|
|
|
 Re: اليوم الحار وما بندار يوم الهندسة والمعمار (Re: ابراهيم محمد الحسن)
|
يا حمد ،،
Quote: يا ابراهيم
المكنة المارسيدس ما بتجيب دخنه باخوي واخوك
ثالثا الشيخ حمد ود الشريف محمد احمد ود الفكي حمد
مكنة معارضة عديل ودفع امامي |
هيييييييييييييييييييييع ،،
لا واضح ،،
من مساسقتك بين الإمتداد ،، والدروشاب ،،،،
_________________
خارج النص :
عدد الياءات في هيييييييييع ليه مدلول ،،
ذي LoooooL بتاعت سارة ...
| |
 
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
ده إيميل ياسر ود سميرة ،،
الفتح فيه النار :
Quote: زمان قلنا دى شلة..وهسى بنقول دى واااسطات عينى عينك...كرهتونااا زااتو
سلااام عليك انت ونااس تااانية ،،
اسف لو داااخل شمااال..ويمكن الادمااان هو البخلينى اجى مرة ومرة ومرة وادخل منبركم..تعرف بقيت ادخله من موقع قوقل
اكتب فى قوقل اليوم الحاار وادخل...عشان نبعد من قرف المنبر العااام ،،
بس خااايف اقول انو فى شى بيزعل حاااصل هنااا كماان والله...وماتقولوا دة شنو الزول الوتر لينا اعصابنا وبتااع مشاكل دة
بس يا ابرااهيم انا زول الزول البريده بقول ليه بريده والاعور بقول ليه اعور...واضح زى عين شمس
اتمنى انك توصل رسالة لى صلااح الليون ولطاارق الكوتش
كونوا منصفين وخلوا التحيز لى نون النسوة...سبحاان الله من تظهر حماامة طاايرة نلاقيكم وقفتوا ديدباانات ونشنتوا
بعض الانصاااف ..ولا فى هندسة ماخلطتواا ولا حكايتكم شنو؟؟
ياكوتش وانت بترسل لى الزعيم بكرى فى الرسايل بتااعت التزكية لى نااس فلااانة وفلااانة
وبترحب بى نااس فلانة وفلاانة فى صالونك العاامر حتى لو ماطلبوها
اتزكر انو ربك والله بيسألك لو انحزت لى اى كااان وانت قادر انك ماتنحاااز
انا مابقول كدة عشان يوم ماقلت لى مرحب ولا قلت نزكيك لى بكرى...انا من الاول ماساااكى باسويرد وقلتها مليون مرة
بس اتمنى لو جاا واحد مهندس عدييل وانت مابتعرفه رحب بيه وزكيه لى بكرى
حتى لو عب شييين من امبدة...ونحن كلنا عبييد
سااارة اتمنى ماتزعلى منى ولا حتى صديقتك الجديدة ...بس لو نحن ناس بنطلب العدل والانصاااف لازم نحققه فى انفسنا اول
اتمنى كلااامى مايزعل زووول..او زووولة
دة منبر اسمه منبر خريجى كلية الهندسة والمعمار يعنى نحن غصبا عننا بننتمى ليه..وشايل اسمنا اظن
اخيراااا وسعوااا صدوركم وتقبلونا بحلونا ومرنا
اخوك ياسر |
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
Quote: بس يا ابرااهيم انا زول الزول البريده بقول ليه بريده والاعور بقول ليه اعور...واضح زى عين شمس
اتمنى انك توصل رسالة لى صلااح الليون ولطاارق الكوتش
كونوا منصفين وخلوا التحيز لى نون النسوة...سبحاان الله من تظهر حماامة طاايرة نلاقيكم وقفتوا ديدباانات ونشنتوا
بعض الانصاااف ..ولا فى هندسة ماخلطتواا ولا حكايتكم شنو؟؟
|
قلتا اخلص ضحكتي على الكوتش والحمام الطاير ده إلا والقى اسمي جاي
اسمع يا ابراهيم قول لي ياسر بجيك بعد شوية !!!!!!!!!!!!!!!!!!!
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: صلاح ليون)
|
الأخ ياسر ،،
بعد الشكر ،،
والله رسالتك دي فيها مشروع ردود ضخم جدا ،،
بس،،
حا أركز ليك في الأول على الحتة بتاعت طلب الباسورد ،،
أولا نحن نسعد جدا ،،
بل نحرص على إنه أي زول ليه علاقة بكلية الهندسة يا ريت يحصل على باسويرد ،،
ويشارك معانا في المنبر برأيه ،،
دون حجر عليه ،،
وهناك عدد كبير من الزملاء/يلات .. طلبوا باسويرد .. وزكيناهم من فترة طويلة ...
منهم من كان حظو كويس مع بكري ،، وأداه الباسويرد بسرعة ..
ومنهم من ينتظر ،،
أساسا مافي شخص بيتم ترشيحه للباسويرد ،،
ونطلب من بكري منحه العضوية ،،،
من غير ما يطلب هو ...
يعني العاوز يحصل على الباسويرد بيرسل إيميل لبكري بطلبه ورغبته ..
وبعد داك بيطلب من الناس تزكيه عند بكري ،،
عسى تصدق معاه ،،
وده حصل معانا كلنا ،،
الأخت آمنة اتبعت نفس الخطوات وراسلت بكري ،،
ثم طلبت التزكية ،،
وقد تمت تزكيتها من الأخوان/ات هنا..
أملا في رد بكري بمنحها الباسويرد ...
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
حكاية الترحيب بالناس ،،
ومن معرفتنا بالأعضاء هنا ،،
ومتابعتنا للبوست من بداياته ،،
فده عرف سائد بين الناس ،،
ومن ضمنهم طارق الكوتش ،، والليون ،،
أي شخص يشارك بمداخلة ولا إيميل ،،
سواء كان أخ ولا أخت ،،
جميع الحضور والمتابعين للبوست بيرحبوا بيه ،، ويعقبوا على رسالته ،،
وانت إذا رجعت لمشاركاتك في البوست ،،
أكيد حا تلقى الترحيب بيك والتعقيب على رسائلك ،،
أما حكاية التزكية والترشيح لبكري ،،
فآليتها شرحتها ليك فوق ،،،
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
وفي ذات الإطار ،،،
مراسلتنا من قبل الحدث ،،
الأخت آمنه (الجابت الهوا لناس الكوشت والليون) ،،
تعقب :
Quote: سلامات يا ناس اليوم الحار
ابراهيم ردك في محله...
بس بتمنى يكون كلام ياسر دا تبع الزهجة والاحباط وكدي نخليه لما يهدأ شوية وبعد داك ننتناقش معاه برااااااااااحة في الموضوع...
ياسر ما عندنا مانع زي ما قلت ليك تفك زهجتك فينا |
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: Hisham Magzoub)
|
يا كوتش
Quote: وبعدين ياهشو خلينا نفهم منهم ال MBA بعداك نجى لل MP3
ما تجوطوا لينا راسنا اصلو هو براه متسبب
والله يا هشام اصحابك ناس هاله و القرود راحوا فيها |
هاله بتدعى انو ما عندها مشكله مع الحداثه
مؤقتا" ممكن نقبل الكلام دا لحدى ما يظهروا ناس امنه
وبعدين حندق الصفائح وبنطلع الفضائح
اما القرود فمسالة انو راح فيها دى ما عندى فيها شك
ومالى يدى منها
الزول من ما يخش فى موضوع الخزعبلات بتاعة ناس قسطنطين
تعرف انو موضوعو شرب
ناس ساره ديل هسى بيكونو بيارخو بقرود
يعنى دخول ساره للروضه فى سنه ثالثه الثانيه للقرود
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: Hisham Magzoub)
|
الأخ ياسر ود سميرة ،،
رسل إيميل تاني ،،
يعتذر عما بدر منه ،، وقال فهمناه غلط ،،
Quote: سلااام ابراااهيم الجاايب لى الهواا
اول شى والله من صبااح الرحمن وبعد الفجر مباشرة كنت عايز ارسل ليك مسج فى موبايلك اقول ليك ماتشتغل بالاميل المرسله ليك وطنشه
عشااان والله كنت متأكد مليون فى المية انو حيتفهم غلط منك ومن النااس التاانية ..
كلاامك زعلنى بجد ابرااهيم...وانا لمن اكتب عن حمامة او خلط ابدا مابنتقص من قدر زميلة او اخت لى خليك من تكون زميلة فى هندسة..انا المرأة السودانية دى تااج راسى
واتمنى تفهم السر ورا انو دايما بصر اكتب اسمى ياسر ودسميرة...وسميرة دى اغلى حمااامة واعزهم..صدقنى زمنا وزمنكم واااحد لو التزمنا بى قيم واخلاق السودااانى مابفرق الزمن
مفاااهيمى يا ابرااهيم وااضحة بس خاايف تكون مشفرة بالنسبة ليك وماقادر تقراانى ببساااطة ووضوح ..
ووضع اليوم الحااار واااضح لانو فيه احسن الزميلات والزملاااء ودة شى انا مقتنع بيه ولو مامقتنع بى كدة
ماكنت وجعت راااسكم بى ولا وجعت رااسى بيكم
واعتزااار لكل فتاة سودانية وزميلة سوداانية واخت سوداانية لو حست انى اتحاملت عليها او قللت من قدرها
وللاخت امنة اتمنى ماتاخدى الشى دة كحالة شخصية واشكرك على ردك
اخوك ياااسر يا ابرااهيم |
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: Hisham Magzoub)
|
إبراهيم,,,
Quote: علاقاتنا والحمد لله مع الأخوات الزميلات علاقات أمتن وأقوى من كونها مجرد (خلط) ..
علاقات إنتماء للأسرة الواحدة ،،
الي هي كلية الهندسة ،،
علاقات إحترام متبادل ،،
وتواصل حتى مستوى الأسر الصغيرة والكبيرة ،،
غايتو ده على زمننا ،،،
يمكن زمنكم انتو غير ،،،
|
وحتى على زمنا أولاد هندسة ماحصل شفنا من واحد
فيهم حاجة غير كل إحترام وتعامل أخوي جداً...
ودا البميزهم عن غيرهم...
رجال ولا كل الرجالة...
Quote: حكاية ،،
من تشوفو حمامة طايرة ،،
و تنشنو ،،
ده ما من ثقافتنا ولا أدبياتنا ،،
وخصوصا مع أخوات وزميلات كلية الهندسة ،،
|
دا أكيييييييييييييييييييييييييييد...
واثقييييييييييييييييييييييين منكم...
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: sara Eltayeb suliman)
|
الأخ ياسر ،،
وعشان نقفل الموضوع ده ،،
أنا بصراحة وبعد رسالتك السابقة ،،
قررت ،،
ودعم قراري كتيرين ،، التجاوز عن مثل هذه الرسائل ..
ونسيانها ....
بس ،،
لما نزلت رسالتك ، فده كان من منطلق إيماني بعدم الحجر على حريات الآخرين ،،
ورسالتك كانت موجهة وواضحة وطلبت مني إيصالها للمعنيين ،،
حكاية فهمي لمحتواها غلط ،، ومفاهيمك اليمكن تكون مشفرة بالنسبة لي ،،
فأنا لما نزلتها ،، ما نزلت معاها تفسير لمحتواها ،، عشان أوجه فهم الناس ليها ،،
وكل من قراها إستوعب مضمونها بكل يسر ،،،
وجاتني تلفونات مستنكرة ومستغربة ،،
وقريت ردود في ذات الإطار ....
يعني الموضوع ما كان محتاج فك شفرة لفهم محتواها ،،،
وكونك اتداركت إنك تسرعت ،،
وخانك التعبير في نقل وجهة نظرك ،،
فده برضو شئ كويس ،،
عموما ،،
أنا نشرت الرسالة دي بس عشان تكون توضيح لوجهات نظر ،،
ومن هنا ،،
وبدون زعل ،،
أنا حا أعمل بنصيحة الأخوة/ات ،،
ليس كل ما يرسل ،، ينشر ....
وإنت بإمكانك تطلب الباسويرد ،،
وتكون عضو في اليوم الحار ....
وقتها حا يكون ليك كامل الحرية في نشر ما تريد ....
ونحن حا نستمر كما نحن ،،،
العاوز ينضم لينا أهلا وسهلا وألف مرحب ....
شكرا لك أخي ياسر ،،
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
هشو شايفك قبلته علينا ....
Quote: يا اخوى انت دحين ما دفعتى
ولا دا كان اخوك الكبير |
هشام مجذوب ما تناقش الجمهور والمدرب
كان غلبك قول ونحنا جاهزين نجيب لعيبة
لغاية هسه شايفين انو الحداثة تتفوق على
كبار اللاعبين القدامى والحالة واحدة بس
في الميدان والتانية بتجيب ليها الكورة
من بره ، ولما تجي عندنا كلام تاني ...
ياسر انا كنت عارف قصدك وكمان قربته
اعرف انت منو ، لانو القليلين جدا الممكن
يلمونا أنا والكوتش في صحن واحد ، بس
إبراهيم نزل فيك مدفعية تقيلة (الله يديهو
العافية) وراسلني في بريدي لو حبيت
[email protected]
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: صلاح ليون)
|
يا ليون ،،
Quote: لغاية هسه شايفين انو الحداثة تتفوق على
كبار اللاعبين القدامى والحالة واحدة بس
في الميدان والتانية بتجيب ليها الكورة
من بره ، ولما تجي عندنا كلام تاني ... |
إنت لسة ما تبت ؟
كلام ود سميرة ده ما وقع ليك ؟ ،،
Quote: ياسر انا كنت عارف قصدك وكمان قربته
اعرف انت منو ، لانو القليلين جدا الممكن
يلمونا أنا والكوتش في صحن واحد |
يعني عشان قال عب شين من أمبدة؟؟ ،،
غايتو جنس غايتو ،،،
(بتاعت منو دي يا هالة ؟)
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: صلاح ليون)
|
| Quote: قلنا ليكم في المسطبات يعني ما بين جمهور وتدريب |
يعني ،،
لا إلى هولاء ،،
ولا إلى هولاء ،،
لا تكن إمعة ،،
وااااااااااااااااااااااااااااااااااك ،،
بعدين ،،
| Quote: إنت المريخ دي ليه ما عملته تحتها خط ، مقتنع بالعصرة ولا شنو |
المريخ ده كمان بيختو تحته خط ،،،
ده ما علم ،،،
سمعت الغنية المهداة دييك ؟
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: sara Eltayeb suliman)
|
Quote: اتمنى إنو في البوست التعريفي بهناك
تكون مداخلة الدكتورة آخر مداخلة .. |
تعرف يا ليون ،،
والله العظيم أنا و الدكتورة دي بيناتنا تواصل غريب ،،
أكتر من مرة ،،
أكتب مداخلة في موضوع ،،
في نفس اللحظة تظهر هي ،،
وتعلق على نفس الموضوع ،،
وقبل تشوف مداخلتي ،،
هسع ،،
أنا وبعد ما كتبت حكاية الإعتزال دي ،،
مشيت فتحت بهناك ،،
لقيتها بتعلق على بوست التعارف ،،
وبتقول كفاية على كده ..
ياخي ،،
لك ألف تحية يا بير ،،
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
سارة اتصلت بآمنه ،،
عشان تلحقها وترد على التساؤلات دي ،،
Quote: Quote: يا اخوانا انا خائف قصة امنه دى تكون شوزفرينيا من ساره
وتكون دايره تلعب بمجنسين وتكسر كلام شداد
_________________________
إنت قاصد شنو ؟
إنه آمنة دي أصلا ما موجودة؟ ،،،
ولا ،،
هي ما من هندسة ،،
وسارة عاوزها تسجلها ؟؟؟
__________________________
والله كويس يا ابراهيم اخرتها طلعتو صحبتي عندها شوزفرينيا وما عارف شنو....
حاقول ليكم بطلو التعسف دا ناس هندسة كمان ما بتفرزو ولا شنو؟؟؟
بعدين ياخي سارة دي تعمل ليها شخصية من مافي وتسنج قصة طويلة عريضة فوق كم ...
طيب لو البتكلم مجنون البسمع مااااااااااااااااااااااالو... وش ما عارفة كيف كيف
|
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
يا كوتش قصة ال MBA
انو معظم علما الإدارة هم فى الأصل مهندسين
والمهندس مصيرو ان يترك العمل الهندسى ويتحول للادارة فى مجاله
عشان كدة ال MBA مهمة
ثم ثانيا امكانيات الجامعات السودانية حاليا
لا تسمح بان تكون الدراسات العليا فى المجالات التطبيقية وافية وكافية
فلذلك من الأفضل الدراسات النظرية
كانت لى تجربة بين ماجستير فى الهندسة وال MBA وفى النهاية تركت الهندسة
| |
|
|
|
|
|
|
|
 Re: اليوم الحار وما بندار يوم الهندسة والمعمار (Re: Abubakr Osman)
|
سلام للجميع
اولا
ابوبكر ماعارف لكن ما قادره تظبط معاى حكاية ال MBA الانت تركت ليها الهندسه
على حسب تعبيرك فى المداخله اعلاه لان مسألة الاداره ده ممكن اعرف المحتاج ليه
من غير ما اضيع لى زمن معاها فى قصة ماجستير وكده وخصوصا المجالات فى التخصصات
الهندسيه كتيره و حلوه ومتداخله وفى تطور كبير و مفيده بجد وانا شائف انها
افضل من ال MBA وده طبعا على حسب تجربتنا المتواضعه فى الاداره ومعرفتنا البسيطه فى تطور
المجالات الهندسيه ( مجال اتصالات و تخطيط المدن و ال GIS و الطرق وانظمة التصريف
الحديثه و التصنيع بمختلف مجالاته البسيطه و المعقده وووووووو)
وياريت نسمع مزيد من الاراء وخصوصا اصحاب التجارب الحقيقيه اذا كانوا من ناس
ال MBA او ماجستير فى مجال الهندسه او مجال آخر ( اظن ده ممكن يكون موضوع نقاش
للراغبين )
ومنتظرين ولنا عوده
ثانيا
حمد ... مشتاقين يا رجل
ومنتظرنك تقوم من العنقريب وتشغل اللابتوب
وتعرف يا حمد سيرة عمر الحبر ده بتخلينى
مبسوووووووووووووووووووووووووط ... الله يديهو العافيه
دنيا و آخره ... قولوا آمين
ثالثا
بندق انشاءالله الخلعه فكت ورضيت بالواقع
اصلو الاسبوع الجاى محاورنك محاورنك
رابعا
وديدى حمد الله على سلامة وصولك ونتمنى ان نراك قريبا كما وعدتنا
اخيرا
اتمنى ان القاكم غدا > احلى و اجمل كما عودتمونا,
وياريت كمان نشوف د . تهانى وهى فى اتم الصحه و العافيه > قولوا آمين .
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: طارق الكوتش)
|
Quote: مساء الخير
اخبرته عن ياسر ود سميرة وهو يبلغه التحايا
وكذلك امنة وكل الرايعين
كوتش ليون
صلاح مختار
علاء الدين ( الحاج)
كل كل الاحباب
والله يا حمد أنا كنت عاوزة اسأل عن المهندس الكبير شيخ الحبر ...وين الزول دا ؟؟؟؟ ياخي سلم لينا عليه شدييييييييد وقول ليه المنبر فاقدك بالجد
|
التوقيع...
آمنة...
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
احبة الهندسة .. سلامات..
عذرا اخي الكوشت ..
يا هومي سلامة الوصول من الخارج للداخل وليس العكس كما فهمت ..
لانني كنت موجود لحظات تجمع الرائعين مع الكوتش .. لكن مهمة عمل رسمية حرمتني من الظهور معاهم في نفس اللحظة لانني كنت
في مهمة مفاجئة بابوظبي..
بالمناسبة .. موضوع عمر الحاكم الحصل فيهو شنو؟؟؟ سخنو الموضوع .. هذا الرجل سيلون البوست بروائعه بالرغم من انو هلالابي (ضال)
مودتي..
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ELFATIH ABDELLA)
|
| Quote: يا هومي سلامة الوصول من الخارج للداخل وليس العكس كما فهمت .. |
ياخي أنا المشكلة الناس دائما بتفهمني غلط ،،
يا مان دي ما بتفوت علي ،،
وأنا متابع تحركاتك ،،،
وعارف إنك رجعت للداخل ،،،
(معليش ما رديت على تلفونك أمس ،،، كنت بعيد)
ذي لما الليون فاكرني ما عرفت أخوه ،،،
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: صلاح ليون)
|
من المهندسة آمنة...
Quote: مساء الخير يا هندسة:ز
يا بكري ،،
لسة ؟؟
ابراهيم تعرف أنا مستمتعة بالانتظار دا ... ياخي تشجيعكم دا بالدنيا كلها
الاخ بكرى سلامات
نرجو الاسراع بمد الاخت آمنه بكلمة المرور
وذلك من اجل الاستمراريه و التواصل و التوثيق
نرجو ذلك ايها الزعيم ونظل على الدوام منتظريييييييييييين
الكوتش مساء الخير ...ونقدر دعمكم المتواصل
الباسورد ماكتير على امنة
وشكرا مقدما يابكرى
على الاستجابة السريعة
احمد التجاني ما يكتر عليك غالي ياخ....وبالجد شكرا على المجهود المقدر
شنو يا شباب المهندسة امنة دي ما جات ..؟؟
نقوم نسوي شغب في البلد دي ولاشنو
يا بكري حنسوي شغب
كيكي كدي نديه فرصة اخيرة ...جات جات ما جات نجيبها(وش مستقوي بكوادر الشغب)ز
|
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: khaleel)
|
Quote: ابراهيم لم تمكن من تصوير القصة
لكن كمية من مهندسي امريكا
عماد عائد وحسن خضر وحسن ساتي وعلي دياب وعاطف جلال ومنور وعبادي الصغير |
فضلت انا براى ما نشوفولى حاجه معاكم هناك
وحسن خضر جاكم متين ياخى دا يدو طاعمه طعامه مبالغ فبها
وحاديكم دليل باقى الليل دا انشاء الله
| |
|
|
|
|
|
|
|
|
|
ا (Re: khaleel)
|
| Quote: خصوصا هو اليومين ديل متابع البوستات بشدة |
د.تهاني
ما عارف ليه لكن اول ما قريت مداخلتك
إتذكرت نكتة المسطول الجاء يزور صاحبو لما دق
الباب فتحت ليهو اخت صاحبو
-السلام عليكم.... محمد في؟
-مافي والله لكن بكلمو ليك
..
.
-كلميهو انا خايف منو
| |
|
|
|
|
|
|
|
|
|
Re: ا (Re: صلاح مختار)
|
د. تهاني...
Quote: سلام للرائعين حقا
و شكرا جزيلا للسؤال عن الصحة
الحمد لله في تحسن
و شكلو كده الكبر دخل
|
حمد لله على السلامة...
وكبر شنو كمان؟؟
إنت الشباب ذاتو...
| |
|
|
|
|
|
|
|
|
|
Re: اليوم الحار ومابندار يوم الهندسية والمعمار (Re: صلاح ليون)
|
في اتصال هاتفي مع المخرج الكوتش
بخصوص بوست عمر الحاكم ادلى بما يلي:
ذكر بانه مشغول جدا اليومين ديل
مع اهلو المتواجدين معاهو في الامارات
يعني لفلفة وحوامة شديدة ، الله يعينو
ووعد الجميع وبالذات هشام مجذوب إنو
خلال الاسبوع القادم حيتواجد بكثرة..
ويبلغكم تحياتو وسلامو...
| |
|
|
|
|
|
|
|
|
 RE (Re: khaleel)
|
السلام عليكم بعد غيبة
نحى الجميع وخصوصا الدماء الجديدة
بما فيهم ناس ياسر ودسميرة
ونشكر ونشيد بمجهودات اخونا ابراهيم
محمد الحسن فى تفقده للناس الغايبين
ونتمنى ان يستمر الحراك وعودة الطيور المهاجرة
(الحمام برضو من الطيور) مهاجرة من منبر اليوم الحار
وليكن الشعار للمرحلة المقبلة باسويرد لكل مهندس
for voting
| |
|
|
|
|
|
|
|
|
|
Re: RE (Re: احمد التجانى احمد)
|
أحمد التجاني ،،
أحد الطيور المهاجرة من المنبر ،،
سعيدين بعودتك ،،
| Quote: وليكن الشعار للمرحلة المقبلة باسويرد لكل مهندس |
أثني ،،،
| |
|
|
|
|
|
|
| |
ابراهيم محمد الحسن
صلاح ليون
Hisham Magzoub
sara Eltayeb suliman
علاء الدين محمد بابكر
حمد محمد احمد
khaleel
Tahani abdalla Attia
عبدالكريم الامين احمد
طارق أحمد خالد
احمد التجانى احمد
فيس بوك
تويتر
انستقرام
يوتيوب
بنتيريست