سفري السبب لي أزايا ...

مرحبا Guest
اخر زيارك لك: 03-19-2024, 10:27 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة سهير أبودية(القلب النابض)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-27-2007, 01:00 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
سفري السبب لي أزايا ...

    أحب الترحال والسفر .. وأخشاه ..

    لم أكن أفهم لماذا أخشاه حتى ضبطت نفسي متلبسة بجريمة الهروب من تسجيل الزكريات ...بالسرحان أحيانا .. وبعدم إمعان النظر.. أو بالامبالاة...

    لقيت روحي تقول في سرها ما عايزة زكريات ولا وجع ذكرى...تكفيني من آلام الزكريات ما تحمله ذاكرتي من القصائد وبعض الأغاني

    وعناوين الكتب .. وروائح الأمكنة .. وضحكة بعض الناس ونبرة صوت البعض.. أغلفة المجلات ...وكتاب الأعمدة ...زوايا الشوارع وشكل

    البيوت .. صوت طلاب المدارس عند ترديد النشد ..وصراخ خروجهم من المدارس في كل مكان ذات الصوت...

    ..بعض الأزهار والأشجار ...وصوت الطيور .. بكاء الأطفال...المارة في الأسواق ..الشحادين... رأسي ..


    كل واحدة من هذه الأشياء حياة بحالها ..

    قي رحلتي الأخيرة .. لم يكن لدي استعداد لحفط شئ من الزكرايات ولكن قد كان ورغماً عني .. عدت ببعض حزن يتاورني كما الحمى ..

    وكنت اغافل نقسي ...واراقبها...أريد أن استمتع بمكان جديد أزوره لأول مرة ولكني لا أريده أن يصطحبني كذكرى...لأن الذكريات

    متعبة.... كنت أظن أن الذكريات تخفف علي الزول مشقة الحياة.. خاصة أجملها ولحظات الفرح .. ولكني وجدت طعمها لا يختلف كلها

    تورث الشوق والتعب الطويل ...

    عجيب أمر هذا الإنسان !!!

    لاختي ابن صغير شقي .. اراه لاول مرة ..وبمجرد أن رأيته خفت من الولف .. قلت ووب علي الزول دا انا نا ما دايرة اولف عليه ولكن

    قد كان وملأ الفؤاد مني ...ونغص على العودة بأي شئ من ذكريات غير صوته وضحكته وشقاوته المفرطة .. وابكاني .. وعلمني أن الشوق

    لا دواء له....

    ألم اقل لكم أنا لا أحب الذكريات...


    واشياء اخرى

    حتى يعتدل تيرمومتر الشوق عندي... وتتوقف أمطار الحزن اعود

    سأحكي ...

    زياراتي

    تحياتي لكم جميعاً

    وبعض الشوق لا يكفي ....
                  

04-27-2007, 01:10 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    حليلك..
    شربتي من نفس الكاس..


    كويس المالاقيتك ..كان هسي بقن علي 8 بنات..









    كبري الحديد لايزال صنديدا ..
    وحوله الاشواق انهمرت
                  

04-27-2007, 01:22 PM

Muna Khugali
<aMuna Khugali
تاريخ التسجيل: 11-27-2004
مجموع المشاركات: 22503

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: DKEEN)

    سمح ما تتاخري..
    انتي سفرك كتر ولازم برضه أشواقك تكون كترت..
    كندا كانت كيف؟
    أحكي لينا بالتفصيل الطويل وما تكلفتي الحاجات..
    حتي الشجره الخضرا أم صفق أحمر احكي لينا عنها..

    تحياتي..
                  

04-27-2007, 01:37 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: Muna Khugali)

    منوية العسل ..

    كيفك ؟ أرجوني

    كندا حلوة جداً والحوامة كتيرة

    بس تعب الذكريات

    وبعض الخواطر سأكتبها

    تحياتي لك ولآلاء
                  

04-27-2007, 01:34 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: DKEEN)

    دكين اخوي

    عارفاك ماك شمتان فيني ولكنه الشوق والأحزان والسلوى

    نبثها هنا علها تنقص ...

    ليتني قابلتك .. كان بيقينا عليك "تمانية" يا قول فاطنة بت الطيب ...

    وكبري الحديد اتهد من العليه...

    يا هو كأس الشوق والأحزان

    ادي الناس دي "بقة"
                  

04-27-2007, 01:22 PM

تماضر الخنساء حمزه
<aتماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    إنتو ماعشتو الألم ..للمسافر غير رضاهو..
                  

04-27-2007, 01:29 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: تماضر الخنساء حمزه)

    يا حليلك يا القلب النابض
    ليك وحشة كبيرة والله...

    ومنتظرين الاخبار والذكريات...

    ما احلاها...

    الغريبة تظهري في ذات اليوم مع دكين..

    الشيطان والملاك...
    بعدي يويمن زول زعلان منك حيكتب

    دكين= القلب النابض..
    ونبقى في السجة واللجة
    مودتي لكما.. يا حلوين
    ؤبث
                  

04-27-2007, 02:02 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: bayan)

    د.ب

    Quote: بعدي يويمن زول زعلان منك حيكتب

    دكين= القلب النابض..


    قصدك زول زعلان مني..








    Quote: الشيطان والملاك...

    هسي اقوم اعرسا ليكم..
                  

04-27-2007, 02:12 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: bayan)

    بيان الدكتورة الرائعة

    الشوق ليكم زاتو واحد من الوجع المقيم ..

    تسلمي يا ستي

    معقولة بس ما يفرقوا القلب من دكين دا يكون عمى كدايس ساي ..



    الداير يقول يقول أنا راضية أكون دكين أو ود العمدة ..

    بس خلوني ابل شوقي في الفارقتهم هنا

    واشيل وجع شوقي للفارقتهم هناك ..
                  

04-27-2007, 01:44 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: تماضر الخنساء حمزه)

    يا تماضر

    وانت ما شفت وجع الشوق .. بس ..

    بس الشوق بتاور ...

    للمكان ...وروح الناس ...والشجر وصوت الريح ...والناس البتقابلك هاشة وباشة

    عٍلا دكين شوقو كٌتٌرّ....
                  

04-27-2007, 01:59 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)
                  

04-27-2007, 02:32 PM

اساسي
<aاساسي
تاريخ التسجيل: 07-20-2002
مجموع المشاركات: 16468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: bayan)

    انتو بتجيبوا النظريات دي من وين ؟؟؟


    القلب النابض ودكين

    الغريبة نفس الفترة دي انا كنت في السودان حوالي اسبوع كدا لم يعلق بذاكرتي سوى (بتاع الضرائب ) الفي المغتربين اسأل الله ان يبتليه باحد مدققي الحسابات من ديوان المراجع العام ينشف ريقو ..ياخي الحكومة الغت ضرايب المغتربين دا جايبها لي من سنة 1999

    لكن من ناحية تانية يا حليلكم البقي ليكم السودان بضع ذكريات تتهربون منها ..

    ـــــــ
    خاص بدكين

    يا دكين مشيت السودان وكلنا ترقبنا بوستات التهاني لك ان شاء الله التأهل للادوار التمهيدية تجينا (ملاوز) من حيطة وملف وسلك مدلدل من عامود كهرباء .. وبضع مساحيق رخيصة خلفها وجوه عادية لفتيات يتكالبن علي قطار ما ادركوه؟؟
    يا صاح ادرك ما ظللت تفوته فنحن نخاف عليك من مسبغة العمر الذي يتسرب في هذه الصحاري كما يتسرب ريالها ليلة صرفه ..يا صاح الحكومة سدت للنيل كل المنافذ خوف التسرب ولو بوضع اليد غصبا..
    وانت فاتح زي كبرى الحديد وكل الحسناوات يتسربن من تحتك؟
    يا صاح كلما مضي بك العمر الي الجدب اضحت الحسناوات كما منسوب النيل الازرق في ايام قحطه
                  

04-27-2007, 02:42 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: اساسي)

    Quote: ياصاح ادرك ما ظللت تفوته



    يازول انا راجي بتك..
                  

04-27-2007, 02:49 PM

اساسي
<aاساسي
تاريخ التسجيل: 07-20-2002
مجموع المشاركات: 16468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: DKEEN)

    اذن لن تنتظر كثيرا يا حبيب .. فنحن نستثمر في زريتنا اما ان ندخل بها جنان عدن التي لا يدركها عملنا الا رحمة من الله تشملها ولا تخطئني ... واما زينة الحياة الدنيا (الثانية)بعد ان رزقنا البنون
    وفي الحالتين لا تصلح الا شاهدا علي عقد نكاحها بصفة صاحب ابو العروس
                  

04-27-2007, 03:04 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: اساسي)

    أساسي الأساسي

    أبو البنية الفنجرية كلامها عسل ... دا لما تتكلم ..

    يا أساسي أنا يادوبك ماشا السودان .. كنت قي ام طرقاً عراض وجارتها مروراً " كندا وامريكا"

    مشينها على مضض وجئت منها على وجع .. ود اختي الصغير .. تعلق فلبي به ,,,,وعز علي فراقه ..

    وعندما كنت هناك كان في بالي أن لا ارجع بذكريات ..لمخت ابت ..



    قلت لي بس الضرائب اسة دا بيخلي الزول ما ينوم؟ قصدك دكين ما عندو ضرائب ولا شنو ؟؟؟ عندو لكنها لا تورقه كما الزكريات وكبري

    الحديد.. عاد يحمل منها مؤونة موسم كامل ..حتى موعد الحصاد القادم..



    بختك يا اساسي لا يؤرقك غير محصل الضرائب " مكشرا عن وجهه"

                  

04-27-2007, 04:33 PM

WadAker

تاريخ التسجيل: 12-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    عودا حميدا ..كل الاشواق
    .. وماتخلى حبل الزكريات ينشف
    ..
    منتظرين البوح الجميل
                  

04-27-2007, 05:08 PM

عامر تيتاوى
<aعامر تيتاوى
تاريخ التسجيل: 01-14-2006
مجموع المشاركات: 3328

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: WadAker)

    القلب النابض

    حمدا لله على السلامة وربنا يكتب السلامة فى السفر الجاى



    الحق يقال :

    ربما ذكريات الماضى البعيد ولكن سفر هذا الزمن لانحمل
    فى نهايته سوى الحقائب
                  

04-27-2007, 10:23 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: عامر تيتاوى)

    الاخ عامر

    تحباتي...

    ربما ذكريات الماضى البعيد ولكن سفر هذا الزمن لانحمل
    فى نهايته سوى الحقائب


    الحق قلت ...
                  

04-27-2007, 05:20 PM

ajaj
<aajaj
تاريخ التسجيل: 07-27-2002
مجموع المشاركات: 971

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: WadAker)

    سلاما كثيرا وشوق حده المن غير حدود
    لك ولود عكر
    منتظرين الذكريات





    يقطر القلب شوقا لبعض مني زاب بشمس ابريل
    علي (بالشدة) انضم الي بكائية ديكو بعد المرور بكبري الحديد هذا العام





    ----------------------
    تحياتي كذلك لزوار البوست
                  

04-27-2007, 05:23 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: ajaj)

    Quote: تحياتي كذلك لزوار البوست

    معقول بس؟
    عجاج كمان
    يا جماعة انا مت ودخلت الجنة؟

    العجب ود عمب عكر

    كلكم سلامات...
                  

04-29-2007, 02:54 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: bayan)

    Quote: معقول بس؟
    عجاج كمان
    يا جماعة انا مت ودخلت الجنة؟

    العجب ود عم عكر

    كلكم سلامات...


    عارفة يا بيان اشتقت ليكم واشفقت عندما اتيت ولو اجدهم .. الحمد لله قدموا واتمنى أن لا ينقطعوا ..وانت كمان خليك موجودة


    تسلمي من كل أذى

    (عدل بواسطة القلب النابض on 04-29-2007, 02:57 AM)

                  

04-27-2007, 06:46 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: ajaj)

    معقولة بس ؟

    قي خاطري دايما وبالذات أمس

    الليلة عيد شتتي الشوق ...

    يا الله يا بت عجاج ليك وحشة ..

    انت ودكين وود عكر

    دي دايرة ضبيحة

    .. ما قاددرة اقول حاحة بسسسسسسسسسسسسس
                  

04-27-2007, 06:14 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: WadAker)

    الله الله ود عكر

    سلامات وين انتو يا ناس ..

    خي أيام جلها كانت خوف من الحزن

    كنت التقي الناس واشرع في التمدد والتعارف .. وبعد برهة اتوقف خوفاً من فقدهم

    فأنا فقدت الكثير من صديقاتي سفراً وغربة " والبعض غياب الى دار الخلود "

    بقيت بلازو من العرفةالشديدة والتعلق الأشياء والناس ...
                  

04-27-2007, 05:48 PM

sanaa gaffer
<asanaa gaffer
تاريخ التسجيل: 11-16-2006
مجموع المشاركات: 1238

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    العزيزة القلب النابض ...
    الف حمد الله على السلامة ..
    بركة الجيتي طيبة من البلد ام شوارعا عريضة ...
    لكن يا قلب ...
    ليه ما عاوزة تشيلي معاك ذكريات ؟؟
    تعرفي بالنسبة لي انا الذكريات دي ملح ايامي البدونها بتبقى الحياة مسيخة وباهتة ...
    الذكريات هي بطانيتي لمن تبقى الدنيا باردة والريح عاصف ...
    في اعتقادي انو الانسان بدون ذكريات زي صفحة كتاب بيضاء ما فيها اي كلام ..
    احيانا الذكريات بتبقى معين وملجا ومنقذ ...
    حتى الذكريات الحزينة ليها طعم ...
    ما تخافي من الذكريات يا قلب ...
    شيليها معاك ... عيشيها ... وصادقيها ...
    الذكريات .. طاقة صغيرونة بتربط بين ماضينا وحاضرنا ...
    امتداد لحلم ... ونسة مع النفس ...
    وكوني بالف خير ...
                  

04-27-2007, 10:45 PM

sudania2000

تاريخ التسجيل: 02-05-2002
مجموع المشاركات: 4044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: sanaa gaffer)



    سلام يا قلب

    وشوقنا مغرقنا

    والسفر متعة الحياة

    كوني بخير
                  

04-27-2007, 11:20 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: sanaa gaffer)

    أخ يا سناء

    يقدر ما الذكريات جميلة ولكنها عبء صعب الإحتمال أحيانا ..

    لهذا السبب هربت منها ...

    حديثك سليم ... الهروب للأمام أو للخلف واحدة من وسائلنا ..

    مررت بذلك الطريق..

    كانت تحمل جيتار وتضع قبعة زرقاء على رأسها ..

    تغني وترسم ابتسامتها للمارة ليرموا لها ببعض دولاراتهم على صندوق الجيتار ..

    مر بي المشهد عشرات المرات في لندن لكنه لم يترسخ في وجداني مثل هذة المرة

    لماذا؟

    لأنني كنت أحاول الهرب .. من تسجيل الموقف في ذاكرتي ..

    وتوالت بعده مشاهد شكلت موقف وتساؤل أعود اليه لاحقاً .. حول الشحادين ... أو المتسولون في كل مكان..

    سأتطرق له

    تحياتي لك وذكرياتك
                  

04-27-2007, 11:01 PM

saadeldin abdelrahman
<asaadeldin abdelrahman
تاريخ التسجيل: 09-03-2004
مجموع المشاركات: 8857

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    حمدلله على السلامة
    و الجابك يجيب الباقي من دفتر الغياب


                  

04-27-2007, 11:54 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: saadeldin abdelrahman)

    سعد الدين .. سلاااااام

    بالغت فيها عديل كدة ...

    وين انت..
                  

04-28-2007, 09:43 AM

انعام عبد الحفيظ
<aانعام عبد الحفيظ
تاريخ التسجيل: 12-07-2005
مجموع المشاركات: 8738

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: saadeldin abdelrahman)

    ياقلب

    عن اذنك بس عايزة لنك الحفظ من سعد الدين لو ممكن
                  

04-28-2007, 09:58 AM

saadeldin abdelrahman
<asaadeldin abdelrahman
تاريخ التسجيل: 09-03-2004
مجموع المشاركات: 8857

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: انعام عبد الحفيظ)

    ازيك يا نعوم

    مشتاقين والله!

    الرابط لـ (سـفـري)

    Save@PC
                  

04-28-2007, 10:45 AM

انعام عبد الحفيظ
<aانعام عبد الحفيظ
تاريخ التسجيل: 12-07-2005
مجموع المشاركات: 8738

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: saadeldin abdelrahman)

    شكرا يا سعد الدين


    تسلم كتير
                  

04-28-2007, 11:55 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: انعام عبد الحفيظ)

    إنعام سلامي واحتراماتي


    لم مني سلام وشوق نبلة لما نجي السودان
                  

04-27-2007, 11:20 PM

nourelhadi awad

تاريخ التسجيل: 10-24-2006
مجموع المشاركات: 1111

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    ممكن الأذى يسبب سفر؟
    .............
    هذا لايعني إختلاف بقدر ماهوأتفق ..
    والإختلاف ربما اتفاق على وجهات متناقضة
    وتناغم بيانك
    قتلى اغتراب
    وشهداء محنة
    والذكري حنوط القلب النابض
                  

04-28-2007, 00:14 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: nourelhadi awad)

    نور الهادي عوض

    سلامي ..

    أحياناً يغالبنا الحنين..ويغدر بنا.. ويفتك

    نحن شهداء المحَنَة " بفتح الحاء وتشديد النون وفتحها"

    نورت البيت ...
                  

04-28-2007, 00:23 AM

يسرى معتصم
<aيسرى معتصم
تاريخ التسجيل: 12-25-2006
مجموع المشاركات: 4033

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)


    الأخت الكريمة/ القلب النابض
    السلام عليكم ورحمة الله وبركاته
    هاك الأغنية من أحمد بركات


    ***************************************

    وفــعـلآ أيــام بـتـمـر

                  

04-28-2007, 00:29 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: يسرى معتصم)

    شكرا ليك يا أخ يسري معتصم


    دي سهرة عيد على ما اعتقد..

    لك التحايا
                  

04-28-2007, 00:47 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    سودانية 2000

    سلامات وشوق متل مطر الاستواء المابتقيف..

    أهو اخدنا هدنة متل خلق الله ...

    وقنا نشوف بلاد الله الواسعة

    والسفر حكموا كتيرة وبيرد الزول للتأمل في البعاد والفراق والأهل والموت والحياة ..

    بيخلي الزول يشوف روحوا سغيروني في أرض الله الواسعة

    ويخلي الزول يحس بي ثدرة ربنا ..

    وهذا الإحساس يتجدد مع كل سفرة

    وكلما طالت ساعات السفر زادت حالات اليقين عند الزول

    زاد صغر الدنيا عيونوا امام الكون المجهول والملموس ...

    .........يازولة نتلاقى بكرة كان الله مد قي الأيام
                  

04-28-2007, 02:10 AM

فيصل نوبي
<aفيصل نوبي
تاريخ التسجيل: 09-16-2005
مجموع المشاركات: 14194

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    ماشاء الله ..
    ..
    قلبنا النابض
    ..
    ودعكر
    ..
    بت عجاج أختي !!
    ..
    و كمان دكين !!
    ..
    مجتمعين في الكعبة بإذن الله .....
    الكلام رااااااااااااااح ..

                  

04-28-2007, 02:24 AM

Kostawi
<aKostawi
تاريخ التسجيل: 02-04-2002
مجموع المشاركات: 39979

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: فيصل نوبي)

    الظلامية المغنطيس

    مرحبا
    البركة الجيتي و طلعتي باقي الظلاميين من جحورم




    و للحقيقة
    شايف لي قشة مولعة و سط الظلمة منسية

    ال إن شاء الله تبوق
    و تستنير
    و بعدها فليلبد الظلام
    بلا رجعة



    regards
                  

04-28-2007, 02:54 AM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: Kostawi)

    ....................................
                  

04-29-2007, 00:57 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: waleed500)

    وليد

    فهمت منها

    والصمت في حرم الجمال جمال

    تحياتي
                  

04-29-2007, 00:27 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: Kostawi)

    Quote: الظلامية المغنطيس

    مرحبا
    البركة الجيتي و طلعتي باقي الظلاميين من جحورم


    كوستاوي

    سلامي

    عجبني تعليقك دا


    فليجتمع أهل الجمال هنا..

    Quote: وبعدها فليلبد الظلام
    بلا رجعة


    من ينير هذا المكان ...

    كوستاوي شايفة دينق الرتينة جاء هنا..
                  

04-28-2007, 11:13 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: فيصل نوبي)

    نوبي الرائع

    سلامي واحترامي

    قلنا نعود ونتنفس قليلاً بعد عياب اكقر من شهر ..

    وهؤلاء الرائعون كنت سأسأل عنهم واجمعهم.. فهم يغسلون بعض الحزن عنا ..

    شكراً للزهور عني وعنهم

    ولك من التحايا اطيبها


    كن قريباً
                  

04-28-2007, 09:35 AM

انعام عبد الحفيظ
<aانعام عبد الحفيظ
تاريخ التسجيل: 12-07-2005
مجموع المشاركات: 8738

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    Quote: وبعض الشوق لا يكفي ....


    القلب النابض !!!

    يااااااااااه

    ليك وحشة كبيرة

    والبورد نوّر بالجد

    جيتي ومعاك كل الحلوين



    منتظرين زيارتك للسودان
                  

04-28-2007, 10:54 AM

هشام مدنى

تاريخ التسجيل: 08-08-2004
مجموع المشاركات: 6667

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    حمدلله على السلامة


    وربنا يوفقك دائما



    تحياتى
                  

04-28-2007, 11:22 AM

محمد فرح
<aمحمد فرح
تاريخ التسجيل: 09-14-2006
مجموع المشاركات: 9222

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: هشام مدنى)

    حمداً لله ألف على السلامه

    مرفق
    مؤونة عشره أعوام من الود
                  

04-29-2007, 01:30 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: محمد فرح)

    أهلين مخمد فرح

    مؤونة عشره أعوام من الود

    وصلت مشكور عليها


    ولك الود ممتد
                  

04-29-2007, 01:19 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: هشام مدنى)

    الخال هشام مدني

    مرحبا بعودتك الى البورد

    اتمني ان يكون الابن محمد بخير ..

    تحياتنا له وللأسرة

    شوفتك هنا تطمنا ..

    ودمت بخير

    (عدل بواسطة القلب النابض on 04-29-2007, 02:24 AM)

                  

04-28-2007, 11:20 AM

ملكة سبأ
<aملكة سبأ
تاريخ التسجيل: 06-18-2003
مجموع المشاركات: 3855

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    سلامات ياقلب


    وشوق وود متصل
                  

04-29-2007, 02:05 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: ملكة سبأ)

    يا بلقيس

    اشواقي

    في هذه الرحلة التي كانت رائعة وقفت كثيراً مع نفسي واشواقي


    الذين رحلوا والذين بقو ..

    اشد ما آلمني ذكريات الذين رحلو وهم مرتبطون عندي بشي محدد .. أغنية أم عطر .. طريقة كلام أو لبس

    ذرت إحدي صديقاتي بالجامعة.. تذكرنا كل الدفعة..وألإغاني التي إرتبطت ببعض الشخصيات بالداهلية ضحكنا من طرافة الأحداث وبكينا من فراق من أحببنا من رفيقات بالداخلية والجامعة ..


    هذا الذي جعلني مليئة بمخزون حزين عن الذكريات .. على حلاوتها ..

    يلا يا ملكة كوني بخير
                  

04-28-2007, 01:46 PM

Adrob abubakr

تاريخ التسجيل: 05-10-2006
مجموع المشاركات: 3895

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    ألف حمد الله السلامة يا قلب
                  

04-29-2007, 02:15 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: Adrob abubakr)

    Quote: ألف حمد الله السلامة يا قلب


    الله يسلمك يا أدروب

    تسلم يا أخي ..

    اتمنى ان تكون دراستك وامورك تمام
                  

04-28-2007, 02:01 PM

عبد اللطيف بكري أحمد

تاريخ التسجيل: 11-13-2005
مجموع المشاركات: 7394

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    ألف حمدا لله على السلامة قلبنا النابض،،

    كتابعين بالرداد مروركم بكل الموانيء والمطاارات
    وهذه المرة نرقب وصولكم لحاجة في نفسي وروحي بينكم،،
    ==

    لن افسد عليك حلاوة اللقيا لأخوان أعزاء وأذكرك بما أنابني
    يوم أشهرت سفرك للملا،،

    كوني بألف خير أينما حللت ، وشاهد الله لنا توقيت للقيا بأرض
    السودان العزيز،،

    تحياتي لجميع القدامى عندكم + القادم الجديد بأرضكم،،

    سلام،،
                  

04-28-2007, 02:24 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: عبد اللطيف بكري أحمد)

    القلب النابض

    حمد لله على السلامة...هناك أقلام نحس بفقدها..و نحس بصدقها عند عودتها..عودا حميدا

    الحاج حمد
                  

04-29-2007, 03:30 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: hajhamad)

    الحاج حمد

    سلام واحترام

    Quote: حمد لله على السلامة...هناك أقلام نحس بفقدها..


    الله يسلمك .. هي رحلة كانت للتفكر والتأمل في هذا الكون الفسيح والخالق البديع .. وحينما تكون بين السماء والأرض تحس أنك بين يدي رحمن لطيف قاد .. لو أراد أن يجعلنا في بطن حوت الى يوم الدين لقعل ولكن لطفه ..

    جالت هذه الخاطرة برأسي وأنا معلقة بين السماء والمحيط ... وحينها أحسست لعظمة الواحد الأحد .. وقلت في سري ..

    سبحان الذي سهر لنا هذا وما كنا له مقرنين ..

    رغم أن تلوتها عند الإقلاع إلا أني أحسست بها مختلفة وانا بين السماء والمحيط .. فابتسمت.. وقلت في نفسي .. كيف تكفر النفس بالله وهي تتمتع بنعمته ..

    سبحان الله ..

    لك التحايا

                  

04-29-2007, 02:52 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: عبد اللطيف بكري أحمد)

    ا..لعزيز عبده

    تحياتي

    كنت أحس بخاطاويكم معي ودعوات الجماعة الفي الحرم وصلتني .. طمأنتي بأننا سنلتقي ويجتمع شكل

    الأسرة التي تشتت على بقاع الدنيا..بحثاُ عن الرزق والعلم ..

    والعارفاه من جوانا نحن ما تناس سفر وغربة .. الناس زمان كان بيشوفوا الابيض غربة والخرطوم غربة

    ما عارفة لو اسماعيل حسن وشعراء الشمال الكملوا البكا في اللواري الرحلت بيهم الخرتوم كان سوو

    شنو .. في وكتبوا شنو ..لو ركبو عابرات البحار دي وقطعوا المحيط لانتابهم اضعاق ما انتابني لاننا

    بقينا ناس بندر قلوبناقست شوية ..لو كنا كما كانو بين الجداول وحيضان البرسيم واشجار النخيل

    ننتظر موسم حش التمر لنشتري الدواء ونزور ولادنا في داخليات الخرطوم ونشتري الهدمة

    والنعال ...والقمح مؤنة العام ..والصابون والملح كنا عرفنا قيمة ا دي وتعلقت بها قلوبنا

    عشرات المرات مما هيي متعلقةالآن .. ولمتنا فيها كما مات جدي على ظهرها متشبثاً بها ..

    وتذكرت النكتة التي يحكيها أحمد كلما تسامرنا ليلاً .. سويتو ليكو تعليم سويتو ليكو كلام فارغ

    بقركو دا برعى ليكو آتو ..

    وأنا الان أقولها لنا .. سويتو ليكو هجرة سويتو ليكو كلام فارغ ارضكو دي بزرعها ليكو آتو ..

    خالد سيكون في عيوننا......
                  

04-29-2007, 00:15 AM

Deng
<aDeng
تاريخ التسجيل: 11-28-2002
مجموع المشاركات: 52535

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    القلب النابض.

    شايفك كنتي في رحلة تفقدية لمواقع الكيزان في أمريكا وكندا ولا شنوا؟

    يا كوستاوي, أوع تكون القلب النابض دي جات واشنطن؟

    دينق.
                  

04-29-2007, 00:55 AM

الأمين عثمان صديق محمد

تاريخ التسجيل: 10-25-2005
مجموع المشاركات: 1340

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    Quote: وبعض الشوق لا يكفي
    القلب
    حمد لله على السلامة
                  

04-29-2007, 04:27 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: الأمين عثمان صديق محمد)

    الأمين عثمان صديق محمد


    سلامات يازول .. تحياتي لك ..

    Quote: حمد لله على السلامة


    الله يسلمك ...

    طبعاَ كتبت الاسم صاح مش كدة ؟

    في احتفال السود بيوم التحرير حضرت احتفالهم وقد تعلمت من تاريخهم الكثير , فلهم تاريخ يختلف عن تصوراتنا للعبودية التي مارستها هذه الدول عليهم .. جلست اليهم ووعدتهم بزيارة أخرى في مناسبة من مناسباتهم ..

    وسأتحدث عن هذا الموضوع لاحقاً

    تحياتي لك
                  

04-29-2007, 01:00 AM

هشام مدنى

تاريخ التسجيل: 08-08-2004
مجموع المشاركات: 6667

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    Quote: سفري السبب لي أزايا


    بكون هنا باستمرار
                  

04-29-2007, 01:20 AM

Kostawi
<aKostawi
تاريخ التسجيل: 02-04-2002
مجموع المشاركات: 39979

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: هشام مدنى)

    بالحيل يا دينق

    عزمناها كوارع
    هبرتها هبرا

    زارت متحف الهولوكوست
    و ديسكو كلمنجارو

    و رفضت مقابلة الظلامي برمة
    ورئيس ظلماء البورد أحمد الريح

    و غنت لنا
    سفري الخلاني أشوفك
                  

04-29-2007, 01:34 AM

هشام مدنى

تاريخ التسجيل: 08-08-2004
مجموع المشاركات: 6667

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: Kostawi)
                  

05-03-2007, 00:29 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: Kostawi)

    الاح كوستاوي ..

    شكرا لكم .. والكوارع ..حقت عبد المنعم ..







    ... بس صاحبك دينق دا يختاني ..

    وتحياتي
                  

04-29-2007, 04:52 AM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10754

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    اطرف رحلة سافرتها داخل اليونان فكانت من الشمال في مدينة ساسلونيكا الى اثينا جنوبا .. وهذه رحلة مداها لا يزيد على الثماني ساعات ، في حين استغرقت منا ثمانية عشر ساعة, لأن القطار الذي كان من المفروض ان يقلنا تعطل في بلغراد ( في منتصف الثمانينات لعله العام 1986 ) وصل القطار .. وقبل وصوله المحدد كانت المحطة مزدحمة بالغجر الذين كما وصفهم رفيق رحلتي عبدالرحمن الحشاش انهم يقيمون فى المحطة جعلوها بيتالهم محتلين لكل " الدفايات " .. كنت ارتعش برداً .. فنمت الى جوار مدفأة لم تكن تحمل دفئا لكنها ارحم بكثير من برد الارضية التي تمددت فيها مفترشة عددا كبيرا من الصحف متلفعة بكل ما ملكت من ملابس كنت احملها
    جاء القطار في موعده الذي حددوه هرعنا باتجاهه لم يكن قد توقف توقفا كاملا بالكاد رمينا انفسنا داخله، تلك اول مرة اسافرفيها عبركل ذلك العدد من الانفاق و اشهد كل تلك المرتفعات و ذلك الجمال الاخاذ رغم توتر نومي ليلا لكني لم اغمض عينا حتى لا يفوتني شيء، كنت انظر من نافذتي لأرى الاسماء التي درستها في تاريخ المسرح اليوناني مأخوذة بها ( ثيبا، باترا المعروفة بجزر البلوبونيز ) و اسماء من الاساطير اليونانية ، رغم صغر المحطات ، لكنك تشتم فيها عبق التاريخ .. فتتحول المحطات لديك الى سطور تقرأ فيها جمال و حكمة الألهة اليونانية لشد ما استمتعت بتلك الرحلة، و مازاد متعتي انني كنت على متن قطار الشرق الذي لا يذكر الا و تذكر معه الرواية الشهيرة (جريمة في قطار الشرق ) لأجاثا كريستي .
    حين انتقلت العام 1999 من ولاية تكساس و مدينة هيوستون جنوبا الى ولاية ايوا شمالا.. استغرق ذلك منا اربعة و عشرون ساعة بالباص .. لكن الاطول منها كانت تلك الرحلة التي سافرت فيها ايضا بالباص من ولاية ايوا شمالا الى الجنوب الغربي في ولاية كاليفورنيا فلقد اخذت من الوقت ما يربو على 84 ساعة .. لم يكن فيها ما يميزها سوى انتقالنا من باص لأخر .. نفس ماحدث لنا في المرة الاولى من هيوستون الى ايوا لكنك تجول داخل قارة مختلفة المناخات من هنا الى هناك .. و لعل اميز ما شاهدت ذلكم الشارع الذي يفصل بين مشهدين مختلفين في ولاية كلورادو في الوسط الامريكي ..يمين الشارع ويساره فيمينك صحراء جرداء وكآبة تعم انحاءها ، يسارك ثلوج تغطي الربوات وشجر الصنوبر يزهو مخضرا تقف الى تلك الناحية فتصطك من فرط البرودة ، تعود الى الناحية الاخرى فتشتهي ان تخلع ما تلبس من ملابس البرد ... سألت عن ذلك التغيير الغريب فجاءت الإجابة :إن هذا يحدث لاختلاف الخطوط الطولية!!!
    ورحلاتي متعددة بين الولايات ، جبتها شرقا وغربا ، شمالا وجنوبا من نيو جيرسي إلي فرجينيا شرقا ومن ايوا الي كاليفورنيا جنوبا، ومن تكساس جنوبا الي ايوا شمالا،ومن أيوا الي واشنطن العاصمة ومن واشنطن الي لويزيانا جنوبا، رحلات يستغرق بعضها ايام بلياليها ترانى مثلك احب السفر ولعمرى فهو معشوقى الابدى ولكنه لم ( يسبب لى اذايا ) لاننى احبه
                  

04-29-2007, 04:04 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: سلمى الشيخ سلامة)

    سلومة ..

    بحب السفر .. وزكرياته ولا أخشى التعب فيه .. ولكن هذه المرة انتابتني خوفة من تراكم الزكريات فيه ...الكتابة عندك ذات طعم ..

    بين المطارات المختلفة تطل بعض الصور والوجوه التي ترسخ بذاكرتنا ... زكرياتك معبأة بالصدق وانت زولة فنانة ..
                  

04-29-2007, 04:41 PM

Khalid Osman Jaafar
<aKhalid Osman Jaafar
تاريخ التسجيل: 01-18-2005
مجموع المشاركات: 1031

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)



    الحمد لله علي السلامة يا القلب النابض ...

    ما عايز أكذب وأقول إفتقدتك، لأني ما متابع كل البيتكتب في البورد

    لكن لما ظهرت جاني إحساس إنو كانت في حاجة مفقودة الواحد ما كان عارفها شنو

    لكن الحمد لله رجعت!

    بالجد الله يديك العافية


                  

04-29-2007, 04:46 PM

غادة عبدالعزيز خالد
<aغادة عبدالعزيز خالد
تاريخ التسجيل: 10-26-2004
مجموع المشاركات: 4806

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: Khalid Osman Jaafar)

    الأخت الحبيبة
    القلب النابض

    ليتك عرجت علينا فى ترحالك ذاك
    .
    .

    كنا إلتقيناك
    .
    .

    حمد الله على السلامة


    كل الود
    غادة
                  

04-30-2007, 00:00 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: غادة عبدالعزيز خالد)

    العزيزة غييدة

    سلام وشوق

    وين انت انا قايلاك في الخرطوم ؟؟

    لو عارفة على الاقل كان تواصلنا ولكن لا بأس نتواصل بالتلفون ..

    تحياتي ليم ومتابع باستاتك عندك واحد رايع لم اكمله بعد ..

    شكرا ليك

    ربما نلتقي المرة الجاية

    عندما اجي عندكم
                  

04-29-2007, 11:02 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: Khalid Osman Jaafar)

    أهلين خالد عثمان جعفر

    سلامي وتحياتي

    هو الترحالوالقراية البتخلي الزول يغيب و.....

    للولا كدة لما انقطعتا ..

    بالجد الله يديك العافية

    وانت كمان الله يديك العافية

    ويخليك متواصل بالكتابة والمداد ..


    الشي البيجمع الناس هنا هو الحرف .. والكلمة وهي مسؤولة ..

                  

04-30-2007, 03:06 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    إليك سفيرة السلام ((القلب النابض)) : كندا تشرفت باللقاء

    سفري السبب لي أزايا ... هنا


    بس عايزة اشكر الناس الكتبوا في اليوست دا ....مشى الارشيف .. واستغربت لتساؤل البعض ..

    كلكم كنتم رائعين ..

    وربنا يديكم قدر نياتكم

    سأواصل كتابة المذكرات ...

    حئت الى مدينة تورونتو .. ولشخص قادم من اوربا يراها ضخمة جداً ..ومل شئ فيها كبير الشوارع السيارات وحتى بعض الناس .. قلت لمرافقتي وانا امازحها .. كل شؤ أراه دبل حتى الناس .. فضحكت وحتى تلم اللحظة لم امتطي الاندر قراوند ك وعندهم يسمى "الصب وي " ومسألة تميير الاسماء الكندية للإشياء باسم يميزها عن الاوربية احسست انه امر هام .. يعني في مسائل الحياة اليومية الحاجات مختلفة .. كنا قاكرين اسم الحاجة بالانجليزي يعني خلاص مفهوم هنا في اوروبا وفي اي حتة بيتكلموا انجليزي وهنا طرائق ومواقف..

    الموقف الاول في مينابلس في USA عندماكنت ابحث عن طعام حلال ومعي صديقتي البريطانيةالتي لا تأكل اللحوم طلبت أناوهي شبس في المطعم وعيني ليه البت قالت لي ماعندنا لكن امشي المطعم الاخر المواجه قلت في سري البت دي عايزة تدقسنا ولا شنو .. قلت ليها دا ما ياعو ؟؟ قالت آآآه دا فرنش فرايز .. وطلع الشبس حاجة تانية .. فتناقشت معي البريطانية بعد أن قلت لها الناس ديل فارزين عيشتهم منكم .. وبدأت في مشوار معرفة الكلمات المستخدمة في كندا وامريكا والمستخدمة في أوربا ..وسأحاول أن أورد بعضها ..مقارنة .. يعني الحتات الحصلت لي فيها مواقف ومفارقات

    وأبدأ شكر الاخ عبد اللطيف بكري.....عبده كما يحلو لما ان نقول له في البيت وهو أخي لمن لا يعرف ...

    (عدل بواسطة القلب النابض on 04-30-2007, 03:15 AM)

                  

04-30-2007, 04:05 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    دينق

    سلام

    هذا الذي كتبت لا يليق بك وقد...ولن اجيب عليك
                  

04-30-2007, 04:51 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    منذ متى والظلاميات لهن ذكريات ؟؟
    منذ متى والظلاميات يعشقن الترحال والتسفار؟؟
    عجبي عليكن !!! هل تذكرون الخنساء وهي ترثى اخاها صخراً ؟؟
    نعم لم تقرر الخنساء السفر إلى الإسكندرية لتجلس على الشواطئ ولم تقرر أن تشغل شريطاً لمصطفى سيد أحمد ...
    هل نسيتم مهيرة بت عبود ؟؟ لم تكتفي مهيرة بالإستماع إلى " يا حبيبي نحن إتلاقينا مرة " ولم تحضر رقيص العروس بتاع جارتها سعدية بل تركت كل ذلك وقاتلت فكانت الشجاعة بعينها ..
    والله لكن باااااااااااااالغتي يا قلب تسافري عدييييييييييييييييل كده ؟



    مشتاقون شديدون ..
                  

05-01-2007, 01:33 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: عمر الفاروق)

    الفاروق اخوي

    سلامات

    Quote: والله لكن باااااااااااااالغتي يا قلب تسافري عدييييييييييييييييل كده ؟


    تصدق...!!!

    Quote: منذ متى والظلاميات لهن ذكريات ؟؟


    منذ ان قطعت امنا حواء الفيافي ن منطقة ما يعرف بالهند الى ما كان يعرف بالشام في زمان غابر حسب ما هو مروي في التاريخ..


    Quote: منذ متى والظلاميات يعشقن الترحال والتسفار؟؟
    منذ ان هاجرت أم أيمن الى الحبشة الى النجاشي .

    عجبي عليكن !!! هل تذكرون الخنساء وهي ترثى اخاها صخراً ؟؟


    بكته أبكتنا ...حتى اني رأينها في ساحات الفداء في زمان يحتفى فيه بالمجاهدين والشهداء ونحمد الله انهم لم يكونوا في زماننا حتى لا يكونوا ارهابييت .. أو تناول سيرتهم الغوغاء الذين بحسبون أن جواز سفر ثاني جدير بأن يمنحك الحق في أن تسأل الآخرين لماذا تأتون الة مياهنا الاقليمية وحدودنا الجعرافية كما فعل معي أحدهم في البوست الذي كتبه اخي عبد اللطيف..

    Quote: نعم لم تقرر الخنساء السفر إلى الإسكندرية لتجلس على الشواطئ ولم تقرر أن تشغل شريطاً لمصطفى سيد أحمد ...


    ولكنها أرسلت صوتها وكلماتها الى يومنا هذا عبر كل الوسائل والوسائط حتى أنها الآن على السي دي وشبكة الانترنت ..فقد عبرت الى ما بعد الاسكندرية وما بعد الزمان ...هل نبقى كما بقيت ملكانها أم تبقي أختام الدخول والخروح على صفحات جوازات السفر بعد عبورنا الى الآخرة.. ولم يأبه أحدا بعد ذلك بختم فقد صلاحيتة وفاعليته..وجواز فاقد الصلاحية بوفاة حاملة.. ولم يكن للخنساء جواز سفر ولكنها بقيت بيننا وفي كل مكان .. وكأني بها تقول " ولا نحن مع الطيور الما بتعرف ليها خرطة ولا بإيدها جواز سفر.. الخ"


    Quote: هل نسيتم مهيرة بت عبود ؟؟ لم تكتفي مهيرة بالإستماع إلى " يا حبيبي نحن إتلاقينا مرة " ولم تحضر رقيص العروس بتاع جارتها سعدية بل تركت كل ذلك وقاتلت فكانت الشجاعة بعينها ..


    القال ليك منو ما حضرتو رسلو ليها سي دي أو شافتو في اليو تيوب ..وسعدية لايماها لي حسة لانها خرجت لتبلغ عن الغزاة ولم تحضر رقيصها الذي تعتبره أهم من ابلاغ معلومى استراتيجية للوطنيين .. وفي كل زمان هنالك من لا يرى الاشياء بحجمها الحقيقي.. لأنه يراها من خلال ذاته فقط زهكذ فعلت سعدية التي لامتها على تجاهلها لأهم حدث في حياتها .. ومهيرة ما هينة ..


    Quote: والله لكن باااااااااااااالغتي يا قلب تسافري عدييييييييييييييييل كده ؟

    قلنا نرى أرض الله الواسعة.. ولكن البعض يراها لا تسع آخرين معهم ..


    Quote: مشتاقون شديدون ..
    مي تووو
                  

05-01-2007, 07:12 AM

عماد محمود علي

تاريخ التسجيل: 07-13-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    الأخت الغالية القلب النابض


    Quote: ألم اقل لكم أنا لا أحب الذكريات...


    والله يا قلب أحياناً بتكون شيء لا بد منه .. لانها تحمل في طياتها مواقع خاصة في النفس ، وتارة أخرى تكون موجعة ومؤلمة وتلك هي التي لا نحب أن نذكرها أو نتذكرها .... والله يجعل كل ذكرياتك جميلة مثل قلبك . ســلام ..


    اوودي
                  

05-02-2007, 03:27 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: عماد محمود علي)

    الاخ عماد محمود

    السلام عليكم ...

    نعم نحملها فتسكننا ولا ترحل .. ..

    ريحة المطر في بلادهم لا تشبه ريحة المطر عندنا ... تفكرت في هذا الامر وانا امشي فر شارع من شوارع تورنتو والمطر يرش علينقطرات ماكنة ومتتالية ..

    قلت لصديقتي ومرافقتي في الرحلة اريد أن اشم رائحة الطين التي تعبر ريئتي في بلاد النيل ..

    فقالت: يا لك من طماعة .. اثنين ما اتلمن للنعامة " نظافة من الطين وريحة الدعاش " وعندخا جالت بخاطري ذكريات احتفاءنا بالمطر وبناء بيوت الطين على الطرقات .. هل ترى سيجد اولادنا هذه المتعة .. أم تبعث لهم وزارة التربية في بلاد الغربة بجوالات الرمل لبلعبوا بها " اندورز؟ واعني داخل قاعات الدرس ....

    هي خاطرة لك ..
                  

05-01-2007, 01:39 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)



    مرحبتين حباب القلب النابض .. حمدآ لله علي السلامة ..

    افتقدناكي ..
                  

05-02-2007, 04:07 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: Munir)

    أخي العزيز منير ..

    ولك مني هذه الحكاية التي تعكر الدم ..

    خلال وجودي بكندا حاولت أن أنتهز اي سانحة لاحتيار بعض البرامج التلفزيونية التي تعكس لي بعض تاريخ وتقافة البلد وكذلك رؤية بعض القوى والفعاليات ما يجري فيها ..

    وبعد بضعة يوم من وصولي وقع بصري على برنامج جاد وقوي اسمه الاجندة ..

    وظللت اتابعه كلما سنحت لي الفرصة لانه يناقش موضوعات حيوي ولان مقدمه وفريق العمل يتعب بحق وحقيقة ..

    وفي إحدى المرات كانت الحلقة عن كتاب لأحد الحضور .. وكانت هنالك مشاركة من دكتورة يهودية في جامعة أمريكية من خارج الاستديو .. واصرت في نهاية الحلقة ان تقول نحن ككميونتي يهودي نعمل على دعم قضية دارفور وحركات دارفور ...

    التفت الى صديقتي وقلت لهاشفت اليهود ديل يجيبوك سراَ لحدي عندهم وبعد كدة يتاجرو بيك جنس المتاجرة دي ..وبي كدة احرجت كل الناس البتنكر القصة دي ؟؟؟(وين الطالب عبد الرازق)

    أكان قلنا كدة يطلعونا حاقدين ..
    .. لانهم في كل يوم يجعلون لها اجندة مختلفة...

    قلبي على الذين بالمعسكرات ينتظرون أن يأتيهم الفرج ممن يحاولون بناء امجادهم الذاتية بالمتاجرة بقضية تحتاج الى وقفة صادقة مع النفس .. وفي الميدان الحقيقي..

    هي بعض الزكريات ..

    الحمد لله يا اخي عدنا .. ولم اكتب كل ما عندي لانه يحتاج الى وقت طويل ..
                  

05-02-2007, 05:52 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    حلقة اخرى كانت تناقش قضية الذاكرة والمخ ..

    وقضية التعليم وعلاقتها بتدريب الذاكرة عند الاطفال .. ووجه الباحثون نقداً الى طريقة التعليم

    الجديدة والتي غاب فيها حفظ القصائد الطوبلة وقطع النثر وغيرها من المعلومات .. التي كانت مقررة

    على الطلاب ...وذكر الباحث صاحب النظرية عدم تخفيظ الاطفال في سن مبكرة يساهم في تقليل سعة الذاكرة

    وخمول الذهن ... بعد انتهاء الحلقة تناقشت مع مجموعة من الموجودين وكان رأيي قبل فترة طويلة أن

    من يحفظ القرأن في سن مبكرة يساهم في زيادة سعة ذاكرة الطفل وقدرته مستقبلاً على الإبداع في شتى

    المجالات .. والتاريخ يصدق مقولتي هذه , واللذين يحفظون القرآن في سن مبكرة لهم قدرات لغوية

    مهوووووولة جداً , وقدرة عالية على التعبير وتصور الاشياء ونتائجها .. وقد كان لي حوار طويل في

    هذا الموضوع مع الاخ محسن خالد ..الذي أكد هذا بشواهد تاريخية.

    وكذلك الذين حفظوا قدرا من المعلومات كالتاريخ والشعر والروايات وغيرها ساهمت في سعة الذاكرة

    للشحض المعني ..


    تحياتي الى اهل تورنتو

                  

05-03-2007, 03:02 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    ياااه اكتب كما تشاء .. كلنا في الوجع شوق .. وفي انتظارك ..

    ما بين القطارات التي تحملنا ...ورائحة القهوة التي فيها .. وصفحات الجرايد والكتب التي يحملها الركاب المختلفون .. عوالم مجهولة .. ولكن علاقة الحديد الذي يحمل في جوفه كل هذه القلوب المهودة في عوالمها .. تذكرني .. انت الشلتو جيبو بالقطار ..

    وتذكرني صديقتي التي كانت من عطبرة ونحن في داخلية الطالبات.. كلما نغني في مساء هادي .. نسايم عطبرة الحلوة .. نرى دموعها ...ونسمع نحيبها .. وكانت عطبرة .. على فركة كعب من الخرطوم .. مما يعني أن الاحساس بالبعد يختلف من زمان الى آخر ومن فرد الى آخر ....ومابين داخلية الطالبات وبكاء الاشواق عقد موثق بالدموع ...والدموع الجماعية ..
                  

05-03-2007, 05:58 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    لا قوني سودانيين رفعوا رأسي وتمددت قامتي طولاً واصبحوا مصدر فخري واعزازي ..

    وقابلت عينة أخرى فقلت ليتهم لم يخرجوا لعل الوطن ساترهم والاسرة والمجتمع حامل عبء خزلانهم لاهلهم ولوطنهم ..

    دمتم بخير حتى أحكي لك عنهم
                  

05-04-2007, 03:23 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    قابلت أحدهم .. الآن طبيب .. كامل الدسم ..

    حكي لي اصاره على اكمال المشوار رغم ان الذين قابلوه في البداية .. قالوا له

    ها ها .. دكتور في كندا ؟؟؟

    ما تفكر !

    ولكن التحدي في داخله لم تصده كلمات المبطين والمحبطيم( بفتخ وكسر النون في الاولى والثانية)

    ولكنه أكمل المشوار باصرار أمطر دموعي في بعض المحكات الصعبة ..

    عملت كأي شخص لايملك مؤهلاً .. في وظيفة اسميها خفير بالسوداني ويسمونها رجل تأمين بلغة الافندية. واشتغلت واشتغلت .. ووصف لي كيف أن نور العزيمة لم ينطفئ من قلبه.. فأدى الامتحان الاول فاجتازه..

    والثاني حتى أكمل ما عليه من امتحانات .. وبدأ رحلة البخث عن عمل والتي لم تطل لكنا لم تكن سهلة..

    وكان فتح الله ..

    لله درك أيها السوداني الاصيل ..النبيل ..

    لله درك وانت مفخرة ولكل من يعرفك ..

    طبيب .. مثقف .. متواضع.. متحمس لكل ما هو سوداني ..

    هذا من الذين نباهي بهم الشمس ..

    والمرة القادمة أحكي عن نموزج آخر للنجاح ..
                  

05-04-2007, 04:39 AM

مكي ابراهيم مكي
<aمكي ابراهيم مكي
تاريخ التسجيل: 09-06-2006
مجموع المشاركات: 4054

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)


    وان صرنا تجار فنحن تلاميذ نتلقى العلم من شيوخ بندر التجار الجلابه.

    (عدل بواسطة مكي ابراهيم مكي on 05-04-2007, 04:41 AM)

                  

05-04-2007, 06:15 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: مكي ابراهيم مكي)

    ما فهمت يا مكي ...

    وعلى اية حال هنالك نمازج مشرفة.. وتسر الزول

    وبنفس القدر هنالك نمازج ليتها لم تخرج ...

    النموزج الثاني .. شاب رائع ..

    حكي لي عنه وهو مفخرة ..


    خريج لغة فرنسية .. جاء الى كندا ..

    بدأ العمل في شغل ككل الشباب.... سيكيورتي ....الخ

    وقف مع نفسه .. هل استمر في هذا العمل الذي لايسمن ولا يغني من جوع والغي دراستي وسنين عمرى .ز لا

    وقالها واضحة لنفسه هذا ليس طموحي ..

    ذخب وواصل الدراسة في الولاية اكمل الماجستير والدكتوراه واصبح استاذاَ للغة الفرنسية ف الجامعة ..

    عندما سمعت هذه القصة طفرت مني دمعة فرحة النجاح كأنه أخي ..

    مبروك له ولامه..واخواته ..

    ومبروك لينا كسودانيين..

    هل نفرح بنجاح اخواننا ...

                  

05-05-2007, 03:05 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    قصة الويكة التي ارعبتني ..


    بعد الانتهاء من اجراءات المطار كلها .. جلست انتظر الدحول الى الطائرة .

    جلست اتأمل واتذكر الوصايا المطلوبة مني ..

    قبل يوم اتصلت بي اختي وصديقتي يريدون الإمداد بويكة وبخور تيمان ..

    قلت ليهم عليكم الله دا كلام دا قبل يوم من سفري بس ..

    اتجهت نحو الفريزر وافرغت مافي جوفه من ويكة ..

    اااخ أين اضعها وقد ستفت الشنطة ستيف حبوبة بس .. ما دايرة اشيل شنطة كبيرة ولا كلام كتير ..

    كل الذي فعلته احضرت اكياس جميلة ومتينة ووضعت الويكة "افقيا"يعني طرحتها علشان ما تشيب مساحة من الشنطة وكترت الاكياس لكي لا تعطر ملابسي .. وانا ماشا مؤتمر ولقاءات ..

    المهم في عز السرحة ديك تصورت انهم ندهو لي وسألوني عن سر البدرة التي تحملينها ..

    ما مدى خطورتها وقدرتها التفجيرية .. ما مكوناتها ؟ والتي لااعرف سوى اننا نحبها اباً عن جد ..

    في هذه اللحظة ضحكت حتى بانت نواجزي وقلت في نفسي بسفها ليهم لأثبت لهم أنها غير ضارة ولا كيمائبة ...هي سلاح سوداني يفرك ويؤكل بالقلراصة والكسرة وكسلاً بالرغيف ..

    تلفتت جارتي وعينيها تقول كر على بت امي سغيرة وجاهلة تضحك براها .. ما علينا ..

    استمريت في السرحان .. وقصة الويكة وتصورت الجزيرة والسي ان ان والب بي سي تتناول الخبر في عناوينها الرئيسية .. وتصورت الاكياس وهي تنشر وتبعث الى اعتى مختبرات الدنيا لتعرف سر ترحيل هذه البدرة عبر القارات ....قلت في سري

    هل توجد نساء في قوانتناموا لمؤانستي ؟ اعلم انه لا توجد ولكنهم حتماً سيفتتحون فرعاً خاصاً ..

    وانتابني خوف حقيقي .. وقلت في نفسي اسة لو بالجد الناس ديل شكو في الويكة دي .. هسة في داعي اشيل لي ويكة عبر القارات ..

    وفي عز السرحة نادونا لركوب الطائرة ..

    وعندها تنفست الصعداء ...

    لكن ويكة ما نشيل



    وكل الدنيا ما فاهمة سر الويكة إلا السودانيين ...
                  

05-05-2007, 06:55 AM

عبد اللطيف بكري أحمد

تاريخ التسجيل: 11-13-2005
مجموع المشاركات: 7394

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    الغالية قلبنا النابض
    لك التحايا والأشواق،،
    ونقرأ ما تكتبين مرة واحدة كل 5 أيام ، لأننا
    لا نقدر على الشحتفة،،
    واصلي كتابات عن هذه الرحلة وهذا الترحال الشاهق،،
    كندا مرة واحدة؟؟ ياللبعد،،

    أعجبني ردك للرائع عمر الفاروق:

    Quote: ولكنها أرسلت صوتها وكلماتها الى يومنا هذا عبر كل الوسائل والوسائط حتى أنها الآن على السي دي وشبكة الانترنت ..فقد عبرت الى ما بعد الاسكندرية وما بعد الزمان ...هل نبقى كما بقيت ملكانها أم تبقي أختام الدخول والخروح على صفحات جوازات السفر بعد عبورنا الى الآخرة.. ولم يأبه أحدا بعد ذلك بختم فقد صلاحيتة وفاعليته..وجواز فاقد الصلاحية بوفاة حاملة.. ولم يكن للخنساء جواز سفر ولكنها بقيت بيننا وفي كل مكان .. وكأني بها تقول " ولا نحن مع الطيور الما بتعرف ليها خرطة ولا بإيدها جواز سفر.. الخ


    وأرعبني ذكر غوانتنامو ، وفي شنو؟؟ عشان ويكة؟؟
    على الأقل عند دخولك تكونيين أكثر يقينا من
    الأخ / سامي الحاج : لا يعرف ولا نعرف سبباً لوجوده هناك!!
    =
    قصة الويكة ذكرتني أيضاً بحادثة غريبة حدثت لنا ، وكانت
    تلك المرة في مطاركم المجوبك : هيثرو ، وكان معي صديقي
    حسن إدريس من أبناء الجنينة يحمل عصاً غليظاً لم تمر مرور
    الكرام بجهاز الكشف ،، أحتجزت العصا وتأخرنا عن الرحلة
    المتجهة إلى باريس بسبب تلك العصاية ، تصوري أكتشفوا
    أنها مليانة سوس على الآخر والبدرة تتهادى من بين
    ثقوبها كتلك البدرة تماماًً،،وإحنا كنا فاكرين معانا سلاح !!

    وننتظر المزيد،،

    لك تحياتي وشوقي ،،
    أخوك / عبده
                  

05-05-2007, 08:36 AM

Yassir Tayfour
<aYassir Tayfour
تاريخ التسجيل: 08-18-2005
مجموع المشاركات: 10899

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: عبد اللطيف بكري أحمد)


    Quote: في هذه اللحظة ضحكت حتى بانت نواجزي وقلت في نفسي بسفها ليهم لأثبت لهم أنها غير ضارة ولا كيمائبة ...

    كان ما سفيتي الويكي، يعرفوك شايقية كيف!
    يا حليلك يا قلب زرزروك في المطار!، الحمد لله الما رشوك جمكسين
    أنا قدر ماأقطع المحيط يا قلب، بجيب معاي ويكة.. وما بعملها..
    المرة الجاية تعالي فاضية، الويكة مننا..
    وعبد اللطيف بكري بالله أخوك عديل كده!
    ________
    يا عبد اللطيف كيفك، في بوست بكري الإتقابلنا فيهو داك خليت ليك رد، إن شاء الله تكون إطلعت عليهو..
    تحياتي لكما
                  

05-05-2007, 05:39 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: Yassir Tayfour)

    السلام العزيز ياسر طيفور ..

    تصدق عبده اخوي وطارق جبريل ود عمتي الله يرحمها ..


    Quote: كان ما سفيتي الويكي، يعرفوك شايقية كيف!


    عارف يا طيفور قول الحمد لله ما سفيت البيسفوهو حبوباتنا ...

    العماري الجيد

    لوووول
    Quote: يا حليلك يا قلب زرزروك في المطار!، الحمد لله الما رشوك جمكسين


    تاني جاب سيرة الجمكسين ..المفترى عليه ..


    Quote: أنا قدر ماأقطع المحيط يا قلب، بجيب معاي ويكة.. وما بعملها..
    المرة الجاية تعالي فاضية، الويكة مننا..


    انت حتجيبها كيف ؟
    خلاص اتفقنا الويك عليك .. وانا على القراصة ..


    Quote: وعبد اللطيف بكري بالله أخوك عديل كده!
    تصدق؟

    عارف يا ياسر طيلة فترتي في كندا كنت متمنية الاقيك لكن كنت جارية جري شديد ..
    وقابلت السود الكانو محتفلين بي يوم السود وعملت معاهم جلسة طيبة سأعرض محاورها في هذا البوست او بوست منفصل .. واتوقع عكاكيز ..

                  

05-05-2007, 06:01 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: عبد اللطيف بكري أحمد)

    عبيدون

    سلامي ..

    ديل يفوتوك الطيارة لأي سبب ..

    Quote: قصة الويكة ذكرتني أيضاً بحادثة غريبة حدثت لنا ، وكانت
    تلك المرة في مطاركم المجوبك : هيثرو ، وكان معي صديقي
    حسن إدريس من أبناء الجنينة يحمل عصاً غليظاً لم تمر مرور
    الكرام بجهاز الكشف ،، أحتجزت العصا وتأخرنا عن الرحلة
    المتجهة إلى باريس بسبب تلك العصاية ، تصوري أكتشفوا
    أنها مليانة سوس على الآخر والبدرة تتهادى من بين
    ثقوبها كتلك البدرة تماماًً،،وإحنا كنا فاكرين معانا سلاح !!


    ما كان يخليها ليهم!

    ناس هثرو ديل .. تصدق شالوا مني كريمات غالية كنت شايلاها في شنطة اليد .. قابلتني المرظفة التي تفتش فقالت لي ضعي ما تحملينه من كريمات اواي سوائل على كيس شفاف وكنت قد فعلت .. وبعد شوية إذ بي افاجأ بأنا قالت لي هذه العبوة أكثر مما هو مسموح به ..يجب ان تلقي بها في سلة المهملات او ترحعي الكاونتر وتشحنيها ... وقفت طويلاً وانا اتحسر عليها وهي غالية... ونقنق العجوز الذي ورائي محتجاً كيف تفعلون هذا وهذه كريمات عادية ومعروفة ...ولكني رأيت كثير من المسافرين ودعوا كريماتهم الى سلة المهملات .. ورضخت بغضب ...وواصلت ..يعني اي عبوة أكثر من 100 مل يشيلوها منك ..

    وبعد وصولنا الى مطار مينابلس توقف الجميع في صفوف المواطنيين الامريكان بي جنبة وبقية خلق الله بي الجنبة التانية .. وحاااام الكلب البوليسي حولنا..

    وبعدها طلب منا ان نخلع احذيتنا.. أننا بالوادي المقدس أمريكا ..

    وخلع الجميع أحذيتهم ...

    ومشينا مسافة قصيرة على الشرابات فقط .. وهنا ضحكت جداً على هذه الطرقة العجيبة التي يمرر كل راكب فيها حذاءة امام الكاشف ليروا ما به من داء ..

    ذهلت للرعب الذي اصاب هؤلاء وكم كلفهم؟

    مش عصاية يا عبده ودقيق وويكة ..ديل الجزمة بيفتشوها..

    وحدث نفس السيناريو في مطار ديترويت ..

    تحياتي لك ولاولادك ومهوية ..
                  

05-05-2007, 10:04 AM

عبد اللطيف بكري أحمد

تاريخ التسجيل: 11-13-2005
مجموع المشاركات: 7394

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    Quote: يا عبد اللطيف كيفك، في بوست بكري الإتقابلنا فيهو داك خليت ليك رد،
    إن شاء الله تكون إطلعت عليهو..
    تحياتي لكما

    العزيز ياسر ،،
    آي والله أطلعت عليه في ذلك الحين ، وأشكرك جزيل
    الشكر ،، ودائما تسعدني بوجودك كان بيننا الإتفاق
    أو الإختلاف ، لكن فليبقى الإحترام بيننا والمودة،،
                  

05-05-2007, 01:18 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: عبد اللطيف بكري أحمد)

    عبدو وياسر

    جاياكم برواقة .. عايزة ارمي لي حرف قراصة واجي

    عاااازماااكم قلااصة بي ويكة ..

    بجيكم بروواقة
                  

05-05-2007, 06:49 PM

عادل فضل المولى
<aعادل فضل المولى
تاريخ التسجيل: 11-28-2004
مجموع المشاركات: 2165

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    القلب جاي السودان..؟
    خبر مينشيت
    القلب النابض جاي الخرطوم..؟
    قصة اخبارية
    القلب النابض زائر البلد..؟
    خبر اليوم والغد وبعد الغد
    قال الشاعر
    اكاد لا اصدق

                  

05-05-2007, 08:19 PM

خالد علي محجوب المنسي
<aخالد علي محجوب المنسي
تاريخ التسجيل: 04-10-2006
مجموع المشاركات: 15968

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: عادل فضل المولى)

    Quote: أحب الترحال والسفر .. وأخشاه ..


    القلب النابض
    سلام وحفظ الله نبض قلبك سليم معافى ليوم الدين
    قالوا أهلنا الرحيل عز العرب
    ونحن من المهد إلى اللحد في سفر قصير

    وقال القدال
    سفِرتك مي في النية
    ماها الكانت محريّه
    خابراك عريف
    زم العربان
    ولا يقام الورديّه

    وقال ودالدابي

    يوم رحيلة كُت داير أموت
    وصفر البابور شان يفوت
    البحر صفا ليها مبسوط
    وشوف عيني أتشرف الحوت

    وقال ود بادي العكودابي

    وفجاءة .....
    يجينا من طرف السما مريسيل
    ينعي فوق كلنكاكول غراب هابيل
    ويبقى رحيل
    رحيل كل الغيوم الهامعة متواترات
    رحيل كل الشهور العامرة بي الخيرات
    رحيل الطينة من طرف الجزر يومات
    رحيل الخُدرة قدّام منجل الهدام جفاف وممات
    رحيل البادية فوق برقّن ورا نجيمات

    وقال السر عثمان

    وا مغصتي رحل تلوت الليل
    مسالكي ضلمة مابتنشق
    سكت روّح
    نويرة الفرقّه فوق الجوف
    تسوي البق
    مشيت لا زاد أشيلو معاي
    ولا زولاً معا اترفق
    ولما خلاص بقيت مارق
    نجيم الليل مشى اتفرّق
    بكيت وبكيت طريف العين
    متمسّح وبالدموع رقرّق

    ولي راجعة يا رائعة

    خالد محجوب


                  

05-05-2007, 08:33 PM

bint_alahfad
<abint_alahfad
تاريخ التسجيل: 02-04-2002
مجموع المشاركات: 3522

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: خالد علي محجوب المنسي)

    السلام عليكم ورحمة الله وبركاته

    الحبيبه القلب النابض

    الف حمدلله على سلامه رجوعك والبلد نورت بعودتك

    انتظر منكى مكالمه قريبا بأذن الله

    تحياتى وحبى


    وفى امان الله

    لا اله الا الله
                  

05-06-2007, 00:25 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: bint_alahfad)

    الاخت بت الاحفاد

    سلامي .. وتحياتي

    سأتصل عليك

    البلد نورت بي وجودك انت ..

    تسلمي

    تذكرتك وانا ارى مقال لبنت في الرابعة عشر من عمرها .. في كندا

    كتبت لماذا ارتدي الحجاب , او لماذل لعتز بحجابي

    قلت دي بت الاحفاد في اونتاريو ..

    قرأت المقال كان رائعاً حاولت لقاءها لم افلح .. ولكن قابلت زميلة امها وقالت لي ان المقال نشر في صحيفتين .. ولكن حذف منها عبارة لماذا كل ضور مريم العذراء التي تزين كنائسكم مغطاة الرأس ..

    وظل تساؤلها يدور في رأسي .. وانت على بالي

    فقلت نحن موعودين بجيل رائع قوي ..تربى عندهم ويخاطبهم بلغتهم ..

    تحياتي لك ..

    وعودي الينا
                  

05-06-2007, 00:12 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: خالد علي محجوب المنسي)

    اخي خالد على محجوب المنسي

    سلامي واحترامي

    شكراً على الشعر الشايقي الاصيل ..

    والشوايقة جرسة ما بيحملوا السفر .. وزمان لما كانو بيجو الرتوم دي يبكون شعراً ..

    القاعدين في البلد والسافروا فارقوهم .. وانتجوا لنا كثير من أدب الفراق والسفر الذي يخلخل قلوب المغتربين .. حنيناً ..


    سلامي واحترامي
                  

05-06-2007, 00:00 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: عادل فضل المولى)

    Quote: قال الشاعر



    الاخ عادل فضل المولى ابو محمود ..

    جاية وربنا يسهل ان شاء الله ..


    يا صحفي لقيت المينشيت دا وين ..

    تحياتي للصغير محمود الى ان القاه بخير ..


    ولك التحايا ..
                  

05-06-2007, 00:35 AM

Deng
<aDeng
تاريخ التسجيل: 11-28-2002
مجموع المشاركات: 52535

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    Quote: الاخت بت الاحفاد

    سلامي .. وتحياتي

    سأتصل عليك

    البلد نورت بي وجودك انت ..


    ظلامية بتسلم على ظلامية. ناقصكم بس كبيرتكم التي علمتكم السحر.


    دينق.
                  

05-06-2007, 00:39 AM

هشام مدنى

تاريخ التسجيل: 08-08-2004
مجموع المشاركات: 6667

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: Deng)

    الأخ دنيق

    امرك غريب لكن...
    وانت دخلك شنو في الموضوع ده
    Quote: ظلامية بتسلم على ظلامية. ناقصكم بس كبيرتكم التي علمتكم السحر.


    ما تخلى الخلق للخالق.....
                  

05-06-2007, 02:12 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: هشام مدنى)

    الخال الغالي هشام مدني

    الله يخدر قلمك ..

    الامريكي دينق زول حكومة الوحدة لوطنية دا اصلاَ مغيوظ علشان انا جيت امريكا وما استأذنت منو ..

    وزعلان تاني لانو ماعارف البقاني سفيرة سلام شنو ..

    الحكايةدي ما عارفة علاقتو بيها شنو .. لوكان وزير داخلية فليحظر دخولنا ..



    Quote: الأخ دنيق

    امرك غريب لكن...
    وانت دخلك شنو في الموضوع ده


    تسلم يا ابو محمد
                  

05-06-2007, 04:18 PM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سفري السبب لي أزايا ... (Re: القلب النابض)

    وجه مشرق آخر لسودانيين بكندا ..

    ثم وجه آحر ..

    سلام خاص للذين قابلتهم في تورنتو وهاملتون واتوا ..

    حتى اعود
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de