|
|
 شالوا الفاتحة في المطار
|
كنت حريصا ان أصل مطار الملك خالد الدولي بالرياض قبل موعد حضور الطائرة بساعة لاستقبال احد افراد الأسرة وكعادتي احاول ان اختار احد من المنتظرين للدردشة وقتل الوقت الطويل وكسب معارف جديدة عشان معرفة الرجال والنساء كنز.
المهم صاحب الحظ السعيد كان واحد شاب بجواري لابس جلابية سمنية نضيفة ومشنق الطاقية... وكمدخل ومناورة قلت ليهو .. الطيارة دي بتتأخر ولا جاية في مواعيدها ؟؟؟
والظاهر انو هو كمان كان زهجان من القعدة الطويلة.. وكانت دي ضربة البداية...
قا لوا بيجي بعد ساعة.. وأنا كمان بتي ومرتي جايين وعندنا واحدولد عمنا غايتو عمل لينا تخفيض في التذكرة وحجز في نفس اليوم و.......و.....
الراجل من لهجته طلع رطاني من عندنا .. وطبعا زي كل السودانيين بدأ معاي التحقيق المعهود وسؤال وراء سؤال الاخ من وين؟؟ الشمالية دا ماكبير انت من ياتو حتة؟؟ طيب في الخرطوم من ياتو حي ؟؟ شارع شنو؟؟ محطة كم؟؟
ياخي مش بيتكم قدامو شجرة نيم وتحتو مزيرة؟؟ وقدام منكم في واحد اسمه عم عمر ولده ضابط .. ياخي كمان عنده بت ماتت بالكهرباء قبل كم سنة.
لا يزال التحقيق مستمر وأسألة زي المطر ولكن قطع هذا السيل صوت هرج ومرج وعويل قادم من اتجاه بوبة خروج الركاب...
قمنا انا وصاحبي نشوف الحاصل شنو؟.. لقينا مرأة جاية من السودان على كرسي متحرك وقبل ماتطلع خطوة من بوابة الصالة هجموا عليها خمسة حريم مع راجلين واحضان وبكاء ونواح والمسكينة كانت تشاركهم بدموعها برغم ماكان يبدو عليها من ارهاق شديد والحريم عملن دائرة والمرة بي كرسيها بقت في النص .والراجلين ماشين وراء ويمسحو دموعهم بالعمة والخلق تتفرج من اجانب وسودانيين وكل دا قدام الباب وخروج باقي الواصلين بقى مربوط بي تحركهم. صاحبي قال لي ديل فعلا الرجال البلهاء.. أخ.. ماكنت القى لي .......؟؟
مهما كان الفقد كبير لا يصح ان تفعلوا هذا في المطار اهلي الكرام. كنتو تصلوا البيت وتسووا مناحتكم وخرافاتكم دي. ولا نحنا طول عمرنا حنكون كده؟ سزاجة وبلاهة وعفوية أكثر من اللازم . وهل كان من الضروري حضور كل هذه الجموع الغفيرة من النساء للمطاروالتعبير عن شعورهن أمام هذا الحشد الكبير من ابناء البلد والاجانب من خواجات وعرب ؟؟
أرحمونا ياخواننا وماتضحكوا علينا الشعوب
ان حالة الوعي والمدنية تنعدم تماما في اوساط بعض اهلنا وأي ثقافات خارجية مرفوضة اذا كانت سلبا أم ايجابا بالداخل أم الخارج . ولابد لنا أن نخرج من هذه الظلمة والعتمة التي نعيش فيها والتي هي من الاسباب التي دعت الكثيرين بنعتنا بأننا شعب متخلف.
لما ذا لا نتعلم من الاخرين ؟؟ كيف نغير في تقاليدنا و عاداتنا البالية والتي لا تتناسب مع تطور العصر الحديث !؟خاصة و نحن من أدهش العالم أجمع بصفاتنا الفريدة وتميزنا في شتى المجالات . لابد من تدارك وعلاج هذا الخلل
ولابد من تغيير نمط حياتنا الاجتماعي ، والدفع بعجلة التغيير الفكرية وترك التمسك بثقافة الاجداد بكل حزافيرها ، من أجل إذابة الكثير من الثقافات القديمةالتي باتت تعشعش في دواخلنا بصورة ابدية ...
|
|
  
|
|
|
|
|
|
|
|
Re: شالوا الفاتحة في المطار (Re: صالح عبده)
|
السلام عليكم أخي صالح عبده
فعلا هناك عادات سودانية يجب تغييرها
يمكن للناس أن يعبروا عن حزنهم أو فرحهم بطرق معقولة ومقبولة
وتعضيدا لما أوردته أخي صالح في هذا الخيط
فقد كنت في زيارة لأخ مريض بمستشفى جامعة الملك عبد العزيز بجدة
وتصادف أن توفي أحد السودانيين المنومين في المستشفى
فكان مشهد البكاء والنواح من جميع أهل الميت نساء ورجال
كأننا شعب لا نؤمن بقضاء الله وقدره
وكأننا لمن نعرف الموت من قبل
فوقف كل الحضور واجمين
ولم ينقذ الموقف إلا امرأة كبيرة السنة ويبدو أنها والدة المتوفى
فكانت تعاتب النساء والرجال في محاولة لردهم إلى رشدهم
| |
|
|
|
|
|
|
|
|
|
Re: شالوا الفاتحة في المطار (Re: جعفر محي الدين)
|
| Quote: سزاجة وبلاهة وعفوية أكثر من اللازم |
ألأخ/صالح السلام عليكم.
السذاجة معاك فيها يجب أن لانكون كذلك ولكن عفويتنا دى المميزانه.
عندما يوصفو شخص بالعفوية هل هذا شىء سلبى أم إيجابى؟
عمومآ العادات والتقاليد من الصعب تغييرها ولكن يمكن أن نكتسب ألأسلوب الراقى للتعامل به مع المجتمعات التى من حولنا.
تحياتى.
| |
|
|
|
|
|
|
|
|
|
Re: شالوا الفاتحة في المطار (Re: ismeil abbas)
|
Quote: السذاجة معاك فيها يجب أن لانكون كذلك ولكن عفويتنا دى المميزانه.
عندما يوصفو شخص بالعفوية هل هذا شىء سلبى أم إيجابى؟
|
اخي ismeil abbas
العفوية لاتصلح في كل الظروف
مرات العفوية دي بتودي في داهية
تحياتي
| |
|
|
|
|
|
|
|
|
|
Re: شالوا الفاتحة في المطار (Re: جعفر محي الدين)
|
اخي الكريم/ جعفر محي الدين
Quote: فقد كنت في زيارة لأخ مريض بمستشفى جامعة الملك عبد العزيز بجدة
وتصادف أن توفي أحد السودانيين المنومين في المستشفى
فكان مشهد البكاء والنواح من جميع أهل الميت نساء ورجال
كأننا شعب لا نؤمن بقضاء الله وقدره
وكأننا لمن نعرف الموت من قبل
فوقف كل الحضور واجمين
ولم ينقذ الموقف إلا امرأة كبيرة السنة ويبدو أنها والدة المتوفى
فكانت تعاتب النساء والرجال في محاولة لردهم إلى رشدهم
|
أخي الكريم / جعفر محي الدين
نهانا ديننا الحنيف عن اللطم وشق الجيوب وممارسة افعال الجاهلية
وهذا لايمنع ان نعبر عن حزننا لفراق الاحبة ولكن يجب اتباع الشرع
ومراعاة العرف
تحياتي
| |
|
|
|
|
|
|
|
|
|
Re: شالوا الفاتحة في المطار (Re: صالح عبده)
|
تعرف يا اخوي المشكلة غير السذاجة في حاجة اسمها الكجر و الكجر ده يعني الغلاط من اجل الغلاط الجدل البيزنطي زي هسه كلامك ده مفيد و الناس محتاجة لنشر وعي زي ده بس في ناس حيجو ينطو ليك لا لسبب سوا الكجر بس.
| |
|
|
|
|
|
|
|
|
|
Re: شالوا الفاتحة في المطار (Re: imad hassan)
|
| Quote: الناس محتاجة لنشر وعي زي ده بس في ناس حيجو ينطو ليك لا لسبب سوا الكجر بس |
أخوي
imad hassan
البكاجر يكاجر لي نفسه ولايمكن للباطل يوما ان ينقلب لي حق
ومع اننا لانشمل الكل ولكننا ماضون في ايصال رسالتنا
تحياتي
| |
|
|
|
|
|
|
|
|
|
Re: شالوا الفاتحة في المطار (Re: ابوحراز)
|
Quote: لنسمع في اليوم الثاني أن السيد الشهيد في أمان الله ورعايته
وقد أتى وهو يحمل معه كمية من قصب السكر لأطفال الحي !!!!
المشكلة لحد الان مارجعوا لينا قروش الكشف !!!!!
أكثر شيء مزعلني ومحرق روحي الكشف |
!!!!!!
ابوحراز
امانة في ذمتك انت جادي ام مزحلي؟
| |
|
|
|
|
|
|
|
|
|
Re: شالوا الفاتحة في المطار (Re: عبد اللطيف السيدح)
|
الله العظيم بكينا لحدت مخاخيتنا سالت
واتصلنا السودان عزينا الصيوان كلو رجال على نسوان
ورفعنا يدينا للفاتحة أكتر من 200 مرة
ودفعونا كشف محترم في المساء
والراجل اليوم التاني اتضح انه ما استشهد
بل أتى ليتفقد اهله ويرجع
كمان نزيدك من الشعر بيت قام عرس !!!
وكشفنا ذهب مع الريح !!!
ياخي السودان فيهو حاجات عجيبة جدا
قال يمزح قال
اها كان انت زعلان حول لينا قروش الكشف دي رصيد
على الرقم 00966507063205
وعليك أمان الله كان وصلتني تاني نهائي ما حا اجيب سيرة للشهيد !!
| |
|
|
|
|
|
|
|
|
|
Re: شالوا الفاتحة في المطار (Re: ابوحراز)
|
والله العظيم يا صالح لحدي نهاية البوست ده أنا كنت جادة
ودايرة أكتب ليك كلام يعبر عن البوست و الفيهو
لكن أبو حراز بالغ غايتو ضحكت لمن شرقت
Quote: وقد أتى وهو يحمل معه كمية من قصب السكر لأطفال الحي !!!!
المشكلة لحد الان مارجعوا لينا قروش الكشف !!!!!
أكثر شيء مزعلني ومحرق روحي الكشف !!!!!!
|
في الموضوع و إستلام البكيات
الأمر ده تسلمو لي أمي
وهي ستقوم به كما لن يفعل اي من أهل الميت
مرة زمان و نحن صغار ..جات ضيفة قريبة جيرانا
وأراد الله إنو تتوفي عندهم
فمشت أمي وإستلمت البكاء تماماً
ونحن وراها نجرجر في طرف توبها
وهي تبكي
وتتلفت علينا ونحن نقطع بكيتها بالسؤال المباغت
يا أمي هي بتبقي لينا؟؟
لي هسا بتضحك من القصة دي
| |
|
|
|
|
|
|
|
|
|
Re: شالوا الفاتحة في المطار (Re: توما)
|
Quote: والله العظيم يا صالح لحدي نهاية البوست ده أنا كنت جادة
ودايرة أكتب ليك كلام يعبر عن البوست و الفيهو
|
توما
الحقيقة ياتوما كنا عايزين نسمع رأيك خاصة وان الموضوع يخص
النساء وانتي المرأة الوحيدة التي علقت على البوست ونحن في
انتظار رأيك. وابو حراز الله يعوضه في قروشه
| |
|
|
|
|
|
|
|
|
|
Re: شالوا الفاتحة في المطار (Re: صالح عبده)
|
أخي العزيز / صالح عبده
تحياتي ورمضان كريم ،
فعلاً أخي فإن كثيراً من عاداتنا تحتاج لكثير من
المراجعة والإحلال والابدال والتحديث - إن صح التعبير ،
وأحسب أن جمعيات التراث والثقافة العديدة والتي
ينضوي تحت لوائها المئات ، إن لم يكن الآلاف من الأجيال
الناشئة ، والمنشرة في ربوع السعودية مثلاً ، عليها مهمة
اعادة الصياغة أو التعديل لكثير من ممارساتنا وعاداتنا
والتي لا تتواءم مع طبيعة العصر ، ولا تتواكب مع المستجدات
في عالم اليوم . ولن يتأتى ذلك إلا بتضافر الجهود بين
القائمين والمشرفين على تلك الجمعيات والجهات الأخرى ذات
العلاقة ، سواء داخل أو خارج الوطن .
ولعلك توافقني الرأي ، أخي صالح ، أننا ، ومن منطلق إنتمائنا
واهتمامنا بتلك الجمعيات والتي تعج بها رياض الخير هذه ،
مقصرون كثيراً في ذلك الجانب .. وأعني به جانب التطرق لبعض
تلك العادات وإبراز الجوانب المشرقة فيها وحث النشئ على
التمسك بها والعض عليها بالنواجذ ، مع توضيح السالب منها
أو الذي عفا عليه الزمن ، حتى تكون ضربة البداية لتعديل
أو إزاحة أو إلغاء تلك العادات من لدن شباب وشابات الجمعيات
أنفسهم .. لأن مشوار الميل يبدأ بخطوة واحدة ، كما يقولون .
وكثيراً ما تطرقت بعض المسرحيات والتمثيليات والمسلسلات
التلفزيونية والاذاعية لمثل هذه العادات والتي تحتاج
لبعض التحديث أو التحوير ، والبعض الآخر منها يحتاج للحذف
والإلغاء من سجل عاداتنا الموروثة ؟! ولكننا في العادة
لا نكترث لتلك التمثيليات كثيراً ، بل نحسبها نوع من الترفيه
والكوميديا وتزجية الوقت ، فيما لا طائل من ورائه ؟!
| Quote: أكثر شيء مزعلني ومحرق روحي الكشف !!!!!! |
أخي أبو حراز .. أضحك الله سنك مثلما أضحكتنا في هذا الصباح ،
ومعليش يا أخي .. الجاتك في (كشفك) سامحتك . تعيش وتدفع غيرو ؟!
مودتي ،
( ليمو )
| |
|
|
|
|
|
|
|
|
|
Re: شالوا الفاتحة في المطار (Re: صالح عبده)
|
الاخ صالح عيدك مبارك
القصة طويله وانت رئيس رابطة تراثية حقو تستغل الرابطة دي لتغيير ما لابد من تغييره
سمعت عن واحده الحبوبات تنومت بالتخصصي الرياض
بعد الكثير من المحاولات والوساطات
وانت تعلم حجم التخصصي ومكانته الطبيه والعلمية
لكن
تسبب الزوار المرابطين في الصالات باخراجها فورا
حفاظا علي روح المستشفي
1- الذهاب للصلاة بالعراقي الخفيف
2- الجلوس ( متربعين) أمام محلات الملابس في شارع غبيرا
3-كفاك ياصلاح عشان خاطر الصيام
| |
|
|
|
|
|
|
|
|
|
Re: شالوا الفاتحة في المطار (Re: علي الكرار هاشم)
|
Quote:
الاخ صالح عيدك مبارك
القصة طويله وانت رئيس رابطة تراثية حقو تستغل الرابطة دي لتغيير ما لابد من تغييره
سمعت عن واحده الحبوبات تنومت بالتخصصي الرياض
بعد الكثير من المحاولات والوساطات
وانت تعلم حجم التخصصي ومكانته الطبيه والعلمية
لكن
تسبب الزوار المرابطين في الصالات باخراجها فورا
حفاظا علي روح المستشفي
1- الذهاب للصلاة بالعراقي الخفيف
2- الجلوس ( متربعين) أمام محلات الملابس في شارع غبيرا
3-كفاك ياصلاح عشان خاطر الصيام
|
اخي علي الكرار هاشم
اسعد الله ايامك وكل عام وانت والاهل بخير
بالنسبة للجانب الصحي عندنا فهو يكاد ينعدم حتى في اوساط المتعلمين
وعلى سبيل المثال انظر الي مطاعمنا.
| |
|
|
|
|
|
|
|
|
|
Re: شالوا الفاتحة في المطار (Re: صالح عبده)
|
صالح عبدو عشرة مباركة
Quote:
شالوا الفاتحة في المطار
|
ياخ أحنا أغرب شعب في العالم
فاتحة وزفة في المطار
15 مودع لكل مسافر و 7 مستقبلين لكل واصل....
عقد وزغاريد في قلب الحي الدبلوماسي كل خميس؟؟؟
تعرف قبل سنوات واحد قريبك كان مسفر أسرته للسودان نهائي (بعد سنة رجعوا السعودية نهائي)،،، ذهبنا للمطار لوداعهم بحكم الجيرة والصداقة.
أكتشفت أن كل من حضر حفل الوداع في آخر ويك إند كان بالمطار بكامل أسرته للوداع...
المهم بعد قيام الطائرة أحصيت في طريق العودة ما يقارب الـ 20 سيارة عائدة بالمودعين....
طبعاً ما عاوز أوصف ليك كمية الزحمة والأطفال والإزعاج شي بيلعب في السلالم المتحركة طالع نازل ورضع يحبون وسط الصالة وسندوتشات وحلويات وعلب عصاير وووووو
ما عارف حفل الوداع كان لزومو شنو؟
غايتو جنس غايتو......
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: شالوا الفاتحة في المطار (Re: Al-Shaygi)
|
Quote:
تعرف قبل سنوات واحد قريبك كان مسفر أسرته للسودان نهائي (بعد سنة رجعوا السعودية نهائي)،،، ذهبنا للمطار لوداعهم بحكم الجيرة والصداقة.
أكتشفت أن كل من حضر حفل الوداع في آخر ويك إند كان بالمطار بكامل أسرته للوداع...
المهم بعد قيام الطائرة أحصيت في طريق العودة ما يقارب الـ 20 سيارة عائدة بالمودعين....
طبعاً ما عاوز أوصف ليك كمية الزحمة والأطفال والإزعاج شي بيلعب في السلالم المتحركة طالع نازل ورضع يحبون وسط الصالة وسندوتشات وحلويات وعلب عصاير وووووو
|
الشايقي
كل سنة وانت طيب
من المفترض كان يتم الوداع يوم الاحتفال بدل مايعملوا حولية في المطار
ازعاج وضياع زمن وقلة فهم
| |
|
|
|
|
|
|
|
|
|
Re: شالوا الفاتحة في المطار (Re: صالح عبده)
|
تتنازلوا عن عاداتكم وتقاليدكم وثقافتكم المحلية وتخجلوا منها تتضاروا ...
يسعودوكم ويخلجنوكم كسوادنة ما تسووا ... تقعدوا تقولوا واي يا الهوية واحي يا الحضارة ...
رجعوا للزول قروش الكشف ... كلكم ابطال الفيلم الهندي بتاع الشهيد دا ...
... المهم .....
| |
|
|
|
|
|
|
|
|
|
Re: شالوا الفاتحة في المطار (Re: تبارك شيخ الدين جبريل)
|
Quote:
تتنازلوا عن عاداتكم وتقاليدكم وثقافتكم المحلية وتخجلوا منها تتضاروا ...
يسعودوكم ويخلجنوكم كسوادنة ما تسووا ... تقعدوا تقولوا واي يا الهوية واحي يا الحضارة ...
رجعوا للزول قروش الكشف ... كلكم ابطال الفيلم الهندي بتاع الشهيد دا ...
|
تبارك شيخ الدين جبريل
قلت شنو؟
| |
|
|
|
|
|
|
|
|
|
Re: شالوا الفاتحة في المطار (Re: صالح عبده)
|
ما هو ما ممكن تجئ يوم السفر لابس ليك جلابية مبقعة
وزرايرك مفتحة وهمك كلو ان تعدي بدون ماتدفع وزن
وفي السودان مايجمركوا عفش . طيب وايه فايدة التجارة
والعفش وانت شكلك مقرف
| |
|
|
|
|
|
|
| |
صالح عبده
جعفر محي الدين
ismeil abbas
imad hassan
ابوحراز
عبد اللطيف السيدح
توما
abdulhalim altilib
علي الكرار هاشم
Al-Shaygi
تبارك شيخ الدين جبريل
فيس بوك
تويتر
انستقرام
يوتيوب
بنتيريست