|
يعني شنو دومقراتية يا (Miss)
|
كنت في غمرة درس المربعات الفاضية في الجمع والطرح ( من صعوبة فهمه مشابه لمشكلة الشرق الاوسط ) والحصة شغالة والطباشير مالي يديني وهدومي واكاد اقطع شعري من عدم فهمهم للموضوع اعلاه فاذا باحدهم يرفع يده ويقول: يا مييييييييس (miss) انا برداااااااان ،، جدعت الطبشيرة وقلت ليهو حاضر حاقفل المكيف ولمن قربت للمكيف فاذا بواحد تاني يرفع يده ويقول يا مييييييييييييييييييس انا حراااااااااااااان .... ؟؟؟؟؟؟؟؟؟؟؟؟؟؟؟
اتحيرت وما عرفت اسوي شنو قلت خلاص نخلي المربعات ليوم تاني وقلت ليهم خلاص تعالو نعمل حاجة حلوة اسمها ديمقراطية ، قعدت زي 10 دقايق اقول الاسم ويرددوه وراي بصوت عالي (_دمقراتية –دومقراطية-دمراطية) حتي نطقوه سليما قلت ليهم الديمقراطية يعني لو ناس عاوزين يعملو حاجة وناس ما عاوزين يعملوها نسمع كلام الناس الكتار ونصفق للناس الشوية (طبعا شرحي اتقطع زي 13 مرة باسئلة من نوع الناس ديل منو يا مس ؟ والحاجة الدايرين يعملوها شنو يا مس ؟ ونصفق ليهم ليه ؟)
اها نحن حسة في موضوع المكيف ده حنعمل ديمقراطية يعني انا حاقسم السبورة لنصين نص للناس الدايرين يفتحو المكيف ونص تاني للدايرين يقفلوه ونشوف الاكتر منو ونعمل بكلامهم .
الجماعة صفقو وهاجو وعجبتهم اللعبة قلت ليهم خلاص نبداء اها الداير نفتح المكيف يرفع يدو فاذا بالفصل كلو يرفع يدو حتي البرداااااان داك فهمت ليك انو الجماعة قايلينها فلاحة قلت ليهم تعالو نبداء من جديد المرة دي قلت ليهم الداير نقفل المكيف يرفع يدو فاذا بالفصل مرة تانية كلو يرفع يدو اها قلت ليهم يا جماعة الحكاية كده غلط كل زول يكون عندو رأي واحد اها الداير المكيف يتفتح يرفع يدو رفع لي مجموعة عديتهم وكتبت عددهم في السبورة اها قلت ليهم الداير المكيف يتقفل يرفع يدو عديتهم وكتبت العدد (علي الرغم من وجودعدد رافع يدو في الحالتين وعلي الرغم من وجود واحدين نعسو وما شغالين بالحصة تماما) انتهت الديمقراطية بتحكيم رأي الاكتر والجماعة الخسرو حمبكو والعيون رقرقت وصفقنا ليهم وكده .
اها تاني يوم وانا شغالة الحصة اذا بواحد يرفع يدو يا ميييييس انا بردان نعمل ديمقراطية
|
|
|
|
|
|
|
العنوان |
الكاتب |
Date |
يعني شنو دومقراتية يا (Miss) | ريهان الريح الشاذلي | 12-05-06, 04:34 AM |
Re: يعني شنو دومقراتية يا (Miss) | saif massad ali | 12-05-06, 04:41 AM |
Re: يعني شنو دومقراتية يا (Miss) | ريهان الريح الشاذلي | 12-05-06, 04:50 AM |
Re: يعني شنو دومقراتية يا (Miss) | عبد المنعم سليمان | 12-05-06, 05:02 AM |
Re: يعني شنو دومقراتية يا (Miss) | Emad Abdulla | 12-05-06, 05:13 AM |
Re: يعني شنو دومقراتية يا (Miss) | ريهان الريح الشاذلي | 12-05-06, 05:24 AM |
Re: يعني شنو دومقراتية يا (Miss) | Kamal Mahjoob | 12-05-06, 05:29 AM |
Re: يعني شنو دومقراتية يا (Miss) | ريهان الريح الشاذلي | 12-05-06, 05:54 AM |
Re: يعني شنو دومقراتية يا (Miss) | عبد المنعم سليمان | 12-05-06, 06:09 AM |
Re: يعني شنو دومقراتية يا (Miss) | ريهان الريح الشاذلي | 12-05-06, 06:40 AM |
Re: يعني شنو دومقراتية يا (Miss) | أحمد الشايقي | 12-05-06, 09:04 AM |
Re: يعني شنو دومقراتية يا (Miss) | ريهان الريح الشاذلي | 12-06-06, 02:46 AM |
Re: يعني شنو دومقراتية يا (Miss) | Yassir Tayfour | 12-06-06, 03:40 AM |
Re: يعني شنو دومقراتية يا (Miss) | ريهان الريح الشاذلي | 12-06-06, 04:04 AM |
Re: يعني شنو دومقراتية يا (Miss) | أحمد الشايقي | 12-06-06, 12:25 PM |
Re: يعني شنو دومقراتية يا (Miss) | عبدالعظيم عثمان | 12-06-06, 03:07 PM |
Re: يعني شنو دومقراتية يا (Miss) | ريهان الريح الشاذلي | 12-07-06, 04:00 AM |
Re: يعني شنو دومقراتية يا (Miss) | عبدالكريم الامين احمد | 12-07-06, 04:13 AM |
Re: يعني شنو دومقراتية يا (Miss) | gamal elsadig | 12-07-06, 04:30 AM |
Re: يعني شنو دومقراتية يا (Miss) | أحمد الشايقي | 12-07-06, 05:02 AM |
Re: يعني شنو دومقراتية يا (Miss) | ريهان الريح الشاذلي | 12-07-06, 05:51 AM |
Re: يعني شنو دومقراتية يا (Miss) | ريهان الريح الشاذلي | 12-07-06, 06:26 AM |
Re: يعني شنو دومقراتية يا (Miss) | ريهان الريح الشاذلي | 12-07-06, 06:47 AM |
|
|
|