أسابيع البورد .... III

Quote: Quote: كلامك دا غلط اختنا حنين ما سحبت الصورة عشان انت وضعتها في مداخلة ولا ينبغي لها اسباب وضعها للصورة اصلا او سحبها خاصة بها فقط ولا بنسالها ليه ولا بنفسر برانا يا عمدة يا حبيب زي ما قال لك عمك روغيم احساسك العالي و تهذيبك الجم خلاك تفسر الموضوع بشكل خاطئ وعلى لسان البلد اقول ليك انها ما قصدت ما ذهبت اليه فما تكون (سنستف) اكتر من اللازم يا مان وتعال نبدأ انت يايمة تتتبااااارك وتتعلى ياود المصارين البيض... اها والله زاتو الزول ماعارف يقول شنو....لكن المهم الله في.. الاخ عماد فتحت هذا البوست اعجابا بالأغنية وبمانثرته في من معان حلوة كنص ولحن واداء "يااخي اسرار بابكر دي بتبالغ عدييييل كده" وجاء عليه فجاة تفكير في داخلي...احنا وين من كل ده...دخلت عليها شوية فلسفة تفكيري لامنطق لها...ان الروح كالشجر يذبل ان لم يرتوي بجماليات كهذه الاغنية...واحسست كم هي مرهقة هذه الروح وكم اضفى عليها ضغط الحياة والعمل والمسؤوليات خشونة حسية ..ماكانت تشبهني ولاكنتها في يوم ما...وقلت في نفسي كم هناك يحسون بذات مااحس ان ايقاع الحياة بدأ يسلب منا في لحظة غفلة احساسنا الزمان الجميل ...بالحياة وبالشخوص والمواقف...الاحساس بالسودان والاهل بالجمال كقيمة معنوية واخلاقية قبل ان تكون اي شيء يخصص كل في مكانه...ففكرت بكل اخوة ومحبة ان اضعها ليسمعها كل من يحس بالنغم...ووضعت للبوست اسم الاغنية...حبيبي تعال نبدأ.... وكانت البداية "تطير عيشتي انا " كانت البداية في بوست عادي جاء بعد اواخر الليل ليجيء عليه الصباح ....وارى فيما لاتعرف يا عماد...قراءات غير التي اختطها كي بوردي..وليس منك ولا من اي من المتداخلين ...يعني الموضوع ياعماد لاعلاقة لك به او اي احد هنا...وكما ذكر لك ود البشرى انا اصلا لا اضع صورتي ......وقد سحبتها وطلبت بكل لطف من كوستاوي ان يسحب الصور التي وضعها ..والتي كان قد جمعها "او سرقها " من خلال عدة لقطات ظهرت هنامن خلال الحفل الذي اقيم لعلاج سناء في واشنطن...وكوستاوي بكل تفهم قام بسحبها بل وبكثير تفهم ....ومن بعد لعدم معرفتي بك لم استطع ان اطلب منك ذات الطلب ...شجعني اخي رغيم في كسر ذاك الحاجز ان اطلب منك ماطلبته من كوستاوي وبذات الاريحية...وذات البساطة ..ولم احمل الموضوع ازيد من طاقته...فلم يكن يستاهل..."هيا يمممممممممممة شن الصورة البسمع يقول صورة داليا حافظ " عماد اخوي حملت الموضوع ازيد من حجمه وغيرك ايضا من خارج المنبر اعطوا الموضوع اهمية ولكأنه جرم ان تستمع الى اغنية وان تشارك الاخرين الاحساس بفننا وبقيمنا وبالدعوة الى التسامح والبدايات الواضحة المستنيرة الراقية المحترمة ...الاخوة الاخوة الاخوة... تجي من الناس كلها...منك انت لا يا عماد...لانك كل ردودك كانت تحمل طابع الدعابة والهزار البريء والاحترام..ولم يختط قلمك اي شيء غير هذه الروح ولم يتجاوز اي احد من المشاركين في هذا البوست حدوده ولم ارد ابدا بما يوحي انني اسيئت فهم اي احد...راجع كل مداخلتي واقراها بروح اخرى سترى كيف انني اهزر معك وحتى قلت ليك ارجاني النصحى...عشان اوري ليك...معقول زول بكون فاهمك غلط بهزر وبقول كدة كان غالبني لو انا جادة افهمك ليه من قبل يومين واوقف اي تجاوز...عماد لم يكن هناك اي تجاوز من جانبك ولا من اي من الاخوان كلكم اعزاء وكلكم محترمين واخوان اخوات ...وكلكم وليان للاخوات هنا....الله يلعن الزمن الخلانا نفهم بعض غلط يااخي.. عماد اعطيت الموضوع ازيد من حجمه....واحزنني جدا ماكتبت وماحملت به نفسك فوق طاقتك.......اعتذاري لك عما قسوت به على نفسك..وتاكيد احترامي وتقديري لك...ونصيحة اخوية كلنا هنا بعيدين عن مجتمعنا ووواقعنا ونسعى لخلق واقع اروع واجمل وطن اسفيري خيالي يضمنا جميعنا بكل اختلافاتنا...فلاتدع مايدور هنا يؤثر في واقعك وفيك ...ياابوي مافي شيء بستاهل زعلك او زعل اي زول...ماااااااافي شيء بستاهل لاكنت ولاعشت ازعلك او ازعل اي زول هنا.. هي يااود امي الدنيا شنها....الدنيا كمها....الدنيا كمها

(عدل بواسطة حنين للبلد on 07-11-2008, 03:20 AM)