صلح لي مزاجي عديل كده ..فشكراً واًبقوا عشرة... اخوكم د/متوكل ابراهيم الاحمر خريج جامعة جوبا.