|
|
 Re: مواقف "تزهَج" فى بلاط صاحبة الجلالة!!!!! (Re: lana mahdi)
|
الزميلة العزيزة لنا
تحية ومودة
لكن المؤسسات الاعلامية فى وقت ما كانت كلها بيد النظام 00 خاصة فىبداية عهد الانقاذ وبعد اجهاض الديمقراطية كان هناك جيش من الصحفيين والاعلاميين لم يجدوا امامهم سوى صحيفى الانقاذ الوطنى والسودان الحديث اضافة للاذاعة والتلفزيون ووكالة السودان للانباء 00 هل فى مقدورهم ترك العمل والجلوس فى بيوتهم لان سياسة النظام لا تتيح لهم العمل بالمهنية المطلوبة ؟ ومن اين يعتاشون ؟ من الصعب على الصحفى العمل فى غير مهنتة لان العلاقة معها علاقة محبة وعشق قبل ان تكون علاقة وظيفة 00 وهل المؤسسات الاعلامية ملك للدولة ام للنظام حتى وان جيرت لمصلحة سياساتة 00 وتجربة صديقنا ودعكر شاهد على صحفيين عملوا تحت مظلة الانقاذ ولم يتبنوا شعاراتهابالضرورة 00
صرت موسى زمانى00 بعد ما صار بعضى كلى)
ابن الفارض
مع خالص مودتى
عادل السعيد
| |
 
|
|
|
|
|
|
|
|
Re: مواقف "تزهَج" فى بلاط صاحبة الجلالة!!!!! (Re: adel alsaed)
|
اخي الحبيب عادل
ربما كانت نظرتي مغرقة فى الطوباوية و من الصعوبة بكان تثبيتها واقعياً خاصة مع المعايش بالسودان و كون الصحفى لا يمكن له ان يمتهن غير مهنته كما تفضلت بالاشارة
ولكنى بنيت رايي على نقطة محددة و هى ان الصحافة ليست كغيرها من المهن،والصحفيون العاملون فى جرائد تخص النظام حتى لو لم يتبنوا الخط المعلن للجريدة فهم حتماً لن يستطيعوا قول رؤاهم بحرية و من هنا أشرت لقصة خنق المهنية.
محيتى
| |
|
|
|
|
|
|
|
|
 حصل لى اليوم..قبل ساعة بس!!!!!!!!!!!! (Re: lana mahdi)
|
*الو
//مرحب
*ممكن اكلم لنا
//معاك لنا
*لو سمحتى يا استاذة ايميلك عشان ارسل ليك دعوة حضور فعالية
//جداً "ايميلي كذا كذا ....."
*ومالو ايميلك طويل كدة؟؟ما كان ممكن تعمليهو قصير شوية؟؟
//آدى الله و آدي حكمتو!!
*اللخت سودانية
//نعم ..سودانية
*مرحب يا بت العم
//مرحبتين حبابك
(بعد مرور ربع ساعة)
*الو
//نعم
*وصلك الايميل منى؟؟
//ابدا ما وصل لسة
*مش ياهو "كذا كذا كذا....ماهادى؟؟
//لا مهدي فيها a واحدة
*سبحان الله ما كلمتيني
//مليتك ليهو بس تكون ما انتبهتا
*طيب ح ارسلو ليكي تانى
//مشكووووووور
(وبعد مرور خمسة دقائق أخرى)
*الو لنا؟؟
//نعم معاك
*أها وصلك؟؟
//أبببببددددن
*كيف يعنى ما وصلك؟؟
//ما عندي فكرة
*مش ياهو "كذا كذا كذا آت كذا كذا؟؟"
//نسيت تخت دوت كوم
*دى ما مهمة ..ممكن يصل ساكت
//لا مهمة لانو في دوت كوم و دوت اورج و دوت ae الخ
*ما مغنع كلامك دة..لاكين بحاولو
//مشكوووووووووووووووووووووووووووووور
(((((ووصل الايميل أخيراً..بعد روحي مرقت مباشرة!!))))))
| |
|
|
|
|
|
|
|
|
|
عادل فضل المولى اطنان اسف و اعتذار لك (Re: lana mahdi)
|
| Quote: تستاهلي انت الموديك شنو ؟ |
عادل فضل المولى اطنان اسف و اعتذار لك
اخي الحبيب عادل
يا للغفلة منى!!
برغم ان مداخلتك كانت من اوائل المداخلات فاننى اكتشفت الان فقط اننى لم ارد عليها
ويشهد الله انها غفلة منى برغم اننى احرص كل الحرص على تتبع من يردون لى و يداخلون فى بوستاتى و هم ضيوف اعزاء و اخوة احباب اعتز بهم و آنس بوجودهم
تقبل اطنان من اسفي
| |
|
|
|
|
|
|
| |
adel alsaed
lana mahdi
فيس بوك
تويتر
انستقرام
يوتيوب
بنتيريست