|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
بخصوص موضوع ناس (أنثى الجردل) بتاع الخميس ،،
Quote: خلونا نتخيل إنو الحيوانات هي العندها البيوت |
اتخيلو تنتشر أخبار عن ظهور سلالات بشرية من نوع غريب تهاجم العاصمة ،،
ولد أخت الكوشت يقوم يهجم على صغار كلاب في الحارة السادسة ،، بيلعبو بكل براءة ،، ويصيبهم بالذعر ،، ويتسبب في إصابة كلب عجوز قاعد في كرسيه قدام البيت بصدمة سكري ،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
ولا ثعلب وهو راجع من الشغل ومعاه المدام ،،
تقوم المدام تقول ليه وهي بتهظر : يلا بأطراف بحري ،، يمكن نلاقى الوحوش البشرية ،،
وبالفعل ،،
يلقو علاء الدين ملقي على الأرض ،، وحوله تجمع من الكلاب والكدايس والخرفان ،،
يقوم الثعلب يسألهم في شنو؟
يقولو ليه ده وحش بشري كتلناه ،،
يقوم الثعلب يطلع الموبايل ،، ويصورو ،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
ازيكم كلكم فردا فرد وبدون اى فرز .... انشاء الله بخير و عافية والامور كلها على ما يرام
معذرة فالصناديق تحاصرونى من جميع الاتجاهات
ولكن قطع شك نلتقيكم انشاء المولى يوم الاثنين القادم لنواصل معاكم حيث توقفنا > اثر الحب او الشاكوش فى المردود و السلوك العام[/red]
تحياتى و احتراماتى للجميع
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
سلامات سندسية..... قصدى هندسية،،
أولا أبو هريرة،، الف مبروك على المولودة، و حمدلله على سلامة الوالدة،، جعلها الله قرة أعين،،،،
طاخ و الارقام المميزة،،،، بس،
إبراهيم، شايفاك كترت الصناديق،، و بس،،،
قروب ناس الخميس، قصرنا معاكم،، عملتوا شنو؟؟؟
الليلة!!!!!!!!!!!!!!!!!!!!!!!!!!!!!!!!
شنو؟؟؟؟؟؟؟؟؟؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
سلام أس مالانهاية
قلنا نسلم و ماشين
الزنقة حاصلة كالعادة
حمد مبروك الولد و يتربى في عزكم
أبوهريرة مبروك البنت وتتربى في عزكم
العروسين سارة و عمر تحايا و أشواق
من أخبار الكلية تم تعيين البروفيسور سامي محمد شريف (كهرباء)
لمنصب عميد كلية الهندسة
ألف مبروك يا بروف و ربنا يعينك في مهمتك الصعبة
و أنت أهل لها
| |
|
|
|
|
|
|
Re: اليوم الحار ومابندار يوم الهندسة والمعمار (Re: Tahani abdalla Attia)
|
امنة، كيفك و أخبارك؟؟؟
خلاص I located it فضل أنقلها،،
مافى حاجة ساهلة،،،
الليلة دايرين متبرعين بالبوكس،،،،
تهانى،، على قولك، الزنقة دى شكلها ما بتكمل، وكل مرة بتضغط زيادة،، ربنا يعين بس،،،
Quote: من أخبار الكلية تم تعيين البروفيسور سامي محمد شريف (كهرباء)
لمنصب عميد كلية الهندسة
ألف مبروك يا بروف و ربنا يعينك في مهمتك الصعبة
و أنت أهل لها |
ماشاء الله، الف الف مبروك لدكتور (بروف) سامى،،،
إحنا حسه نطير وين و نرك وين؟؟؟؟؟؟؟؟؟؟ خليها فى سرك بس!!!!!!!!!!!!
| |
|
|
|
|
|
|
Re: اليوم الحار ومابندار يوم الهندسة والمعمار (Re: Hala Hassan)
|
Quote: من أخبار الكلية تم تعيين البروفيسور سامي محمد شريف (كهرباء) لمنصب عميد كلية الهندسة .. ألف مبروك يا بروف و ربنا يعينك في مهمتك الصعبة و أنت أهل لها ،، |
تهانينا الحارة لبروف سامي شريف .. على هذا المنصب الذي صادف أهله ،، وإنشاء تشهد الكلية المزيد من التقدم والرقي على أيديكم ،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
السلام عليكم امنة الزرة حاصلة .. موضوع مهم طرحه الاخ طارق احمد خالد قال هو مستعد يقعد مع الناس للمناقشة في project management و quality control بالنسبة للمشاريع الهندسية وتكلمت مع صلاء مختار ووافق على الموضوع وتبرع بمكتبه لعمل المناقشات والمحاضرات هناك ( مشكور على الاريحية ) كل من اراد الدخول في البرنامج التوضيح هنا في البوست او الاتصال بالرقم 0912304862 .. الكوتش الليون ابراهيم هشام سحر ابو هريرة فلان علان اظهرو
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
ط أ خ
سامية قالت ليك هي حاجزة كرسي وان شاء الله (بنبر).. وقالت (بحث) ال (M B A( حقها جهزو ليها..
اما نحنا..ال proj manag. دة بنجيبة من (رنة الفريني) علي قول زيدان (طبعا في ناس الفريني ما بعرفوه) ما لأننا شطار لكن لسببين: الأول: اصلا ما في بروجكتس التاني: وكتين يكون في بروجكت..ما بيكون في مانجمنت!!! سلام.. حكمة ربنا ما حصل لتلمو لينا مع بعض... بارك الله في من وفق رأسين في الحلال..
انتو الليلة الخميس ولا شنو؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
Quote: اما نحنا..ال proj manag. دة بنجيبة من (رنة الفريني) علي قول زيدان (طبعا في ناس الفريني ما بعرفوه) |
المشكلة يا بندق رنة الشلن دي الخلت غنانامحلي وما قادرين نعتب برا المليون ميل مريع الحتنقص سنة 2011. قول لي سامية جاهزين وفي إنتظارك عشان القعدة تحلى وكمان جيب وعد عشان تخطط لي بكرة كويس
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
Quote: دي الخلت غنانامحلي وما قادرين نعتب برا المليون ميل مريع الحتنقص سنة 2011. |
تعرف انا عندي رأي شخصي بصفتي زول عندي أذن موسيقية...هههه انو زيدان دة لو ما (الشلن) بتاعو دة، وسلمنا دة الما بي يوصلنا السقف.. كان بقي من مشاهير الغناء العربي..
Quote: وفي إنتظارك عشان القعدة تحلى وكمان جيب وعد عشان تخطط لي بكرة كويس |
مكتبي جاهز لو محتاجين ليهو..
والله بكرة دي دايرة (الخضر) عدييل كدة..
| |
|
|
|
|
|
|
Re: اليوم الحار ومابندار يوم الهندسة والمعمار (Re: Hisham Magzoub)
|
سلامات كتييييرة،،
معليش يا جماعة،، شغلتنا (أعمالنا) و اهلونا،،،،
و بمناسبة أعمالنا،،
Quote: موضوع مهم طرحه الاخ طارق احمد خالد قال هو مستعد يقعد مع الناس للمناقشة في project management و quality control بالنسبة للمشاريع الهندسية |
معاكم طبعا،، بس يا ريت ننسق زمن و مكان مناسبين،،،،
تانى فى شنو؟؟؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
سلام تانى يا جماعة،
إبراهيم، طب إنتو عندكم صناديق محكمة الإغلاق و فهمناها،،،
إحناالعلينا دة نقول عليهو شنو؟؟؟
تربيزات؟؟؟؟؟؟؟؟؟؟؟؟؟؟؟؟؟
على العموم،،
يمكن تكون عين زى ما قلت،، كويس أنا أمبارح أشتريت بخور،، شوية و نجى نبخر ليكم المنبر دة،،،
أى زول عندو حساسية يمرق شوية (بما فيهم أنا)،،،
إنتو يا جماعة، البدخن هنا منو صحى؟؟؟؟
عايزة أعرف عشان ااخد موقف،،،،،،،
و بالمناسبة دى (ما عارفة الرابط شنو)،،
كل سنة و إنت طيب يا الكوتش،،،،،، و لك منى ألف وردة،،،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
بت حمد ولدت لاب لا يعرف في الدنيا الا كتاب الله وسنة رسوله الفكي حمد كما يحلو للبعض تسميته او خليفة حمد كما يحلو للختمية تسميته امها من اسرة مجاهدة .. جدها وخالها شهيدان مع عثمان دقنة .. ترعرعت في قرية كنور شمال عطبرة تلك القرية الوادعة التي تطل على النيل .. عرفت الكفاح منذصغرها ابوها الفكي حمد ذلك الرجل الفارع الطول اعمى واخوها الوجيد في معهد بخت الرضا بالرغم من كفاحه كانت تساعده بضفر السعف وعمل القفاف وبيعها في الدامر كانت تملك الروح القيادية وتعرف كيف توجه اختيها ..
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
بت حمد عليها رحمة الله تزوجت ابراهيم خالد شكاك انجبت علوية وزكية التيمان حسن وحسين وخالد ( محمد كما تناديه هي ) كانت تسكن حلة خوجلي وبعدها شمبات الحلة قدمت للخطة الاسكانية بالمزاد واستطاعت ان تسدد الرسوم وتسكن المزاد بحري الذي كان مهجورا في ذلك الزمان .. هجرها زوجها ذهب الى اثيوبيا وانقطعت اخباره لدرجة ان تخيلو انه توفي وفرشو ....
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
بت حمد بائعة الطعمية جوار دكان حاجة زينب الناصية الغربية شارع 8 النموذجي المزاد كانت بت حمد تجلس على بنبرها بجسمها الهزيل وامامها الكانون والصاج وبجوارها قفة مليئة بالرغيف وما كانت اجمل طعميتها كنت ومعي بنت بنتها مجاهدة نجلس بجوارها ولم تكن تبخل علينا بساندويتش الطعمية الذي لن انسى طعمه قط وان شاء الله في ميزان حسناتها تلك المراة المربية التي كانت تتكلم معنا وتقدم لنا النصائح في قالب ملئ بالحنان ..
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
محطة القطارات بحري اقرب لمنزل بت حمد وتخيلو كمية الضيوف واحدين للعلاج وواحدين ماشين السعودية للعمل او للحج ايام الجامعة كنت اخرج يوم الخميس لعمتي كنا نرقد على البروش لان السراير مليئة بالضيوف حتى المخدة لم نكن نجدها تلك الدروس البليغة التي تدرسنا لها امراة فقيرة لم تكن تتذمر من الضيف بل تستقبله بكل الترحاب كانت توقد النار وتعمل الكسرة انصاص الليالي لتعمل العشاء للضيوف مهما كان الوقت متاخرا كان كل المنزل يصحو لاستقبال الضيوف الذين غالبا ما ياتون على حين غرة حتى الشاي كان يعمل الساعة اتنين او تلاتة صباحا ما فارق ..
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
بت حمدعليها الرحمة والمغفرة حتى المجانين يحبونها تاتيها المدعوة ( بابا ) ونصرة وبدر المعاقين عقليا يعرفون بت حمد ويعرفون منزلها لانها تطعمهم وتحنو عليهم وهي احوج للاطعام كانت في رمضان قبل الافطار تذهب الى المستشفى وهي حاملة الطعام لتعطي الغفير والذين لا اهل لهم ( حتى غفير المستشفى كان يعرفها ) في يوم ذهبت الى المستشفى ووجدت امراة فقيرة فاتت بها الي المنزل قلبها المرهف لم يطاوعها واتت بالمراة الى منزلها كانت المراة تصارع المرض اهتمت بها ستة اشهر حتى تعافت وواصلت في المكوث حتى اتى اهلها واخذوها كانت تعاملها مثل اي فرد من افراد البيت ..
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
نصرة امراة قبطية غير متزوجة اخوها توماس في كندا اختها ارادت ان تتهمها بالجنون للاستيلاء على نصيبها في الميراث نصرة احتمت ببت حمد اصبحت ساكنة مستديمة حتى بعد وفاة بت حمد لم تترك نصرة البيت وعندما اتى توماس من كندا وجدها في منزل بت حمد وعندما رجع الى كندا وصى بت حمد على اخته وتركها امانة .. الجوانب الانسانية كثيرة وانا الان اكتب ارتجالا وبدون خطوط مسبقة فاعذروني اذا تداخلت الخيوط
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
ذهبت بت حمد للطبيب للعلاج مظهرها الفقير لم يشفع لها الممرضة تدخل البنات الصغار وذوو الاشكال الجيدة وبت حمد منتظرة فرغت العيادة من المرضى واخيرا قالت لها الممرضة ادخلي دخلت للدكتور اول سؤال للدكتور اسمك يا حاجه ؟؟ قالت ليهو اسمي ميرفت رفع الطبيب راسه بدهشة قلتي شنو يا حاجة ؟؟! فزدت مؤكده : اسمي ميرفت في شنو ؟؟ ضحك الدكتور وضحكت عمتي سالها لماذا قالت ان اسمها ميرفت فحكت له انها اول من حضر للعيادة وان الممرضة لم تدخلها الا اخر شخص نادى الدكتور الممرضة وقال لها لما تجي الحاجة دي دخليها اول زول
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
كان لها غنمايات للبن تذهب الى سوق الخدار تحمل معها قفة كبيرة تملأها بقش الخضروات ( وهي تسعى دائما لاختصار التكاليف بطريقة تدرس ) ملأت قفتها ببقايا الخضروات وركبت البرينسة الكمساري شاف القفة الكبيرة وقال ده شنو يا حاجة ؟؟ ده شنو يا حاجة ؟؟ هنا ظهرت امنة اللماحة ردت عليهو : ده اختراع عندنا في السودان بنسميهو القفة . انتو في امريكا بتسموهو شنو ؟؟ كل البرينسة ضجت بالضحك وخجل الكمساري
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
مساء الخيرات...الشكر للجميع..وااسفاي علي من لم يقرأ هندسه الحرطوم...ولم يكن له احوه مثلكم يا رائعي اليوم الحار ورائعي الهندسه حمد:سبق ان قلت لك انك اديب وقاص لا يشق له غبار واصل الحكي الممتع عن امنه....اسكنها الله فسيح جناته بالمناسبه: امنه بيره حمد....وامنه زوجه ابوهريره بير حمد وحمد يحكي ارتجالا عن عمته امنه.....وامنه من اكثر الاسماء التي تغني بها...هل هذا صحيح....نريد امثله
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
سلام يا شباب بحاول أذاكر في الصفحات الفاتت. حاجة تقوم النفس.
مبروك الخطوبة يا سارة (وش خجلاااان) مبروك البت يا أبوهريرة وتتربى في عزك يا رب.. البنات بجيبوا معاهم الرزق أسأل أخوك حمد باركت ليهو بالتلفون كوتش كل سنة وانت طيب طول عمر في النجاح وطاعة الله وخدمة الناس آمنة الشغل الجديد كيف أبراهيم إنشا الله الزنقة خفت شوية.. أطوي لينا الصفحة دي ياخ هالة كزن كيف أخبارك هشام كيف أنت علاء بندق و صلاح مختار والمجادعات الذكية الخطاب والليون: حضور على خفيف لكن برضو أخير مني خليل جا ومشي و ما قال حاجة
حمد: قاص موهوب و مهندس فنان وعازف مهندس
.... نفسي قام نرتاح شوية ونجيكم تاني.. شغل كتير وتعب وشلهتة
طااخ
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
امنة مرحب بيك انا ما قلت ليك اسم امنة ده جميل الان عرفت السبب .. بت حمد والملاريا : كانت الملاريا من متلازمات الحاجة بت حمد لم تكن ترحم جسدها الضعيف ولا مسؤولياتها الجسام وهي برغم المها لا تستكين في مرة من المرات اتتها الملاريا في رمضان واصبحت الصباح وهي تشرب الشاي مع الصغار وهي خجلة وقالت تشكو الملاريا بقصيدة لا استذكر فيها الا بيتين او ثلاثة : قالت : يا ملاريا تب ما بتخجلي شاكياك للواحد الغني .. واذكر ايضا : بعد الشيب فطر رمضان شربت الشاي مع الطفلان .. ومنذان شكت الملاريا اللعينة لم تعاودها مرة اخري
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
سلامات يا جماعة،
و صباحات ندية برائحة الكسرة و العيش و الطعمية يا حمد،،
و الأهم من دة كلو، ممزوجة بعرق الغلابة و الإصرار على الكفاح و هزيمة الصعاب،،،
الف رحمة و نور على بت حمد، و من هم على خطاها ساروا و ما يظلون،،،،
_____________________ *(ما يظلون) دى، خلوها لى كدة بالله،،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
Quote: نكتة اليوم
ما عارف حكيناها ام لا
محمد كرار مدنية 88 وايهاب فريد مدنية 88 بتونسو مع سعيد مدنية 88
سعيد كان عندو سيارة فولفو
قام قال ليهم انو حا يبدا من الصفر
ايهاب فريد قال ليهو يعني الصفر بتاعنا نحن (minus volvo)
ازيكم يا شباب |
جاء وليد أو خليل وقال نكتة ولا واحد قال ليهو عينك في راسك !!!
| |
|
|
|
|
|
|
|