|
|
 والله ما قصر..ابن الميرغني يعد بحل مشكلة النيل الابيض وشمال كردفان!!.
|
في اول تصريح لمساعد رئيس الجمهورية السيد جعفر الصادق الميرغني ابان بانه سوف يسعى لحل مشكلة كل من شمال كردفان والنيل الابيض !!!.
فبهت الصحفيون الذين حضروا التصريح ..فساله احدهم عن الذي يحدث بشمال كردفان والنيل الابيض و يحتاج لحل..
وان تدخل احد الصحفيين مصححا المساعد الرئاسي وما اذا كان يقصد جنوب كردفان والنيل الازرق فاجاب هازا راسه بالايجاب ..
علق الاستاذ صلاح عووضة براي الشعب حول ذلك اليوم الجمعة ونحن نازر ابن الميرغني من هذا البوست
وطبعا الراجل ما قصر تب يكون جاي من بريطانيا قبل شهر بعد ان مكث هناك لعشرين عام وبرضو يعرف شمال كردفان والنيل الابيض والله حقو يدوهو نوبل
|
|
 
|
|
|
|
|
|
|
|
Re: والله ما قصر..ابن الميرغني يعد بحل مشكلة النيل الابيض وشمال كردفان (Re: صهيب حامد)
|
سـلام يا صهيب..
أمس علّقت ممازحاً أحد الأصدقاء حول تصريح الميرغني الإبن: إنتوا كمان دايرين تغالطوا أهل بيت الله؟ أو كما تقول الطرفة..وبعـد شوية قريت في (التيار) الخبر دا..
Quote: القوات المسلحة تشتبك مع الجيش الشعبي بالنيل الأبيض
أصدرت القوات المسلحة السودانية بياناً أمس كشفت فيه عن تصديها لعناصر من الجيش الشعبي من دولة الجنوب داخل حدود ولاية النيل الأبيض، وأوضح البيان أن "عناصر من الجيش الشعبي داهمت في الثانية من ظهر الأربعاء منطقة تقع جنوب شرق التبون" مضيفاً أن القوات المسلحة اشتبكت معهم وأجبرتهم على الفرار، مخلفين عدداً من القتلى و الأسلحة وقامت بأسر أحدهم يجري التحقيق معه، ودعت القوات المسلحة دولة الجنوب بالسيطرة على "عناصر الجيش الشعبى المتفلتة". ونفت من ناحيتها حكومة النيل الأبيض أمس عبور أي قوات سودانية للحدود مع دولة الجنوب، وقال وزير الإعلام والمتحدث الرسمي باسم حكومة الولاية عبد الماجد عبد الحميد أن "عناصر من الجيش الشعبي هي التي عبرت الحدود مع الشمال بغرض الاعتداء على المواطنين ونهب مواشيهم"، ونفى أن تكون القوات المسلحة أو القوات النظامية الأخرى قد تجاوزت الحدود الدولية، وقال: "قواتنا تعرف حدودها جيداً وملتزمة بها منذ زمنٍ بعيد". وكان دينق أكوي محافظ الرنك قد اتهم القوات المسلحة السودانية بالتعدى على الحدود الدولية لدولة الجنوب "بسبب عدم معرفتهم بالحدود". |
فقلت: عند الله وعندك وعند آباءك وأجدادك الغـر الميامين يا سعادة المساعد.. أهـو بتشوف المشاكل قبل ما تحصل، وإنشا الله باقي المشاكل زي شمال كردفان تحلها لينا قبل ما تحصل..
المصدر: التيـــــار
| |
|
|
|
|
|
|
|
|
|
Re: والله ما قصر..ابن الميرغني يعد بحل مشكلة النيل الابيض وشمال كردفان (Re: صهيب حامد)
|
يقول الاستاذ محمد ابو القاسم حاج حمد في معرض المقارنة بين الامام عبد الرحمن المهدي والسيد علي الميرغني في كتابه السودان ..المازق التاريخي وافاق المستقبل ان الاول قد اعتاد ان يقذف بابنائه الى اتون المجتمع لتعركهم الحياة مباشرة ،اما السيد علي فانه قد كان كثير التحفز في اختلاط ابنائه بالناس والمجتمع !!!.
والمسالة دي بتخلي ابناء المراغنة عندهم قاب مع الناس وبتاثر في تجربتهم السياسية والاجتماعية ،،فمثل جعفر الصادق عمه احمد الميرغني الذي كانت تحاك حوله النكات ايام الديمقراطية الثالثة
| |
|
|
|
|
|
|
|
|
|
Re: والله ما قصر..ابن الميرغني يعد بحل مشكلة النيل الابيض وشمال كردفان (Re: Hisham Ibrahim)
|
الاخوة درديري وهشام ابراهيم ممنونين للمرور
وطبع دي المشكلة يا هعشام البتعاني منها احزاب الطوائف كلها فحتى القرار واليه اصدار يمكن ادراجها في طائلة الاسرار الهية كانت او الى جوارها وكل القاعدين في دار الحزب ديل بتونسو ساكت منتظرين الاسرار الالهية عشان يدافعوا عنها او يموتو من اجلها وما موقف الكثيرين من المنتمين للامة او الاتحادي بهذا البورد الا دليل على ذلك!!!!.
| |
|
|
|
|
|
|
|
|
 Re: والله ما قصر..ابن الميرغني يعد بحل مشكلة النيل الابيض وشمال كردفان (Re: محمد فضل الله المكى)
|
الاخ محمد شكرا للمرور
هي لكن دي حواصة بتاعة نصاح ..عموما ذي ما قلت هم البشوفو ديل بنظارات وبغيرها عملو شنو ياها البلد ماشا من ازمة لازمة ..انفصل الجنوب والناس تعاين وقامت الحرب في جنوب كردفان والناس
تعاين والنيل الازرق برضو كمان..
والان جانا سليل العترة النبوية جعفر الصادق وبشرنا بعد ان راى بعين البصيرة انو المسالة لاحقة النيل الابيض وشمال كردفان..
الغريبة انو بعد تصريح سعاتو الحلاتو بيومين حصل هجوم من جنوب كردفان علي النيل الابيض
والله يا جماعة كدي النصبر حبة علي صاحبنا يمكن انو جيبتو دي فيها سر
| |
|
|
|
|
|
|
|
|
|
Re: والله ما قصر..ابن الميرغني يعد بحل مشكلة النيل الابيض وشمال كردفان (Re: محمد فضل الله المكى)
|
الاخ محمد شكرا للمرور
هي لكن دي حواصة بتاعة نصاح ..عموما ذي ما قلت هم البشوفو ديل بنظارات وبغيرها عملو شنو ياها البلد ماشا من ازمة لازمة ..انفصل الجنوب والناس تعاين وقامت الحرب في جنوب كردفان والناس
تعاين والنيل الازرق برضو كمان..
والان جانا سليل العترة النبوية جعفر الصادق وبشرنا بعد ان راى بعين البصيرة انو المسالة لاحقة النيل الابيض وشمال كردفان..
الغريبة انو بعد تصريح سعاتو الحلاتو بيومين حصل هجوم من جنوب كردفان علي النيل الابيض
والله يا جماعة كدي النصبر حبة علي صاحبنا يمكن انو جيبتو دي فيها سر
| |
|
|
|
|
|
|
| |
Nasr
Hisham Ibrahim
محمد فضل الله المكى
فيس بوك
تويتر
انستقرام
يوتيوب
بنتيريست