|
Re: المجموعة السودانية للقاء العيد بنادي الغزال أول أيام العيد 6مساء (Re: هاشم الادريسى)
|
Quote: كل عام وانت والاسرة بخير
دائما سباق لعمل الخير جزاك الله كل خير
والتحية والتقدير للعم عبدالمنعم مكى رائد هذا العمل الجميل
واول من سنة هذة السنةلحضور احتفال العيد بنادى الغزال والجميع
ندعوا للعم عبدالمنعم مكى بالشفاء والصحة والعافية - امين يارب العالمين
وشكرا لمربى الاجيال الاستاذ / محمد عثمان |
الزول ود البلد الاستاذ هاشم الادريسي
وانت والاسرة الكريمة بالف خير وصحة وعافية
ومعك ندعو لاستاذنا العم عبد المنعم المكي بالصحة والعافية
نعم هو صاحب مقترح المعايدة بنادي الغزال
والعيد دا طبعا معانا
يعني المشروب حاضر , بس علينا نوفر مياه الشرب .
لك التحية اخي هاشم الادريسي
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: خالد المحرب)
|
Quote: لكم منى واسرتى اطيب التحايا يا اهل الدوحه سعدنا جدا باللقاء القصير فى عيد الفطر ولكن طابت نفوسنا به صراحة التحيه لكل الاخوه البورداب هناك بدون فرز واتمنى لكم السعاده من جوه قلبى دمتم بخير تحيه خاصه لك اخى كمبوره |
ولك ولاسرتك الكريمة كل التحايا والامنيات الطيبة
بدوام الصحة والعافية وراحة البال اخي شيخ العرب خالد المحرب
وكل عام وانت والاسرة الكريمة بالف خير وخير
وامنياتنا ان تتكرر زيارتك لدوحة الخير
واشكرك على التحية الخاصة
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: معاوية محمد الحسن)
|
Quote: الاستاذ محمد عثمان كل عام وانتم بخير تعودنا ان يكون اللقاء فى عيد الاضحي فى اليوم الثاني فاليوم الاول تصعب فيه الحركة مساء للتعب والانهاك من فعاليات الصباح |
الاستاذ معاوية محمد الحسن وانت بالف خير وصحة وعافية
اخي معاوية حاولنا الحجز تاني يوم لكن للاسف النادي محجوز تاني يوم لاصحاب النادي
ناس قطر للبترول لديهم فعاليتهم تاني يوم .
عليه تم الحجز لنا أول أيام العيد
ممكن نقلل فعاليات الصباح لليوم التاني
نجاح فعالية معايدة نادي الغزال يكون بحضوركم ومشاركتكم كما عودتمونا دائما
ولك الفين تحية
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: حسن طه محمد)
|
Quote: استاذنا كمبورة
التحية والود كل عام والجميع بالف خير
وموفقين ان شاء الله
سافتقد هذه المناسبة الجميلة وعزايا انني ساكون في مناسبة اجمل
ساكون في رحاب الاراضي المقدسة ان شاء الله
ونسال الله ان يتقبل من الجميع صالح الاعمال. |
سعادة المستشار الاستاذ حسن طه كل التحايا
وانت بالف خير وخير وصحة وعافية
وحجا مبرورا وسعيا مشكورا وذنبا مغفورا انشاء الله
وربنا يتقبل منك
حقا سنفتقدك لكننا متأكدين من انك معنا بالدعوات من اطيب البقاع
نسألك الدعوات الصادقة بتفريج همنا الاكبر
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: كمبورة)
|
Quote: سعادة السفير سفير السودان والسفارة بيت السودانيين جميعا
|
كمبورة على المستوى الشخصى تعلم ان لك عندى ود وتقدير اختلافنا او اتفقنا اما على مستوى المجموعة السودانية وتبنيها لمواصلة المعايدة القامت اصلا على الفصل بينا وبين الكيزان المابشبهونا في شى انسانى سودانى انتو جيتو وجبتوهم لينا سفارة وسفير ولو السفير سفير السودان والسفارة سفارة كل السودانين طيب ليش فكرة المعايدة المنفصلة اصلا وفصلا
بعدين هل انت ومن معك في الجموعة السودانية قابلين تطفل السفير على المعايدة ام مباركنها وخلاص ؟
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: معتز القريش)
|
Quote: بالرغم من التناقض بين موقفك في عيد الفطر وماورد أعلاه |
معتز القريش
لا يوجد تناقض في موقفي
كتبت عاليه ان المعايدة معايدة القوى الوطنية الديمقراطية
وان اية زول يجينا مرحب بيهو
اما انت سبق ان كتبت بأنه غير مرحب بك ( من ناحيتي ) علشان ما ينط لي نادوس واقول لي عامة وما عامة
اية زول يجينا في دارنا ( اقصد فعاليتنا ) نكرم وفادته ونستقبله الاستقبال الذي يليق بمكانته
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: كمبورة)
|
Quote: اما انت سبق ان كتبت بأنه غير مرحب بك ( من ناحيتي ) |
برضو تناقض هناك قلت هظار وهسة سويتا جد يا أخي معقولة أنا انقاذي أكتر من السفير ونائب السفير والقنصل ؟ انت بعضمة لسناك رحبت بيهم في ختام كلمتك في عيد الفطر
الشاهد في الأمر انت لا تملك حق الترحيب بي أو رفضه انت زيك وزي اي سوداني تسلق هذه الفعالية وفرض نفسه عليها ..
وقع ليك ولا اعيدو ليك
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: معتز القريش)
|
أما أنتم يا من هم جزء من ادرة هذه الفعالية بجانب كمبورة فان ما كتبه كمبورة أدناه
Quote: سعادة السفير سفير السودان والسفارة بيت السودانيين جميعا واي زول عاوز يجي المعايدة حبابو الف |
ليس الا تمهيدا لدعوة السفير وأعضاء السفارة لحضور المعايدة السموها ضد الانقاذ لأنه لا يستطيع الاستغناء عن دخول مكاتبهم من الباب الشرقي حيث عوض الله أو حضور فعالياتهم الإنقاذية السفارية وآخرها افطار السفير في رمضان المنصرم حيث رفض معتز القريش منحه الرغيف .. يا كمبورة قول يا لطيف
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: بدر الدين الأمير)
|
Quote: كمبورة على المستوى الشخصى تعلم ان لك عندى ود وتقدير اختلافنا او اتفقنا اما على مستوى المجموعة السودانية وتبنيها لمواصلة المعايدة القامت اصلا على الفصل بينا وبين الكيزان المابشبهونا في شى انسانى سودانى انتو جيتو وجبتوهم لينا سفارة وسفير ولو السفير سفير السودان والسفارة سفارة كل السودانين طيب ليش فكرة المعايدة المنفصلة اصلا وفصلا
بعدين هل انت ومن معك في الجموعة السودانية قابلين تطفل السفير على المعايدة ام مباركنها وخلاص ؟ |
يابدرالدين ولك عندي اضعاف ما عندك على المستوى الشخصي والعام
وانشاء الله دائما متفقين ما مختلفين
قلنا المعايدة لكل السودانيين الوطنيين الديمقراطيين
وقلنا الزول البجينا في دارنا ( فعالياتنا ) بنرحب بيهو ونديهو مكانتو
وسعادة السفير رمز لكل السودانيين بهذه الدولة المضيافة
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: كمبورة)
|
Quote: والمجموعة السودانية للقاء العيد
مجموعة لتنظيم لقاء العيد
والاحتفالات بالمناسبات القومية . |
وبترحبو بحضور السفير وكل اطقم السفارة ياخى عدلو مسماكم وقولو انكم المجموعة الهلامية ياسيدى لقاء العيد اسس للفصل بينا وبين الكيزان وسفارتهم وقد سبق وطرد سفير المؤتمر الوطنى من هذه المناسبة حين اتى متطفلا عليها ...
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: بدر الدين الأمير)
|
Quote: وبترحبو بحضور السفير وكل اطقم السفارة ياخى عدلو مسماكم وقولو انكم المجموعة الهلامية ياسيدى لقاء العيد اسس للفصل بينا وبين الكيزان وسفارتهم وقد سبق وطرد سفير المؤتمر الوطنى من هذه المناسبة حين اتى متطفلا عليها ... |
بدر الدين كل عام وانت بالف خير
نعم والف نعم نرحب باي زول يأتينا في دارنا وبيتنا مفتوح شارع
ونحنا المجموعة السودانية
حلوة للفصل بيننا . انتو منو ؟
بعدين يا سيدي السفارة سفارة كل السودانيين وهي بيت السودان
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: كمبورة)
|
كل عام انت والاسرة بخير يا ستاذ محمد عثمان
Quote: وسعادة السفير رمز لكل السودانيين بهذه الدولة المضيافة |
هنا مربط الفرس
السفير رمز للنظام الحاكم وليس لكل السودانيين بهذه الدولة وافتكر بتجاربكم العريقة وعلاقتكم مع الشعب القطري وتاريخ الجالية السودانية الناصع حان الوقت بان نتميز كشعب عن النظام النظام الذي يشحد باسم شعبه لتمويل حروبه ويكبت ويختلق الحروب هو بعيدا عن كرمكم ورحابة صدركم وارثكم في التعاضد يا استاذ محمد عثمان
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: عثمان دغيس)
|
Quote: كل سنة والجميع بخير هو يا ود الامير الحكاية شنو ؟؟؟ يعني ما ح ترحب بالسفير في المعايدة ؟؟؟ وده يعني شنو في رأيك ؟؟ الحكومة حتنقلب وناس نقد والمهدي والميرغني يجوا يسووا حكومة بتاعة ديمقراطية قاطعنها من راسهم و و و و دي معايدة يا الحبايب معاااااااايدة ؟؟؟ وضع الندى في موضع السيف مضر كوضع السيف في موضع الندى |
اخونا عثمان دغيس
كل عام وانت بالف خير وصحة وعافية
في المعايدة يتم الترحيب بجميع الحضور
اتفق معك تماما ان هذه معايدة وانو احنا في السودان و في العيد بيوتنا مفتوحة للجميع
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: كمبورة)
|
كلمة المجموعة السودانية بمناسبة عيد الاضحى المبارك اعاده الله علينا وعليكم بالخير واليمن والبركات بسم الله الرحمن الرحيم
السيدات والسادة
السلام عليكم ،،
نحتفل بعيد الاضحى المبارك، وفرحتنا متأصلة في القلوب.
عيد بأية حال عدت يا عيد***لأمر مضى أم لأمر فيك تجديد
وجديد العيد، تجدد اللقاء في نادي الغزال، نفرح ونتبادل التهانئ:
كل عام وانتم بخير
وعساكم من عوادة
نلتقي اليوم في اجواء من الالفة والمحبة،وما كان لنا ان نلتقي لولا الاستاذ الكبير عبد المنعم المكي ،الذي كان صاحب الفكرة "معايدة" نادي الغزال، فله منا اجمل التهاني التبريكات،ونسال الله ان يمتعه بالصحة والعافية،ومنذ عام 1993 سارت على نهجه المجموعة السودانية وكل من يحمل في قلبه حب الوطن ،حتى اصبحنا اسرة واحدة ، كبارا وصغار، نساءا ورجالا،نلتقي سويا في اعيادنا ، نجدد العهد ،ونتطلع الى الغد، والى المستقبل ، وسيظل سوداننا في وجداننا،وطن سلام ووئام،نزرع فيه المحبه، تشرق فيه شمس الحرية،وترفرف في سمائه حمائم السلام،لا تقرع فيه طبول الشقاق، فما احوجنا اليوم الى ان نقف وقفة صدق امام وطن يحتاجنا حتى يقف شامخا بين الامم. نحتاج لبناء وطن ديمقراطي يسع الجميع،تسوده العدالة والخير،اما وطننا الصغير هنا فهو جاليتنا التي نطمح الى ان تكون " ديمقراطية وتسع الجميع"،تسودها الارادة الحرة في الاختيار وتعمل لخدمة الجميع في كافة المناحي الاجتماعية ، وبما يعضد قيمنا السودانية الاصيلة في التكافل والالفة والمحبة ، نختلف لكن يجمعنا الوطن :
بلادي وان جارت علي عزيزة واهلي وان ضنوا علي كرام
وطني وإن شغلت بالخلد عنه نازعتني اليه بالخلد نفسيفي هذا اليوم ونحن نحتفل بعيد الاضحى، نسال الله ان ينعم علينا بخيراته، ونهنئ حجاجنا الذين ادوا الفريضة فعادوا مكبرين فرحين ،ونسال الله الصحة والعافية لكل مريض،وفي هذا المقام نتمنى الشفاء للاخ الطيب بشير، ولك عزيز ، ونسال الله الرحمة والمغفرة لكل من فقد قريب.
برنامجنا حافل وفيه كل جديد ، وستتابعونه وسينال رضاكم ، وختاما تتقدم المجموعة السودانية باحر التهاني والتبريكات بعيد الاضحى اعاده الله علينا بالخير والبركات وبلادنا تنعم بالخير والوحدة والسلام والسلام عليكم ورحمة الله وبركاته محمد عثمان نادي الغزال – الاحد 6 نوفمبر
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: كمبورة)
|
Quote: وسعادة السفير رمز لكل السودانيين بهذه الدولة المضيافة |
سلام علي الجميع وعيدكم مبارك
ياكمبورة ده كلام غريب
السفير ده ممثل للمؤتمر الوطني وعين بسبب هذه العلاقة لذلك هو رمز لعضوية المؤتمر الوطني وليس لكل السودانين حديث البدر واخونا عبدالرحيم ابايزيد منطقي جدا وكان يمكن ان تكتفي بان هذه فعالية مفتوحة يحضر من يحضر, ولكن ان تتحدث عن السفير وتنصبة رمزا لكل السودانين ده الكلام الغير موضوعي . انا شخصيا السفير ده لايمثل لي اي قيمة معنوية, بل هو رجل مخلص لحزبة السياسي وارسل الي هنا لتنفيذ سياسات المؤتمر الوطني التي من اهمها هذا التوحيد القسري بين حزبهم وبلدنا. وانت تروج لهذه الفرية بمثل هذه الكتابات . سلام
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: بهاء بكري)
|
Quote: سلام علي الجميع وعيدكم مبارك
ياكمبورة ده كلام غريب
السفير ده ممثل للمؤتمر الوطني وعين بسبب هذه العلاقة لذلك هو رمز لعضوية المؤتمر الوطني وليس لكل السودانين حديث البدر واخونا عبدالرحيم ابايزيد منطقي جدا وكان يمكن ان تكتفي بان هذه فعالية مفتوحة يحضر من يحضر, ولكن ان تتحدث عن السفير وتنصبة رمزا لكل السودانين ده الكلام الغير موضوعي . انا شخصيا السفير ده لايمثل لي اي قيمة معنوية, بل هو رجل مخلص لحزبة السياسي وارسل الي هنا لتنفيذ سياسات المؤتمر الوطني التي من اهمها هذا التوحيد القسري بين حزبهم وبلدنا. وانت تروج لهذه الفرية بمثل هذه الكتابات . سلام |
بهاء لك التحية
نحن في دولة مضيفة ولابد من احترام قوانينها ومن خلال علاقاتها مع بلدنا توجد سفارة للسودان
هذه السفارة سفارة كل السودانيين
بالتالي السفير هو سفير كل السودانيين وليس سفيرا لناس المؤتمر الوطني فقط
وهذا حال كل الدول
لنا معاملات ننجزها في السفارة .
اذن لنا تعاملات تتم في السفارة وفي بعضها تستدعي تدخل السفير شخصيا .
لنا جالية ولها مجلس ينظم وينفذ برامجها الاجتماعية والثقافية والرياضية وهي تحت مظلة السفارة .
لنا مدارسي يدرس فيها اولادنا وهي تحت رعاية السفارة .
السفارة ليست دارا للمؤتمر الوطني والسفير ليس سفيرا لجماعة المؤتمر الوطني .
وان رأينا ان السفارة اصبحت دارا للمؤتمر الوطني والسفير ينحاز لجماعة المؤتمر الوطني يجب علينا ان لا نسكت
ويجب علينا ان نعمل على ان السفارة والسفير لكل السودانيين
اخيرا ان لا اروج لاي شيء وانما هي قناعاتي .
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: Faisal Al Zubeir)
|
Quote: والبجينا في دارنا نقوم معاه بالواجب .
|
الاخ العزيز كمبورة اقدر مجهوداتكم في استمرارية هذه الفعالية بس يامحمد فكرة المعايدة او لمتنا في العيد قايمة على الفصل بينا وبين الموتمر الوطنى وقبل كدا لما جاء سفير المؤتمر الوطنى السابق الدابى وتطفل على هذه اللمة ناس مولانا محجوب ابراهيم طردو والاب المؤسس عبدالمنعم اخبره انه غير مرغوب فيه وظللنا على مدى سنوات الكيمان مع الكيزان مفروزة وذلك اضعف الايمان في محاسبتهم وانهم ليس مننا في شى يامحمد حاجاتنا مع منظومة القتلة واضحة ومابتحتمل التفكير الرغبوى
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: بدر الدين الأمير)
|
Quote: وارسل الي هنا لتنفيذ سياسات المؤتمر الوطني التي من اهمها هذا التوحيد القسري بين حزبهم وبلدنا. وانت تروج لهذه الفرية بمثل هذه الكتابات |
يابهاء المؤتمر الوطنى بسجمو ورمادو وقتلته عارفنو وعارفين اخلاقيات هتلر العندهم منذ فترة وقبل انفصال الجنوب قامو بتوزيع بطاقات برتب عسكرية عليا لاحصر لها لناس مابفرقو بين رتبة الرقيب والنقيب في الاحياء السكنية في مواقع الانترنت المهم ان تكون فصيح وبدافع عنهم وتلك تفاصيل يمكن ان ناتيها لاحقا .... لكن في المجموعة السودانية بالدوحة لقو ضالتهم اي ان هناك مبادرين شبه مصادمين بس رخوين هدفهم ان يقولو نحنا موجودين قربونا او اقتربو مننا ..... ولو ملاحظ انه ظهر خلاف في هذا البوست عن من هو صاحب مسمى المجموعة السودانية ناس عادل التجانى ام ناس كمبورة وهذا يقابله عندى انشقاق المؤتمر الوطنى في الدوحة بين مجموعة الكلاكلة والمجموعة التانية ....
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: بدر الدين الأمير)
|
Quote: لكن في المجموعة السودانية بالدوحة لقو ضالتهم اي ان هناك مبادرين شبه مصادمين بس رخوين هدفهم ان يقولو نحنا موجودين قربونا او اقتربو مننا ..... |
يا بدر الدين حقيقي زودتها ومسختها فعلا .
وين انت كنت مصادم للكيزان ؟
ومن اي موقع تصادم الكيزان ؟
نحنا شبه مصادمين ورخوين ورينا انت منازلتك للكيزان
اسأل الكيزان عنا وهم يقولوا ليك من نحن .
انت على مستوى وزرائهم عزمتهم عازومة خاصة . ونحنا استقبلناهم في معايدة . شفت الفرق يا مصادم !!!!
| |
|
|
|
|
|
|
Re: المجموعة السودانية للقاء العيد بنادي الغزال أول أيام العيد 6مساء (Re: بدر الدين الأمير)
|
Quote: يامحمد حاجاتنا مع منظومة القتلة واضحة ومابتحتمل التفكير الرغبوى |
بدر الدين الامير
مافيكم زول حا يزاود على معارضتنا للمؤتمر الوطني .
شنو يعني تفكير رغبوي وما تفكير رغبوي ؟.
معارضتنا للمؤتمر الوطني معارضة فعلية ما حكي .
وهم حقيقة اسعد الناس بمعارضتكم هذه .
ما حكاية نحكي في الاسافير عن معارضتنا لهم ونعزمهم بالليل وفي الضرا !! ودي أسأل منها صاحبك معتز القريش
| |
|
|
|
|
|
|
|