|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: Ali Sirelkhatim)
|
Quote: يا ود الصايم زى دى هسّة محتشمة والله وبمقاييس هنانحن شايفنها كوزة عديل كدة |
الحبيب على سر الختم
والله شرطت بطني من الضحك ده كلام شنو ده تصدق أنا من كلام تراجي عن الإحتشام الإجباري بسبب البرد قلت خلاص ما راح نشوف جمالك يا أمريكا بس لكن وحاتك البلد ديك شتااااها دمار وصيفها دمارين طبعا فى حاجات ما لحقنا عليها ويادوووووووب فهمت كلام الناس فى بوست الدمار الروماني داك فعلا الناس عندكم مليانه مظاهر ومناظر زي دي وما عندنا كلام فيها يا صاحب وتسلم كتير على المرور والتعليق الحلو
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: جمال السنوسي)
|
Quote: ود القاضي
الصيفية الجاية
نمشي سوا
رايك شنو
|
مالك على الراجل خليهو فى حالو عايز تسوقوا تمشوا وين ركزوا اللعب الشوية وأعملوا جلسه كااااربه وما تنسوا تسألوا الخبراء هناك ولو قلوبكم بـ تتحمل الشغل ده أعقدوا العزم وراح تلقوني قدامكم
Quote: ود ساني
الله لا بارك فيك
في زول يمشي هناك في الشتاء ده والجليد
ياخي امشي وقت الهمبريب كده
عشان الدمار يكون تسونامي
تسلل :
صورك احترافية شديد |
الحظ يا جمال الخط العاثر لكن الحمدلله لقينا حاجات فرحتنا وصدقني أمريكا دي كان شتاء ولآ صف دمااااار وتسلم كتير يا حلو بنحاول نغطي على قدر ما بنقدر ومرات كده بنستعين بكاميرات الأصدقاء والزملاء وربنا يقدرنا على تقديم كل جميل
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: عبد اللطيف السيدح)
|
Quote: بس انت جبتها من الاخر
الحكومة والناس مظلومة
رحلة موفقة وجميلة ومزيدا من النجاحات عزيزي ساني
بس جيب لينا الموية مانبغي الحوت |
الحبيب عبداللطيف السيدح سلامات ياصديق والله ليك فى القلب وحشة وتسلم على الكلمات الطيبة وتسلم كمان على المؤازرة
بعدين آخر شنو اللى جابو صحبك ده ياخ إنتو ما عارفين زمان شن قلنا قلنا حكومتنا دي حكومة متفهمة وواعية يعني شنكبة عنكبة مافي ندخل من البيت ندخل من المكتب كلو عند العرب صابون وبراك تابع الجاي وراح تشوف العجب والموية الما خمج بس الأهم تكون براااااك خلى حكومتك خارج الحدود الإقليمية للكمبيوتر
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: Ammir Mohamed)
|
Quote: الأخ ساني
أتمنى لك المزيد من التقدم والنجاحات |
العزيز أمير محمد
تسلم عى المساندة وعلى الكلمات الحلوة والله بنحاول نعمل حاجه تخلى بصمة للسودان والسودانيين وفعلا الرحلة كانت فرصة لتقديم وجه جديد لبورداب أمريكا عبر الإعلام القطري
Quote:
ود القاضي والله يسمك انت .. ما في ليك بس خيم رمضانية في السعودية .. تعرف ديل يا عمك في الصيف إلا تقوم جاري .. وبعدين في الصيف في أزمة أقمشة حريمي .. حقو تفكر تتاجر فيها .. شوف أخوك الكاشف ود الصايم وأنا جاهز.
أمير |
لااااااااااااااااااا شوية شوية على حبيبنا ود القاضي ده ياخ ما كلكم عليه كده الزول ده طيب وما بيقصد حاجه هو مجرد تعبير بس عن تمنيات لى شخصيا يعني الزول ما قال هو ماشي هناك قال يا محمد ما كان تمشي فى الصيف عشان كده أفهموه كويس وما تظلموه سااااكت
ولآ أيه رأيك يا ود القاضي مرافعة تستحق إننا نمشي الرحلة الجاية مع بعض
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: صديق الموج)
|
Quote: الحبيب على سر الختم
والله شرطت بطني من الضحك ده كلام شنو ده تصدق أنا من كلام تراجي عن الإحتشام الإجباري بسبب البرد قلت خلاص ما راح نشوف جمالك يا أمريكا
|
تعرف يا محمد خليل جيّتكم دى كانت سريعة جدا ..يا اخ انتو جيتوا زى الجايبين ليكم خبر..بالله انا نمت وصحيت كده لقيتكم جيتوا ورجعتوا.. المهم ياحبيب انا موجه ليك دعوة تجينا بى هنا فى نيويورك انا ساكن على بعد خمسة واربعين دقيقة من شلالات نياجارا..
والبجى امريكا ومايشوف الشلالات دى زى المشى الحج وما وقف بى عرفة..
مودتى ياحبيب
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: Ali Sirelkhatim)
|
Quote: تعرف يا محمد خليل جيّتكم دى كانت سريعة جدا ..يا اخ انتو جيتوا زى الجايبين ليكم خبر..بالله انا نمت وصحيت كده لقيتكم جيتوا ورجعتوا.. المهم ياحبيب انا موجه ليك دعوة تجينا بى هنا فى نيويورك انا ساكن على بعد خمسة واربعين دقيقة من شلالات نياجارا..
والبجى امريكا ومايشوف الشلالات دى زى المشى الحج وما وقف بى عرفة..
مودتى ياحبيب |
العزيز على سرالختم الراجل الطيب
تسلم على دعوتك الأنيقة والله نيويورك دي فى الخاطر ولو ما رحلتنا الصغيره دي كنا جيناها والشباب ما قصروا قدموا لينا الدعوة لزيارتها وأكيد هم معاك صبري الشريف وعبدالعزيز الفاضلابي وياسر إدريس وكلكهم فيكم الخير والبركة وإن شاء الله نيويورك دي جايينها جايينها وتسلم مره تانية على دعوتك الرقيقة ويا شلالات نياجارا جاك بلاء ،،،
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: أيمن دياب)
|
Quote: العزيز أبو النسب (باعتبار إنو حاجزين آرام).. نحنا لسه الجبتو لينا من اسبانيا ما طلع مننا.. تقوم تداهمنا تاني بالمصايب دي.. نشكيك على منو.. الحكومة شكلها ماعندها جولات اسفيرية.. عشان كده تسرح وتمرح زي ما عايز.. |
الحبيب أيمن دياب هههههههههههههه حلوة منك طبعا أسبانيا كان فيها حاجات لسه ما طلعت بس البوست مشى حتات تانية خصوصا مع الهاكر اللى جاب ليك حته ما مفهومة كيف
بعدين حكومتنا دي إن شاء الله كل الناس يبقى عندها زيهّا ياخ ديل متفهمين وواعين وعارفين دواعي التوثيق وكده بس مرات فى حنبكات وكده ونحن عرفناها وعالجناها يبقى خلاص بعد ده مافى مشكلة ،، دمار فى ،،، دمار أمريكاني صااااااح
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: جمال السنوسي)
|
Quote: يا محمد حليل ساني
ياخي صاحبي ادروب ود القاضي ده لو تابعك
بيروح فيها
خليهو بعيد من دوربك البتجيب الهوا دي
قبل كده مشينا البحرين طلعونا احباش
خلينا في الخليج ده ياخي
|
هههههههههههههههههههه
ولد الشرق ده ما ولدنا ياخ لو ما عملنا حسابو راح نعمل حساب منو بس هو تمنياتو دي اللى جايبه ليهو الكلام يعني لو كان مشى معاك البحرين ولاقى ديلاك مش كان أحسن يعني دي كان راح تكون ليهو حمى خفيفة بس
Quote: تسلل :
وين باقي الدمار ياخ
قبل الحج ما يدخل |
لقيتك شديد لكن يا جيمي تعرف خلاص راح نسرّع وتيرة المداخلات عشان نقدر نخلّص من الحكاية قبل الحج وأكيد قبل ما أسافر العيد للسودان عشان نقدر نشوف لينا دمار تاني من هناك ويا خوفي أرجع أمريكا تاني قبل البوست ده ما يخلص
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: محمد خليل ساني)
|
حبيبنا امير ...ياخي بركة الشوفة ومشتاقين والله ..اصلوا الواحد وكت يدورك الا يشرك ليك في لبس الشتاء الصيفي ...
Quote: ود القاضي والله يسمك انت .. ما في ليك بس خيم رمضانية في السعودية .. تعرف ديل يا عمك في الصيف إلا تقوم جاري .. |
المابخليني اجري عليهم شنو ياامير ؟!!!
Quote: وبعدين في الصيف في أزمة أقمشة حريمي .. حقو تفكر تتاجر فيها .. شوف أخوك الكاشف ود الصايم وأنا جاهز.
أمير |
ومنو القال ليك عايزين نلبسهم ...لو بالامكان نأجر ليهم حرامية لبس ...
ماتغيب ياامير ..
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: Sabri Elshareef)
|
Quote: والله يا ساني
اتيت كرمشة الطرف
لكن وثقت لهذه البلاد المباركه بصور وحكي طيب
وعندي صديق له 22 سنه هنا ولا زال مندهش لحدي ليلة البارحه يقول لي البلاد دي
تقول بناها جان
|
الحبيب صبري الشريف
والله صدقت جيه كانت بلينتي بس نحن زاتنا ما فهمنا حاجه بس حاولت أن أقوم بكل ما هو مطلوب الإستمتاع بقدر الإمكان بهذه الرحلة ومتعتى الحقيقية أن تدور عدستي هنا وهناك فى محاولة لتوثيق الحياة اليومية التى عشناها هناك حقيقة الدهشة ما زالت تتملكني حتى اللحظة بما رأيت وكذلك بما قابلني به الأخوة البورداب الذين لم أتشرف برؤيتهم من قبل لكنها الروعة تجلت فى احلى صورها حين تملكني إحساس بأني أعرفهم منذ قديم الزمان
Quote: تحياتي لك عرفت من نزار كروم ضيق زمنك ولذا تركناك لكي تتمتع بولاية او ولايتين زرتهما
نيو يورك هي الحج زاتو
اعتقد ان من شرب من موية بلادنا الامريكية بجينا راجع |
ياخ من غير ما نشرب مويتها إن شاء الله جايينها مع إننا قضيناها موية صحة ساااااكت لووووووووووووووول حقيقة تشرفت بمعرفة العزيز نزار كروم شخصية تستحق أن تصادقه وأن تكون له زميلا والصور جاياااااااك بلمة البورداب أو قل جزء من بورداب تلك المنطقة والبقية طبعا قابلتهم هناك فى العرض المسرحي لعلى مهدي
تحت تحت
السيدة من تل أبيب موجودة حاليا بولاية فيرجينيا بصحبة الصديق متولى مالك
| |
|
|
|
|
|
|
Re: الدمااااار الصااااح فى بلد الناس النصاااااح ،، رحلتي إلي أمريكا .. روعة المشهد وجمال الصحبة (Re: Yasier Elsayed)
|
Quote: الاخ العزيز / سانى المدمرة والله ليك وحشة وخربت علينا الطبع وفى انتظار الرجوع ياراجل ياجميل والمرة الجاية سوف يكون هنالك الدمار الدمار بالمهلة والشباب مبسوطين جدا بعد ظهورهم فى تلفزيون قطر وكل دقيقة والثانية يعيدو فى الشريط مع خاص تحياتى والاسرة
ياجمال النيل وسلمون ايلاند بالليل |
والله يا ياسر نحن اللى طبعنا إتخرب تعرف لحدي حسي ما قادر أضبط وقع حياتي لا ليلنا بقى ليل ولا نهارنا بقى نهار ياخ أمريكا دي عندها سحر عجيب والناس اللى فى امريكا وبورداب أمريكا هم سر هذا السحر طبعا الشباب شاركوا مره تانيه فى أمريكا وحققوا نتائج طيبه ،، يعني فى السباقين المركزين الأول والثاني بس طبعا زي فعالياتكم ديييييك مافى وزي لمتكم الحلوة قالوا مفتقدنها وإن شاء الله يجمعنا ربنا مع حلاوة أمريكا كلها بالليل والدمار الصاح أكيييييد فى بلد الناس النصاح
| |
|
|
|
|
|
|
|