|
Re: (إبنة)مالك عقار التي تعمل(ملازم أول)بشرطة السودان بالخرطوم يجب ان (Re: Marouf Sanad)
|
Quote: يعنى شنو ؟؟؟؟
ما ياها ديك هاله مصراتى عندها شهاده جامعيه وبتحضر ماجستير .. ولو صبروا ليها الثوار سنه سنتين كانت بقت دكتوره !!!!
تحياتى هاله مصراتى ( النسخه السودانيه) |
كل سنة وانت طيب يا اسامة. هالة المصراتي عايزة تنافس هدي بن عامر التي كانت تشنق المعارضين للقذافي بنفسها لكن حظ هالة وحش،، الامور مشت بالقلبة.
هالتنا دي لو عندها قنبلة لرمتها في وشنا و مضت لا تبالي.
و يجي واحد كوز يقول ليك دي بت. اذا هي ما قدر الكلام البتكتبو حقو تقعد في ( تكل ) امها.
| |
|
|
|
|
|
|
Re: (إبنة)مالك عقار التي تعمل(ملازم أول)بشرطة السودان بالخرطوم يجب ان (Re: mohmmed said ahmed)
|
يا اخواننا "ميادة كمال" دي احتمال تكون حلوة ... ولاّ عندها مؤهلات تانية ...
غايتو "الإنتحار السايبيري" العملتو في البوست دا ... بيقول انها مؤهلاتها الذهنية تعبانة جداً ...
يا كافي البلا ... لا اخلاق .. لا ابجديات قانون ... لا لغة ... لا راي موزون ... لا سجم رماد ...
(إنشالله تطلع حلوة ... عشان ما تكون خسرت الدارين ... صورة الوش اب حجاب دي ما كفاية!)
... المهم ....
| |
|
|
|
|
|
|
Re: (إبنة)مالك عقار التي تعمل(ملازم أول)بشرطة السودان بالخرطوم يجب ان (Re: تبارك شيخ الدين جبريل)
|
Quote: يا اخواننا "ميادة كمال" دي احتمال تكون حلوة ... ولاّ عندها مؤهلات تانية ...
غايتو "الإنتحار السايبيري" العملتو في البوست دا ... بيقول انها مؤهلاتها الذهنية تعبانة جداً ...
يا كافي البلا ... لا اخلاق .. لا ابجديات قانون ... لا لغة ... لا راي موزون ... لا سجم رماد ...
(إنشالله تطلع حلوة ... عشان ما تكون خسرت الدارين ... صورة الوش اب حجاب دي ما كفاية!)
|
تبارك شيخ الدين!!!!!!!!!! كلامك دا لا يتفق مع طرحك واسلوبك اللي في المنبر لذلك اشك في انك انت اللي بتكتب بي اسمك وبصراحة لو دا انت اللي كاتب الكلام دا تصدق سقطت من نظري واحبطت
تانيا شناااااااتي وحلااااااتي ما مطروحات للنقاش في المنبر
وبعدين انت مقاييس الحلاة والشناة عندك/م في المنبر دا شنووووو
| |
|
|
|
|
|
|
Re: (إبنة)مالك عقار التي تعمل(ملازم أول)بشرطة السودان بالخرطوم يجب ان (Re: Hussein Mallasi)
|
Quote: نعم حق العمل حق اصيل وحق من حقوق الانسان كمان لكن دا للانسان (الطبيعي) اما والحالة اللي نحن فيها فمالك عقار متمرد والولاية في حالة حرب بسبب مالك عقار كيف السبيل والضمان و بنته دي ما تكون ثقرة ضد الحكومة لإحاكة المؤامرات |
يا ميادة يا ظلامية كدي وفور حقوق الانسان الصحي صحي .. حق الحياة في ام رويحتا الحلوة دي! ياخ تجار الحروب و مغذي نارها و اوارها ما همهم الدم السائل ما همهم العيد الراح تحت قرقعة السلاح .. ما همهم الامل المات بوطن كان ممكن ان يسع الجميع ما همهم اي حاجة ياخ برضو بتكلمينا عن (حقوق اللينسان)!!؟؟
سم سانين : الشهادة و العمل الصالح دي خليناها ليكم انتو ديل ..
اعتقد انو كدا فير خالص ..
ما ممكن نحرمكم من كل (حقوق) اللنسان كمان ياخ ..
تبقى عليكم ظلاميين و نحرمكم من (حق اللنسان في العمل) كمان!
------
انت قاصدة انسان (بالعربي) و لـ (إنسين) بالانلقيزي في زول عاقل ذاتو يفكر يشتغل في حكومة الظلام دي!؟
| |
|
|
|
|
|
|
Re: (إبنة)مالك عقار التي تعمل(ملازم أول)بشرطة السودان بالخرطوم يجب ان (Re: د.محمد حسن)
|
يا متوكل التوم ... والله الله يديها العافية ...عندي صاحبي من "ترينيداد" ... قال لي بتضحك مالك؟
وريتو صورة الوش بتاعة ميادة ... قلت ليهو:
She don't wonna let me check her out
قال ليّ:
Foreget hurrrrrrrrr ...... check out the girls in a Caribian website
Quote: تانيا شناااااااتي وحلااااااتي ما مطروحات للنقاش في المنبر
وبعدين انت مقاييس الحلاة والشناة عندك/م في المنبر دا شنووووو |
المقاييس عالمية يا "ميادة" ... وما الوش براهو ... زي ما قال الراجل:
هيفاء مقبلةً ... عجزاء مدبرةً ... لا يشتكي قِصَرٌ منها ولا طولُ .... يعني القصة ما وش بس ...
لاكين بى صراحة ... البوست دا بالغتي فيهو ... وريتينا جزوء من الغير مرئي بين السطور ...
... المهم ...
| |
|
|
|
|
|
|
Re: (إبنة)مالك عقار التي تعمل(ملازم أول)بشرطة السودان بالخرطوم يجب ان (Re: قيقراوي)
|
Quote: مع انى انا واحد من الناس البختلفو مع ميادة وما بتعجبنى كتاباتها نهائيا لكن برضو ما بحق ليك تقول القلتو دة |
طيب تعال انت يا امجد الزين فهّمنا:
كيف ترفد موظف دولة بالغ راشد عندو ملف في شؤون العاملين من شغلو لأنو أبوهو فلان ولاّ علان؟ قانوناً لا يجوز ...
لاكين تحت تحت بتحصل ... عبدالرحمن المهدي (الإمام جونير) قبل كدا رفدوهو ... هسة رجع شغلو عادي ..
طيب خليك من القانون والتحت تحت ... وين الحكمة؟ إذا كان موسى رباهو فرعون ... يعني تفرق شنو ملازم شرطة في الكيتا المدوّرة دي؟
طبعاً المعروف انو الحركة دي بتتعمل لأذى الوالد وليس بدافع الخوف والحذر من بتّو؟
طيب وين الأخلاق؟ وين تعاليم الدين؟
لمن تضيف سوء الرأي والأخطاء الإملائية للقصور المعرفي والأخلاقي لى زولة عندها ماجستير من جامعة امدرمان الإسلامية وشغالة في مكتب الأستاذ علي عثمان محمد طه النائب الأول لرئيس الجمهورية ... ومثلها لا يسأل عن مصدر ...نتساءل ... تكون مؤهلاتها للشغل دا شنو؟
احتمال يكونوا مشغلينها عشان حلوة!
هي بعد الطبيظ الطبظتو في البوست دا ... مفروض تجي تورينا الحقيقة ...
... احتمال ....
| |
|
|
|
|
|
|
Re: (إبنة)مالك عقار التي تعمل(ملازم أول)بشرطة السودان بالخرطوم يجب ان (Re: تبارك شيخ الدين جبريل)
|
مع انك يا تبارك لا تستحق احترامي لك بالتالي تكرمي بالرد عليك لكن للامانة والتاريخ اصحح ليك المعلومتين ديل
Quote: لى زولة عندها ماجستير من جامعة امدرمان الإسلامية |
ماجستيري تخصص دراسات استراتيجية والتخصص دا مافي الا في جامعة الزعيم الازهري وبالتالي ليس لي علاقة بي جامعة ام درمان الاسلامية
Quote: وشغالة في مكتب الأستاذ علي عثمان محمد طه النائب الأول لرئيس الجمهورية |
معلومة غير صحيحة يا تبارك وعشان ما تنسبوا ما اكتبه هنا لمكتب السيد النائب انا ما عندي علاقة بي مكتب النائب- مع انو شرف كبير لي انى اعمل معهم وسبق ان وضحت انا بعمل وين
| |
|
|
|
|
|
|
Re: (إبنة)مالك عقار التي تعمل(ملازم أول)بشرطة السودان بالخرطوم يجب ان (Re: mayada kamal)
|
الأخت ميادة , قال الله تعالى (وَلَا تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ تَعْمَلُونَ إِنَّهُ عَلِيمٌ بِذَاتِ الصُّدُورِ{7}سورة الزمر. بالتأكيد تكونى قد قرأتى هذه الآية الكريمة من قبل ولكن لم تفهميها او تفقهيها, وده شى عادى عندكم ايها الكيزان . او احتمال بقيتو تشاركوا حتى الله سبحانه وتعالى فى علمه بنوايا وخبايا صدور البشر ؟ (مش انتو الحكومة؟) .
| |
|
|
|
|
|
|
Re: (إبنة)مالك عقار التي تعمل(ملازم أول)بشرطة السودان بالخرطوم يجب ان (Re: قيقراوي)
|
الأستاذة/ ميادة عيدكم مبارك – وكل عام وانتم بخير
Quote: السودان الشمالي حقت ابوك ...مالك عقار دا اصيل منذ الازل..الفونج الفونج هم السكان الاصليين في السودان الشمالي ...
نهاية نظام الحزب السفاح الحاكم في الخرطوم قريب جدا..سيجد نفسه في لاهاي .. الثوار قادمون نحو الخرطوم وحوش بانقا لدق مسقط المجرم عمر البشير.. الحركة الشعبية لتحرير السودان وييييييييي عقار وييييييييييييييييييييييي الحلو وييييييييييييييييييييييي يا سر وييييييييييييييييييي جوك ويييييييييييييييييييييي كل القوة نحو الخرطوم لاسقاط نظام الشيطان وطردهم من السلطة ولكم دروس عند معمر القذافي وصدام الحسين... - جوك بيونق |
الأستاذة ميادة كامل دائما تستطيع أن تثير حفيظة الغوغائيين وتكشف بدائيتهم وسفههم لعلها تتمثل قول الإمام الشافعي رحمة الله عليه :
يخاطبني السفيه بكل قبح فأكره أن أكون له مجيبا يزيد سفاهة فأزيد حلما كعود زاده الإحراق طيبا
إذا سبني نذل تزايدت رفعة و ما العيب إلا أن أكون مساببه و لو لم تكن نفسي علي عزيزة لمكنتها من كل نذل تحاربه
إذا نطق السفيه فلا تجبه فخير من إجابته السكوت فان كلمته فرجت عنه وإن خليته كمدا يموت + قالوا سكت و قد خوصمت.. قلت لهم إن الجواب لباب الشر مفتاح والصمت عن جاهل أو أحمق شرف وفيه أيضا لصون العرض إصلاح أما ترى الأسد تخشى وهي صامته وال###### يحصى أي(الرمي بالحصى) لعمري وهو نباح.
Quote: مليشيات النظام تفر وتهرب امام زحف ثوار الجيش الشعبي لتحرير السودان... قوات الجيش الشعبي تسيطر على كل الجبهات وتتقدم الي الامام بعد هزائم متتالية في جبهات جنوب كردفان والنيل الازرق.. وصول الدكتور خليل ابراهيم الي قواته في دارفور وتنسيق تام بين كل تنظيمات المسلحة لاسقاط نظام السودان الشمالي في الخرطوم عسكريا... د. خليل ابراهيم وييييييييي -- جوك بيونق |
أعجب للذين يقلون أن هذا الدعي شمالي، وكل ذرة فيه تقول إنه حاقد كاره لكل الشمال وأهله ولكل ما يمت له بصلة... إذا قالت الأستاذة ميادة ما قالت ... فقد هالها وقع التصفيات التي يقوم بها عقار والحلو ورهطهم ومن يعينهم لكل معارض لهم ... ألم يقول عقار وعلى الهواء متلفزا عند عودتهم بعد اتفاقية نيفاشا ... أنه تمنى أن يدخل الخرطوم غازيا ... أأفضل التسريح أم التصفية؟؟ ومع ذلك أنا لم أفتح قلب البنت حتى أرى إن كان هناك نسخة من مخطط تدمير السودان بداية من جنوب كردفان والنيل الأزرق والشرق، الذي تم تدبيره جنوبا وآليا شمالا!!!
| |
|
|
|
|
|
|
|