|
Re: رغم المعاناة .. بورداب الخرطوم يتألقون فى افطارهم الاول ( صور ..صو (Re: ذواليد سليمان مصطفى)
|
كل سنة وانتو طيبيين .. ورمضان كريم علي الكل
كان فطور اروع من رائع ولمتنا كانت حلوة ..
الصورة دي بداية التجهيزات ..
الصحانة الملونة دي حقت انور التكينة جاب قلاش مبالغ فيه وكمية محترمة يا حليلا المدام اظنها شغالة من الدقش ...
العمود الملون دا حق مزمل خيري .. اللحمة المحمرة الما خمج والكباب اشي اشي ...
وموية الصحة الهناك دي جابا منجي ان شاء الله يتعلي ما يدلى ... لانو موية بيت الفنون كانت طين شديد اظن النيل قريب منهم وموية الايام دي عكرانة ...
اما دكتور والي الدين الفكي معودنا على الجداد الما خمج ...
المياه الغازية تم توزيعها على الترابيز لكن العصائر الطبيعية كانت في الترابيز الوراء دي مع الكبابي
اها معتصم محمد صالح .. جاب الكبابي بالكتير وكمان كمية بتاعت عصاير لمن مرقنا خليناها في ...
اما محمد عادل فطاير من البيت السوري مبالغة ..
كل الاعضاء كانوا جايين محملين الاعمدة والحلل وخاصة عمر صديق وكان كل همهم الوصية المتفق عليها يا انعام والله حاجاتي ما بعرفا بعدين لميها لي عشان موصننا عليها
العوض المسلمي لقيتو خطير شديد وحريف
وكلهم لموا اعمدتهم وصحانتهم وفوطوها وودوها عرباتهم حتى جوا قعدوا للونسة ههههههههههههههههه
واخطر زول في لمة العدة حقتو كان انور التكينة فوط ليك الصحانة وظبتها تمام
غايتو نحن تربزتنا كانت طربيزة العاملين عليها كانت مجيهة شديد بدليل الجدادة المكرفسة هههههه
فعلا فقدنا ناس كتار ما جوا ولكن نتمنى الفطور الجاي يشرفونا ..
مودتي للكل
وحقيقة سعدت جدا باللمة رغم التعب البعد الفطور داك هههههههه
| |
|
|
|
|
|
|
Re: رغم المعاناة .. بورداب الخرطوم يتألقون فى افطارهم الاول ( صور ..صو (Re: انور التكينة)
|
Quote: * المارينز دينق : لولا خوفى من انحراف البوست لالقمتك بما لم تسمعه من علاء الدين يوسف . |
الإنتهازي أنور التكينة.
بلاش تهديدات معاك في الفارغة.
بالمناسبة.
أنا مراقبك كويس منذ أن رجعت للسودان.
مراقبك وراصد تحركاتك منذ ان بدأت تحاول أن تلعب لك دور أكبر من حجمك وسط بوارداب الداخل. أنت منذ أن رجعت للسودان بدائت تقوم بعملية تصوير (بكاميرتك البمبية الستاتية) تجمعات بورداب الداخل والأسراع بفتح بوستات قبل أي شخص أخر محاولا أحتكار بوستات بورداب الخرطوم لك أنت فقط. أحسن تروق في علبك وتعرف حجمك الطبيعي وبلاش إنتهازية وتملق معاك.
الدور الذي تحاول أن تقوم به مرصود.
| |
|
|
|
|
|
|
Re: رغم المعاناة .. بورداب الخرطوم يتألقون فى افطارهم الاول ( صور ..صو (Re: انور التكينة)
|
Quote: المصورين ديل أنصار سنة ولا شنو ؟؟!!
الفقرة الترفيهية والغنائية كانت أكتر من ساعتين تقريبا ورغم كدة ما شايف ولا صورة منها !!
فالحين لي بس في صور العضة والتقلية والبطيخ !!! |
بالغت فيها يا نازر
بمناسبة الصور وين صور الزول الراقي محمد عكاشة ؟
ما كان حاضر الافطار ولا تم تجاهله كما تم تجاهل الفقرة الترفيهية ؟
سي سي من السؤال للأستاذ / انور التكينة مع التحية
| |
|
|
|
|
|
|
Re: رغم المعاناة .. بورداب الخرطوم يتألقون فى افطارهم الاول ( صور ..صو (Re: البشير دفع الله)
|
يا التكينة العفو ياخ وما اردت ان تتحول القصة الي مناكفات بقدر ما اردتها مداعبات فلك العتبي رغم انني لم اري في افطارنا اي معاناة وان كنت تريد ان تشير للوضع المعيشي بالسودان فان هذا موضوع اخر وليس مكانه هنا لان المجال هنا اجتماعي واخوي بعيدا عن مناكفات السياسة
--------------------------------------------------
ويادينق بالله خفف العيار شوية اخوما التكينة دا ما معانا وهو زعيم اتحادي يعني اقرب للمناضلين
| |
|
|
|
|
|
|
Re: رغم المعاناة .. بورداب الخرطوم يتألقون فى افطارهم الاول ( صور ..صو (Re: منتصر الامين)
|
من اروع الفقرات وا لم ينشر بعد ( كصور )
قصائد عمــار كم استمتعت بها والرجل يكتب الشعر بمستوى رفيع
كذلك كان الالقاء ؟؟؟ لماذا لا تهتم بهذا الكائن يا كائن ؟؟؟
كما غنت عبير خيرى اطربت وأمتعت وهى النى غنت فى أول لمة للبورداب
بالداخل ؟؟؟ هذا حسب ما اوردته حبوباتنا بالمنبر ؟؟؟؟!!!!!
والاروع ابو النز ود الخليفة رسم على العود بشكل مدهش ؟؟؟
الاستمارة التى وزعتها البوردابية الجديدة معزة مصطفى عبارة عن استبيان لرسالة ما جستير عن سودانيز اون لاين ... كلام وكلام ونعود
| |
|
|
|
|
|
|
Re: رغم المعاناة .. بورداب الخرطوم يتألقون فى افطارهم الاول ( صور ..صو (Re: عبدالدين سلامه)
|
Quote: وكان اتصال اخونا الشاذلي خيري من جوبا مسجلا حضورا ابلغ الاثر في نفوسنا .. |
يشهد الله افتقدتكم ..
كل سنة وانتو طيبين وتامين ولامين ..
ربنا يفتحا عليكم يا احباب ويبارك فى رمضانكم ..
لمتكم تشرح النفس والله .. وياريت لو كنا معاكم وينوبنا جزء من ثواب افطار صايم على الاقل بمناولة كباية موية .. بختكم والله يا شيخ العوض .. وربنا يثبت الاجر ليكم كلكم ..
Quote: ولكننا افتقدنا اخوة اعزاء غابو هذة المرة .. تبلدينا ، ناجى الملك ، وائل فحل ، فادية اليمنى ، السيد المسلمى ، عمنا وهبة بقال ، داليا كباشى ، علاء الدين يوسف ، ياسر بيناوى ، خالد بحر اتمنى ان يكونو بخير .! |
شنو يا ود امى وابوى !!!
ماتفتقدنى يا مزمل ياخ
كل سنة وانت طيب يا حبيب وينعاد عليك مع الافتقدتهم بكل الخير ..
| |
|
|
|
|
|
|
Re: رغم المعاناة .. بورداب الخرطوم يتألقون فى افطارهم الاول ( صور ..صو (Re: الشاذلى خيرى عبد الله)
|
شكرا جزيلا بورداب الخرطوم سعدت كثيرا بحفاوة الاستقبال و كرم الضيافة و فعلا التقيناكم عبر الاسافير ووجدناكم في الواقع اجمل كجمال السودان و اهله كانت ليلة جميلة و نشاط منقطع النظير و بالاخص أخونا سفيان نابري و علاء الدين حيمورة وناذر الخليفة و الاخت النحلة انعام حيمورة والتي كانت كأم العروس والاخوات عفاف ابو كشوة و تيسير النوراني و كثيرون و ابداعات الاخ عمار محمد ادم الشعرية " تحية لكل الحضور و من جالسناهم و تجاذبنا معهم اطراف الحديث و شكر خاص للاخ ناذر الخليفه رغم مشغولياته و ايضا شكر خاص لابن العم خالد عويس الذي "خدعني" وأوصلني الي امام منزلي رغم ارتباطه بمواعيد
شكرا لكم جميعا
| |
|
|
|
|
|
|
Re: رغم المعاناة .. بورداب الخرطوم يتألقون فى افطارهم الاول ( صور ..صو (Re: فيصل الباقر)
|
رمضان كريم كل بودراب الخرطوم الرائعيين
حقيقه اعجز عن التعبير بسعادتى بلقياكم رغم وصولنا والاخ د. كبار بعد الافطار وسعدت بمشاركتكم بقية الامسيه الرائعه
رغم ارتباطنا مسبقا لزياره اقارب خارج الخرطوم اتينا وكنتم كما كان المنى
كان العشم ان تطول الجلسه معكم وان نتعرف اكثر بكل الاخوه والاخوات وللجميع عذرى لمن لم يسعنا الوقت للتحدث
وسيظل انطباعنا الجميل بكم راسخ فى الوجدان وزاد لغربتنا...... انشاء الله فى المسرات دوما
ستظل حفاوة الاستقبال بالضيوف والزوق الرفيع فى التعامل بين اهل الدار رسخا وليس بغريب على اصالة من التقيناهم
لكم اسفى لتاخر مداخلتى ولكنى على سفر فى طريق العوده الى بلجيكا انشاء الله ولدى الكثير من الصور الرائعه
للسهره التى كانت ما بعد الافطار ترقبوها............
لكم جميعا الف تحيه وود
والشكر للاخ انور التكينه وكم تمنيت ان نلتقى والاخ سفيان لترحيبه والاخ ناذر لابداعه وللجميع
لكم التحيه والود والاحترام ونتمنى ان يدوم التواصل وتانى شكرا وشكرا وجلستكم كانت بعبق
اهل السودان وكرم اهله الذى تأصل فيكم وبكم...... ولا اقول الا ان القاكم دوما فى لمة خير والى لقاء.
| |
|
|
|
|
|
|
Re: رغم المعاناة .. بورداب الخرطوم يتألقون فى افطارهم الاول ( صور ..صو (Re: الطيب عثمان يوسف)
|
الف تحية واجمل سلام
لبورداب الزمن الجميل
رغم المعاناة انتم اجمل دائما
افتقدتكم وافتقدت لماتكم الجميل
وافتقدت في افطاركم هذا
السيد المسلمي
ياسر بيناوي
خالد بحر
ناجي الملك
عبد الوهاب الحاج
الشاذلي خيري
ابراهيم بقال السراج
انعام عبد الحفيظ
ميادة كمال
مني ومنال خوجلي
فادية اليمني
صفية محمد
فيصل الرشيد
علاء الدين يوسف
اسماعيل حميم
والكثيرين.....
اين هم....اتمني ان نراهم في الافطار القادم
ولعل مانع حضورهم خير .
وايضا....
افتقدنا ممثل بورداب الدوحة الاخ بكري عباس واسرته الكريمة
اما المكان الذي كان خاليا ولن يستطيع احد ملؤه.....
مكان الدكتورة الشقيقة داليا الكباشي
تحياتي للجميع ودايما تامين ولامين
| |
|
|
|
|
|
|
|