فليكن 21 مارس أول أيام التغيير-نحو وطنٍ يسع الجميع

Quote: نافع:المعارضة الإسفيرية.... خائبة ولا رجاء فيها

Quote: السلام عليكم وصلت اخيرا الي السودان بعد غياب 9 اعوام عن البلد جيت والان انا في قلب امدرمان جيت وكلي امل في التغيير وحكون اول زول يطلع الشارع بعد ان اصلي الصبح والله اكبر علي الخونه حضرت احدي خالتي لحمد السلامه لي وقالت لي الجابك شنو ما قلتا ما جائي الا يتغير النظام قلتا ليها جيت عشان انا واخواني الفي الفيس والراكوبه ومعا لاسقاط الحكومه وكل القروبات العنكبوتيه نشارك ونغير والبدايه بكره انشاء الله لي الاسف قالت لي كلام كتير وانو دي جعجعت شفع ساكت ومافي زول بيطلع معاك صدقني عيش اجازتك وارجع لي اغترابك قلتا ليها لا نحنا بكره جاهزين ومستعدين لي الموت كفايه كفايه فيا اخواني استحلفكم بي الله العزيز ان هبو هبو لاسقاط الظلم استحلفكم بي اولادكم ونسائكم وبناتكم واخواتكم ان تنقزو البلد من النصابين والحراميه عشان اولادنا يعيشو صاح يتعلمو صاح ياكلو صاح يتعالجو صاح دايرين نثبت لي العالم اجمع انو نحنا احسن شعب مش اجبن شعب دايرين نثبت لي اولادنا انو نحنا ما ########ين وما فرطنا في حقنا ابوك يا حلا ما ######## والشعب السوداني ما ######## يا حلا وشوفي بكره حيحصل شنو الي النصر الي النصر الي النصر

Quote: بيان من حركــة التغييــر الآن الجمعة, 04 آذار/مارس 2011 06:07 التغييــر الآن جماهير شعبنا على امتداد القطر السوداني العظيم نحن شباب و شابات السودان، الذين خرجنا لنطالب بمستقبل افضل لنا و لبلادنا نعلن ان نضالنا ضد حكومة البطش الانقاذي لا زال مستمراً، و قد انتظمت في الفترة السابقة مجموعات من الشابات و الشباب الناشطين من اجل صناعة التغيير في بلادنا و التأم شملهم في لجان التغيير بمختلف مناطق نشاطهم و التي اتفقت جميعاً على شعار التغيير الان في السودان كراية و شعار مبدئي من ضمن المبادئ الاساسية المتفق عليها: نحن شباب و شابات السودان نرى ان هذا الوطن يعاني من التشرزم و الانقسام و يعاني فيه مواطنوه الأمرين من ضيق العيش و بؤس المعيشة و تعاني فيه قومياته من التهميش و العنصرية الفجة و الجرائم البشعة بسبب هذا النظام الأمني القابضة على سدة السلطة في البلاد، و نرى أن ذهاب هذا النظام الذي وصلت ازمته الي منتهاها و اصبح من غير الممكن التعايش معه او المعيشة في ظل وجوده بل أن تغييره و الاطاحة به الان اصبح واجباً مقدماً على ما عداه و سيستمر هذا الهدف عنواناً اساسياً لمسيرتنا حتى تحقيقه. نحن شباب و شابات السودان نطالب بايجاد حل عادل و جذري لمشاكل القوميات و الهامش في السودان، و محاسبة و محاكمة كل مرتكبي الجرائم ضد الانسانية في حق شعبنا في دارفور و في مناطق الشرق و النوبة و نطالب بالتوقف عن نهج التعامل العنصري البغيض مع قوميات السودان المختلفة و منحها حقوقها في التنمية المتوازنة و السلم الاجتماعي و المساواة مع مناطق المركز في الحقوق و الواجبات. نحن شباب و شابات السودان ندين منهج عصابة الفساد الحاكمة في استمرارها في سرقة قوت شعبنا و متطلبات حياته الاساسية، باستمرار ارتفاع الاسعار و الغلاء غير المبرر الذي لا يؤدي الي غير زيادة ارباحهم الشخصية و دون أي مبررات اقتصادية حقيقية، و ندين استمرار سرقة موارد البلاد من نفط و ذهب و معادن مختلفة الي جيوب المتنفذين في الحكومة و حزبها الفاسد مع تدمير ثروات البلاد الزراعية بتفكيكها و بيع اصولها الي الجهات الخارجية سعياً وراء الربح السريع في الارصدة البنكية لهولاء الفاسدين و نعيد المطالبة بضرورة محاكمة طغمة المفسدين و استرداد أموال شعبنا و حقوقه المنهوبة. نحن شباب و شابات السودان نرفض استمرار العبث بمستقبل الشباب السوداني و تركه نهباً للضياع بتزايد معدلات البطالة و احتكار فرص التوظيف لاصحاب الولاء قبل الخبرة و اولي القربى من عصبة المتنفذين في الحكم و المتنعمين في فساده، و نعتبر هذه جريمة في حق مستقبل الوطن و مستقبل اجياله. نحن شباب و شابات السودان ندين التعامل الوحشي و غير الاخلاقي و الذي يفتقر لابسط ابجديات الانسانية من قبل اجهزة أمن النظام مع شباب السودان و ناشطييه الاجتماعيين و نعيد التأكيد على أننا ماضون في طريقنا لصناعة التغيير و لن يرهبنا عنه قمع متوحش او بربرية هوجاء او وعيد أعمى من قبل الطغمة الحاكمة. نحن شباب و شابات السودان لا نتعامى عن سوال البديل بل نطرحه و نطرح رؤيتنا في الاجابة عليه ملخصة في خلق مجتمع مدني ديموقراطي يحكم فيه الشعب عملية التداول السلمي للسلطة و يقرر من يأتي على سدتها و يمارس رقابته الشعبية عليه من خلال صناديق الاقتراع و مجالس التمثيل النيابي و يبقى الوطن بعد ذلك في حدقات العيون. نحن شباب و شابات السودان نحيئ ثورات الشعوب في الوسط الاقليمي المحيط بنا التي تثبت أن زحف الجماهير نحو الحرية لا يوقفه مستبد غاصب و لا طاغية متكبر و نؤكد مشاركتنا في مسيرة الثلاثاء 8 مارس التي دعت لها قوي الاجماع الوطني و ندعو جماهير شعبنا لاستمرار زحفها المقدس نحو التحرر من ربق هذا النظام. و يبقى الوطن في حدقات العيون حركــة التغييــر الآن 4 مارس 2011م