|
Re: كِتابِي الثانِي للصف الأول الإبتِدَائي. (Re: سامى عبد الوهاب مكى)
|
تحياتي الى الاخ سامي : بوست رائع روعة المنهج الذي درسناه سابقا وذكريات محفورة في العقول وبن الكنز في الجغرافيا ... اجمل ما فيه ان كان يحكي تقاليدنا وارثنا بمصداقية وتجرد ... بوست اعاد ذكريات الابتدائية بالزي الجميل... الذي يمثل وحدة التعليم لان الجميع زيهم واحد اما الان فلكل مدرسة زيها الخاص زمن جميل تعرف طالب الابتدائي من المتوسط من الثانوي وكذلك الطالبة ... شكرا وشكرا لطه القرشي وشكرا لزيدان الكسلان .. وشكرا للرجل المتسرع .. وشكرا للفار الاكول ... وغيرها التحية لكل معلم درسني حرفا الابتدائيةالحارة 12 الثورة : استاذ الامين العوض ومحمد وست عفاف يونس وست عفاف عبد الله والمدير الرائع الاستاذ جعفر والمتوسطة: المدير فضل الله ( رحمه الله ) استاذ سمير واستاذابو القاسم وخالد وعبد الله وعبد الرحمن واسامة احمد خلف الله وعصام احمد بمدرسة الوفاق المتوسطة طبعا كان زمن جميل وكان لازم تجيب مجموع كبير عشان تدخل المدراس الحكومية الجيدة وهي بكار والوفاق والاهلية والاميرية ... والثانوية الاهلية : الحارس الامين ربنا يرحمه عم رمضان والصول عبد الحميد والمدير الذي لم نحس بانه مدير يوما لان كان والدالجميع الاستاذ الامين والاستاذ كمال المحينة ... ويوسف عدلان .. وعثمان وسيداحمد والنور والاستاذ ... والله نسيته لكنني قابلته كثيرا هؤلاء الاجلاء ممن درسوني في المدارس اما الجامعة في عالم آخر واشيد بالكل من غير تفصيل ذكريات وذكريات جميلة
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: مصطفى بابكر حامد)
|
تسميع جداول ضرب ولا محفوظات
الحصة الاولى دايما بتكون حساب
كان عندنا استاذ اسمو حسين لما يسألك 3 فى اربعة كم
ما تقول بــــ 12
تقول 12 بسرعة والا السوط فى ضهرك
،،،،،،
ترت ترت ياسر القرد توت توت ياسر العتود
ياسر ده كان زول قصير ( بعيوو ) وجراى
البعيو ولدى حك لى شنبى
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: عبد الدائم سيد أحمد)
|
Quote: تسميع جداول ضرب ولا محفوظات
الحصة الاولى دايما بتكون حساب
كان عندنا استاذ اسمو حسين لما يسألك 3 فى اربعة كم
ما تقول بــــ 12
تقول 12 بسرعة والا السوط فى ضهرك |
عليك الله ما ياها اليوسي ماس القاشرين بيها الناس الأيام دي؟؟
،،،،،،
Quote: ترت ترت ياسر القرد توت توت ياسر العتود
ياسر ده كان زول قصير ( بعيوو ) وجراى
البعيو ولدى حك لى شنبى |
نفس النظرية مع إختلاف المشبهين بالعتوت والقرد والبعيو
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: مصطفى بابكر حامد)
|
Quote: تحياتي الى الاخ سامي : بوست رائع روعة المنهج الذي درسناه سابقا وذكريات محفورة في العقول وبن الكنز في الجغرافيا ... اجمل ما فيه ان كان يحكي تقاليدنا وارثنا بمصداقية وتجرد ... بوست اعاد ذكريات الابتدائية بالزي الجميل... الذي يمثل وحدة التعليم لان الجميع زيهم واحد اما الان فلكل مدرسة زيها الخاص زمن جميل تعرف طالب الابتدائي من المتوسط من الثانوي وكذلك الطالبة ... شكرا وشكرا لطه القرشي وشكرا لزيدان الكسلان .. وشكرا للرجل المتسرع .. وشكرا للفار الاكول ... وغيرها التحية لكل معلم درسني حرفا الابتدائيةالحارة 12 الثورة : استاذ الامين العوض ومحمد وست عفاف يونس وست عفاف عبد الله والمدير الرائع الاستاذ جعفر والمتوسطة: المدير فضل الله ( رحمه الله ) استاذ سمير واستاذابو القاسم وخالد وعبد الله وعبد الرحمن واسامة احمد خلف الله وعصام احمد بمدرسة الوفاق المتوسطة طبعا كان زمن جميل وكان لازم تجيب مجموع كبير عشان تدخل المدراس الحكومية الجيدة وهي بكار والوفاق والاهلية والاميرية ... والثانوية الاهلية : الحارس الامين ربنا يرحمه عم رمضان والصول عبد الحميد والمدير الذي لم نحس بانه مدير يوما لان كان والدالجميع الاستاذ الامين والاستاذ كمال المحينة ... ويوسف عدلان .. وعثمان وسيداحمد والنور والاستاذ ... والله نسيته لكنني قابلته كثيرا هؤلاء الاجلاء ممن درسوني في المدارس اما الجامعة في عالم آخر واشيد بالكل من غير تفصيل ذكريات وذكريات جميلة |
شكرا يا مصطفى على المرور وياريت يا دفعة لو تكب لينا حبة ذكريات
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: مصطفى بابكر حامد)
|
بوست الزمن الجميل وتحية للجميع
يوم السبت هو اصعب يوم لأنه بيكون فى تفتيش فى الطابور اى واحد لابس سفنجة يطلع بره اى واحد ما حالق شعره يطلع بره ويبدا الاستاذ فى تفتيش الاظافر : مد يدينك لقدام وطبعا شايل ليهو عصاية من شجرة النيم او بسطونة ولو اضافرينك ما مقصوصة طبعا الضربف ى ضهر اليد ولو زوغت يدك يعيد الجلد من تانى اما الما حلقو شعرهم واللابسين سفنجات يقيفوا فى نص الطابور وياخدو علقة بقعر صوت شجرة النيم طبعا اغلب الجماعة بيجوا مردفين الملابس طبعا فى اساتذة بتفننوا فى الجلد يعنى تقيف عديل وما تجيب ايدك ورا والا اعاد الجلد مرة تانية او يجيبو كرسى وتمسك فى الكرسى ولو رفعت يدك برضه تضرب على ضهرك
اجمل حاجة فى حصة المحفوظات يوم تحلين النشيد كل واحد يحاول يلحن بطريقة جميلة بقدر الامكان وطبعا اللحن الاجمل هو البيفوز ويمكن ان يبقى هذا اللحن يمر على كل الاجيال ولا يتغير
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: مصطفى توفيق)
|
Quote: بوست الزمن الجميل وتحية للجميع
يوم السبت هو اصعب يوم لأنه بيكون فى تفتيش فى الطابور اى واحد لابس سفنجة يطلع بره اى واحد ما حالق شعره يطلع بره ويبدا الاستاذ فى تفتيش الاظافر : مد يدينك لقدام وطبعا شايل ليهو عصاية من شجرة النيم او بسطونة ولو اضافرينك ما مقصوصة طبعا الضربف ى ضهر اليد ولو زوغت يدك يعيد الجلد من تانى اما الما حلقو شعرهم واللابسين سفنجات يقيفوا فى نص الطابور وياخدو علقة بقعر صوت شجرة النيم طبعا اغلب الجماعة بيجوا مردفين الملابس طبعا فى اساتذة بتفننوا فى الجلد يعنى تقيف عديل وما تجيب ايدك ورا والا اعاد الجلد مرة تانية او يجيبو كرسى وتمسك فى الكرسى ولو رفعت يدك برضه تضرب على ضهرك
اجمل حاجة فى حصة المحفوظات يوم تحلين النشيد كل واحد يحاول يلحن بطريقة جميلة بقدر الامكان وطبعا اللحن الاجمل هو البيفوز ويمكن ان يبقى هذا اللحن يمر على كل الاجيال ولا يتغير |
سلامات يا مصطفى توفيق..
وشكرأً على تذكيرنا بالجلِد النضيف ..
غايتو جلِد الشتاء ما يحليلو كلو كلو
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: سامى عبد الوهاب مكى)
|
ايوا والله يا مصطفى اللحن بيكون لاصق باذهان كل الاجيال
مثلا" نشيد يا وردة كنا ملحننو باغنية حمد الريح يا حليلو كان ناوى السفر .. يا حليلو
يا وردة نبتت على غصن جميل ناضر ... يا وردة
ما انت الا بهجة ومسرة للناظر ... يا وردة
فيك الندى يلمع فى الضياء الباهر .... يا وردة
من ذلك النهر اشربى ومن الغمام الماطر ... يا وردة
فى الصدر انت جميلة مثل الوسام الفاخر ... يا وردة
النشيد ده مذكر لحنو زميلنا وليد محمد على اب رأس ( السجانة ) شفت الذاكرة دى حديد كيف
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: عبد الدائم سيد أحمد)
|
Quote: ايوا والله يا مصطفى اللحن بيكون لاصق باذهان كل الاجيال
مثلا" نشيد يا وردة كنا ملحننو باغنية حمد الريح يا حليلو كان ناوى السفر .. يا حليلو
يا وردة نبتت على غصن جميل ناضر ... يا وردة
ما انت الا بهجة ومسرة للناظر ... يا وردة
فيك الندى يلمع فى الضياء الباهر .... يا وردة
من ذلك النهر اشربى ومن الغمام الماطر ... يا وردة
فى الصدر انت جميلة مثل الوسام الفاخر ... يا وردة
النشيد ده مذكر لحنو زميلنا وليد محمد على اب رأس ( السجانة ) شفت الذاكرة دى حديد كيف |
يا عبد الدائم يا دفعة أنا من أول مداخلة ليك قلت ليك شكلك زول حفيظ شديد لأنك مع كل مداخلة بتحيرني وانا عامل فيها شفت وحافظ.
بالمناسبة نحن خطبنا بتك الفي الصورة دي لولدنا أحمد الفي الصورة دا وهو زول كويس ولعاب في الكورة وشاطر جداً لكن كلامه مقلبن وأخر إبداعاته أمبارح قال قالو ليهم أحفظو سورة (الناجِعات)
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: سامى عبد الوهاب مكى)
|
كان عندنا استاذ اسمه عبد الحفيظ وملقبنه ب( التقيل ) استاذ صعب جدا جدا المدرسة كلها تخاف منه وهو بيدرس رياضيات وتاريخ وجغرفيا طبعا فى حصته الطلبة بكونوا ساكتين كصمت القبور ولمن يدينا واجب لازم تعملوا وتجمع الكراس ويا ويلك لو ما جمعت الكراس او كتب ليك فى الكراس ( قابلنى ) ده بقى يوم يفر المرْء من نفسه اول حاجة يجى داخل الالفة شايل الكراسات طبعا قبل الحصة تمسكك لواية فى بطنك وتشعر بمغص شديد واعصابك تكون باظت اول ما يجيى الاستاذ داخل الفصل كله قيام ثم يامر بالجلوس ويبدا الاستاذ فى السؤال ( الماجمع الكراس يطلع بره يقيف جنب السبورة ) ويبداء الانهيار اكبر للذين ما جمعوا الكراس بعد كده يبدا يسلم كل طالب كراسه واى طالب كاتب ليهو قابلنى يطلع بره طبعا كل الجماعة ديل يكونوا واقفين جنب السبور لحد الما حصة تقرب تخلص بعد كده يبدا الحساب ويناديهم بالدور ومافى عذر اما طريقة الجدل بتاعته يمسك البسطونة من النص وتقيف ثابت زى العسكرى اى ترنح او لو جبته يدك ورا يعد ليك من الاول ( اقيف كويس يا جنس ال###### يا خنزير ) دى المقولة الشهيرة بتاعته اثناء العقوبة طبعا فى ذلك اليوم اى طالب بيكون لعن اليوم الدخل فيهو المدرسة وبالرغم من انه كان استاذ صعب الا انه كاتن رياضى جدا ففى حصة الرياضة الطلبة كانوا بيتكيفوا منه لانه كان بيهتم بفريق المدرسة وكان بيكون حكم ودائما هو كان سبب فوز المدرسة فى الدورة المدرسية لكرة القدم واصله ما ننساه الاستاذ عبد الحفيظ محمد سعيد من ابناء دنقلا الله يمتعه بالصحة والعافية
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: مصطفى توفيق)
|
Quote: كان عندنا استاذ اسمه عبد الحفيظ وملقبنه ب( التقيل ) استاذ صعب جدا جدا المدرسة كلها تخاف منه وهو بيدرس رياضيات وتاريخ وجغرفيا طبعا فى حصته الطلبة بكونوا ساكتين كصمت القبور ولمن يدينا واجب لازم تعملوا وتجمع الكراس ويا ويلك لو ما جمعت الكراس او كتب ليك فى الكراس ( قابلنى ) ده بقى يوم يفر المرْء من نفسه اول حاجة يجى داخل الالفة شايل الكراسات طبعا قبل الحصة تمسكك لواية فى بطنك وتشعر بمغص شديد واعصابك تكون باظت اول ما يجيى الاستاذ داخل الفصل كله قيام ثم يامر بالجلوس ويبدا الاستاذ فى السؤال ( الماجمع الكراس يطلع بره يقيف جنب السبورة ) ويبداء الانهيار اكبر للذين ما جمعوا الكراس بعد كده يبدا يسلم كل طالب كراسه واى طالب كاتب ليهو قابلنى يطلع بره طبعا كل الجماعة ديل يكونوا واقفين جنب السبور لحد الما حصة تقرب تخلص بعد كده يبدا الحساب ويناديهم بالدور ومافى عذر اما طريقة الجدل بتاعته يمسك البسطونة من النص وتقيف ثابت زى العسكرى اى ترنح او لو جبته يدك ورا يعد ليك من الاول ( اقيف كويس يا جنس ال###### يا خنزير ) دى المقولة الشهيرة بتاعته اثناء العقوبة طبعا فى ذلك اليوم اى طالب بيكون لعن اليوم الدخل فيهو المدرسة وبالرغم من انه كان استاذ صعب الا انه كاتن رياضى جدا ففى حصة الرياضة الطلبة كانوا بيتكيفوا منه لانه كان بيهتم بفريق المدرسة وكان بيكون حكم ودائما هو كان سبب فوز المدرسة فى الدورة المدرسية لكرة القدم واصله ما ننساه الاستاذ عبد الحفيظ محمد سعيد من ابناء دنقلا الله يمتعه بالصحة والعافية |
يا مصطفى توفيق بالله لاحظ عظمة الجيل البنتكلم عنه وقد تجلت في شكرك لأستاذ عددت فيه كل صفات القسوة لكن حين قارنتها بما قدم لك من علوم وإسهام في تربيتك لم تجد غير أن تشكره في نهاية حديثك...والله الواحد فخور لأنه من هذا الجيل الوفي.
عليك الله زيدنا..
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: طارق جبريل)
|
Quote: طارق جبريل قال كان بيحشى ( الروب ) فى الكسرة يقوم الروب يسيل بكوعو يملا هدوم المدرسة كلها
تخيل زول يكون قاعد جمبك ريحتو روب روب
الواحد اصلو ما يديكم سره |
غايتو يا طارق لو الكان بيقعد جنبك بتاع كسرة بي شاي وما بتاع روب يكون قال الرووووووووب وسلطة الروب في رمضان مابيقربها.
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: طارق جبريل)
|
يا طارق جابو لينا واحد من جماعتكم ديل من البلد فى سنة تانية انت عارف السجانة كلها شوايقة
كان بقول للبصطونة ( العــصــى )
حاول يصاحب ويبارى اولاد الخرتوم شوية شوية عندنا زميلنا حاتم قام جدع المقشاشة فى المروحة ، المقشاشة اتفكفكت وملأت الفصل اولاد الفصل قعدو يقولو .. الليلة يا حاتم انا ملى ياحاتم .. الليلة يا حاتم انا ملى يا حاتم
هو عاوز يقلدهم طبعا بكلام البلد حقو .... الليلى يا حاتم انا مالى يا حاتم ...
لو عايز يكلمك فى اضانك يقول ليك تعال اخـــاليــك ....
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: سامى عبد الوهاب مكى)
|
اليوم نلقي نظرة سريعة على مدرسة الركابية الإبتدائية من الداخل..
مساحة المدرسة ليست بالكبيرة ولا أعتقد أنها تتجاوز الثمانمائة متر مربع على أقصى تقدير..
تتكون من نهر واحد أو فصل واحد لكل مستوى عدى الصف السادس فقد قُسِم لـ (أ) و (ب) وحتى هذه تمت لحصر المتفوقين وإعطاءهم الجرعة المناسبة وكذلك الأمر للأقل مستوى وكانت النتائج على قدر المرجو من هذا التقسيم.
كان بالمدرسة مسرح صغير في غاية الأناقة يتم عرض كل الأنشطة على خشبتة..
بينها وبين جامع الامين يقع البوفي الأشهر وكان يديره على ما أذكر عم جبريل وفي المساء يدير مطعم فاتح على شارع الخليفة..وكان الفطور كالمعتاد في المدارس وقتها لا يخرج من شيئين (فول وطعمية)
المدرسة مشجرة بطريقة منظمة جداً وأشجارها تجد العناية اللازمة من خفير المدرسة الذي لا زلت القاه من وقت لأخر ماري بجوار بيتي من سوق امدرمان وهو عم سليمان وكان له مكان مخصص لسكنه داخل المدرسة.
جدران المدرسة كانت مزينة برسوم تعليمية يقف على رسمها وخطها مدير المدرسة بنفسه وقد كان في غاية البراعة وإن لم تخني الذاكرة كان له ولد معنا توفي في حادث حركة وهو يهم بقطع شارع الخليفة.
الطريف أن أحد أساتذتي أصبح زميلي في العمل.
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: سامى عبد الوهاب مكى)
|
فعلا ما يميز جدار المدرسة فى تلك الحقبة تلك الرسومات التعليمية التى تجدها حائط المدرسة واذكر كان ليدنا استاذاسمه بدر الدين رسام جدا فهو كان يقوم بعمل تلك الرسومات الجميلة والتى مازالت حتى اليوم موجودة فى حائط المدرسة وتحت كل رسمة توقيعه ( بدرالدين ) وقد كان هذا الاستاذ مسؤل من حصص الفنون والرسم والفلاحة المدرسية تلك الحصص التى كان يجد فيها الفرد نفسه ويتعلم كيف يرسم او كيف يزرع حديقة حيث كنا نقوم بزارعة الشتول وسقيها بالماء وعمل سور صغير بالطوب الاحمر حول الشتلة او الشجرة وكنا مقسومين فى شكل مجموعات كل مجموعة لديها يوم لسقاية تلك الاشجار اما نظافة الفصل فكل مجموعة فى كنبة عليها نظافة الفصل وكنسه قبل الطابور ويا ويل المجموعة الى لا تنظف فمصيرها الجلد وبالتالى كنا نتكب اسماء كل من يقوم برمى شىء داخل الفصل وخصوصا قشر التسالى ونعطى الورقة الى ابو الفصل هذا غير النظافة التى كان يقوم بها كل فصل او اشتراك الفصول فى تنظيف المدرسة اسبوعيا اما بالنسبة للفطور فكان الناس البيتهم قريب من المدرسة يخرجون بتصريح مكتوب من ابو الفصل او من الناظر وفى اولاد مسؤلين من حراسة الباب مهمتم السماح لك بالدخول او الخروج بذلك التصريح وقت الفطور حتى لا يأكل الطلبة خارج المدرسة وبالرغم من ذلك كان هناك بعض الطلب يقومون بالزوغان ونط الحائط الذى خلف الفصول طبعا حيطة المدرسة قصيرة انا البوفيه فيه فول وطعمية وبعض السلطات التى تضاف للساندوتش نهاية اليوم الدارسى تلقى الحاجات مرصوصين جنب المدرسة العندها ( داندرمة ) والقنوقليز بالشطة ودقة القنوقليز والعرديب وحلاوة حلى وحلاوة شعيرية وقراصة النبق غير الفول والتسالى والذى منه
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: Ishraga Mustafa)
|
Quote: فعلا ما يميز جدار المدرسة فى تلك الحقبة تلك الرسومات التعليمية التى تجدها حائط المدرسة واذكر كان ليدنا استاذاسمه بدر الدين رسام جدا فهو كان يقوم بعمل تلك الرسومات الجميلة والتى مازالت حتى اليوم موجودة فى حائط المدرسة وتحت كل رسمة توقيعه ( بدرالدين ) وقد كان هذا الاستاذ مسؤل من حصص الفنون والرسم والفلاحة المدرسية تلك الحصص التى كان يجد فيها الفرد نفسه ويتعلم كيف يرسم او كيف يزرع حديقة حيث كنا نقوم بزارعة الشتول وسقيها بالماء وعمل سور صغير بالطوب الاحمر حول الشتلة او الشجرة وكنا مقسومين فى شكل مجموعات كل مجموعة لديها يوم لسقاية تلك الاشجار اما نظافة الفصل فكل مجموعة فى كنبة عليها نظافة الفصل وكنسه قبل الطابور ويا ويل المجموعة الى لا تنظف فمصيرها الجلد وبالتالى كنا نتكب اسماء كل من يقوم برمى شىء داخل الفصل وخصوصا قشر التسالى ونعطى الورقة الى ابو الفصل هذا غير النظافة التى كان يقوم بها كل فصل او اشتراك الفصول فى تنظيف المدرسة اسبوعيا اما بالنسبة للفطور فكان الناس البيتهم قريب من المدرسة يخرجون بتصريح مكتوب من ابو الفصل او من الناظر وفى اولاد مسؤلين من حراسة الباب مهمتم السماح لك بالدخول او الخروج بذلك التصريح وقت الفطور حتى لا يأكل الطلبة خارج المدرسة وبالرغم من ذلك كان هناك بعض الطلب يقومون بالزوغان ونط الحائط الذى خلف الفصول طبعا حيطة المدرسة قصيرة انا البوفيه فيه فول وطعمية وبعض السلطات التى تضاف للساندوتش نهاية اليوم الدارسى تلقى الحاجات مرصوصين جنب المدرسة العندها ( داندرمة ) والقنوقليز بالشطة ودقة القنوقليز والعرديب وحلاوة حلى وحلاوة شعيرية وقراصة النبق غير الفول والتسالى والذى منه |
نسخة مكررة في كل مدرسة بالكربون تقريباً يا مصطفى.
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: سامى عبد الوهاب مكى)
|
يا اشراقة الا تجى هبه لانها قدامنا وكانت بتعيد كتير
والله انا مذكر الدرس ده لكن تفاصيلو وصفحة كم نسيتها كان عندى تطعيم الجدرى اليوم داك ، البشكوك بالابرة فى الكتف كم شكة الى الان محلو واقف ...
يا سامى الناظر بتاعنا كان براقب السلك الشايك بتاع السور وهو قاعد فى مكتبو لو السلك اتــهــز معناها فى زول تلب ، طوالى يجرى على الزقاق الوراء الفصول فعلا" يقبض ليهو واحد
تقول كان شغال فى الامن
عندكم كان فى ناس بســــفو ؟
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: عبد الدائم سيد أحمد)
|
Quote: عندكم كان فى ناس بســــفو ؟ |
الوحيد الكان بسف في المدرسة اخوي الأكبر مني ومرة طلعوه في الطابور والاستاذ قال ليه ...هل تعلم إن البسفو في المدرسة دي إتنين..إنت وغفير المدرسة ..
بعدين يا عبد الدائم عملت لينا شنو في موضوع الخطوبة الفوق دا؟؟
لو ما قبلانين ما تقولو لي زول جيناكم
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: سامى عبد الوهاب مكى)
|
Quote: بعدين يا عبد الدائم عملت لينا شنو في موضوع الخطوبة الفوق دا؟؟ |
اولــن" نسأل ما يكون بتاع صعوت زى عمو ولا بساسك الجيروات زى ابوه
بناتى ديل انا صارف عليهن KGــــهات بس قطعن قلبى
كنت بذاكر لعناب قبل كم يوم بأشر ليها على الصورة وهى تقول الحرف اها يا عناب تقول CAT C DOOR D FISH F
لما وصلت لصورة ال###### الاسم راح ليها قالت لى D هوووو هووووو
تقول لى ياء مع الرجا
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: محمد سنى دفع الله)
|
من الطرائف الكانت بتحصل داخل الفصل اثناء الحصة يختو ليك نملة فى قمصيك طبعا نمل زمان كان نمل رويان وشبعان ولمن يديك قرصة زى الضربوك برصاصة بالرغم من انها حركة ما لذيذة لكن الاولاد كانوا بيستمتعوا لمن يختوا نملة لواحد مرة فى واحد مشى اشتكى للاستاذ وقال ليهو الاولاد بيختو نمل فى القميص المهم جاء الاستاذ وبقى يهرش فى الفصل انه اى واحد يعمل الحركة دى حياخد 10 جلدات بصوت العنج بتاع الناظر وفى اثناء كلامه وقعت الطامة وللحظ السىء ختوا نملة لواحد من الاولاد النوع البيشتكى طوالى بس تعال شوف الولد بقى يفرفر ويحك فى العضة ورفع يده يا استاذ ختو لى نملة وفعلا طلع الولد بره ورفع القميص ضهره ده تقول خريطة العالم من قرصة النملة الاستاذ ما كضب رسل الولد قال ليه امشى مكتب الناظر جيب صوت العنج ونادى استاذ فلان معاك وتعال بقى عينك ما تشوف الا النور الاستاذين مسكوا الفصل كله جلد وكل طالب اخد 10 حتى الولد الاشتكى اول اواحد جلدوه
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: مصطفى توفيق)
|
سرقة الاقلام والسندوتشات
كان معانا واحد اسمه ( م . ز ) مشهور بسرقة الاقلام واكل سندوتشات الحناكيش الصباح بدرى اثناء ما الناس بيقيفو طابور هو بيدخل الفصل بسرعة يعمل عملتو ويحلق الطابور نظام جاى متأخر من البيت ابوى لما مشى الحج وانا فى سنة سادسة جاب لى قلم باركر ذهبى كان حديث الفصل والمدرسة والمدرسين القلم بعد يومين اتسرق ، كل اصابع الاتهام كانت تشير الى ( م . ز ) الا انو نكر ورفض يحترف بالسرقة واصر انو الفصل كلو يتفتش ( شفت قوة الرأس كيف ) لما الناظر تعب من التفتيش قال الفصل يتجلد كلو وبالفعل اتعاقب الفصل اشد عقاب
وانا فى الثانوى قابلنى ( م . ز ) فى شارع الصحافة زلط قال لى تذكر قلمك الدهبى الاتسرق ودقو فيهو الفصل كلو
قلت ليهو ايوااا
قال لى انا السرقتو .... وقعد يضحك واتسالمنا بالاحضان تانى .
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: عبد الدائم سيد أحمد)
|
Quote: سرقة الاقلام والسندوتشات
كان معانا واحد اسمه ( م . ز ) مشهور بسرقة الاقلام واكل سندوتشات الحناكيش الصباح بدرى اثناء ما الناس بيقيفو طابور هو بيدخل الفصل بسرعة يعمل عملتو ويحلق الطابور نظام جاى متأخر من البيت ابوى لما مشى الحج وانا فى سنة سادسة جاب لى قلم باركر ذهبى كان حديث الفصل والمدرسة والمدرسين القلم بعد يومين اتسرق ، كل اصابع الاتهام كانت تشير الى ( م . ز ) الا انو نكر ورفض يحترف بالسرقة واصر انو الفصل كلو يتفتش ( شفت قوة الرأس كيف ) لما الناظر تعب من التفتيش قال الفصل يتجلد كلو وبالفعل اتعاقب الفصل اشد عقاب
وانا فى الثانوى قابلنى ( م . ز ) فى شارع الصحافة زلط قال لى تذكر قلمك الدهبى الاتسرق ودقو فيهو الفصل كلو
قلت ليهو ايوااا
قال لى انا السرقتو .... وقعد يضحك واتسالمنا بالاحضان تانى . |
لو منك اخنقو في الشارع أقول ليك حاجة خليه ذاتا مروة زي زمان مافي اي حاجة بقينا ممشنها الله يسامحك.
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: مصطفى توفيق)
|
Quote: من الطرائف الكانت بتحصل داخل الفصل اثناء الحصة يختو ليك نملة فى قمصيك طبعا نمل زمان كان نمل رويان وشبعان ولمن يديك قرصة زى الضربوك برصاصة بالرغم من انها حركة ما لذيذة لكن الاولاد كانوا بيستمتعوا لمن يختوا نملة لواحد مرة فى واحد مشى اشتكى للاستاذ وقال ليهو الاولاد بيختو نمل فى القميص المهم جاء الاستاذ وبقى يهرش فى الفصل انه اى واحد يعمل الحركة دى حياخد 10 جلدات بصوت العنج بتاع الناظر وفى اثناء كلامه وقعت الطامة وللحظ السىء ختوا نملة لواحد من الاولاد النوع البيشتكى طوالى بس تعال شوف الولد بقى يفرفر ويحك فى العضة ورفع يده يا استاذ ختو لى نملة وفعلا طلع الولد بره ورفع القميص ضهره ده تقول خريطة العالم من قرصة النملة الاستاذ ما كضب رسل الولد قال ليه امشى مكتب الناظر جيب صوت العنج ونادى استاذ فلان معاك وتعال بقى عينك ما تشوف الا النور الاستاذين مسكوا الفصل كله جلد وكل طالب اخد 10 حتى الولد الاشتكى اول اواحد جلدوه |
والعجب لو الدنيا خريف والنمل (اب ريش) دي ما حلاوة الجندية ذاااااااااتا..
كان معانا واحد بيقول للنملة الشحموطة...
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: سامى عبد الوهاب مكى)
|
سامي ازيك ياخي مشتاقين كتير طبعا جيت الاسبوع الفات لكن ما لميت فيك اظنك طولت ما جيت الحلة طبعا عبد الجليل يسال منك سؤال الضهبان قال دايرك تشركو في نادي المريخ في السباحة وكذلك البنات المهم رسل تلفونك عشان ارسلوا ليهم
اما موضوع البوست مبالغة بالله انت قديم قدر دة ومعاك عبد الدايم وسمرية طلعتو عواجيز اما جنابو قديم قدم الكسرة بقرا في المدرسة قبال يلدونا اما سيف مساعد يبقى جدو عدييييييل كدة دي يا دوبو القريتو بتم الباقي وبجي صادة
غايتو اظن نحن قرينا الاساس هههههههههههههههههه عبد الدايم ما قي داعي للفضايح
صفية حاف من غير غمتو
تحياتي للشباب وامهم
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: سامى عبد الوهاب مكى)
|
من اقلام الحبر الشهيرة التى اذكرها فى تلك الفترة قلم التروبكر والباركر وقلم بيجو وفى قلم حبر من نوع الانبوبة بتتغير بس ما متذكر اسمه اما اقلام الرصاص وخصوصا فى حصة الهندسة فهو قلم 3H الشهير ولا منافس له كان فى علبة هندسة من نوع صينى لونها احمر من بره ولمن قلم الحبر يقطع منك تمشى مكتب الاساتذة تملاه او نتشترى من غفير المدرسة عنده محبرة خاتيها جنب السكن حقه فى طربيزة اما الاحذية فاشهرها الكبك بتاع باتا ثم لاركو وكان فى شدةَ البلاستيك وطبعا البيجى لابس فردة سفنجة فى رجله لازم يجيب عذر من المركز الصحى والا يا ويله من العقاب ولبس السفنجة ممنوع بقرار من مدير المدرسة
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: مصطفى توفيق)
|
Quote: من اقلام الحبر الشهيرة التى اذكرها فى تلك الفترة قلم التروبكر والباركر وقلم بيجو وفى قلم حبر من نوع الانبوبة بتتغير بس ما متذكر اسمه اما اقلام الرصاص وخصوصا فى حصة الهندسة فهو قلم 3H الشهير ولا منافس له كان فى علبة هندسة من نوع صينى لونها احمر من بره ولمن قلم الحبر يقطع منك تمشى مكتب الاساتذة تملاه او نتشترى من غفير المدرسة عنده محبرة خاتيها جنب السكن حقه فى طربيزة اما الاحذية فاشهرها الكبك بتاع باتا ثم لاركو وكان فى شدةَ البلاستيك وطبعا البيجى لابس فردة سفنجة فى رجله لازم يجيب عذر من المركز الصحى والا يا ويله من العقاب ولبس السفنجة ممنوع بقرار من مدير المدرسة |
سلام يا دفعة..
قلم الحبر الحقنة دا كرهنا القراية أولاً ي###### القمصان تلقى القميص لبني وبقعة الحبر في ركن الجيب التحت منظر قبيح..وسن القلم غالباً بتتشقا..
لكن البتذكره تمام إننا كنا بنلقى المحابر موزعة في برندات المدرسة (مِلِح) لكن برضو غفير المدرسة عنده حبر للبيع.
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: عبد الدائم سيد أحمد)
|
كان فى نوع بتاع قلم حبر الا نكسر جزء من السن عشان خط القلم يبقى جميل بتذكر اول ما دخلت اولى ابتدائى من ضمن الكتب يوزعوا ليك كراس رسم وعاه الون فى علبة زى الطبشير طبعا حصة الفنون كانت اجمل حصة عندى وفعلا اتعلمت منها الرسم وبقيت رسام وما زلت احتفظ ببعض الرسومات الى اليوم فى سنة تالتة كان فى حصة الجغرفيا لمن اتعلمنا رسم الخريطة الون ليك الخريطة بالوان وزخرفة خطيرة بتذكر كان فى حصة فيها انه كل مجموعة الاستاذ يديهم خريطة مرسوم فيهاالمدرسة وفى مكان ما يوجد كنز مدفون طبعا نبدا فى البحث عن هذا الكنز احيانا يكون داخل حوش المدرسة واحيانا يكون خارج السور والمتعة فى المجموعة البتلقى الكنز اول
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: سامى عبد الوهاب مكى)
|
فى ايام الشتاء مع السقط البارد كنا نجى ممسحين بالفازلين او الجرسلين طبعا تلقى الواحد شكله بيلمع من المسيح ومع اللعب وعدم الحمام من البرد تتكون طبقات حجرية بمرور الزمن فى اطراف يدك وكوعك وقدم الرجل لمن تبقى زى ضهر ابو القدح وتشقق لمن تطلع دم بالمسامات الحجرية طبعا لمن ترجع البيت ويمسكوك عشان تحك اطرافك بالحكاكة ام حجر لمن عينك تطلع، وطبعا الجلد فى السقط صعب عشان كده كان موسم الرديف بالقمصان والاردية وعشان تتدفى من البرد تلقى الطلبة قاعدين فى الشمس تحت الحيطة زى غنم الحلة والرجلين واليدين من القشف زى الدروع الواقية
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: مصطفى توفيق)
|
Quote: فى ايام الشتاء مع السقط البارد كنا نجى ممسحين بالفازلين او الجرسلين طبعا تلقى الواحد شكله بيلمع من المسيح ومع اللعب وعدم الحمام من البرد تتكون طبقات حجرية بمرور الزمن فى اطراف يدك وكوعك وقدم الرجل لمن تبقى زى ضهر ابو القدح وتشقق لمن تطلع دم بالمسامات الحجرية طبعا لمن ترجع البيت ويمسكوك عشان تحك اطرافك بالحكاكة ام حجر لمن عينك تطلع، وطبعا الجلد فى السقط صعب عشان كده كان موسم الرديف بالقمصان والاردية وعشان تتدفى من البرد تلقى الطلبة قاعدين فى الشمس تحت الحيطة زى غنم الحلة والرجلين واليدين من القشف زى الدروع الواقية |
أيام لها حراشف
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: سامى عبد الوهاب مكى)
|
في إيام زي دي والدنيا إجازة والسخانة عاملة عمايل ما في شي كان بيوقفنا من الكورة والتحديات وصبغ الفنايل بالوان الفرق الكنا ناجرنها من راسنا ..
غايتو نحن فريقنا كنا مسمنو الترسانة..اخيراً جداً عرفت إننا كنا بنلعب في الأرسنال شخصياً والارسنال دا او الترسانة فريق مجنرمت والكابتن بتاعنا كان كل يوم يقول لينا تبرعات ويمشي يا يشتري بالقروش سفنجة يا تبش ويجي يبيعو لينا..
والفنايل تطمم بطنك من الكورة حمالات شي فتحات كبار وشي فنيايل ممطوطة ومعظم الفريق شايل فنايل ابواتهم والفنيلة حدها الركب وحتى الصبغة بت الكلـــب عمرها ما ظبطت معانا مع اننا كنا بنشتغل حسب الطريقة العلمية يعني الموية ونسخنها والملح بنكبو والفنايل بنسوطها سواطة الويكة بي عمود نيم غالباً لحدي ما تتلايق..
اما بقية الالعاب بالله من أم الحفر تلقى الشوارع التقول محفرها فار (حفرة لكل ستة امتار) ...
النبل دي كان احرف واحد فيها صاحبنا الطائف عوض لانه احسن واحد بيصنعها وينيش بيها كمل قمري امدرمان كله..
ومن الذ نوادر وقصص النبل ونيش الطير إننا كنا ماعندنا مكان بيقبل بي جنس الفطايس البنجيبن ديل إلا قريبتنا رحمها الله مرة كبيرة وكان عقلها شوية كدا...نجي ونشوي القمري وحبة الفكة ناس ود ابرك وحرمة المصون الست عشوشة وناكل اللغاويس دي ونمشي حامدين شاكرين...ومرت الايام وفي مناسبة كبيرة ومحضورة والبيت ملان والوقت دا انا خلصت الجامعة وبقيت من صغار الموظفين جيت خاشي وبدون مناسبة قريبتنا ربنا يرحمها في نص الجمهور دا قالت لي تتذكر يا سامي لمن كنتو زمان تجيبو (الفيران) تنجضوهم في بيتي..علي الايمان والرحمن انا الفيني كملت اللحظة ديك لا قصدك الطيور وهي تشيل وتغالط والجمهور المعظمه نسوان شمشارات بعد ماكانو معجبات بالشاب المتخرج جديد والاشتغل قربن يستفرغن..انا متأكد جزء منهن يكون فعلاً صدق..غايتو الله يرحمها عملت لي سمعة
من اهم سمات المرحلة ديك التشرد طوال فترة الإجازة حبة لعب وحبة شكل وحبة صرمحة في سوق امدرمان (شبه شماشة) وكرعين ######ـــانات ###### شديد...والله قال بقولك لو لمو فيك ناس البيت ودخلوك (الرج) الحمام وسلخوك بالليفة وحجر البحر داك ...دي ما عذاب الجندية ذاااااااااااتو..
| |
|
|
|
|
|
|
Re: كِتابِي الثانِي للصف الأول الإبتِدَائي. (Re: سامى عبد الوهاب مكى)
|
Re: كِتابِي الثانِي للصف الأول الإبتِدَائي.
Quote: سلام يا ابن عمي حيّاك الله وابقاك ...
ما انضرها من ذكريات تلك النابعة من نشأتنا الاولي زمن جهالتنا زمن الطفولة ..
تتخيّا يا سامي يا اخوي انا بتذكر اول يوم لي في مدرسة الركابية حيث أضعت قروش
الفطور وهي كانت عبارة عن شلن كامل كان كفيلا بشراء سندوينش فول من احمد العوض
وحلاوة كرملّة او حلاوة كسلا او الاثنان معا من طبلية سليمان وحفظ المبلغ المتبقّي
لشراء داندرمة من زينب الحمراء أو نبق وقنقليس من التويمة ..
عمار اخوي دا زول صغير وانت عارفو دا من زمن الشفّع البدّوهم القروش الكبار ناس
الطرادة والحمسين قرش... |
| |
|
|
|
|
|
|
|