|
|
 يا كيزان باي باي ضروري نشوفكم في لاهاي...!!
|
كل المؤشرات والقياسات الريخيرية في الواقع السوداني بكل مكوناته المختلفة
الاقتصادية -السياسية -الاجتماعية والدولية بتقول حاجة واحدة والله واحد هي
بان هذه السلطة الخرطومية المجرمان في طريقها الي لحوق غنم زهرة في رحيلهم الابدي...
موشرات السقوط وملامح التصدع في الدولة الانقاذية الباينة بينونة كبري بقت ما دايرة ليها درس عصر
|
|
  
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
علي كرتي يكورك ويستغيث حتي يلحق العالم الاقتصاد السوداني الذي يتداعي ويتصدع
وهذه الطغمة المجرمة في مجيئها الاول كان شعارها الذي عملت لينا بيهو سافوتة
لجنة نضيرة نحول الارض البور البلقع
فهاهم حولو كل الارض السودانية النضيرة الي ارض بور بلقع
والدولار عدادتو امبيرها رافع في الطبلون وماشي الي السماء السابع
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
1- الواقع المعيشي والاقتصاد
2- الوضع الامني
3- الواقع السياسي
4- الوضع الدولي والاقليمي
5- صراع التيارات الانقاذية
6- تنامي التراكم الثوري ووصوله الي مرحلة الشارع
هي نقاط ستة سنلاعبها الشطرنج لكي نري رحلة السقوط التي اشتقنا الي حدوثها كثيرا وهرمنا
وهاهي اللحظة التاريخية والحتمية تاتي وهي تتهادي في كل واقع السودان الذي صار بائسا كئيبا
ومفقع الفقر
وسنتابع
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
يا كريم يا اجواد
لاهاى دى امانى الناس الكابس على راسهم نظام
وما عارفين ياخدوا حقهم براهم ..
لكن انا ملاحظة انو الشعوب العربية اوكلت الموضوع
دا بالكامل لللاهاى حتى فى حال تحررها ..
نحن كان لحقوا غنم زهرة تانى لاهاى لى شنو ؟؟
السوريين ما يحاكموا بشار فى شارع حلب دا
المافى شنو ؟
نبقى ذى حكومةالسودان ... كل ما خليل يدخل بلد
الكواريك تقيف سلمونا لى بالانتربول والوفود تقوم
وتقع والضغط على تلك الدول وترغيبها وتهديدها
الااااا تسلمونا لى
اها لما دخل اراضي السودان تمممممممممم سكتوا
اصلوا ما قالوا دايرنو ولا اقبضو ..
منى ومن الدول ديك ارسل ليهم اقول ليهم مش
قلتو دايرنو اهو جاكم يالله اقبضوا ....
نحن كان فى المعارضة كان فى الحكومة دايرين الحاجات
تجى من غيرنا ولمايقولوا السودانيين كسلانين
نزعل !!
ـــــــــــــــ
منقو قل معى :: نشوفهم فى كوبر !
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: دينا خالد)
|
Quote: لاهاى دى امانى الناس الكابس على راسهم نظام
وما عارفين ياخدوا حقهم براهم |
هلا يا دينا وحبابك يا دهشة
ونعم متفق معاك بان الشعب السوداني مفروض ينجز ثورته بروحه وهو قادر وضليع وله تراكم ثوري ضارب في الجذور... واما لاهاي فهي امر كتب في الاوراق الرسمية الدولية ولابد منها للمجارمة الذين ارتكبو جرائم ضد الانسانية في دارفور وفي النيل الازرق وفي كردفان وفي ابيي
...
وده كوار دولي فارز عيشو ...
والكوار المحلي والداخلي فهذا سيكون باذن الرب برا وجوا وبحرا في كل الجخانين والكراكير السودانية
وبادوات وبايادي واليات سودانية مية مية..
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: دينا خالد)
|
Quote:
لكن انا ملاحظة انو الشعوب العربية اوكلت الموضوع
دا بالكامل لللاهاى حتى فى حال تحررها .. |
اعتقد دى من مخرجات العولمة والبقولو عليها عولمة
العدالة محاكم عابرة للقارات..زيها وزى الشركات العابرة
للقارات وهى من صنيع الراسمالية العالمية كسياسات تتحكم
بها فى رقاب الشعوب الضعيفة..زى محاكمة المجرمين
فى مناطق خارجة عن سلطاتهم كما فى الادب الانقليزى
...............
لكن الغربيين عامة بقوا يعيدو النظر فى النظام الراسمالى نفسه خاصة بعد الانهيارات الاقتصادية
الكبيرة الاتعرضو ليها فى الاونة الاخيرة ..
وشكلهم حيرجعوا يفتشو فى دفاتر شيخ ماركس الانتقد فيها
الراسمالية والليبرالية ..بالميت كدا ممكن يسالونا بخجل
يا اخوانا فى الله انتو الاسلام نظرياتو بتقول شنو عن السياسات الاقتصادية
دا لو لقوا اجابة !
وبعد دا كلوما بنرفض محكمة لاهاى كمحكمة قطب احادى حققت بعض العدالة الدولية
والتنقد الرهيفة ...
تحياتى
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: Mudather Kunna)
|
Quote: ياكيزان الى لاهاى وبئس المصير
عايتو البشر اليومين دى جنس رجفى
ود الصايم تحياتى |
تحياتي يا مدثر
وحياك وحي ود الصايم الطوربيد الغمام..
ونعم عمر البشير هو الان نموذج حقيقي لما يسمي بديك المسلمية
كشنته تطبخ في القلوب السودانية الشجاعة وهو يمارس العوعاي في القضارف...
والطاغية السوداني في متاهة من متاهات الطغاة عندما تقرر الشعوب ضربهم بالشلوت
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: مهيرة)
|
Quote: ياعيب الشششششششششششششوم
|
هلا يا مهيرة وتحياتي..
وايوه المجارمة بعدما شفطو كل موارد البلاد والعباد
مادين قرعتهم للعالم عشان يواصل رحلة الشفط واللصوصية الشديدة الرهيبة..
وهاهو الشحاد (ايوووه الشحاد الحقيقي علي كرتي) يتسول في الطرقات الدولية
لانقاذهم من فشلهم الذريع في ادارة وطن حدادي ومدادي وملان بكل الاشياء النفيسة..
خربو كل الاشياء وعاثو فساد ولصوصية والان يمارسون فيما يمارسون الكواريك الاستغاثة
التي بالتاكيد لن تاتي لسلطة فقدة ظلها وفاقدة للاسباب الموضوعية لوجودها في سدة الحكم
كونها سلطة لصة ومجرمة قاتلة رعديدة
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: الطيب رحمه قريمان)
|
Quote: قبل ان يذهب بهم الى لاهاى نريد ان نحشرهم فى بيوت الاشباح كما فعلوا باهل السودان رجال و نساء
كل ولاة امر ود الباوقة التابع الفاسد من الكيزان الفاسدين عليهم اللعنة اجمعين . |
هلا يا الطيب وتحياتي
ونعم يا ابو الطيب ان اراد هذا الشعب تصحيح مسار ثوراته وهباته عليه ان يتعظ من الماضي والتجارب السابقة...(وعفا الله عن ما سلف) هي مقولة يجب ان تعدم في ظني من قاموس التغيير السوداني الاتي بلاريب..
والذين عذبو وقتلو وشردو ابناء هذا الشعب لابد من ان يجدو الحساب العسير....
وفي هذه اللحظات لابد لنا من تحية كل الشهداء ومنذ حضور هذه الانقاذ اللعينة..
والتحية والتقدير والاجلال لكل الشجعان الذين عبرو بنضالهم الشجاع بيوت الاشباح تلك الامكنة التي صارت وصمة عار في جبين هذه السلطة السجم...
وحتما سياتي الفجر يا الطيب وسيقتص هذا الشعب الكريم من الجلادين القتلة
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: اسامه خليفه)
|
Quote: لكن بعد كدا وصلت اللحم الحي .. الجوع .. والجوع الكافر لا يعرف الرحمه ..
|
تحياتي يا اسامة
اسواء الاشياء علي الاطلاق في هذا الكون هي ان يجوع انسان..
انسان راقد علي بلاد مليئة بالخيرات..ولكنها ايضا مليئة باللصوص الجالسين علي سدة ادارة تلك الخيرات..
وعندما ياتي الجوع كاخر حلقة من حلقات انتهاك ادمية الانسان فان سيتحول الي مارد
مارد مورس ضده
القتل- القمع- التعذيب ثم التجويع..
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: Mustafa Mahmoud)
|
| Quote: 1- الواقع المعيشي والاقتصاد |
الحال وقف كما يقف حمار الشيخ في العقبة
والدولة الكيزانية في استهبالها التاريخي تحاول الالتفاف عبر تغبيش وعي هذا الشعب الطيب مرة اخري بان القادم دوما هو احلي..
اللحمة اصبحت اندر من لبن الطير في الباقير... وهذا في المدن
واما في الفيافي البعيدة فقد ضرب الجوع الكافر والتشرد والضياع في الارض السودانية وصارت الخيمة هي البديل للقطية الوديعة...
وصارت الكسرة الناشفة هي الصديق اليوماتي في وجبات ما فضل من هذا الشعب الطيب,,,!!
الجوع وبوم الخراب هي السمة الرئيسة التي تظلل سماء كل البلد
وعندما يجوع شعب ويتشرد سيتحول الي مارد يضرب بيدا من حديد علي جلاديه
وهذا ما اراه الان كشجر سوداني يمشي في الطرقات ويحرق اللساتك
ثم يقضي علي تلك الشجرة اللعينة ..
شجرة المجرم الكبير عمر البشير
| |
|
|
|
|
|
|
|
|
 Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
كيكي إزيك يا صديقي
لاهاي لي شنو يابا ؟
انا اتفق مع دينا قلبا وقالب وقلوب كمان , قلوب دي ياها القلوب البتدق دق دق دق لووولز
يتشحطوا ويتمحطوا ويتزعمطوا ويترموا في اقرب سجن ويتوزعوا على باقي سجون البلد
كل واحد يودوا سجن بلده عشان لما الناس يتفرجوا فيهو تكون فرجة وفضيحة بي معرفة جد جد
ده غير الحساب العسير من اهل الوجعة زاتها
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: اسماء الجنيد)
|
| Quote: يتشحطوا ويتمحطوا ويتزعمطوا ويترموا في اقرب سجن ويتوزعوا على باقي سجون البلد |
هلا يا سوما وتحياتي وتقديري
وانا زاااتي متفق معاكم في الشحيط والمحيط وضرب الركب الكيزانية ضرب غرائب اللصوص ذات الدقون الرعديدة
ولكن عليكم الله (شلة لاهاي) بقيادة البشير ورهطه من احمد هارون وكوشيب وغيرهم من المجارمة خلوهم
يمشي لاهاي دي ان شاء الله جمعة جمعتين كده وبعد داااك يجو الي السجون المحلية..
فلاهاي دي ضرورية جدا في التمرين 
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
تلك هي سنة الحياة و لكل بداية نهاية
مع الاقرار باهمية زوال هذا النظام إلا ان ملامح الحكومة البديلة هو الاهم بوجهة نظري حتى لا نعود الى المربع الاول .
يجب التفكير منذ الآن و قبل سقوط النظام على تأسيس دولة المواطنة الضامنة لكل الحقوق .
اذا مر الاخ jini من هنا فليعلم ان الدولة الفاشلة هي دولة الشمال و ليس الجنوب كما ظل يكتب دائماً و الحساب ولد .
تحياتي يا كيكي و من خشمك للسماء
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: الصادق ضرار)
|
Quote: يجب التفكير منذ الآن و قبل سقوط النظام على تأسيس دولة المواطنة الضامنة لكل الحقوق .
|
تحياتي يا الصادق
والف مرحب..
وده الحلم والامل والهدف الاساسي من الثورة ضد هذه الطغمة المجرمة
فدولة ملك للجميع ويتساوي فيها الجميع هي التحدي الاول عقب ازالة هذه الانقاذة تلك السلطة اللئيمة
______
ودولة الشمال السوداني سقطت بسرعة الصاروخ وصارت ومن اول شهور الانفصال تتسول في الطرقات الدولية
واختلط حابلها بنابلها فهي دولة تحمل جينات فشلها في داخلها ومنذ مجيئها الاول
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: ود الباوقة)
|
Quote: ماشين في السكة نمد
|
هلا يا باوقة
وماشين ماشين انتو يا زول
وبالمزيكة كمان
فكل القوانين بتقول (باي باي بني كوز ومن لف لفهم من تاكل عيش)..
فاكسب زمنك ياعمر ونط يا زول فاني لك من الناصحين
لانو الشعب ده لمن يقول (كرووووو) تاني المرة دي مافي يا يمة ارحميني
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: محمد عبدالرحمن)
|
Quote: الجنيه السودانى ياكيكى شوال برتكان وانفتق ..زول قادر يحصلو مافى ..
حدثنى من اثق فيه ان الريال بيع اليوم فى ضواحى الخرطوم ب1300
والقادم اسوا ..بلد لاتنتج شيئا ولاتصدر شيئا ..كيف تكون لعملتها
قيمة ؟! |
هلا بالانصار
وحباب محمد عبدالرحمن وحباب عمر فضل المولي..
وباذن الله وشيخي شكر الله يوم التطلع مسيرة من مسجد القبة فهذا يعني بان الانصار الصناديد قد رمو بثقلهم التاريخي الي الشارع الذي هم جزء اساسي من نبضه.. واثق تمام بانهم فاعلين.. فهو يوم السعد ويوم الصناديد اسلال ود تورشين...
------------------------
يا محمد
فعلا البلد صارت بدون انتاج
السعودية كعبلت الثورة الحيوانية وبارت الابقار السودانية
والبترول الذي رقص البشير في ظله كثيرا اصبح ايضا في خبر كان
وما تبقي من الموارد تم لهفها وتحويلها الي ضيع وغابات اسمنت كيزانية ذات احواض تقول يا ليل..
انها الكارثة الكبري والطاعون السوداني الذي سيسهل ضرب ركب هذه السلطة المجرمان
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: awad okasha)
|
| Quote: وما نيل المطالب بالتمني ... |
ود الباوقة
لا اخفيك سراً ان دواعي فرحتي بزوال هذا النظام يختلف عن دواعي كيكي و لكل حدث حديث . الكيزان اصحاب الرأس بره النظام بينما المتسلقيين من امثالك في الساعات الاخيرة يسبحون بحمد هذا النظام .
الدرس الذي تعلمناه من تجربة الانقاذ هو لا بديل لدولة المواطنة إلا دولة المواطنة .
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
| Quote: الدرس الذي تعلمناه من تجربة الانقاذ هو لا بديل لدولة المواطنة إلا دولة المواطنة |
تحياتي يا الصادق
وطالما الهدف واحد وهو اسقاط النظام و طرد هذه المافيا الانقاذية المنظمة
فتاني عووجة مافي تب,,
وفي دولة الحقوق والحريات والمواطنة الحقة
فليجك كل سوداني وبحرية تامة جكته الفكرية والثقافية والسياسية
فنحن نبحث سويا يا صديقي علي وطن تمت قرصنته ذات ليل..
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: Imad Khalifa)
|
الثورة اتأخرت كتير العصابة دي مدّ عمرا البترول .
غاب البترول من الساحة شهر واحد البلد دقت الدلجة،
تخيل المجرمين ديل قاعدين في البلد بدون بترول كان الحصل شنو.. كيلو لحمة الزول كان وصل الشي الفلاني ..
و المثل الصومالي بقول.. جهاز الامن ما بمسك جيعان من مظاهرة..
الجيعان بقلب حكومة ياكريم ( و لا بقيف بيناتنا عارض)..
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: mutwakil toum)
|
Quote: و المثل الصومالي بقول.. جهاز الامن ما بمسك جيعان من مظاهرة..
|
هلا يا متوكل وتحياتي
والجيعان مستعد ياكل جهاز الامن ده قرقاش ثم يخت سفة عقب هذه الوجبة الردئية
ويحرق لسسستك في اقرب شارع..
الحكومة ظهر جليا بانها بالفعل قاعدة علي الهبشة والبترول كان مغتت جوانب ازيح عنها الستار الان
فوقعت السلطة بردلب وصارت تمارس التسول دوليا ...
الثورة اتت يا متوكل وهذا الشعب حتما سيفعلها وللمرة الثالثة
ويضرب بيدا من حديد اللصوص والمارقين
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: Imad Khalifa)
|
| Quote: عم يا كيكي كل المعطيات والمؤشرات تشير الى نهاية هذا النظام الفاسد |
هلا يا عمدة
ونعم ياعماد الحكاية لبنت خلاص
ومافي حاجة فضلت كثير فكل الظروف وبكل انواعها بتقول بان القيم اوووووووفر
وعلي السادة بني كوز ان ينتظرو الراجيهم من ام طرنقاعة الشعوب
وغضبتها
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: Ahmed Abdallah)
|
Quote: وبعد دا كلوما بنرفض محكمة لاهاى كمحكمة قطب احادى حققت بعض العدالة الدولية
والتنقد الرهيفة ... |
تحياتي يا قرشي
ونعم فلتنقد الرهيفة
وهذا العصر هو عصر العولمة والشعب السوداني الفضل عند حق وعود راكب في حق العدالة الدولية
طما عنده حق كل المنظمات الدولية التي تعمل علي حماية الانسان في حالة الكوارث...
فالانقاذ وسلطتها هي كارثة من كوارث هذا الزمان حلت بالشعب السوداني
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: المكاشفي الخضر الطاهر)
|
| Quote: كيكي يعني انت لا تريد ان ينعم الشعب السوداني بالرفاهية والعيش الكريم الي كذلك؟ |
هلا يا مكش
رفاهية وعيش كريم ديل ووين المكاشفي يا اخوي انت بتتخربط وبتتمسخرعلينا ولاشنوا زول (علي قولة اهل الخليج)..؟؟
لو عندك ليهم تعال جيبهم لي البوست ده ومن بكرة انا معاك من الذاهبين الي الرفاهية والعيش الكريم..؟
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: khaleel)
|
Quote: انه الظلم يا ممراح
يجلب نقص الثمرات والدولارات
والقحط والسنوات
يبدو انهم يحزمون حقايب الرحيل |
هلا يا جاغريو..
ونعم انه الظلم جالب النقص في الثمرات والدولارات واللحمة والرغيف ولبن الاطفال..
والانقاذ يا خلي ماتشها خلاص ضقلو كركب
والماتش في ربع ساعته الاخيرة والشعب السوداني يمارس الهجوم الكاسح من كل الا تجاهات
العمق والاطراف وشوتات مصحوبة بلساتك محروقة من خارج خط 18
وانها الثورة يا خلي التي هرمنا في انتظارها
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: الطيب رحمه قريمان)
|
Quote: و حتما سوف يخرخ كل اهل السودان لينهار هذا النظام الفاسد العابث
و ليذهب البشير و زمرته الفاسدة الى مزبلة التاريخ البيوم قبل الغد .. |
هلا يا قريمان
ونعم سيذهب البشير وزمرته من اللصوص الي مزبلة التاريخ وبالمزيكة
وهذه الرحلة النضالية انطلقت ومنذ اليوم الاول لحضور هذه المافيا
وهاهي اليوم سفنها علي مرمي حرق لسسسستك من الشواطي...
شواطي الحرية
وشواطي الوصول الي السودان الذي اشتقنا اليه طويلا
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
| Quote: كيكى ازييك ياااااخ |
هلا يا عوضاي وحبابك يا سكورتا...
وشعارنا الان هو
احنا جاينك يا عمر البشير
من قلب طوكر جايين
ومن رحم دندرو اتين
ومن فيافي تلودي
ومن خوربرنغا
ومن الحماداب
ومن العيلفون وبري وجبرة والثورات بكل شوارعها
ومن كل مدينة وقرية ودنقة سودانية...وسيسك هولا اللصوص في الارض السودانية
(دنقة دنقة) وليست زنقة زنقة
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: khaleel)
|
Quote: اوقف سلطات الامن دعاية افراح عصام
جبنا التونة لانها ورد بها كلمة
جوعتونا
هههههههههههههههههههههه |
ديل بعد ده الا يوقفو التلفزيون زاااتو لان التلفزيون لمن ارسالهو ينتهي بعمل شووووووووووو
والشعب لمن يجوع برضو بعمل شوووووووووووووووووووو ههههههههههههه
متعة يا خليل متعة
واصلا بني كوز ديل من زمااااااااان اخوك راجي فيهو يوم زي ده
حتي ياخذهم الرب اخذ عزيزا مقتدر
ويا سبحان الله كما قال شيخك ابو ضفيرة
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
ربيع عبد العاطي او اي كان اسمه
افاد في الجزيرة بالامس بان السودان يعيش احسن احواله..
بالله شووف,,,!!
لا بتعرفو بضحك علي روحو
ولا بتعرفو بضحك علي الشعب الفضل
ولا بتعرفو بضحك علي العالم الذي قبل يومين فقط ذهب اليهم المجرم واللص الاخر علي (كرتي) متسولا
ومادا لقرعة من اجل الغوث والاستنجاد حتي ولو بنجاد...!!
ويا سبحان الله او كما قال شيخنا ابوضفيرة..
وسنتابع
ولا يزال في كاس الباي باي باقي وخاصة مع انباء المظاهرات التي صارت تهطل كالامطار الاستوائية وتزرع الفرحة في قلوب محبي الخير لهذا الشعب النبيل
وتزرع الخوف والرجفي والكبكبة في قلوب بني كوز ومن شايعهم من جربنديةتاكل عيش
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: DKEEN)
|
| Quote: ما تسألني البديل منو أسألني البديل شنو |
هلا يا نجلاء
وتحياتي وقبعة مرفوعة عالية للفنان الاصلي ده..
ونعم البديل ليس منوووووو
البديل شنووووووو
البديل حريات..ديمقراطية ومواطن سوداني مرفوع راسه الي الاعالي يخت يدو في عين اي نخبوي او سياسي يمارس الاستهبال
وكلو بالقانون والدستور ودولة المواطنة الحقة,,
يسلم لينا ابو حميد وده فعلا نموذج حقيقي لغناء المرحلة ونبض الزول السوداني الجميل
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: DKEEN)
|
Quote:
!!الغريبة انو الغلات كان بين ربيع عبد العاطل والطيب زين العابدين
لقد هرمت الامة ..
ربنا يحسن عزانا وعزاهم.. |
هلا يا دكين
وبالله شفت المغسة دي كيف..
الاسلاميين خامجين معارضة وخامجين حكومة وسارقين لسان هذا الشعب الفضل..
وبقت علينا في ذلك اللقاء مغستين
خاصة مع الزول الكضاب الاسمو ربيع عبد العاطب
الذي رسم نموذج حي للزول المتعلم الذي يحاول ان يمارس اللصوصية والتغبيش عبر تعليمه
ويحمي نظام مجرم عبر نسيج الاكاذيب بكل دم بارد
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
أأأأأأأأأخ ... محطة سراج،،،
ياسلااااام يا ناس الفتيحاب احرقوها وكلنا فخورين بيكم والله شايفة وشوشهم قدامى وانا بعيييييدة منهم بعرفهم واحد واحد بيت بيت دكان دكان،،،، اهتفوا وانا معاكم و مطالبكم حافظاها مطلب مطلب ،
قولوا معاى ، حرقت حرقت ياكيزان.
شايف يا كيكي فتحت البورد لقيت محطتى سراج مولعة نار وانا بعيدة ،،
يا الله دموعى زارفة يا كيكى،،،
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: Nagat Sid Ahmed Elshiekh)
|
Quote: شايف يا كيكي فتحت البورد لقيت محطتى سراج مولعة نار وانا بعيدة ،،
يا الله دموعى زارفة يا كيكى،،، |
هلا يا نجاة
ونعم ديل ملح الارض والغبش ريحة الطين والطيبة خلاص مرقو
خلاص قرروا انهم يشلتو المجارمة القمعوهم 20 سنة
السرقوها 20 سنة
القتلو اجمل اولادهم في بيوت الاشباح وفي كل شبر من السودان...
المجارمة القتلو علي فضل
ويا الله ياااخ
---------
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
Quote: هلا يا نجاة
ونعم ديل ملح الارض والغبش ريحة الطين والطيبة خلاص مرقو
خلاص قرروا انهم يشلتو المجارمة القمعوهم 20 سنة
السرقوها 20 سنة
القتلو اجمل اولادهم في بيوت الاشباح وفي كل شبر من السودان...
المجارمة القتلو علي فضل
ويا الله ياااخ
--------- |
فووووووق،،،،
عشان الحلم يتحقق للغبش ديل ياكيكى.
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: Nagat Sid Ahmed Elshiekh)
|
Quote: ماشين فى السكة نمد ..،
المسعودية ثم كل أطراف السودان قرية قرية مشروع مشروع حريقة حريقة.
تسلم يا كيكى خلى البوست دا فوووووق لحدى ما الثورة تنتصر. |
هلا يا بيكاسو
نعم التحية للمسعودية ولكل اركان بلادنا التي بداء بركانها في الزمجرة والغضب في وجه لصوص الزمن الزيف
وليكن بوستنا عاليا حتي نعبر الجسر ..جسر الظلام والقمع والتقتيل ويعود هذا الوطن المقرصن من قبل عصابة الدقانة المنظمة
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
شاااااااااااركونا يا جماااااعة…..!!!
November 22, 2011
في منتصف تسعينات هذا السودان الذي فضل كان العابرين بالطرق المحيطة بالمسجد الكبير في قلب الخرطوم يمتعون انفسهم
بتلك النغمة التي كانت تحاكي سيرة وطن وفجيعة شعب فالفتاة التي كانت تعاني من فقر مفقع واعاقة بائنة بينونة كبري وتعاني ايضا من سلطان كان في عنفوان قمعه وجبروته لم تجد من يمد لها ايادي المحنة والتعليم والصحة فقررت ان ترسل في كل ذلك الفضاء الضاج بالعابرين من كل فجاج الخرطوم اغاثة مدوزنة سكبت فيها ابداع الفقراء النبلاء مرددة (ساااااعدونا يا جماعة…. كرااااااااامة يا جماعة)..!! وفي تلك الاوقات كان الشعارات الرسمية والشعبية لدولة امير المومنين الراقص تتطاقش وتجوب اثير التلفاز والراديو وحتي حنفيات المياه ترسل جبروتا وصلف وغرور كبير(يا امريكا لمي جدادك) (الطاغية الامريكان ليكم تدربنا) (ناكل مما نزرع ونلبس مما نصنع)(امريكا وروسيا قد دنا عذابها علي ان لاقيتها ضرابها)(الزراعنا غير الله اليجي يقلعنا) والكثير من شعارات الهيييييع وفنيات العنترية التي تجعل من الشمسون السوداني حيدر قضامة يحسد دولة السلطان عمر البشير ورهطه الدقني….!!
والان وبعدما مسك الفتية الموسومين باصلب العناصر بتلاليب بقرة الدولة السودانية الحلوب مسك من لا يخشي النهايات التي هطلت في كل المحيط الاقليمي وارسل جوقة من الطغاة الي مزبلة التاريخ وبعد ان وهنت عظام تلك البقرة السودانية من اثر المص واللغف وهنبتة المال العام دون اي يرمش لهم دقن وذهب الجنوب بنفطه جنوبا وانقشع المحيط السوداني عن دولة ( فقيرة وكسيحة وواهنة ) ان وجدت غداها عبر قطر او بعض المحسنين من دول العرب لن تجد لشعبها عشاء وتدعوهم الي دكه ومقاطعة اللحوم في دراما( الغالي متروك) لتضيع اغاني قيقم وشنان وغيرهم من فناني السلطة في اضابير وجخانين الدولار الذي عانقت اسعاره سماء الارض السودانية
السابعة
ولتطل الي مشهد المخارجة قيادات الموتمر الوطني ذاهبة في نفرات كبري الي مقرات الاحزاب السياسية الكبري ووكانهم مرددين وبنفس التون ونفس النبرة _شاااااركونا يا جماعة…. سااااعدونا يا جماعة محاكين تلك الفتاة الفقيرة التي وكانها تطل في المشهد وتستخرج لسانها الي هولا السلاطين الرعاديد في نفراتهم التي تقزمت وصارت نفرات من اجل الغوث ومد القرع داخليا الي الاحزاب حتي تعطيها شرعية وشهور تقيها الطوفان وموجات اعاصير الشعب الذي فضل.. وقرعات خارجية صارت هي العفش المعتمد في كل طائرة اقلت مسئول دقني رسمي مغادرا عبر بوابة كبار الحرامية في مطار الخرطوم…!!
مشاركية يريدها الرساليين في زنقتهم الاسطورية قشورية وديكورية وسطحية مثلها ومثل تحركات مشرطهم الذي جاب الجسد السوداني عبر بوابة المشروع الحضاري وعبر الخطط الكسوح التي جعلت من السودان بكل ما فيه من جذوع نخل ورطب جنيا بلاد يتسول في طرقات بلاد النفط
وموائد رجال الاعمال العرب الذين اصحاب قنوات الروتانا التي كان الرساليين الجدد في نوبات غرورهم اليونسي المحمودي ينعتونها بقنوات الفسق …..!!!!
المعارضة التي قال فيها البشير ونافع ومن لف لفه من الابواق الرسالية القاصدة مالم يقله مالك في الخمريات بين ليلا وضحاها تحولت الي مقصد من مقاصد دورات السلطان السوداني الرسالي القاصد في لعبته المفضلة وهي لعبة الالتفاف ومغازلة المنحدرات والانحناء الي العواصف والتمسكن حتي التمكن ثم الصعود مرة اخري لممارسة دورات الشواء والنهب والتفتيت للسودان الذي الفضل…..
ولم نجد غير قول الشيخ الشهير في اضابير جامعة الخرطوم ابوضفيرة (ياسبحان الله)
فالانقاذ سرقت كل الاشياء في السودان وجيرتها لصالحها حتي الهتاف والاهزوجات التي يرددها الفقراء في ساحات التسول و الفقر
وجدت لها زمانا من زمانات دولة الطفابيع…
http://www.sudaneseonline.com/?p=42560
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
Quote: ووكانهم مرددين وبنفس التون ونفس النبرة _شاااااركونا يا جماعة…. سااااعدونا يا جماعة محاكين تلك الفتاة الفقيرة التي وكانها تطل في المشهد وتستخرج لسانها الي هولا السلاطين الرعاديد في نفراتهم التي تقزمت وصارت نفرات من اجل الغوث ومد القرع داخليا الي الاحزاب حتي تعطيها شرعية وشهور تقيها الطوفان وموجات اعاصير الشعب الذي فضل.. وقرعات خارجية صارت هي العفش المعتمد في كل طائرة اقلت مسئول دقني رسمي مغادرا عبر بوابة كبار الحرامية في مطار الخرطوم…!!
|
العزيز كيكى،متعة والله وانا من بين سطورك تخيلت لوحة لفتاة صغيرة فى موقف لمواصلات فى قلب الخرطوم تمد يداها الصغيرتان وتطلب المساعدة او تصيح ساعدونا يا جماعة ، المشهد الآخر لحية وقرة سوداء فى اعلى الجبه لرجل تريان ولامع الوجه من اثرالراحة والكندشة ،يحمل فى يده اليمنى ورقة كتب عليها ساعدونا وهو ينظر الى السماء ...
اكتب بالله يا كيكى عسى ولعل ينعدل الحال،
حلفا دورت مظاهرات برضو....
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: Nagat Sid Ahmed Elshiekh)
|
Quote: العزيز كيكى،متعة والله وانا من بين سطورك تخيلت لوحة لفتاة صغيرة فى موقف لمواصلات فى قلب الخرطوم تمد يداها الصغيرتان وتطلب المساعدة او تصيح ساعدونا يا جماعة ، المشهد الآخر لحية وقرة سوداء فى اعلى الجبه لرجل تريان ولامع الوجه من اثرالراحة والكندشة ،يحمل فى يده اليمنى ورقة كتب عليها ساعدونا وهو ينظر الى السماء ...
اكتب بالله يا كيكى عسى ولعل ينعدل الحال،
حلفا دورت مظاهرات برضو....
|
هلا وحبابك يا بيكاسو
ومرحب بلوحاتك في سيرة الوطن الذي بالهم انكمد
والسودان الفضل يا نجاة صار كلو لوحات تدمي القلب وترسل الحسرة
وهذه الطغمة الاخطبوطية ومهما طال استبهالها الا ان الي زوال باذن الله
والرجل التريان ابودقت ترينتو دي ليها يوووم
وستكون تلك الطفلة الفقيرة هي عروسة الشعب
وسنتابع
| |
|
|
|
|
|
|
|
|
|
Re: يا كيزان باي باي ضروري نشوفكم في لاهاي...!! (Re: عبدالكريم الامين احمد)
|
Quote:
عبد الجليل ليبي ثوري مش جليل….!!!November 27, 2011
في التصنيف الواقعي والحقيقي المستند علي ارقام الظلم و القتل والفساد في (فيفا) الانظمة العربية التي صارت تتهاوي الان كما تتهاوي اوراق الصفصاف نجد النظام السوداني يحتل بجدارة الصدارة وله نوط الخدمة الدكتاتورية الممتازة بمئات الملايين من القتلي والاشلاء التي رمي النظام الخرطومي بقنابله الرعديدة
وفجر بها ابناء هذا الشعب وبسجون وبيوتات اشباح ومراكز تعذيب وومعسكرات لجؤ ومنافي تضج فيما تضج باروع ابناء تلك الجغرافية التي كانت مليون ميل مربع. وبشعب افقر الي حد الثمالة وبارض صارت بورا وصقيع تستغيث الماء ..وان كانت تلك الدول تفاخر الامم بهبتها ضد الاسر التي صارت هي اسر حاكمة كما في امر ال القذافي وال الطرابلسسي وال مبارك وال علي عبد الله صالح وجوقة ال بشار..فان الارض السودانية تعاني فيما تعاني حمي الكوز المتصدع في تحالفه الشهير مع جوقة الانتهازيون في اسرة ال البشير واخرين من ذوي الرغبات الجامعة والسعر في مضاجعة اموال وموارد الشعب وقمعه….!!!
وان كانت المطالبات في تداعيات الغضب الصاعق ضد تلك الانظمة في المنطقة العربية هي المطالبة بمحاكمة هولا الروساء الرعاديد فان الارض السودانية تقبع في انتظار خريفها الغاضب برئيس متهم بجرائم الابادة والتطهير العرقي والاغتصاب والتجويع ويطارده الضمير الانساني في كل دول العالم المنصفة (زنقة زنقة دار دار) كونه مطالب كمجرم في محكمة العدل الدولية قبل انطلاق هذا الربيع
الذي كشف المستور في اشياء كثيرة تجلب الاحزان علي الواقع التغييري المزدوج المعايير….!!!
فالشهداء الموتي في سجن ابو سليم وكل سجون القذافي ليس اكرم واكثر استحقاقا للحياة من القتلي والشهداء في بيوت الاشباح وسجون عمر البشير والزنتان ومصراته وبنغازي نقدم في مواجتها كادوقلي والدمازين وخوربرنغا والكثير من المدن والفيافي السودانية التي ذهب ابنائها الي الخلود وعبروا البرزخ من اثر سياط وقنابل ورصاص طاغية السودان ..والشعب الليبي الذي استحق الحيا الكريمة في انتصاره علي القذافي بمساعدة النيتو فمن الموسف ان تمتد اياديه عبر رموزه لتوطين سلطة طاغية يجلس علي مرمي حدود ويمارس ابشع من ممارسة القذافي…
والثورية التي تركل طاغية الطغاة في بقعة من الارض وتمتد اياديها تساند طاغية اخر بدواعي الايدلوجية او اي دواعي اخري هي ثورية غير جديرة بالاحترام والتقدير وتظل ثورية مريبة وفطير وقادرة علي انتاج طاغية اخر وقيصر جديد كونها لست ذات مبادي وارضية ديمقراطية راسخة ووعي انساني كوني بقضايا حقوق الانسان وكرامته ومهما كانت جغرافية تكوينه الكوني…
وقد يقول اخر لعلها الرشاوي التي اقتلعت من عرق وجبين هذا الشعب وموارده وذهبت الي ليبيا كاسلحة ورصاص وذهبت كقطعان من الماشية والابقار الي مصر في وقت لم يتبقي للشعب السوداني (الا اعلان سعره من ندرة اللحوم) او اكل الحبال الجلدية التي تجلد بها العناقريب في الكراكير الغميسة من ذلك السودان الذي فضل مثلما فعل جدودنا الاوائل في تلك المجاعة الشهيرة بمجاعة (سنة ستة) التي
ترسل رياحها وملامحها الان في جغرافية السودان ولكن ليس كنتاج لما تفعله الطبيعة بل نتاج للفساد والتخبط والظلم الكبير وتجفيف منابع البلاد عبر الاستهبال والسمسرة في سوق نخاسة الربيع العربي الذي وان ظل بوعي وفلفسة رموزه فانه الي زوال والي طغيان اخر وقياصرة جدد بدلا عن مبارك وبشار والقذافي وبن علي وغيرهم من الطغاة الرعاديد…!!!
السودان ذلك البلد المتفرد يظل باشيائه متفردا ومتفوقا علي كل ذلك الواقع الذي فجره اشتعال (بو عزيزي) بث ورتين انطلقت ضد الطاغوت انجزت بوعي وهتاف وسواعد ونضالات سودانية لم تمتد اليه ايادي الدعم .وظل ولسنين طويلة يصارع سلطة البشير والتي حتما سينتصر عليها وسنتصر علي كل رموز الوعي الثوري الفطير في العالم وفي المنطقة العربية تلك المنطقة الكسيحة المعايير والمبادئي….!!!
|
http://www.sudaneseonline.com/?p=43144[/B]
| |
|
|
|
|
|
|
| |
عبدالكريم الامين احمد
دينا خالد
قرشى محمد عبدون
Mudather Kunna
الطيب رحمه قريمان
معاوية عبيد الصائم
مهيرة
اسامه خليفه
عمر عبد الله فضل المولى
محمد عبدالرحمن
نجلاء سيد أحمد
أحمد ابن عوف
Mustafa Mahmoud
اسماء الجنيد
الصادق ضرار
awad okasha
Imad Khalifa
Ahmed Abdallah
khaleel
المكاشفي الخضر الطاهر
sumah
حسين عوضاى
Nagat Sid Ahmed Elshiekh
محمد أبوالعزائم أبوالريش
Hamid Elsawi
حامد محمد حامد
Shawgi Sulaiman
فيس بوك
تويتر
انستقرام
يوتيوب
بنتيريست