|
|
 ببكيك بدموع الدم .. مات حبيبي صحي ؟!!
|
خلاص فارقت دنيانا ومشيت من غير وداع وسلام ؟
يا أطيبنا ياصالح غصنا للمحبة حمام
السودان بدونك كيف ؟
وبمين نتباهى تاني دوام ؟
يافخر البلد والناس
وياتاج رأسنا خاصة وعام
ياطيبنا كيف نعمل ؟
وكيف ننعيك لأهل الشام ؟
كيف ننعيك لكل الكون ؟
وننكس في البلاد أعلام ؟!
ياسيدي الدموع تبراك
ومن بعدك بكت أقلام
مواسم هجرة للأحزان
وكوابيسا بدل أحلام !
آه ياحبيب نصدق كيف ؟
نقول طيبنا مات يعني ؟
الطيب أكيد بس نام !
ياطيبنا ياصالح
ياصالحنا ياطيب
يا الزول البشوش بسام
متلك مابمــــوت ياحبيب
خالد في قلوبنا دوام !!
أول موضوع وقعت عليه عيني من الصباح وفاة
حبيب السودان والعالم الروائي الكنز الطيب صالح
فوجدت حروفي تنعيه بينما العين والقلب يبكيان دماً .. يعني الطيب صالح مات خلاص ؟!!
يا الهي !!
لك الرحمة ولنا الصبر والسلوان يافقيد الأمة السودانية .
|
|
 
|
|
|
|
|
|
|
|
Re: ببكيك بدموع الدم .. مات حبيبي صحي ؟!! (Re: نادية عثمان)
|
لاحول ولاقوة إلا بالله
إنا لله وإنا إليه راجعون
للفقيد الرحمة ولآله الصبر وحسن العزاء
جملناالله وإياكم بالصبر
اللهم أرحمه وأسكنه فسيح جنّاتك
اللهم باعد بينه وبين خطاياه كما باعدت بين المشرق والمغرب
اللهم نقّه من الخطايا والذّنوب كما يُنَقّىَ الثّوب الأبيض من الدّنس
اللهم أغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم أجمعنا وإيّاه في مستقرّ رحمتك
اللهم إنّا نسألك بإسمك الأعظم أن توسّع مدخله
اللهم آنس في القبر وحشته
اللهم ثبّته عند السُّؤال
اللهم لقّنه حجّته
اللهم باعد القبر عن جنباته
اللهم أكفه فتنة القبر
اللهم أكفه ضمّة القبر
اللهم أجعل قبره روضةً من رياض الجّنّة ولا تجعله حفرة من حفر النار
اللهم إن كان محسناً فزد في إحسانه ، وإن كان مسيئاً فتجاوز عن سيّئاته
اللهم ألحقه بالشُّهداء
اللهم أفتح عليه نافذة من الجّنّة وأجعل قبره روضةً من رياضها
| |
|
|
|
|
|
|
|
|
|
Re: ببكيك بدموع الدم .. مات حبيبي صحي ؟!! (Re: انور التكينة)
|
| Quote: يعني الطيب صالح مات خلاص ؟!! |
سـؤال اوجهه لملك المـوت نفسه .!!
ثم ..اين ذهبت زغاريد عشرات الأعراس وهبوب الريح صيفاً وشتاء ؟؟
مـاذا حدث للغافلة والقبيلة.؟؟
اختى نادية .. صدق قول ابى العلاء .. إن حزناً فى ساعة المـوت اضعـاف سرورٍ فى لحظة الميلاد.
رحل طيبناالكبير ونحسبه الآن فى رحاب تليق بروحه الطيبة النقية ..
انا لله وانا اليه راجعـون .!!
| |
|
|
|
|
|
|
|
|
|
Re: ببكيك بدموع الدم .. مات حبيبي صحي ؟!! (Re: نادية عثمان)
|
إنا لله وإنا إليه راجعون
رحم الله ( موحد ) الشعب السوداني على قبلة الجمال
رحم الله من كانت حياته فخراً لأمته
رحم الله من كانت كلماته بلسماً للملايين ممن نطق بالضاد ومن ترجمت له
رحم الله العالم في تواضع
رحم الله الغني في زهد
رحم الله أستاذ الأجيال بقدرما أسعد وبقدرما علم وبقدرما أبهج
رحم الله الطيب صالح
وأسكنه فسيح جناته
وألهم تلاميذه وأحبابه وقراءه الصبر الجميل
__________________________
أحمل يا نادية هماً كبيراً
أحمل هم كيف أنقل هذا الخبر الحزين لإبني محمد الأمين صاحب الإحدى عشر عاماً
جاءني قبل ثلاثة أشهر والفرحة تلعثم الكلمات في فمه
كان أول درس في مادة اللغة العربية بمنهجه المدرسي لهذا العام جزءاً من رواية موسم الهجرة للشمال وتعريفاً بالكاتب . كان يصور لي كيف كان يزهو وأستاذ المادة يتحدث عن الأديب ( السوداني ) الطيب صالح والنقلة التي عملها في دنيا الرواية . صارت كتب الأستاذ الطيب صالح هوايته المفضلة
" عشان أحكي يا بابا لأصحابي حاجات تانية عنه هم ما عارفنها "
| |
|
|
|
|
|
|
|
|
|
Re: ببكيك بدموع الدم .. مات حبيبي صحي ؟!! (Re: عاطف عمر)
|
البركة فيكم يا نادية عثمان. الموت سنة الأولين والآخرين. الطيب صالح لم يكن عبئآ على الوجود. أضاف وابدع ثم مضى، وله من الأعمال ما سيخلد.
كتبت عنه البى بى سى العربية صباح اليوم:
Quote: رحيل الروائي السوداني الطيب صالح
توفي في لندن الروائي السوداني الكبير الطيب صالح عن عمر يناهز الثمانين عاما.
ولد الطيب صالح في قرية شمالي السودان عام 1929 ثم انتقل الى الخرطوم حيث التحق بالجامعة التي لم يتم دراسته فيها.
غادر السودان الى بريطانيا عام 1952، وعمل مديرا لقسم الدراما في بي بي سي العربية.
عمل ايضا في وزارة الاعلام القطرية في الدوحةو وفي مقر اليونيسكو في باريس.
تبوأ الطيب الصالح مركزا مهما في خريطة الرواية العربية، خاصة بعد نشر روايته"موسم الهجرة الى الشمال" في بيروت عام 1966 التي ساهم الناقد الراحل رجاء النقاش في تعريف القارئ العربي بها، لتصبح فيما بعد إحدى المعالم المهمة للرواية العربية المعاصرة.
وتعد"موسم الهجرة إلى الشمال" من الأعمال العربية الأولى التي تناولت لقاء الثقافات وتفاعلها، وصورة الآخر بعيون العربي والشرقي بعيون الآخر الذي ينظر اليه كشخص قادم من عالم رومانسي يسوده السحر ويكتنفه الغموض.
وكانت السلطات السودانية قد منعت تداول هذه الرواية في التسعينيات من القرن الماضي بحجة تضمنها مشاهد ذات طابع جنسي.
ومن رواياته التي اكتسبت شهرة رواية "عرس الزين" التي تنقل الى القارئ أجواء الريف السوداني وشخصياته ونوادره.
وقد دعت بعض الجمعيات والمؤسسات الثقافية السودانية مؤخرا الى ترشيح الطيب صالح لجائزة نوبل للاآداب. |
| |
|
|
|
|
|
|
|
|
|
Re: ببكيك بدموع الدم .. مات حبيبي صحي ؟!! (Re: Adil Osman)
|
| Quote: الطيب صالح لم يكن عبئآ على الوجود |
والله صحي يا عادل ..كان مبدعا صامتا ..
ترك إبداعه يتحدث عنه بل ويضج ويخبر العالم كله
لم يأخذه الزهو بنفسه وإن كان أهلا بالزهو ..
ذهبت ياسيدي يا طيب بذات الهدوء ...ولكنك ضاج فينا ما حيينا ..
البركة فينا وفيكم يانادية ..وفي السودان كلو
| |
|
|
|
|
|
|
|
|
|
Re: ببكيك بدموع الدم .. مات حبيبي صحي ؟!! (Re: نادية عثمان)
|
له الرحمه والغفران وربنا يلطف به ويبعثه صديقا شهيد
ولا حوله ولا قوة إلا بالله فقد ذهب وترك رتلا من ذويه
بنت مجذوب والزين وودالريس والخزين والمريود
وضو البيت ذهب وترك لنا سننا وفرائضا وفضائلا
و نوافل نأخذها من أولئك الذين سيظلون وبمثابرة
لا هوادة فيها يجمعون له الصدقات الجاريه من وقوف
الكون على أبوابه التى تركها مشرعة ليحج ويلج إليها
الناس
منصور
| |
|
|
|
|
|
|
|
|
|
وجعني (Re: نادية عثمان)
|
الوقفه ليه ..
سيد الكبار وعجب الصغار
ما مات من خلف وراه ذكرى عزيزه
وكتب محفوره في دواخلنا ..
ربنا يكرمك فينا يا اطيب من قرأت
| |
|
|
|
|
|
|
|
|
|
Re: وجعني (Re: rosemen osman)
|
ملفوف بالكفن جايينا من بريطانيا
يا الطيب خلاص فارقت يعني الفانية ؟!
مشتاقين حبيبنا نشوف وشيك لو ثانية !
ليك جنات نعيمك أم قطوفاً دانية !
الحبيبة دلال
والغالي منصور المفتاح شفتو الليلة الحصل والطيب مات بعيد كيف ؟
| |
|
|
|
|
|
|
|
|
|
Re: وجعني (Re: نادية عثمان)
|
من بلد الضباب جانا الخبر وهجمنا
في بريطانيا مات سجم البلد و سجمنا!
سامحنا وتعال محمول ونوم في حُضنا !!
نبنيلك ضريح شيخ الكتابة هرمنا !!
| |
|
|
|
|
|
|
|
|
|
Re: وجعني (Re: نادية عثمان)
|
لاحول ولاقوة إلا بالله
إنا لله وإنا إليه راجعون
للفقيد الرحمة ولآله الصبر وحسن العزاء
جملناالله وإياكم بالصبر
| |
|
|
|
|
|
|
|
|
|
Re: وجعني (Re: ناهد بشير الطيب)
|
موسم للشمال وللشرق موسم تاني
كان طيبنا صامد رغم إنو بيعاني
ماشافناهو عابس حاشا لا عدواني
سيد الناس جميع الصالح الحقاني
ناهد بت أبوي شفتي الطيب مات يمة شفتي شناة اليوم ده على سودانا ؟
| |
|
|
|
|
|
|
|
|
|
Re: وجعني (Re: نادية عثمان)
|
واحدا من أعلامنا اللذين نباهى بهم مقامات الثريا
اللهم أرحمه رحمة واسعة وأنزل عليه شآبيب رحمتك
| |
|
|
|
|
|
|
|
|
|
Re: وجعني (Re: ياسر الامير ابوجكة)
|
Quote: خلاص فارقت دنيانا ومشيت من غير وداع وسلام ؟
يا أطيبنا ياصالح غصنا للمحبة حمام
السودان بدونك كيف ؟
وبمين نتباهى تاني دوام ؟
يافخر البلد والناس
وياتاج رأسنا خاصة وعام
ياطيبنا كيف نعمل ؟
وكيف ننعيك لأهل الشام ؟
كيف ننعيك لكل الكون ؟
وننكس في البلاد أعلام ؟!
ياسيدي الدموع تبراك
ومن بعدك بكت أقلام
مواسم هجرة للأحزان
وكوابيسا بدل أحلام !
آه ياحبيب نصدق كيف ؟
نقول طيبنا مات يعني ؟
الطيب أكيد بس نام !
ياطيبنا ياصالح
ياصالحنا ياطيب
يا الزول البشوش بسام
متلك مابمــــوت ياحبيب
خالد في قلوبنا دوام !! |
بالجد انا حسيت ان نادية كانت تبكي بحرقة ووتسللت دموعها بين الحروف
| |
|
|
|
|
|
|
|
|
|
Re: وجعني (Re: علاء الدين يوسف علي محمد)
|
حليل الزين حليلو الطيب المريود
ود حامد ودومته وحزن مالو حدود
نخلة على الجداول والصبر ممدود
صالح أخو الجمال الليلة مو موجود !!
زمراوي
ياسر
علاء
رحم الله الطيب الصالح وصبر قلوبنا يارب
| |
|
|
|
|
|
|
|
|
|
Re: وجعني (Re: نادية عثمان)
|
عزانا ولدنا طيب وود شيوخ صالحين
كان في الدنيا نسمة وزي جروف الطين
مليان بالمحنة عريس ولدنا الزين
ليهو الجنة بيت بي حق شفيع الدين !
| |
|
|
|
|
|
|
|
|
|
Re: وجعني (Re: نادية عثمان)
|
اكيد جسدك هناك حاسي البرد وحزين
في بلد الضباب والشوكة والسكين !
عاد الليلة أوب وأحي علي ووبين
بدور أصلك هنا والمح وشيك يازين !
| |
|
|
|
|
|
|
|
|
 Re: وجعني (Re: نادية عثمان)
|
| Quote: لك الرحمة ولنا الصبر والسلوان يافقيد الأمة السودانية . |
وانا كمان حزنت جدا ربنا يرحمه ويغفر له
| |
|
|
|
|
|
|
|
|
|
Re: وجعني (Re: نادية عثمان)
|
أعزيك أستاذة نادية وأعزي نفسي والوطن
أيام مهرجان الجنادرية .. بالرياض
وجدته قابعا في ركن مطعم بشارع غبيرة بجلابية بيضاء بلا طاقية
نبهني صديقي .. بدهشة .. معقولة ده الطيب صالح ولا واحد بيشبهو ؟؟
وحين نظرت إلي مقصد الرجل .. تأكدت بمالايدع مجال الشك أن هذا هو طيبنا الصالح
لم أشأ أن أعكر صفوه . حيث بدا عليه انه لاذ بهذا الركن القصي يتأمل .. ففي وجوه السودانيين الغرباء ما يلهم الأدباء .
لم يتأثر من تصرف النادل السوداني وهو يضع له الأطباق باهمال دون ان ينتبه الي ان هذا الرجل
شرف كبير للامة السودانية .
تركت المطعم وانا وصديقي في غلاط المحبين المترددين من هيبة الرجل ان نسلم ولا نسلم . وحين حسمنا أمرنا وجدنا المائدة خاوية .
كان قد دفع حسابه ورحل في زحمة الشارع السوداني الغريب شارع سوداني مزروع بالكامل في وطن غير وطنه ومدن غير مدنه .
كانت تلك أول مرة رايته فيها وآخر مرة .. لم تقع عيني عليه في الواقع قط سوي في تلك اللحظات .. حتى يخيل إلي أنني كنت أتوهم من كثرة حبي له .
لكنني وقعت في كتاباته كمن يقع من هاوية لا قرر لها . أو كمن يسبح في فضاء بعيدة لا نهاية لها
اعتراني حزن مهيب هذا الصباح بخبر موته الفاجعه .. انتشر في كياني كانتشار الدمع الساقط علي منديل ورق ابيض .
هذا الرجل الطيب كان موجودا في داخلي برغم أنني لم التقية قط
يستقبل معي بدايات الدهشة الأولي والرشفة الأولي والكلمة الأولي والنظرة الأولي
يصد معي فشلي وضياعي وجنوني ومجوني وينزل معي مستنقع الأسرار في عشقي وغضبي ومنفاي
حتي صار عطر اول حب غامض لي مثل عطر حسنة بنت محمود .
هذا الرجل كان معي في صباحات العمر الصبية وفي متاهات الاغتراب ..
كان في نادي الفلاسفة وفي بينشات آداب وفي ضحكاتنا البريئة وقفشاتنا البذيئة في جلابيب دراويش الخرطوم وفي وجهي المنسي وفي اعراس القري التي حضرتها كلها
في ظل شجرة بعيدة في صحراء السلوم تهتز من الرهاب .. في عيون جدي وهمهمة ابي المتصوف ودعوات امي المستجابة .
في جسد غنج إشتهيته مرارا وتكرارا واستعصي علي مراهقتي قرب لحاء الشجر الأخضر وصباح خريف ممطر مع فتاة الصبا والغلط الغبي .
كان سفيرا فوق العادة لتأملاتي العجيبة ولشرودي المهيب أحفظ له عن ظهر قلب مفردات صارت جزء من
قيمي وكرامتي وإنسانيتي .
الطيب صالح هو الحنين .. الذي يلازم المثقف السوداني في ابتلاءاته وتنقلاته وانكساراته وانتصاراته
وهو الأنين من الشموس المحرقة الذي يسأل الإله تأدبا عن الظل في أرض لا تلد إلا الأنبياء المعدمين والمجرمين المترفين .
حزني يشبه صفصاف البلاد الباردة .. ونخلة لا تلد .
بابكر زيكو
| |
|
|
|
|
|
|
|
|
|
Re: وجعني (Re: بابكر عثمان مكي)
|
كان زي الملاك ماشفنا ليهو مثيل
بالذوق والأدب معروف أبونا عديل
ولدنا مثار فخارنا قمرنا والقنديل
تبكيك القماري وتبكي بت النيل !
هو يوم الحزن والوجع يابابكر وإنعام فقط أذرفوا الدموع وادعوا له بالرحمة والغفران
| |
|
|
|
|
|
|
|
|
|
Re: وجعني (Re: نادية عثمان)
|
موجوع البلد مافيهو زول شمتان
مات الليلة صالح والقليب حزنان
الطيب حبيبنا منارة بل عنوان
عاد الليلة سكلب وأبكي ياسودان !!
نصار وعبد الله ليهو الرحمة طيبنا الطيب ولينا كامل العزاء
| |
|
|
|
|
|
|
|
|
|
Re: وجعني (Re: نادية عثمان)
|
كل العالمين تبكي وتنوح ياصالح
يا طاعم الحروف والسكر المو مالح
في السودان عموم الليلة وشنا كالح
مشيت ياحبيبنا وين ياوليد بلدنا الفالح ؟!!
| |
|
|
|
|
|
|
|
|
|
Re: وجعني (Re: نادية عثمان)
|
راجع بالكفن الليلة طامة كبيرة
عرس الزين حزين من غير هلال وحريرة
ود صالح مشيت خلفت لينا الحيرة
يبكيك الوطن وكل الدول والجيرة !!
| |
|
|
|
|
|
|
|
|
|
Re: وجعني (Re: نادية عثمان)
|
قالوا النية زاملة سيدها
ونيتك إنت أبيض لونها
يبكيك النخيل ياغالي
والبركاوي والعرجونة
نيلنا الليلة غسّل وشو
بي سكين دموع مسنونة
صالح نحنا ليك بنشابي
إلا الدنيا بت مجنونة !!
| |
|
|
|
|
|
|
|
|
|
Re: وجعني (Re: Elmosley)
|
رحل سيد التهذيب والتواضع لم أرى في حياتي عالم بتواضعه يقف ليسلم علي الصغير والكبير يصمت ليسمع كل الأحاديث وهو عالم الحديث
برحيله يستشعر الأنسان بأن هذا البلد يتهاوى
ألا رحمه الله رحمة واسعة وأحسن أليه بقدر ما أعطى
| |
|
|
|
|
|
|
|
|
|
Re: وجعني (Re: Elmosley)
|
من طلع الصباح يبكي وينوح القمري
حزنانة البلد فقدت جناها الدغري
ياسند الرواية ويانضارة عمري
شيال التقيل ياولدي عزي ودخري !
الموصلي ود خالي تعال اكمل معاك بكاي ونحيبي
الليلة يوت حزنان قلبي ياخ الطيب صالح مات عديل كده !!
| |
|
|
|
|
|
|
|
|
|
Re: وجعني (Re: نادية عثمان)
|
لاحول ولاقوة إلا بالله
إنا لله وإنا إليه راجعون
للفقيد الرحمة ولآله الصبر وحسن العزاء
جملناالله وإياكم بالصبر
اللهم أرحمه وأسكنه فسيح جنّاتك
اللهم باعد بينه وبين خطاياه كما باعدت بين المشرق والمغرب
اللهم نقّه من الخطايا والذّنوب كما يُنَقّىَ الثّوب الأبيض من الدّنس
اللهم أغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم أجمعنا وإيّاه في مستقرّ رحمتك
اللهم إنّا نسألك بإسمك الأعظم أن توسّع مدخله
اللهم آنس في القبر وحشته
اللهم ثبّته عند السُّؤال
اللهم لقّنه حجّته
اللهم باعد القبر عن جنباته
اللهم أكفه فتنة القبر
اللهم أكفه ضمّة القبر
اللهم أجعل قبره روضةً من رياض الجّنّة ولا تجعله حفرة من حفر النار
اللهم إن كان محسناً فزد في إحسانه ، وإن كان مسيئاً فتجاوز عن سيّئاته
اللهم ألحقه بالشُّهداء
اللهم أفتح عليه نافذة من الجّنّة وأجعل قبره روضةً من رياضها
| |
|
|
|
|
|
|
|
|
|
Re: وجعني (Re: نادية عثمان)
|
نسال الله ان يتقبله قبول حسن
ويا حليل مجلة المجلة
خصوصا الصفحة الاخيرة
التى كانت دائما نقراها
قبل الصفحة الاولى
| |
|
|
|
|
|
|
|
|
|
Re: وجعني (Re: ياسر عبدالكريم محمد)
|
صباح مافيهو شمس الزين
أكيد بيكون صباحاً شين
حامد ودومته حزنانين
حليل الطيب المسكين !
نيو سوداني
عز الدين
ياسر عبد الكريم
العزاء موصول للوطن الذي فقد فلذة كبد الرواية والمحنة .. وجعي عليك يا الطيب الصالح ..!
| |
|
|
|
|
|
|
|
|
|
دمع الدم (Re: نادية عثمان)
|
اشد اوتاري و اترنم .. و اجروا مع الخيال النم
دمع الدم .. الزمان بعذابي حكم .. أجري يا عيوني دمع الدم
ولازال حسن الدابي يطرح سلسبيلا من بكائية الوطن العزيز
كلام وارد من مناطق : المقّل و الأراك و الكاسنجر .. و لقاءنا التاريخي
مع رواية الغد ، حكاوي السودان الجديد عند (لفة النيل في ابو حمد)
و الجنا الطريفي ، وهو يراوغ الاستاذ صاحب الكرباج و الاجندة الخفية المتعلقة
بسمحة القرية آمنة
" يا استاذ : ما سمعت الخبر ؟ ! الزين عرس آمنة !! " و بعبارة اليوم
يا نادية ، كان التلميذ الطريفي يمارس تشتيت كور و هجمات معسكر
القمع و التسلط ، و مهيأ نفسه لحالة من التمرد المشروع و مواصلة اصطياد
الكودوندار ، او جبدة صغيرة في بحر يخلو من مخاطر الدميرة ، او قل
مظاهرة سريعة ضد ضابط المجلس و المحافظ
حار عزائي .. كان (الطيب) ماسنجرا للروح السوداني .. السودان قي اصالته و تمدنه
و تقلب احواله .. طوبى للرواة الاذكياء كاشفي (حالنا) و اسرار واقعنا العجيب متعدد التراكيب
| |
|
|
|
|
|
|
|
|
|
Re: دمع الدم (Re: عبدالله الشقليني)
|
لا حول و لا قوة إلا بالله،
أبكى يا نادية،
أبكى عزنا و فخرنا،
ابكى زولنا و أهلنا،
أبكى فقدنا،،،
| Quote: البركة فينا وفيكم يانادية ..وفي السودان كلو |
| |
|
|
|
|
|
|
|
|
|
Re: دمع الدم (Re: Hala Hassan)
|
وجعنا الليلة مالو حدود
وجع جوة الوريد ممدود
مات الصالح المريود
مات فارس الكرم والجود !!
أحمد طراوة
عبد الله الشقليني
شول أشوانق
هالة حسن
لو بكينا على الطيب الصالح باقي عمرنا مابنفك عبرة حلقونا
عليهو .. وآوجعي عليك الليلة ياصالحنا !!
| |
|
|
|
|
|
|
|
|
|
Re: دمع الدم (Re: نادية عثمان)
|
ياحليل البلد فقدت كبير أعلامها
ياوجع الرواية إتكسرت أقلامها
لهفي الليلة أوب ياالطيب العلاّمة
أبكن ياخلوق يوم موت أديبنا (قيامة) !!
| |
|
|
|
|
|
|
|
|
|
Re: (Re: كمال ادريس)
|
دوام بتباهى بيك يا الطيب السوداني
ياشيخ الحكي وياسيد صميم وجداني
بت مجذوب تريدك يا نغم الحاني
تظل جوايا خالد يانشيد أزماني !
الله يرحمك ياحبيبي ياطيب ياصالح .. وجع السودان كلو موته ياكمال ربنا يصبرنا يارب
| |
|
|
|
|
|
|
|
|
|
Re: (Re: نادية عثمان)
|
لقد إنطفأت شمعة وأندثر نور بفقدان القلم والقلب النابض
الله يرحم كاتبنا الكبير رحمة واسعة
ويلهمنا وكل قرائه في المعمورة بالصبر وحسن العزاء
إنا لله وإنا إليه راجعون
خاص للأخت نادية
وددت المداخلة لهذا الفقد
رغم تحفظي على مداخلتك يا أخت نادية
ورغم أن الوقت غير مناسب لكن لأنني عاتب
عليك أرجو المعذرة للمتداخلين
| |
|
|
|
|
|
|
|
|
|
Re: (Re: سيف الدين علي محمد الفاضل)
|
الاخت نادية عثمان
برحيل الطيب صالح نكون قد فقدنا واحدا من أعلامنا اللذين نباهى بهم الامم
ولكن لانملك إلا أن نقول : إنا لله وإنا إليه راجعون
| |
|
|
|
|
|
|
|
|
|
Re: (Re: سيف الدين علي محمد الفاضل)
|
سيف الدين علي محمد الفاضل
ياتو مداخلة تقصد المتحفظ عليها والعاتب علي فيها في مقام الحزن ده ؟!
مافاهمة أرجو التوضيح بعد إذنك يعني !!
| |
|
|
|
|
|
|
|
|
|
Re: (Re: نادية عثمان)
|
تغمده الله بواسع رحمته
والهم آله وزويه الصبر وحسن العزاء
انا لله وانا اليه راجعون
| |
|
|
|
|
|
|
|
|
|
Re: (Re: مدثر محمد ادم)
|
ود شيقوق ومدثر
أحسن الله عزاء الجميع في فقيدنا الحبيب الطيب الصالح .. الله يرحمو
| |
|
|
|
|
|
|
|
|
|
Re: (Re: نادية عثمان)
|
أحسن الله العزاء
ورحم فقيدنا الراحل وطيب ثراه.
الراحل الذي غاب زاهدا في الدنيا وفي يانصيب نوبل.
اللهم أثري ميزان حسناته بقدر ما اثري الادب العالمي بروائعه.
مساء امس كان العزاء في الدوحة
وحضرت الجموع الحاشدة ومن بينهم العزيز الذي اقابله لاول مرة بالدوحة الاخ صلاح عثمان مختار.
| |
|
|
|
|
|
|
|
|
|
Re: (Re: نادية عثمان)
|
ياكل الخلوق صالحنا راجع بكرة
الزول السمح ماحاري يوم الشكرة
مات صالحنا جد بس مابتموت الفكرة
الطيب رحل وساب لينا حسرة وعبرة !!
| |
|
|
|
|
|
|
|
|
|
Re: (Re: نادية عثمان)
|
شقيقي وإبن عمي العزيز حسن طه محمد
الطيب الصالح عاش ومات وهو جميل يجمعنا من شتات أرواحنا وبلاد الله !
لولاه لربما ماكنت ستلتقي ابن عمك صلاح وهو يقيم معك في ذات الدولة !
هذا هو طيبنا الصالح جامعنا في منافي الأرض بحبنا له وعشقنا لمداد حروفه
له الرحمة وواسع الغفران ولك ولصلاح وللسودان وافر العزاء وبعض الصبر ..
| |
|
|
|
|
|
|
|
|
|
Re: (Re: نادية عثمان)
|
جايبنو الحبيب الليلة بالطيارة
حافاهو الملائكة وروحه ند وطهارة
نائم زي غرير ياحليل أبوك يا السارة
أبكن يابنات قالوا الدموع كفارة !!
| |
|
|
|
|
|
|
|
|
|
Re: (Re: نادية عثمان)
|
للفقيد الرحمة وليكم السلوان
للحبيب الجنة وليكم الأحزان
العزيز فارقنا ويتم الأوطان
شيل عليهو الفاتحة وأبكي ياسودان !
| |
|
|
|
|
|
|
|
|
|
Re: (Re: نادية عثمان)
|
سيف الدين علي محمد الفاضل
ياتو مداخلة تقصد المتحفظ عليها والعاتب علي فيها في مقام الحزن ده ؟!
مافاهمة أرجو التوضيح بعد إذنك يعني !!
الأخت نادية
تحياتي
أول حاجة أشكرك على إهتمامك بمداخلاتي لأول مرة
لأنني عملت معك عدة مداخلات ولم تعيريني نظرة واحدة
في البوست الذي فتحتينه عن حلقتك مع صلاح إدريس عملت معك مداخلة
ووجهت لك عدة أسئلة ولكن للأسف الشديد قمتي بالرد على كل المتداخلين
معك بخصوص تلك الحلقة وتجاهلتيني تماما ويمكن لك الرجو لذلك البوست
ثم عملت لكم مداخلة مرة أخرى والحال كما هو دون أن تلتفتي لي مرة أخرى
وحتى لا أكون متحاملا عليك أكثر من ذلك أرجعي إلى البوست الذي فتحتيه وستتأكدة بنفسك
أنني محقا فيما ذهبت إليه في عتبابك وبصريح العبارة قلت لك في إحدى هذه المداخلات
بأنني بأن هنالك خيار وفقوس عندك وأنا من ضمن هؤلاء الفقوس
على العموم هذا مقصدي ولآنني عاتب عليك بسبب تجاهلك لي
وأتمنى أن تعودي للوراء للبوست
مع تحياتي لك أخت نادية وأتمنى بهذا العتاب أن يكون فاتحة خير
وبداية صفحة تسودها الإلفة والمحبة معك
أخوك / سيف الدين
| |
|
|
|
|
|
|
|
|
|
Re: (Re: Seif Elyazal Burae)
|
الزميلة نادية
جبر الله كسركم تقبله الله قبولا حسنا وانزل الرحمه على قبره وانزله منزلة الصديقين والشهداء
لك وللاسرة جل التعازى
انا لله وانا اليه راجعون
| |
|
|
|
|
|
|
| |
Abureesh
الزنجي
Ahmed musa
العوض المسلمي
الجندرية
محي الدين جبريل
محمد عبد الماجد الصايم
محمد صباحى
ismeil abbas
Hadeer Alzain
Magdi Ahmed Elsheikh
انور التكينة
MOHAMED EL-BEELI
عاطف عمر
Adil Osman
داليا حافظ
شهاب الفاتح عثمان
munswor almophtah
Dalal Ezzaldin
rosemen osman
ناهد بشير الطيب
ياسر الامير ابوجكة
Zomrawi Alweli
انعام حيمورة
نصار
بابكر عثمان مكي
abdalla osman
Elmosley
عزالدين محمد عثمان
ياسر عبدالكريم محمد
أحمد طراوه
عبدالله الشقليني
شول اشوانق دينق
كمال ادريس
الطيب شيقوق
حسن طه محمد
بلدى يا حبوب
فيس بوك
تويتر
انستقرام
يوتيوب
بنتيريست