|
Re: أسابيع البورد (Re: محمد البشرى الخضر)
|
بمناسبة الكامبين دي ياعمك خليني اركب ماكينة ثروت شوية قاليك مازن عندو المومنتم و عامل النيو فيس بلعب لصالحه وإن كانت تنقصه الخبرة لكن حماس الشباب و الصدق و البراءة بدي الحملة دفعة قوية وعلى الجانب التاني تلقى الخبرة الرهيبة لدكين بالإضافة لتاريخه و علاقاته مع السوبر ديليقتس و هم الفي يدهم حسم الأمر ومن ناحية تانية تاريخ دكين قد لا يلعب لصالحه ودي نقطة قوة لموقف مازن لحداثه عهده بالمشاركة وعدم وجود تاريخ سابق معلوم حتضمن ليه اصوات النساء و الأفريكان اميريكانس المشكلة الحقيقية هي في الجولة التانية و بعد حسم امر مرشح السعودية انو حينافس بروف معز و هو خصم رهيب وتكاد فرصة مازن تكون معدومة في مواجهته اما دكين فخبرته قد تحسن موقفه امام البروف عموما الخيار صعب لكن لنترك امر البروف لحينه خلينا حاليا نعيش الحلم و نمتطي صهوة موج البوتامك
Change We Can Believe In
| |
|
|
|
|
|
|
Re: أسابيع البورد (Re: محمد البشرى الخضر)
|
ود البشرى سلامات..
بالله شوف لي إمكانية نجاح بوست: إنتا ساكن وين في بيتكم.. في المطبخ، أوضة النوم ولا الحمام ..
ود الصايم أحيي اليقظة بتاعتك.. وشكرا تاني لإنقاذك بوست ذكر.. بدستة نساء
ودي
| |
|
|
|
|
|
|
Re: أسابيع البورد (Re: Amira Elsheikh)
|
اها وصلنا اسبوع شنو ما تقولو لي اسبوع الشجرة ولا المرور والله البورد ده من كترة المواضع حقو تغيرو العنوان ايام بوردية بدل اسابيع وكدا ولا خلوهو اياميم عشان تمشي مع القافية وده نسبة للمواضيع المتلاحقة وكدا
اها اقعدو عافية وفرفور زاتو
| |
|
|
|
|
|
|
Re: أسابيع البورد (Re: Raja)
|
سلام رجاء
Quote: بالله شوف لي إمكانية نجاح بوست: إنتا ساكن وين في بيتكم.. في المطبخ، أوضة النوم ولا الحمام |
ما اكضب عليك يا رجاء بجوكي ناسك الكلو مرة كلمة والتانية أسم جيناك بنجح مافي كلام لكن ما بنافس انصح بتأجيله لوقت لاحق يكون البحر نزل شوية
يلا مستنين مشاركتك الفعالة في الحملة
TOGETHER WE CAN
في انتظار دينزل
| |
|
|
|
|
|
|
Re: أسابيع البورد (Re: محمد البشرى الخضر)
|
ود البشرى ...
بصراحة فرصة صاحبنا مازن أصبحت ضعيفة جداً مع دخول البروف الحلبة.... دكين بهناك رمى آخر وأقوى أوراقه... الإستطلاعات الأخيرة بتأكد تقدم مازن في بعض المناطق ... وخلال الفترة الجاية ح يظهر الموقف أكثر ... هل ح يواصل البروف .. أم يبتعد ؟؟ في حالة مواصلة البروف للتحرك ... على مازن السلام .... أما في الحالة الأخرى ... يصبح إعتماد دكين على أخر أوراقه .. وإستعانته ببورداب الرياض للبحث عن شقة ... آخر أمل له. ___________ مرات لعب المحترفين(دكين) مابيتناسب مع الهواة ... مما يؤدي الى طرطشة المحترفين وهزيمتهم .. (هلال كادوقلي vs ريال مدريد)...
- معاكم متابعين ... ولو غبنا بالله رسلوا لينا في التطورات.
| |
|
|
|
|
|
|
Re: أسابيع البورد (Re: محمد البشرى الخضر)
|
حاتم يوسف يا عمك اللعب بقى خشن و الوزير لغى الجمعية العمومية وقال حيجيب المجلس تعيين خسارة والله كنا مستمتعين بالكامبين
حيدر يا عمك طيور الجنة عديل كدة ياحاج امش ابكي عديل محل الفراش بلا حركات حق معاك
مازن ياعمك معليش ابوي , هو اصلا بيني وبينك كدا فرصتك مع البروف كانت جدا ضئيلة لا تضيق
ودالصايم شنو نجهوك في التوقيع اها ختةالإيميل إن شاء الله نفعتك قلوبيتك قبضت قمري و لا ود ابرك كلو ابوي يا عمك ما قلنا اشرح و امسح
| |
|
|
|
|
|
|
Re: أسابيع البورد (Re: محمد البشرى الخضر)
|
اسمعني بي مناسبة أسبوع Quote: اسبوع خطوبة حتوت ودينة |
سمعت بي قصة دينا << ما بت فاضلابي لمن غرقت في البحر مع لينا؟؟؟
أوع تقول لي اكتب وامسح
بي مناسبة الكديسه
مولانا ده منو
| |
|
|
|
|
|
|
Re: أسابيع البورد (Re: محمد البشرى الخضر)
|
أها يا مان
ون صابونه تايم
كان في اختين .. دينا ولينا
المهم مشو البحر مع أصحابم
يا معلم البتين غرقو في البحر
الشفع قعدوا يكوركو << نظام حناكيش وكدا
المهم البيتش << الشاطئ ما فيهو زول غير
عمك واحد مسطول مدنكل صاااااح
جا طاير ليك يشوف الحاصل شنو
كلموهو البتين غرقوا الحقهم
صحبك توف نزل البحر وكدا
لقا واحده منهن وطلعا
الجماعة قعدوا يكوركو
آآآآي دي لينا .. طلع دينا
جمبلغ غتسا ليك تاني:D :D :D :D
وعشان خاترك .. صدقني ما بمسحا
أها مولانا .. خبرو شنو أدينا دليل صوغير وكدا
_،_،_،_،_،_،_،_،_،_،_،_،_،_،_،_،_،_،_، غايتو جنس غايتو!!! <<<< بكتبا براااااي يا بكري
| |
|
|
|
|
|
|
Re: أسابيع البورد (Re: محمد البشرى الخضر)
|
تعرف ياعمك حكاية امسح واربح دي ما بتخارج شوف حتى خالتك سليكة محتجةQuote: الكي وورد دي نظام جهجهتنا وكدة |
نشوف لينا طريقة مجموعة بريدية و كتاب وش اي حركة كدة تكون مفيدة إقتراحاتكم يا شباب
| |
|
|
|
|
|
|
Re: أسابيع البورد (Re: مازن الجمّال)
|
Quote: لكن ات ما مالاحظ انو الروتين حتى في لحس العسل زاتو
ممكن يبقى ممل ؟ |
طيب داير شنو يا الشقي بني اسرائيل الله اداهم المن و السلوى قالوا ممل دايرين البصل و التوم
| |
|
|
|
|
|
|
Re: أسابيع البورد (Re: مازن الجمّال)
|
اسبوع جديد يا جماعة
ناس دارفور ياخ حركة عبد الواحد محمد نور
(جناح وين كدا ما عارفه)
المهم قالوا عملت علاقات مع إسرائيل
والعكة قايمة هناك
ما تسألوني هناك وين سمح؟
| |
|
|
|
|
|
|
Re: أسابيع البورد (Re: محمد البشرى الخضر)
|
Quote: نعومة يا بتي البوست بتاع الموبايلات دا حدو وين جايب لينا الهوا ياااخ وديه المكتبة بعد دا |
ليه فتشوا موبايلك ولا شنو؟
بالمناسبة العدة جاتك ولا لسه
حاول جيبها سريع قبل ما يبقى اسبوع العدة
| |
|
|
|
|
|
|
Re: أسابيع البورد (Re: Rasha Hatim)
|
الحاجة زينب محمد احمد نقد الله يرحمها كانت بتقول تطلع من بيتكم حزين تلقى الفرح في بيت مين وانا كنت فاهم الكلام غلط لحدي قريبات دي كنت فاهمه خلي الحزن في بيتكم عشان لما تجي بيت مين ما تدبرس بيه معاك و هو بحبك ضاحك و مستانس (حاكم) مين دا حنين و قلبه رهيف - او شيئ من هذا القبيل
| |
|
|
|
|
|
|
Re: أسابيع البورد (Re: محمد البشرى الخضر)
|
حبوبتي الله يرحمها كانت طوالي بتقول حكمتو بالغة البخليك يوم مرتاح ويوم تكوس للجناح (كناية عن المرحلة البتطير عيشتك ديك) اها انا كلامها دة ما كنت مصدقاهو لحدي قريبات دي.
اعفي لينا يا عمك
| |
|
|
|
|
|
|
Re: أسابيع البورد (Re: طلحة عبدالله)
|
طلحة تنظير ياعمك اها اسبوع إيجاد مبرر لقبول شداد للقرار حيبدا متين
Quote: الجرجير (من جرجرة) |
إنت ياعمك مصر تشرحها ليه ما في زول مغالطك
| |
|
|
|
|
|
|
Re: أسابيع البورد (Re: محمد البشرى الخضر)
|
عندي صحبي يوم سِكِر في العرضة وفكوه بعد المغرب
طلع يترتح في الشارع وفجاة كده خش في غيبوبة الاحلام الوردية
لما فتح عيونو لقى نفسو راقد في الواطة في اوضة جالوص
وجمبو مرة مصنقرة ليها في قصرية والظاهر عليها بتعاني شديد
وبتتنحنح وبتتشحتف وجمبها مرة تانية شابكاها اتصبري يا بت امي .
لحدي هسة هو مستغرب الوداو هناك شنو وديل منو زاتم وهو وين
___________________
هيي ازيكم كلكم
وده اسبوع عبد الواحد
| |
|
|
|
|
|
|
Re: أسابيع البورد (Re: محمد البشرى الخضر)
|
حاج تنظير يا عمك ..
Quote: اها اسبوع إيجاد مبرر لقبول شداد للقرار حيبدا متين
|
بعد ما نستوعب حكاية الإنبراشة الأربابية دي .. (بالرغم من انها بتحصل وحصلت كتير من جعجاعكم دا) . ما بنكتب جواب وكتبوا بالفحمة .. بنشارك بالمجنسين غصبا عن عين شداد و........ لحسوا الكلام قبل ما يبرد .. أمش اقرأ بيان سيد الهلال الفضيحة في الكابتن يا عمك .
Quote: إنت ياعمك مصر تشرحها ليه ما في زول مغالطك
|
دي عرفتها كيف بس ...؟؟؟
| |
|
|
|
|
|
|
Re: أسابيع البورد (Re: طلحة عبدالله)
|
يا عمك مالك غايب ؟؟
نحن عندنا اسبوع الصفحة الخامسة..
دخلت ما اتعرفت على البوست جيت مارقة.
غايوتات كتارااااااااااااااااااااااااااات
ومافى اى حقوق محفوظة لود الصايم ..
____________________________ اها وبعدين..
| |
|
|
|
|
|
|
Re: أسابيع البورد (Re: محمد البشرى الخضر)
|
Quote: ومافى اى حقوق محفوظة لود الصايم .. |
والله في الخير أميرة أمي أنا
حسي الزول ده بتكون مداخلاتو (بطلت)
لكن يا إنتي
أنا ما مع ناس صفحة 5 بعد شوية عاوز أرحل مربع 7
_،_،_،_،_،_،_،_،_،_،_، غايتو جنس غايتو!! << الأصلية
| |
|
|
|
|
|
|
Re: أسابيع البورد (Re: محمد عبد الماجد الصايم)
|
Quote: لكن يا إنتي
أنا ما مع ناس صفحة 5 بعد شوية عاوز أرحل مربع |
يعنى داير تنزل قصاد ماذن ودكين والدكتور .؟؟
ولاشنو؟؟
وبعدين الصفحة الخامسة الهنااااك ديك بقت لى زى الحدائق .....
بعد شوية البوساتات دى كلها حتبقى بوست واحد فى الشايفة دا
تدخل بوست منو كدا تلقى شنو كدا ونفس القصة ..الله يستر من الكتاحة
القائمة دى...
غايوتات كتارااااااااااااااااااااات
| |
|
|
|
|
|
|
Re: أسابيع البورد (Re: Amira Elsheikh)
|
Quote: وبعدين الصفحة الخامسة الهنااااك ديك بقت لى زى الحدائق .....
بعد شوية البوساتات دى كلها حتبقى بوست واحد فى الشايفة دا
تدخل بوست منو كدا تلقى شنو كدا ونفس القصة ..الله يستر من الكتاحة
القائمة دى... |
وطيب و مالو يااميرة كلو ما الكلكات زادت إعلانات قوقل دي بتشتغل و في صالح الموقع واسمعي النصيحة وباري الكتاحة
Quote: غايوتات كتارااااااااااااااااااااات |
سنة!!!
| |
|
|
|
|
|
|
Re: أسابيع البورد (Re: محمد البشرى الخضر)
|
كدى خلونا من صفحة خمسة دي يا أميرة ياخ
في اسبوع جديد بعنوان ماذا لو كسبت اللوتري؟؟؟؟
والكنجالات قصدي الضحاكات ح تعمل بيهم شنو
انتو صحي يا ود البشرى وود الصايم
لو فزتوا بيهو ح تعملوا شنو بالقروش
ود البشرى انا عارفااااااك أول حاجة
ح تشتري العدة الما جابوها ليك ديك
| |
|
|
|
|
|
|
Re: أسابيع البورد (Re: انعام عبد الحفيظ)
|
Quote: كدى خلونا من صفحة خمسة دي يا أميرة ياخ
|
انعام طالما مسلسل سوركتى دا شغال مافى زول بشتغل ليك بالوترى
وبعدين دا اسبوع نزلو الصورة وغيرو الصورة وحذفو الصورة
ورجعوها تانى..
يا جماعة انتو بكرى ابو بكر دا بقى عضو معانا(يعنى من عامة الشعب).؟؟
عشرين موضوع فى الصفحة الواحدة...
| |
|
|
|
|
|
|
Re: أسابيع البورد (Re: Amira Elsheikh)
|
ود البشري .. واللا بلاش .. أصلو لو سلمنا ولا لا الحاله واحده .. يا خوي بصـ .. أقصد بوسطيك السبيل ده كل واحد بجي ياخد فيه سحبة .. والما بلقى فرصه ذى حالتي بدفر.. إلا أعمل حسابك قدامك دقداق ..
..
إشرح يا ود الصايم.
| |
|
|
|
|
|
|
Re: أسابيع البورد (Re: محمد على طه الملك)
|
ود الملك يا عمكلا تتضايق يااخ بس ود الصايم ما بحب لخبتت الإختساسات وانا محترم الحتة دي من الكرسي الحداشر ولا ورا تبعه دا كل ما في الموضوع لكن برضو حقك علينا ابوي بس المرة الجاية استخدم الباب الوراني
| |
|
|
|
|
|
|
Re: أسابيع البورد (Re: انعام عبد الحفيظ)
|
بت عبد الكريم - سوري - بت عبد الحفيظ (بالله الواحد عيونو زغللت)
Quote: في اسبوع جديد بعنوان ماذا لو كسبت اللوتري؟؟؟؟
والكنجالات قصدي الضحاكات ح تعمل بيهم شنو |
اسبوعك دا خبر ولا شنو قلبت البورد سما ارض ما لقيته بالله لنكيه لينا معاك
| |
|
|
|
|
|
|
|