ومن الحب ما قتل .......

Quote: يا عماد والله إتداخلت معاك قبل كده لكن مشي وين ماعارف

ومسحت المداخلة قبل إتمامها . علشان كده يا أخوي أي حاجة في جكس دي تكتبها هناك في المكتب أو بعد نوم المدام يعني الساعة واحدة صباحاً كده .

Quote: لا يعرفه إلا من أكتوي بناره وسهر الليالي الطوال

في دي معاك حق غايتو أنا ساهرت ليك جنس سهر ، نجمة نجمة الليل نعدو . ما خليت لي نجمة كده ما عديتها، هسه حفاظ عدد النجوم .

Quote: خاصة لو كما اخد ليهو شاكوش حار كده

غايتو دي يا هشومة ما شفتها خالص أصلي كنت دائماً بناور من بعيد لي بعيد ، وبعد ما الصيدة تقع في الشبكة بعدين بمشي أفكها بس قبل كده بلز ليك أصحابي وبزوق .

Quote: لكن اليومين ديل ما اظن في حب حقيقي

يا هاشم ما تطفش مننا الجكس ساكت هسه يسمعوا كلامك ده يقولوا أها كل الشباب ديل كده . يعني منو دي ح تطير مني ح تطير بكلامك ده غايتو أنت وأبو قصي منكم لله .

Quote: وربنا يتغمدهم بوافر رحمته

الانتحار ده يا هشومة كفر والعياذ بالله ، والبموت كافر بيخلد في النار . بس برضو ربنا رحمة واسعة .