|
|
 ما فيش حاجة تجيي كدا ..إهدأ حبيبي كدا ..
|
إهداء الى صديقي ناذر الخليفة
في غفلة مني
ذهبت لازور حبيبي فوجدته مريضا
جالسا في سريره
سلمت عليه وجلست
اختلست نظرة إليه
وبحديث لبق قال لي
أعاني من الحمى والصداع منذ يومين
لقد انطفأت أنواري
احذر أن تلمسني
-كمال ترباس-
********
انظر إليه واستغرق في الضحك
اذهب ثم أعود إليه مرة أخرى
لا اعتقد أن من هو مثلي
من فرت غزلانه يستطيع الحصول عليه
- خلف الله حمد
*********
حبيبي اقترب مني وانظر الي
اقترب آه ونصف آه
إن الأمور لا تتم بهذه الطريقة
اهدأ قليلا يا حبيبي
وعد كما كنت من قبل
هذا الأمر أصبح مزعجا
أنت تستغل كوني طيبة
وقد تحملتك لعدة سنوات
-النص الاصلي نانسي عجرم-
حبيبي أرب بص وبص بص
زعلان ازعل ازعل نص نص
ما فيش حاجة تجي كدا إهدأ حبيبي كدا
وارجع زي زمان
********
مر عامان ولم اقصد مزرعتي
تايه أطارد الجميلة
حتى اضعت جوادي
انظر..الى ذلك الغزال وهو راتع على خور الريهد
اشتكيك لله خالق الكون الذي أبدع عينيك
أبي الشيخ رجل دجال نصاب
خدعني واستولى على أموالي
دخنني بالبخور وسقاني (عصير الكتابة)
لو إن هناك سورة في القران بعد السور الخواتم
لن تفلح في أن تجمعني (بأم زين) مرة أخرى
النص الاصلي
توا لي حولين
زرعي ما جيتا
ضهبان ورا ام زين
جوادي خليتا
شوف غزال القوز فوق الرهيد يرتع
بشكيك لرب الكون الفي العيون ابدع
أبا الفقير قلاع
كمل قريشاتي
دخني بالبخرات
محايتا شربني
لو في الكتاب مكتوب بعد الخواتم شيء
تاني درب ام زين ودربي ما بمشي
|
|
 
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
إنني أعفو عنك
إنني راضية عليك
فقط افعل ما يرضيني
إذا كنت تسافر لأجل علاجي
فأنني أجد في وجودك إلى جانبي الشفاء
إذا كنت تسافر لأجل أن تتزوج
فان مخازن وحظائر والدك ممتلئة بالحيوانات
أخشى أن تعود وتجد هذا المنزل فارغا
حينها لن تجد أما بديلة
حينها لن تنفعك أموالك ولن تجلب لك أما أخرى....
- أغنية شايقية-
***********
لماذا قبضوا علي
لماذا أتوا بي إلى هذا المكان
ماذا يريدونني أن افعل؟؟
لم ارتكب أية حماقة.
فقط كنت أتجول بين الأشجار
كما هي عادتي كل يوم
يبدو إن الأمر خطير جدا هذه المرة
يا الهي لم أرى مثل هذا الأمر من قبل.
- النور الجيلاني-
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
تعجبني تلك الصداقة بين سامية وسمية
سمية اشترت سيارة جديدة
كنت أنها (بيجو)
ولكنني إكتشفت (ركشة بيجية اللون)
-فاطمة الجعلي-
********
سجل الحب باسمي
سجل باسمي سياراتك
جل باسمي عقاراتك
سجل باسمي مجوهرات والدتك
أتمنى أن تذهب إلى الجحيم
-فنانة مجهولة-
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
يازول مالك فكيت دربك
المادة دى عندها ناسها
اسى بجوك..بضربة واحدة
برجعوك فاطمة نقر....
كدى شوف النص دا
اعيد
قراءة
قصائدى
القديمة
على سلالم
الحروف...
درويش
انا
فى حضرة
الشيوخ...
اكذوبة
اكتبها
كرزاز
,,المطر,,
الجميل...
مجون
الشعر
فى دنيا
عبقر...
همهمات
,,الخواض,,
عادت
هواجسى
الصاعدة
على سلم
الدخان..
,,شات,,
يغمرنى
شعره
البنفسج
اتوه
والازقة
اسكر
طربا
ضاعت
الخيوط...
كاسات
,,سبيل,,
المترعة
افلت
فى
العالم
السياسى
المخيف...
شيخى
,,كتيابى,,
افتقدت
هذا
البلبل
الصادح
ابصرته
على شاشة
التلفاز
افتخر
امام الحضور
باننى
اعرفه....
ترجمة
اتذوقها
كالفلفل
من دنيا
البلغار
اختفى
هذا الطائر
الثلجى..
مهموم
الوطن
,,البحيرى,,
دهليز
هذا
الابنوسى
شخوص
اعشقها
غابت
ملامحهم
داهمنى
الهاجس
النهارى
ساذكرهم
حين
يودعنى
الغثيان...
ابقوتة
29/8
2006
ولا واحد منهم قال لى انت مبدع
ولا انت مخرف شتوى
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: abuguta)
|
إهدا للصديق ابو قوته(الذي كان زمان قنبلة الود الموقوته).
وصلتني رسالة قذره من حبيبي
قال فيها أشياء لم تخطر ببالي
قال كلام لا علاقة لي به البتة
بدل حديث الشوق والحنان
ترسل لي حديث يجرح مشاعري ويشعرني بتأنيب الضمير!!؟؟(وش غاضب)
**********
ودا إهداء حقيقي
مدد
اديني من ريدك مدد ما الشوق بحر ماليهو حد
انا في هواك درويش غرام ما الشوق بحر ما ليهو حد
مالو طيفك يزور او مرة شخصك جاني جد
كان استرحتا من العذاب كان هلى لي نجم السعد
يا ارقى من همس النسيم يااحلى من طعم الشهد
خايف عليك من العيون خايف عليك من الحسد
انا في هواك درويش غرام ما الشوق بحر ماليهو حد
مرات أقول انسى العزاب اقفل كتابك للابد
القاك انسان للعيون ملكتنا الروح والجسد
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
الاغنية مهداة لابو حريرة مع اطيب الاماني.
مر بجانبي ولم يسلم علي
نزلت دموعي ولم انم تلك الليلة
انه لم يتذوقها
لقد نظرت من النافذة وتأكدت من الأمر
ثوب (الكرب) التي جلبه الأقباط
العجب حبيبي
- محمود عبد العزيز-
********
ساتوقف عن التدخين أريد ان اصبح انسانا جديد
ابتداء من تشرين الثاني سابدأ بممارسة رياضة كمال الجسام
حا ابطل السجاير واكون انسان جديد
من اول يناير حا اشيل حديد
هييييييييييه
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
معاذ باشا:
جيتني في جرح عدييييييييييييييييل
انا كنت عامل تعريب وتدريج للأغاني وعندي شواااااااااااااااال من النوع ده ..
عهدت علي أن اتحكر هنا حتى تطردني !!!!
هاك عربون :
يا زولة والله أهو ده ليهو ظاااااااااااااااهر في عينك ..
عايزة تمشي منو وين ؟؟ وين ؟؟ وين ؟؟ والله إلا تطيري..
ياخ انا اصلو ما اتخيلت ليك حظي ده يظبط كده وتتكتب لي حياة ..
شفت من يوم فارقتني داك ؟ والله انا قلت الزول ده ماااااا ظنيتو بيجي تاني ..
والله بالجد بالجد بالجد احتجت ليك عدييييييييل كده وانت بهناك ما جايب لي خبر..
ما هو باين في العوين وين حا نهرب منو وين وين وين
ما افتكرت الحظ يعاود وعمري يورق من جديد ..
من بعد فرقتنا ديك مين كان بيفتكر تعود
كنت بحتاج ليك بي شدة وانت عني بعيد ..
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: عمر الفاروق)
|
عمر حبابك الف ان ما ودونا الخور
أصلو الليلة مافي موضوع.
هدية من عمك كمال ترباس
لك مطلق الحرية في ان تعتز بلونك الخمري
لك كامل الحق في ان تفتك بالناس بعينيك الدعجاوين
لو انك معجب بنفسك نحن ملوك العز
***النص***
ليك حق باللون الفيك تعتز ليك حق باللون الفيك تعتز...
وتهز الناس بعيونك هز... وتهز الناس بعيونك هز
لو شايف روحك هي العاجباك وحياتك أنحنا ملوك العز
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
أستحلفكم بالله ألم تروه ؟؟
كلّا كلّا لم نراه ..
لديه فلجة لم تروه ؟؟
كلّا كلّا لم نراه ..
يقود سيارة لم تروه ؟؟
كلّا كلّا لم نراه ..
ألم تشربون في يومٍ ما البيبسي المثلج؟؟؟
كلّا كلّا لم نشربه ..
واليوم ستقفين كثيراً تنتظرين دون أن يأتي..
نعم يا من ترتدين ازياء الفرنج ستقفين كثيراً دون أن يأتي ..
نعم يا من ترتدين الزي الإسلامي ستقفين كثيراً دون أن يأتي..
النص الأصلي:
عليكم الله ما شفتوووه ..
بري بري مااااا شفنا ..
عندو فلجة ما شفتوووه..
بري بري ماااا شفناه
سايقة العربة ما شفتوووه..
بري بري مااااا شفناه
ببسي بارد ما شربتوووووه..
بري بري مااا شربنا..
والليييييييييلة تتشري ..
يا اللابسة موضة ..تتشري..
يا العاملة كوزة ..تتشري..
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: عمر الفاروق)
|
Quote: واليوم ستقفين كثيراً تنتظرين دون أن يأتي..
نعم يا من ترتدين ازياء الفرنج ستقفين كثيراً دون أن يأتي ..
نعم يا من ترتدين الزي الإسلامي ستقفين كثيراً دون أن يأتي..
|
هههههههههههههههه
مبالغتين
عليك الله واصل.
سألني أناس فضوليون عن احوالي العاطفية
الا انني انكرت تماما
غير ان الخبثاء قد رأو الحب مختبئأ في عيوني
لو ان حبيبي صرح لي بمشاعره
اذن لارتاح قليبي
*****
النص الاصلي
سألوني عن حبي انكرتا ما أقريت
شافوهو متخبي في عيون تقول ياريت
ياريت ياريت ياريت ياريت ياريت
لوكان حبيبي أباح واعلن عن هواه صرح
كان الفؤاد ارتاح وانا كنت ليهو مشيت
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
وا أذلاااااااااااااااه ..يا نفسي أذلاااااااااااااااه .. إن لم أتوزجه كمداً أموت ..
قابلته في إحدى الأزقة ..إن لم أتزوجه كمداً أموت ..
قيل لي أنه في بلاد الغربة ..إن لم أتزوجه كمداً أموت ..
وا أذلاااااااااااااااه ..وا أذلاااااااااااااااه .. إن لم أتوزجه كمداً أموت ..
النص الحقيقي:
وووووووب علي ..انا ووووووووووب علي ..كان ما عرستو المغص علي..
قابلتو فوق الدرب..انا ووووب علي..
قالوا لي مغترب ..انا وووب علي
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: عمر الفاروق)
|
مساطيــــــل!!!!
بالله عربوا القصيدة التي يستهلها شاعرها بـ:
ســــوحي أليل لللا
و بالجنبة مـــوحي أليل لللا
.
.
.
.
إلى قوله:
الشباب وقفوا
حاشا ما اتفرقوا
من جمال دا و دا
وقعت في و رطـــة
(أو شيئ من هذا القبيل)
مع إبانة الجوانب البلاغية و الإستعارات ما أمكن
ولكم الشكر...
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: محمد البشرى الخضر)
|
محمد البشرى
يا اخوي غنيتك دي غير قابلة للترجمة لاي لغة
خد دي بدالا
هي فتاة فلاحة
هادئة الطباع
لديها نظرة ساحرة
أسرجوا لها بعيرا
وخرجت تتهادي كالملكة وخلفها جيش عرمرم
الــــــلالالــــــيـــــــة لالا جـــــبـــــيـــــنـــــا
الــــضــــوايــــة ضي الـــرتـــيـــنــــة
يـــقـــولـــو جـــافـــيـــة نــــقـــــول حــنــيــنـــه
يـــقـــولـــو جـــاهـــلـــة نــــعـــــد ســنــيـــنـــة
يــقـــولـــو نـــاســـيـــة نــــقـــــول رضـــيـــنـــا
دايـــــــــرن فـــرقـــنـــا مـــالـــكـــم عــلــيــنـــا
بــنـــيـــة تـــربـــالـــة طـبـيـعــتــهــا رزيــــنـــــة
نــظــرتــهــا الــســـاحـــرة بــطـــريـــف عـــيـــنـــا
تــــبـــــرد حـــشـــايـــا تـــنـــســـي الـغــبــيــنــة
صــبــرنــا فـــــــي ريـــدنــــا اخـــرتــــا لـقــيــنــا
صــــديــــر الــعـــوامـــة صــــديــــر الـــوزيـــنـــة
جــديـــلـــة الــتــمــايــم الـــحـــارســـة تــهــديــنـــا
مـــنــــظــــوم الــســـكـــاســـك .. لــــــولايــــــو
حــنــنــيـــة ريــــدكـــــم اخــــرتـــــا لــقــيــنـــا
شــــــــدولا الــشــبــريــة فـــــــــوق الـبـعـيــبــشــا
تـتـمــايــل وتـــقـــدل الـمــلــكــة بـــيــــن ديـــشــــا
قـلـوبــنــا يــــــا الـسـمــحــة نـبـنـيــهــا تـعــريــشــة
ارضـــــي بـــــا الـحــالــة حـــــرام بـــــلاك عــيــشــا
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: عبدالرازق نقد)
|
اهداء للصديق ود المايقوما مع صادق الاماني
إن هذا الجنزير ثقيل جدا
من الذي يستطيع أن يرفعه
عند الحاجة فان الواحد منا يجد أخيه
مريم بنت الشيخ
لقد وصلتك رسالة فاقرئيها
- أغنية كردفانية-
جنزير التقيل بقلا ياتو
البيوقد نارو بتدفا با
يوم الحارة جات الزول بلقي اخو
مريم بت الشيخ جاكي جواب اقري
***********
شخصي..شخصي...
شخصي اسمر اللون
إذا رايته سيصيبني الخدر
-عمر احساس-
زولي هوي
زولي الاخدر
كان شفتو بخدر
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
معاذ يا حبيب ..
شنو ياخ !! دا نظام الكمدة بالرمدة ولا شنو 
غايتو كان إنت كان عمر الإتنين ما نصيحين ..
ترجماتك وقورة شوية بس ترجمات عمر شوارعية أكتر من اللازم التقول جايبا من ديم القنا
أنا شخصيا عجبتني دي :
Quote: مر عامان ولم اقصد مزرعتي
تايه أطارد الجميلة
حتى اضعت جوادي
انظر..الى ذلك الغزال وهو راتع على خور الريهد
اشتكيك لله خالق الكون الذي أبدع عينيك
أبي الشيخ رجل دجال نصاب
خدعني واستولى على أموالي
دخنني بالبخور وسقاني (عصير الكتابة)
لو إن هناك سورة في القران بعد السور الخواتم
لن تفلح في أن تجمعني (بأم زين) مرة أخرى
النص الاصلي
توا لي حولين
زرعي ما جيتا
ضهبان ورا ام زين
جوادي خليتا
شوف غزال القوز فوق الرهيد يرتع
بشكيك لرب الكون الفي العيون ابدع
أبا الفقير قلاع
كمل قريشاتي
دخني بالبخرات
محايتا شربني
لو في الكتاب مكتوب بعد الخواتم شيء
تاني درب ام زين ودربي ما بمشي |
تتصور يا معاذ شريط محمود الفيهو الغنية دي قدر ما أحاول أفهم كلماتا غلبتني مع إنو في الشريط مطبوعة بالجنبتين
غايتو كتر خيرك لأني أخيرا قدرت أفهم الغنية .
وتسلم على الإهداء وهاك مني زهرة وليتني زهر 
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
ماما صديقي لم يأتي ..
ياااااااا ماما .. انا أنتظره ..
يا يمّة انا زولي ما جا ..
ياااااا يمة انا زولي راجية ..
سوف يأتي ..
بجي بجي بجي ..
انا في انت صديق على طوووووووووول سؤال ..
إنت في أخو على طوووووول مشغول ..
إنت في جنجال معاي؟ قول صديق ..
كل ما سألت عليك يقولوا مشغولة ..
إيه شاغلك عني وريني يا زولة ..
إنتظرته كثيراً وعندما لم يأتي ..
ركبت ركشة ومشيت ليهو ..
إنتظرتو لما ما جا رحت زرتو ..
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: ود المايقوما)
|
طرق الباب وأتانا ..
ركضت إليه حافيت القدمين ..
طرق الباب بغلظه
ركضت إليه على جناح السرعة
خفق قلبي ظناً أنه عشيقي ..
وجدته بائع الأواني المنزليه ..
كل هذا سببه أبي
أبي أطال مدخل الدار
تركني متجهمه دون أن أنبس ببنت شفة أو حركاتٍ ذات دلالة
وكذلك جدي له يد في ذلك ..
دعوت الله أن يصرفه عني ..
سأحضر سلسلاً غليظاَ لأوصد الباب الذي يأتي منه جدي ..
النص الأصلي :
دقه الباب وجانا ..
أنا جريت ليه حفيانا ..
دقه الباب بشده ..
جريت ليه مستعدة ..
قايلو حبيب لقيتوا بتاع العدة ..
كله من بابا .. بابا عله البوابه ..
خلاني إتشابه .. لاكلمة لا إشارة ..
كله من جدوا ..
جدوا ألله يهــدو ..
الباب البجيب جدوا أنا بالجنزير بسدوا ...
وهذا حسب رواية نانسي عجرم السودانية ( طبعاً هي فنان في الرياض طالعه في الكفر الأيام دي طبعاًعشان شوية شهرة كده مسمية نفسها نانسي عجرم .. لكين بيني وبينكم غناية غني شديد أنا غياتوا لحد أسع حضرته ليها 10 حفلات وكان ما أخاف الكضب ناوي أتمهم 100 حفلة أصلوا الأيام دي الرياض مبالغة كل يوم حفلة )
معـــاز ( لقيتني كيف ) ...
عمر الفاروق ( جب جب جب جب جب جب ) ..
أستغفر الله العظيم وأتوب إليه ،،
الأرباب
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
قد تتيمت به
لا لم يتيم بى
جعلته يمر بذاكرتى
إنتصب..ولم يعد يتذكرنى
حبيتو ماحبانى إتذكرته قام نسانى
***
الوقت السادسة والنصف
هيا يا ثمرة المانجو
بملابس داخلية حد الوسط
هيا ياثمرة المانجو
الساعة ست ونص يلا يامنقا بى فنايل النص يلا يامنقا
***
إشكو من غصن صغير لشجرة البان
يذوب لحالة نداه
يامثبت العقول
يامسلم من المهول
أسألك أن تكتب لي السلامة
من فريع البان البسوح نديان يا الله ..يا سلام.. سلم
***
بتعريف القرب منه
تشعر بالحين
وحالة البعد عنه
تصاب بالجنون
بتعريف السهل فيه
وإنثنائة
فيه وداعة
دائم الحنين
إستحوذ على مخيلتى
القربو يحنن وبعدو يجنن الهين ولين وديع وحنين شغل بالى
***
حلقي ياقمرية
وحطي بأعلى شرائح الخارصين
وإسترقى السمع من الحادثة
طيرى ياقمرية وركى فوق الزنكى وإتصنتى القضية
***
تربط بعنقى حجر
وتقذف بي منتصف النهر
وتأمرنى أن إسبح
بأى الألوان أسبح
تحط برقبتى حجر وترمينى وسط النهر وتقولى عوم وش لون أعوم
(خليجي)
***
السوح ..السوح
بكاملها تشتاقك
واللحاظ التي قد رسم فيها طيفك
والحنين الذي أسري بروحى وجائك
ليس أنا فقط حبيبي
السوح ..السوح
بكاملها تشتاقك
أي شئ بجانبي يذكرني بأي شئ
حتى حسي وضحكتي ليك فيها شئ
أذا العالم غرب
أبدا ماتغرب
عاين حالي حالي فيني
السوح ..السوح
بكاملها تشتاقك
السوح الانت عديت بها
تحي في روحى وأريدها
لكن ماوجدتك
وصلت قبل العطر يتبدد
قبل إلى أن يذوب فى سكون الكلام
وإنتظرتك
كنت حاسب النسيم أتى بريحك يسلم علي
كنت حاسب الشوق أتى بك تقعد حولى شوي
السوح ..السوح
بكاملها تشتاقك
السوح الانت عديت بها
كنت حاسب وكنت حاسب وخاب حسابي
ومافضل في العمر شئ
وإنتظرتك
السوح ..السوح
بكاملها تشتاقك
الأحاسيس في عدمك راح فيها كل حس
والعشاءات من ألمك
ألمت فينى الصمت
وبقيت خائف لو تجئ لحظة يذبل فيها فؤادى
كامل أوراقي تحت
كامل أوراقي تحت
آه لوتعرف حبيبي
كيف أيامى من غيرك تشيل السنين وتعدى
آه الأمان
أين الأمان
وأنا من قلبى راح ماضاق أمان
ليه كلما سألت هذه السوح
أسمع الماضي بقول
أنا ليس لوحدى حبيبي
السوح ..السوح
بكاملها تشتاقك
الأماكن
كلها مشتاقة لك
والعيون اللي انرسم فيها خيالك
والحنين اللي سري بروحي وجالك
ماهو بس أنا حبيبى
الأماكن كلها مشتاقة لك
كل شئ حولى يذكرني بشئ
حتي صوتى وضحكتى لك فيها شئ
لو تغيب الدنيا
عمرك ماتغيب
شوف حالي منتظر على
الأماكن كلها مشتاقة لك
الأماكن اللي مريت انت فيها عائشة بروحى وأبيها
بس لكن مالقيتك
جيت قبل العطر يبرد
قبل حتى يذوب فى صمت الكلام
وإحتريتك
كنت اظن الريح جابت عطرك يسلم على
كنت اظناالشوق جابك تجلس بجنبي شوى
الأماكن اللي مريت إنت فيها
كنت اظن وكنت اظن وخاب ظنى ومابقى بالعمر شي
وإحتريتك
الأماكن
كلها مشتاقة لك
المشاعر في غيابك ذاب فيها كل صوت
والليالي من عذابك
عذبت فيني السكوت
وصرت خايف لاتجينى لحظه يدبل فيها قلبي
كل أوراقى تموت
كل أوراقي تموت
آه
لو تدري حبيبي
كيف أيامى بدونك تسرق العمر وتفوت
آه الأمان
وين الأمان
وانا قلبي من رحل ماعرف طعم الأمان
ليه كل ماجيت أسال ها المكان
أسمع الماضي يقول
ماهو بس أنا حبيبي
الأماكن
كلها مشتاقة لك
..............................................................................
مع الإعتذار لتحريف النصوص(...)
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: Ahmed Yousif Abu Harira)
|
مهداة للمهندس محمد السيد
المضاد الحيوي أيها الممرض!!
احضره الطبيب
المساعدات الطبيات
كتبن إنني يجب أن أبقى في هذا المستشفى عدة ايام
كان ذلك يوم الثلاثاء الماضي
ثمار الشجرة السدر ..ثمار شجرة السدر
النص الأصلي :
البنسلين يا تمرجى جابو الحكيم يا تمرجى
السسترات يا تمرجى كتبوا الرقاد يا تمرجى
كتبوا الرقاد يا تمرجى يوم الثلاث
النبق..النبق ..النبق
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
الاغنية مهداة من اهالي المكنية الى الارباب خالد سعيد
سوف أقول عنهم كلام
عبد الدائم ومعه إخوته
ذهبوا إلى المصائب أينما وجدت
جلس في منتصف الطريق
ومنع القادمين من الشرق والقادمين من الغرب من عبور الطريق
لا احد يستطيع أن يتغلب على أبنائنا
- خلف الله حمد-
أنا فوقم بقول كلام
عبد الدائم معاهو اخوانو مشوا للبلا في مكانو
قر قر فوق للدرب وربط الهوج والشرق
ديل جنياتا ما بتنغلب
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
طلب الاستماع الى الاغنية معاذ حسن الوهم
ويهديها الى الصديق عبد الرازق نقد مع الاماني الطيبة.
قيل إن والدته سيدة مترفة
وقيل إنها تلمح برموش عينيها أثناء الحديث
ليس ذلك أمر ذي بال
فقد أحببت ابنها طمعها في ثروتها
النص الأصلي :
قالوا امه حنكوشه و بتتكلم برموشها
انا حبيت ويلدها عشان خاطر قروشها
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
حبيبي عم جد إشتأتلك إكتييييير إكتيييير..
تؤبرني حبيبي إمتى عم تيجي ؟
خليني إسعد حبيبي مرة تانيي..
حبيبي مشتاق ليك كتير..
مساتي يوم ترجع تعود ..
اسعد انا انا بي لقاك تاااااااااني..
كل الرقاع التي أرسلتها إليه ربما لا تصله حتّى ..
أرسلت له رقعة مع الحاجب ولكن الحاجب خرج ولم يعد ..
أصبحت وحيداً احادث نجوم الليل ساهراً..
وهاهم بقية القوم الذين تسببو في مأساتي يتفرجون !!
فقير الذي يأمل ولا يستطيع تحقيق ذلك الأمل..
وأما العاشق للجفاء فيا لسهره ويالظمأه
خطاباتي البوديها تقول لا بتمشي لا حاجة
وديت ليهو زول مرسال والمرسال مشى وما جا..
بقيت انا والنجوم بالليل سوى نساهر ونتناجي..
والناس اللي كانوا سبب رموني وفضلو فراجة..
مسكين البدا يأمل أملو يغلبو تحقيقو ..
والعاشق الجفا المعشوق وا سهرو ونشاف ريقو..
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: عمر الفاروق)
|
Quote: الاغنية مهداة من اهالي المكنية الى الارباب خالد سعيد
سوف أقول عنهم كلام
عبد الدائم ومعه إخوته
ذهبوا إلى المصائب أينما وجدت
جلس في منتصف الطريق
ومنع القادمين من الشرق والقادمين من الغرب من عبور الطريق
لا احد يستطيع أن يتغلب على أبنائنا
- خلف الله حمد-
أنا فوقم بقول كلام
عبد الدائم معاهو اخوانو مشوا للبلا في مكانو
قر قر فوق للدرب وربط الهوج والشرق
ديل جنياتا ما بتنغلب
|
مرحا مرحا بالمكنية مرحا
إنهم ليوم سرور الذي أتا بها ..
النص :
حبابه حبابه المكنية حبابه .. اليوم السعيد الليله جابه ..
هيييي ههآآآآآآآآآآآآآآآآآآآآآآآآآآآآآآآآآآآآآآآآ...
الترجمـــة : هيعععععععععععععععععععع
لاتحزن على الذي صـار ...ياأيها التائه في الصحراء ..
لاتخف بل يمم شطـر أهل تلك القرى ..
لهم الكثير من المشاية التي تدر حليب ..
وكذلك هم صادقين القول غير منانيين
ولهم في الزراعة نصيب وافر ..
يضعون البذرة .. ثم ينتظرون خزائن السماء
النص الأصلــي ( مهداء إلى معاز الأصلي ) :
لاتحزن على ماجرى .. يالضال الطريق
ميل علي أهـــل القرى
أهل الحليب أهل المهـر
قولم حقيقة ما فشـــر
فلحوا الأرض رمــوا حبهم ..
راجين خزائــن ربهـــم ..
معاز أبشر بالذي يســرك ..
النص الأصلي ( معاز أبشـــر بالخيــر ) .
الأرباب
(ليست أرباب قريش )
( بل أرباب المكنية )
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
يا سيّد القوم (الأرباب):
رأيت بأم عيني النسر بأجنحته يضرب العصفورة ..
شوفي عيني الصقير بي جناحه كفت الفرة ..
نحن أصحاب هذه الديار ..
إن أردنا وقفنا وإن أردنا جلسنا ..
نحن اولاد بلد نقعد نقيف على كيفنا..
ياااااااااااااااااااااااااااااااااااااااااااااااااي ..
هيييييييييييييييييييييييييييييييييييييييع..
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: عمر الفاروق)
|
عمر الفاروق : كيفك ..
يمه دي ترجمتها لي ماما كيف ؟ (زمان قريت ليك انو امنيتك كانت لم تكبر تبقى ممثل مصري  ) الظاهر حصلت لخبظة بين إحترافك للترجمة من السوداني للعربي بإخلامك القديمة .
كدي ترجم لي راجل المرا حلو حلاة :
معاذ : تسلم :
you made my day
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
الاخ متوكل:
نحن هنا في قسم الترجمة قاعدين نعوس الابري بي الحلو مر ..
يعني شي مصري على شي هندي على شي هنغاري كلو بيمشي من بعضو
| Quote: كدي ترجم لي راجل المرا حلو حلاة : |
زوج الضرّة حلو المذاق ..
سوف أناديه إلى المضارب ..
ونسترجع الذكريات ..
وسنحتكم لشيخ القبيلة حتّى يزوجنا ..
وهكذا عصير الفول السوداني طعمه لذيذ..
الترجمة :
راجل المرا ده حلو حلا ..
انا بنادي بي غادي ..
انا بزكرو الماضي..
وانا بجيبو بي القاضي..
كدي يا الدكوة حلوة حلا ..
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: عمر الفاروق)
|
Quote: زوج الضرّة حلو المذاق ..
سوف أناديه إلى المضارب ..
ونسترجع الذكريات ..
وسنحتكم لشيخ القبيلة حتّى يزوجنا ..
وهكذا عصير الفول السوداني طعمه لذيذ..
الترجمة :
راجل المرا ده حلو حلا ..
انا بنادي بي غادي ..
انا بزكرو الماضي..
وانا بجيبو بي القاضي..
كدي يا الدكوة حلوة حلا .. |
أحييك علي تمكنك من اللغتين ..
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
حبيبي أرسل لي رسالة واحكي لي عن أحوالك
وسأكتب لك بدوري
عني أنا، فأنا أشتاق إليك وأحن
وأسهر الليالي أتأوه وأئن
إبتعد عني حبيبي الذي أحببته منذ سنوات
والذي ملك زمامي
أيها الزمن .. إنك غير مؤتمن
يا سلام عليك أيتها الليالي الخوالي
(إبراهيم الكاشف)
مالي أراكي شاردة الذهن
تفكرين بعيداً
حياتي مسطرة في عيونك
وأنتي منشغلة بقراءة الصحيفة
(محمد الأمين)
كده كيف؟؟
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: محمد أبوالعزائم أبوالريش)
|
الاخوان معاذ وعمر الفاروق تحية ليكم
قاعدين تترجمو لي في الكلام الساهل وخامين
خلق الله نحن عندنا طلب لاثبات حالة الترجمة
ترجمو لينا ... سم الدابي البنقر وشنو كدي
الجدري بفتق ولا بفقع .. ايوة يا معاذ نفس الجاتك في راسك
دي ما تعمل لي ما عارف ايوه أنا ما حافظ لكن
شوف عيني كتبتها هنا وقلت جلدت فيها روحك بالحزام
نحن في الانتظار
مع مودتي
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: الشيخ إبراهيم الشيخ)
|
| Quote: Quote: كدي ترجم لي راجل المرا حلو حلاة : |
في رواية أخرى :
بعل آمة الله آية من الجمال ...
سوف نلتقي في خيمة الرجال ..
وأشربه من عصارت الفاكهة التي تدعى الليمون ..
وقد عزمنا أن يكون بيننا ميثاقاً غليظاً حسب عرف القبيلة ..
سوف نرتحل سوياً .. نجلس في مؤخرة الهودج ...
ونذهب إلى ذلك الخباز المشهور ..
لنأكل رقائق معطونة بالعسل ...
بخٍ .. بخٍ .. بخٍ ...
هذا هو بعل أمة الله شهد المذاق ... شهد المذاق
النص الأصلي ( حسب رواية هاجر جبره .. نسأل الله أن يلين حبالها الصوتيه ويجعلها حبال خير وبركة وهي كذلك موجودة بالرياض ( عشان تأمنوا ذاتو ماقلته ليكم الرياض دي مبالغة .. ) :
راجل المرة حلو حله ...
أنا بقابله في الصالون ..
أنا بشربه الليمون ...
أنا بعرسو بالقانون ..
في الركشة نركب وره ..
ونمشى ناكل باسطة سلا ...
هي جب جبه ..
راجل المره ده حلو حله ...
ود الفاروق ( كيف الترجمة دي معاك ) ..
الأرباب
قسم الترجمة الفورية
ملحوظة هامــة :
بالمانسبة ياناس الكورة الفنانة هاجــر جبــره .. ماأخت لاعب المريخ فاروق جبره .. شبه ساكت .. ماتلخبطووو ...
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
Quote: my love write to meeeeeeeeeeee
and i write to youuuuuuuuuuuuu
with what happen to meeeeeeeee
and what happen to youuuuuuuu
حبيبي أكتب لي
وأنا أكتب ليك
بالحاصل بـي
والحاصل بيك |
ياسر طيفور..سلام
الاغنية مهداة لجنيفير لوبيز والا اقول ليك شوف لينا واحد واصل من جماعة امريكا ديل يديها بريتني اسبيرز.
حا ارجع ليك باهداء .
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
مدخل :
زمان ايام الجامعة كان في لعبة طالعة موضة بنحنك بيها الجكس ..
إسمها Ball & Box (الكورة والمربع)..
بيلعبوها اتنين اي زول بيكون عندو ورقة وبيقوم يختار ليهو رقم مكون من اربعة خانات ..
يلا بعد كده اي زول بيحاول يعرف رقم الزول التاني من خلال محاولات والزول التاني يرد ليك ..
مثلاً إنت كنت اخترت الرقم 7234
وقام الزول التاني خمّن رقمك وقال ليك
7429
فانت بتقول ليهو عندك (واحد Box) و (إتنين Ball)
وده معناها إنو عنك رقم صحيح وقاعد في حتتو (ال 7) ورقمين صحيحات لكن ما في حتتهم(ال 2 وال 4)
يعني Box تقال للرقم القاعد في حتتو وBall للرقم الصحيح الما في حتتو ..
ودي كانت لعبة الجامعة اللي طالعة موضة الأيام ديك واي زول بيشة زيي كده ده حنكو للجكساية ..
Flash Back :
البوست ده ذكرني موقف مضحك جدا جدا جدا عملو واحد صاحبنا مسطول زي معاذ ده كده ..
اصدقائي من كلية الهندسة جامعة الخرطوم غاندي ومحمد عبد الرحمن وايمن عبد الباسط شلة معروفة بي عدم الجدية ..
عندهم صاحبهم إسمو عمر وعامل فيها فنان لكن عشان عارف الجماعة ديل بيجمجرو في صوتو ما بيغني جمبهم عشان ما يسمعوهو ..
في يوم كده كانوا كلللهم ماشين مع بعض وبيتناقشوا في موضوع بي صوت عالي ..
صاحبنا العامل فيها فنان ده إستقلّ الوضع وإنزوى جانباً وقاعد يدندن بي صوت منخفض شديد أغنية الراحل الفنان احمد المصطفى وقايل الجماعة ما جايبين ليهو خبر ..
فدندن قائلاً :
البووور بُر يجنن ..
والبووور بُر يحنن..
شغل باااااااااااااااااالي..
فجأة كده جاهو ليك صوت صاحبنا الما نصيح ايمن وقال ليهو :
بالمناسبة عندك إتنين Ball وواحد Box في الأغنية دي
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: معاذ حسن)
|
يا عمر .
Quote: البووور بُر يجنن ..
والبووور بُر يحنن..
شغل باااااااااااااااااالي..
|
دي زي واحد صاحبنا عامل فيها فنان وكان بيغني أغنية (كل ما سألت عليك يقولو مشغولة) .. المشكلة إنو كان بيغنيها بي لحن (كل ما سألت عليك صدوني حراسك)
| |
|
|
|
|
|
|
|
|
|
Re: ما فيش حاجة تجيي كدا ..إهدأ حبيبي كدا .. (Re: وليد محمد المبارك)
|
مذنب انا ..
نادم قد وضعت تراب الارض علي فمي
مذنب انا اذهب و اعود اليك..
مذنب انا من قال لك ..
انك انت الحبيب و انت الطبيب ..
و انت الوفي ..
مذنب انا ..
نادم قد و ضعت تراب الارض علي فمي
----------------
زهرمان
غلطان انا و ندمان انا
و سافي التراب علي حبنا
--------------------
او برضو ممكن تكون شعر انجليزي مترجم
| |
|
|
|
|
|
|
| |
معاذ حسن
abuguta
Ahmed Yousif Abu Harira
عمر الفاروق
محمد البشرى الخضر
عبدالرازق نقد
ناذر محمد الخليفة
Khalid Saeed
ناصر الحاج
Yassir Tayfour
محمد أبوالعزائم أبوالريش
الشيخ إبراهيم الشيخ
غباشي
الطاهر ساتي
فيس بوك
تويتر
انستقرام
يوتيوب
بنتيريست