|
|
 وقفة رمضان والشحتفة وجكاكة البلاستيك.
|
الدكتور
سلامات وكيف حالك وحال بقيراتك وغنيماتك السودان في رمضان موسم الدرت
وقفة رمضان كبسيبة جد في سوق العدة نساوين شايلات قفاف ومخالي وطابقات جكاك الموية وترامس الشاي وكيس ليمون وحزمة مساويك وتلات جرادل لونون ظهري في اليد الشمال ويأشرن للركشات برويساتن وسيد الركشة يفحط من بتاع الحركة والمرة تلعن ابو بتاع الركشة لابو بتاع الحركة لابو الحكومة وتنبح وليداتي خليتم مع بت الجيران إن شاء الله ماتكون بشتنتم الله يستر من بنات الزمن ده زمان نحن يحرسونا لولاد عمنا حول التكتح ماتجينا يا حاجة اطلعي من الشارع سجمي سجمي انت عميان ان شاء الله عمى كباسة
الرجال في سوق الخدار وسوق البهار ابوي شابك الراجل تلاته ارطال توم رطلين كسبرة رطلين شطة يا بوي شطة شنو في رمضان؟؟
يا ود اسكت انا براي روحي محرقاني!!
يا بوي رمضان دخل العضم العضم!!
ذكرتنى اللحمة ارح ونمشي اقطع لي من الزند ده عليك الله وعندك كبدة ان شاء الله !!
ااي وكمان عليك الله اتنين كيلو لحمة مفرومة ياود اقيف في مكان واحد ما تشاغل الاولاد ديل على الطلاق احسن منك شغالين يا عاطل يا ود الكلب انا قدرك كده كنت بصرف على ابوي وامي الله يخيبكم ولدة الندامة.
ارح نمشي نشترى كهرباء !!
يا بوي كهربة شنو واها كمان الكهرباء علاقتها شنو مع الجوع والعطش؟؟
تعطش ما تروى والسخانة لو الكهرباء قطعت ببرده شنو تجي تهببني يا ابرويس انت؟؟
اتذكرتها السلطة والاسود!!
|
|
 
|
|
|
|
فيس بوك
تويتر
انستقرام
يوتيوب
بنتيريست