قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-12-2018, 01:28 AM الصفحة الرئيسية

مكتبة جمال الدين أحمد الحسن(أبو الحسين)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
16-01-2007, 07:57 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!!

    قصتي مع نانسي عجرم في مدينة كريمة...

    إخوتي الكرام...

    نهاركم سعيد...

    وسلام وتحية...

    إستمحيكم عذراً أحبابي... قُلت من الشحن اليومين دي مالي البورد وخصوصاً الجنيه المشلخ شايقي ... أها قلت أحكي القصة دي وبرضو متخيل واحد يجيني ناطي (من جماعة بشاشا) ويقول لي البي يودي نانسي دي كريمة شنو؟؟؟

    أها القصة دي طبعاً يا اخواننا حصلت في إجازتي الصيف الفات... وطبعاً العولمةـ ما تخفى عليكم ـ دخَلت البلد والديقيتال والدِش ملو البلد (وهسع كنار تِل) قالو موصلالُم الإنترنت يعني تاني الواحد يكون قرَّاع يسقي في الزرع تحِت ومتواصل معاكم عن طريق اللاب توب!!! وثقافة الفيديو كليب من شيقة لا ميقة إتكارَنَت جاتنا (الفاسد والطالح منها طبعاً مافيها صالح شئ)... الجنا الصغيِّر يقول ليك فنانو المفضَّل عبد الله بالخير ولة إحلام ولة كاظم الساهر ولة هيفاء وهبي وكمان في ناس بيطربوا لي أليسا (طرينا الشر لي بعدو)!!!! طبعاً من كَتَرة كُرْه الكاتب الساخر جعفر عباس في زاويتو زاوية منفرجة في جريدة اليوم من كَتَرَة كرهو لي هيفاء وهبي وأليسا ونانسي عجرا ـ ما تقولو أنا غلطان في الكتابة وواحد يقول لي هي نانسي عجرم أنا عااااااااااارفة لكن بوريكم الغلط المطبعي دا جاء من وين لا قدام في القصة الجايي دي ـ أنا ذاااااااااتي بقيت أكْرَهِن بلا أشوفِن حِكِمْة الله!!! بس نانسي دي الحقيقة للهِ شاااااااااااايفة وشبعان فيها شوف بس بالجَنْبي كدي!!! ما مليت عيني فيها!!!
    أها القصة الداير أقولها ليكم...

    في إجازتي في الصيفية الفاتت دي.. قُتَّ كدي كَبَّرتَ عمَّتي وقَدَلتَ كدي مشيت علي كريمة أزورها وأظني ما زرتها من زمني الفي الثانوية في التسعينات (دي لزوم تصغير العُمُر وكدي!!) ... أها طبعاً ماشاء اللللللللللللللللله علي كريمة بقت... عَِمرت عمار وبقت من جبل البركل مربوطة بي أسفلت حتى شوارعها الداخلية (البي قدام الحَريقَة ديك ـ والحريقة دي طبعاً إسم المطافئ عندنا هناك ومشهورة بي نيمها البااااااااااارد وأزيارها الصاقطات وحريمات الشاي الأمينات تَخُت جنبها كيسك ولة قُفتَك تمشي تلف الدنيا كلها وتجي تلقاهو زي ما هو ـ والشوارع الجنب الإستاد بي هناك وحتى شوارع السوق التحت شغالين يعمرو فيهِن لييييييييييييييييي الجرِف)... أها زيارتي ليها كانت لي عيادة مريض... وزرناهو ودعينا ليهو بالبركة والصحة والعافية وقُمت قُلت مادام الله جابني هني كدي الأخفِس لا تِحِت علي السوق التحت وأزور تسجيلات الكمالي (طبعاً الكمالي دا مشهور بأشرطة الكاسيت القديمة الناااااااااادرة)... أها قُتَّ أشوف لي بعض الأشرطة لعبد الرحمن بلاص وود اليمني ومحمد جبارة وود كرم الله ومحبوبي عوض الجرِف... أها قصتي مع نانسي عجرم تبدأ من هني... واقف وإتكلم مع (مُجتبى الكمالي) لأنو حصلت بيناتنا معرفة كان قبُل كم يوم كدي رسلت واحد من عندنا من هناك جاء جاب لي كم شريط كدي لي عبد الرحمن البركل من الشرائط القديمة... أها إتكلم معاهو وجاب لي لستة فيها تلتاشَر شريط لي عوض الجرِف من النوع من بيت الكلاوي... زمن الإيقاع الفردي القايم فلَلَلِّي!!! وبرضو لقيت عندو أشرطة لي بلاَّص وكل الأشرطة النادرة لقيتها عندو...

    أها القصة وين... شيلو الصَبُر بجيكم راجع...

    كميات مودتي...


    أبو الحســــــــــين...
                   |Articles |News |مقالات |بيانات

16-01-2007, 08:33 AM

محمد فرح
<aمحمد فرح
تاريخ التسجيل: 14-09-2006
مجموع المشاركات: 9222

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    الوريف أبو الحسين

    متابعين

    واصل

    والله إشتهينا البسمه في الزمن الصعب ده

    لكن ياأبوالحسين شكلك بعد البوست ده حتسرق الأضواء من أبو الجعافر زاتو لأنو بالجد السرد جميل جداً ومشوق
                   |Articles |News |مقالات |بيانات

03-02-2007, 06:45 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: محمد فرح)

    +
                   |Articles |News |مقالات |بيانات

16-01-2007, 08:43 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: الوريف أبو الحسين

    متابعين

    واصل

    والله إشتهينا البسمه في الزمن الصعب ده

    لكن ياأبوالحسين شكلك بعد البوست ده حتسرق الأضواء من أبو الجعافر زاتو لأنو بالجد السرد جميل جداً ومشوق



    خليك تفتيحة يا ود فرح أخوي...

    دي لزوم دعاية لأبي الحســـــين في بوست أُوسلي 2 اليومين دي ماك عارف في دعاية ترشيح بي غادي؟؟... وأنا إستأذنت من أُوسلي قال لي ممكن تعمل خيمة دعاية لكن برة حوش الترشيح...

    باقيلك كلامك الجميل الفوق الكتبتو في حقي... ماب يرفع أسهمي وأنافس بشاشا ـ طبعاً ماب أقدر علي ناذر وتراجي!!!

    تسلم يا غالي... وبجيك راجع... والتحية عبرك للكاتب الرائع جعفر عباس وكثيراً ما أقرا له عندو مواضيع ساخرة لكن في الصميم وتعالج قضايا إجتماعية مهمة...

    كميات مودتي...


    أبو الحســــــــــــين...
                   |Articles |News |مقالات |بيانات

16-01-2007, 02:00 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)



    هسع أمانةً في ظُمَّتكم نانسي دي سمحي؟؟؟!!!

    والله بس الظيط من الله والفَزَع كواريك!!!

    لامِن أجي أتم لكم قصتي معاها في كريمة...

    مودتي...


    أبو الحســــــــين...
                   |Articles |News |مقالات |بيانات

16-01-2007, 02:19 PM

ماجدة عوض خوجلى
<aماجدة عوض خوجلى
تاريخ التسجيل: 25-12-2006
مجموع المشاركات: 7279

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    ابو الحسين عنك طيب

    الظاهر عليك بس دار تسولينا مشكلة جديد مع ناس الجهويه ونحنى لليلي دي المشكله القديمة عجاجا مالي البوكان

    اسي دى يجيك الديك الرومى منفوش والناس تقعد فى المساسكه من بوست ليوست


    علا عندى استفسار صغيرونى انت مالك فى بعض اماكن تكتب مودتى وبعض اماكن تزيدا بكميات

                   |Articles |News |مقالات |بيانات

17-01-2007, 06:11 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: ابو الحسين عنك طيب

    الظاهر عليك بس دار تسولينا مشكلة جديد مع ناس الجهويه ونحنى لليلي دي المشكله القديمة عجاجا مالي البوكان

    اسي دى يجيك الديك الرومى منفوش والناس تقعد فى المساسكه من بوست ليوست



    هسع أنا جبت طريق زول هني؟؟!!

    القصة وأهديتها لي صديقي بشاشا... منننننننننن الأول عشان واحد ما يجي يقول لي طاعنت حد ولة إتقاولت على حد...

    قواسيييييييييييب مودتي...

    وبجيك راجع...


    أبو الحســـــــــــين...
                   |Articles |News |مقالات |بيانات

17-01-2007, 08:31 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: لكن ياأبوالحسين شكلك بعد البوست ده حتسرق الأضواء من أبو الجعافر زاتو لأنو بالجد السرد جميل جداً ومشوق



    صديقي ود فرح...

    صبحك الله بالخير والرضا...

    إنت عارف على طارئ أبو الجعافر إستوقني المقال الجايي دا شديييييييييد... وإتكيفت جداً من الأخ أبو الجعافر الله يخدِّر ضراعو ويديهو الصحة والعافي...

    في منتديات عاشق لبنان...

    في واحد إسمو (جعيتا) كاتب الكلام دا...

    بصراحة أوّل مرّة أقرأ "شرشحة" مثل هذي . . . لا تفوتكم

    ابو الجعافر جعفر عباس …. ‏ينتف راغب علاااامه
    مره من المراريـر سألوا راغب علامه عن احلى البنات قال اللبنانيات ويوم سألوه عن أقبح البنات قال السودنيات ////// مخربها ابو علامه ///////// الموضوع عدى ولا احد قال شي . لكن كلنا نعرف الكاتب السوداني الزاحف ابو الجعافر جعفر عباس اللي يكتب في جريده الوطن ومجلة فواصل خلونا نشوف تعليقه على الموضوع ....

    ومنزل نفس الكاتب رد أبو الجعافر علي راغب علامة...

    ‏وإذا أتتك مذمتي من راغبٍ

    ( ‏جعفر عباس
    )

    بلغني أن المغنواتي راغب علامة أدلى بشهادة في صالح المرأة السودانية، عندما سئل في برنامج تلفزيوني عن أجمل النساء، فقال انهن اللبنانيات وهذا أمر لا خلاف عليه، ثم سئل عن أقبح النساء، فقال: ‏السودانيات! ‏وعندما سمعت بهذا، تذكرت أبو العلاء المعري في حضرة الشاعر الكبير الشريف الرضي، الذي كان يكره ابا الطيب المتنبي، بينما كان المعري يعتبره أشعر العرب، فقد سأل الرضي المعري عن رأيه في شعر المتنبي فقال المعري ما معناه:

    ‏لو لم يقل من الشعر سوى "‏لك يا منازل في القلوب منازل" ‏لكفاه، أي ان تلك القصيدة وحدها تساوي مسيرة عمر كامل من الشعر، فهاج الشريف الرضي وأمر رجاله بضرب المعري ورميه خارجا، وسألوا الرضي عن سبب غضبه ومعاملته الفظة لرجل ضرير فقال: ‏أنتم لا تدرون ماذا كان يعني ذلك "‏الخبيث"‏، ‏فالقصيدة التي ذكرها فيها بيت يقول" ‏وإذا أتتك مذمتي من ناقص/ ‏فهي الشهادة لي بأني كامل"‏، ‏فهل فهمتم كيف أدلى علامة بشهادة في صالح المرأة السودانية؟.. ‏

    نعم اعترف بأنه قد لا توجد امرأة سودانية في جمال ودلال ونعومة ورقة وطراوة ونداوة...... ‏راغب علامة ، ولكنني، ورغم أنني شاكر له ثناءه غير المباشر على المرأة السودانية، إلا أنني لا أعترف بأنه مؤهل للحكم على النساء السودانيات أو الكمبوديات لا من حيث الجمال ولا من حيث السلوك!! ‏ثم إنني متأكد من ان علامة هذا ) ‏ولعل أهله كانوا موفقين في اختيار هذا الاسم لأنه علامة من علامات عصر الانحطاط العربي فنيا وثقافيا وفكريا وجسديا و........)‏، ‏علامة هذ،ا لم يقابل طوال حياته امرأة سودانية، لأن نساءنا لا يغشين الأماكن التي يغشاها علامة وبقية "‏المعلمين" ‏من أمثاله... ‏وربما بنى شهادته على المطربة الحلزونية جواهر، أو زميلتها ستونة التي ظهرت في أدوار ركيكة في بعض الأفلام المصرية، وفي دور لها في فيلم بخيت وعديلة الذي قام فيه عادل إمام بدور مهاجر مصري يسعى للحصول على حق الإقامة في امريكا بالزواج بأمريكية، قامت ستونة بدور أمريكية سوداء تقبل بالزواج ببخيت (‏عادل إمام) ‏نظير المبلغ المتفق عليه، على ان يروح كل منهما بعدها في السِّكة الخاصة به، ولكنها تطالب بحقوق الزوجة كاملة، وهناك مشهد في الفيلم تقوم فيه ستونة بمحاولة اغتصاب عادل إمام، وبصراحة قلبي تقطع على عادل إمام!! ‏رغم ان المسألة كانت تمثيل في تمثيل!! ‏ولكن الحكم على نساء السودان قياسا بجواهر وستونة كالحكم على رجال لبنان قياسا على راغب علامة وهيفاء ونانسي عجرم!! ‏ثم إنه لا يهمني في كثير او قليل ان تكون نساء السودان جميلات في عيون أبو علامة او أبو نواس او أبو دلامة، بل يهمني ويزعجني ان يخضعن للتقييم من قبل إنسان ضحل فج ركيك جهول رقيع صفيق من فصيلة مايكل جاكسون، شهادته في كل شيء مجروحة،... ‏وحتى لو كان صحيحا أن نساءنا في السودان قبيحات في نظر حجة الجمال والدلال راغب بن علامة، الفهامة، فمن المؤكد أنهن كن سيبلغن ما بلغه علامة من نداوة وطراوة لو حصلن على نفس المساحيق والكريمات التي يحصل عليها علامة من فرنسا وإيطاليا لإثبات رجولته وفحولته!

    ‏ولكنني اعترف بأن النساء السودانيات متخلفات جدا!! ‏هل تصدق يا راغب، يا بحر العلوم، ورمز الفحولة من صيدا الى الخرطوم، ان امرأة سودانية اسمها مهيرة بنت عبود كانت تحارب ضمن الجيش الذي تصدى للغزو التركي للسودان!! ‏ياي.. ‏سافاج.. ‏متوحشي كتير...‏بس أوريجينال"!! ‏وعندنا اليوم في السودان سيدات مرتادات سجون أي من ربات السوابق،.. ‏منهن ثلاث يحملن اسم سعاد، وواحدة اسمها وصال وهي زوجة شخص اسمه حسن الترابي يظهر بين الحين والآخر في الفضائيات التي لا تشاهدها يا علامة، وعندنا فاطمة احمد ابراهيم.. ‏هذه مرعبة، فهي لا تخاف من شرطي ولا من قاضٍ، وأعدم جعفر نميري زوجها ولم تسكت، وقلبت الدنيا فوق دماغو المقلوبة أصلا، ولدينا سارة المهدي وهي زوجة شخص اسمه الصادق المهدي )‏يظهر أيضا في الفضائيات التي لم يسمع بها علامة) ‏ودخول السجن عندها أسهل من دخول الفنادق... ‏وفي عام 1964 ‏عندما تصدى طلاب جامعة الخرطوم لقوات الأمن التي أطلقت عليهم الرصاص كانت تتوسطهم طالبة اسمها دينا شيخ الدين، ومن فرط تخلفها فقد صارت بروفسورة في جامعة امريكية ولديها مكتب محاماة في امريكا يدر عليها الملايين ولكنها لم تسمع بشانيل ولا ايف سان لوران ولا كاشاريل!! ‏أنا شخصيا عندما سمعت بـ «‏كشاريل» ‏مؤخرا حسبت أنها نوع من أكياس القمامة البلاستيكية لأن القمامة في الخليج تسمى "‏كشرة". ‏ثم مالك يا علامة والنساء سواء أكن جميلات أو دميمات؟ المهم أننا نشهد لك بأنك جميل وحليوة وغندور وهنجوك، وأتفق معك في أنه ليست هناك امرأة سودانية واحدة تملك ذوقك في المكياج ورسم الحواجب واستخدام "‏الحلاوة" ‏للتخلص من الشعر، والتزين بالسلاسل والخلاخيل والكشاكيش والشناشيل، ولا أعرف فتاة سودانية مؤهلة للمشاركة في برنامج مثل ستار أكاديمي الذي يستضيف "‏رواغب علامات" ‏المستقبل من الجنسين، وأعترف أيضا بأن نساءنا غير عصريات، وكل همهن هو التفوق في مجالات الدراسة والعمل، فصرن يحتكرن المراكز المتقدمة في المنافسات الأكاديمية، وصرن يشكلن الأغلبية في دواوين الخدمة العامة.. ‏يعني شخص مثلك لن يستطيع ان يأكل عيش في بيئة كالسودان تشكل فيها النساء - ‏رغم كل المضايقات والعسف الذي يتعرضن له- ‏الدعامة الأساسية للعمل العام، وعندنا في السودان يعتبر تعبير "‏امرأة بمائة رجل" ‏اساءة للمرأة، لأن معظم نسائنا لا يقبلن مجرد المقارنة بينهن والرجال في مجالات الكفاءة وتحمل المسؤولية.. ‏والنزاهة، فالرجل السوداني قد يكون مرتشيا وفاسدا في نفسه مفسدا لغيره .. ‏بينما المرأة عندنا تتمتع بطهارة اليد ولا تمارس الاختلاس ولا تتقاضى الرشوة!! ‏ومع هذا - ‏وربما لهذا - ‏نراهن جميلات وناضحات بالأنوثة أكثر من فتيات الفضائيات العربية اللواتي يستدرجننا للزنا الالكتروني الافتراضي فيعتبرن في نظر "‏علامة" ‏وأشباهه في منتهى الحلاوة والرقي والتحضر

    وكلمة أخيرة يا علامة من علامات الساعة (‏تطاول الحفاة العراة)

    لست مؤهلا للحكم لا على رجولة الرجال ولا أنوثة النساء، فـخليك في اللي انت فيه وربنا يأخد بإيدك أو .. ‏ياخدك.

    ‏واخيراً ارى ان الآم الامة العربية وجراحها كبيرة ولا تطاق ,,,,ويأتي امثال هذا وغيره لينشغلوا بسفاسف الامور ويشغلوا الناس بإثارة البغضاء والفتن

    وما لدينا من العار والسطحية يكفي ..


    كميات مودتي... يا ود فرح...

    وبجيك أكمل قصتي مع الست نانسي...


    أبو الحســـــــــــــــين...


                   |Articles |News |مقالات |بيانات

17-01-2007, 01:19 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    +
                   |Articles |News |مقالات |بيانات

18-01-2007, 06:17 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: أها القصة وين... شيلو الصَبُر بجيكم راجع...

    كميات مودتي...


    أبو الحســــــــــين...



    قاعد أحكي معاهو كدي... قام جاء عِريبي خَلاَ (أظنو هواري) ـ تصغير عريبي دي لأنُّو صغير في العُمُر وهم طبعاً مشهورين بيتزوجو صغار... عشان ما يجيني واحد ناطي يقول لي صغرت وجهَّلت بي قبيلة صغيري ـ من عرب لا فوق ومعاهو مِرَيْتُو حلااااااااااااااااتة (الظاهِر عليهُن عِرسان جداااااااااد لنج وجايين يتفسَّحوا في كريمة!!)... وقفوا بي جنْبي... المرة نطَّت قالت لي مجتبى ود الكمالي... شريط عَجْرا يعني (عجرم) الجديد ما نزل؟؟؟؟ _ طبعاً الهواوير بياكلو الحرف الأخير سريعين في الكلام_ أنا طوالي ودِّيت الإسم دا... لي فنان شايقي قُلت يكون طلع من منطقة (جِرا) علي حسب سمعي يعني!!!... وقلت يكون زي ناس ......... قنتي و......... مورا و........... العفاض و.......... أرقي و................. المقل و.......... الحجير و............ الكرفاب و............. الأراك وبالعكس!!!! لأنُّو إختلط علي الإختساس في موضوع عجرا دي... وماني قايِل مقطوعة الطارئ نانسي دي عندها شعبيي في البلد كمان؟!! ... قُلت أكييييييييد هي قاصدة منو كدي جِرا!!! أها قُلت كدي الأشمشر أشوف الشريط يطلع متين عشان أجيبو معاي هنا يكون حدث جديد... بلا بَعَد ردُّو ليها... قال ليها والله لسع ما وصلنا كدي شوفي أسامة للفيديو والكاسيت في شارع المستشفى!!! نط راجلها كمان سألو أها شريط البرتقالة القُتو نسختو كِمْلت ما سوِّيتولكم نُسُخْةً تاني شئ؟؟؟

    هييييييييييييييييييي الشئ دي المقصود بي عجرا دي مااااااااااااهو فناناً من جِرا شئ... الشئ دي المقصود بَها قاطِعْةَ الطارئ نانسي عجْرم... (الله يصُرْفِك صرافاً يا عجرا) إنتي لا هِني وِصِلتِي؟؟؟!! أي لوووووووووووووووووووووول!!! سرييييييييع قُلت لي مُجْتبى كدي اْدَّني شرايطي ديل وقُتَّلُو عليك الله شوف لي كان لقيت لَك شريطاً تاني للفنان بَنْدا (الله يرحمو) أدني خبر الأجي أشيلو!!!
    الله ياذاكْ أذاياً كدي يا الديقيتال ويقطع سيرتك من البلد!!!!

    وأنا مارِق من المحل أردد في كلام واحد (حبيبنا هنا إسمو ود البدوي مترجم معانا في المكتب) دايماً لمَّن أشطح في حاجة ولَّة شي يقول لي (سبحان الذي أتى بكم من البدو)...

    ولكم من المودة والمحبة أحلاها وأعذبها...


    أبو الحســـــــــين...

                   |Articles |News |مقالات |بيانات

18-01-2007, 08:47 AM

محمد فرح
<aمحمد فرح
تاريخ التسجيل: 14-09-2006
مجموع المشاركات: 9222

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    أبو الحسين يديك العافيي ياأخوي والله يقطع طار نانسي وهيفاء وروبي وكل المتشخلعين والمتشخلعات اللي كرهونا التلفزيونات وخربولنا الوليدات ......

    لكن أبو الجعافر أدب راغب ده جنس أدبه ياأبو الحسين ياأخوي الله يديه العافيه والله أنا زمان لمن سمعت كلام الراجل الوسخ ده شدة ماإتمغست قربت أمشي لبنان قلت بس أدقه أتفشى فيهو وأرجع لكن والله الليله مقال أبو الجعافر ده ريحني تب تسلم إيدك وإيدو ياأخوي ..

    ـــــــــــــــــــــــــــــــــــــــــــــــــــــــــ
    كيمات مودتي

    (عدل بواسطة محمد فرح on 18-01-2007, 09:43 AM)

                   |Articles |News |مقالات |بيانات

18-01-2007, 09:20 AM

نصار
<aنصار
تاريخ التسجيل: 17-09-2002
مجموع المشاركات: 11660

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    العزيز ابو الحسين

    اها دي كويعة فوق القوز دا

    العزيز فرح
    لو سمحت قصر الخط الفي نهاية مداخلتك الاخيرة عشان نقدر نقرا الموضوع بدون ما نحتاج نزحو جاي و جاي زي المرق الشغال في اوضتين
    زي ما قال صاحب المزاج العالي في النكتة المشهورة
                   |Articles |News |مقالات |بيانات

20-01-2007, 06:42 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: أبو الحسين يديك العافيي ياأخوي والله يقطع طار نانسي وهيفاء وروبي وكل المتشخلعين والمتشخلعات اللي كرهونا التلفزيونات وخربولنا الوليدات ......



    آمييييييين...

    بس بيني وبينك يا محمد يا اخوي... ماكْ قاعِد تعايِن لهِن كدي بي قعَر عينك مررررررة مرة كدي!!!

    بجيك راجع...

    مودتي...


    أبو الحســـــــــين...
                   |Articles |News |مقالات |بيانات

20-01-2007, 04:40 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    +
                   |Articles |News |مقالات |بيانات

21-01-2007, 06:04 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: العزيز ابو الحسين

    اها دي كويعة فوق القوز دا



    الحِبيِّب نصار...

    طال كِوِّيعك يا اخوي... لكن لا تخاف من السهر شئ... القهوة في الطريق جايي عليك... بس قول يا كافي البلاء من ناس نانسي وهيفا...

    مودتي...


    أبو الحســـــــين...
                   |Articles |News |مقالات |بيانات

23-01-2007, 12:53 PM

هاشم أحمد خلف الله
<aهاشم أحمد خلف الله
تاريخ التسجيل: 16-01-2007
مجموع المشاركات: 6449

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    اخوي ابو الحسين

    تحياتي القلبية والله لما قربت العنوان ما استغربت ؟؟ عارف ليه لانو الشايقيات
    مشهورات بالجمال وكان ظني واحد من جماعتكم سافر للبنان وعرس ليهو واحدة
    لبنانية وسماها نانسي وعجرم دي من مخيلتك والله قصة جميلة وشيقة لكن بينى وبينك
    الواحد محتاج ليه إجازة عديلة كده عشان يجاريكم وويناكيفكم عموما ربنا يقدرنا
    علي المتابعة والأستزادة من هذا المنبر الرائع كروعتك اخي ابو الحسين

    صحافي بحت وصديق شخصي للشايقية المبدعين دائماً


    المخلص هاشم احمد خلف لله
                   |Articles |News |مقالات |بيانات

21-01-2007, 07:51 AM

محمد فرح
<aمحمد فرح
تاريخ التسجيل: 14-09-2006
مجموع المشاركات: 9222

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: بس بيني وبينك يا محمد يا اخوي... ماكْ قاعِد تعايِن لهِن كدي بي قعَر عينك مررررررة مرة كدي!!!


    أبو الحسين ياعزيز
    والله ياأخوي النصيحه لي الله مررررررره مره كدي الواحد بيزهج من الأخبار الشوم دي ويأخد لي تخريمه على ناس روتانا وناس ميلودي ديل زي ربع ساعه كدي وكان جاء زول بسراع بقلب المحطه التقول بحضر في فلم ثقافي
                   |Articles |News |مقالات |بيانات

21-01-2007, 09:07 AM

فدوى الشريف
<aفدوى الشريف
تاريخ التسجيل: 14-09-2006
مجموع المشاركات: 5389

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    هياااااااابو الحسين تتعدل عليك شقيش ماتقبل والله الكان شفتني متقنقتي وسط الواطه
    والله ضممممممممممممممممممممه عجبني حديثك وقول ياها الفريد قنقيته
                   |Articles |News |مقالات |بيانات

22-01-2007, 06:40 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: أبو الحسين ياعزيز
    والله ياأخوي النصيحه لي الله مررررررره مره كدي الواحد بيزهج من الأخبار الشوم دي ويأخد لي تخريمه على ناس روتانا وناس ميلودي ديل زي ربع ساعه كدي وكان جاء زول بسراع بقلب المحطه التقول بحضر في فلم ثقافي



    إنت عارف مرة نزلت بوست من إرشيفي... وهو والله يا اخواننا نانسي عجرم دي لاها سمحي ولا شئ!!! وتعال شوف الخَنِق الكان دارْ يجيني!!!

    ناس عطشاني نانسي وهيفاء... والله يا محمد أخوي إنت عارف أنا كيف منزعج بي ثقافة الديقيتال والفيديو كيليب الدخلت القُرى والأرياف دي... لكن نسوي شنو مع الفضاء الحُر دا!!؟؟

    الله يطرشِقْكِن يا القنوات الهابطة من فوق قبل ما تصلننا...

    كميات مودتي... وبطل متاوقة يا اخوي وعييين بي قعر العين!!!


    أبو الحســـــــين...
                   |Articles |News |مقالات |بيانات

22-01-2007, 01:57 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: هياااااااابو الحسين تتعدل عليك شقيش ماتقبل والله الكان شفتني متقنقتي وسط الواطه
    والله ضممممممممممممممممممممه عجبني حديثك وقول ياها الفريد قنقيته



    بتنا فدوى...

    البِت دي والله بي نياصتها دي شغلت كتير من الناس وهسع أمسكي عندك الناس القاعدين يتاوقوا ديل وما قادرين يقولو شئ... واحد مرة في مداخلة في مكان آخر... قال لي كدي خليني الأزح المدام دي من فوقي وأجيك راجع... بس كلام خشم...

    لكن والله يا فدوى بيني وبينك... كِبي دي لاها سمحي ولا شئ... وعندي صور ليها حقيقية حا أنزلها تُثبت أنها إعلام ساكت زي ماب يقولو... ولة شنو؟؟

    مودتي... وبجيك راجع...


    أبو الحســــــــين...
                   |Articles |News |مقالات |بيانات

22-01-2007, 02:22 PM

علي محمد علي

تاريخ التسجيل: 04-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)


    والله يا ود الحسين قصصك كتيرة وهاك القصة دي ( اعادة ) اكيد بتكون مرت عليك :


    ابت تتحمل معاى الظاهر حجمه كبير ( اه ونص السودانية ) ، لكن برضو دي كويسة





                   |Articles |News |مقالات |بيانات

22-01-2007, 04:19 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Nancy Ajram when she was a baby



    I'll return back later

    Salam

    Abu El-Hussein
                   |Articles |News |مقالات |بيانات

22-01-2007, 07:20 PM

خالدة البدوي
<aخالدة البدوي
تاريخ التسجيل: 05-03-2006
مجموع المشاركات: 1816

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)


    الجميل ابو الحسين

    شفت كيف لو عرجت شوية على اهلنا

    بي قادي كان سمعت نكته نكتتين عن

    الافلام دي ،،،

    وبابا ده اريتو بابانا ،،،


    دمت ،،،
                   |Articles |News |مقالات |بيانات

23-01-2007, 06:11 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: والله يا ود الحسين قصصك كتيرة وهاك القصة دي ( اعادة ) اكيد بتكون مرت عليك :


    ابت تتحمل معاى الظاهر حجمه كبير ( اه ونص السودانية ) ، لكن برضو دي كويسة



    يا اخوي آه ونص خليك منها... الكلام كلام الشافِع الشال حال أبوه دا... أها دا من نوع جماعتي البي يتاوقو بي قعر عيونُم... يعني ضابحين ليهم الكديسة تَب!!!

    وتشكرات يا اخوي علي على الهدية...

    كميات مودتي... لكن يا علي إنت متفق معاي... إنها النانسي دي ماها سمحي؟؟؟ ولة عندك راي تاني... ولة ماب تقدر تقولو!!؟؟


    أبو الحســــــــين...
                   |Articles |News |مقالات |بيانات

24-01-2007, 06:11 AM

nile1
<anile1
تاريخ التسجيل: 11-05-2002
مجموع المشاركات: 2747

للتواصل معنا

FaceBook
تويتر Twitter
YouTube


نان سي السيد أو نانسي عجرم (Re: أبو الحسين)

    نان يابو الحسين مقطوعة الطاري دي تجيب السماحه من وين؟؟؟؟؟الشايفه إنت دا شيتن صناعي ماهو صح...وبعدين إنت عشان صح جايي من لاتحت..مابتعرف الحاجات متلنا نحن ناس الصعيد..وفيشان إنت إقليمي وكمان تربال ماك عارف التكتح عن ناتسي عجرم والمتيلها..طبعا من هني لاقدام بتعرف مادام الدش دخل القش..أقصد دخل الإقاليم.. نانسي عجرم دي القالك أصلها مرة منو؟؟؟ الخرابه دي كانت راجل بس لين شويي إسمه عجرم وكانت ساكني في عين شمش في مصر..بيتهم كان فاتح على قهوه إسمها قهوة صاحب صاحبو..ألاد الحله الشرامه الماعندهم شغل كانوا طول اليوم معسكرين في القهوه القدام البيت..وكل ماجاء عجرم دا..كانوا يقولوا (سي عجرم جاء) ولما يمشي يقولوا (سي عجرم مشى) طبعا كلمة سي دي زي اللبانه في خشوم المصريين..وهم طبعا هازين عليهو لأنه الراجل الكان بيقولولو سي دا كان راجلا ضكران ودشن..يهدر متل الأسد وكان مصر كلها تعرف سي السيد..طبعا الشرامه لما سمو عجرم دا سي السيد كانو بيقصدوا العكس بس داسين منه وماهم دايرين يقولولو يا ناعم..أها يازول قام الجنا إتعقد من روحه..ومن معاكسة بطان عين شمش..و حلف ستين ويمين مايقعد في مصر يوم ..قول يازول خلى أمه وأبوه في عين شمش ورجع لبنان قعد مع حبوبته..وقول يازول هناك لم فيهو راغب علامه وراغب زاتو بطان حلته كانوا مكرهنو حياتو عشان بنتاوي كدي وناعم وكان ماعندو فيهم صاحب..أها لقى عجرم دا وبقوا أصحاب طبعا عجرم حكالو حكايتو مع شماشة عين شمش وقاللو ماتجيب طاري سي السيد لى أي زول ..طبعا هم ما بيقولوا زول ..قالو لاتجيب طاريها لى أي زلمه..أخدولن زمن أصحاب ويوم إتكاجروا وختوهو قرض وإتكاسرو القحف..وطبعا راغب علامه دا من فصيلة الطقطاقات والمشاطات ..خشمو مايبل الفوله..كلم بطان بيروت بي حكاية سي عجرم..قوم كمان بطان بيروت بقو يقولولو سي االسيد..سي السيد..سي السيد..يازول كره عيشتو وما عرف يمشي وين....وقال الرجاله تطير الجايبالي الهانه والذله..وقال يا إسبتاليه دربك وين..مشي لى دكتور قاللو والله أنا زهجت من الرجاله دي وماني دايرا ضمه..طبعا الكلام دا قالو باللبناني..الدكتور قاللو يعني شو بدك؟؟؟عجرم قاللو دايرك تسويلي عمليي وتقلبني بنيي..طبعا الدكتور شايف وعرف إنه الحكايي ساهلي وبعد العمليي البودي ماهو محتاجلو لي سمكره وبوهيه بس دايرلو مزيل شعر كيماوي قوي عشان الشنب والدقن مايبتقن تاني..قول يازول وضبو تمام..وسأله هسع آخرابه يسموك منو؟؟؟طبعا برضو سألو باللبناني قاللو(شو حابب تسمي حالك؟؟)..عجرم قاللو (وأنا ياخيي شو بعرفني ..سوي اللي بدك ياه) لقاهو محتار وماهو عارف يسمي نفسه شنو...المهم يازول في تمرجيتن فاهمي ونصيحي قالتلو إنت ليه ماتغيظ بطان عشن شمش وبيروت وتستفيد من اللقب الكانو بيكاووك بيهو؟؟ وزي ماقلبت جنسك تقلبو؟؟ طبعا الحكايي دي كانت أيام الرئيس ريجان رئيس أمريكا..وكانت مرتو إسمها نانسي ويوقولولا في الجرايد والتلفزيون السيده الأولى..التمرجيي قالتلو ..كيتن في البطان الكانو حاشرنك لا ورا في آخر صف الرجال ديل نسميك على إسم السيده الأولى دي ونخت كلمة نان بتاعت الشايقيه قدام سي ونزقنف السيد دا نمرقو ويبقى الإسم نانسي عجرم..أها ياخينا من يومو داك بقى سي عجرم نانسي عجرم..الهسع إنت شايفا مكملى الغنا ومنطلقي من بيروت لا كريمي...الله يستر لاتخربلنا البنيات هناك...ومتل البيلعب بي ضنبو دا ويعاين لى بنات دريم وستار أكاديمي بالدس ..وكت نانسي عجرم دي تصل كريمي الداير يقعد مرتو تاني معاهو شنو؟؟؟؟؟
    أها ودعناك الله بس تاني أن بقيت دايرلك شي وللا معلومه عن ناس البنادر أسأل طير الصعيد..ياهن أهل الفارغه..أقصد أهل المعرفه والثقافه.

    (عدل بواسطة nile1 on 24-01-2007, 05:46 PM)

                   |Articles |News |مقالات |بيانات

27-01-2007, 07:20 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: نان سي السيد أو نانسي عجرم (Re: nile1)

    Quote: بيتهم كان فاتح على قهوه إسمها قهوة صاحب صاحبو..ألاد الحله الشرامه الماعندهم شغل كانوا طول اليوم معسكرين في القهوه القدام البيت..وكل ماجاء عجرم دا..كانوا يقولوا (سي عجرم جاء) ولما يمشي يقولوا (سي عجرم مشى)



    عندك المحن يا هندسة!!!

    بجيك راجع...
                   |Articles |News |مقالات |بيانات

24-01-2007, 08:38 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: الجميل ابو الحسين

    وبابا ده اريتو بابانا ،،،

    دمت ،،،



    الله يجازي محنك يا بت البدوي...

    قلتي لي أريتو بابا السرور!

    والله إنتِن يا بنات حواء...

    كميات مودتي...


    أبو الحســــــــين...

                   |Articles |News |مقالات |بيانات

05-02-2007, 07:34 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)



                   |Articles |News |مقالات |بيانات

24-01-2007, 03:12 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    الزاكي أخوي...



    لامِن أجيك بي مهلي...
                   |Articles |News |مقالات |بيانات

24-01-2007, 03:39 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    سلام يا الحيبان -

    ابو الحسن اخوى - عفيت منك !

    نان نانسى عجرم دى بس اسما ذاتو كوتور !عيللى الشيطان اسما ذاتو اسم شواطين ! أسع عليك الله دا اسم ??

    تتنايص عيللى السيخلى الكايسى امها كدى - سماحتا يا شينى !!

    وحات ربى لا عندها طعم لا خيلقى !

    وراغب علامة دا بس سواهو اشتر - كدى اليربو بنوتون ويعلموهن الحيا فى الاوال - حيتين يجوا ينضومو فى بنوت الناس ال( حور فى سور وسيدو معللى سورو !)

    ست البنات .
                   |Articles |News |مقالات |بيانات

25-01-2007, 02:08 AM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: ست البنات)



    بسم الله الرحمن الرحيم
    ابؤالحسين ابن عمي..
    سلامات..
    Quote: بس نانسي دي الحقيقة للهِ شاااااااااااايفة

    الله يديك العافيه ياابؤالحسين ياخوي..


    حاتم هاشم.
                   |Articles |News |مقالات |بيانات

30-01-2007, 07:05 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: ست البنات)

    Quote: وحات ربى لا عندها طعم لا خيلقى !



    أي والله يا ست البنات صدقتي...
    (والعهدة عليكي إنتي)!!!

    هسع عليك الله شوفي سِقِيديمها دا كِيفِنو!!!



                   |Articles |News |مقالات |بيانات

25-01-2007, 05:52 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: نان يابو الحسين مقطوعة الطاري دي تجيب السماحه من وين؟؟؟؟؟الشايفه إنت دا شيتن صناعي ماهو صح...وبعدين إنت عشان صح جايي من لاتحت..مابتعرف الحاجات متلنا نحن ناس الصعيد..وفيشان إنت إقليمي وكمان تربال ماك عارف التكتح عن ناتسي عجرم والمتيلها..طبعا من هني لاقدام بتعرف مادام الدش دخل القش..أقصد دخل الإقاليم.. نانسي عجرم دي القالك أصلها مرة منو؟؟؟


    الله يجازي محنك يا هندسة...

    لكن لقيتك ماشاء الله عليك ماك طير صعيد شئ (أقصد تِرْبَات خرطوم وألمانيا)!!! طيب ما تشوف ليك خميس وجمعة تخفِس علي عبد اللطيف وغريبة ديل تديهم كورس في اللهجة الشايقية دي!!!

    كميات مودتي... سردك جميل جداً لامِن أجيك للاَّتحت دا...


    أبو الحســـــــــــين....
                   |Articles |News |مقالات |بيانات

25-01-2007, 07:59 AM

nile1
<anile1
تاريخ التسجيل: 11-05-2002
مجموع المشاركات: 2747

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    الحبيب أبو الحسين

    (نحن صحيح ولا بندر......لاكين العرق دساس)

    تربينا ونشأنا في كنف سيدة عظيمة عليها رحمة الله..بالرغم من أنها تزوجت وهي بنية يافعة وجاءت إلى البندر وعاشت فيه حتي توفاها الله إلا إنها لم تتخل عن موروثات وأشياء رائعه غرستها فينامن ضمنها هذا اللسان الحنين واللهجة الدافئة..ثم غنيماتها..التي لو قدر لها أن تعيش في باريس أو لندن لأصرت أن تكون معها.. رحمك الله يا أمي.
    وبعدين ناس صاحبي صلاح غريبه دا هم الجابولنا الهبوب والكتاحه..إنت قايل كلمة القشرابه..القشرابه..دي من وين؟؟؟الناس جو من لاتحت القعد في أتبره والقعد في شندي والمشي برسودان والجا الخرتوم..ناس غريبه جدهم نقز من تنقاسي مرقها في الغرب مشى قعد هناك..إنت قايل كلمة الجلابه دي الجابا لينا منو غير ناس غريبه..ناس الغرب صقعوهم الجلابه..الجلابه..والناس المستنيرين إياهم متل العميان المسكو العكاز..قايلين ناس الشمال كلهم ياهن الجلابه..نحنا مانا جلابه الجلابه الخلو الشمال ومرقوها في الغرب والجنوب..دحين ياخوي إن بقيت دايرني أعيد تأهيل صلاح غريبه...أول حاجه يسلم ناس الغرب هويتهم ويجي يقعد عندنا في البلد ويكون لا تلاته وللا أربع سنين (بدون) ووكتين خلاس نأهله بنديهو الهويه اللت الترابله.
                   |Articles |News |مقالات |بيانات

29-01-2007, 07:20 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: nile1)

    Quote: وبعدين ناس صاحبي صلاح غريبه دا هم الجابولنا الهبوب والكتاحه..إنت قايل كلمة القشرابه..القشرابه..دي من وين؟؟؟الناس جو من لاتحت القعد في أتبره والقعد في شندي والمشي برسودان والجا الخرتوم..ناس غريبه جدهم نقز من تنقاسي مرقها في الغرب مشى قعد هناك..إنت قايل كلمة الجلابه دي الجابا لينا منو غير ناس غريبه.



    والله كلام... أتاريييييييهم
                   |Articles |News |مقالات |بيانات

17-02-2007, 03:05 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    .
                   |Articles |News |مقالات |بيانات

28-01-2007, 05:52 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    سبحان الله إخوتي الكرام...

    موضوع نانسي عجرم دا... الظاهر عليهو مأرق عيون ناس كتاااااااااار يا الزاكي أخوي...

    أمس إتصلت علي سيدة سودانية... من السودان... وخسرت ليها كم جنيهات (مشلخات) عشان تقول لي الكلام دا...

    تتصورو قالت لي شنو؟؟؟

    قالت لي الأيامات دي مع القنوات الفضائية البقت أكتر من حافلات الصحافة ظلط في الزمن دا!!! دُعاء معظم النسوان هنا بيقُولِن!!::

    اللهم أحفظ رِجالنا من البطالة... دي مافيها حاجة أها ثم ماذا؟؟؟

    وغُض أبصارهم يا الله عن البرتقالة!!! (العراقية)...

    وأجعل يا ربي نانسي عجرم (المفعوصة دي)* في نظرهم مِتْل الزبالة...


    * (المفعوصة) دي زيادات مني... يعني خارج النص!!!

    وبجيكم راجع... للتعليق والتحليل...


    أبو الحســـــــــين...
                   |Articles |News |مقالات |بيانات

30-01-2007, 02:44 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    .
                   |Articles |News |مقالات |بيانات

28-01-2007, 08:15 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: وحات ربى لا عندها طعم لا خيلقى !



    أي والله صدقتي يا ست البنات...

    هسع عليك الله شوفي سِقِيدِيمها دا كيفِنو؟؟؟

    الحالة دي زمنها الصغيري... هسع زاد!!


    وبجيك راجع...


    أبو الحســـــــين...
                   |Articles |News |مقالات |بيانات

28-01-2007, 02:53 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    Quote: تتنايص عيللى السيخلى الكايسى امها كدى - سماحتا يا شينى !!



    العُهدة على الراوي...

    أنا بررررررررررررررة!!!
                   |Articles |News |مقالات |بيانات

28-01-2007, 04:27 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    ودي إهداء خااااااااااص لمحمد فرح البدَّع بي غادي!!!



    أتاريييييييييييك!!!
                   |Articles |News |مقالات |بيانات

29-01-2007, 11:54 AM

هاشم أحمد خلف الله
<aهاشم أحمد خلف الله
تاريخ التسجيل: 16-01-2007
مجموع المشاركات: 6449

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    اخوي ابو الحسين

    تحياتي

    شايفك فاتح لي عديل كده 0000 ماعارف مالك الحالة اديتك
    رقم جوالي , كما إتصلت بالأخ عوض علي خالد للسؤال عليك
    واتضح لي انك خال زوجته( ام عمر ) يعني اخو صلاح القصير
    لاعب الكرة السريع 0

    والله كل مواضيعك شيقة وعرفت من الأخ عوض كمان انك شاعر
    اتمني لك كل الود والمحبة 0
                   |Articles |News |مقالات |بيانات

29-01-2007, 02:03 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: هاشم أحمد خلف الله)

    Quote: اخوي ابو الحسين

    تحياتي

    شايفك فاتح لي عديل كده 0000 ماعارف مالك الحالة اديتك
    رقم جوالي , كما إتصلت بالأخ عوض علي خالد للسؤال عليك
    واتضح لي انك خال زوجته( ام عمر ) يعني اخو صلاح القصير
    لاعب الكرة السريع 0

    والله كل مواضيعك شيقة وعرفت من الأخ عوض كمان انك شاعر
    اتمني لك كل الود والمحبة 0



    الحِبيِّب هاشم...

    لا عاش ولا كان من يفتح ليك يا غالي...

    لكن يعلم الله ما شُفت رسالتك لي... ولم تصلني رسالة بالماسنجر منك... أها رسالتك دي ياااااااااربي حسن علي لسع ما وصَّلها ولة شنو؟؟؟

    وبعدين شايفك متاااااااوِق في حوش مقطوعة الطاري دي... أصبر لامِن أكلم أم عمْرو تكلم الحيكومة حقتك...

    كدي راجع شوف الرسالة دي أرسلتها وين؟؟؟

    وأنا جوالي وإيميلي في حوش الشايقية موجووووووود...

    أرجوك راسلني على إيميلي الخاص... ولي عظيم الشرف بمعرفتك يا راجل يا طيب...

    كميات مودتي... وتاني لا أشوفك تزازي بي هني!!!


    أبو الحســــــــــين...

                   |Articles |News |مقالات |بيانات

01-02-2007, 07:22 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    .
                   |Articles |News |مقالات |بيانات

31-01-2007, 01:34 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: قصتي مع (نانسي عجرم) في مدينة كريمة... إهداء إلى بشــاشا... ومحل رقيقي التِتْقَطع!!! (Re: أبو الحسين)

    قماشة العليان

    أنا ونانسي عجرم


    قماشة العليان

    في غضون اسبوع واحد فقط عشت موقفين على طرفي نقيض يجمعهما مصطلح واحد.. أحدهما أحزنني والآخر أحيا الأمل داخل نفسي.. الموقف الاول مع طالبات احدى المدارس المتوسطة سألتهن على حين غرة: برأيكن من هي افضل امرأة في العالم العربي.. ولماذا؟؟.. بعفوية وببساطة وبسرعة توالت الاجابات التي تكررت في شخصية واحدة: نانسي عجرم..

    طاف بمخيلتي وجه عبثت فيه عمليات التجميل حتى غدى أقرب الى الدمامة، وفكر خاو مع تحلل تام من كل ما يربط الانسان بالدين والاخلاق والاعراف!!!.. لماذا؟.. سألت لأصطدم باجابات اكثر غرابة.. تنوعت الاجابات والاغلب الاعم كانت الاجابة لانها حرة.. حرة!! للكلمة ضجيج مؤلم ينساب داخلي في صمت وفزع.. بعد محاضرة قصيرة خرجت اكاد ابكي..

    الموقف الآخر كان في احد معارض الكتاب في المملكة لفت نظري مشهد عجيب يجري امامي فتيات في عمر الورود امام بوابة الخروج يتهامسن وهن يشرن بأيديهن الى امرأة تجاوزت الأربعين ترتدي عباءتها المزركشة المخصرة الشفافة وقد غابت معظم تفاصيل وجهها تحت اطنان من الاصباغ والألوان.. ثم اقتربت احدى الفتيات على استحياء من المرأة تنصحها بأدب بأن تغير هذه العباءة لأنها لاتليق بمجتمع مسلم.. تغير وجه المرأة وانقلبت سحنته وهي تهتف غاضبة.. أنا حرة.. ثم تغادر.. ابتسمت وانا أراقب المشهد.. وأدركت ان الهداية لاعمر لها ولا زمن فرب طفل اعقل من رجل ورب امرأة تزن بعقلها عقول عشرات الرجال.. تساءلت كثيرا ما معنى الحرية؟؟ ما الحرية التي تجعل فتيات في مقتبل العمر يرشحن فنانة لتكون افضل امرأة؟ وماذا تقصد تلك المرأة بقولها أنا حرة؟؟ هل هي حرية التفلت والانحطاط والانعتاق من روابط الدين والاخلاق؟ أم هي حرية الفجور والتبرج والسفور؟ أم هي حرية التخبط والضياع بين احضان السباع؟
    ان مفهوم الحرية الحقيقي قائم على التحرر من الشر بجميع مفرداته والاندفاع نحو الخير والمودة والصدق والتواضع والبساطة وضبط النفس امام الاهواء والشهوات.. وهذا ليس تعريفا اسلاميا للحرية فحسب بل اجمع الفلاسفة مثل ديكارت وارسطو وسقراط بمفهوم عام للحرية بانها الارادة والتحرر من عبودية الاهواء والنزوات..

    وقد تردد كثيرا هذه الأيام مصطلح تحرير المرأة.. وكثر الناعقون والمتشدقون والرعاع.. كل يدلي بدلوه.. ولست افهم تحرير المرأة من ماذا؟؟ لقد اعز الاسلام المرأة وكرمها وكفل لها حقوقها ولم يترك شاردة ولا واردة في حياتها الا ونظمها لها مع موازنة تامة في كل شؤونها.. تحرير المرأة في رأيي وهمي ووهمي يكون بتحرير عقلها.. بتوعيتها بتثقيفها.. وذلك بغرس الوعي الديني والاخلاقي والتربوي لديها منذ نشأتها ان تعرف انها قوية بالله.. ثابتة بالتمسك بشرع الله وبكتابه العزيز.. نزرع في داخلها بأنها مراقبة في كل أمورها من الله عز وجل وانه يراها ولاتراه فتخشاه ويملأ التقوى والورع مجامع قلبها وعقلها في كل صغيرة وكبيرة لأنها اذا لم تخش الله فيمكنها ان تفعل ما يحلو لها دون اي ردع.

    أذكر من قصص السابقين احد الطغاة الذين عاثوا في الأرض فسادا وطغيانا وفي احد الايام امسك هذا الطاغي باحدى النساء وهي تصرخ وتستغيث ولم يستطع احد ان ينقذها من بين يديه حتى مر في المكان عابد زاهد اقترب من الرجل وهمس في اذنه ثم مضى! وفجأة ترك الرجل الظالم المرأة وأخذ يبكي... اندهش الناس وسألوا العابد ماذا قلت له ليفعل هذا.. قال: لقد قلت له جملة واحدة: إن الله يراك..

    ومن هذا المنطلق الايماني فانني أدعو الى توعية المرأة المسلمة بشئون دينها وما كفله لها من حقوق تبز فيها نساء العالمين.. حتى ان الكثير من النساء الغربيات يحسدن المرأة المسلمة على سترها وحيائها وعفافها واحترام الرجل لها ولا يسعنا المجال لذكر ما تتعرض له المرأة (المتحررة) حسب رأيهم من انتهاكات واساءات واضطهاد.

    ولن انسى ما قالته لي يوما كاتبة أمريكية بأنها تتمنى لو ولدت مسلمة!!
    المشكلة في مجتمعنا انه حدث انفتاح كبير على مستوى العلاقات الاجتماعية.. انفتاح على الاعلام بشتى انواعه بغثه وثمينه دون تمييز مثل الفضائيات والانترنت لكن في نفس الوقت لم يواكب هذا الانفتاح رقابة اسرية وتوعية دينية وارشاد اخلاقي مما ادى الى تشتت وتخبط وانعدام توازن.. فاهتزت المثل والقيم العليا لتصبح قدوتنا ومثلنا الأعلى هي نانسي عجرم واشباهها.. وقد قال الشاعر:

    لاتقولوا المسلمون انهزموا
    أمة المختار في حرز الصمد

    فإذا ذلت لباغ فكما
    يعبث الفأر بتمثال الأسد

    شوفو عليكم الله كيفِن أصبحت ننوسي دي أفضل إمرأة في العالم!!!

    وبجيكم راجع...


    أبو الحســـــــــــين...
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de