الاهلية المتوسطة امدرمان

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 25-09-2018, 05:50 AM الصفحة الرئيسية

مدخل أرشيف الربع الثالث للعام 2011م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
22-08-2011, 11:46 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


الاهلية المتوسطة امدرمان

    بوست جديد كما نصح الاخ امين وهو من اهل الجلد والراس اهل امدرمان

    حتى لا يتكالب علينا الاهله فقد جمعت المدرسه الهلالاب والمريخاب والمورداب وغيرهم


    DSC20.JPG Hosting at Sudaneseonline.com

    (عدل بواسطة ود الخليفه on 22-08-2011, 11:48 PM)

                   |Articles |News |مقالات |بيانات

22-08-2011, 11:48 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    ومنذ تخرج دفعتنا من المدرسة الاهليه درجنا على افطار سنوي في المدرسة في 21 رمضان

    وكان افطار هذا العام وقوفا على الاطلال حقيقة
                   |Articles |News |مقالات |بيانات

22-08-2011, 11:51 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7053

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    نحن يا ود الخليفة قرينا فى بيت المال المتوسطة
    العلاقة كانت بيننا والاهلية لاتخلو من منافسة تصل حد الغيرة...

    ماعندك صورة لمدرسة بيت المال؟
                   |Articles |News |مقالات |بيانات

23-08-2011, 00:15 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: النصرى أمين)

    الاخ النصري

    تاريخيا مدرسة بيت المال جزء من المدرسة الاهليه

    فقد تم تاسيسها على انقاض افتتاح شارع الزعيم الازهري وذلك بعد افتتاح كوبري شمبات

    فقد كانت المدرسه بجزئيها الشمالي والجنوبي ممتده حتى بيت الزعيم

    ورحل الجزء الشمالي وافتتحت به مدرسة بيت المال وظل الجزء الجنوبي في موقعه الحالي حاملا اسم الاهلية

    ورغم ان مدرسة بيت المال واقعه في قلب امدرمان وطلابها من ابناء بيت المال والمناطق المتاخمه الا ان عداءا تاريخيا

    بين المدرستين ومناكفة في كرة القدم والدورات المدرسية والمناشط كافة
                   |Articles |News |مقالات |بيانات

22-08-2011, 11:57 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    بعد صراع قانوني مع الحكومة فقد رجعت المدرسة الاهلية اهلية بحق

    بدأت المشكله عندما بدا رجل البر وابن امدرمان كمال حمزه في اعادة تشييد وبناء المدرسه

    فحصل على الخرط والتصديقات من الشؤون الهندسيه وبدا التشييد فعلا في الجانب الشمالي من المدرسه بتكلفة فاقت الاثنان مليار

    الارض المقام عليها المدرسه من تبرع الشيخ المحسن عبد المنعم محمد ذلك المحسن حياه الغمام

    فتراجعت الحكومة وقررت بعد ستة اشهر ابطال الخرطه المصدقه مسبقا

    ونزع المدرسه
                   |Articles |News |مقالات |بيانات

23-08-2011, 00:09 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    Quote: استاذ احمد المبارك واستاذ عمر وعادل والناظر يحيى وشاى عمك خليفة اطال الله عمره...
    حاتم الياس 80_83......صف (عمر)...صف (نور)

    ___
    بالمناسبة فى ذلك الوقت شهدنا بأم عيننا تحيز ادارة المدرسة الامدرمانية ورعايتها لفصول سوار وعبدالمنعم بأعتبارهم أولاد قلبها..بينما كان ينظر الى ناس نور وعمر وكأنهم كارثة حلت على المدينة باعتبارنا كلنا اولاد الثورة ومعظمنا من من المهاجرين الحديثين لمدينة امدر

    رعى الله الأهلية ورعى اساتذتها وسقياً لايام كنا بها


    مداخلة الاخ حاتم الياس في البوست الاول الذي صاحبه خطا مني

    اخي حاتم

    طبعا نحن طلعنا ناس صغار سااي بعد التاريخ الاوردتو

    ولكنا وجدنا المدرسة تحمل عبق وارث من سبقونا وسيرة من ذكرت من اساتذه وعمال

    عم خليفه وعم كمال والاساتذه الكرام عمران والرشيد القاضي وكمبال ومحجوب وغيرهم

    وواصلنا على نهج المدرسة وادبياتها بالبنطلون وليس بالردا كحالكم

    التحيز للفصول كان حتى في زمننا وان اختلفت الانهر

    في المدرسة اربعة انهر

    سوار على المرحوم سوار الدهب

    وعبد المنعم على عبد المنعم محمد

    ونور على البكباشي محمد نور

    وعمر على الشيخ عمر اسحق

    في زمننا حافظ نهر سوار على الصداره

    ونور على التميز

    وعمر ثم اخيرا النهر الذي درست فيه عبد المنعم

    وقد تناقشنا في ذلك مع الاستاذ مبارك صالح متعه الله بالصحة بعد تخرجنا

    وسالناه عن طريقة توزيع الطلاب للانهر

    فرد ممازحا انو الناس المبسوطين منهم شديد بودوهم سوار

    والمبسوطين منهم شويه بودوهم نور

    والزعلانين منهم بودوهم عمر


    اما البقيه فيحولوا فورا لعبد المنعم

    اتخيل نحن ذاتنا ما مصنفين
                   |Articles |News |مقالات |بيانات

23-08-2011, 00:21 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    شهد العام 1927 ملحمة حقيقية في زمن الاستعمار

    وهو تدافع الاهالي لبناء مدرسة

    وفي ذلك الزمن من حقب الاستعمار كان النضال على اشده وذلك بعد ثورة 24

    وقد ضيق الخناق وفرص التعليم لابناء الوطن

    فشرع الاهالي في جمع التبرعات والنساء بالمصوغات الذهيبه

    وخلدت المدرسه اربعه من اعلام تلك الملحمه بان حملت اسماء الانهر اسماءهم بحروف من ذهب


    اول حصة كما درجت العاده في المدرسه هي حكاية هذه المفخره وتحميلنا مسؤلية هذا التراث

    لا انسى استاذ محمد بشير في اول يوم دراسي يغرس فينا هذا النبت من حب المدرسة
                   |Articles |News |مقالات |بيانات

23-08-2011, 00:36 AM

Osama Mohammed
<aOsama Mohammed
تاريخ التسجيل: 02-04-2008
مجموع المشاركات: 4132

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    Quote: فرد ممازحا انو الناس المبسوطين منهم شديد بودوهم سوار


    والله شكلهم كانوا مبسوطين منا شديد سوار الدهب 83-86 (قريت سنتين وبعدها بدينا الترحال في الدنيا )
    تحياتي لاستاذ حسين سعد
    دفعتي
    محمد مدثر الريح السنهوري ( ممثل في اصحاب اصحاب وكان سبب في اننا نفوز بالجمعية الادبية كم مرة كدة )
    جعفر عبدالخير صالح ما عاوز تعريف ولد عبدالخير صالح واخ عصام عبدالخيرز
    ومحمد خضر؟ ما متذكر اسم ابوهو لكن لعب في فريق الزهرة باك شمال وكان خطير جدا
    المرحوم يوسف سيد سيداحمد (جبهة اسلامية - تجنيد المتوسطة - توفى في حرب الجنوب وكنا نحترمه لانه كان محترم وكان صديقي المفضل رغم الاختلاف السياسي الواضح بيننا )
    جمال امين ابوجديري ( سمعت انه مهندس او طبيب - طبعا انا ادبي ما بفرق بينهم -)
    عمر علي صالح ( ولد ناس ابومرين وكان كاري الدفعة كلها من سنة اولي )
    عصام بسطاوي (باسطة ) ناس ابوروف اعتقد انه رجل اعمال حاليا
    حسن حداد(لعــب في بيت المال وكان مرشح للعــب للهلال اعتقد انه مهندس صوت بالاذاعة السودانية)
    وليد فضل - شيطون : ياما الفصل كلو اتجلد بي سببو- ( لا ادري اين هو الان ولكنه كان يعمل بتلفزيون السودان )
    وليد دنجل (لو شفتو في اي مكان في العالم حا تعرفو بالجد بشبه دنجل بتاع ميكي اعتقد انه رجل اعمال الان )
    محمد صديق كرار من اولاد الدومة انقطعت صلته بي ولكني اذكره لاننا كنا نتشاكل في الترتيب (النتائج ) ودائما نجي مشترك .
    محمد ربيع ابراهيم فنان الفصل ود الملازمين كان مع محمد مدثر سبب في فوزنا بالجمعية الادبية .
    ايهاب عبد الحافظ
    الباقين يعفو لي الكُبر دخل.
    اسامة
    ودالحكم
                   |Articles |News |مقالات |بيانات

23-08-2011, 00:19 AM

الفاضل يسن عثمان
<aالفاضل يسن عثمان
تاريخ التسجيل: 17-04-2008
مجموع المشاركات: 3279

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)



    مدرسة عريقة بالفعل، وتخرج منها
    العديد من المتوفقين، وشقوا في دروب
    الحياة المختلفة.
    ومنهم مازال، ومنهم من افتكرهم رب العالميين.
    وفي ذكري امدرمان الاهلية، دعونا نترحم علي الفذ
    المرحوم ادم باشتيل، احد نوابغها في الثمنينات
    من القرن المنصرم.
    ومعا حتي تعود الاهلية لممارسة دورها في تنشئية الاجيال.
    واليك مودتنا ياود الخليفة علي أجترار ذكري لمكان
    مازال يضمخ عبق ذاكرتنا.
                   |Articles |News |مقالات |بيانات

23-08-2011, 00:31 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: الفاضل يسن عثمان)

    اخي الفاضل الفاضل

    عندما امتحنت الشهادة الابتدائيه وزعت لمدرسة بعيده نسبيا

    وعندما ذهبت لمكتب التعليم وانا طفل محتجا بمجموعي الكبير وسكني

    خيرت في اي مدرسة اريد لم اتردد واخترت الاهلية

    لما وجدت عن صداها الذي يتردد عند اخوتي واثرها فيهم وان استطالت السنوات

    وعندما دخلتها لاول مره اخذتني رهبة المكان والجدران الناطقه

    واحترام الاساتذه لي وانا المحول لها لاحقا

    حقيقة كانت لنا بيتا ثانيا نقضي فيها كل اوقاتنا وبعد ان نرجع بعد الحصص الا ونعود مرة اخرى

    وكان يشجعنا اساتذه كرام على المناشط

    اتخيل استاذك في الفصل صباحا يلعب معك البنق بونق مساءا

    ويلعبوا معنا كرة القدم والكرة الطائره والشطرنج

    الذي تعلمناه مساءا يفوق الذي تعلمناه منهم في الفصل

    الاستاذ قدوتنا ومربينا بسلوكه المهيب وحضوره القوي وشدته حرصه علينا جعلنا اسرى المدرسة حتى الان
                   |Articles |News |مقالات |بيانات

23-08-2011, 01:07 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    الاخ اسامه محمد

    السلام عليكم

    Quote: سوار الدهب 83-86


    انتو ناس نشيد هو نور ورحمة وشفاء؟

    (عدل بواسطة ود الخليفه on 23-08-2011, 01:08 AM)

                   |Articles |News |مقالات |بيانات

23-08-2011, 01:14 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    DSC01110.JPG Hosting at Sudaneseonline.com

    اكثر منظر شدني في وسط الركام والانقاض والمباني الجديده هذا العلم في وسط المدرسه
                   |Articles |News |مقالات |بيانات

23-08-2011, 01:20 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    صوره من افطار الخريجين والاخ عمرو خالد يطرح فكرة المشاركة في اعادة تاهيل المدرسة


    DSC01115.JPG Hosting at Sudaneseonline.com
                   |Articles |News |مقالات |بيانات

23-08-2011, 01:22 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    DSC01083.JPG Hosting at Sudaneseonline.com

    جزء من الحضور
                   |Articles |News |مقالات |بيانات

23-08-2011, 01:27 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    DSC01111.JPG Hosting at Sudaneseonline.com

    جانب من المباني الجديدة
                   |Articles |News |مقالات |بيانات

23-08-2011, 07:03 AM

سامى عبد الوهاب مكى
<aسامى عبد الوهاب مكى
تاريخ التسجيل: 06-01-2005
مجموع المشاركات: 4971

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    دا بوست يستحق الواحد يجي يشارك فيه برواقة..

    الحمد لله الواحد قدر يساهم حتى ولو بالمجهود البسيط جداً لنصرة الأهلية المتوسطة أيام القرار الغريب بوقف البناء وفرية الطريق الدائري ومحاولة طمس معلم وطني كأمدرمان الأهلية..الشكر للأستاذ العظيم يحي محمد علي (ناظر مدرستنا) وعمنا لأنه وقف بصلابة ودافع بإستماتة عن مدرسة يدين لها وتدين له بالكثير.

    التحية التقدير والتجلةلأساتذتنا الأفاضل ..

    محمد مساعد
    عبد المنعم الكتيابي
    كمال الشيخ
    مجدي
    الشايقي
    عمران
    حسين سعد
    عبد المنعم
    قصي
    بشير

    والرحمة نسألها للعم خليفة صاحب ألذ شاي في الدنيا وابرد كركدي يوجعك في نخرتك والشكر لكل من جعل منا ما نحن عليه اليوم من منسوبي المدرسة ومن العاملين..

    أحد خريجي النهر العظيم سوار الدهب..

    (عدل بواسطة سامى عبد الوهاب مكى on 23-08-2011, 08:38 AM)

                   |Articles |News |مقالات |بيانات

23-08-2011, 07:42 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: سامى عبد الوهاب مكى)

    عم خليفة أتوفي ؟
    لا حول ولا قوة الا بالله العلي العظيم !
    ربنا يرحمه و يغفر له ذنوبه.
                   |Articles |News |مقالات |بيانات

23-08-2011, 10:18 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: فيصل نوبي)

    Quote: عم خليفة أتوفي ؟
    لا حول ولا قوة الا بالله العلي العظيم !
    ربنا يرحمه و يغفر له ذنوبه.


    غفر الله له كل ذنوبه والحقه بالصديقين والشهداء



    انت يا فيصل درست في ياتو نهر عشان تتصنف
                   |Articles |News |مقالات |بيانات

23-08-2011, 10:22 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    Quote:
    الاخ /عمار لك تحياتي واشكرك علي فتح بوست باسم الاهليه المتوسطة والحقيقه كنت عاوز أكتب ضمن البوست بس لايوجد عندي يوزر للكتابه ضمن سودانيزاون لاين وانا دفعة 80-83 والاسم /محمد مهدي شرفي در ست في عبدالمنعم والحقيقه انو الاهليه تعنبر ام المدارس في امدرمان وأي شخص كان يخش الاهليه هو مميز جدا في المجتمع لما لها من سمعه واساتذه اجلاء مؤهلين فنحن أول من ابتدع الشاره التي توضع في الجهة اليمني من الصدر وأول من دعا الي شكة القميص داخل الرداء وكنا دائما نأتي بالجديد متع الله اساتذتنا الاجلاء بالصحه والعافيه عمران والشايقي وأحمد المبارك وحسين سعد ومحمد المدني وعادل بتاع الانجليزي وكنت عاوز أعرف اخبار استاذ درسنا في سنه أولي اسمه حسن عبدالله وعمر ميرغني هذا من جانب ومن جانب آخر في رآي وبما أن المدرسة الاهليه هي تاريخ وحضاره فكان من الاجدي ان يحافظوا غلي شكلها القديم وان يرمموا الفصول فقط دون هدمها فكل المباني الاثريه في العالم لاتهدم وانما تصان للحفاظ علي شكلها الاثري .... متعك الله أخي بالصحه والعافيه وأرجو نشر هذا الايميل ومرفق الصوره حيث يتضح في الصوره





    http://www.facebook.com/group.php?gid=106450476059016&v=wall
                   |Articles |News |مقالات |بيانات

23-08-2011, 10:27 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)



    ابوبكر غندور،السراج،جمال مونيتا،خالدسعود،الاستاذ/محمد المدني،عبدالمنعم هواري


    الاستاذ محمد المدني درسنا بعد ان عاد من الاغتراب

    والان هو بمدرسة ابو كدوك واقابله دائما في مسجد مرفعين الفقرا بالعباسيه حيث يؤم المصلين

    ترقى حتى وصل مرحلة مدير ولكنه رفض الادارة مفضلا عليها التدريس

    شكرا اخي محمد شرفي على الايميل والصور
                   |Articles |News |مقالات |بيانات

23-08-2011, 10:31 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    Quote:
    أخى العزيز ودالخليفة
    قرأت مقالك عن أمدرمان الأهلية التى عشنا فيها أجمل سنين عمرنا ولكن يبدو لى بأنى أصغر منك عمراً ! لأنه كانت مسميات الأنهر هى أ ب ج د ولقد كنت فى النهر أ , والعنصرية الوحيدة
    التى كانت موجودة وهى أن ( أ ) كانت للطلاب أصحاب المجاميع الكبيرة وهكذا دواليك , أما الحرف ( د ) فهو مخصص للأعادة ! هكذا كنا أما ناظرنا فهو الأستاذ الجليل محجوب على يعقوب
    وطبعاً عم كمال الذى كان يقرع الجرس وهو فى الحقيقة حديدة عبارة عن ربع ( كمرة ) صلبة لها صوت محبب لأنه يعنى إنتهاء الحصة أو موعد إنتهاء اليوم الدراسى ! كان من أساتذتنا أستاذ
    إبراهيم التكينة وأستاذ حسن الحاج ومرشد فصلنا الأستاذ مامون عمر أما من دفعتنا فهم الفاضل مهدى الحلو والفاتح نديم وسيد الحاج كردمان ويحيي عوض أبوزيد ومحمد نعيم سعد وزكي
    الديب والمعز الأمين الشريف ومحمد الفاتح قريب الله والنور فضل النور ومكي إسماعيل مكى , صدقنى أستطيع أن أذكر لك الفصل كله وبأسمائهم الثلاثية ولكن أن فعلت ذلك فلن يتبقى لك مكان
    لتكتب فيه , أود أن أقول لك شيئاً آخيراً بأن العم ( خليفة ) رحمة الله عليه كان لايقل بالنسبة لنا عن أى أستاذ فى المدرسة وله إحترامه الخاص
    تحياتى لكل من درس فى هذه المدرسة وتحياتى لكل دفعتى والتى لاأعرف أين هم الآن والرحمة والمغفرة لكل من غادرنا للدار الآخرة . و
    أخوك \ يوسف باشرى
    كندا


    ايميل من الاخ يوسف باشري

    واثبت لنا ان التمييز كان في الفصول بالنتيجه

    انا كنت اظن ان اسماء الفصول بوضعها الحالي كانت من بداية التاسيس

    لم يطلعنا الاخ يوسف على ذلك التاريخ الذي كانت اسماء الانهر ا ب ج د
                   |Articles |News |مقالات |بيانات

23-08-2011, 10:16 AM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: سامى عبد الوهاب مكى)

    الاخ سامي

    السلام عليكم

    الدعوه لك لتحدثنا عن الصراع في ارض المدرسه وما نتج منه

    والدعوه للتداعي مع زملاء المنبر في توثيق ارث المدرسه
                   |Articles |News |مقالات |بيانات

23-08-2011, 10:53 AM

سامى عبد الوهاب مكى
<aسامى عبد الوهاب مكى
تاريخ التسجيل: 06-01-2005
مجموع المشاركات: 4971

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    Quote: الاخ سامي

    السلام عليكم

    الدعوه لك لتحدثنا عن الصراع في ارض المدرسه وما نتج منه

    والدعوه للتداعي مع زملاء المنبر في توثيق ارث المدرسه


    كتبت وقتها كم موضوع في المواقع السودانية والمنتديات بتنسيق مع الأستاذ يحي وبما أن الموضوع قد إنتهى الأن فأوعدك متى ما أجد الوقت أن أبحث عن المواضيع القديمة المدعومة بالمستندات للتوثيق.

    الأهلية تستحق منا الكثير.
                   |Articles |News |مقالات |بيانات

23-08-2011, 11:06 AM

المر
<aالمر
تاريخ التسجيل: 08-11-2007
مجموع المشاركات: 2251

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: سامى عبد الوهاب مكى)

    انت ود الخليفة ياتو ؟؟ القريت في الاهلية ؟
                   |Articles |News |مقالات |بيانات

23-08-2011, 11:26 AM

المر
<aالمر
تاريخ التسجيل: 08-11-2007
مجموع المشاركات: 2251

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: المر)

    وعم ميسره ، وعم قســــــــــم السيد
                   |Articles |News |مقالات |بيانات

23-08-2011, 11:39 AM

سامى عبد الوهاب مكى
<aسامى عبد الوهاب مكى
تاريخ التسجيل: 06-01-2005
مجموع المشاركات: 4971

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: المر)

    المر أخوي أختشي أحسن ليك ود الخليفة دا قال ليك قرأ بالبنطلون وإنت قريت الوقت داك بالجلابية ومن غير لباس ذاته يعني لمن إنت مشيت الهند كان في الأبتدائي...قال قال إنت ياتو ود خليفة والله في دي اكلم ليك كجوم
                   |Articles |News |مقالات |بيانات

23-08-2011, 12:12 PM

المر
<aالمر
تاريخ التسجيل: 08-11-2007
مجموع المشاركات: 2251

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: سامى عبد الوهاب مكى)

    Quote: والله في دي اكلم ليك كجوم

    هاهاهاهاها يعني يا سامي لمن دخل ود الخليفة" الأهليه" نحنا كنا بنفكر في الزيادة قلت لي؟؟ كجوم بلغو تحياتي
                   |Articles |News |مقالات |بيانات

23-08-2011, 03:06 PM

محمد الواثق
<aمحمد الواثق
تاريخ التسجيل: 27-05-2003
مجموع المشاركات: 1010

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: المر)

    لشدة ما تاثرت طفرت الدموع من عيني


    د. محمد الواثق

    دقعة 78 - 1981 نهر نور


    سأعود اليكم بالكثير الكثير عن امدرمان الأهلية المتوسطة

    اهلية منار ولن تنهار
                   |Articles |News |مقالات |بيانات

23-08-2011, 03:58 PM

Osama Mohammed
<aOsama Mohammed
تاريخ التسجيل: 02-04-2008
مجموع المشاركات: 4132

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: محمد الواثق)

    Quote: الاستاذ محمد المدني درسنا بعد ان عاد من الاغتراب

    والان هو بمدرسة ابو كدوك واقابله دائما في مسجد مرفعين الفقرا بالعباسيه حيث يؤم المصلين

    ترقى حتى وصل مرحلة مدير ولكنه رفض الادارة مفضلا عليها التدريس

    شكرا اخي محمد شرفي على الايميل والصور


    الاخ ود الخليفة
    معليش لتاخير الرد كنا متابعين العكة بتاعت ليبيا ...
    يا سلام استاذ محمد المدني بتاع الانجليزي؟
    طبعا الاستاذ ده ليهو الفضل في انو احب الانجليزي والتدريس برضو (بجانب المرحوم والدي والذي كان يكنى بالخواجة حتى من اصدقائه الانجليز - كواجا) ...
    كنت استخدم اغانيه عندما كنت اُدّرس الفصول الدُنيا والتي كان يرددها لنا في سنة اولى ...
    المهم بالله وامانة لو قابلتو تاني تحياتي له وقول ليهو اسامة ود بيت المال ( اعتقد انو ممكن يتذكرني لاني كنت دايما بقفل الاسبلنغ ) بسلم عليك ودائما بتذكرك ويدعو لك فلقد اصبح ما تعلمناه منكم صدقة جارية ونحن بدورنا ننقله لتلاميذنا .... وبصراحة لم اتوقع منه ان يقبل العمل الاداري لانه يحب التدريس ولو لقيت فرصة وخلصت دراستي هنا اتمنى من الله ان اعمل بجانبه ( بالمناسبة عملت في المعهد البريطاني (في التسعينات ) بجوار استاذي ايضا عادل عابدين وهو من الاستاذة المعروفين في ذلك الزمان بانه رائد فصل عبد المنعم التحية له ايضا )
    تحياتي
    وبالمناسبة نحن ما ناس (هو نورٌ) ديل القدامنا اعتقد انها دفعة المرحوم ادم باشتيل وعبد العزيز حسن وعصام احمد واحمد خير وعبد الله مكاوي.

    اسامة
    (حاولو اعملو قروب في فيسبوك برضو بلم الناس)
                   |Articles |News |مقالات |بيانات

23-08-2011, 05:05 PM

حمزه بابكر الكوبي
<aحمزه بابكر الكوبي
تاريخ التسجيل: 13-04-2009
مجموع المشاركات: 2121

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: Osama Mohammed)

    الحبيب عمار
    و الله بالرغم من اني ماقريت في الاهليه ولا من اولاد ام درمان
    ناس بحري لكن بوستك ده هيج فيني زكريات المتوسطه وحسب
    تقديري المرحله المتوسطه تعتبر متميزه اكتر من الابتدائي والثانوي
    واجمل الزكريات تقريبا عند الجميع في المتوسط .
                   |Articles |News |مقالات |بيانات

23-08-2011, 07:43 PM

mohamed hussein
<amohamed hussein
تاريخ التسجيل: 03-11-2009
مجموع المشاركات: 253

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: حمزه بابكر الكوبي)

    ًشخيط.. وأول واحد من نهر عمر يزور البوست...
    ياود الخليفة .. جنس نضميك و بوستاتك دي بتعوق ليها يوم زول ..
    عمك خليفة دا أنا وأبوي بنعرفو، الوالد درس في الاهلية نهاية الخمسينيات وانا في منتصف الثمانيات، لمن ذكرت ليه سيرة عمي خليفة بتاع الشاي لامن اتخلع قالي عم خليفة لسة قاعد!!.. رحمه الله..
    على ذكر معلمينا.. الاشهر محمد المدني لأنو الحصة بتاعته لو يوم القيامة الواحد حيجي حافظ الاسبيلنق.

    كمال الشيخ مدني.. أشره مدخن في السودان، ومجود الرياضيات والمثلثات وحساب الجبرة..عمران وهو علم تلكم الايام وعلى رأسه نار، لعله بخير.. الرشيد القاضي، العندو ليه رقم يرسلو لي حالاً، ياخي الزول الشفت دا أداني كف بس . . من غير تعليق.
    ضابط الطابور كان المانجلك استاذ عبدالمنعم.. أذكر معلم التاريخ والصديق أحمد البشير متعدد الالقاب كان كورينة ولقبه جيد أقترعناه نحن طلبة عمر.. أحمد المبارك وقصي حسين، أستاذ العلو قصي و أستاذ الزبير، وكيل المدرسة استاذ محمد منصور، استاذ مجدي القصير.

    وحلويات شريف عمر،التي أقصت سلا بالقاضية حينئذً، الواحد كان يجلي ليها الفطور، والمساء للذين كانو يداومون على فصول التقوية فلابد من زيارة مطعم الحديقة المواجه للمدرسة ناحية الشهداء.. حيث الفول والسمك بكل انواعه.. هذا شلال من الذكريات..
    في زياراتي للسودان، لا يؤلمني منظر كتلك الأهلية في موقعها الخالد تنظر بعين عتاب على كل من يعبرربها، ولكأنها تؤكد برأتها من هؤلا المسئولين الذين لم يعيروا لا الماضي ولا الحاضرإحتراماً.. أكاد أجزم أن وقفت المدرسة الشامخة بهذا الشكل في هذا العهد انما هو صك برأتها من الانقاذ وبرأة طلابها.
                   |Articles |News |مقالات |بيانات

23-08-2011, 09:30 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: mohamed hussein)

    Quote: انت ود الخليفة ياتو ؟؟ القريت في الاهلية ؟


    بالله عاين ناس جيل البطولات ديل

    وحسب افادة الاخ سامي بتكون يا المر من زمن الخطه 4 4 4 بالجلابيه

    زمن وزارة المعارف ومحي الدين صابر
                   |Articles |News |مقالات |بيانات

23-08-2011, 09:34 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    الاخ الدكتور محمد الواثق

    اقدم الاعضاء حاليا بالبوست التحاقا بالمدرسه بعد يوسف باشري زمن اسماء الفصول ا ب ج د

    في انتظارك لتحكي لنا
                   |Articles |News |مقالات |بيانات

23-08-2011, 09:41 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    الاخ اسامه

    فعلا استاذ ود المدني رفض الاداره وظل يعمل في التدريس بابي كدوك

    تخيل بعد سنين عددا لاقيتو وسلمت عليه طوالي قال لي طلبة الاهلية

    فقد درسني ودرس اخوتي واظنهم دفعتك

    محمد ميرغني عضو معنا بالبورد ولكنه مقل في الكتابه

    وخالد ميرغني الذي اشتهر بعطيل بعد اداءه لهذا الدور في مسرحية بالجمعيه الادبيه

    عندي صورة للاستاذ حسين سعد سانسخها في البوست قريبا
                   |Articles |News |مقالات |بيانات

23-08-2011, 09:49 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    Quote: الحبيب عمار
    و الله بالرغم من اني ماقريت في الاهليه ولا من اولاد ام درمان
    ناس بحري لكن بوستك ده هيج فيني زكريات المتوسطه وحسب
    تقديري المرحله المتوسطه تعتبر متميزه اكتر من الابتدائي والثانوي
    واجمل الزكريات تقريبا عند الجميع في المتوسط .


    اخي حمزه

    السلام عليكم

    نظام المدرسة المتوسطة كان واحدا في كل السودان واشتهر بالصرامه عكس الابتدائي والثانوي

    وهي مرحلة بداية التفتح وعمل علاقات خارج اطار الحي

    والساعات الطويله التي نقضيها داخل سور المدرسه حيث يمنع الفطور بالخارج

    النظام

    النظافه

    الجمعية الادبية

    النشاطات الرياضيه

    البرامج المسائيه

    تفتيش طابور السبت

    الهندام + الشاره

    اناقة الاساتذه


    وغيرها


    قواسم مشتركه لكل المدارس


    ومن الطبيعي ان يتحيز اي ابناء مدرسه لمدرستهم

    ونحن تحيزنا ثنائي

    اولاد امدرمان ودرسنا بالاهلية
                   |Articles |News |مقالات |بيانات

23-08-2011, 09:58 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    الاخ محمد حسين

    رحم الله العم خليفه والعم كمال

    فهم من اركان هذه المدرسه

    اضافة لعجلة العم خليفه الاثريه

    والجرس الكمره المعلقه في الشجره

    والعم محمد ادم الذي علمت انه قد احيل للمعاش ورحل للفتيحاب

    الاستاذ الرشيد القاضي موجود واقابله دائما بحكم سكنه في المسالمه

    واظن ان له لقب لم ينتقل لنا وهو لقب فرعون

    وله حضور قوي في الفصل بقوة شخصيته وصوته الجهور

    الاستاذ محمد البشير عبد الحميد ( كورينا ) بائع السموم

    كان متواصل معنا ومن المواظبين على برامج فطورنا السنوي

    ولكن بعد التقلات الكثيره لم يبق بالمدرسه احد

    شكلك نسيت استاذ محجوب استاذ العربي


    وما اظن كف استاذ الرشيد زي يد استاذ الانجليزي كمبال
                   |Articles |News |مقالات |بيانات

25-08-2011, 12:14 PM

المر
<aالمر
تاريخ التسجيل: 08-11-2007
مجموع المشاركات: 2251

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    Quote: بالله عاين ناس جيل البطولات ديل



    ود الخليفة انا ما كبير؟ بس سامي حاسدني أشان لسه ما صلعت
                   |Articles |News |مقالات |بيانات

23-08-2011, 10:48 PM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    Quote:
    Quote:
    سوار الدهب 83-86



    انتو ناس نشيد هو نور ورحمة وشفاء؟

    الأخ الفاضل / ودّ الـخليفة
    لك الـتّحيّة أنت والأخوة ضيوف البوست
    ورمضان كريـم

    بوست فـي غاية الرّوعة
    أعادنا لأيّام عظيـمة وزمن جـميل
    ( هوّ نورٌ ) كان فـي سنة 1982
    شاركت فـي بروفاته بآلة الأُكورديون
    حتّـى تـمّ إكتـماله وتـجويده
    لتقرّر أوركيستـرا التّلفزيون مصاحبة الـمجموعة فـي أداء العـمل
    يقودها علـى آلة العود عمّنا الأُستاذ علـي مكّـي عليه الرّحـمة والـمغفرة
    أذكر من الأساتذة
    العزيز الصّديق أُستاذ عبد الـمنعـم الكتيّابـي
    أُستاذ حسيـن سعد
    أُستاذ أحـمد بشيـر
    أُستاذ مـجدي
    أُستاذ عادل مـحمّد عابديـن ( إبـن ناظر مدرسة الأميـريّة الأُستاذ مـحمّد عابديـن )

    وأذكر من زملائـي فـي ( عبد الـمنعـم )
    طلال جعفر الياس
    مـحمّد الفاتح إدريس البنّا
    مصطفـى الرّيّح السّنهوري
    نصيـر ( الألفة )
    حمدتو
    مـحمّد تاي الله




    تـحاياي
                   |Articles |News |مقالات |بيانات

23-08-2011, 11:11 PM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: لؤى)

    Quote:
    ( هوّ نورٌ ) كان فـي سنة 1982

    عُذراً
    قصدي 1984
    كُنّا فـي تالتة




    تـحاياي
                   |Articles |News |مقالات |بيانات

23-08-2011, 11:12 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: لؤى)

    الاخ لؤي

    السلام عليكم ورحمة الله وبركاته


    بحثت عن تسجيل لنشيد هو نور لارفد به هذا البوست فلم اجده

    والحمد لله انك كنت من المشاركين في هذا العمل

    ويا ريت تتذكر حتى ولو قليل من الكلمات

    ودائما ناس منعم سباقين في كل المناشط حتى زمنا
                   |Articles |News |مقالات |بيانات

23-08-2011, 11:22 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    في العام 1992 نظمت هيئة السودان للشطرنج بطولة باسم المرحوم محمد احمد عباس

    وبرعاية كريمه من المرحوم عبد الفتاح محمد احمد عباس نطموا بطوله للمدارس المتوسطه بامدرمان

    بمشاركة لاعبين من مدرسة بيت المال والمدرسه الاهليه والاميريه وحي العرب والمظاهر

    شاركت في هذه البطوله واحرزت كاس المرحوم محمد احمد عباس ولا يزال الكاس في مكتب المدير

    مع الشهادات التقديريه والتذكارية



    وفي نفس يوم احراز الكاس كان تفتيش الطابور الشهير للشعر وكان شعري غزيرا

    فلم يجاملني استاذ قريب الله وحلق ناصيتي كاسير حرب

    وكانت هي العقوبه المعتمده لاصحاب الشعر الطويل ان يحلق مقدمة الراس حتى تسرع للحلاقه في اقرب وقت
                   |Articles |News |مقالات |بيانات

23-08-2011, 11:39 PM

ايمان بدر الدين

تاريخ التسجيل: 05-10-2009
مجموع المشاركات: 1721

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    يا سلام ود الخليفة احرزت كاس جدى محمد احمد عباس

    كلس وتمام والف رحمة تنزل عليه وعلى ابنائه عبدالفتاح
    وعبد الرحيم وعشة وسعاد

    والله يا ود الخليفة شرفتنا تمام وبجيك راجعه لبوست الاهلية تانى
                   |Articles |News |مقالات |بيانات

23-08-2011, 11:47 PM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    Quote:
    الاخ لؤي

    السلام عليكم ورحمة الله وبركاته


    بحثت عن تسجيل لنشيد هو نور لارفد به هذا البوست فلم اجده

    والحمد لله انك كنت من المشاركين في هذا العمل

    ويا ريت تتذكر حتى ولو قليل من الكلمات

    ودائما ناس منعم سباقين في كل المناشط حتى زمنا


    Quote:
    انتو ناس نشيد هو نور ورحمة وشفاء؟

    وعليكـم السّلام ورحـمة الله تعالـى وبركاته أخـي العزيز

    طبعاً بداية كلـمات النّشيد الصّحيحة كانت
    هُوَّ نورٌ هُوَّ نورٌ ورحـمةٌ وسناءُ
    فيهِ للنّفسِ راحةٌ وشفاءُ

    سأحاول تذكُّر بقيّة الكلمات بـمساعدة اللحن






    مودّتـي
                   |Articles |News |مقالات |بيانات

23-08-2011, 11:58 PM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: لؤى)

    Quote:
    سأحاول تذكُّر بقيّة الكلمات بـمساعدة اللحن

    هُوَّ نورٌ هُوَّ نورٌ ورحـمةٌ وسناءُ
    فيهِ للنّفسِ راحةٌ وشفاءُ
    ***
    إنَّ هذا القرآن حبلٌ متيـنٌ
    وعلـى دربِهِ يطيبُ الثّناءُ
    فيهِ للناس رحـمةٌ ورجاءُ
    ***
    لو جعلنا القرآن فينا إماماً
    لسعدنا وزال كُلّ بلاء





    ولنا عودة
                   |Articles |News |مقالات |بيانات

23-08-2011, 10:58 PM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

                   |Articles |News |مقالات |بيانات

24-08-2011, 00:26 AM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    للـمساعدة فـي إظهار بعض الصُّوَر









                   |Articles |News |مقالات |بيانات

24-08-2011, 01:48 AM

محمد مكى محمد
<aمحمد مكى محمد
تاريخ التسجيل: 13-10-2006
مجموع المشاركات: 4082

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: لؤى)

    يا سلام عليكم ياشباب
    الواحد ما عارف يفرح ولا يحزن.
    الاهلية ..اجمل الذكريات..كنت دفعة 08-83 ..نهر سوار الدهب..
    كان معانا فى الفصل أول السودان حينها الاخ د.عثمان صالح مهدى وهو بأمريكا الان..
    كنت أكثر الطلاب نشاطاً من خلال الجمعية الادبية حيث كنت والاخ أحمد بشير ابراهيم وعادل الغول وبابكر عمر بابكر والطيب النصرى.
    نمثل ولدينا مسرحيه كل أسبوع وكنت ايضاً أغنى والاخوه حاتم البنا من نهر عمر والاخ عبدالمنعم من منعم
    كذلك عزفت الاكورديون وغنينا الملحمة فى كورال جمعية المسيقى والمسرح وكان المسؤول عنها الاستاز أحمد البشير االشهير لكل ابناء الدفعه بلقب does .
    وكذلك كنت عضواً فى جمعية التصوير وانشأنا استوديو داخل المدرسة ومعمل للتحميض والطباعة,مكتمل.وتدربنا على التصوير على أيدى خبير من وزارة الثقافة والاعلام.
    وكان مشرف الجمعية الاستاذ أحمد المبارك.وكان معى بالجمعيه الاخ العميد الفاتح السراج والاخ الطاهر معاذ .
    كذلك مثلت المدرسة فى منشط كرة السلة فى الدورة المدرسيه مع الاخ حسن موسى وآخرون أتذكرهم لاحقاً.وكان مدرب الفريق من خريجى الاهلية والمشرف الاستاذ عمران البدوى.
    ودرسنى من الاساتذة الاجلاء:-
    اولى سوار:-
    أحمد المبارك رياضيات
    حسين سعد لغة عربية وجغرافيا ومرشد الصف
    ريتشارد بريطانى لفترة قصيرة ثم واصل الاستاذ عزالدين.
    عمران البدوى تربية اسلامية.
    محجوب تاريخ
    مهدى علوم
    تانية سوار
    نفس الطاقم اضافة الى الاستاذ محمد المدنى انجليزى

    تالتة سوار:-
    احمد صديق رياضيات
    محجوب لغة عربية
    يحى محمد على _ الناظر- لغة انجليزية.
    قصى علوم
    .........
    مازال دفتر الذكريات مفتوحاً وها هنا صفحتنا الاولى..
    تحياتى لودالخليفه وضيوفه الكرام.
                   |Articles |News |مقالات |بيانات

24-08-2011, 03:21 AM

أمين محمد سليمان
<aأمين محمد سليمان
تاريخ التسجيل: 08-08-2009
مجموع المشاركات: 8318

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: محمد مكى محمد)

    والله يا ود الخليفة عوقتنا بالذكريات عديل كده ، غفر الله لك
    عمكم أمين ( دفعة دكتور الواثق ١٩٧٨ -١٩٨١ ) الصف نور
                   |Articles |News |مقالات |بيانات

24-08-2011, 07:18 AM

بدر الدين احمد موسى
<aبدر الدين احمد موسى
تاريخ التسجيل: 03-10-2010
مجموع المشاركات: 4858

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: أمين محمد سليمان)

    سلام يا اولاد الاهلية
    من الشايفو فوق, حاكون اقدم واحد الي اشعار اخر!

    زمنا كانت الانهر ا , ب , ج و د
    انا كنت في "أ" فصلنا في تالتة كان ملاصق المسرح

    تقريبا اتخرجنا سنة ٧٩

    كان شعار المدرسة:
    امدرمان الاهلية; امل, عمل, نظام!
    حرية بلادنا; نصونها, نحميها, نفديها.

    الناظر كان استاذ الفاضل عبد السميع و نائبه استاذ حسن بتاع الرياضيات

    من الاساتذة:
    علي حسن موسى- انجليزي
    محجوب -تاريخ
    كمال الشيخ -علوم
    عوض السيد- رياضيات
    فاطمة- تربية اسلامية و ما زلت اذكر تهديد استاذ الفاضل لنا في سنة تالتة اذا اي واحد اساء الادب معها

    من ناس دفعتي:
    طارق مولى السيد
    بدرالدين محمد احمد عيسى كان زول شاطر و لعاب
    محمد محمد موسى ايضا كان لعاب و تزاملنا في الاهلية العليا
    هاشم النعمان اولنا
    التاج دوليب
    معاوية بابكر الشيخ
    سكسك لكنه كان على ما اظن في ج
    و ناس كتار اخرين

    اقتراح:
    عمل صفحة في الفيسبوك للتواصل و ايضا لتبادل الافكار لدعم المدرسة و تكوين رابطة لخريجيها

    ---------

    نسال الله ان يرحم عم خليفة و يثبه على ما قدمه لنا من خدمة و الله ريحة و نكهة الشاي الذي كان يقدمه لنا م زالت في البال
                   |Articles |News |مقالات |بيانات

24-08-2011, 07:46 AM

سامى عبد الوهاب مكى
<aسامى عبد الوهاب مكى
تاريخ التسجيل: 06-01-2005
مجموع المشاركات: 4971

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: أمين محمد سليمان)

    Quote: عندي صورة للاستاذ حسين سعد سانسخها في البوست قريبا


    يا أخي دا كان أنبل وأحب أستاذ لقلوب التلاميذ في زمنا..

    في أستاذ شايفكم إتذكرتو ليه كم لقب لكن في لقب تحت تحت ما كان منتشر شديد أطلقو عليه أولاد عبد المنعم وهو (اخر الشهر) لو كان الأخ حاجب مساعد من المشاركين كان ورانا مناسبة اللقب..

    وفي أستاذ تاني كنا ملقبنو لقب طبعا ً هو الوحيد الما عارفو في يوم من الأيام عملت لي لبطة مع صديقنا إيهاب نصر عجيب ومشى إشتكاني للأستاذ دا وجلدوني جلدة بت كـ ــلـ ـب لمن رجعنا الفصل قلت ليه الليلة خلي أستاذ (.......) يشيلك في راسه..صاحبناولا صدق ومشى نقل الكلام بي ضبانته وعمل لي فتنة قدر الليلة وبكرة بيني وبين الأستاذ لمن قال ليه سامي بقول عليك كدا..الأستاذ جابني في المكتب الكان وراء المسرح وجاب |إيهاب وقال لي إنت بتقول علي شنو ..قلت ليه بقول عليك أستاذ فلان ..والأستاذ يكرج في سنونو ..بطل إستهبال بتقول شنو..ولا شي..اخر حاجة قال لي مش بتقول الـ..... قلت ليه الــ... دا منو؟؟ قال لي ما انا انا انا ...قلت ليه اول مرة اعرف والله..الأستاذ ضحك وقال لي قوم يا مجرم أمشي وإنت يا إيهاب بطل نقيل كلام وبعد المدرسة سكيت صاحبنا دا لي خشم باب بيتهم الكان مقابل باب المدرسة من الجهة الشرقية..تعرف يا ود الخليفة إيهاب دا وأخوه إيميل فاتحين جنبنا دكاكين في شارع كرري قبل فترة طويلة مشيت اشتري لي سيراميك لقيت ليك الزول محكر قااااااعد عرفته رغم أن السن عمل عمائل وأخوانا الأقباط بتظهر عليهم عمايل العمر سريع..بعد ما اشتريت وجاملني سألته عرفتني قال لي كيف ما أعرفك..

    أما عن الأساتذة..

    أستاذ عمران دا جلدني جلدة لاتنسى حارقاني لي يوم الليلة لكن بيني وبينك أنا كنت أستاهل..

    أما ود المدني قسماً بالله أتذكر بوضوح شديد أول حصة درسنا ليها وكان معظمها عن قرية (ود الحداد) مسقط رأسه الذي يحبه لدرجة التقديس ..حكى لينا عن ناسها وبهائمها وعن كل تفاصيلها..عصرنا عصر الجن في الأنقليزي..كنا عاملين فيها مفتحين..اتذكر واحد دفعتنا من الناس الظراف جداً كنا ملقبنو (جني فيل) كان لمن يكون في قراية يقوم يبرطم بكلام بعرفه براه وهو قاعد في الكنبة الأخيرة..كلنا كنا مقتنعين إن الزول دا خواجة عديــــــــــل حتى أستاذ محمد المدني كان ما عنده شك..غايتو أول يوم نزلت في مطار بومبي وانا متوجه للدراسة ما أتذكرت شي ولا شخص إلا أستاذ ود المدني وأستاذ عادل الكانو بقول لينا الكلام البندرسكم ليه دا حا تحتاجو ليه بعدين ولو ما ركزتو حا تندمو..

    فعلاً نسينا أظرف أستاذ أستاذ محجوب صاحب المقولة المشهورة لمن الناس تتجمع حوله وقت التصحيح وهو جالس..ويقول بصوته الغريب..مالكم تكأكأتم علي كتكأكؤكم على ذي جِنةِ هيا إفرنقعوا..

    أستاذ عبد المنعم الكتيابي..أدين له بفضل كبير ليس لأنه عمي وخالي لكن لأنه مربي حقيقي حريص على نجاح تلاميذه لا يترك مهمة التدريس حتى في البيت....اتذكره وهو يقرأ علينا قصيدته الشهيرة أمدرمان في طابور الصباح ويختمها بطريقته المميزة (وتعود ترن أنا أمدرمان أنا أمدرمان أنا أمدرمان)

    أستاذ محمد مساعد كان زول غير أنه شاطر جداً كان زول لا يميل للعنف أبداً ولا يميل للعقاب وطريقته في المعاملة أن يبادلوه بالإجتهاد..

    أستاذ مجدي بتذكر ليه موقف طريف ونحن في الجمعية الأدبية لمن إتحولت من الحوش الغربي للجزء الشرقي محل المسرح وجو أولاد بيت المال وإترصو لينا في الحيطة وهرشونا وهرشوا اساتذتنا وأستاذ مجدي قال لينا إنتو ما رجال ما تتصرفو معاهم...ونحن من رجالتنا قعدنا نهرش ونحن قاعدين في مكانا...ههههههه

    بعد فترة جانا وشو منخشم ولابس نضارة (قطع شك يكونو لمو فوقو مطرف)

    أستاذ كمال الشيخ لمن كان يقفل مننا في حصة الرياضيات ما كان بعاقب ولا يجلد ولا يهرش بس كان يجدع الطبشيرة ويحرد الحصة..

    أما أستاذ قصي كان مشهور بأنه لمن يقول ليك أقلب يدك ويجلدك بالمسطرة معناها تقنع من يدينك يومين تلاتة..

    الفتنا كان صديقي ابراهيم عيسى صالح ربنا يفرج عنه بركة هذا الشهر العظيم...الفتنا التاني كان الخلوق جداً هاشم الريح السنهوري..

    الشطار في الفصل طبعاً حسن مكرم ودا كان جارينا من أولى إبتدائي..ومعاوية..وإبراهيم مصطفى ودا كان جايينا محول من الكمبوني وطبعاً نحن كنا شايفنو خواجة عيونو خدر وأيضاً مصطفى عثمان حسين من بيت المال وسميح مختار ربنا يرحمه سمعت قبل وقت طويل أنه توفي إلى رحمة مولاه وعلي عبد الغفار الذي كان يتلو القراّن في الجمعية الأدبية (توفي غرقاً) وكان من الأصدقاء المقربين هو وصديق العمر عادل يوسف صالح عبد المحسن من أولاد القلعة وعمار جعفر الياس من اولاد القلعة..والأنسان الشاطر والمهذب والخلوق سيف الأسلام خالد عمر إبن أخ المقرى المشهور عوض عمر (هذا الرجل نسيج وحده) ومحمد يونس من أولاد الهجرة(محمد يونس دا كنا انا ومجموعة داخلين معاه صندوق بقروش نوفرها من حق الفطور أتذكر يوم صرفة واحد مننا مشينا الهجرة بالعجلات نصرف وعاوزين نجي قالبين حلويات سلا قام حنكنا وادانا بدل القروش جريو) وسليمان مالك السراج من أولاد الدباغة وفكري إبراهيم ابو مرين من المسالمة..

    أذكر من الدفعة طارق حسن العطا ومعاوية والزين وإيهاب يوسف حمدتو (كان جنو يقول ليك تعال قاويني وكان عندي مجموعة كبيرة بتعتقد في إنه مافي زول يقدر يلاويني ولا يقاويني..لكن المقاواه (كر وفر))

    وهناك كثيرين سأأحاول اتذكرهم..

    بإختصار متذكر مكان جلوس كل واحد من اولاد الفصل بالنفصيل...متذكر أغرب دافوري وقت الفسحة وبين الحصص في البرندة البين أولى وتانية وتالتة سوار الدهب الكورة كانت ممكن تكون دومة او حجر...يا أخي |أستهلكنا كترة جزم..

    الأهلية بلا تحيز تميزت عن غيرها بالنظام الشديد والحفاظ على القيم والتهذيب والمستوى الأكاديمي..كما ذكر واحد من الأخوان شارة الأهلية كانت أشهر شارة يرتديها تلميذ تجلب الإعجاب والغيرة..

    طابور الصباح تفتيش يشمل الشعر والأظافر وحتى الملابس الداخلية..

    المتأخرين كانو ينطو بالحيطة الجنوبية مكان الحمامات ويلبدو لحدي ما يتحرك الطابور ويالشبابيك جوك ناس بالله الحمامات دي كانت بتشيل كترة خلق..شخصيا كنت بنط بشباك الفصل وألبد في الفصل وما تقولو كنت بتأخر طوالي لأني ليوم الليلة الناس بتضايق مني في مسألة الإلتزام بالمواعيد لكن تقول شنو (بتحصل في ارقى العائلات ههه) وشبابيك سوار كانت فاتحة جنوب ..يوم بس جدعتا الشنطة ودخلت رجليني أستاذ محمد المدني اعتقلني من الرجلين وباقي جسمي بره وهو شابكني إنت منو وانا عامل ميت فكيت منو وجري علي الباب خشيت مع الطابور ولي يوم الليلة ما أظنه عرف..(مفكر ازورو في ابو كدوك) وأعتذر ليه عن كل الشقاوة ووجع القلب الجبناه ليه..

    بجيك تاني لأن الأهلية دي كانت محور حياتنا ولا زالت..
                   |Articles |News |مقالات |بيانات

24-08-2011, 09:29 AM

حاتم الياس
<aحاتم الياس
تاريخ التسجيل: 25-08-2004
مجموع المشاركات: 1978

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: سامى عبد الوهاب مكى)

    ناس عمر وناس نور (80-83)

    تم فى ذلك الوقت تاسيس مدرسة الحارة التاسعة المتوسطةومدرسة الحارة (13)..ولم يبدأ العمل فى أنشاء مبانيهم لذلك تم قبولنا فى الأهلية وتم اخبارنا نحن قى السنة الأولى بان علينا ان نبقى لمدة سنة حتى يتم بناء مدارسنا فى الثورة حتى انتهت السنة الأولى وجاءنا الأستاذ يحى ناظر المدرسة فى بداية السنة الثانية ليقول لنا باننا اصبحنا رسمياً من طلاب الأهلية وسنواصل دراستنا فيها كنا فى فصل عمر ونور أغلبنا من اولاد الثوره امدرمان ..ناس عمر اغلبهم اولاد حلتى عشان كده بتذكرهم كلهم ومعظمهم كان معى فى مدرسة التاسعة حسن عبدالباسط البتدائية ومدرسة السابعة..وشباب نور كانوا اولاد الحارة طلطاش والأربعتاشر..

    من ناس عمر..د.احمد يوسف فى الولايات المتحده ابوبكر احمد عبدالحميد الدكتور امير النعمان دكتور النزير (طبيب عيون بمستشفى المغربى) فخر الدين مصطفى على العوض وعارف يحى عباس كورينا الشيخ والصادق سقاله واحمد قرملى و والدكتورمحمود على تامبيره برومانيا فيصل محمد عثمان محمد عثمان الجلده ودنباوى د محمد المليح عاطف قطيرى الممثل المشهور وصديقى العزيز...الناس الذكرتهم ديل كلهم جيرانى...فى الفصول التانية كان الأشهر بالطبع هو الصديق الصادق المهدى وصديقى محمد يوسف حامد الذى زاملنى فى الدراسة بالمغرب واظنه كان من ناس عبدالمنعم...

    مازلت كلما مررت بالأهلية يحزننى هذا التغول على مبانيها وتشويهها..كمان ياناس عم خليفة انا لقريب ده قاعد اشوفه فى منتهى النشاط انتو متأكدين من خبر وفاته ده
                   |Articles |News |مقالات |بيانات

24-08-2011, 09:45 AM

حاتم الياس
<aحاتم الياس
تاريخ التسجيل: 25-08-2004
مجموع المشاركات: 1978

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: حاتم الياس)

    الأخ محمد المكى هل كنت معنا فى الكورال الذى كان يغنى عزه فى هواك وكان يعزف لنا الأكورديون صديق ود بيت المال ذلك الموهوب الذى يغنى ويقلد الأساتذه ويمثل ويلعب الكرة كان حريف..الكورال الذى قدم اغنية عزه فى التلفزيون فى برنامج اسمه المدرسة المختاره..كان معى محمد يوسف حامد وشقيق فارس مله لااذكر اسمه..وبعدين وين الزول الموهوب داك الكان بيعزف (الهارومنكا)..بمناسبة الملحمة كنت فى سنة تانية متوسطة وكنت اشبه الصديق اسامة جمال الدين من مدنى وقريب ناس يسن عمر المام وهو من اسرة اسلاميين اول مازلت اذكر ذلك الطالب الذى جاءنى فى الفطور وقال لى برااااحة بعدين الأجتماع فى المسجد ماتنسى..بحكاية الشبه ده الزمن داك انا عمرى 13 سنة..يعنى من غير مايفتكرو اننا دايرين نحرف البوست نحو السياسة..استغرب الأن لذلك يعنى ناس الجبهة ديل كانو زى ناس الكورة مقسمين الناس لفئات عمرية..اضحك الأن لن فى الأهلية المتوسطة كان هذا هو أول اصطدام لى فى تلك السن التى لانعرف فيها غير الدافورى والهلال والأفلام الهندية بسينما الثورة بحاجة اسمها تنظيمات ههههههه
    أعتقد أن اساتذة الهلية كانوا مميزين جدا..الستاذ حسين سعد انسان خلوق ولاتنسوا استاذ عادل ايضا نسيت ان اقول من دفعتى محمد مبارك عشا الضيفان
                   |Articles |News |مقالات |بيانات

24-08-2011, 12:43 PM

محمد مكى محمد
<aمحمد مكى محمد
تاريخ التسجيل: 13-10-2006
مجموع المشاركات: 4082

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: حاتم الياس)

    حاتم يا دفعة
    سلامات
    كنت فى الكورال.وأذكر ان استاذ أحمد البشير كان بيجلد البغيب عن البروفات.بروفات الملحمة وأغانى أخرى ( صه يا كنار..) كانت تتم فى فصلنا .تانيه سوار .
    أذكر جيدا ..جلدنى استاذ عمران فى تالت يوم لى بالمدرسة.وكان هو صغير السن لدرجة انى لم اميزه عن الطلاب خريجى الآهليه,
    الذين كانوا يزورون المدرسه وهم فى الثانوى.وكان يومها يرتدى قميص ابيض وبنطلون بنى وافتكرته واحد منهم .
    كنت جارى خلف احد الاصدقاء - لاعبين سك .(وكان قميصى خارج الردا والزراير مفتوحه) , فوجهنى ,وانا رديت عليه وقليت أدبى شديد بل كنت عاوز أضاربه.
    الى ان امسكنى الاخ طارق على (ابوليمونه) من اولاد الحلة .وقال لى انت مجنون ده استاذ عمران.
    وعرفت ان الموضوع بايظ.بعد داك ودونى المكتب ممسوك بواسطه اولاد تالته وتم جلدى عشرين جلده على الطربيزه وكل الشبابيك ممتلئه بالشامتين والفراجه
    .والمشكله أنو كل اولاد بيت المال كانوا واقفين بينفرجوا ,لذلك حتى الململه كانت لاتدخل فى الحسبان لانو حيفحوك فى الحلة.
    المهم أكلتها ومشيت وكم يوم ماقادر أقعد.وكنت شايل هم أنو الموضوع يصل البيت ,لانو ح يدبلوا لى الجلده.
    مسأله الضبط والربط فى الآهليه كانت مسأله ذات أولويه.قميص ابيض ولازم يكون محشى وردا كاكى.وشارة المدسة( زرقاء) لازم تكون مثبته على الجيب طول الوقت حتى خارج المدرسة.
    بمناسبة السياسة,الناظر استاذ يحى كان كارهاً لمايو ورموزها.وكان يدرسنا الأدب الانجليزى .
    ,اذكر أن هناك جملة فى كتاب توم براون سكول دييز.May flies .,وقام بترجمتها ذباب مايو وضحك بسوط عالى ,بعد كده شات فى ناس مايو.برغم أن فى فصلنا الاخ جمال عبدالماجد حامد خليل ووالده.أحد رموز مايو.
    استاذ محمد المدنى برضو حكى لينا عن قريته.ولكن أذكر كان أسمها (الدومه) ربما ريفى ودالحداد كما ذكرت.لأن جملة (I'm from aldoamah) مازالت ترن فى أذنىّ.
    ,اذكر أيضاً الاسبيلنق.20 كلمة الغلطة بجلده.ومره واحده فقط جلدت مرة واحدة فقط.ولكن ود المدنى جلدنى 5 جلدات بسب انو غلطانى غبيه مثل نسين نقطة الآي وكنت أحرزت 18 من 20.
    ارجع ليك بعدين إن شاء الله.
    تحياتى
                   |Articles |News |مقالات |بيانات

24-08-2011, 02:00 PM

حاتم الياس
<aحاتم الياس
تاريخ التسجيل: 25-08-2004
مجموع المشاركات: 1978

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: محمد مكى محمد)

    يامحمد المكى..بالمناسبة ابن عبدالماجد حامد خليل اذكره لأنه كان ود رجل مشهور وكان شاب مهذب جداً,,ومعه الصديق الصادق المهدى برضو كان شاب مهذب جداً وحريص على اداء صلاة الظهر جماعة..والله انا الوقت داك الظهر كم ركعة مابعرفوا واعتقد انو فى (كولر) مويه جنب فصلكم هدية من والده عبدالماجد حامد خليل..كمان بتذكر صحيفة حائطية عملت ضجة فى ألأهلية اسمها صوت الأهلية وكان فيها كراكتير لأستاذ يطلب من طالب ان يحلق شعرو ورافع ليهو الصوت وفى نفس الوقت كان الستاذ شعرو كتير وخنفس وكان النقد هو ان يكون الأستاذ قدوة وكان فيها نقد ساخر ومهم اعتقد أن الصحيفة تمت مصادرتها من استاذ عمر وهذه هى اول مصادره اشاهدها فى حياتى وسط ضحكاتنا..

    تعرف ياعمر انا مولود فى امدرمان وابن اسرة مهاجرة فى منتصف الستينات..وانا اكتب تأكدت تماماً انو أمدرمان مدينة عظيمة ومن طيب الأقدار انو سكنه فيها ونشانا بها..فهى تساهم فى صناعة الأنسان والوعى

    اشكرك يادفعة..التقيت باستاذ عمران قبل فتره قريبة وصافحته بنفس الأحترام والخوف والتقدير

    ياود الخليفة..رجاءا خت أميلك للناس البره وخت أيضاً رابط صفحة الأهلية فى الفيس بوك بتاعت اخونا شرفى كصفحة موحدة للجميع
                   |Articles |News |مقالات |بيانات

24-08-2011, 05:21 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: حاتم الياس)

    Quote: الاخ/عمار متعك الله بالصحه والعافيه وكل المشاركين بالبوست
    ويامحمد مكي نحنا دفعه واحده بس ان كنت في عبدالمنعم ما عارفك متذكرني ولا لا المهم اتصلت الان بالطيب النصري وقريت ليه كلامك وقال ليك سروالك كيف لسه طويل ...من الحاجات البتذكرها في عملوا تفتيش في الفصول وضبطوا كيس صعوط مع أخونا بكري غندور أفتكر انو الان ببريطانيا المهم استاذ عمران جمع الاساتذه كلهم علشان يشوفوا الكيس لانو كان كبير جدا كيس مخده بس واستاذ عمران قال ليهو ياأخي ده هسع ده كيس بتاع طالب


    محمد شرفي
                   |Articles |News |مقالات |بيانات

24-08-2011, 05:30 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)
                   |Articles |News |مقالات |بيانات

24-08-2011, 05:35 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    sudansudansudansudan152.jpg Hosting at Sudaneseonline.com


    صوره للاخ الكابتن/طارق بدرالدين (النهر نور)
    من الذين أدوا كورال هو نور ....سأحاول الاتصال به لاتحصل علي كلمات النشيد


    شرفي
                   |Articles |News |مقالات |بيانات

24-08-2011, 05:38 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    Quote:
    كمان ياحاتم الياس من دفعتي في عبدالمنعم
    هم : بكري اسماعيل السيد / عبدالمنعم مصطفي/المرحوم طلال الغزالي/عمر الامين البخيت//بكري غندور/طارق عابدين/صديق الصادق المهدي/ياسر الدوخ/سيف اليزل ايهاب /سيف النصر/صالح/ده حسنب الترتيب في الجلوس/وغيرهم مثل برهان الغزالي ومحمد يوسف تربيع ذي ما كان استاذ عمران يناديه ومحمد يوسف حامح ومحمد محمود والمعز عثمان وابراهيم كرجويل وهشام حسن وغيرهم .....عليكم الله ياشباب لو في زول عندو صور للناس ديل يرسلها//



    شرفي
                   |Articles |News |مقالات |بيانات

24-08-2011, 06:27 PM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    Quote:
    sudansudansudansudan152.jpg Hosting at Sudaneseonline.com


    صوره للاخ الكابتن/طارق بدرالدين (النهر نور)
    من الذين أدوا كورال هو نور ....سأحاول الاتصال به لاتحصل علي كلمات النشيد

    يا سلام يا ودّ الـخليفة وشرفـي

    طارق بدر الدّيـن أتذكّر كانت عندو شيبة كبيرة فـي شعرو
    مشت ويـن فـي الصُّورة ؟
    له الـتّحيّة والوُدّ





    مودّتـي
                   |Articles |News |مقالات |بيانات

24-08-2011, 06:39 PM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: سامى عبد الوهاب مكى)

    Quote:
    Quote:
    عندي صورة للاستاذ حسين سعد سانسخها في البوست قريبا

    يا أخي دا كان أنبل وأحب أستاذ لقلوب التلاميذ في زمنا..

    أستاذ محمد مساعد كان زول غير أنه شاطر جداً كان زول لا يميل للعنف أبداً ولا يميل للعقاب وطريقته في المعاملة أن يبادلوه بالإجتهاد..

    طابور الصباح تفتيش يشمل الشعر والأظافر وحتى الملابس الداخلية..
    سامـي
    سلامات

    صدقت يا سامـي والله
    حسيـن سعد كان مـحبوب من كُلّ الـمدرسة
    ومـحمّد مساعد كان ملاك
    درس معـي كُلّ سنوات الإبتدائـي الـ 6 شقيقه أكثـم مساعد
    كانوا ساكنيـن حـيّ الكاشف
    وتزوّجت شقيقتهـم الـمحاميّة صديقـي عادل حبيـب
    وكان مقدّماً فـي الشُّرطة وقتها
    هسّا بيكون بقـى مشيـر
    ما عارف النّاس دي مشت ويـن
    الله يطراهـم بالـخيـر

    مرّة أُستاذ مـجدي جانا فـي طابور الـصّباح فـي الحوش الشّرقـي
    وقال :
    إنّـي أرى شعوراً قد أينعت وحان حِلاقُها .. وإنّـي لـحالقها
    ومرق لينا مقص من وراء ضهرو
    وبدا ليك جزِر فـي الأُمّة من طرف






    الله يدّيكـم العافية
    أسعدتّـمونا بالذّكريات السّعيدة
                   |Articles |News |مقالات |بيانات

24-08-2011, 09:13 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: لؤى)

    196.JPG Hosting at Sudaneseonline.com
                   |Articles |News |مقالات |بيانات

24-08-2011, 09:16 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    197.JPG Hosting at Sudaneseonline.com
                   |Articles |News |مقالات |بيانات

24-08-2011, 09:22 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    198.JPG Hosting at Sudaneseonline.com
                   |Articles |News |مقالات |بيانات

24-08-2011, 09:30 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    199.JPG Hosting at Sudaneseonline.com
                   |Articles |News |مقالات |بيانات

24-08-2011, 09:35 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    200.JPG Hosting at Sudaneseonline.com
                   |Articles |News |مقالات |بيانات

24-08-2011, 09:40 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    201.JPG Hosting at Sudaneseonline.com
                   |Articles |News |مقالات |بيانات

24-08-2011, 09:44 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    203.JPG Hosting at Sudaneseonline.com
                   |Articles |News |مقالات |بيانات

24-08-2011, 10:00 PM

حمزه بابكر الكوبي
<aحمزه بابكر الكوبي
تاريخ التسجيل: 13-04-2009
مجموع المشاركات: 2121

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    الحبيب عمار تحياتي لك مره اخري
    انتوا والمتداخلين شكلكم ناس التمنينات في المتوسط وانا برضوا
    تمنينات يعني اولاد حفره واحده لكن نحن كنا بنلبس ارديه لكن
    شايف صورك دي كلها الطلبه لابسين بناطلين ؟؟؟!!!


    examenpictuesudan640x480sudan.jpg Hosting at Sudaneseonline.com


    بطاقة الامتحانات ورقم الجلوس نعيد لكم بها زكريات الامتحانات
    ولاتكتب داخل هذا المستطيل
    ولن تصرف لك غير ورقه واحده
    والزمن ساعتان ونصف
                   |Articles |News |مقالات |بيانات

24-08-2011, 10:20 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: حمزه بابكر الكوبي)

    كما نرحب بالسناير محمد مكي

    والبروف امين

    وبدر الدين
                   |Articles |News |مقالات |بيانات

24-08-2011, 10:35 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

    Quote:
    الحبيب عمار تحياتي لك مره اخري
    انتوا والمتداخلين شكلكم ناس التمنينات في المتوسط وانا برضوا
    تمنينات يعني اولاد حفره واحده لكن نحن كنا بنلبس ارديه لكن
    شايف صورك دي كلها الطلبه لابسين بناطلين ؟؟؟!!



    ثمانيات؟

    ناس المر العملوا زايغين ديل من زمن الكتابه المسماريه والجلابيه البدون

    انا من جيل التسعينات والدليل البناطلين وشويه كده كان بقينا من اولاد تامنه

    للمدرسه الاهليه ادبياتها وذوقها العام الذي حافظت عليه حتى زمنا

    وجدنا جيل الاساتذه العظام الظاهرين في الصور اعلاه وغيرهم

    الاساتذه محجوب و مبارك صالح وعادل بابكر وقريب الله ومحمد بشير (يور) ومحمد البشير كورينا وغيرهم

    ونهلنا منهم وكنا امتداد لاجيال سبقتنا

    ويظهر في احد الصور الاستاذ ياسر حمدان الشهير بود الصول من ابناء الثوره ح 8

    واستاذ المعز جعفر الاتنين ديل دفعة اخواني الكبار وتخرجوا من نفس المدرسه وفرقنا منهم حوالى 9 سنوات
                   |Articles |News |مقالات |بيانات

25-08-2011, 00:21 AM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)

                   |Articles |News |مقالات |بيانات

25-08-2011, 08:19 AM

mohamed hussein
<amohamed hussein
تاريخ التسجيل: 03-11-2009
مجموع المشاركات: 253

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: لؤى)

    الـ Ahlia School.. وما أدراك ما الإسكول..
    تفتيش طابور الصباح مرتين في الاسبوع لنظافة الملابس، وجود الشارة المدرسية، قصة الشعر الشبيهة بالعسكرية حيث القطعية تبدأ اعلى من الأذن، الأظافر المقلمة. الإمتحانات الشهرية ونتائجها الممهورة بتوقيع ولي الأمر عند كل شهر.. نشاط الرياضة ككرة القدم، الطائرة، تنس الطاولة، والشطرنج. الجمعية الأدبية صباح كل خميس والمنافسة القوية على خشبة المسرح..
    يا ليتنا عدنا أو عادت الأيام..
    هنا بعض اسامي دفعتي من الذاكرة..86 -87- 88
    أبوبكر الباجوري
    عاطف عبدالرحيم
    عبدالمعز حسنين
    نزار توفيق
    محمد عبدالرحمن شلبي
    هيثم الحلاب النبقة
    مختار المقبول
    مصطفي الحلبي
    مالك جنو
    معتصم الجعيص
    ابوبكر ابوالقاسم
    مرتضى.. من ابناء بيت المال
    عوض عبدالوهاب
    امير ابراهيم
    رضا مالك
    احمد المفتي
    عادل - انبوبة البوتجاز-
    الحارث محجوب
    لقمان لقمان
    عامر الجنوبي
    وليد يس حتانة
    يس الطيب
    محمد ابوبكر عوض
    مالك محمد مالك
    نزار نقدالله
    هيثم الجلقز
    هشام الحسين
    اكرم ميرغني حمزة
    حمزة طه البلة
    طارق حسن
    محمد... عازف الجيتار في فرقة محمود عبدالعزيز
    أحمد يوسف
    طلال الطيب السنهوري
    عبدالرحمن عبدالله ابياية
    محمد عبالوهاب
    خالد وأخوه - من أبناء حي السوق
    أمير الطويل
    حافظ محمد أحمد
    أبوذر...
    وشخصي محمد خالد حسين
    مرشد الفصل لكل سنوات الدراسة كان الأستاذ أحمد المبارك..

    الإعتذار لمن سقط سهواً، طالت المدة وأنا أحاول أن أجتر الذاكرة..
    قولو ماشاء الله..أنا ذاتي إتوهمت.. هههه

    للتكرار..

    (عدل بواسطة mohamed hussein on 25-08-2011, 08:48 AM)

                   |Articles |News |مقالات |بيانات

25-08-2011, 12:54 PM

سامى عبد الوهاب مكى
<aسامى عبد الوهاب مكى
تاريخ التسجيل: 06-01-2005
مجموع المشاركات: 4971

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: mohamed hussein)

    Quote: ود الخليفة انا ما كبير؟ بس سامي حاسدني أشان لسه ما صلعت


    كدي كدي حلاتي يا ناس..يا أخي إنت شوية كدا وكان ممكن يعملو ليك هرم ويسموك المر عنخ أمون وينسبوك للأسرة 25

    يا ود الخليفة المر دا مشى الهند وغاندي كان لسة شغال محامي شاب في جنوب افريقيا..
                   |Articles |News |مقالات |بيانات

27-08-2011, 10:50 AM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)


    أروع ما كان يـميّز الأهليّة
    الـجّـمعيّة الأدبيّة
    وقد أبرزت مواهب عديدة فـي :-
    الشّعر ، الغناء ، العزف ، التـمثيل ، التّلاوة إلـخ ...

    صورة وصلتنـي من الأخ الـمبدع وليد عبد الـحميد
    والذي تشاركت معه العديد من الأنشطة وقتها


    طارق بدر الدّيـن مغنّياً
    وليد علـى الطّبلة
    ومـحمّد حسن مـحمّد سعيد ( بيبو ) علـى البُنقُز
                   |Articles |News |مقالات |بيانات

27-08-2011, 12:51 PM

sumah
<asumah
تاريخ التسجيل: 27-08-2002
مجموع المشاركات: 1737

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: لؤى)

    ***
    **
    *

    ازيكم يا ناس هوى
    داخل عليكم .. توش

    يا ود الخليفه
    و الذين معه

    IMG_6428.JPG Hosting at Sudaneseonline.com


    لافتة جميلة من لافتات الزمن ده


    *
    **
    ***
                   |Articles |News |مقالات |بيانات

28-08-2011, 00:25 AM

دبس
<aدبس
تاريخ التسجيل: 07-01-2008
مجموع المشاركات: 1215

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: sumah)

    الاعزاء ود الخليفة ة المتداخلين الاشاوس
    تحية امدرمانية اهلية
    روعة
    Quote: وليد دنجل (لو شفتو في اي مكان في العالم حا تعرفو بالجد بشبه دنجل بتاع ميكي اعتقد انه رجل اعمال الان )

    ضحكتنى يا ود الخليفة
    وليد بشرى عثمان
    دنجل بشكة ملك العضة

    طبعا الصورة الفيها طارق و وليد وبيبو كلس

    ديل دفعتى و من سوار الدهب
    82 /84
    هاشم دبذ
                   |Articles |News |مقالات |بيانات

28-08-2011, 01:08 PM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: دبس)

    Quote:
    طبعا الصورة الفيها طارق و وليد وبيبو كلس

    ديل دفعتى و من سوار الدهب
    82 /84
    هاشم دبذ

    دبس
    سلامات

    بالفعل
    ديل شباب سوار 82-84
    وطارق كان بيغنّـي فـي أُغنية مـحمّد منيـر
    ( الكون كُلّه بيدور )






    تـحاياي
                   |Articles |News |مقالات |بيانات

28-08-2011, 01:22 PM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: ود الخليفه)


    صورة نادرة أُخرى وصلتنـي من الأخ الصّديق وليد عبد الـحميد
    والذي يتابع البوست من كندا
    ومشكور يا وليد علـى الإتّصال


    أداء لأُغنية ( مستحيل عن حُبّك أميل )
    مـحمّد حسن مـحمّد سعيد ( بيبو ) مغنّياً
    وليد عبد الـحميد علـى البُنقُز
    حسن عمر الشّيخ علـى الطّبلة
    عبد الله كيلو ( كورَس )
    حسن يوسف ( كورَس )
    مـحمّد عوض ( كورَس )
                   |Articles |News |مقالات |بيانات

28-08-2011, 01:59 PM

Osama Mohammed
<aOsama Mohammed
تاريخ التسجيل: 02-04-2008
مجموع المشاركات: 4132

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: لؤى)

    Quote: ضحكتنى يا ود الخليفة
    وليد بشرى عثمان
    دنجل بشكة ملك العضة


    يا ابو دبز (هاشم دبز)
    طبعا الراجل ما جارك وكدة فانت بتعرفو اكتر مننا....
    وبرضو عمه استاذ احمد صديق لا ادري ما هي اخباره ولكن اذكر انني قابلته في المدينة المنورة عام 2002 تقريبا....

    ود الخليفة (صاحب البوست) معليش انا برضو ود خليفة ودبز ده ود حلتي ووليد بشرى برضو وفي لالحلة هناك كاهم بنادوني بي ود الخليفة دي...

    ان شاء الله تكون قابلت استاذ محمد المدني ووصلت السلام يا ود الخليفة؟

    اجمل حاجة كان فصلنا سوار الدهب به افضل لاعبي كرة قدم في ذلك الحين فتم تكوين فريق ولكنه انقسم كالعادة وكان الفريق الاول بقيادة محمد كمال(كلام) وشيطون ومحمد مدثر الريح واحمد كمال اخ محمد كمال ويسمى الاصدقاء والفريق التاني بقيادة حسن حداد ومحمد عزمي ويوسف سيدوحسن صلاح ووليد بشرى وسامي سوركتي ويسمى الاتحاد واعتقد انهما اندمجا مرة اخري بعد فترة (عدة سنوات) وانضم اللعيبة الى فريق الهونفيد (رابطة السيد المكي). تخيل فصل واحد يطلعو منو فريقين؟ وفريقين قويين وكانت المنافسة والحق يقال شرسة لابعد الحدود. غايتو نفضتو الرفوف بتاعت المخيخ وطلعتو الغبار العالق كلو...
                   |Articles |News |مقالات |بيانات

28-08-2011, 08:29 PM

دبس
<aدبس
تاريخ التسجيل: 07-01-2008
مجموع المشاركات: 1215

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: Osama Mohammed)

    لوى سلامات ركز مع وليد عبد الحميد ابو ......
    دا زخيرة وتاريخ كل امدرمان
    هو وليد ماعندو عضوية هنا خلينا نعمل ليهو مع اخونا بكور صاحب الدار

    اسامة ود الخليفة السراق سلام شديد وما تمشوا بعيد بالسرقة سراق كورة ولعاب

    لوي

    ما حسن يوسف
    حسن ابو القاسم ود الاستاذ
    وللمعلومية الفى الصورة دى كلهم ناس الكنبة الطيش خالص زانا معاهم طبعا
    ونفس الشى مجلودين يومى بسبب وليد عبدالحميد وعادل بكري وصلاح ابو كبة
    ونعووووود
                   |Articles |News |مقالات |بيانات

02-09-2011, 01:33 AM

mohamed hussein
<amohamed hussein
تاريخ التسجيل: 03-11-2009
مجموع المشاركات: 253

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: دبس)

    دبذ يا جلك، طبعاً الإسم ما بكون وقع ليك، بس ساعدونا برفع البوست حتى تسهل المتابعة.. وبجيكم صادي
    وكل عام والجميع بخير...
                   |Articles |News |مقالات |بيانات

02-09-2011, 04:37 AM

دبس
<aدبس
تاريخ التسجيل: 07-01-2008
مجموع المشاركات: 1215

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: mohamed hussein)

    اها

    هوووووووووووووووووووووبا

    ارفع

    دى با اخر نفس

    ونعووووود
                   |Articles |News |مقالات |بيانات

02-09-2011, 03:39 PM

Osama Mohammed
<aOsama Mohammed
تاريخ التسجيل: 02-04-2008
مجموع المشاركات: 4132

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: دبس)

    Quote: اسامة ود الخليفة السراق سلام شديد وما تمشوا بعيد بالسرقة سراق كورة ولعاب


    دبز كل سنة وانت طيب والاسرة جميعا بخير وصحة وعافية.
    كويس انك وضحته السرقة في شنو ... خلى بالك ناس سودانيز اونلاين ديل كل زول بقرأ على كيفو ...
    ورجعتنا لي ايام ( وراء الجامع ووتش الدين وكابوس وكمونية وحسن لولو وادريس ومحمود ومروان الحاج وعمر وزهير حلاوة واولاد معتصم مصباح وحسن واحمد وجمال وعماد عمر واولاد الهجانة وابشلوفة (اللول) ) ايام يا دبز...

    لكن باقي ليك لو ما كان سرقنا في الكورة كنا لقينا فرصة نلعب مع الفطحالة الفوق ديل؟

    ان شاء يا ود الخليفة - سيد البوست - تكون وصلت سلامنا لاستاذ ود المكي !!

    اسامة
                   |Articles |News |مقالات |بيانات

07-09-2011, 12:23 PM

محمد ميرغني خليفة

تاريخ التسجيل: 18-10-2010
مجموع المشاركات: 80

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: Osama Mohammed)

    احلي الذكريات وسقاها الله من ايام ....
    طابور الصباح وصوت الضفّارات وهي تطقطق كاسرة الصمت الرهيب تسابق عود خيزران استاذ عبدالمنعم ذلك العود المنزوع من ظهر احد
    الكراسي المكومة جوار باركينق الدراجات ...
    اذكر تماما يومنا الاول بالمدرسة الاهلية حيث اتينا وكل واحد منا يحمل كرسيه علي رأسه ولم ننسي ان نكتب أسماءنا عليها
    حتي لا تسرق ... وكان استاذ احمد المبارك مرشدا لفصلنا اولي عبد المنعم في العام 1983 ...
    من اولاد دفعتي ياسر عبد الرحمن صبير وصبري عمر محمد عبده والفاضل محمد الفاضل اسحق شداد وحاجب مساعد و انور عبد الرحمن
    وخالد احمد دفع الله الفيل ومعتز عبدالله سيد مكي واحمد ابراهيم الدابي واحمد عبدالمجيد النور شكاك و الريح محمد احمد الريح
    السنهوري وعوض ياسين الجعلي ومروان محمد عابدين داؤود وهيثم عمر محمد عبده و ناجي ويعقوب مامون كبيدة وحسن عباس حسن ياسين
    ووليد مصطفي ومحمد الحافظ الصادق صديق وطلب عثمان طلب وياسر ميرغني اسماعيل وميرغني العب ... ديل كانو معاي في عبدالمنعم
    اما ناس سوار بتذكر منهم النور مصطفي ومالك كمال ومحمد فيصل مبارك وطارق المدني ومحمد مدثر وجعفر عبدالخير
    ومن نور بتذكر كمال فنجالي ومحمد عمر قيلي ومصطفي مكرم
    ومن عمر المرحوم احمد ميرغني عمر ونزار عزالدين
    الله يطراهم جميعا بالخير
    وان شاء الله لي عودة
    وشكرا يا ودالخليفة علي فتح هذه النافذة
                   |Articles |News |مقالات |بيانات

08-09-2011, 01:42 PM

ود الخليفه
<aود الخليفه
تاريخ التسجيل: 21-07-2002
مجموع المشاركات: 3178

للتواصل معنا

FaceBook
تويتر Twitter
YouTube


Re: الاهلية المتوسطة امدرمان (Re: محمد ميرغني خليفة)

    الاخوه الكرام

    محمد حسين

    وسمعه


    دبس

    ومحمد ميرغني


    في انتظاركم لمزيد من التداعي والذكريات


    في بداية التسعينات وفي اول جمعية ادبية للصف الاول عبد المنعم كانت احد مشاركاتي قصيده من تاليف اخي محمد ميرغني

    وفورا شجعني الاستاذ الرشيد القاضي بمبلغ خمسين جنيه استلمتها فور نزولي من المسرح

    وخمسين جنيه مبلغ كبير جدا يكفيني لمدة 10 يوم مصاريف مدرسه ( موش قرينا بالبناطلين؟)

    وقد تقاسمت مع اخي محمد ذلك المبلغ احتفاظا بحقه الادبي واعتقد انه اول واخر مبلغ يناله نظير كتاباته الشعريه
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de