مرادمـات شعريه 2 ,,, إلـي مــورتا

(عدل بواسطة حسبو عكاشة on 03-27-2011, 01:55 PM)

Quote: ورغم كل هذا إنتظروي الرد الشافي والوافي قريبا

Quote: مهما طال ليل الحزن لابد من يشرق صباح مورتا أصبح حوت كبير مورتا يحلم بي شباك حواتي قايم في الدغش يجدع الشبكة ويصنقر في انتظار فوجي وترنتي وناس مجيد ومصة جاهم بالعيال واتلمو زي كل الضباع يلهطوا السمك الجديد التاج يكورك يا بشر طلعتو زيتنا من الصباح وعوضية تنده يا كريم يا الله لزمنا الصبر وشعيب طفش خلي البلد ومورتا مارق للحصار الليلة ياموت ياحياة الليلة جيناكم عديل زي كل يوم جايين وميعادنا السمك وروني بس مطعم جديد والحلة مرقت من طرف يامورتا روق سيب التهور والغضب النيل ده ماحقك براك والسمك حق للجميع ومورتا حالف باليمين كان رجعوا السمك البحر وعوضية غيرت النشاط والتاج شرب دمع العيون وشعيب رحل ساب البلد مورتا حالف بالطلاق مورتا حالف بي شبابو بي حبيبتو الـ في خيالو وبي شرف ثورات بلادو انو ما يخلي السمك صيرا صيرا وبلطي بلطي ومورتا حالف ينتصر (--) يا مورتا لو تسمح سؤال ليه الجهود منصبة يوت في التاج وعوضية وشعيب ؟ في قندهار ناصب كمين في دودي سلوتيرفي لزيز يا مورتا أبقي كما البشر وورينا ايه سر السمك ؟ يا مورتا حيرت السمك يامورتا عذبت البشر يامورتا جوعت البطون البلطي هاجر للمحيط والصير مرق كايس الخليج يامورتا أحذر وانتبه شعبك خلاص قرر يقيف مهما الصحون صابا الوهن باكر بنملاها البطون سيد السمك يصبح امير التاج و عوضيه و شعيب و الناس تنوم ملء الجفون تدشي صير تتعشي بلطي القراقير تبقي شوربة والسمايات بالعجل حق الطهور ببقي البياض هامور مدنكل في الغداء والبوش نفارقو نودعو طعمية يا كلك هلاك طعمية جبتلينا الأذي ويبقي السمك في كل بيت زنقة زنقة وكل دار لا قراريص لا عصايد لا دخن (---) يبقي السمك هو المرحلة وتبقي الشوارع صاج كبير المشوي والمقلي النضيف والعصائر عين سمك والشعب لازم ينتصر الشعب لازم ينتصر ويرجع البلطي النضيف معاهو صيرنا الفي الخليج والدنيا تصبح حوض كبير وعوضية ترجع للشغل وشعيب يقرر عودتو ويبقي الوطن صاج السرور ونصحية يا مورتا الأخو أبقي شكل في الأكل وانسي انك حوت كبير وأبقي جرب في الخضار هل حصل ضُقت العدس ؟ هل حصل جربت فول؟ السلطة يا صحن السرور ضوق الكوارع بالعدس وابقي فكر في الجماهير الجياع يوماتي راحل قندهار الكتمة عن عمك شعيب الوهمة عند التاج هناك سلوتير ودودي كمان لزيز ؟ (----) يامورتا فكر في خضر في حسبو والناس البساط يوماتي لايكين الصبر أكل السمك ده حلم كبير لا بعرفوا دودي ولا لزيز يا مورتا فكر مرتين وقبال تقرر استخير يعني ايه لو عدي يوم وإنت ما حاضن السمك ؟ يا مورتا سيب الاندهاش وأمرق من الوهم الكبير الطماطم هو الأساس والصحة كلها في الخدار خليك نباتي كما يجب والكرشة لابد تختفي والصحة ترجع زي زمان تصبح رشيق وقوام سمح ويعاود الجكس الحنين وتبقي تحلم بي وطن عادي ومريح فيهو السمك جمب العدس فيهو الرغيف صحي وكبير والنيل يزغرد بي رجوع البلطي والصير القديم 21-3-2011 السوق المركزي

Quote: خليك نباتي كما يجب والكرشة لابد تختفي

Quote: مورتا يا فرده ادينا يومين تلاته نبتهج بالردمه دي و تعال واصل بعد داك و خليك ودود و ارخي الابنصات حبتين

Quote: عندكم أسبوع إتجدعو وحنرد ليكم من داخل محل التاج والبلطي يحاصرنا من كل صوب

Quote: خليك نباتي كما يجب والكرشة لابد تختفي قلنا الكلام ده من زماااان لكن كلام الطويل مابتسمع

Quote: لعناية جهاز الأمن السوداني .. القصيدة لا تخلو من شفرة دافنشي من أجل التنسيق لمواعيد الأعمال التخريبية القادمة في البلاد!!

Quote: والله انت اغرب من صلاح غريبة زاتو بعد الكلام ده كلو عندك نفس تاكل بلطي

Quote: والله ياااخ اي لايييك ويا حسبو بالله واصل في المرمات دي او اي كان اسمها وصحبي مورتا ده نجضتو نجاض قبورة ياااخ وسنتابع

Quote: الحمد لله إنكم إنتقلتم من مرحلة الشايات فى شارع 15 لمرحلة ضرب أسماك النيل ,,

Quote: تسمع تششششششششش صوت الصاج.. ___ رشوا البرجوازي مورتا حتى يعود لنبض الشعب ؛)

Quote: طيفور، كيكي، أيمن الطيب حددو مواقفكم القصه دي ردم عشان الواحد ما يردم ليهو زول بالغلط

Quote: يابرجوازي أرعوي وعدْ لنبض الشعب؛ وأعلّم أن الأسماك التي تفتك بها صبحاً وعشيةً تسبِّح لله كما ينبقي، كالطير صافت، شفت كيف؟

Quote: السمك ما بشبهك السمك كائن لطيف أكلو إسمو المزمزه محتاج كمان زولا حريف وبنخاف عليك البشتنة

Quote: مؤفن,,

Quote: خسرنا الجوله و لم نخسر المعركه