|
Re: ابـــــــــــو الحسين ..مان تو مان ... (Re: ABUHUSSEIN)
|
ثلاثه هُبُل
كل واحد يقول انا أوســــــخ واحد فيكم
شافو عجوز قام الاول وقع فيها ضرب وقال ليهم شفتو وســاخـتي كيف..؟؟؟
قام الثاني حرق العجوز وهو متفاخر بي واســخـتـو
قالو لى الثالث يالا ورينا وساخــتــــــكــ
قال ليهم دي امي.....!!!!!!
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
حلاّق مسطول
بحلق لي واحد في دقنو
وصل لي أضان الراجل قام سألو : عايزها
رد عليه الزبون باي إستخفاف ( لا !!! ) ،،،
قام المسطول قطعها ورماها في الشارع
لم وصل للأضان الثانية قال ليه : عايزها ..؟؟؟
قال ليه : طبعاً عايزها،
قام المسطول قطعها وأداها ليه....!!!!
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
واحد غبي دخل الجيش وصل للتدريب الميداني سأله القائد : اذا جاتك دبابه ومعاك قنبله حا تسوي شنو ؟ قال الغبي : ارمي القنبله رد القائد وسأله : و اذا كانت دبابتين ؟ قال الغبي : ارمي قنبلتين قال القائد : واذا ثلاث ؟ قال الغبي : أرمي ثلاث قنابل قال القائد : واذا اربع دبابات ؟ رد الغبي وهو زعلان : " إلعن أبو جيش دا ..... ما فيه الا انا " !!!
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
مسطول ماشي في الشارع سمع ليه صوت حفله مشي عليها دخل الحفله كدا بكشف لي محل العرسان لقي العروس حلوه حلا مبالغه . مسك يدها .قاليها ألف ألف مبروك . عاين للعريس كدا لقاهو شين شنه مره قال لي الف مبروك .والله حقيقه اللمبه بتلم الحشر
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
اﻟﺰﻭﺟﺔ : ﺃﻛﻠﺖ ؟ ﺍﻟﺰﻭﺝ : ﺃﻛﻠﺖ ؟ . الزوجة: لا جد بحكي .. اكلت ؟ الزوج : لا جد بحكي ..اكلت ؟ . الزوجة : بلا زناخة جاوب ؟ الزوج : بلا زناخة جاوب ؟ . ﺍﻟﺰﻭﺟﺔ : ﺑﺘﻘﻠﺪﻧﻲ ﻳﻌﻨﻲ ؟ ﺍﻟﺰﻭﺝ : ﺑﺘﻘﻠﺪﻧﻲ ﻳﻌﻨﻲ ؟ . ﺍﻟﺰﻭﺟﺔ : طيب ﺑﺤﺒﻚ ﺍﻟﺰﻭﺝ : ﺁﻩ ﺃﻛﻠﺖ قبل ﺷﻮﻱ ... ﻣﺶ ﺟﻮﻋﺎﻥ ﻫﻸ
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
واحد صعيدي دخل محل أجهزة كهربائية و سأل البياع ؟ بكام التليفزيون ده رد عليه البياع بقرف – إمشي ياله , ما بنبعش لصعايدة زعل الصعيدي من التفرقة العنصرية و قرر أن يشتري التليفزيون على سبيل العند , فحلق شاربه و ارتدى بدلة فاخرة و عاد للمحل مساء الخير , بكام التليفزيون ده من فضلك فرد البياع – امش ياله ما بنبعش لصعايدة إتغاظ الصعيدي لأن البياع تعرف عليه , و قفلت معاه يشتري التليفزيون فعاد للمحل مرتديا ملابس إمرأة منقبة و غطى وجهه تمامآ و قال للبياع بصوت رفيع السلام عليكم يا أخي, بكم تبيعون هذا التليفزيون إن شاء الله فرد عليه البياع: إمش ياله ما بنبعش لصعايدة الصعيدي انجن فخلع النقاب صائحآ أنت بتعرفني كيف كل مرة يا ولد الفرطوس ؟ فرد عليه البياع : علشان ده مش تليفزيون , دي غسالة فول أوتوماتيك
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
مرة واحد بيعدي الشارع مع صحابه خبطته عربية مات. إختارو واحد منهم عشان يقول لمراته فراح لها فتحت له الباب قال ليها: " جوزك ضيع كل فلوسه ع القمار" قالت ليه: " إلهي ينشل البعيييد!" قال لها: " و باع البيت" قالت ليه: " إلهي يبيعوا عنيه!" قال لها: " و اتجوز عليكي على فكرة" قالت ليه: " إلهي يدخلوا عليا شايلينه" الراجل قال: " بس.. خشوا يا شباب..."
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
رباطابى
معزوم عشاء مع واحد صاحبو
مشى لقى الكهرباء قاطعة
قعدو يتونسو مسااااافة الرباطابى جاع جوعه شديدة
قال لى صاحبو ياخى الزمن فات وانا جيعان ياخى طلع لينا العشاء دا،
صاحبو قال ليه ياخى العشاء ما بطلع الا الكهرباء تجى....
الرباطابى قال لى اصلو دا عشاء ولا شريط فيديو!!
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
رباطابي ببيع لبن عندو زبون محامي
مرتو غالطت الرباطابي في حق يومين بحجة انو كان في مطرة
والرباطابي مصر انو اداهم اللبن في اليوم البعدو
جا زوجها المحامي وقال ليهو انحنا ماممكن تغالطنا ابدا
الرباطابي قال ليه اغالطك كيف وانت الغلاط فاتح ليه مكتب
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
رباطابية بتبيع زلابية وطعمية للركاب في محطة ابوحمد
بعدين الايام ديك شغلو القطر الاكسبرس وكان ما بيقيف في اي محطة
القطر جا ماشي فيها فووووو وماباعت اي حاجة
رجعت البيت قام راجلها قال ليها انشاء الله بعتي كويس الليلة؟؟
قالت ليهو- ابيع كيف والقطر جا ماشي فيني زي ترجمة الفلم الاجنبي
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
رباطابى
نزل ضيف عند جماعة
وكان عندهم تيس فى الزريبة جنب الصالون عنده نزلة الليل كله يعطس...
الصباح بدرى سيد البيت جا وسال الرباطابى" ان شاء الله نمت كويس؟؟
الرباطابى قال ليه : انوم بى وين لى تيسك ده..... التقول مكوجى مقابل العيد
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
الرباطابى والجعلى مسافرين سوا الموية العندهم كملت قوم يا الجعلى انزل فى الواطة حفر، الرباطابى مشى جاب ليهو سعف وقعد يضفر فيهو اها الجعلى كمل الحفر والموية مرقت صاحبنا الرباطابى نزل جردلو فى البير، الجعلى طب مسك ايدو، الرباطابى قال ليهو : هسى ايدى مسكتها وجردلي حميتنى انزلو ، دحين بيرك دى الا كان تتكيها!!!
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
قال ليك عرسان في ليلة الدخلة، العروس خجلانه خجل شديد لدرجة ما قادرة ترمش عيونا. اها العريس زول متدين الزول داير يجرب الأحاديث والأدعية وصلاة ركعتين وكده.. زولتك سلام الله أبت تردوا ليهو !!! خجلانة شديد العريس زهج منها مشا يصلي ركعتين كان ربنا يشيل الخجل منها !! زولتك: ضحكت ضحك شديد. - لامن لقاها بتضحك قال يمكن الخجل راح جا داير يتكلم معاها. تاني خجلت وسكتت. زهج وبرضو مشا قال يصلي.. مجرد ما يبدأ يصلي .... زولتك تموت من الضحك. قال ليها ياخ جننتيني ... عليك الله المضحكك شنو ؟؟ وإنت من قبيل كلام ما ديرا تتكلمي معاي؟؟؟ قالت ليهو أول حاجة دي ما القِبْلة إنت داير تصلي لا غرب ؟؟؟؟؟؟؟؟
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
فى واحده كانت بيتحب واحد اسمو ابراهيم وبعد جكيس خمسه سنه قام شوكشا كرهت ابراهيم وسنين الجابو ابراهيم وحلفت ستين يمين ماتذكر ابراهيم دا في خشما اكان يتقطع جات فى الصلاة تصلى وفى الصلاه الابراهيميه فوجئت باسم ابراهيم
قامت تطنطن الهم ااااااااااصلى على محمد وعلى آل محمد كما صليييييت عليييييييي واحدين كدييييييي
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
رباطابي جاء الخرطوم لزواج وفي الغداء هو بحب اللحمة شديد المهم مركز في الصواني وعايز يختار واحدة تكون فيها ضلعة كبيرة المهم كل ماتطلع صينية يشوفها يلقاها رقبة البعدها برضو رقبة البعدها برضو رقبة المهم حوالي عشرة صواني وبرضو رقبة
قال ليهم: ياجماعة انتو ضابحين زرافة ولا شنو
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
رباطابي جاء الخرطوم لحضور زواج وكان متوقع في العشاء مالذ وطاب من الصواني الكبيرة زي مابيحصل في البلد وقت العشاء عمك جابو ليهو صحن ورق وحاجة باردة وبعد م ااكل لمو منو صحانة الورق
فعلق علي ذلك قائلا: العرس زي امتحان الشهادة جابو الورق ولمو الورق
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
الحاجة راكبه القطر قالو ليها لمن تصلى أبوحمد خشمك عندك ماتنضمى إقوموا إرزعوك بى كلمه قالت ليهم سمح ياوليداتى والحاجه دخلت فى نومه عميقه الساعه أربعه صباحاً القطر وقف فى محطه الحاجة فتحت الشباك شافت ليها بت صغيره شايله شاى وتكورك شاى بى لبن قالت ليها تعالى يابتى شايك ده بى لبن شنو..؟؟؟؟ البت قالت ليها لبن عشر الحاجه إستدركت قالت ليها سجمى دى أبوحمد
البت قالت ليها لا دى أبوظبى
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
رباطابي قال لي بنت ولدو: يا بت جيبي لي موية عمك شايف الكبابية فوق الزير ، والبنت تدخل وتخرج قام قاليها يا بت الموية وين؟ فقالت ليهو: يا جِدّو ما لاقية الكباية عمّك قال ليها : يا بت الكباية ياها دي فوق الزير البنت قالت: يا جدوا الكباية دي ما فيها يد ، عمّك الرباطابي قال ليها: أنا أصلي داير أسلّم عليها!
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
رباطابية سافرت بالقطر مع ولدها .... و القطر اتعطل فى السكه... لمن قرب يصل للمحطه جاها الكمسارى قال ليها : تذاكر يا حاجه ادتوا تذكره واحده... سالها وين تذكرة ولدك ...ده ردت: الوليد ده صغيــــر ما بقطعليهو تذكرة.. الكمسارى: ده ولد صغير ??? ده شنـــبو قايـــم !!!!!!
الرباطابية: والله...والله شنبــــــو ...قام فى قطــــركـــم ده !!!!!!!!!!
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
رباطابي مسافر في القطر بي الليل وكانت عربات القطر مظلمة وكان هناك واحد إسمو روب راقد في الممر الرباطابي داس كراع روب فاحتج روب فسأله الرباطابي : إنت منو؟ رد روب قال ليهو: انا روب، مرة أخري داس الرباطابي روب في بطنه فاحتج روب فسأله الرباطابي: إنت منو يا أخينا؟ روب رد ليهو: أنا روب. مرة ثالثة داس الرباطابي راس روب، فاحتج روب فسأله الرباطابي: إنت منو كمان؟ رد روب : انا روب برضو،
فقال ليهو الرباطابي: ياروب إنت إتدفقت ولا شنو؟؟
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
ابو الحصين بكري قفل بوست الرسائل . قلنا نجي بهنا نطهر الشافع الجنو طوطيح ده
Quote: سباك مشى للدكتور كشف عليه الدكتور الدكتور قال ليه : عندك الحوض مكسور قال ليه السباك : اهم شي الماسورة شغاله .....؟؟؟؟؟؟ |
عليك الله في اسفاف وابتذال اكتر من ده
| |
|
|
|
|
|
|
Re: ابـــــــــــو الحسين ..مان تو مان ... (Re: صلاح جادات)
|
Quote: ابو الحصين بكري قفل بوست الرسائل |
و الله بكري غلطان شديد كان إخليهو علشان إطوطحوك الجماعة لسه...
Quote: قلنا نجي بهنا نطهر الشافع الجنو طوطيح ده |
بالله إنت بتاع الحاجات دي...؟؟؟
Quote: عليك الله في اسفاف وابتذال اكتر من ده |
فــي ... و لو عايز بلبي ليك كل طلباتك
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
ذهب نائب الرئيس إلى تمثال الجندي المجهول قال التمثال لنائب الرئيس : لقد تعبت من هذه الوقفة أريد حصاناً لأجلس عليه إندهش نائب الرئيس و ذهب للرئيس و حكى له ما حدث لم يصدقه الرئيس و أخذ نائبه و ذهبو للتمثال عندما إقترب الرئيس و نائبه من التمثال قال التمثال لنائب الرئيس : طلبت منك حصان و لم أطلب حمار
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
الاستاذ قال للطالب بكرة خلى ولى امرك يقابلنى
الطالب: ليه؟؟
الاستاذ: عشان اوريه انك بتشف من جارك.
ولى الامر جاء زعلاااااااااااااااااااااااااااااااااااااان
الاستاذ ولدك ده من خلال التصحيح لقيناه بشف من جاره
ولى الامر: كيف؟؟
الاستاذ سالناه: ماهى عاصمة مصر ؟
جاره كتب: القاهرة
ولى الامر: وولدى؟؟
الاستاذ : ولدك كتب القاهرة
ولى الامر: شئ طبيعي يا ظالمين
الاستاذ: دقيقة سالناهم ما هى عاصمة سوريا ؟
جاره كتب دمشق
ولى الامر: وولدى؟؟
الاستاذ كتب برضه دمشق
ولى الامر: شئ طبيعي ليه ما يكون داك شف من ولدي؟؟
الاستاذ السؤال الاخير هو الحدد لينا
ولى الامر : كيف؟؟
الاستاذ: السؤال ماهى عاصمة جنوب افريقيا؟
جارو : كتب لا اعرف
ولى الامر : وولدى؟؟
الاستاذ ولدك كتب: ولا انا كمان..
| |
|
|
|
|
|
|
|